روية احتاج اليك كاملة بقلم محمد مالك عبر مدونة دليل الروايات
روية احتاج اليك الفصل الثالث 3
مني تتصل بغادة
مني .. انتي فين يا غادة ؟
غادة .. عند ماما .. ليه ؟
مني .. تعالي دلوقتي حالا عاوزاكي
غادة .. عايزاني في ايه يا مني ؟
مني .. لما تيجي هتعرفي
غادة .. لا ما انا عارفة انتي عايزاني في ايه .. اسفة مش هاقدر اجي يا مني ماما تعبانه ومش هينفع اسيبها لوحدها وبعدين انا معنديش استعداد اعمل الموضوع ده تاني لسببين السبب الاولاني احنا كنا هنتفضح المرة اللي فاتت قدام جوزك وربنا ستر والسبب التاني والاهم اللي بنعمله ده حرام وبصراحة انا استحقرت نفسي جداا عشان الموضوع ده وبعدين الموضوع ده مش مجرد نزوة بالنسبة لك ده اصبح عادة ملحة وان كنت وافقت في الاول عشان انتي صحبتي وحاسة بمعاناتك وعارفة انك مش عاوزة تمشي في سكة غلط .. مني لازم تشوفي حل لمشكلتك طالما مش قادرة تتحكمي في غرايزك والموضوع ده
ملح عليكي جداا يبقي لازم تتطلقي من جوزك او حتي اخلعية ده حقك شرعا وقانونا وكمان لازم تتخلصي من العادة دي بسرعة انا ممكن ابعتلك نمرة دكتورة نفسية شاطرة تساعدك
مني .. خلصتي نصايحك ؟!!
غادة .. مني انا …..
مني تغلق الخط في وجه غادة وتقول لنفسها
مني .. اد ايه انا حقيرة !! الكل دلوقتي فاكر ان انا …… انا ايه اللي بعمله في نفسي ده !! انا قرفانه من نفسي وعاوزة اموت .. يارب خدني بقي وريحني من اللي انا فيه انت ليه بتعذبني كده .. ليه .. ليه .. ليه
مني تبكي بكاء شديد وفجأة يرن جرس الباب وتذهب مني بقميص النوم لتفتح الباب لتجد جمال ابن زوجها حميد
مني .. جمال .. انت مش قولت مش هاتيجي هنا تاني ؟!
جمال .. ممكن ادخل
مني .. اتفضل طبعا ده بيتك انا اسفة نسيت البس الروب لما اروح البسة
جمال .. لا متروحيش .. مني انا بقالي يومين مبنمش
مني .. ليه بقي .. بتحب ولا ايه!! .. هههههه
جمال .. ايوه بحب
مني .. طيب كويس .. بتحب مين بقي عشان نخطبهالك
جمال .. بحبك انتي
مني .. ايه ؟؟؟
مني تلمس جبهة جمال بيدها
جمال .. في ايه ؟!
مني .. بشوف لأحسن تكون سخن ولا حاجة وبتخترف !! بس حرارتك كويسة .. غريبة !!
جمال .. انتي مش مصدقاني ولا ايه ؟!
مني .. لا طبعا مش مصدقاك .. دا انت لسه من يومين مبهدل اللي خلفوني لما قولتلك عايزاك تغيب يومين وترجع تقولي انا بحبك .. ولا اوعي تكون بتشتغلني !! ولا بتسايرني عشان توقعني في الغلط وتفضحني قدام ابوك
جمال .. انا لا بشتغلك ولا بسايرك انا بقولك الحقيقة وتصدقي تصدقي مش عاوزة تصدقي براحتك سلام
مني .. استني رايح فين
جمال .. ماشي
مني .. هو انت لحقت تيجي عشان تمشي !! ادخل تعالي
جمال متردد
مني .. يابني ادخل مالك .. مش هاكلك متخافش
جمال يدخل الي داخل الشقة
مني .. اقعد بقي قولي بتحبني ازاي ؟!
جمال .. يعني ايه ازاي مش فاهم
مني .. ايوه نمت وصحيت لقيت نفسك بتحبني فجأة؟!
