رواية خادمة الصقر كاملة بقلم يوستينا سامي عبر مدونة دليل الروايات
رواية خادمة الصقر الجزء (2) الفصل الواحد و الخمسون 51
وفجاه وهما قاعدين سمعوا صوت حد بينادي من البلكونة باسم كارمن و دخلوا كلهم بلكونة اوضة صقر وبصه واتصدموا من اللي شافوه
شافوا عز واقف تحت في الجنينة و هدومه كاجول ماسك في ايده بوكيه ورد الوانه غريبة و خالد واقف جمبه
ادهم بصدمة / اي ده … هو ايه اللي بيحصل ده
بت يا كارمن انتي عارفة انه هيعمل كدة
كارمن كانت واقفة بتبص بزهول و مبتسمة اوي و بدات تدمع و حطت ايديها علي بقها بقلق و سمعت عز
وهو بيقولها / لا والنبي ما تعيطي بقي كارمن انا بحبك والله بحبك اوي و مش قادر ابعد انا حاولت بس فشلت
كارمن بصوت عالي و دموعها علي خدها / و ليه حاولت اساسا. علفكره بقي انا مش هرجعلك ابداااا
عز بوجع / لا هترجعيلي .. لاني مقدرش اعيش منغيرك متستهبليش يا كارمن.. انا بحبك و طلبت ايدك من خالد و هو وافق .. مش كدة
خالد كان واقف جمبه مبتسم / اه الصراحة وافقت ..
ادهم / طب ايه يا جماعة هو احنا هنفضل نتكلم من البلكونة كدة تعالي ننزل الجنينة .. يلااا
و خرجت من البلكونة لقت صقر قاعد على السرير وهو مبتسم و من ملامحه باين انه عارف
كارمن قربت و حضنته بقلق / انت كنت عارف ياصقر
صقر / اممم …و هو بيحبك يا كارمن اقعدي معاه يا بنتي و اسمعيه صدقيني هو يستاهل فرصة تانية
كارمن باست صقر من خده و نزلت جري علي الجنينة و اول ما شافت خالد جريت عليه حضنته جامد و خالد شاله و كان مبسوط اوي لفرحتها دي و حسن انه اتصرف صح 🔥🔥
كارمن بفرحة./ بابا .
خالد و هو واخدها في حضنه/ يا عيون بابا .. ايه عايزة تسمعي رأي
كارمن/ اممم اوووي … انت عارف هو عمل معايا ايه.
خالد / اه عارف و لو ركزتي في وشه هتعرفي برضو ابوكي عمل فيه ايه … هو اه غبي بس معزور
كارمن بصدمة بصت لابوها / انت اللي بتقول كده
و بعدين معزور ليه بقي
خالد ابتسم و باس راسها و قالها / هو اللي هيقولك بنفسه
يا كارمن ..و ليكي مطلق الحرية بعدها توافقي عليه ولا لاء
واد يا عز تعالي هنا قرب .. انت هتاخدها و تروحوا تقعدوا في اي مطعم و تتكلموا مع بعض و لو رجعتها بنفسك لحد البيت يبقي سامحتك ولو مسامحتيهوش يا كارمن كلميني انا هاجي اخدك بنفسي
في اللحظه دي ادهم و فهد قربوا
ادهم بغيظ /تروح معاه فين لا طبعا ما تروحش معاه في حته غير لما يبقوا مخطوبين او مكتوب كتابهم ده العرف عندنا
خالد /لا والنبي ما انت مقضيها مع جميله ولا فاكريني مش واخد بالي يا محترم
ادهم باحراج / لا دي نكره و دي نكره تانية خالص جميلة خطيبتي و بعدين بنت عمي صح ولا ايه ما تتكلم يا فهد
فهد / ايوه وبعدين انا مش موافق ان اختي تروح مع عيل زي ده الموضوع منتهي …و لوعايزين يتكلموا يبقى يتكلموا في الجنينه و احنا هنسيبهم خالص صح يا ادهم
ادهم ضحك بخبث / ايوا طبعا طبعا
خالد بحده / جرى ايه يلا انت وهو وانتم مالكم ومالهم
انا قررت دي بنتي انا سامعين … يلا عز خد كارمن وابقوا وطمنوني
و حضن كارمن و قالها /خلي بالك من نفسك يا حبيبه ابوكي
و عز اخد كارمن و كان بيبصلهم برخامة و فهد وادهم كان بيبصوا لبعض وهما مستفزين جدا
وفهد قال بصوت عالي / اللهي ترفضك يا حقير شوفت الواد بيبصلنا ازاي
ادهم/ اه يا اخويا شفت بيكدنا اصله
فهد / اهو اللي بيبصلنا بقرف ده و خارج بفخر واخد
حته دين قلم من كارمن انما ايه علم وخد مني بوكس علم برده
ادهم بستغراب /ايه ده ليه كل ده .. هو ايه اللي حصل بينهم يا ابني
فهد /ما فيش يا سيدي ….
