رواية القصر الملعون الفصل الثاني 2 - بقلم محمد نصر

  رواية القصر الملعون كاملة بقلم محمد نصر عبر مدونة دليل الروايات 

 رواية القصر الملعون الفصل الثاني 2

 

اسمي خالد ٢٨ سنه انا و راشد اصحاب من زمان نفس الدفعة.. بس الفرق ان هو دخل جامعه وانا فضلت فاشل زاي مأنا.

انا عايش لوحدي انا و والدتي،

والدتي مدرسة ابتدائي ،و انا فاتح محل صغير ببيع فيه و كان هو سبب اني كونت نفسي و خطبت حبيبتي..

اسمها شهد بنحب بعض بقالنا سنين،

هي اللي بتهون عليا كل اللي انا فيه..

فعلا بحبها، ضحكتها بتنسيني كل حاجه انا بمر بيها.

خطبتها بعد تعب ومعاناة مع اهلها،

و ابوها اللي كان رافضني بس الحمدلله بقت خطيبتي و هنتجوز الاسبوع الجاي هبقا عريس اخيرا،

بستني اليوم دا اوي ، مستني لما تبقا معايا في بيت واحد..

و هي كمان بتحبني.. اللي شدني ليها عيونها و اخلاقها عيونها عسلي وشعرها اسود جميل.. متحجبة و بتصلي و محترمة اوي..

حبتني رغم المستوي المادي اللي انا فيه

واخيرا هنتجوز….

***

***

ام خالد:

ايه يعريس هتفضل نايم كتير مش هتنزل المحل؟!.

خالد:

حاضر يا امي هنزل انا بس ناسي حاجه ومش عارف افتكرها.

ام خالد:

اخيرا هشوفك عريس اخيرا هشيل ابنك علي ايدي قبل ما اموت..

خالد:

بعيد الشر عليكي يا امي هتعيشي و هتحضري فرح ابني كمان..

ام خالد:

ربنا يبارك فيك يابني.

خالد:

انا نازل المحل يا امي محتاجه حاجه؟

ام خالد:

ربنا يوفقك يحبيبي..

***

نزلت المحل و جت شهد زي كل يوم على اساس انها هتشتري حاجات و وقفنا اتكلمنا..

قالتلي قد ايه هي مبسوطه ان احنا هنتجوز

و قد ايه فرحانه ان فرحنا قرب،

هزرنا شويه ومشيت…

قفلت المحل الساعه ١٠ بالليل،

و روحت أخدت شاور و أكلت و موبايلي رن علي الساعه ١ بالليل راشد كان بيرن بيقولي يلا عشان نروح القصر..

انا كنت ناسي بس كنت لازم اروح عشان اثبت لراشد انه بيتهيئله وانه مجنون فعلا…

راشد صاحبي من زمان..

هو اللي ليا في الدنيا هو وشهد..

بدأت أجهز شنطة ضهر ليا حطيت إزازه مايه وأخدت كشاف وحبل عشان نعرف ننط من على سور القصر..

قابلت راشد علي اول الشارع، سلمت عليه ومشينا عشان نروح القصر..

القمر كان جميل اوي اول مره اشوف القمر كدا،

كان واضح اوي و منور المكان كله،

مشيت انا وراشد لحد ما وصلنا للقصر،

منكرش انا كنت حاسس شويه بالخوف…

***

راشد:…

القصر المره دي كان واضح عن المره اللي فاتت.. دلوقتي اقدر اوصف ملامحه كويس،

القمر مكتمل ومبين كل حاجه

(صورة: نطينا من على السور انا وخالد نزلنا علي الارضكان في شجر كتير من غير ورق،اتقدمنا شويه وشوفت القصر كان كبير اوي فيه اربع ابراج كبيرة و في كذا دور والسلم بتاعه كبير اوي و دهان القصر محروق،القصر دا اكيد اتحرق قبل كدا اتقدمنا انا و خالد وفتحنا باب القصر...)