جمال .. انا كنت معجب بيكي من اول يوم شفتك فيه وبصراحة كنت مستخسرك في ابويا وكتير كنت بسأل نفسي ازاي بنت صغيرة وحلوة زيك تتجوز راجل قد جدها وعيان كمان بس كانت دايما الاجابة اللي بقنع نفسي بيها اكيد السبب هو الفلوس قولتي راجل كبير ورجله والقبر اما اكبش من وراه قرشين حلوين
مني .. وبذمتك مقتنع بالاجابة دي ؟! الكلام ده لما تبقي واحدة غلبانه وفقيرة تقول ساعتها داخلة علي طمع لكن انا ابويا زي ابوك تمام غني ومش محتاجة فلوس عشان اعمل كده.. انا الجوازة دي اتفرضت عليا يا جمال
جمال .. ومرفتضيش ليه ؟!
مني .. مكنتش اقدر ارفض ابويا داخل شريك مع ابوك في شغل كتير وكان جوازي من ابوك رهن الشغل ده يستمر والا كان ابوك انسحب وابويا اتخرب بيته
جمال .. يعني ابوكي باعك من الاخر عشان مصلحته!
مني .. بالظبط كده
جمال .. عارفة مش هتصدقي لو قولتلك اني بكره ابويا
مني .. ليه ؟
جمال .. عشان راجل طماع وعنيه زايغة وقليل اصل كمان اول ما اغتني نسي امي الست الاصيلة اللي وقفت جنبه وكافحت معاه عمرها كله لحد ما وصل للي هو فيه كل شوية يتجوز واحدة تنهب منه قرشين ويطلقها وتاني يوم يتجوز غيرها وتاخد قرشين ويطلقها وهكذا
مني .. طب هو ليه بيتجوز كتير كده مع انه يعني …
جمال .. يعني ايه
مني .. مبيقربش من الستات
جمال .. متعرفيش مع ان المفروض ده راجل عجوز وتعبان لا وايه مبيختارش غير الصواريخ ابن الايه .. هههههه
مني تضحك
مني .. عارف ياجمال طول عمري كنت بحلم بشاب وسيم في سني يحبني اوي وانا كمان احبه اوي ونعمل فرح كبيير الدنيا كلها تحكي عنه واخلف منه ولد واحد بس
جمال .. اشمعني يعني ولد واحد ؟
مني .. اولا مش بحب البنات خلفتهم متعبه جداا عشان انا طلعت عين ماما بصراحة فامش عايزة ده يتكرر معايا هو ولد ويكون ولد واحد عشان بس صحتي متتعبش من الحمل وكده هههههههه بس للأسف صحيت علي كابوس وحش اوي
مني عيناها تدمع وجمال ينظر اليها ويمسح دموعها بيده
جمال .. بجد انتي رقيقة اوي
ثم يقترب منها بشدة ثم يحضنها وينجح الشيطان في استدراجهما ويقعان في المحظور
جمال مندهش وغاضب بعد فعلته .. ايه اللي انا عملته ده ؟! وانتي ازاي تسمحيلي بكده .. انتي شيطان فعلا
مني .. ايه مالك في ايه ؟! ما انت كنت كويس
جمال .. كويس ايه بس يا شيخة حرام عليكي .. انا لازم امشي
جمال ينصرف مسرعا ورد فعل علي وجه مني
جمال في مزرعة المواشي مع ابوه
حميد .. الحج هاشم استلم البهايم بتوعة يا جمال
جمال .. ايوه بعت خد الصبح ٥٠ راس وورد تمنهم
حميد .. تمام وعمك جابر خد ال ٣٠ بتوعه
جمال .. لا لسه
حميد .. رن عليه شوف هيبعت ياخدهم امتي
جمال .. ماشي حاضر
حميد .. طيب بالاذن انا بقي ومتنساش تودي اللحمه ل مني وشوفها بالمرة لتكون عاوزة طلبات ولا حاجة
جمال يرتبك.. لا اعفيني انا من المشوار ده خلي حد من الصبيان يوديها
حميد .. اشمعني يعني .. ما كل مرة انت اللي بتوديها!!