ولسه فهد هيكمل كلامه خالد شده من رقبته وقاله /هو انت ما يتبلش في بقك فولة ابدا ما تسكت بقى و اتلم الله
ادهم بهزار / قله ادب امال لما كناش في رمضانيا حقير …انا رايح اقعد مع حمايا و خطيبتي
وطلع ادهم يقعد مع جميله وصقر فوق اما فهد فدخل اوضته واتصدم اول ما لقى نسمه قاعده بتعيط بانهيار
________________________________________________
في كافيه جمب الفيلا ✨
كارمن كانت قاعده ساكته خالص ومش عايز تتكلم وعز كمان كان قاعد متوتر وحاسس في كل نظره من كارمن باتهام شكل وقطع الصمت دوت عز وهو بيمسك ايد اللي هو كارمن
وقالها / لعلمك بقي انا مبعتكيش …انتي الحب الحقيقي الوحيد اللي كان في حياتي يا كارمن بس غصب عني خفت
كارمن بعدت ايديها عنه و قالت / خفت من ايه يا حضره الظابط
عز فهم مغزى كلامها وقالها / والنبي انا لا ظابط ولا زفت بلاش تتكلمي معايا بالطريقه دي يا كارمن
عايزه تعرفي ان انا خفت من ايه ..خفت ابهدلك معايا ومعيشكيش في مستوى اهلك و خفت اني احبك واتجوزك وفي يوم تعايريني اني مش قادر اعيشك ..
كارمن قطعته في الكلام وهي ماسكه ايده / انت معقول فكرت في كده يا عز فكرت اني انا ممكن اسيبك او اقولك اي حاجه تضايقك
عز /بس انت قلتيها اصلا ساعه الخناقه .. اول حاجه قلتيها
كارمن/ ايوه علشان اوجعك زي ما وجعت قلبي ولا هي عادي كده انك تدخل حياتي وتملى الفراغ وتبقى اهم شخص فيها وفي الاخر تبعد بمزاجك ليه مستكتر عليا حتى اني اوجع بالكلام
عز قرب من ايديها و باسها وقالها/ لا مش مستكتر عليكي اي حاجه انتي من حقك اصلا تعملي كل اللي نفسك فيه انا اللي غبي .. كارمن انا بحبك اوي
موافقة تسامحيني و نتجوز و تبقي مراتي رسمي
كارمن / اه موافقة بس تمحي كل الافكار دي من دماغك لاني بحبك يا عز و مش عايزة حاجة من الدنيا دي غيرك . موافق
عز ضحك /موافق يلا بقى نروح الفيلا علشان نبلغ خالد بالخبر ده ..
