رواية اميري المنقذ كاملة بقلم جهاد صلاح عبر مدونة دليل الروايات
رواية اميري المنقذ الفصل الواحد و العشرون 21
عند أمير وحور.
أمير : ممكن فنجان قهوة تكسبي فيا ثواب.
حور : حاضر.
وبعد قليل وصل حسام وملك الشركة وهم في قمة السعادة. ودخلت حور مكتب أمير.
حور : اتفضل يا بشمهندس.
دق…. دق
أمير وحور في صوت واحد : اتفضل.
دخل كلا من ملك وحسام وهم ماسكين ايد بعض.
أمير وحور في صوت واحد : اوباااااا بقى.
وبعدين ضحكوا انهم اتكلموا في نفس الوقت.
ملك وحسام : خمسة في عينيكم.
أمير : شوفتي يا حور اخرة ما عملنا الخير.
حور : شوفت ، خيرا تعمل شرا تلقى.
أمير : حصل.
ملك : اي يا ست حور الدويتو اللي انتي و البشمهندس عملينوا علينا.
حسام : ملك شكل الفرح هيبقى فرحين.
حور وأمير ارتبكوا.
حور: طب انا اتأخرت علي البيت ولازم امشي عن اذنكم.
أمير : طيب متنسيش تيجي بدري بكره.
حور : حاضر عن اذنكم.
خرجت حور من مكتب أمير وبداخلها مشاعر لم تستطع فهمها.
أمير : تصدقوا انك معندكوش دم اصلا.
حسام : ليه يا عم أمير.
أمير : احرجتوا البنت بكلامكم.
ملك : ما انتو عاملين تطبلوا البعض.
أمير : والله انتو الكلام مينفعش معاكم، يلا كده انت وهيا بره مكتبي.
حسام : طالعين يعم متزقش، يلا يا ملوكتي.
ملك : يلا.
وخرج من المكتب كلا من حسام وملك، تاركين أمير غريقاً في بحر أفكاره. ذهبت حور الي البحر كعادتها.
حور للبحر : يا بحرُ لا أعلم ما تفسير ما يحدث بداخلي الآن، أبدو سعيدة على غير عادتي وهذا ما يقلقني حقا، ولكن لا بأس سأعود إلى بيتي الآن واستريح قليلا لأذهب في الغد إلى الشركة.
عادت حور إلى منزلها وجلست على سريرها وظلت تفكر في بعض الاشياء.
حور لنفسها : انا لازم اشتري تليفون علشان اعرف اتواصل مع أي حد بعد كدا، اقوم ابص اشوف معايا كام واسأل بكرا على الأسعار، وعندما نظرت الي دولابها وجدت انه لا يوجد سوى خمسمائة جنيها فصرخت وخرجت من غرفتها.
حور : فين فلوسي اللي كانت في الدولاب ردوا عليا.
سماح : وانا ايش عرفني يختي.
محمد : انتي كان معاكي كام يا حور.
حور : الف ونص وجيت لاقيت خمسمايه بس.
محمد : سماح هو فين أمير؟
سماح : هو انت هتشك في ابني؟ انت اتجننت.
محمد : والله مستبعدهاش عليه.
وأثناء مشاجرتهم فتح أمير الباب وهو في غير واعيه.
محمد : اهو يست هانم ابنك اسأليه.
أمير : بقولكم اي انا مش فايقلكم…. عايزين اي من الاخر.
سماح : انتي اخدت فلوس من دولاب حور؟
أمير : اه أنا… عايزين اي بقي.
حور : يا بجاحتك…. انتي معندكش دم ازاي تمد ايدك على فلوسي.
أمير : بقولك ايه انتي اسكتي خالص بدل ما أمد ايدي عليكي.
حور : تمد ايدك على مين يا…..
محمد : استني يا حور…. هات الفلوس ياض انت.
أمير : صرفتهم
محمد : يعني ايه صرفتهم انت اتجننت.
أمير : اه اتجننت.
وسبهم ودخل اوضته وقفل الباب، وظلت حور تبكي بشدة، احتضنها اباها.
محمد : بس يا بنتي بطلي بكى، هديكي غيرهم.
حور : لا يا بابا مش عايزة غيرهم. وهو الله لا يسامحه.، انا هروح انام شويه لاني هصحي بدري.
محمد : ماشي حبيبتي، متزعليش نفسك.
حور : حاضر ،تصبح على خير.
دخلت حور غرفتها وظلت تبكي
حور : ياربي اعمل ايه انا تعبت بجد، طب هعمل ايه لو أمير سألني معايا تليفون ولا وظلت تبكي حتى غلبها النوم.
وعلى الجانب الاخر حيث يوجد أمير.
أمير لنفسه : أشعر اتجاه تلك الفتاة التي شغلت تفكيري منذ أن رأيتها بمشاعر غريبة حقاً، ربُما يكون هو….. إنه الحب، لااا يا أمير بلاش تفكر كده افرض مكنتش بتحبك اصلا هتعمل ايه…. يبقى لازم تطلع الموضوع ده من دماغك.
- يتبع الفصل التالي اضغط على ( رواية اميري المنقذ ) اسم الرواية