جمال . معلش الشغل كتير ومش فاضي للمشوار ده بصراحة
حميد .. براحتك .. ابعت الواد عباس طيب
جمال .. ماشي يا حج
حميد .. مفيش اخبار عن اخوك هشام
جمال .. هيخرج من السجن كمان اسبوع
حميد .. كفارة .. ع الله يعقل بقي ويتلم ويبطل افعالة الوسخة دي حكم ده جرسنا وخلي سمعتنا في الارض
جمال .. ديل الكلب عمره ما يتعدل يا حج
حميد .. ربنا يصلح حالنا وحاله بالاذن انا
جمال .. اذنك معاك يا حج
مني ترن علي جمال
حميد .. رد ع التليفون
جمال يرتبك .. لا ده صالح صحبي سيبك منه يا حج
حميد .. صالح برضه !! طيب سلام
جمال .. مع السلامة
مني تجري اختبار حمل في المنزل ويطلع ايجابي
مني .. يا مصيبتي السوده زي ما اتوقعت اعمل ايه دلوقتي ؟!
ثم تلطم علي وجهها .. يا فضيحتك يا مني
مني مرتبكة وتتصل ب جمال .. جمال لا يجيب ومني تحاول الاتصال اكثر من مرة .. رد بقي يا اخي
جمال يرد بعصبية .. ايه في ايه ؟!
مني .. مش عايز ترد ليه ؟!
جمال .. قاعد جنب ابويا مش عارف ارد
مني .. الحقني يا جمال انا في مصيبة
جمال .. مصيبة ايه ؟!
مني .. انا حامل !!
جمال .. وايه يعني مبروك يتربي في عزك
مني .. يتربي في عزي ازاي يا متخلف انت .. بقولك حامل
جمال .. وانا مالي
مني .. مالك ازاي ؟! انا حامل منك انت
جمال .. نعم .. انتي هتتلزقي ولا ايه ؟! حامل متي ازاي يعني
مني .. حامل منك انت واضحة مش محتاجة تفسير يعني
جمال .. طب وايه اللي عرفك انه مني انا ما جايز يكون ابن حميد جوزك
مني .. ابوك مبيقربش مني نهائي يا فالح .. يالهوي ده لو عرف هيدبحني ومش هيدبحني انا وبس هيدبحك انت كمان
جمال يرتبك .. انتي بتخوفيني ولا ايه ؟!
مني .. ايه العمل دلوقتي ؟!
جمال .. بسيطة انا اعرف دكتور نسا كويس نروحله ينزل العيل وياخد اللي فيه النصيب
مني .. ماشي بسرعة بس
وبتفق جمال مع طبيب النسا الشمال ومن سوء حظ جمال ان الطبيب يعرف حميد معرفة شخصية
الطبيب .. هو انتي بقي تبقي مرات الحاج حميد تاجر المواشي وصاحب محلات الجزارة المعروف ؟!
مني تنظر ل جمال بارتباك .. ايوه
الطبيب .. طيب وعايزة تنزلي البيبي ليه بقي ؟
جمال .. ياباشا انت هترغي كتير ليه ؟! شوف شغلك وحقك محفوظ والموضوع ده هيفضل سر بينا
الطبيب .. طبعا سرك في بير .. تمام نعمل سونار الاول ونشوف الدنيا اخبارها ايه اتفضلي حضرتك ع السرير استأذنك بس اعمل تليفون صغير
جمال .. انفضل
ويخرج الطبيب خارج غرفة الكشف ويتصل ب حميد
الطبيب ..الو ايوا يا حج واحشني اخبارك ايه .. هي مدام مني سيد تبقي حرم سعتك
حميد .. ايوا تبقي المدام بتاعتي مالها
الطبيب .. يا عم الف مبروك المدم حامل
حميد بدهشة .. حامل
الطبيب .. ايوا بس انا مستغرب انها جاية انهارده ومعاها ابنك جمال وعاوزة تنزل البيبي
حميد .. جمال ابني انا
الطبيب .. اه الاتنين عندي في العيادة دلوقتي ولسه حتي مفحصتهاش بس انا قولت اكلمك الاول واديلك فكره قبل ما اعمل اي حاجة عشان بس تكون معايا في الصورة يا حج .. انت عارف غلاوتك عندي
حميد .. تسلم يا دكتور .. طيب انا مسافة السكة واكون عندك
بعد انتهاء المكالمة
حميد مندهش .. حامل !! وجمال !! هي ايه الحكاية بالظبط ؟!
حميد يصل العيادة ويبدوا عليه الغضب الشديد ومني وجمال مرتبكين بشدة
حميد ينظر لهما نظرات ذات معني ثم يسأل الطبيب
حميد .. ايه الحكاية بالظبط ياكتور ؟؟؟؟؟؟
- يتبع الفصل التالي اضغط على ( روية احتاج اليك ) اسم الرواية