رواية معلمة من الصعيد الفصل الثامن و الاربعون 48 - بقلم مريم شعبان

 رواية معلمة من الصعيد كاملة بقلم مريم شعبان عبر مدونة دليل الروايات 

 رواية معلمة من الصعيد الفصل الثامن و الاربعون 48

  

موده: لا انتوا هترجعوا إنما أنا لا

الكل بصدمة: نعم

موده: اظن ده طلبك يا يوسف قولتلي امشي صح

يوسف: موده أنا اعتذرت و قولتلك اني اسف و كلام غصب عني

موده: بس أنا وعدتكم اني امشي ولازم امشي

مروان: موده يوسف غلطان و اعتذر بالله اوعي تمشي لازم تقعدي طيب حتي لحد ما نعرف مين تاجر المخدرات و ناخد حقنا و فكري براحتك بعد كده

غرام: عايزة تسيبنا

موده: مش انتوا اللي طلبتوا كده

غرام: لا مش احنا ده المجنون يوسف

يوسف: بنت عيب يا موده بقي فكري

موده: يلا عشان نرجع الفيلا و نشوف مين تاجر المخدرات عشان انا زهقت

تيا: جماعة عايزة اقولكم حاجة

جاد: خير

تيا: احمد قالي اني تاجر المخدرات من بيتكم يا جاد

:نعم

*****

فيلا سليم

عز: انتي متأكدة من كلامك ده يا تيا

تيا: احمد هو اللي قالي كده

غيث: تاجر المخدرات في البيت هنا مين بقي

ماهر: اهم حاجة محدش من الكبار يعرف اي حاجة عن الموضوع ده تمام

:تمام

غيث: مين مين واد يا عز أنا شاكك فيك

عز: بس يا بابا بس يا غيث

ماهر: مش عايزين هزار دلوقتي لازم نفكر جد مين تاجر المخدرات

غيث: الحاج أنا شاكك فيكم أساسا قولت كذا جوازة ورا بعد حصلت ازاي

ماهر: لو مقعدتش ساكت هطردك

بيري: غيث لو سمحت ممكن تقعد ساكت

غيث: حاضر لما نشوف اخرتها شوفوا بقي مين تاجر المخدرات اللي في بيتكم ما انتوا بيتكم كلكم مسجلين خطر

عز: بس يا زفت

غيث: حاضر طيب ما تعرفوا من احمد ده هو مين

ماهر: انت غبي يا غيث ما بيقولك عمره ما شافه

غيث: صح

ماهر: أنا بقول دلوقتي نروح لحاتم نشوف الموضوع ده

غيث: احسن بردو يلا بينا بيري هتقعدي ولا ترجعي البيت

ماهر: سيبها قاعدة مع البنات

غيث: براحتها اللي هي عايزه

بيري: لا هرجع الشقة ورايا كام حاجة كده

غيث: تمام يلا بينا

ماهر: هو الباشا مش جاي

غيث: هروح البس و اجي

عز: ما انت حلو كده

غيث: يا عم انت مالك يلا يا بنتي يلا و يمشوا

عز،: المحققة بتاعتي شاكة في مين

موده: احمد بيقول أنهم بيسافروا كتير و يروحوا كندا و الاماكن دي

ماهر: قصدك اي

موده: اللي انت فهمته يا ماهر

ماهر: لا مستحيل عمي و مراته لا لا

عز: انتي بتقولي اي يا موده

موده: انا مقولتيش حاجة بس كلام احمد الواحد يدل عليهم

رحاب: انتي هبلة يا موده

يوسف: اقولكم حاجة

موده: خير

يوسف :الشخص ده من برة البيت

موده: عرفت من فين

يوسف: معلش يعني مفيش تاجر مخدرات بالغباء ده هقول أنه من بيت كذا اكيد حد عايز يوقع العيلة دي

موده :تصدق صح

مروان: نفكر بالهدوء كده

ماهر: دلوقتي احنا هنروح القسم لحاتم المهم محدش يخرج من غير ما نعرف

جاد: ليه

عز: هو البيه مش شايف احنا في أي خلينا نخلص احنا مالنا و مال الهم ده كله ما كنا في حالنا

