رواية جريمة عشق كاملة بقلم مريم نصار عبر مدونة دليل الروايات
رواية جريمة عشق الفصل السابع و العشرون 27
رنا :- مجنون انت مجنون هههههه
طارق :- انا مش مصدق نفسي بجد انا بحلم صح اقرصيني كده
رنا :-اهو
طارق :- اااه غبيه بالراحه بقول اقرصيني مش تعضيني المهم يا رنا انا فرحان اووي اوي انا خطبتك مش مصدق وانتي
رنا :- بجد الطريقه اللي انت طلبتني فيها دي انا مش هاقدر انساها طول عمري دي جميله اوي وحبيتها جدا انا فرحانه يا طارق اوي بجد فرحانه وبعدين انا مش مصدقه انك لسه شايل خاتم الخطوبه في جيبك هههههه انت مش طبيعي
طارق :- انتي بس اللي مش قادره تتخيلي انا بحبك قد ايه . بس تعرفي ابوكي ده زي العسل وكمان امك
رنا :- امك اسمها امك
طارق :- سوري صح اسمها شيرين ودي زي العسل لا وكمان مزه
رنا :- ما تحترم نفسك انت اللي بتتكلم عليها دي مامتي
طارق :- ما هي لازم تبقى مزه علشان تخلف الحته الجامده دي اللي واقفه قدامي دلوقتي
رنا :- حته جامده
طارق :- يوووه سيبك من كلامي ما تاخديش عليه وانا مبسوط . وبعدين عايزك تتبسطي وخلينا نتبسط
رنا كحت وشرقت
طارق :- مالك يا قلبي بتكحي ليه
رنا :- انا عطشانه جدا و كمان جعانه تعالى نشوف اي حاجه ناكلها ونشربها
طارق يلا بينا
——————
مريم :- والله انا تعباكي معايا يا طنط
ابتسام :- تعبك راحه يا حبيبتي يلا اشربي بالهنا
مريم :-حاضر لسه هتشرب وجت رنا
رنا:- مريم بتعملي ايه
مريم :- مفيش طنط ابتسام عامله عصير فريش و عزمتني عليه
رنا بتكح:- بنت حلال والله انا عطشانه جدا هاتي دي وهي تجيبلك كوبايه تانيه
ابتسام لسه هتتكلم كانت رنا بالهنا والشفا شربتها
رنا :- شكرا يا طنط بقولك مفيش اي حاجه اكلها انا وطارق لانه واقف بره و مااكلناش حاجه من بدري
محمد :- مريم آدم قالب الدنيا عليكي بره
مريم :- يا خبر انا ماقلتلوش اني هنا خرجت بسرعه
ورنا اخدت طبق مليان اكل وقال لابتسام:- شكرا يا طنط
وخرجت ل طارق:- تعالي يا حبيبي نروح نقعد على الترابيزه اللي قاعدين عليها ماما وبابا وراحوا علشان يتعشوا
مريم راحت ل آدم
آدم :- انتي كنتي فين
مريم :- انا كنت جوه
آدم : ايوه يعني جوه بتعملي ايه؟؟
مريم :- اصل طنط ابتسام كانت عزماني جوه على عصير علشان انا لابسه النقاب وكده فقالت تعالي ادخلي اشربيها جوه
آدم :- أول وآخر مره تتحركي من غير ما اكون عارف فاهمه
مريم :- بزعل فاهمه وسكتت وآدم واقف جمبها ساكت ومتدايق
بعدها بدقيقه آدم :- كنت هاموت لما دورت عليكي ومالقتكيش
مريم : ……..
آدم :- يا بت باقولك كنت هاموت انا قلبي كان هيقف من خوفي عليكي
مريم :- بقمصه بعد الشر ماتقولش كده وبعدين انا متاخرتش كتير دول حوالي عشر دقايق وده كل الموضوع
آدم حاوطها بايده على كتفها :-اهو ال 10 دقايق دول كأنهم عشر سنين
مريم :- يا سلام
آدم :- مش مصدقاني طيب والله انا بجد خوفت عليكي جدا ما تبعديش عني تاني ولا خطوه فاهمه
مريم ابتسمت من خوفو عليها
:- فاهمه ربنا ما يحرمنيش منك
—————-
عاصم :- انتي ما بتعرفيش تعملي حاجه خالص هاا
ابتسام :- اهدا يا عاصم يابني والله كانت لسه هتشرب العصير بس جت مقصوفه الرقبه دي وشربته بت طفسه
عاصم :- باقولك ايه اتصرفي .. اتصرفي اعملي اي حاجه مريم مبتخرجش من بيتها كتير انا مراقبها بقالي فتره ودي فرصتي فرصه وجت لحد عندي انتي فاهمه اتصرفي . وزق امه وهو خارج وكانت هتقع
ابتسام :- انت هتوقع امك يا عاصم
عاصم :- باقولك ايه اوعى من وشي و اتصرفي علشان متندميش و سابها وخرج وصدره بيعلى ويهبط من الغيظ
—————-
طارق :- كلي يا رنا انتي ما اكلتيش حاجه
رنا:- لا..اا لا.. لا انا. انا ومسكت راسها
شيرين :- مالك يا حبيبتي
رنا :- م..ش عاا..ارفه راسي عايزه انام
شيرين :- تنامي ودلوقتي استني كلها ربع ساعه والحفله تخلص
طارق :- رنا . رنا دي نامت
مصطفى :- غريبه دي على طول بتسهر
طارق :- ممكن من مجهود النهارده تعبت ولا حاجه
شيرين :- ممكن طيب وبعدين
مصطفى قام :-يلا يا شيرين هنروح احنا واشرف يبقى يحصلنا بعدين
طارق :- ممكن اوصلكم
مصطفى :- لا يابني متشكر يا ريت تنادي اشرف يطلعهالي على العربيه
طارق :- بعد اذنك يا عمي اشرف عريس انهردا وقاعد جمب عروسته ومش هتبقى حلوه انى انا انادى عليه يشيل اخته كدا الناس كلها هتنتبه
انا هطلعها بسرعه وهسيبها في العربيه وارجع على طول ما تقلقش يا عمي
وطارق شال رنا ودي كانت اول مره رنا تبقى في حضن طارق كده ولكن طارق استغرب ازاي تنام فجاه كده وشك في الموضوع ولكن قال ممكن فعلا يكون من المجهود
——————-بقلم Mariem Nasar
الحفله بدات تخلص والكل بدأ يروح ع بيته
آدم :- يلا بقى يا قلبي علشان نروح خلاص الناس بدأت تمشي حتى اختك ومصطفى جوزها روحوا يلا احنا بقى
مريم :- حبيبي علشان خاطري نفسي اقعد معاك هنا شويه
آدم :- خاطرك غالي عندي بس شكلنا بقى وحش اوي وكده ما ينفعش وبعدين انتي وحشاني هو انا ما وحشتكيش ولا ايه
مريم :- احم وحشتني طبعا
