رواية خادمة الصقر كاملة بقلم يوستينا سامي عبر مدونة دليل الروايات
رواية خادمة الصقر الجزء (2) الفصل الثالث و الخمسون 53
بعد مرور اسبوع وكانت كارمن وعز في الغردقه وده طبعا بسبب امكانيات المادية لعز ورفضه انه يقبل عزومه خالد
او اي حد من صحابه و اولهم يزن
قدام البحر عز كان واخد كارمن في مكان بعيد عن الناس وقاعدين على الصخر واخدها في حضنه
كارمن بهزار / عارف نفسي قوي اتصور انا وانت كده وابعت الصوره للواد فهد اغيظه عشان كان بيقولي زمان عمرك
ما هتلاقي حد يحبك ويتجوزك عشان انتي مجنونه واديني لقيت
عز ضحك و ضمها حضنه وباس راسها / ده انا اللي ما صدقت لقيتك والله ..اي نعم مش ناسيلك اللي انتي عملتيه فيها يوم الدخله يا مفتريه يا بنت المفتريه
كارمن اتكسفت قوي وقالتله /بصراحه خفت وانا لما بقلق
او بخاف بنام ..فحطيت راسي على المخده نمت وما حسيتش بنفسي
عز / بقى تتكسفي مني انا ده انا حبيبك امال لو مش متجوزين عن حب ..كنتي هتعملي ايه
كارمن مكسوف خبت وشها في حضنه/ ما اعرفش بقى يا عز بطل رخامه .. و خليني اتفرج علي شكل البحر .. بجد تحفة
عز / امم طيب بصي بصراحه في موضوع وعايزه اقولك عليه انت مش زعلانه علشان رفضت السفريه اللي خالد كان جايبها لنا لبالي
كارمن عدلت نفسها وقعدت قدامه وقالتله/لا طبعا مش مضايقه ..انا اصلا كنت عارفه انك هتعمل كده وده اللي مخليني بحبك وبموت فيك وبعدين الحاجات دي كلها ما بتفرقش معايا طول ما انا في حضنك يبقي خلاص تغور
كل حاجة
عز قعد يضحك / وترجع في اخر تقول بتتكسف طب يلا قومي بقى علشان انا عاملك النهارده حته بروجرام هيعجبك اوي ان شاء الله
وقام عز من على الصخره وكارمن فضلت قاعدة
قالتله /طب هات ايدك يا ابني انا ست كبيره اسندني
عز بصلها بخبث / لا لا ما هو انت طالما ست كبيره يبقي لازم نرعاكي اوي اوي تعالي بقى
وشالها عز ورجع بيها للاوتيل وهي ما كانتش مكسوفه من الناس بالعكس كانت حابه تعيش اللحظه وتحس بحب عز بيها
________________________________________________
في الجامعه 🌸
نزل معاذ بعد فتره الجامعه واول ما دخل البوابه شاف سيلين واقفه مع معيد زميلهم لكنه ما اداش اي اهتمام وكمل في طريقه لكنه اتفاجئ بسيلين بتجري وراه
سيلين / معاذ استنى عايزه اتكلم معاك … يا ابني استنى
ما ينفعش كده
معاذ وقف وبصلها بعيون جامدة خالية من اي مشاعر
وقالها/ نعم يا انسة سيلين .. في حاجة
سيلين بوجع / ياااه للدرجة دي كارهني يا معاذ
معاذ بحده / لا كارهك ولا في دماغي اساسا و اعتقد ان انا وانتي مافيش بينا اي موضوع عشان نقف دلوقتي ونتكلم صح ولا انا غلطان
سيلين بوجع / ايه خلاص مبقاش ليا مشاعر في قلبك حتى عينك رافض انها تيجي في عيني .. انا عايزة افهم حصل ايه لده كله يا معاذ …دي غلطه لسان
معاذ بجديه / دكتورة سيلين اعتقد ان احنا في جامعه يعني كان شغل .. واي كلام مالوش لازمه يبقى مش هنا …
وبعد اذنك لاني مش فاضي لاي حوار جانبي بعيد عن شغلي
ومشي معاذ وسابها وفضلت سيلين واقفه زعلانه جدا من طريقه كلامه .لكنها كانت مصممه انها تبرر موقفها قدامه وخصوصا انها فشلت تعيش لوحدها من غيره بعد ما حبيته بجد ..
________________________________________________
في العربيه ✨
يزن وميرا كانوا راجعين من السفر بعد ما قضوا اسبوع في لقصر وده لان يزن بيعشق المكان هناك و الجو المصري
اللي فيه .