موده: كنتوا في حالكم اي المخدرات كانت في مدرستكم و انتوا نايمين صلوا على النبي

:عليه الصلاه والسلام

ماهر :يلا يا عز عشان نمشي و موده خلي بالك من رحاب عشان نائمة و تعبانة فوق

موده: تمام

*****

في شقة غيث و بيري

بيري واقفة سرحانة في الاوضة بتاعتهم

غيث: بيري بيري بيري

بيري: اي نعم

غيث: بقالي ساعة بكلمك مالك واقفة سرحانة كده ليه

بيري: مفيش عادي عايز اي

غيث: كنت بقولك نازل عايزة حاجة

بيري :لا

غيث: لما ارجع هننزل نجيب حاجة

بيري: اي

غيث: مفاجأة حضري نفسك بس

بيري: غيث انت جبت فلوس طقم الدهب من فين

غيث بتوتر: شغل يا حبيبتي

بيري: شغل اي انت شاغل في حاجة غير المدرسة

غيث: اه شغل علي جنب كده

بيري: و انا معرفيش

غيث: ما أنا مش شاغل علي طول فيه دي الفترة دي بس عشان محتاج فلوس يلا بيا لازم امشي هتاخر يلا عايزة حاجة

بيري بتوهان: لا شكرا و يمشي غيث

بيري: بتجيب الفلوس دي كلها من فين يا غيث طقم دهب و كل شوية بيكون معك فلوس مع اني جوازنا اخد حب الفلوس اللي معك لا لا مستحيل يكون هو لا لا غيث لا

*****

في المستشفي

سهام: هو هيفضل في العناية قد اي

حور: الله اعلم لما صحته تكون احسن

كاظم: طيب هو عامل اي دلوقتي

حور: ادعوا يعدي الايام دي علي خير يا جماعة و خير بإذن الله بعد اذنكم هعمل مكالمة و اجي

سليم: حفيدتك بتخبي عننا اي يا حامد

حامد: هتخبي اي يا سليم ما انت عارف أنه لازم يقعد في العناية مدة

سليم: واضح انها بتخبي حاجة

حامد: خير متخفيش باذن الله يقوم بالسلامة

*****

في جناح موده و عز

موده: هو انت مالك متضايق ليه

عز: اظن انتي مش شايفة اني الفترة اللي فاتت بتتصرفي من دماغك بعد ما الحكاية دي تخلص لينا كلام كتير مع بعض

موده: أنا عارفة اني غلطانة اني كنت باخد قرارات من وراك بس بس

عز: نكمل كلامنا بعض عشان لازم امشي دلوقتي عشان اروح القسم نشوف في أي عشان نخلص من الحوار ده

موده: تفتكر ليه ربنا حاطنا في موقف تجار المخدرات اكيد في حكمة ما هي مش لعبة هنلعبها و خلصت كده اكيد في حكمة

عز: اكيد يا موده بس من رايي اني الحكمة أنهم اتربوا هم كانو اتغيروا بس موضوع تاجر المخدرات و اني تامر عايز ينتقم مننا باي شكل خليهم يتعلموا حاجة و خليهم يبعدوا عن حاجات كتير غلط بيعملوها رويدا حب المستر بتاعها و أنها خليته يقرب منها حتي لو يمسك ايديها بس تيا أنها اتعلمت أنها مينفعش تنزل ليها اي فيديو او صور علي السوشيال عشان لا يجوز بلاس تثق في أي حد علي النت لمجرد أنها تعمل اعلان و تكسب فلوس هم كانوا شايفين الحياة وردي بتمشي علي بمزاجهم اتعلموا كتير يا موده و لسه لازم يتغيروا لازم يطلعوا شباب و بنات صالحين للأمة الإسلامية لازم

موده: مش لوحدهم اللي اتعلموا احنا كمان أنا شخصيا اتعلمت اني مش اخد قرار لوحدي بذات لو يخص حد غيري لازم اتكلم مع حد و نشوف هنتصرف ازاي اتعلمت كتير من الموقف ده و اهم حاجة اني شريك حياتي هو أكبر و اول داعم ليا انت وقفت جنبي كتير يا عز أنا بشكرك اوي بجد الكل كان ضدي و انت خلتني اقف تاني