مريم مش عارفه تعمل ايه علشان آدم يستني
مريم :-احم بقولك ايه تعالى نقعد جوه شويه
آدم :- ليه ما نروح بيتنا يا بنتي ونقعد براحتنا وبعدين تروحي علشان النقاب اللي على وشك من بدري ده تعالي . تعالي وكمان انا هخليكي تاخدي شاور ملوكي
مريم :- احم خلاص كل فرصها راحت طيب نستنى شويه يا آدم
جاسر :- مساء الخير
آدم ومريم :-مساء النور
جاسر :- آدم باشا تسمحلي تتفضل جوه شويه ونتكلم
آدم :- خير في حاجه جدت بخصوص القضيه
جاسر :- هتعرف بس يا ريت ما تكسفنيش كل الناس روحت وما فيش غير حضرتك وطارق باشا ممكن تتفضلوا
آدم :-مستغرب ولكن احرج تمام اتفضل
جاسر شدد على ملك ان مهما يحصل ما تخرجش من الاوضه اللي جوه المكتب تسمع وبس
آدم قعد ومريم جمبه وطارق قاعد جمب الباب وجاسر على الكرسي اللي قدام آدم وملك ورا الباب اللي في ضهر جاسر
————————
طبعا عاصم خرج من الفيلا متدايق جدا والعفاريت بتتنطط قدامه ومخنوق ما بين نظرات جاسر ليه وكمان فشلوا في انه ياخد حبيبته وان كمان جاسر مامضاش العقد خرج وراح مع سوزي لشقتها وشرب وسكر علشان ينسى وعايش في الحرام
ربنا يولع فيه
————-
أشرف قاعد في الجنينه مع هنا بيعد النجوم و بيتعشوا مع بعض
واشرف اتجرأ ومسك ايد هناه . وهنا كمان حاولت تكسر توترها وفتحت كلام مع اشرف وكانوا قاعدين مبسوطين جدا
وهنا جابت الكام وصورت اشرف واتصورو هما الاتنين مع بعض
——————
شيرين روحت ومصطفى شال بنته وطلعها اوضتها
ومستغرب انها نامت مكانها وكمان نايمه في عمق شديد
لكن هو كمان تعبان واخد حبيبته ودخلوا اوضتهم
ومحمد سرحان في كلام آدم ومريم واستريح نوعا ما
———-
آدم :- ايه يا جاسر ماتقول في ايه انت قاعد قدامي كده بقالك كتير وساكت وقهوه وشربنا قولي بقى يا اما استاذن انا مراتي تعبانه وعايزه تستريح
جاسر :- حاضر هتكلم احم استاذ آدم
آدم :- يا سيدي اسمى آدم ما حدش يقولي يا استاذ دي يا جماعه قول بقى فيه ايه
جاسر :- حاضر آدم انا كنت عايزك في موضوع مهم جدا بالنسبالك وكمان ليا رجاء عندك تسمع مني للاخر وبعدها ليك حريه التصرف
آدم بعدم فهم:- موضوع مهم بالنسبه ليا انا خير يا جاسر
جاسر بص لطارق ومريم ومتوتر
آدم انا كنت عايز اكلمك بخصوص موضوع اخت حضرتك الانسه ملك
آدم قبض على ايده وقام من مكانه ومريم قامت وجاسر وطارق مريم مسكت ايد آدم:- آدم علشان خاطري اقعد واسمع منه لو ليا خاطر عندك
آدم بص ل مريم بغموض :- يعني انتي كنتي عارفه وساكته وكمان عارفه اني عندي اخت اسمها ملك وساكته
طارق :- آدم مريم لسه عارفه منى حالا ومكانتش تعرف حاجه قبل كده انا بس قولتلها انك ليك اخت وفي مشاكل بينكم وعاوزين نحلها ونرجع الامور زي الاول
آدم بغيظ من طارق:- مشاكل ونرجع انتو بتقولوا ايه انتو ليه مصممين تخرجوا آدم الوحش اللي جوايا ها وزعق لييييه
مريم انتفضت جمب آدم من صوته وهو حس بخوفها:- يلا يا مريم يلا علشان نروح
مريم :- آدم حبيبي اسمعني علشان خاطر مريم حبيبتك لو ليا خاطر عندك اسمع جاسر هيقول ايه وبعدها انا معاك يا حبيبي في اي قرار وبصتله بترجي:- علشان خاطري لو سمحت
آدم :- حاضر يا مريم ولو ان الموضوع ده عندي منتهى . ولكن علشان خاطرك انتي وبس
وبص ل جاسر اتفضل عايز تقول ايه
وجاسر قبل ما يتكلم مش هتسالني الاول عرفت ازاي ان ليك اخت اسمها ملك
آدم :-ما يخصنيش قول اللي عندك وخلصنى
جاسر :- آدم انا كنت موجود لما كانت ملك عندك في المكتب لان انت قبلها بيوم طلبتني وكمان كنت واقف وانت بتطرد ها من مكتبك وكانت هتقع على الارض وانا لحقتها وسابتني وطلعت تجري ساعتها مالقتش حد خرج وراها ولا حد سال هي هتمشي ازاي في الشارع وهي في الحاله دي
انا طبعا من غير ما اشعر جريت وراها وكانت فعلا في حاله شبه انهيار ووقفتها غصب عنها وكمان كانت متعوره في جبينها من حضرتك وكانت في حاله يأس وضياع
وانا بعد الحاح عليها كتير طلبت منها انها تحكيلي وحكتلي كل حاجه من وهي عيله صغيره 10 سنين لحد 20 سنه
بص يا آدم انا عايزك تقلب الموازين وتفكر لو انت كنت 10 سنين وملك 20 سنه وانت طفل صغير فرحت بانك هتركب طياره لان اكبر احلامنا في السن ده تطلع وتشوف ايه اللي موجود فوق في السما
وحاجه تانيه انا شايف ان ملك ضحيه
آدم : كان هيتكلم لكن مريم ضغطت على ايده
ضحية مراه اب وضحيه اب دي مهما كان عيله يا جماعه عيله سافرت مع ابوها
وهارجع اقول تاني انت لو خرجت دلوقت وقابلت عيل 10 سنين وقولتله لو جيت معايا انا هيجيبلك طياره لعبه . الطفل ده طبعا هينسى كل حاجه حتى امه وابوه وهيروح معاك
آدم اختك ملك في الوقت ده كانت صغيره ومش واعيه للي هي بتعمله اختك كانت زي الاطفال اللي في الشارع دول وجالها عرض مغري ووافقت عليه انها تركب طياره
ومش طياره لعبه لا طياره حقيقيه آدم اختك ملك ندمت انها سافرت وكمان عايزك تعرف ان مراه ابوك كانت بتعذبها
مريم بصت علي ملامح آدم علشان تشوف تعابيره ولكن كانت جامده وده خوف مريم كتير.