_______________________________________________
في اوضة فهد 🤷
فهد كان واخد نسمة في حضنه و بيطبطب عليها / اهدي يا نسمة .. اهدي وفهميني ليه العياط ده كله انتي تعبانة ولا في حاجة حصلت
نسمة/ انا مش عايزة اتكلم يا فهد … انا عايزة انام بس
فهد بحده خرجها من حضنه و بدا يزعق / هو ايه اللي عايزة تنامي و خلاص انا مش فاهم .. انا بسالك مالك و ايه اللي حصل ولا كلامي مش واضح
نسمة بانهيار حطت ايديها علي وشها و بدات تعيط
جامد و بتقوله/ انا مش عارفة ايه الحظ ده . ليه جوازت انا وانت مبصوص فيها اوي كدة .. ولا يمكن كان جوازنا غلطة
فهد بحده / نعم .. انتي شايفة جوازك مني انا غلطو
يا نسمة … ليه ضربك علي ايدك ولا اجبرتك علي حاجة
ايه ما تردي عليا
نسمة مسكت تليفونها/ لا بس انا النهاردة اتبعتلي باقي الفيديو بتاعي انا و انت.. اتبعتلي الفيديو كامل وانت بتعتدي عليا يا فهد
و رمت نسمة التليفون علي الارض و قعدت علي السرير بتعب و فهد مسك التليفون بسرعة و اتصدم من اللي شافه و بص بشفقة علي نسمة انها رجعت شافت كل الي حصل ده تاني و كان الايام بتعيد نفسها
فهد قعد علي الكرسي بعيد عن نسمة و سند راسه بتعب و قال / مش مكتوبلنا الراحة ابدا .. يا ترا مين اللي بيلعب معانا المره دي اذا كان اسامة محبوس
________________________________________________
في جنينة الفيلا 🎁
خالد كان قاعد متوتر وعمال يبص في ساعه نفسه يطمن على كارمن ويعرف ايه قرارها نغم قربت منه وهي بتضحك / على فكره هتسامحه اسمع مني دي بنتي هبله وبتمشي ورا قلبها عامله زي امها
خالد بصلنا بصدمه / ايه ده يعني انت كنت هبله لما حبيتيني يا نغم
نغم / ايوه طبعا انت كمان بتسال يا ابني ده كان ذنب وانا كنت بكفر عنه
خالد / طب خشي جوه بدل ما البسك طبق الفشار ده في وشك …غوري يا نغم هو انت خارجه عشان تحرق دمي
نغم ضحكت / لا والله ابدا انا داخله اهزر معاك وبعدين انت اصلا ما قلتليش هتفسحنا فين في العيد ده
خالد بستغراب / هو البعيده ما عندهاش دم نتفسح فين
ما انت شايفه صقر اهو الدكتور منعه من الحركه ومن اي انفعال فشكل العيد ده هنقضيه في الفيلا مع بعض
نغم حطت ايديها علي كتف خالد / وايه المشكله انا انا طالما معاك في اي مكان يبقى ده عيد
خالد استغرب الجمله وقالها / اه كده انت بتثبتيني يبقى عايزه مني حاجه خير يا نغم قولي
نغم ضحكت / لا والله مش عايزه حاجه ليا .. عايزه بس طالما احنا مش هينفع نسافر نغير جو خلي العيال يسافروا مع بعض اهو يتبسطوا شويه وعساف او كريم يسافروا معاهم عشان ما يبقوش لوحدهم
خالد بضحك / عيال ايه بس يا نغم .. اللي انت بتتكلمي عنهم دول رجاله كبار عندك مثلا فهد ابنك ده راجل ومتجوز مراته حامل كمان يعني انا ما ليش حكم عليه ويزن وميرا برضو .. يعني يسافروا براحتهم
نغم / لا ما انا اكيد ما اقصدش دول انا اقصد على ادهم وجميله ..معاذ وسيلين .. كارمن وعز كدة يسافروا يغيروا
و همس و عساف يسافروا معاهم