عز: ده واجبي كا زوج يا موده لازم اقف جنبك ولا انتي ناسية انتي وقفتي جنبي قد اي انتي وفقني بحاجات كتير في فرحك انها تمشي كده بعيد انك كنتي زعلانة في اليوم ده بس لما كنا بنجهز كنتي بتجيب ابسط حاجة عشان عارفة ظروفنا مع اني لو واحدة تانية كانت قالت خد من جدك إنما انتي بترفضي اخد من جدي اي فلوس و بتقولي علي طول نمشي علي قدنا و لما اجبلك مصاصة أو عسلية بتفرح بيهم اكتر لما جبتلك حاجة دهب

موده عشان دي الحقيقه يا عز نمشي علي قدنا لاني ده الطبيعي مش كل شوية هتجبلي هدية الماظ و حاجات غالية فيها أي لو جبت مصاصة شكولاتة حاجات بسيطة و لما ربنا يكرمك تجيب حاجة كبيرة طيب نفرض مش معك فلوس مش مشكلة تحيي هدايا اساسا لاني الكلمة احسن من مليون هدية و انت كلامك كله كان حب و خير و موده و صبر اثبتلي اني حب الروايات ده هبل حب الواقع بيكون غير

عز بابتسامة: زي اي

موده: اني مش بعد الجواز وردي ولا بنعيش طول عمرنا فرحانين بذات اول سنة جواز بتكون معظم الوقت خناق اني مش علي طول البطل بياخد البطلة و بيروحوا يسافروا في مكان لوحدهم و مخصوص ليهم ده انت عملت كده رجعت مفلس و اتفقنا انك مش هتعمل كده انت و نروح زي الناس عادي و مش لازم انزل البحر عادي و اني البطل بعد ما يمسح بكرامتها الأرض هي توافق ترجعله في بنات مسفتزة في الواقع اه بتعمل كده بترجع بعد ما كرامتها تكون ضعيت بس بلاش نظهر ده قدام عيون البنات و نخليهم يعملوا كده انا راضية بكل شي يا عز راضية بمرتبك راضية أننا نعيش علي قدنا أنا كنت من بيت في الصعيد ناس ماشية علي قدها يا عز كنت اي بجيب لبس و شنط و مكياج و حاجات كتير بس من مصروفي بقعد احوش عشان اقدر اجيب حاجة المصيف ده كنا بنسافر كل سنة مرة و بنقف من برة عند الشاطئ مش بتنزل و ساعات كتير مكنيش بنسافر مرنا بأوقات كتير صعبة في حياتنا و بابا كان علي طول صابر و كان مسؤول عن بيتين بيتنا و بيت عمي و مكنيش حد فينا معه عربية الخروجات دي كنا بنخرج كل كام شهر مرة كده لأننا غير قادرين أننا نخرج كلنا يوم او كل اسبوع لا ده كل شهرين و ساعات اكتر عادي و كنا راضيين و فرحانين لما جيت هنا مكنتيش مصدومة من شكل الفيلا و لا كان عادي و بالعكس كنت بحاس بيتنا اللي في البلد احسن مليون مرة من هنا لما جيت و شوفت كل واحد فيكم معه عربية

قولت لا دول متدلعين مولدين في بوقهم معلقة دهب بس لما شوفت كل واحد فيكم بيتعب عشان يجهز نفسه و بيته قولت لا دول كانوا متدلعين إنما دلوقتي بيحاول يمشوا علي قدهم مش علي قد جدهم لما جيت قولتلي انك حبت سلسلة دهب بدل الماظ و لقيتك قاعد بتعتذر و مكسوف استغربت اوي أني في ناس حلمهم يجيبوا دهب و انت بتعتذر انك مش قادر تجيبلي الماظ مع اني الطبيعي اني الكل مش هيقدر علي الماظ و لما لقيتك بتحاول تعمل مفاجات كل فترة بمبلغ كبير قولت اكيد متأثر بالسوشيال ما كل واحد دلوقتي بيعمل لخطبيته حاجة بتعدي مليون جنية و البنات تفضل تمدح فيهم قدام خطيبها لحد ما الراجل يحس أنه مش قادر يعيش زي الناس و يزعل علي نفسه أنه مش قادر يفرح خطبيته أو مراته زي الناس دي بس ده مش الطبيعي نمشي علي قدنا يا عز أنا راضية بكل شي طالما هكون معك في الحلال و ربنا راضي عننا أنا مش عارفة أنا بقول اي قولت كلام متلغبط كده مش مرتب بس طلعت اللي جوايا و حبيت أقولك أننا نعيش في بيت صغير ة عايشين في موده و رحمة و بيتنا ماشي زي ما الدين بيقول احسن مليون مرة من قصر مفيش ولا حب ولا موده و بيت محدش بيصلي فيه احمد ربنا يا حبيبي احنا في نعمة كبيرة

