رواية صراع عائلي الجزء (2) الفصل الثالث 3 - بقلم رنا سليمان

   رواية صراع عائلي كاملة بقلم رنا سليمان عبر مدونة دليل الروايات 

 رواية صراع عائلي الجزء (2) الفصل الثالث 3

  

سيف:انا قتلت فايز ابن عمكم يا زياد وانا مُعترف ب دا…….ولو انتو فاكرين انكم كده بتهددوني تبقوا غلطانين لان انا مبتهددتش…….انا خبيت عن البنات علشان كنت خايف علي زعلهم لانهم بيحبوا فايز…….حتي لو باين عليهم عكس كده بس الحقيقة انهم بيحبوكم كلكم وبيخافوا عليكم…….ولو كنت قولت لحد فيهم اني ضربت فايز بالنار وانا بدافع عن نفسي منه ساعتها كانوا هيزعلوا عليه جامد……..علشان كده انا خبيت عليهم……..بس انا ممكن اقولهم في اي وقت و ساعتها مش هبقي خايف من تهديدكم دا

كريم:افهم من كلامك انك مش خايف من رد فعل علياء او انها تسيبك بسبب انك قتلت ابن عمها

سيف:واخاف من اية………انا واثق كويس ان علياء ونور وفاطمة هيسامحوني لاني معملتش كده بمزاجي انا كنت بدافع عن نفسي لان ابن عمكم حاول انه يقتلني ودا كان رد فعل طبيعي علي اللي عمله دا……….وبعدين انا مش فاهم انا قاعد بتكلم معاكم ليه وازاي ماخدتكم للقسم ورجعتكم مكانكم الطبيعي

حازم:لا ما انت مش هتلحق تعمل كده يا سيف بيه

سيف:هو اية دا اللي مش هلحق يا حازم……..اية هتقتلوني زي ما قتلتوا رحمة وجدكم وغيرهم ……..مش جديدة عليكم

قبل ما يكمل كلامه كانت رصاصة خرجت من المسدس اللي كان في ايد كريم وصلت ل قلب سيف……..وقع علي الارض…….قرب منه بسرعة

حاتم:اية اللي انت عملته دا يا كريم…….هو احنا ناقصين مصايب فوق مصايبنا……..قتلته ليه

حازم:اومال كنت عايزنا نعمل اية يعني يا حاتم………كان هيرجعنا السجن وهنرجع نتبهدل من تاني………اللي قتل مرة يقتل الف مرة يا حاتم……..العقوبة واحدة في الاخر

حازم:مش وقته الكلام دا……..احنا لازم نهرب من هنا بسرعه……..بعدين ابقوا اتكلموا في اللي انتو عايزينه

قرب منه اخدت تلفونه ومحفظته من جيبه……..خرجوا بسرعة وقفلوا الباب وراهم………فضل مرمي علي الارض والدم مغرق الارض

قاعدين قدامها……..باصين عليها وهي قاعدة وباصه في الارض ومربعة ايديها………بدات تكلمها بعتاب وهي بتطبطب عليها

عايدة:كدة بردو يا نور……..كل دا يحصل معاكي ومتفكريش حتي انك تيجي وتقوللنا اللي مدايقك

اتكلمت وهي لسه باصة في الارض ومربعة ايديها وبتحاول تمنع دموعها انها تنزل

نور:هو حضرتك نسيتي لما امي ماتت وجيت لحد عندكم عملتوا معايا اية؟!………لما جيت وانا نفسي اترمي في حضنكم و اعيط علي امي اللي راحت وسابتني لوحدي واخواتي اللي مش عايزين يكلموني علشان مش عايزه اسيب جدو اللي ملهوش غيري لوحده……..ساعتها طردتوني وقولتوا انكم مش عايزين تعرفوني تاني طالما اختارت اني اكون مع جدو واعيش معاه……..دا انتو حتي مجاش في بالك انكم تتصلوا وتسألو عليا مرة واحدة من يوم اللي حصل………انا مكنتش عايزه غير اني احس بحنانك عليا وطبطبت عليا زي ما ماما كانت بتعمل بس لا………انتو كنتو قاسيين عليا اوي في اكتر وقت كنت محتاجاكم فيه…….سؤالكم عليا دلوقتي دا مبقاش ينفع خالص………انا دلوقتي اقدر اواجه كل حاجة لوحدي من غير ما حد منكم او حتي غيركم يساعدني………انا كل حاجة وحشة عديت بيها كنت لوحدي……..واللي جاي كمان اقدر اعديه لوحدي من غير مساعدتكم