جاسر كمل :- وكانت كمان بتنيمها من غير اكل ولا شرب تعرف انها حاولت تاخد ملك في طريقها كتير لكن ملك رفضت . تعرف انها كانت بتحاول تخلي ابوك يكره ملك وكانت بتسرق ملك وتقول عليها حراميه علشان ابوك يبهدلها
ملك اختك ما كنتش مسيده ولا كانت عايشه اميره في بيت باباها
ملك اتعذبت ودفعت تمن غلطه هي ما تعرفش معناها ولا كانت مقدره حجم العواقب
ملك رجعتلك بعد محاولات كتيره ملك كانت عايزه ترجعلك من خمس سنين فاتوا بس فريال كانت مستنيه ملك تكبر علشان……. علشان تشغل ملك لحسابها
هنا آدم قبض على ايديه ومريم تفائلت
وابوك دفع التمن واتعاقب ودلوقتي بقى واحد تاني فانا بطلب منك انك تدي لملك فرصه تانيه .. مش هاقول وباباك كمان لا انت مع الايام ممكن تلين لوحدك
لكن دلوقت اختك محتاجالك وانا باعتذر اني تدخلت لكن حاله اختك صعبه جدا وعايزه ترجع اخوها لحضنها
آدم : وقف:- خلصت
جاسر :- ايوه يا آدم انا خلصت
آدم :- يلا يا مريم علشان نروح
مريم :- آدم علشان خاطري
آدم :-قولت يلا
طارق :- استني يا آدم و اسمع كويس اختك كانت ضحيه
آدم :- ضحيه . ضحيه وانا كنت ايه وزعق انا كنت اييييييه اختي اللي المفروض تقويني واتقوى بيها سابتني وراحت مع اكتر اتنين بكرهم
و لو شفتهم هاخد فيهم إعدام .. سابتني وسافرت بعد وفاه امي بأسبوع انتو عايزين ايه اسامحها
لا يمكن ابدا انا لا يمكن اسامحها انا بكرها وبكرهه ابوها
ورجعوا تاني ليه ررررجعوووو ليييه بعد ما بدأت اعيش
اسمع يا جاسر ابعد نفسك عن الموضوع ده
انا اسمي آدم العدوي وماليش اخوات فاهم
مريم :- آدم ما ينفعش كده لازم تدي لاختك فرصه تانيه لازم تسامح يا آدم وتغفر مين احنا علشان مانسامحش
آدم :- انتي تسكتي خالص ما تتكلميش و ما تدخليش علشان ماعملش معاكي حاجه و اندم عليها واتفضلي قدامي على البيت
مريم :- آدم لو سمحت اهدا الامور ما تتاخدش كده دي مهما كانت اختك ولازم تسامحها
آدم :- شد مريم من دراعها اسامح مين
اسامح واحده كانت عايشه مع فريال والله اعلم كانت عايشه هناك ازاي دى ممكن تكون فرطت في شرفها بسهوله
واسمع يا جاسر ما تقفش قصادي وما تلعبش معايا انت فاهم
وجاي يخرج مريم مسكت ايده جامد آدم :-علشان خاطري اختك موجوده هنا وعايزه تشوفك ارجوك اديها فرصه و اسمع منها
آدم :- الله ما انتي عارفه كل حاجه اهو وطبخاها معاهم وزعق وعلا صوته على مريم
:-مظبطه كل حاجه معاهم صح انا كنت فاكرك طيبه وانك غيرهم لكن انتي طلعتي زيهم ومفرقتيش حاجه عنهم
مريم بدموع:- انت بتقول ايه يا آدم طيب اهده انت دلوقتي مش في وعيك
آدم :- ليه شارب ولا سكران لا يا مدام انا في وعيي وواعي وقاصد كل كلمه باقولها و باقولك اهو انتي يا مريم زيهم ويمكن تكوني اكتر كمان ومش عايز اشوف وشك في البيت تاني فاهمه
وجه يخرج مريم مسكت ايده تانى :-آدم .آدم
ملك خرجت بسرعه وقفت قدام آدم:- لو سمحت اهدي واسمعني ما تخليش الشيطان يعميك عن الحقيقه
ومريم مسكت ايد آدم بتترعش :-علشان خاطري اسمعها دي مهما كانت اختك الوحيده
آدم مسك مريم من كتفها وراح زقها بعيد وكانت هتقع لولا جت بين ايدين ملك وقال:- مش عايز اشوف وش حد فيكم تاني فاهمين
وانتي يا مريم ارجع البيت ما تكونيش موجوده فيه انا لازم اخرجك من حياتي انتي كمان ولازم اخرجكم كلكو من حياتى
وخرج وركب عربيته وطار بيها
ومريم وملك في حضن بعض بيعيطوا دخل أشرف وهنا عليهم بسرعه
أشرف :- فيه ايه وآدم خارج لوحده و متعصب كده ليه
وشاف مريم جرى عليها في ايه يامريم بتعيطي ليه آدم مد ايده عليكي قولي . قولي علشان لو مد ايده عليكي اقسم بالله ما هاعديهاله
جاسر :- اهدا يا أشرف آدم ماعملهاش حاجه
أشرف :- معملهاش امال ايه كل العياط ده
طارق :- أشرف دى الانسه ملك خالد العدوي اخت آدم . وآدم مش عايز يعترف بيها و مريم كانت بتصلح بينهم وزعق ومشي لكن مامدش ايده على مريم
أشرف :- قومي .قومي معايا يلا انت لازم تروحي معايا
مريم قامت وخرجت مع اشرف وجاسر اخد ملك يوصلها البيت وكل واحد من مريم وملك دموعها على خدها
أشرف :-هنطلع على الفيلا
مريم :-لا لا روحني على شقتي
اشرف :- يا مريم مش هينفع ادم كان خارج ووشه كله شرار ده ساق العربيه في غمضه عين