عز: بحبك يا وصية الرسول والله لو فضلت اشكر ربنا عليك طول عمري مش كفاية الحمدلله

موده: يلا بقي عشان ماهر قاعد مستنيك تحت و انا هروح اشوف رحاب و كلمت البت بيري قالت هتخلص بيتها و تجي

عز: تمام محدش يخرج من البيت

موده: حاضر تحب احضرلك حاجة قبل ما انزل

عز: لا يا حبيبي روحي انتي

*****

في المساء البنات قاعدين في جناح رحاب و ماهر

رحاب: مالك يا بيري

بيري: مفيش

موده: لا في حاجة مالك بجد

بيري: هو ليه بعد الجواز وحش كده انا اتخانقت مع غيث يجي عشرين مرة و احنا لسه في أول شهرين و ساعات بحاس اني علاقتنا مش ثابتة و اننا لازم نسيب بعض و اني الطلاق هو الحل

رحاب: ياختي بعد الشر بتقولي اي انتي

بيري: حاسة أننا اغراب عن بعض يا رحاب حاسة اني غيث يستهل واحدة احسن مني أنا حكلتلك علي اللي حصل

رحاب: ماشي و انا قولت غيث مستحيل يعمل كده

موده: هو في أي

بيري: هو فعلا معلمش كده و طلعت لعبة من ماما

رحاب بصدمة: بتهزري

موده: أنا مش فاهمة حاجة

بيري :هقولك و حكت ليها كل حاجة

موده: اقولك رايي بصراحة

بيري: اكيد أنا جاية اخد رايكم قبل ما يتم الطلاق

موده: غيث بيحبك و بيعمل المستحيل عشان تكوني معه و بس و يعني كنت شاكة فيه و طلعت والدتك عملتي اللعبة عليه قولتي لطنط يمني حاجات محصلتيش كلامك ليه كان صعب و رخم شايفة ده كله و هم مستحمل و عمره ما فاكر يمد أيده عليكي مع اني اي راجل تاني في أي موقف من دول هيمد أيده بس اهو اتصرف بحكمة و قال دي هبلة براحها عليها و هو لسه صابر و انتي بتقولي أنه احترم قرارك مجيش جنبك حتي بعد كلامك و كل ده يثبت اني غيث راجل و محترم شوفتي كان بيعمل معكي أي لما كنتي بتعيطي هو كان عايز يكون قاسي عليكي بس هو معرفيش يعمل كده انا شايفة انك انتي اللي غلطانة في كل حاجة شايفة اني غيث بيحاول بكل الطرق

بيري: طيب اعمل اي

رحاب: تكملي طبعا

بيري بحزن: ما أنا قولتلك أننا متفقين بعد ما يطمن مين تجار المخدرات هيتم الطلاق

رحاب: ده اي كلام لو شاف منك انك عايزة تكملي هيكمل أنا مش فاهمة انتي بتعملي كده ليه ما هو قالك أنه يكمل عادي حتي بعد ما عرف اني طنط اسماء هي السبب

بيري بعيط: مكسوفة اوي منه مكسوفة أنا قولت كلام كتير صعب و مكسوفة من حركات ماما و خايفة تعمل مشاكل تاني