ميرا وهي قاعده على الكرسي اللي جنبه فاتحه الشباك عشان تشم ريحه الهوا و الابتسامة علي وشها و حالة الفرحة اللي وصلتلها الفتره الاخيره
ميرا بحب / تعرف يا يزن انا لو كنت عارفاك الفتره اللي فاتت كويس …فانا عرفتك اكثر بكثير لما سافرنا مع بعض
يزن مسك ايديها وهو بيسوق وباسها وقالها / اكتشفتي فيا ايه بقى جديد .. قولي وفضفضي حاليا معاكي يزن كريم جوزك عادي مش الظابط خالص
ميرا بحب قربت وسندت راسها على كتفه /اكتشفت اهم حاجه كنت خايفه منها ومتردده وهي انك بتحبني بجد .. تصدق برغم انا وانت كنا متجوزين من فتره الا اني ما كنتش اتاكدت من حبك ليا
يزن بابتسامه مكسوره لانه كان عارف شعورها
وقاللها / طيب واديك اتاكدتي ..ايه ثاني حاجة بقى اكتشفتيها فيا
ميرا / انك بجد فنان رغم ان مايبنش عليك بتحب الهوا والمزيكا وشكل النيل بالليل فيك التفاصيل حلوه قوي يا يزن عمري ما كنت اتصور انها موجوده في ظابط شرطه
يزن بتريقه / على اساس ان الظباط دول اللي مش بني ادمين صح طب تمام تمام في حاجه ثانيه بقى اكتشفتيها فيا
ميرا / امممم اكتشفت انك انت بتعرف تطبخ هايل وممكن تغلب خالد كمان
وقعد تضحك ميرا جامد
يزن بحده مصطنعه./ ميرا ما تقوليش لحد على المعلومه دي بجد .. انا اتعلمت اعمل اكل لما كنت عايش يا عز بسبب شغلنا وسفرنا كثير لكن كريم مايعرفش لانه هيتريق عليا
ميرا بضحك / بصراحه مش قادره .. و مش مصدقة بقي يزن باشا واقف قدامي بيقطع بطاطس وبصل وبيدمع كدة . شكلك كان مسخره
يزن بهزار خبطها في كتفها وقالها / طب عللا تقولي وربنا لعلقك من رجل واحده
وضحك يزن على ضحكها واخدها في حضنه وهو بيسوق وكان مقرر ان هو هيرجع على بيته لانه كان حابب حياه الاستقرار ..
________________________________________________
في مكتب عساف في القسم 🤬
كان قاعد على الكرسي وقدامه اسامه وهو متصاب اكثر من اصابه في وشه وقاله بغل / المره اللي فاتت فلت من تحت ايدي وقلت عادي يا عساف ده غل شباب وحد مسلطه يعمل كده ..عيل وغلط بس المره دي لا
وقرب عساف من اسامه وشده من راسه وقاله / مين وراك يا ابن الكلب .. لو فاكر انه هيحميك مني تبقى غلطان لانك تحت ايدي انا ..ولو عايزه افرمك هفرمك
اسامه بخوف /والله ما اعرف حاجه خالص
عساف فجاوا بقلم على وشه وشده من شعره بغل
وقال له / هو انت لما تحلف انا هصدقك .. ياض ده انت واللي زيك المعروف عنهم انهم كدابين
ونزل على وشه بقلم ثاني وقاله /معروف عنكم يالا رد عليا
اسامة بخوف / كدابين .. يا باشا
عساف ضربه بالبوكس في وشه تاني و شده من التيشرت بتاعه علشان ميقعش / هااا معروف ايه انكوا كدابين .. هااا هتقولي مين اللي وراك ولا تدخل تاني الاوضة اللي جبتك منها
اسامه نزل على الارض بسرعة و هو خايف وقرب من رجلي عساف وقاله و هو بيترجاه / لا ابوس ايدك يا باشا بلاش الاوضة دي تاني ….انا عبد المامور و بعمل اللي بتامر مني بالحرف الواحد ما اعرفش اي حاجه ثانيه صدقني ..