نطينا من على السور انا وخالد نزلنا علي الارض

كان في شجر كتير من غير ورق،

اتقدمنا شويه وشوفت القصر كان كبير اوي

فيه اربع ابراج كبيرة و في كذا دور والسلم بتاعه كبير اوي و دهان القصر محروق،

القصر دا اكيد اتحرق قبل كدا

اتقدمنا انا و خالد وفتحنا باب القصر،

الباب كان كبير و عليه رسومات غريبه و كتير و اشكال غريبه، لما فتحنا الباب عمل صوت؛ لانه متفتحش من زمان، دخلنا وكان المكان ضلمه جدا

طلعنا كشافاتنا وشغلناها ودخلنا،

المره دي في تفاصيل كتير ظهرت ليا،

النفورة اللي في وسط القصر واضحة،

و علي الشمال في لوحة كبيرة متعلقة بس مش عارف مين الشخص اللي في اللوحه ده

(صورة: طلعنا كشافاتنا وشغلناها ودخلنا،المره دي في تفاصيل كتير ظهرت ليا،النفورة اللي في وسط القصر واضحة،و علي الشمال في لوحة كبيرة متعلقة بس مش عارف مين الشخص اللي في اللوحه ده)

وفي سلم بيطلع للدور التاني،

بدأنا نستكشف القصر…

خالد مكنش ظاهر عليه اي خوف..

ولما دخلنا قالي اهو يعم مفيش حاجه وانت بتتخيل..

طلعت استكشف الدور اللي فوق وهو نزل

يستكشف تحت، انا طلعت فوق لقيت ممر طويل

في أوض علي الشمال و أوض علي اليمين وفي باب في آخر الممر..

(صورة: طلعت استكشف الدور اللي فوق وهو نزل   يستكشف تحت، انا طلعت فوق لقيت ممر طويلفي أوض علي الشمال و أوض علي اليمين وفي باب في آخر الممر)

المكان ضلمه جدا و أنا ماشي بين الأوض وبفتح أوضة أوضة، كلهم أوض مفيهاش حاجه..

بس اخر أوضة كانت غريبة..

قربت من الباب وحطيت إيدي عليه

إيدي اتغرقت باللون دا..

حد لسه داهن اللون دا علي الباب!!

بس ازاي القصر مهجور!!

بس دا مش لون دا د.د.دم!!!!..

(صورة: حسيت إني بدأت أخاف بس اتمالكت أعصابي وقولت في إيه مفيش حاجه حصلت لكل دا يمكن مش دم ودا لون عادي وانا بوهم نفسي)

حسيت إني بدأت أخاف بس اتمالكت أعصابي وقولت في إيه مفيش حاجه حصلت لكل دا يمكن مش دم ودا لون عادي وانا بوهم نفسي..

قررت أفتح الأوضة… حطيت إيدي علي الباب و لسه هفتحه سمعت خالد بيصرخ سبت كل حاجه في إيدي و جريت بسرعة أشوف خالد ماله في ايه؟!..

نزلت تحت… خالد كان في القبو

لما نزلت لقيت خالد نايم علي الارض وماسك راسه بإيده وبيعيط جامد وبيصرخ!!

(صورة: خالد كان في القبولما نزلت لقيت خالد نايم علي الارض وماسك راسه بإيده وبيعيط جامد وبيصرخ!!)

روحتله قلتله في ايه!..

مش بيبصلي و بيعيط بس،

وقفته و خدته وبدأت أطلعه برا القصر..

طلعنا من القبو …بدأت أحس إن القصر بيتهز من تحتنا و شبابيك القصر بتتقفل و بتتفتح جامد..

خدت خالد وحاولنا نهرب ونطلع برا القصر المهجور دا..

و فعلا طلعنا و أخدته برا القصر وهو في نفس الحاله مش بيبصلي وبيعيط و بس…

المطرة بدأت تنزل و لسه القمر منور ومكتمل..

(صورة: المطرة بدأت تنزل و لسه القمر منور ومكتمل)

أخدت خالد وروحته البيت… مامته اول ما شافته خافت وقالتلي ايه اللي حصل و عيطت..

الصراحه مقدرتش اقولها ان احنا روحنا القصر عشان متحطش الذنب عليا، فـقلتلها إن أنا لقيته كدا و جيبته…

و بعدها قعدت معاه شوية و هو مش بيتكلم وبيعيط بس انا عايز اعرف ايه اللي حصله..