موده: هو انتي اه مكسوفة بس بردو عايزة تختاري الحل السهل يلا طلاق عشان مليش حاجة تحصل تاني و ادخل في مشاكل و كلام من ده تاني بس انا شايفة اني طنط مش هتعمل حاجة تانية و طنط مش بتعمل كده عشان تتجوزي ماهر لا طنط بتعمل كده عشان انتي بنتها الوحيدة و عايزكي تكوني جنبها علي طول زي جدو بظبط مش شايفة أنها من بعد جوازك بتسافر كتير مش عايزة تقعد في مكان انتي مش فيه

رحاب: و كمان حاجة طلعي من دماغك طريقة جوازكم و عيشوا رينا خلي السبب ده عشان يجمعكم مع بعض و تكونوا زوجين صالحين لو مش ملاحظة غيث ساب السجائر عشانك و انتي لبست الخمار و بداتوا تقربوا من ربنا خليكي مع جوزك يا بيري

بيري: هقولكم حاجة و تكون سر بينا

موده: قولي

بيري: أنا شاكة أنه هو تاجر المخدرات

رحاب و موده ضحكوا

بيري: بتضحكوا علي اي

موده: ما هو مستحيل غيث يكون كده بطلي الشك بتاعك

بيري: الفترة الأخيرة غيث جاب طقم دهب هدية ليا و سعره غالي و انا عارفة أنه خلص فلوسه كلها في الشقة و الفرح و عايشين بالمرتب بتاعه في استغربت

رحاب: ثواني هو جبلك طقم الدهب ده امت

بيري: من اسبوع غالبا

رحاب: غيث كلم ماهر من اسبوع عشان ماهر يشوف حد يشتري الشاليه بتاعه اللي في اسكندرية

بيري بصدمة: نعم

موده: شوفتي بقي انك كنتي شاكة فيه ازاي انتي هبلة يا بنتي غيث مستحيل يعمل كده

بيري بزعل: بس ده كان بيحب الشالية ده اوي

رحاب: باعه عشان يفرحك و انتي عايزة الطلاق

بيري: طيب اعمل اي

رحاب: تكسبي جوزك المواقف اللي حصلت دي يمكن حصلت عشان تقربكم من بعض و تعرفكم بعض اكتر انتي اكتشفتي أنه اطيب شخص و أنه صبور جدا و اتعلمتي كمان متروحيش تحكي لشخص علي النت مشكلتك أو جروب لأنهم بيكونوا سبب في خراب البيوت اه اسرار بيتك متطلعيش برة بس لما يكون في مشكلة كبيرة احنا موجودين احكلنا احنا متجريش علي حد مش عارفه و تعملي زي ما بيقول اتعلمتي انك تفهمي الاول و تبطلي خوف و اختار اسهل حل عشان تخلصي لو سيبتي غيث عمرك ما هتعرفي شخص زيه تاني كلنا بنمر بمشاكل يا بيري في الجواز بس ده الطبيعي أننا نتخانق ما هي الحياة مش حب و بس

موده: أنا شخصيا شايفة الخناق بيقربنا من بعض لما نتخانق و نجي نتعاتب بينعرف بعض اكتر و اكتر

رحاب: شاطرة بس بردو انتي كمان يا اخت موده لسه مستمرة في زعلك مع عز

موده: لا

رحاب: طيب وضعكم اي

موده: الحمدلله كويسين

رحاب: انتي فاهمة السؤال

موده: اه

رحاب: طيب اي

موده: خلاص بقي يا رحاب

رحاب: اقسم بالله اتنين متخلفين هتكونوا مبسوطين لما يروحوا منكم

موده: بس هو موافق علي القرار ده و انا مكنتيش عايزة اكمل الجوازة بس عشان كان قبل الفرح بيومين و كملت

رحاب: و عز كان جاي يقولك و انتي بنفسك بتقولي الدنيا بقيت حلو طيب اي

موده: مش عارفة بقي

رحاب: لا اتعدلي انتي و هي

بيري: نعمل اي

رحاب: تقربوا من أزواجكم بلاش الوش الخشب ده بالله لو اتجوزوا من حقهم

بيري: بطلي رخمة بقي

رحاب: ما هم مش حافظين نفسهم لحد ما يكونوا حلالكم و لما يكونوا عاملين كده

موده: مش هم الغلط من الاول

رحاب: طيب تمام متفقة معكي انهم كانوا غلط في الاول و الدنيا بقيت حلو ليه نفضل زي ما احنا ما تعيشوا حياتكم يخرببتكم هموت منكم