عساف قرب الكرسي وقعد عليه وقاله/ خلاص قولي مين اللي اتفق معاك تعمل كده وبسرعه
اسامه / انا ما اعرفش الراجل الكبير لكن اعرف اللي اتفق معايا و اسمه رمضان بس
عساف شده من تيشرت ناحيته قاله /انت بتستعبط عليا
يا روح امك انا عايز الحكايه بالتفصيل من طقطق لسلام عليكم .. سامع يلااا
اسامه بخوف /ماشي وانا هقولك يا باشا انا في واحد من كبار البلد كلمني وطلب مني اني اساعده مقابل فلوس وقالي ان هو عايز فيديو لفهد الحديدي يكون فضيحه وعلشان اعرف اوصله بسهوله لازم اخش الدايره بتاعته وده اللي انا عملته وتعرفت على عمر وهو اللي فتحلي الطريق لكل ده
عساف باستغراب/ عمر صاحب فهد في الجامعه
فتحلك الطريق ازاي هو اللي خلاك تعمل كده في فهد و نسمة
اسامه / الشهاده لله هو كان عايز ينتقم منه علشان كان بيحب واحده هو عينه منها ولانه كل شويه يحصل بينهم خناقه في الجامعه .. يعني لعب عيال
فانا اول ما لقيت كم كره بتاعه دوت عرضت عليه الفكره ان احنا نزله بالفيديو اللي معانا فالبنت تكرهه وتبعد عنه وهو سمع كلامي وهو اللي جابلي كمان البرشام بس بعد كل ده اتخانق معايا جامد
وبدا اسامه يفتكر اللي حصل
فلاش باك ✨✨
في الفيلا المهجوره بتاعه اسامه عمر مسكه من الجاكيت بتاعه وقاله بعصبية / ده انا هخرب بيتك لو ما اديتنيش كل الفيديوهات اللي معاك سامع لا لاء
عمر / جرايا يا عم انت ..هو مش مش كان بينا اتفقنا وبعدين ده بدل ما تشكرني اني ما جبتش اسمك
عمر بوجع / اشكرك علي ايه ..ده انا لو اطول افرمك عليك بالعربية كنت عملت كدة …
و بعد عمر عنه و بدا يتكلم بوجع /ده انا عملت كل ده عشانها عشان نسمه تبقى معايا وتكره فهد وفي الاخر انت تصورهوملي وهما الاثنين مع بعض ضيعت مني البني ادمة الوحيدة اللي حبتها
بااااااااااااااااااااااك 🔥
اسامه / بس يا باشا وهنا عرفت ان البنت اللي كانت مع فهد هي اللي عمر كان بيحبها .. وطبعا مش هينزل الفيديو علشان ما يفضحهاش واضطريت انا اللي انزله برغم اني عملت كل ده عشان الموضوع هيتلبس في عمر واخلع انا منها
عساف بصدمه / انا عارف ان هما بينهم مشاكل كتير وعداوه بس عمري ما تخيلت ان حبه عيال ممكن يحصل منهم كده .. يعني عمر كان مستعد يفضح فهد ويضر عيلته علشان نسمة
اسامه بخوف / انا كده يا باشا حكيتلك كل اللي حصل بما يرضي الله وممكن اوريك صوره اللي اسمه رمضان دوت .. غير كده انا ما اعرفش حاجه والله العظيم ما اعرف حاجه ثانيه
عساف بصله بتريقه / اه طبعا وانا مصدقك عشان كده برده هتنورنا في الاوضه يومين ثلاثه لحد ما افكر انا هعمل فيك ايه
ورمى عساف اسامه في الاوضه وبدا يجمع كل التفاصيل اللي هو قالها ويفكر بتركيز وقرر انه يهرب خيري فعلاااا من البلد علشان فهد ميتفضحش
________________________________________________
في باريس 🏯
ادهم و جميلة حبه ان هما يسافروا هناك لانها ماكانتش اول مره ليهم …. لاهم وحضروا هما الاثنين قبل كده افتتاح مطعم خالد هناك وحبوا المكان جدا علشان كده قرروا يسافروها في شهر العسل
جميله كانت بتعدل الطاقيه بتاعتها وبتقول لادهم / خذ يا ادهم والنبي الكاميرا دي صورني هنا بجد المكان مختلف قوي وشكله تحفه
ادهم / ده ايه ملل ده يا جميله انا اتخنقت انا مش جاي اقضي شهر العسل في التصوير … انت ليه محسساني ان احنا سياحيا حبيبتي احنا جايين نتبسط و نخرج بقي
وبص ادهم ناحيه شلال ميه موجود لقى واحد واحده قاعدين في وضع رومانسي
ادهم صفرلهم وقال / شايفه الكلام بالذمه دول بيعملوا شهر عسل قدامنا هنا .. مش انتي احنا جايين علشان نتصور
جميله بزعل طفولي / لا ما تعملش كده بجد احنا متفقين ان انت هتوديني كل حته في باريس انت وديتني برج ايفل انا عايزه اروح ميدان الكونكورد وعايزه اروح متحف اللوفر صقر قالي انه تحفة والنبي يا ادهم بقي .. و كمان
ادهم / بس بس في ايه ياما انا جاي اتفسح يا جميله وبعدين كل الاماكن اللي انت قولتي عليها ديت انا ممكن اوديهالك بس انت بتروحي علشان تتفرجي عليها و تنسيني انااا ..