مريم :- معلش يا اشرف جرح آدم كبير قوي بعدين هاقولك كل حاجه بس ارجوك روحني على بيتي
أشرف :-حاضر يا مريم
أشرف وصل مريم لحد بيتها وطلعها شقتها وشافوا يمكن آدم يكون موجود لكن العربيه مش موجوده تحت العماره وكمان مش موجود في شقته
أشرف :- خليني معاكي انهارده
مريم :- لا يا حبيبي انت عريس روح انت واتصل بخطيبتك طمنها لانها كان باين عليها القلق يلا روح
أشرف:- متاكده مريم ايوه متاكده
أشرف :- طيب انا هاسيب فوني جمب مني اي حاجه تحصل اتصلي عليا فاهمه
مريم :- فاهمه يا حبيبي
جاسر وصل ملك وكانت طول الطريق تبكي وجاسر ربت على ايديها :-ما تقلقيش احنا ان شاء الله هنحاول معاه مره واتنين ووصلها لحد البيت ونزلت واخدها في حضنه ومسد على شعرها وخلاها تهدى وطلعت على البيت . وجاسر رجع على بيته
———–
سوزي :- اهدا يا عاصم اهدى يا بيبي مش كده اكيد في حل
عاصم :- حل !!!!!؟؟؟؟ايه حل اييييه انا حطيتله الاوراق في الملف . عايز اعرف ايه اللي حصل ومين لان جاسر لا جاسر لو كان عرف كان كلمني وكان طردني من بيته انما ده بيعاملني عادي انا مش قادر افهم جاسر ولا مين اللي غير الأوراق
سوزي :- مش يمكن ملك اللي كانت موجوده جوه ويمكن كمان عملت انها دايخه علشان تخرج بره الاوضه
عاصم :- ودي مصلحتها ايه انها تعمل كده وايه كمان اللي هيعرفها ان انا حاطط اوراق التنازل في الملف
سوزي :- يا بيبي ملك دي تبقى حبيبه سى جاسر فهمت
عاصم بص بعيد :-انتي قصدك انها علشان حبيبته هاتفتش في الاوراق
سوزي :- احتمال ليه لا
عاصم :- ده لو كده بقى يبقى تاهت ولقيناها
سوزي :- ايه هتعمل ايه
عاصم :- صبيلى كاس انا ممكن اخلي جاسر بسهوله يمضيلي على التنازل بما ان عنده ملك حبيبته وهنا اخته ممكن اخدهم رهينه وساعتها جاسر غصب عنه هيتنازل بما اننا كده هنلعب على المكشوف
سوزي :-ههههه ايوه كدا احبك انا . بس زعلانه منك مين مريم دي اللي كل شويه وانت في حضني تنادي باسمها
عاصم :- مريم دي مجننه عقلي دي حاجه كده نضيفه ومش هرتاح الا لما اجيبها فاهمه
سوزي :- ههههه اهم حاجه من غير جواز علشان انا بغير
عاصم :-اتكلمي على قدك يا بت انا هتجوزها ولو رفضت من غير جواز ما فيش مشكله اصل هي بصراحه وحشاني اوي وحلوه اووي اوي وكان زمانها بين ايديا دلوقت بس الجايات اكتر يلا . يلا قومي تعالى معايا
سوزي :-ههههههههههههه
———————–
الساعه ٤ الفجر ومريم منتظره آدم اللي ما بيردش علي فونه وكلمت طارق اللي اخدت رقمه من جاسر اخو هنا
وطمنها ان آدم لما بيكون متدايق جدا بيهرب شويه وبعدها هيرجع
مريم بتقرا قرآن وصوتها كله عياط وكلمت ربنا كتير وكانت زعلانه من اتهام آدم ليها وبعدها وقفت تصلي وكانت مرهقه جدا وتعبانه
الفجر اذن وصلت الفجر وقاعده على الكنبه وخايفه تنام من غير حضن آدم
بعدها بشويه الباب اتفتح وآدم كان باين عليه التعب دخل الاوضه وشاف مريم قاعده بالاسدال وعينيها وارمه من كتر العياط وشايف سجاده الصلاه مفروشه
ودخل قعد على طرف السرير ومريم مابصتلهوش لكن قلبها ارتاح اول ماشافته بعدها قامت من مكانها وقلعت الاسدال وكانت تعبانه جدا وحاسه انها هيغمى عليها راحت على السرير وشالت الغطا ونامت واستغطت وعطته ضهرها وكانت بتبكي بصمت
آدم :- امي اسمها نور وكانت حنينه جدا وكانت لما بتحب بتحب بجد مستعده تضحى علشان اي حد حتى لو ما تعرفوش وبص ل مريم:- وفيها منك
مريم اتعدلت وبدات تسمعه
ادم بيكمل :-امي كانت كل حياتي كان آدم ده عندها بالدنيا كنت ابنها الوحيد كنت بنام على حجرها لحد 18 سنه
18 سنه كانت بتنيمني على رجليها وتلعب في شعري
آدم عيونه اتملت بالدموع كانت حنينه قوي كانت متحمله على نفسها وجوزها استغلها واستغباها
جابلها واحده من دور ولادها عاشت سنتين قهر وتعب وذل عاشت مريضه دبلت الورده الجميله اللي كنت اصحى كل يوم على احلى صباح منها
اتغيرت وبقت هزيله كانت بتضحي بغباء وكانت تبص في عيون جوزها تقوله انا نور انا اللي كنت هنتحر علشان انت مش هتبقي معايا
انا نور اللي مضيتلك على حقي واتنازلت عنه وسرقتني وسامحتك علشان خاطر حبي واولادي
راجل ظلم وافترى و سرق . سرق عمري وسرق امي وسرق …..