خالد بغيره / لا طبعا كارمن ما تسافرش معاه غير لما يكون بينهم حاجة رسمي .. انتي اتهبلتي يا نغم
نغم خبطته في دراعه / خلاص ما تبقاش عصبي قوي كده الاب اللي بيغير على بنته يا ساتر وبعدين تعالى هنا انت عرفت ازاي ان هما اصلا متخانقين انا فهد قالي انه
ما قالكش حاجه
خالد بتركيز / مش معنى ان الفتره اللي فاتت كنت مشغول مع صقر ..اني مش هاخد بالي من بنتي
كارمن دي بفهمها من وهي عندها سنتين بمجرد ببص في عينيها
و بعدين نظراتهم لبعض كانت باينة اوي ساعة لما كنا بنحضر الاكل .. فرحت له القسم واتكلمت معايا والغبي كان فاكر
اني عارف وقالي كل حاجه
نغم بحماس / وانت عملت ايه لما عرفت يا خالد
خالد / بصراحة الدم فار في نفوخي وقمت ضربته وقلت خساره فيه بس اتكلمت مع عساف و هداني شوية وبعد كده فكرت ان هو عنده حق ومعذور
نغم/ طب تعرف بقي ان برغم ان قلب امها كانت مكسورة اوي الفتره اللي فاتت الا ان الواد عز كبر في نظري قوي لما عمل كده اصله راجل بجد و خاف احسن مراته تعايره
خالد / وانا فكرت كدة برضوو … بس في الاخر القرار لكارمن و بلاش تضغطي عليها يا نغم انتي سامعة
نغم بخبث / افضل انت كدة ظالمني يا خالد .. طب ده انا
ام مثالية
خالد ضحك جامد و حضن نغم / لا في دي انا واثق منها بجد … اي ده عربية عز وصلت اهي شكلهم اتراضوا
و خرجت كارمن من العربية و هي مبسوطة و قربت من خالد و هي فرحانة اوي و قالته/ عز عازمني بكره عندهم علشان اتعرف علي مامته .. ينفع
خالد ضحك و حضنها و باس راسها / ينفع يا قلب ابوكي
يا غالية
و طلعت كارمن أوضتها بفرحة و كانت مبسوطة اوي و لارا وقتها كانت متابعة كل اللي بيحصل من بعيد و متحسره اوي علي حالها و كان نفسها ان عاصي يعمل كدة برضو ووقتها كانت هتسامحه
________________________________________________
يومها بليل في الجنينة 🌹
ادهم كان قاعد علي الارض جمب الاسطبل و جميلة كانت نايمة علي رجله و سرحانة و بتتكلم معاه
جميلة / بس وأول ولد هخلفه هسميه جاسر . اي رايك
ادهم ابتسم / ايه بتراضيني يعني
جميلة / لا والله خالص .. انت عارف اني كنت بحب عمو جاسر اوي الله يرحمه
ادهم / الله يرحمه . جميلة تفتكري ابويا سامحني ولا لاء
جميلة قامت و قعدت قدامه و بصتله بصدمة / سامحك علي ايه يا ادهم.. انت كنت طول الوقت بتقول انك السبب و انك مش مسامح نفسك . انت قصدك ايه بالكلام ده
ادهم بوجع / جاسر مات بسببي يا جميلة ….
تيجوا نفهم القصة ..🔥
اللي حصل كالاتي ….ان جاسر كان طول الوقت مهتم بشغله علشان هو اللي كان ماسك اداره الشركات الجديدة وده طبعا لانشغال خالد في سلسله المطاعم بتاعته وعساف في شغله ووقتها كريم كان مشغول في الشركه المقر الرئيسي ..فغصب عنه ما كانش متواجد كثير مع عزه وده كان بيضايقها جداوبيضايق ادهم برده جدا لحد ما في يوم اتوفت عزة وجاسر اتكسر ضهره من بعدها هو بدل ما يلاقي ادهم يطبطب عليه كان بيلومه طول الوقت
فلاش باك يوم الوفاه 😤🤧
في يوم في بيت جاسر ..