بيري: أنا اي اللي جبني هنا أنا كنت قاعدة في بيتي براحتي

رحاب: طيب يلا من هنا انتي و هي دماغي صدعت محسسني انكم اطفال بنات صغيرة متجوزين مس عارفين يعيشوا

موده: ما احنا صغيرين

رحاب: قومي من هنا يلا انتي و هي و اللي هتجي مطلقة انا مليش دعوة

بيري: اوف بقي هو عشان حضرتك الكبيرة فينا و

رحاب: كبيرة في عينك عايزين مني اي

موده: نعمل اي عشان نعيش في سعادة

رحاب: دي في ايديكم انتوا مش لازم تقفي علي اي كلمة يقولها عدي كتير لما هو يكون متعصب اهدي أنتي و العكس صحيح و انا ملاحظة اني أزواجنا يبعدوا هم عشان حياتنا تمشي ملاحظة أنهم هو اللي بيصبروا علينا و علي أفكارنا المجنونة يعن عندك انا لما جبت برشام منع الحمل و لقيت ماهر عرف قولت والله هيموتني ما مفيش راجل يقبل اني مراته تاخد برشام منع الحمل في أول جوازهم هيفكر في مليون حاجة لقيته بالعكس أقعد جنبي و اتكلم بهدوء و فاهمني اني غلط كده و اني خوفي مش صح و اني الاطفال رزق من ربنا المهم يعني أنا شايفة اني الشباب بيحاولوا بكل الطرق عشان نكون مبسوطين

موده: أنا قررت اني لازم اسعد جوزي

رحاب: برافو و الهانم

بيري: هعمل اي يعني

رحاب: أنا بقالي ساعة بتكلم و اقول كلام كتير هو اه مش مترتب بس مفهوم

موده: سيبك منها أنا فهمت الكائن ده متوتر و خايف

بيري: بظبط احنا اتجوزنا بدري اوي و حاجات كتير كده

رحاب: خلاص اللي حصل حصل اللي تقدري عليه دلوقتي اني تخلي جوزك معكي و بس انا عارفة اني غيث و عز مستحيل يعملوا شي غلط بي بقولكم عشان تركزوا في حياتكم الهانم مركزة في شغلها فقط و التانيه مستنية اي حاجة بعملها غيث عشان تشكي فيه

بيري: خلاص بقي

رحاب: الشك مش حلو

بيري: قولتلك الطريقة اللي تجوزت بيها تخليني اشك في نفسي

رحاب: بيري فوقي غيث مش صغير عشان حد يغصبه علي الجوازة

بيري: قصدك اي

رحاب: قصدي اني غيث كان معجب بيكي من الاول و كان بيظهر من نظراته

موده: أنا كمان كنت ملاحظة كده

بيري: بجد

رحاب: اه والله و الباب يخبط و تدخل زهراء

زهراء: حكاوي المتزوجات دي هتخلص امت

رحاب: تعالي يا زهراء قاعدة برة ليه

زهراء: زهقت بقالكم ساعة بتقولي نفس الكلام و الهانم دي هبلة

بيري: شكرا يا بنت عمي

زهراء: بنات صح واحدة صحبتي جاية عندي بكرة

رحاب: مين

زهراء: بنت معايا في الكلية اسمها رباب هتجي تقعد معايا شوية بعد المحاضرات

رحاب: تمام تنور

زهراء: المهم دلوقتي أنا جعانة كفاية حواراتكم دي و ننزل ناكل

رحاب: أنا بقول كده بردو أنا جعانة اوي

موده: يلا بينا

******

في القسم

غيث: اوف بقي أنا زهقت اقسم بالله

حاتم: حد قالك تعال غيث هم قالوا تعال معنا

ماهر: يا بني أقعد ساكت شوية

غيث: من الصبح قاعدين مش عارفين نوصل لحاجة من هو الزفت تاجر المخدرات ما تتكلم يا بني خلينا نخلص