مريم حطت ايدها على كتف آدم واخدت راسه على رجليها و بتمسد على شعره
عايزاني اسامحهم ازاي فريال سرقت فلوس امي و سرقت دهب امي مخلتش حاجه من الدهب بتاعها
وسرقت جمال وصحه امي
سرقت ابويا اللي كان عايش معانا وواهمنا اننا عندنا اب مثالي سرقت ملك اللي كنت بعشقها وكانت المدلله
سرقت كل حاجه وكان هيسرقك مني برجوعه تاني ازاي عايزاني اسامحهم ازاي انا جرحي كبير اوي ومش قادر اسامحهم
بسببهم ناناه ضاعت بسببهم جدي مات بسببهم حاجات كتيره جدا اتغيرت بسببهم .. انا كنت عايش في وسط بيت وعيله وكنت سعيد فجاه لقيت نفسي وحيد امي راحت وابويا راح واختي راحت وجدي مات بعد وفاه امي بسنه . وتعرفي كان عندي جدتي وابتسم وقال كنت لما اقولها يا تيتا تغضب مني وتقولي انا اسمي ناناه .. ناناه وبس وكان عندها آدم ده حاجه تانيه
انا دورت عليها كتير وما لقيتلهاش اثر لو تعرفي هي وحشاني قد ايه هي الوحيده اللي ممكن تعوضني حنان امي
مع ان مفيش اي حد في الدنيا يعوض حنان الام رفع عينيه ل مريم . فكرت في كلام جاسر انها تكون ضحيه مش قادر استوعب انها ضحيه امي ماتت قدامها يا مريم انا دفنت امي بايدي . ازاي هي طفله ومش مستوعبه كل ده ازاي قوليلي اعمل ايه انا ضايع مش عارف اعمل ايه
………
مريم رجعت راسه تاني على رجليها و بتمسد على شعره وقالت :-مين احنا يا آدم علشان منسامحش ربنا يا آدم قال ان العفو والصفح من اسباب دخول الجنه وفي قصص كتير حصلت علشان نسامح
يعني (سيدنا يوسف) عليه السلام . لما اخواته رموه في البير واتسجن وبعد عن اهله فتره كبيره جدا ولما رجع لأهله تانى واخواته كانو خافين انه مش يسامحهم قال ايه في الاول قال
بسم الله الرحمن الرحيم
( نزغ الشيطان بيني وبين اخوتي)
يعنى حمل الشيطان المسؤلية الكاملة وغفر لاخواته
وبعدها لما اخواته طلبوا منه انه يسامح وينسى كل اللي عملوه فيه قال
بسم الله الرحمن الرحيم
( قال لا تثريب عليكم اليوم يغفر الله لكم وهو ارحم الراحمين)
يعنى سامحهم في غمضة عين مقالش لا انتو رمتوني في البير وضحكتو على ابويا واتعمي بسببكم من حزنه عليا وانا اتسجنت واتبهدلت
لالا ابدا هو سامح محملش قلبه فوق طاقته
وكمان يا آدم في ف القران ايات كتيره جدا عن التسامح والصفح تسامح علشان خاطر تدخل الجنه وتسامح علشان تنسى . وتسامح علشان ما تحملش قلبك اكتر من طاقته. يعني ربنا قال في سوره الزخرف . بنيه العفو والصفح
( بسم الله الرحمن الرحيم)
(فاصفح عنهم وقل سلام فسوف يعلمون)
تقدر تقولي يا آدم احنا هناخد من الدنيا دي ايه
لما تفضل تحقد وكاتم في قلبك و شايل هموم كتير انا لا يمكن انسى ده وانا لا يمكن اسامح ده انا لازم اعاقب دي ليه يا آدم ليه كل الشر وكل الحقد ده ماينفعش انت كده بتشيل نفسك هموم هتتعبك انت صدقني . ليه تعيش في الماضي انا عايزاك تسامح علشان خاطرك انت مش علشان خاطر ملك او باباك
مع ان ملك تستاهل ان انت تسامحها علشان خاطرها يا آدم اختك ضحيه صغيره مش فاهمه حاجه طيب هاقولك
حديث سيدنا. محمد قال صل الله عليه وسلم
( لا تباغضوا . ولا تحاسدوا . ولا تدابروا . ولا تقاطعوا . وكونوا عباد الله اخوانا ولا يحل لمسلم ان يهجر اخاه فوق ثلاث)
يعني يا آدم حرام تخاصم اخوك غير ٣ ايام بس يعني تخاصم يوم والتاني واليوم التالت تبدا تتكلم معاه مش ١٠ سنين يا آدم حرام . حرام عليك نفسك
وبعدين في شعر عن الشافعي كده
بيقولك وعاشر بمعروف وسامح من اعتدى ودافع ولكن بالتي هي احسن
يعني يا سيدي سامح ملك وكلمها واعمل اللي عليك ولكن بالحسنه انت ممكن تتعلق بملك تاني وتحتويها جدا كمان ليه انت رافض تسمعها وبعدين عايزه اقولك حاجه ليه احنا ما نكونش من الناس دي ليه ماتسمحش وليه ما نسمعش بعضنا اكيد ملك ما كنتش تقصد
ملك كانت طفله طيب انا ما افتكرش نفسي وانا عندي ١٠ سنين كنت عامله ازاي
ومسكت راس آدم بايديها وبصت على عيونه ومبتسمه تفتكر وانت عندك 10 سنين كنت عامل ازاي كنت فاكر حياتك كانت ماشيه ازاي كنت فاكر كل المواقف
آدم مغمض عينيه وهز راسه :-مش اوي
مريم :- اهو يعني كنا عيال صغيره وهي كمان كانت عيله واحنا فرحانين بالدنيا الغداره دي وعايزين نلعب ونتفسح ونلبس ونخرج