بعد مرور حوالي شهرين علي وفاه عزة ادهم كان راجع متاخر جدا ودخل البيت وهو شبه سكران جاسر قرب عليه وشده من الجاكيت بتاعي وقاله بعصبية / ايه هتفضل على حالتك دي لحد امتى هتفضل معووج كده يا ادهم
ادهم / وانت ايه مزعلك اوي كدة .. زعلان اني مش متواجد طب ما انت كمان طول عمرك مش متواجد ولا فاكرني مش واخد بالي ان انت قعدت في البيت بس بعد ما هي ماتت
جاسر بوجع / ايه اللي انت بتقوله ده وبعدين انا عمري كنت بعيد عنك .. ما انا دايما جنبك وشدك معايا في الشغل وبعلمك ومخليك راجل ولا نسيت
ادهم بعياط / ايوه كنت واخدني في ايدك لدرجه ان انا وانت بقينا بعيد عنها ….لدرجة انها ماتت في البيت لوحدها وما حدش فينا حس بيها وانت السبب
جاسر بعد عنه و حط ايده على راسه بتعب
وقاله / بطل بقى كلامك ده ..بطلوا يا اخي انا ذنبي ايه انا كنت في شغلي وانت كنت مسافر و بعدين ده نصيبها .. بطل تقلب عليا بقى المواجع هو انت فاكر اني سهل عليا ان البني ادمه اللي حبيتها وشريكه عمري تسيبني وتمشي .. فاكر اني مبسوط ومرتاح
لو انت عشت معاها 25 سنة ..انا عشت معاها اكتر بكتير
ادهم بوجع / لا مش غصب عنك .. انا كل ما اتخيل انها يومها يمكن كانت محتاجه حد جنبها ينقذها قبل ما تموت قلبي بيتقطع عليها .. امي ماتت بسببك وانا عمري ما هسامحك
ادهم ساب جاسر ودخل الاوضه يقعد فيها لوحده وجاسر كان عذره لانه كان متقرب معاها قوي ودخل غير هدومه ونزل راح الشقه عند كريم
في البلكونه عند كريم 🌷
كريم / الواد اتجنن ولا ايه اوعى تاخد على كلامه ادهم موجوع وبيخبط حتى في اقرب الناس ليه
جاسر / انا مش زعلان منه انا زعلانه على الحاله اللي هو فيها عارف هو قبل ما يعاتبني ويلومني على موت امه وهو بيلوم نفسه وهو ما عملش حاجه وده اللي مخوفني عليه قوي يا كريم
كريم/ لا ما تخافش عليه ولا حاجه انا هتكلم معاه ويزن كمان و انت عارف كويس قوي ان ادهم كان متعلق ازاي بعزة الله يرحمها
جاسر اتوجع قوي على نفسه على ابنه وقال /عارف يا كريم عارف .. طيب انا هروح البيت اشوفه وهكلم صقر يمكن يقنعوا انه يروح يقعد معاه في الفيلا ويغير جو يلا سلام
ونزل جاسر وركب عربيته وكان طول ما هو سايق بيفتكر ايامه مع عزة وذكرياتهم هما وابنهم وكلام ادهم ليه .. وفي لحظه بعدم وعي غمض عينه جامد بيحاول ينسى كلام ادهم ليه و للاسف اتقلبت العربية 🤧
بااااااااااااااااك ✨
ادهم فاق من ذكرياته وهو بيعيط جامد وقالها /شفتي ان انا السبب لو مكنتش اتخانقت معاه يومها وحملته فوق طاقته ما كانش حصله كده و مكنتش خسرتهم هما الاتنين وبرضو انا السبب
جميله قربت من ادهم وحضنت وقالتله /لا طبعا مش انت السبب ده نصيبه وقدره وبعدين دي كانت حادثة
اسمعني يا ادهم يعني لو كنت اتخانقت مع ماما وبعد الشر حصلها حاجه هبقى انا السبب لا طبعا .. وحياتي عندك تهدى وتبطل تشيل نفسك حمل فوق حملك .. انت اللي مفروض تعمله انك تدعيلهم بالرحمه ولو حاسس ان انت سبب اطلب منه يسامحك جاسر كان بيحبك قوي صدقتي
وحضنت جميله ادهم وهو كمان بدلها الحضن دوت وما سبتوش غير وهو هادي .. وخصوصا انه فتح جرح قديم قوي
وعدى اليوم وجه العيد واحتفلوا كلهم مع بعض وفهد ما حكاش لاي حد على اي حاجه حصلت ..و معاذ كان بعد عن سيلين و مفهمش اي حد من العيلة السبب