ده انتي حتة مش بتاخديني قي الصورة معاكي
و اتقمص ادهم و ربع ايده وبص الناحيه الثانيه وجميله ضحكت وقربت منه وحاطت راسها على كتفه
وقالتله / انا اسفه ما كنتش اعرف ان انت متضايق قوي كده .. بس ده كان حلمي ان انا اجي مع البني ادم اللي هتجوزه باريس و الفها شبر شبر ..
ادهم بصلها بحب و ضمها في حضنه وقالها / وانا نفسي احققلك كل احلامك و اخليكي تلفي العالم كله بس وانتي وحضني ما تحرمنيش منك يا جميلة ده انا ما صدقت لقيتك .
جميله ابتسمت قوي والاول مره تتجرا هي وتبوس ادهم من خده وقربت من ودنه وقالتله / انا بحبك قوي يا ادهم ومستعده اضحي وما اروحش ميدان الكونكورد ونروح نتفرج علي اي فيلم
ادهم ضحك جامد وقالها / يا واد يا مضحي انت
عموما انا هوديكي اي مكان انتي نفسك فيه بس الاول
بما اننا قريبين من مطعم خالد فنروح ناكل و وبعدها سلمي نفسك وانا هوريكي بقى ادهم الحديدي هيعمل ايه .. وهوديكي اماكن في فرنسا عمرك ما كنت تحلمي انها موجوده …يلا بينا
جميله مسكت ايده بحماس وقالتله/ اه يلا بينا
________________________________________________
في الجامعه 🌸
بعد ما اخلص معاذ شغله قرر انه يقعد وقت اطول بحيث انهم يخرج ما يشوفش سيلين بس تفاجئ ان هو بيركب عربيته سيلين فتحت الباب وقعدت جنبه
معاذ باستغراب/ ايه ده ايه اللي بيحصل ده … في حاجه
يا دكتورة
سيلين قاطعته في الكلام / اه في حاجات مش حاجه واحده ولو متخيل اني ممكن اسيبك تضيع مني بسهوله كده تبقى غلطان انا عايزه اتكلم معاك
معاذ بعصبيه / بس انا مش عايز ولو سمحت بقى احترمي رغبتي وابعدي عني ما ينفعش كده
سيلين بتريقه / لا ده ينفع وينفع كمان وانا مستعده اعمل حاجه علشان اثبتلك اني بحبك يا معاذ وما اقدرش استغنى عنك
معاذ اتاثر بكلامها و خصوصا انه حس من نبره صوتها انها خايفة تخسره ..و في وقتها معاذ بصلها وقالها /باماره انك جرحتيني وعيرتيني باكتر حاجه في الدنيا ممكن توجعني …و هي امي
سيلين بوجع / والنبي ما تحسسنيش ان امك دي اوحش واحده في الدنيا وانا امي عاديه ماتحسسنيش ان انا اللي امي كويسه جدا وما بعتش ابويا وداست عليه … معاذ انا اتكلمت بالغباء ده عشان انا موجوعه ولسه ما اتعافتش
خفت اتجوز واحد عنده نفس الوجع اللي انا حاسه بيه ونبقى احنا الاثنين مشوهين نفسيا طب علي الاقل انت عرفت حقيقة مامتك وانت كبير وحواليك ناسك واهلك وشغلك وحياتك مش انا اللي من اول ماوعيت على الدنيا وشايفه امي ست ظالمة و جاحدة
بدات سيلين تعيط بوجع / اوعاك تعاتب الاعمي علي خبطته ليك لانه لو كان بيشوف كان قدر يحمي يا معاذ
معاذ بوجع/ بس انت جرحتيني يا سيلين وخليتيني احس ان كل الناس زباله وان ما فيش حد هيحفظلك سرك غير نفسك
سيلين / عارفه اني حيوانه وغبيه وغشيمه بس ما اقصدش معاذ ..لو انت اعتبرتني حبيبتك.. انا اعتبرتك نصي التاني
و بعدك عني كسرني وكآن ابويا مات ..