يا آدم انت لازم تسامح اختك وكمان تسامح باباك آدم لسه هيتكلم وقبل ما تقول حاجه سامح اختك الاول وبعدها سيب الامور تمشي طبيعي جدا انت لازم تسامح يا آدم علشان خاطر ربنا وعلشان خاطر ترضيه
وعلشان خاطر مامتك يا آدم عايزه اقولك على حاجه ممكن تكون مامتك دلوقتي زعلانه منك لانها وصتك على ملك دي الوصيه يا آدم دي وصيه نور ل آدم على ملك لازم يا حبيبي تسامح ولازم يكون قلبك كبير
انت كمان عملت غلطه في حقي علشان بتحبني.. الناس بتعمل حاجات غصب عنها علشان بتحب وانا علشان بحبك سامحتك وكمان محمد امبارح سامحك انت ليه مش راضي تسامح اتمنى ان انت تسامح ونرجع كلنا عيله واحده ونكون عيلتين مع بعض
مريم سكتت وآدم نايم على رجليها وساكت وبعدها قال:- تعرفي كلامك بيريحني اوي
مريم :- ده مش كلامي ده كلام ربنا .. القران حلوه اوي وفي كل الاجابات على اسئلتك ربنا بقى يهديني ويهديك كده وكل يوم نقرا ورد مع بعض وتكون انت الزوج الصالح اللي تاخد بايد زوجتك للجنه امين يا رب
آدم اتعدل :-انا اسف اني عليت صوتي عليكى وقولتك كلام يجرح و اسف اني قولتلك سيبي البيت اوعى يا مريم تبعدي عني
صدقيني آدم من غير مريم صفر على الشمال انا بجد اسف
مريم طبعا جواها زعلان اوي ومجروحه جدا من كلام آدم لكن هي لسه مكلماه على التسامح فاستحاله تخاصمه ولكن قررت جواها تخبي جرحها وتتعامل عادي
وكمان آدم ما ننساش انه جرحها قدام طارق وجاسر واخته ملك
:-احم عادي ما فيش حاجه انا مش زعلانه قوم انت غير هدومك علشان الساعه ٧ الصبح وانت تعبان ولازم تنام وانا كمان حاسه اني انا تعبانه جدا ومحتاجه انام
آدم :- حاضر وقام يغير هدومه وجه جمب مريم ولكن شافها نامت
راح نام جمبها واخدها في حضنه وباس على راسها:- يا ريت تكوني سامحتيني بجد
مريم فتحت عينيها ودمعه نزلت وغمضت لانها مكانتش نامت وناموا في حضن بعض
———–بقلم Mariem Nasar
عدى كام يوم على ابطالنا الحلوين
ومريم بتعامل آدم برسميه لانها حاسه انه جرحها ولكن بتعمل كل واجباتها على اكمل وجه وقررت انها لازم ترجع ملك وآدم مع بعض من تاني
وآدم بيحاول يقرب مريم منه تاني وبيفكر كتير في كلام مريم عن التسامح و انه بيفكر فعلا انه يدي فرصه ل ملك
———-
رنا طبعا فاقت بعد العصير بيوم وتاني يوم فضلت مدروخه وباباها كان عايز يوديها للدكتور ولكن رنا رفضت وقالت ممكن يكون ارهاق واني اتحركت كتير وكده
رنا خلصت الامتحانات هي وهنا وكانوا مبسوطين ان الاجازه هتبدا ولكن طارق كان متدايق لانه مش هيشوف رنا زي الاول لكن بيكلمها يوميا في الفون
————
أشرف وهنا عايشين قصه حب جميله واشرف خلاص روحه بقت في هناه
ولكن هنا خايفه من السر اللي هي مخبياه على اشرف هي عايزه تحكيله ولكن رنا منعاها تقوله حاجه
ولكنها قررت تحكيله علشان هي عشقت أشرف وما ينفعش تخبي عليه حاجه
—————-
ملك عايشه قصه حب مع جاسر ولكن جزء من قلبها حزين علشان اخوها رفض يسمعها وبتحاول تتاقلم على انها تبعد عن آدم وتستسلم للامر الواقع ولكن جاسر اقنعها هيحاولوا مره كمان وملك وافقته وقالت لو ما وافقش انا هارجع مكان كنت
وجاسر بيحاول على قد ما يقدر يسعد ملاكه وهو كمان بدا يركز في شغله و يقرا كل كلمه في اي ورقه تكون موجوده على مكتب
————–
مصطفى وشرين فرحانين جدا لانهم اتفقوا ان أشرف وهنا .. وطارق ورنا هيتجوزوا بعد الامتحانات بفتره صغيره
————-
عاصم بيخطط وكل خططته بتفشل لان مفيش حاجه هتحصل لاي حد من غير اراده ربنا
ولكن هو مراقب مريم كويس
وبيفكر انه يخطط لخطف هنا وملك الاول علشان جاسر يتنازل اجباري
اما ابتسام عايشه في خوف من ابنها اللي اتحول عليها فاجأه وبتحاول تتجنبه على قد ما تقدر ووعدته انها هتساعده انه يخطف هنا وهتظبط كل حاجه
—————-
اما زياد خلاص ظبط الفون و عرف يشتغل عليه كويس علشان عايز يلعب ب اعصاب عاصم وبيفكر يبعتله الفيديو على الواتساب ويغير الرقم لان زياد سال كويس وعمل كل احتياطاته ان عاصم مايعرفش يوصل لصاحب الرقم
وكمان طاهر قرر يساعده وعرفه ان المكالمه ما تجيش 59 ثانيه علشان ما يحددش المكان فين
————
في صباح يوم جديد
آدم :- صباح الخير