بسأله في ايه مش بيرد بيعيط بس..

اكيد شاف حاجه في القبو، القصر دا ملعون…

سبتهم وروحت ودخلت بيتي وشغلت قرآن ونمت….

1

***

***

عدى اسبوع على دخولي القصر و لسه خالد في نفس حالته، بروحله كل يوم بلاقيه ساكت مش بيتكلم مبيقولش اي حرف ساكت و باصص قدامه..

بس اخر مره زورت خالد كانت شهد و أهلها هناك

شهد قالتلي ايه اللي حصل لخالد و في ايه!!..

كانت قلقانه عليه اوي..

قلتلها خير ان شاء الله هيبقا كويس هو بس مصدوم شويه…

أم خالد مكنتش قادره تشوف ابنها في الحاله دي راحت بيه لدكاترة كتير و مفيش دكتور عارف خالد ماله ،اول مرة يشوفوا حاله زي كده حتي مش بينطق و مش بياكل مش بيعمل اي حاجه غير انه نايم وبيبص قدامه..

***

***

آخر مرة روحت زورته قعدت معاه لحد الساعه ١٢ بالليل بص ليا و ضحك ضحكة خفيفة..

انا فرحت ساعتها وحضنته وقولت هيبدأ يرجع

و مامته كانت فرحانة اوي و قلت أخيرا خالد هيبقا كويس علشان أعرف ايه اللي حصله في القبو..

اتصلت بـ شهد وقولتلها ان خالد ضحك وبصلي

فرحت اوي وكلنا فرحنا…

طلعت من عند خالد ومشيت..

الساعه ١٢ وصلت للعمارة اللي انا قاعد فيها..

انا ساكن في الدور السابع العمارة بتاعتنا ضلمه اوي

كنت هطلع بالأسنسير بس أول ما دخلت نور الأسنسير بدء يطفي ويشتغل تاني..

(صورة: انا ساكن في الدور السابع العمارة بتاعتنا ضلمه اويكنت هطلع بالأسنسير بس أول ما دخلت نور الأسنسير بدء يطفي ويشتغل تاني)

بصراحه أنا خوفت يعطل بيا فـنزلت من الأسنسير وطلعت علي السلم…

وصلت للدور بتاعي و روحت افتح شقتي

و اتفاجئت اول ما فتحت الباب بخالد

واقف قدامي جوا الشقه عيونه كلها بيضة هدومه متقطعه باصص ليا جامد وضحك ضحكه بسيطه وقالي انت السبب يراشد انا ساعتها خوفت أوي

أول ما شوفته قلتله خالد انت جيت ازاي و عامل كدا ليه فضل باصص ليا نفس البصة..

انا خوفت اكتر و رجعت لورا و هو بدء يقرب مني و كان عايز يخنقني صوّت جامد من الخوف

على الارض و بقول ابعد عني يخالد انا معملتش حاجة..

جاري فوقني و قالي مفيش حد مالك انت شكلك تعبان شويه!!

قلت له خالد في الشقة و كان عايز يقتلني

قالي مفيش حد في الشقة قوم معايا

قومني و دخلنا الشقة و مفيش حد فعلا

بدأت أفوق و جاري مشىٰ و أنا دخلت شقتي

و قلت أنا فعلا تعبان وبيتهيئ ليا..

ايه اللي هيجيب خالد هنا اصلا!!..

دخلت الحمام أغسل وشي..

واقف بغسل وشي و ببص في المراية

لقيت خالد ورايا بصيت ورايا بسرعة ملقتش حد قلت انا فعلا تعبان و لازم ارتاح، بس قبل ما انام هرن على خالد اطمن عليه…

روحت مسكت موبايلي و شغلت قرأن و اتصلت

بـ خالد اتصلت ٣ مرات محدش رد..

قلقت اكتر رنيت تاني ردت عليا ام خالد..

وكانت بتعيط وبتصرخ قلت ليها وانا قلقان في ايه!!

قالتلي خـ.خـالد ا.انتحر يراشد ابني انتحرر…..

7

***

• يتبع الفصل التالي اضغط على ( رواية القصر الملعون ) اسم الرواية