و بدات تعيط جامد بانهيار ومعاذ نفخ بقلة صبر
معاذ بحيره /طب انا اعمل ايه دلوقتي ازعق معاكي على عملتيه فيا ولا اخدك في حضني و اهديكي انا بجد محتار
سيلين بصتله / والله اعمل اللي انت عايزه اللي ضميرك وقلبك عايزه اعمله يا معاذ حتى لو …
معاذ قاطعها في الكلام و شدها من ايديها وحضنها
قالها /بحبك وعلى قد حبي ليكي اتوجعت وبعدت بس
برده بحبك
سيلين مسكت في قميصه بدموع / لا متبعدش عني تاني انا مش بعتبرك واحد بحبه انا بعتبرك حياتي يا معاذ .. والنبي
ما تبعد عني تاني ..انا لما بعتلي وقلتلي اني خلاص كل حاجه بيننا انتهت ما اقولكش حصل فيا ايه .. انا خوفت اوي و حسيت انك الدنيا كلها قلبت عليا
معاذ بحب /خلاص بقى ما تضايقيش انا مش عايز افتكر
كل اللي حصل احنا هنبدا من جديد ومن دلوقتي هاخدك معايا الفيلا عشان اطمن صقر ان كل حاجه رجعت زي الاول موافقة
سيلين ابتسمت و مسحت دموعها .. اه موافقة
ومعاذ اخذ سيلين علشان يرجعوا الفيلا ..
________________________________________________
في الفيلا 🤷
نسمه بحماس كانت واقفه هي ونغم و قمر عند الاسطبل وقالتلها / خلاص هنعمل فيه المقلب والنبي والنبي يا نغم
ما تبوظيه انا هموت واشوف رد فعله قوي
نغم بحماس / وانا كمان بس انتي هتعرفي تمثلي كويس
ولا تفضحينا شكلك عبيطه هتفضحينا ..
قمر / لا والنبي ابدا هتمثلي عدل واحنا هنعمل اننا متاثرين معاكي ..اتفقنا
نسمة بحماس / اه اتفقنا لو البنت كارمن كانت موجوده
او لارا كانوا عرفوا يساعدوني بس هما بيتهنوا دلوقتي
نغم خبطتها على راسها / ايه يا بنت انتي بتقري على بناتي وانا واقفه طب استني لما امشي
نسمه / طب بذمتك مش غيرانه انهم كلهم سافروا واحنا قاعدين كده
قمر / يا ستي ادعيلهم ربنا يرجعهم بالسلامه وانا اوعدك اول ما تولدي هتسيبي لينا العيال وخدي فهد و اتفسحوا في اي حته عايزينها
نسمه بحب حطت ايديها على بطنها بحماس وقالت/ هما بس يشرفوا وبعدين يحلها الف حلال ده انا ممكن اسيب فهد معاكوا .. واخد عيالي و اتفسح
نغم بصت لقمر وقالتلها/ كده احنا ضمنا ان فهد هيتجوز الثانيه والثالثه نفضي بقى الاوض في الفيلا
وقعدوا يضحكوا وبعد كده ظبطوا للمقلب اللي عايزين يعملوه في فهد وفعلا اول ما شافه عربيته قربت جريت نسمه وقعدت في الجنينه وبدات تمثل العياط بانهيار وفي الوقت ده دخل فهد وهو ماسك جاكيت البدله في ايده ومرهف جدا واول ما شاف المشهد ده جري على نسمه وقعد على ركبته قدامها على الارض
فهد بخوف/ انتي بتعيطي كده ليه يا نسمه مالك يا حبيبتي انتي كويسه حاسه باي وجع قوليي ما تسيبنيش كده
نسمة / اقولك ايه .. ما انا رنيت عليك النهارده اكثر من مره وانت مش بترد عليا مش مهتم بيا ابدا
فهد بخوف قام من على الارض وقعد جنبها وشدها لحضنه وقالها / حقك عليا والله غصب عني كنت في اجتماع مهم جدا وخرجت منه متاخر صدقيني
ومسك ايديها وباسها وقالها / حقك عليا والله بس فهميني ليه العياط ده كله
نسمه بحزن /ما هو انا لو قلتلك يا فهد ممكن تضربني
او تسيبني
فهد بصلها بصدمه والخوف ما بدا يتسلل اجواه
وقالها / انا اضربك !!
