رواية حب غير مقصود الفصل الثاني 2 - بقلم منة

  رواية حب غير مقصود كاملة بقلم منة عبر مدونة دليل الروايات 

 رواية حب غير مقصود الفصل الثاني 2

 

بسم الله…..

سمعنا صوت جرس الباب وعايده اتكلمت بحماس اهو العريس اجي العريس اجى..

انا بدات اتوتر ومش عارفه اعمل اي.. ايوه ارفض خلاص انا قررت اني ارفض..

بره الاوضه..

ادهم و هدى مامت نسمه و ايمن واقفين بيسلموا ع شريف و حازم و فاتن و ابتسام وياسر وكان السلام بكل حب و صدق و فرحة وابتسامه عريضه مرسومه ع الوجوه..

ادهم والد نسمه : اهلا اهلا نورتونا اتفضلوا كلهم دخلوا قعدوا مع بعض…

شريف قاعد بيتلفت حواليه و حرفيا هيموت و يلمحها..

ايمن قعد جنب شريف : اي ي برنس بتتلفت كتير ليه مش تهدى و تصبر كده..

نفخ شريف بلهفه و نفاذ صبر: اووووف.. مانا هادي اهو..

ايمن : اممم.. ماهو واضح ههه.

وبعد سلام طال بين الجميع حازم اتكلم: احم.. طبعا انتم عارفين احنا جاين ليه.. وياريت بنتنا نسمه توافق مش كل مره اجيب ورد واجي وامشي وشي زي قفايا كده بتاع الورد هيكسب ع قفايا كتير ههههه..

الكل ضحك..

زين : ان شاء الله خير..

ايمن قام علشان يجيب نسمه..

ايمن خبط الباب..

عايده فتحتله ودخلوا..

ايمن ساند ع الحيطه و مربع ايده وشايفني بفرك ف ايدي و متوتره خالص…

ايمن : ي بنتي مالك متوتره كده ليه هو انا بقولك انهارده فرحك ده انا بقولك هتقعدوا مع بعض بس ولو كده هنقرا الفاتحه.. وغمز ولا انتي مستعجله ع اي..

اتلخبطت : ي رخم اسكت.. اسكت انا مش ناقصه..

ايمن قرب مني وباس ع راسي : انا مقدرش اغصبك ع حاجه بس ي ريت تسيبي ليه فرصه يتكلم مش زي المره اللي فاتت لسه بيتكلم دخلتي فيه زي البتوجاز..

اتكلمت بصدمه : انا بتوجاز ي ايمن؟! انا بتوجاز..

ايمن ضمني : واحلى بتوجاز طبعا..

عايده : طب يلا انت و هي اخرجوا وانا هجيب العصير من المطبخ و جايه..

ايمن : ماشي.

ايمن اخدني و خرجت وانا رجل بتقدم و رجل بتاخر و مش عارفه اعمل اي..

اتكلمت : السلام عليكم ورحمة الله..

الكل : و عليكم السلام ورحمة وبركاته..

اول ما دخلت لقيت شريف وقف اول واحد و مبتسم..

اول ماشوفته لا اراديا ابتسمت… و دخلت سلمت ع الكل وقعدة جنب ماما.. دخلت عايده بالعصير و قومت ساعدتها و قدمت لكل واحد كوبايه و اجى الدور ع شريف ولقيت ايمن اخويا قالي استريحي انت وانا هقدم العصير مكانك..

ضحكت جوايا من قلبي اوي ع منظر شريف اللي ضحكته اتحولت لغيظ.. اصل انا كنت قدمت للكل كان لسه بس شريف وايمن وعايده.. هههه ايمن لعبها صح..

قعدت جنب ماما و مامته و قعدنا نتكلم..

لقيت شريف بيقول استاذنكم بس اخد الانسه نسمه ف البلكونه نتكلم كلمتين..

زين : اتفضلوا ي ولاد..

قومت معاه و انا دقات قلبي مسموعه للكل حرفيا..

دخلنا البلكونه و كان ف بينا مسافه مناسبه يعني..

ايمن قاعد و مراقبنا ايوه البلكونه قصادهم ع طول..

لقيت شريف بيقولي عامله اي..

اجيت ارد لقيت الكلام اتبخر ازاي مش عارفه..

حاولت اتكلم : احم.. الحمدلله بخير وانت اي اخبارك.

شريف : طول ما انت قدام عيني صدقيني ببقا كويس اوي..

اتحرجت وقولتله بحده شويه : وبعدين؟!!!

شريف : اسف.. والله اسف.

حسيته خاف ان يخسر حاجه كبيره اوي بجد قلبي اتقسم علشانه .. قولتله ولا يهمك..

شريف : مش هتفرحي قلبي بقا..

بصيت ف الارض و هزيت راسي بالموافقه..

بصلي بزهول و عدم تصديق : موافقه!! انت موافقه بجد!!! ي فرحة قلبك ي شريف و حلم اتحقق..

ايوه بجد انا حسيت ان فرحته مش قادر يسيطر عليها و لقيته خرج والضحكه منوره وشه..

خرجت وراه..

حازم : اي رايك ي عروستنا..

بصيت ع شريف و لقيت ف عينيه فرحه متتوصفش بجد..

وقولتلهم ببتسامه خفيفه : انا موافقه..

الكل فرح جدا و الكل بدا يهني و يبارك وانا من جوايا حيرانه و مش عارفه انا ليه وافقت..

وبعدها قرانا الفاتحه و كنت شايفه شريف من فرحته مش مصدق و كل شويه يبص عليا بنظره اطبعت ف قلبي حرفياا..

وبعدها سمعنا اذان العشا كل الرجاله نزلت تصلي ف الجامع جنب البيت و احنا البنات دخلنا نصلي مع بعض جماعه..

خلصنا صلاه وعملت شاي للكل و اخدت الكوبايه بتاعتي انا و طنط فاتن و دخلنا البلكونه ندردش شويه.. ولمحنا شريف والكل راجع من المسجد و طالعين ع البيت بس فاجاة سمعنا صوت رصاص و شريف وقع ف الارض و الكل اتلم عليه..

فاتن بصريخ: شررررررريف..

زين : اطلب ي ايمن الاسعاف بسرعه مفيش وقت شريف دمه هيتصفى..

ايمن طلب الاسعاف وبعدها بدقايق كان الاسعاف وصل واخد شريف ع المستشفى..

وبعدها كلنا روحنا ع هناك و كل واحد حزين و بيعيط..

وصلنا المستشفى.. كانت الاسعاف وصلت قبلنا اصلا..

روحنا وسالنا عليه و عرفنا انه دخل العمليات جرينا ع هناك و كان عمو حازم واقف قدام الاوضه بيعيط..

سالته بخوف و رعشه ف صوتي : ع.. عمو هو شر.يف حصله اي..

لقيته رد عليا بحزن وقالي : شريف الطلقه اجت ف صدره ادعيله ي بنتي..

اول ما سمعته اتصدمت و نزلت ع الارض و اتكلمت بصريخ…

كل ده بسببي كل ده علشاااااان انااا وااافقتت اتجوزواااا ي ريتني كنت رفااااضت اعااااااا يااااا رب لييييه كده اكيييييد هوووو السبب اناا هقتلوا ايووووه انااا هقتلوا بايدي وقومت ولسه هتحرك وقعت اغمى علياا..

ايمن : شالها من ع الارض و قلقان عليها خالص.. عايده ندهت ع الدكتوره و عطيتها حقنة مهدئ لان هي باين عليها تعبانه…

• يتبع الفصل التالي اضغط على ( رواية حب غير مقصود ) اسم الرواية