حسين:نور احنا عارفين اننا قصرنا معاكي وكنا وحشين معاكي اوي………بس انتي حته مننا يا نور انتي واخواتك……….انتو احفادي اللي لازم اكون جمبهم………انا عارف ان كلامي دا متأخر واننا قصرنا معاكم من يوم موت حورية بنتي بس احنا فيها يا نور……..اللي اتكسر يتصلح………تعالي نبدا صفحة جديدة وننسي اللي فات واوعدك اني هعوضك انتي واختك عن كل حاجة

نور:نبدا صفحه جديدة!………مش شايف ان الكلام دا متأخر اوي يا جدو………هو انت فاكر اني ممكن ادخلكم حياتي من تاني واديكم فرصة تانية……….انا يوم موت امي الله يرحمها اعتبرت اني عيلتي كلها ماتت ومبقاش ليه غير جدو الله يرحمه………انتو اللي اختارتوا دا من الاول يا جدي……….وانا دلوقتي اللي مبقتش عايزاكم في حياتي……..عن اذنكم………انا تعبانة ومحتاجة اني ارتاح

سابتهم وطلعت علي اوضتها………قربت منهم ب احراج……….بدات تتكلم وهي باصة عليهم بقلة حيلة

داليدا:معلش يا تيتة………والله نور مش في وعياها علي اللي هي قالته……..هي من ساعة موت دادة ورحمة وهي اعصابها متوترة هي اكيد متقصدش اللي قالته دا……….هي اكيد هتفوق وتفهم ان اللي قالته دا غلط والله يا جدو

حسين:سبيها يا داليدا………اختك عندها حق في كل اللي قالته…….واحنا لازم نخليها تسامحنا علي اللي عملناه ب اي طريقة……….ان شاء الله اختك هتسامحنا وتفهم احنا عملنا كده ليه

علياء:انا هطلع احضرلكم اوضة تناموا فيها علشان ترتاحوا

عايده:لا يا بنتي مفيش لزوم……….احنا هنحجز اوضه في فندق وبكرة الصبح هنرجع اسكندرية

داليدا:اية اللي حضرتك بتقوليه دا يا تيتة……..مفيش طبعا الكلام دا انتو هتقعدوا معانا هنا لحد ما ترجعوا اسكندرية

حسين:يا حبيبتي مفيش داعي صدقيني

تلفونه رن………بص فيه وقفل التلفون وحطه في جيبه

داليدا:رد يا جدو…….ممكن تكون حاجة مهمه ولا حاجة

حسين:ها……..لا ابدا لا حاجة مهمة ولا حاجة……..دا……..دا الواد ماجد ابن خالك تلاقيه بيتصل يسأل عني ولا حاجة………يلا بقي يا حجة علشان منتاخرش علي مشوارنا

داليدا:طيب حتي استنوا لما جمال يرجع علشان يوصلكم

عايده:يا حبيبتي مفيش داعي لكل دا……..احنا العربية مستنيانا برا وهتوصلنا للمكان اللي احنا عايزينه……..متقلقيش انتي يا حبيبتي……..خلي بالك علي نفسك ولا اخواتك ……..وانتو يا بنات خلوا بالكم من بعض واحنا هنيجي نزوركم تاني

فاطمه :تنورا في اي وقت يا تيتة…….احنا هنستناكم

حسين:يلا بقي يا حجة علشان منتاخرش…….سلام عليكم

داليدا:وعليكم السلام يا حبيبي

وصلوهم للباب ورجعوا قعدوا علي السفره

دخلت اوضتها وقفلت الباب وراها ………مسحت دموعها اللي نزلت غصب عنها……..اتنهدت وفتحت تلفونها……..بدات تكتب رسالة وهي قاعدة علي السرير

بعت الرسالة……….ألباب اتفتح…….دخل وهو مبتسم

حازم:مساء الخير يا حبيبتي

نور:مساء النور يا حبيبي………كنت فين كل دا……..قلقتني عليك

باس ايديها وراسها وبدا يتكلم وهو ماسك ايديها

حازم:معلش يا حبيبتي بس انا كان عندي شغل كتير ونسيت خالص اكلمك طول اليوم

نور:ولا يهمك يا حبيبي……..ربنا يقويك يا رب

حازم:يا رب يا حبيبتي

نور:حازم…….انا……..انا

حازم:انتي اية يا نور………في حاجة ولا اية

نور:بصراحة يا حازم انا

سكتت وبصيت بصدمة واستغراب علي قميصه وشاورت عليه

نور:اية الدم اللي علي قميصك دا يا حازم

بص بصدمه علي قميصه اللي كان عليه دم ومكنش عارف يقول اية وكان خايف يتكشف قدامها

• يتبع الفصل التالي اضغط على ( رواية صراع عائلي ) اسم الرواية