________________________________________________
و بعد مرور حوالي اسبوع
في مطعم كان عيد ميلاد واحدة صاحبة لارا و راحت و اتفاجات بيامن موجود و قعدوا مع بعض علي تربيزة و لارا كانت وقتها لابسة فستان رقيق جدا لونه و يامن قاعد قدامها
يامن / عارفة انتي لو مكنتيش جيتي النهاردة ..انا عمري ما كنت هاجي ابدا
لارا بتهرب / ليه هو مش انت و ميادة صحاب برضو
يامن / اه بس مش لدرجة اني اجي و اقعد في مطعم و الجو ده اصلي مش بحبه خالص .. لكن اول ما عرفت انك جاية قولت لازم اجي اشوفك و بصراحة كنت هندم اوي لو مجتش
لارا / يامن هو انت بتلمح لايه بالضبط
يامن / معقول مش فاهمة .. لارا انا بحبك من اول يوم شوفتك فيه في الشركة و المصنع و نفسي اجي اتقدملك
لارا سمعت كلامه ده و فضلت ساكتة هي اه كانت حاسة بمشاعره و قالت الكلام ده لعاصي بس متخيلتش ان يامن ممكن يصارحها بالسرعة دي
يامن قاطعها من تفكيرها / ايه يا لارا … ساكتة ليه كدة هو انتي معترضة علي اي حاجة من كلامي
لارا / هاا لا ابدا يا يامن بس هو انت مش حاسس انك اتسرعت اصلك لسه متعرفنيش خالص
يامن / لارا الحب ميعرفش ميعاد .. و بعدين احنا منعرفش القدر مخبي لينا ايه
و فاجاه و هو بيتكلم لقه حد بيشده من البدلة بتاعته
وبيقوله / تصدق مش انا اول مره اشوفك بس الكلمة دي بقي عجبتني اوي .. هو فعلا محدش فينا عارف القدر مخبي ايه
يامن بصدمة و هو بيزق ايد عاصي / ايه اللي انت بتعمله ده ..انت مجنون ولا ايه و بعدين انت مين اساسا
عاصي / انت اللي مين يا حمادة .. قاعد مع خطيبتي
و بتعطف و تلطف .. ده انا هطلع عين امك يلاا
و قامت خناقة جامدة مابين يامن و عاصي و لارا مكنتش عارف تفك بينهم و اخدت شنطتها و خرجت برا المطعم بسرعة و هي بتعيط و عاصي لما شافها مشيت رمي يامن علي الارض و جري وراها و كل أصحاب يامن اتلموا حواليه علشان يطمنوا انه كويس
في شارع هادي ..
لارا ركبت العربية و طلعت بيها و عاصي ركب هو كمان عربيته و طلع وراها و كان بيحاول يكسر عليها علشان تقف
و بعد محاولات فعلا وقفت بالعربية
عاصي خرج من العربية و هو متعصب اوي و بيفتح باب لارا و هو بيزعق / رايحة فين .. اكيد عايزة تهربي ما انتي
مش هتقدري تواجهيني بعد اللي انتي عملتيه
لارا بعصبية / انا مغلطش علشان اخاف منك يا عاصي .. واوعي من طريقي انا عايزة امشي
عاصي مسكها من كتفها جامد و قالها بحده/ لا انتي مش هتمشي غير لما اخلص كلامي .. رايحة تقعدي مع راجل غريب ايه متخيلة انك ممكن تسيبيني
لارا بعصبيه زقت ايده جامد وقالتله/ اه متخيله واعمل اللي انا عايزاه ..انت مش هتتحكم فيا و يكون في علمك بالعند فيك يامن ده انا هتجوزه فاهم يعني ايه يعني هيبقي جوزي … انا اصلا محستش بالامان الا و انا في حضنه
رفعت لارا عيونها و بصت لعاصي بغل و قالتله / اه اخدني في حضنه و حسيت بحبه ليا .. حسيت بنبض قلبه في كل كلمة بيقولها بجد .. حط ايده علي شعري و …
و فاجاه و بدون سابق انذار لارا لقت قلم من عاصي علي خدها ولقته شدها من شعرها بقوة و قربها منه و اتكلم جمب ودنها بغل
عاصي بغل و عنف / انتي كدابة .. انتي عمرك ما هتكوني لحد غيري ابدا هو مقربش منك ولا لمسك كل الكلام ده كدب
مش كدة ..ردي عليااا