مريم :- صباح النور
آدم :- صاحيه بدري ليه
مريم :- ورايا شغل في البيت وياريت تكون موجود على الغدا في الميعاد
آدم :- مش فاهم ليه في حاجه
مريم :- جاي عندنا ضيف مهم النهارده
آدم :- ممكن اعرف مين
مريم :- لما تيجي هتعرف كل حاجه بعد اذنك انا هاقوم اتوضي واصلي وسابته ودخلت تتوضا علشان تصلي
وهو اتخنق جدا من الفتور اللي عند مريم تجاهه وبيحاول على قد ما يقدر يصالحها
ولكن هي بتقوله انها مش زعلانه نزل على شغله مخنوق ومكنش مركز في كل حاجه و بيفكر يتصل على مريم لانها وحشاه جدا ولكن كالعاده هتتكلم معاه بنفس الفتور
وبيفكر ياترى مين الل جاى انهردا ع الغدا
————
رنا :- الو ايوه يا طارق
طارق :- عيون طارق قلب طارق وحشتيني وحشتيني وحشتيني . يوم بحاله يا مفتريه ما اسمعش صوتك فيه
رنا :- غصب عني والله سوري يا حبيبي وبعدين انت كمان وحشتني اووي
طارق :- باقولك ايه انا عايز اشوفك و عايز اعزمك نتغدى بره النهارده ايه رايك استاذن من عمي واعدي عليكي اخدك
رنا :- لا مش هينفع
طارق :- ليييييه مش هينفع ليه
رنا :- لان ماما عزماك عندنا النهارده على الغدا
طارق :- انتي بتتكلمي جد يعني هاشوفك النهارده
رنا :- ايوه وانا كمان هاشوفك تصدق بقالنا حوالي اسبوع ما شوفناش بعض
طارق :- ٦ ايام ماشوفتكيش ٦ ايام و ٤ ساعات يا رنا وخلاص هانت كلها شهر ونبقى ف بيتنا انا فرحان
رنا :- غمضت عينيها بحب مبسوطه بطارق العاشق الولهان احم خلاص هتيجي هاستناك
طارق :- اممم اكيد طبعا لكن امتى
رنا :- ٥ كويس
طارق :- تمام ٥ بالدقيقه هاكون قدامك
—————
جاسر :- وبعدين معاكي يا ملك اهدى بقى والله ان شاء الله الموضوع هيعدي على خير
ملك :- اا.انا انا مرعوبه فكرة اني اروحله البيت خايفه لا يطردني تاني
جاسر : لا يا قلبي وبعدين مريم اكدت وقالت على مسئوليتي وكمان لو حصل اللي انتي بتقولي عليه ده انا هاوصلك وهاقف في مكان بعيد استناكي وآدم عمره ما هيشوفني اني واقف عند بيته خلاص بقى روقي كده وانا احساسي بيقولي انك هتجري عليا وهاتحضنيني من الفرحه
ملك :- يا ريت يا جاسر يا ريت
جاسر :- احنا فيها اهو تعالي في حضني
ملك :- مبتسمه جاسر مش قصدي على الحضن انا قصدي على الفرحه
جاسر :- وانا اللي فكرت انك ما صدقتي ان طلبت منك حضن ههههههههه.
ملك :- هي الساعه كام دلوقتي
جاسر:- ٣ ونص
ملك :- ايه ده فاضل نص ساعه بس اا.انا انا خايفه ولازم كمان نمشي دلوقتي
جاسر :- طيب اديني 10 دقايق علشان
سوزي تروح لاني مش هاسيبها هنا لوحدها في المكتب
ملك :- اوكي انا مبسوطه انك نبهت عليها ماتجيش قبل منك وكمان تمشي قبل منك كده مش هتعرف عنك حاجه في المكتب
جاسر :- انا بحب ديما اشوفك مبسوطه ياقلبى
وثواني هظبط كل حاجه ونمشي
———-بقلم Mariem Nasar
مريم جهزت كل حاجه بحب وعملت الاكل اللي آدم بيحبه وكمان عصير المانجا اللي هو بيعشقها
وقالت تمام كده ادخل بقى اغير هدومي تكون ملك وصلت
مريم دخلت اخدت شاور وخرجت ولبست فستان رقيق جدا آدم بيحبه اوي عليها وهي بتحاول النهارده تعمل كل حاجه آدم بيحبها
علشان يتأهل نفسيا للمواجهه اللي هتحصل
. هي ايوه خايفه من رد الفعل لكن لازم تتحرك وتعمل حاجه علشان ملك قالت لو آدم مش هيسامحني فانا هارجع مكان مكنت
مريم وقفت قدام المرايه وفردت شعرها ولبست السلسله اللي آدم كان جايبهلها وحطت ميك اب خفيف
ولبست جزمه بكعب عالي كانها خارجه بالظبط وكانت في منتهى الجمال
وكمان حطت البرفان اللي بيدوخ آدم وكانت مريم قايله ل آدم لما اكون حطه من البرفان ده انا بكون بعتالك دعوه صريحه
لان كمان آدم واحشها جدا وقالت لنفسها لو آدم صالح اخته النهارده انا هارجع اميرته من تاني وهي سرحانه مع نفسها
جرس الباب رن لانها عطت ل ملك العنوان وخرجت تفتح وبص من العين السحريه وشافت ملك وكانت واقفه متوتره
مريم فتحت بسرعه
مريم :- اهلا اهلا يا ملوكه تعالى يقلبى ادخلى
ملك دخلت وسلمت:- ازيك يا مريم عامله ايه ما شاء الله انتي جميله اوي
مريم :-حبيبتي ربنا يخليكي الحمد لله تعالى اقعدي
ملك :- معلش اتاخرت شويه
مريم :- لا ابدا متاخرتيش ولا حاجه وبعدين آدم هيكون هنا كمان شويه