انتي بتقولي يا نسمه انا عمري ما امد ايدي عليكي مهما حصل وانتي عارفه كده كويس وبعدين اسيبك ايه انت هبله ده انت مراتي وام عيالي .. بس فهميني ايه حصل
نسمه / اصل انا النهارده كنت عند الدكتوره وعرفت اني هخلف بنت ولا ولد ..وللاسف طلعت حامل في توام ولاد .. وانا عارفه ان انت مش بتحب الولاد وانك بتتخانق معايا
فهد في اللحظه دي حس بوجع وخوف دخل جوه قلبه وحزن اه هو حزن لانه كان رافض فكره ولد ولكنه عمره ما هيبين كده قدام نسمه ولا هيعترض على اراده ربنا وبدا يتصنع الضحك
وقالها / لا ده انت بتهزري بقى انا هتخانق معاك عشان هتخلفي ولد ده انا هعملهم اجمل حفله في الدنيا ومش في الفيلا كمان فاكبر اوتيل في البلد عشان نعمل فيه الفوتوسيشن زي ما انا وعدتك .. وتلبسي فستان الازرق وانا بدلة زرقاء احتفالا بيهم انت بتهزري يا نسمه دول عيالي .. ده دايما خالد بيقول خلف الولد سند ما بالك باتنين مشاء الله
نسمه اتصدمت من موقفه مش بس هي .. هي وقمر ونغم ايه اللي كانوا متابعين الحوار من بعيد
نغم من بعيد حطت ايديها على قلبها وقالت لقمر/ يا حبيبي يا ابني صعبان عليا قوي يا قمر
قمر باستغراب / ليه ما الواد زي العسل اهو و طلع ما عندوش كل الكلاكيع اللي انتم بتقولوها دي
نغم / لا بس انا اتاكدت ان هو نسخه من خالد وبيداري اي حاجه وجعاه في قلبه .. انتي مش شايفه نظره عينه و مش هتعرفي معناها زي فهد بيحبس الوجع جواه ودي حاجه عمري ما اتمناها انه يعملها لاني بعمل زيها و عارفة وجعها
عند فهد ونسمه فهد وهو بيبوس راس نسمه
وقالها / ها يا ستي اطمنتي بقى واتاكدتي ان عمري في حياتي ما هيفرق معايا ولد ولا بنت المهم ان انتي تبقي امهم
وفي اللحظه دي نسمه بدات تعيط بنهيار بجد مش تمثيل وحضنت فهد قوي وقالتله / انا اسفه والله انا اسفه ما كنتش اعرف انك جميل كده ..حقك عليا مش هرخم عليك تاني انت صعبت عليا قوي
فهد حضنها باستغراب / انتب بتعيطي ليه دلوقتي ما انا قلتلك مش فارق معايا ولد ولا بنت صدقيني الاثنين هحبهم دول عيالي
نسمه بدموع / لا انت خفت انا حاسه بيك وحاسه بدقات قلبك بس انا كنت بكذب عليك انا عملت فعلا سونار لكن الدكتوره قالتلي اني حامل في ولد وبنت توام .
فهد ابتسم وقالها / يعني ده كان مقلب بس والله مقلب عبيط جدا ..لان عمره ما هيفرق معايا لان دول عيالي ازاي يعني هفضل ولد على البنت ..
وفي اللحظه دي فهد سكت وبدا يسترجع الكلمه اللي هو قالها ( ازاي يعني هفضل ولد عن بنت ) وحس ان دي كانت حياته مع خالد وكانت حياه معاذ كمان مع صقر وسكت
وفجاه سمع نغم وقمر وهم بيقربوا عليه وحضنوه وبيباركوا لهم
قمر بحماس/ على فكره بقى انا قلتلهم ان انت مش هيفرق معاك وهتتبسط قوي انك هتخلف ولد وبنت
نغم/ بسم الله ما شاء الله احنا مش هنقول لحد لغاية ما نسمه تقوم بالسلامه اه مش ناقصه قر يا اختي ده ابني الوحيد
فهد ضحك وقالهم / كده برده بقى تتفقوا معاها عليا ماشي
يا نغم ماشي وانت يا ست نسمه هانم احتفالا بالخبر القمر ده هتلبسي وننزل نتعشى في اي مكان
نسمه بحماس قربت و باسته من خده و طلعت علشان تجهز ..وقمر ونغم دخلوا الفيلا وفضل فهد قاعد في الجنينه لوحده
فهد بتوتر / ياريتهم كانوا ولدين كنت ارتحت ولا ان نفس القصه بتتعاد تاني باختلاف الابطال
بس انا مستحيل اكرر نفس الغلط اللي خالد عمله اه انا مش هعمل كده .. انا هقربهم مني هما الاثنين ومهما كانت شخصيته صعبه زيي هستحمله وهقربه مني بجد.