لارا بدات تعيط جامد و تضرب في عاصي بصدمة / انت بتمد ايديك عليا .. فوق كل اللي انت عملته فيا ده و كمان بتضربني انا بكرهك يا عاصي .. انا بجد بكرهك و مش عايزة اشوفك تاني .. ابعد عني بقي
و لارا بتجري علي العربية علشان تركبها و هي مرحلة صدمة و عياط لقت عاصي بيشدها غصب عنها و بيحضنها بتملك .. حاولت كتير انها تبعد عنه الا انه كان مسيطر عليها جامد لحد ما استسلمت و فضلت تعيط جامد بصوت عالي
لارا بارتجاف / ليه بتعمل فيا كدة .. اومال لو مكنتش حبيتك اوي حرام عليك
عاصي / اششش اهدي وحياتي عندك .. و بعدين ما انا كمان بحبك وانتي معذباني معاكي.. ما كفاية بقي يا لارا و حياتي عندك كفاية عند و تعالي نتجوز
لارا و هي في حضنه / ماشي موافقة
عاصي اول ما سمع موافقتها بعد عنها بسرعه وبصلها بصدمه وقالها / انتي قلتي ايه …انتي قلتي موافقه مش كده ..لارا انتي بتتكلمي جد صح
اقسم بالله لو كنتي بسرحي بيا لاكسر دماغك انتي و ابوكي
لارا ضحكت و حضنت عاصي / بحبك يا حيوان.. بحبك برغم كل قسوتك عليا و ايدك اللي زي المرزبة دي
عاصي باس راسها و ضمها في حضنه و هو مبسوط / حقك عليااا .. و بحبك يا بوز النكد يا ام لسان عايز قصه
ضحكت لارا و عاصي و اخدها من ايديها و راحوا الفيلا عند صقر و طلعوا اوضة صقر
في فيلا الحديدي 💪
في اوضة صقر 🌼
صقر ببتسامه./ طب والله فيك الخير انك تسال عليا عيل راجل بحق وحقيقي
عاصي بحماس انا ولله بحبك جدا وكنت هموت جنبك في المستشفى لو كان حصلك حاجه بس انا مش جاي عشانك خالص .. انا جاي عشان اطلب ايد لارا من عساف
عساف اللي كان قاعد جنب صقر على السرير قعد يضحك وقاله / يا اخي طب جامله ده انت مش معقول ابدا وبعدين مين قالك اني هوافق اساسا ولا لارا بنتي هتوافق
لارا بتسرع / انا موافقه والله موافقه يا عساف والنبي وافق انت بقي
عساف بصدمة / ايه ده .. ايه البت دي صحيح اقلب القدرة علي فومها تطلع الهبلة لمها نفس عبط امك لما اتقدمتلها كدة
صقر / خلاص بقى يا عساف وافق عليه الواد طيب وكويس وراجل وقدر ان هو يفتح مصنع ابوه ويشتغله من اول وجديد … جوزها ليه بقي علشان خاطري انا عندك
عساف /ماشي يا صقر لما نشوف اخرتها معاك انا موافق
عاصي جري علي عساف وحضنه وجامد وقاله / انت حمي قمر ما فيش زيك .. هات بوسة بقي
و دخلت همس حضنت بنتها و باستها. / مبروك يا حبيبتي. عقبال ما اشيل عيالك و افرح بيهم
وفعلا تحت اصرار عاصي وادهم وعز
حدده ميعاد كتب الكتاب وبرغم اني عساف كان رافض فكره ان الثلاثه يعملوا في نفس الوقت الا ان صقر هو اللي شجعه وخالد صمم ان ما فيش كتب كتاب ولا فرح الا لما صقر يتعافى تماما …
انا معاذ كان رافض تماما يتكلم عن موضوع سيلين برغم محاولاتها انها ترجعله وتتكلم معاه الا انه كان رافض تماما ..
تيجوا نروح يوم الفرح 🔥🔥🔥
في اكبر قاعة في مصر كانت مليئه بالاعلاميين والصحفيين اللي بيغطوا اكتر يوم المميز
و ده بسبب جواز ادهم الحديدي من جميلة الحديدي و جواز كارمن الحديدي … اما كانت حديث الساعة هو جواز عاصي السيوفي من لارا بنت عساف وده كان اكتر خبر صدم الاعلاميين ..
تفتكر الفرح ده ممكن يعدي بالساهل كده وهيتم اصلا ولا هيبقي في راي تاني 😂👀
- يتبع الفصل التالي اضغط على ( رواية خادمة الصقر ) اسم الرواية