ملك :- مريم بصراحه انا خايفه من المواجهه وان آدم يطردني ويتكلم معايا تاني بالاسلوب الوحش ده
مريم :- لا ما تقلقيش انا حاسه ان آدم بدا يتغير للأفضل
المهم انا مش هشربك حاجه احنا هنتغدى على طول بمجرد وصول آدم
ملك :- لا لا شكرا انا هاكلمه واروح على طول
مريم :- امممم اظن انا كلمتك وقلتلك هتيجي وهتتغدى معانا ما هو مش معقول ترفضي غدا
زي ده انا من الصبح واقفه في المطبخ علشانك وكمان عملتلك ورق عنب ومكرونه بالبشاميل يعني اكيد مش هتزعلي ورق العنب ولا ايه
ملك :- ابتسمت حاضر يا مريم بس ربنا يعدي اليوم ده على خير . وعلى فكره بجد بجد انتي جميله اوي جمالك غير عادي وخصوصا باللبس ده وفرده شعرك
مريم :- ميرسي يا قلبي
ملك :- انتي ليه خافيه الجمال ده كله تحت النقاب
مريم :- جمالي ده لجوزي ومحارمى وانتي بس اللي تشوفوني انما الناس اللي بره اولا مالهمش حتى ولا من حقهم يشوفوا خيالي و…
صوت مفتاح قدام باب الشقه مريم :- احم آدم جه
ملك :- استر يا رب ومتوتره
آدم فتح باب الشقه ودخل وشم ما لذ وطاب وكمان شم البرفان اللي بيخليه مش مركز فعلا وابتسم وفي نفسه دي دعوه وصلح من مريم .. وتفائل يمكن مريم عاملالي مفاجاه وسامحتني
مشي خطوتين وشاف مريم قاعده في الليفنج وكان في بنت قاعده ولكن ضهرها ل آدم
وآدم مش مركز مين اللي موجود هو وقف مكانه علشان شاف اميرته الحلوه في ابهي صوره هو بيعشقها وهيتجنن عليها وبلع ريقه علشان مريم وحشاه جدا ولسه هيتحرك علشان يضمها
مريم وقفت وملك كمان وقفت ولفت ل آدم
——————
سوزي فتحت الباب ل عاصم:- اخص عليك اتاخرت كده ليه
عاصم :- بص على سوزي اللي لابسه لببس ولا كانها لابسة
عاصم بس عليها من فوق لتحت::- يخربيتك يا بت اتكسفي شويه
سوزي بزعل:- يبقى مش عجبتك
عاصم قرب منها:- مش ايه. انتي عبيطه ده انا دوخت لما شوفتك كده بس يعني بالراحه عليا مش تاخديني كده مره واحده
سوزي :- تعالى نتكلم في اوضه النوم
عاصم دخل معاها وكانت سوزي مجهزه الاوضه جايبه اكل و ازازه خمره و مجهزه الكاسات وكل طلبات الشيطان مجابه عندها
عاصم :- الله الله انتي مجهزه كل حاجه بقى اممم ممكن افهم ايه الرضا ده كله
سوزي :- ابدا يا بيبي مفيش حاجه جاسر قالي روحي علشان هيقفل المكتب وخارج
قولت احسن فقولت بقى اتصل عليك يابيبى و بما ان لسه بدري و قدامي وقت كبير اتصل ب عصومي حبيبي يقضي معايا الوقت ده وكمان اشتريت اللبس ده علشانك
عاصم بيفك زارير القميص بتاعه عداكي العيب انتي عملتي الصح يلا بقى هنفضل نتكلم
سوزى :- ضحكه مايصه طيب والغدا
عاصم :- وماله نتغدا بعدين هو احنا ورانا حاجة
سوزي :- انا معاك للساعه 11 بالليل وكمان ممكن ابقى معاك للصبح عاصم بغمزه يبقى للصبح حبيبتي انتي اللي حاسه بيا تعالي . تعالي
سوزي :- هههههههههههه .
عاصم :- …….
—————–بقلم Mariem Nasar
مصطفى :-اهلا اهلا يا طارق يا بني شرفتنا
طارق :- اهلا يا عمي الشرف ليا طبعا
أشرف :- ازيك يا طارق عامل ايه
طارق :-الحمد لله يا اشرف انت اخبارك ايه
أشرف :- الحمد لله تمام
طارق :-ازيك يا محمد عامل ايه
محمد :- الحمد لله كويس ايه الشنط الكبيره اللي معاك دي حاجات كتيره
أشرف همس ل محمد:- استعد ابوك هينفخك
طارق :- ابدا دول شويه هدايا وشوكولاتات كده لرنا ممكن تاخدها توديهلها
مصطفى :- لا لا يا طارق يابني لما تقعد مع رنا قدملها هديتك بنفسك وبعدين انت تعبت نفسك ليه انا مش فاهم
طارق :- ولا تعب ولا حاجه يا عمي بس بستاذنك يعني ممكن بعد اذنك بعد الغدا اخد رنا ونخرج شويه ده بعد اذنك طبعا
مصطفى :- وماله يا حبيبي موافق مفيش مشكله
طارق :- بجد ربنا يخليك لينا يا عمي
مصطفى :- متشكر ولكن محمد هيبقى معاكم
—————-
عاصم لسه هيقرب من سوزي لكن جاتله رساله على الواتساب
عاصم :- أووووف يووه نسيت اعمل الزفت ده صامت
سوزي بملل:- طيب اقفله خالص وتعالى
عاصم اتعدل من جمبها وبيجيب الفون من على الكومود ونزل الشاشه علشان يعملوا صامت ولكن شاف حاجه خليته كان هيموت مكانه
شاف رقم مش من مصر و باعتله فيديو مقتل حسين الصاوي
عاصم :- ا..ااا.اايه ده مش معقول . جمال ———
- يتبع الفصل التالي اضغط على ( رواية جريمة عشق ) اسم الرواية