وفضل فهد في حيره لحد ما نسمه نزلت واخدها وراحوا يغيروا الجو علشان نفسيتها اخر فتره كانت وحشه قوي …
_______________________________________________
في المكتب بتاع صقر 🤭
كان قاعد هو و عساف و خالد و كريم
كريم / اهدي يا عساف الموضوع مش بالسهوله اللي انت متخيلها دي انك تهرب خيري دي كارثه
عساف بحده /خلاص حلها انت من غير ما يحصل كارثه انا الاول مره احس ان دماغي مشلوله وخايف مش بس على فهد على عيالنا كلنا
اللي عمل كده في بنتي مختار و خيري ..واللي عمل كده في ابنك يا كريم و كان هيموته و قعدة الشهر في الجبس برده خيري ومختار ..و اللي فضح فهد و نسمة خيري و مختار … اييييه اللي بيحصلنا ده
خالد / والمشكلة دلوقتي ان عيالنا مسافرين كارمن و يزن و ادهم و جميلة و الله اعلم ايه اللي ممكن يعمله تاني
صقر / خلاص خلصتوا كلام و توتر .. بصوا انا راي
ان احنا ندور علي رمضان ده و عن طريقه هنعرف نوصل لخيري ..و خصوصا اننا معانا صورته من أسامة
كريم/ صح وطول ما خيري ما يعرفش ان احنا عارفين شخصيه رمضان .. مش هيخفيه
وفجاه وهم بيتكلموا الباب خبط ودخل معاذ ومعاه سيلين
معاذ بهزار/ هو ده اجتماع سري ولا ايه اوعوا اكون عطلتكم عن حاجه
صقر / لا سري ولا حاجة .. وبعدين انت تنور في اي وقت ادخلوا .. عاملة ايه يا سيلين
سيلين باحراج/ انا تمام يا اونكل ..الحمدلله
معاذ / ما تقلقش هي كويسه احنا بس كنا جايين نقولكم
ان احنا خلاص قررنا نحدد ميعاد الجواز
عساف ابتسم / ايه اتصالحتوا خلاص .. يا خساره انا كنت هموت واعرف ايه سبب الخناقه اصلا
معاذ بغلاسة / لا مووت .. اسراري مش بحب اطلعها لحد
يا عم عساف .. ها يا بابا قولت ايه
صقر بفرحه / هقول ايه يعني الف مبروك ليكم خلاص حددوا الميعاد وبلغني يا معاذ.. يلا خد سيلين و اطلع فرحهم برا
سيلين ببتسامه / احنا ممكن نحدد ميعاد الفرح بعد ما الفيلا تخلص تشطيبها .
خالد اضايق جدا وقال / فيلا ليه ..هو انتي عايزه تسكني يعني في مكان لوحدك .. ما احنا ممكن نعملك الجناح اللي فوق كله ليكوا انتم الاثنين بس متمشووش من هنا
معاذ بص لسيلين بفرحه ان هي قالت كده وبص لخالد
وقاله/ ده قرري انا يا خالد على فكره مش قرارها هي صدقني..و يمكن اصلا ده سبب الخنانه الاولانيه
صقر بص لابنه باحترام وقال / سيبه يا خالد يعمل اللي هو عايزه .. معاذ راجل وعارف كويس قوي هو عايز ايه ربنا معاك
معاذ بفرحه / ربنا يخليك ليا يا صقر انا هروح بقى افرح قمر وجميله ..اوف قصدي قمر ونغم
واخذ معاذ سيلين وخرج عشان يفرحهم
في الاوضه اول ما خرجوا خالد بص لصقر بغل
خالد / ايه ده عادي كده … لا طبعا انا مش موافق ليه عيالنا ما يبقوش حوالينا طب كارمن وقلت جوزها وليه حكم عليها ومش هقدر اتدخل لكن ما فهد قاعد هنا ايه المشكله لما ابني التاني يقعد هنا معانا
صقر ابتسم وقاله / عارف احلى حاجه بحبها فيك ايه يا خالد انك دايما بتتكلم عن معاذ ان هو ابنك البكري وبعدين انا حابه ياخد قراره من نفسه حتى لو بعد عني … انا ربيت راجل يا خالد يقدر يحكم حياته زي ما هو حابب
عساف / عندك حق يا صقر بس ممكن نتكلم بقى في المفيد انا محتاج ادهم قوي يرجع من السفر في اقرب وقت علشان هو اكثر واحد هيقدر يساعدني
لاني مش عايز يزن او معاذ او حتى البنات يعرفوا اي حاجه عن الماضي الاسود ده
كريم / بلاش يزن والنبي .. انا مش ناقص دماغه خلينا في ادهم حرك و ناصح و هيعرف يساعدنا بسهولة زي ما عمل
مع عاصي ..
وفعلا عساف اتصل بادهم وطلب منه انه يقطع الاجازه ويجي وكانت جميله هتموت بس وافقت بناء عن رغبته ووعدها انه اول ما يخلص شغله هيسفرها ثاني باريس تكمل رحلتها الاكتشافيه ..
_______________________________________________
في اليونان.. و خصوصا في كابادوكيا .. ودي من اروع الاماكن في اليونان وكانت من الاختيار عاصي لانه سافرها قبل كده برغم اني لارا كانت رافضه تماما وكان نفسها تسافر المالديف الا انها سمعت كلامه
عاصي كان ماسك ايد لارا بحماس وقالها / يلا بقى علشان اركبك الخيل .. الخيل هنا فريد بانواعه
طب انت عارفه ان هي اصلا اسمها ارض الخيل الجميله ده لو خالد جه هنا عمره ما هيمشي
لارا بارهاق / لا ما تقلقش يا اخويا خالد لف كل بلاد العالم وجه هنا اكتر من 10 مرات ..
عاصي / عشان الراجل بيفهم مش شبهك انا ممكن اعرف انتي مكشره ليه كده امال لما كناش في شهر عسل يا بومه
لار/ علشان انت محسسني اني جايه مع مدرس جغرافيا يا ابني اموت واعرف ايه الممتع في المكان اللي احنا فيه … مقعدني في اوتيل شبه الكهف مش بعرف انام الرعب
وقال ايه استني انت ما تعرفيش هنا في متحف غوري حاجة كدة …ايه يا ابني زهقت
عاصي قعد يضحك / والله العظيم انت بنت جاهله ايه رايك بقى اسمه متحف غوريميه .. وانا اللي كنت عاملك مفاجاه تحفه وهاخدك ونروح نركب المنطاد هوائي والله ما تستاهلي
لارا بحماس سقفت / اخيرا في حاجه بحبها هتعملها
عاصي قعد يضحك وقالها / ده بدل ما تقوليلي يا حبيبي اي مكان اروح معاك جنه وانا مبسوطه معاك والكلام ده .
لارا باحراج / اه انت عايز كلام رومانسي والحاجات دي لا مش وقت خالص على فكره . احنا بنتفسح ولا ايه
عاصي قرب منها و حط ايده علي كتفها / اممم عندك حق احنا لما نرجع نقول كل الكلام اللي احنا عايزينه و …
ما تجيبي بوسة
لارا وطت راسها بكسوف لكنها قربت منه و لفت ايديها علي رقبته و باسته في خده بحب / بحبك يا ابو عيالي انت
عاصي ضحك / يخربيت ده لقب انتي بتقولوهولي
بس حلوو منك … تعالي نروح بقي نركب خيل و اوريكي مهارات جوزك ..
لارا / يلا يا عاصي اخربها يا حبيبي ..
وفعلا قد هم الاتنين اليوم مع بعض وبعدها راح وركبوا المنطاد الهوائي اللي طلع وعدها بيه وما رضيش انه يزعلها وقرر انه يسافر ثلاث ايام كمان في المالديف ..
(ناس غنية اوي 🤬😭) .
________________________________________________
وبعد مرور يومين رجع ادهم السفر في الشركه معاهم ومصدوم ان كلهم ملفوفين حواليه
صقر ضحك / لا جدع يلا….جدع …بس الموضوع اكبر من كده احنا محتاجينك في حاجه مهمه قوي ..
خالد وهو واقف جنبه وماسك الكرسي بايده وقاله/ ايوه يا ادهم موضوع خطير حياه او موت
ادهم / انتم ليه محسسني اني في فيلم اكشن ما تقولوا ايه الموضوع ليه كل التمهيدات دي وبعدين انت مش بيجوا من وراكم غير المصايب اصلا
عساف /على فكره الواد ده بيكلم صح واختصارا لكل الكلام دوت احنا عايزينك تساعدنا ندور على الواحد و هديك صورته بس بشرط مش عايز لا معاذ ولا يزن ولا اي حد تاني يعرف حاجة
ادهم /وانا من امتى اصلا قلت اي حاجه خلاص ما تقلقوش وعد ما حدش هيعرف اي حاجه عن الموضوع ده ..
وفعلا خالد بدا يحكيله كل حاجه حصلت ما بينهم ومشاكلهم مع مختار القديم وقاله كمان على حكايه الفيديو وطلع عساف صوره رمضان
عساف / خذ ده بقى الواد اللي اتفق مع اسامه على كل حاجه عايزين نلاقيه .. وما تقلقش انا هبقى معاكم وكلفت بالبحث عنه
مسك ادهم الصوره وبدات ملامحه تتغير والصدمه تترسم على وشه وقال / هو ده اللي تبع خيري معقول الكلام ده
استوووووووووووووووووووووووووووووووووب
تفتكروا ليه ادهم اتفاجئ اول ما شاف صوره رمضان وهل هو يعرفه اصلا ..
- يتبع الفصل التالي اضغط على ( رواية خادمة الصقر ) اسم الرواية