احمد: وربنا ما اعرف

عز: طيب ازاي من عندنا مين يعني

احمد: معرفيش

حاتم: يا بني اتكلم هيكون في مصلحتك

احمد: صدقني معرفيش مين عندكم هو الكبير كل اللي اعرفه انه من بيتكم حاجة تانية لا

ماهر: مفيش أي علامة تعرفنا الشخص ده اكتر

احمد: بيسافر كتير كندا و المانيا و باريس

غيث بصدمة: كندا حماتي و حمايا

ماهر: بس يا مجنون انت

حاتم: عمي كاظم و طنط اسماء ممكن يا غيث

عز :انت بتقول اي لا مستحيل

غيث: ما هو بيقول بيسافر كندا

احمد: بس اللي اعرفه اني كاظم و مدام اسماء موجودين في القاهرة دلوقتي صح

ماهر: بظبط

احمد: بس الشخص ده حالا موجود في باريس

غيث: مفيش حد عندنا مسافر اي مكان دلوقتي دلنا قاعدين

عز: ممكن كلام يوسف صح حد من برة العيلة و عايز يوقع العيلة

ماهر: هنعمل اي دلوقتي

حاتم: تامر لازم يحي هنا

عز: هتجيبه ازاي

حاتم: يومين و اقول اني احمد اعترف عليه و اجيبه

ماهر و اشمعنا يومين مش دلوقتي

حاتم: عشان واثق أنه دلوقتي بيفكر يهرب بس قاعد عشان المخدرات اللي عندنا و هو كمان واثق اني احمد مش هقول عليه حاجة و عايز اثبتله كده و اقبض عليه

ماهر: تمام علي خير بس اكيد فيه دليل نعرف مين الشخص ده

حاتم: لما نعرف مين بيكره العيلة دي اوي

عز: تمام بس دي لازم الحاج يعرفها عشان يقولنا عشان انا مشفوتيش حد بيكره العيلة

حاتم: تمام بكرة نروح المستشفي

الكل: تمام

*****

في شقة غيث و بيري

غيث روح متأخر داخل

غيث: بيري بيري

بيري: أنا في المطبخ يا حبيبي

غيث باستغراب: حبيبي و يروح المطبخ بس اتصدم لما لقيها واقفة لبسة بيجامة جميلة و عاملة شعرها بطريقة شيك و حاطة مكياج بسيط

غيث: دخلت بيت غلط انا ولا اي

بيري: هزار مش عايزة

غيث: بس الله الله اي الجمال ده

بيري: شكرا احضرلك تاكل

غيث: لا و كمان عاملة اكل عملتي اي

بيري: مكرونة بالبشاميل و بانيه

غيث: يا سيدي بحبهم اوي

بيري: عشان كده عملتهم

غيث: تسلم ايدك اخد شاور سريع و اجي تكوني حضرتي الاكل

بيري: تمام

غيث: بس سوال

بيري: خير

غيث: هموت امت

بيري: بتقول اي انت بعد الشر

غيث: ما حاسس بغدر

بيري: امشي يا غيث من قدامي بدل ما اموتك بجد

*****

فيلا سليم

في جناح موده و عز

موده: يعني بردو مش وصلتوا لحاجة

عز: للاسف

موده: خير باذن الله

عز: بكرة هنكلم جدي و نشوف

موده: أن شاء الله

عز: هموت و انام

موده: مش هتاكل

عز: لا عايز انام كلمتي ماما انهاردة

موده: اه

عز: لازم اروح اشوف بابا بكرة

موده: خدني معك

عز بتعب: تمام

موده: مالك يا عز

عز: مفيش كويس تعبان شوية

موده: كويس اي انت مش شايف شكلك

عز: مرهق يا موده بقالي يومين مش بنام كويس هنام و اكون كويس

موده: تمام

*****

عند غيث و بيري قاعدي بياكلوا

غيث: الله طعمها حلو اوي تسلم ايديك

بيري: الله يسلمك

غيث: سبب التغير

بيري: تغير اي

غيث: مش ملاحظة انك متغيرة

بيري بتوتر: عادي يعني

غيث: تمام

بيري: ليه يا غيث

غيث: ليه اي

بيري: ليه عشان تخليني فرحانة تضحي بحاجة بتحبها

غيث: اه اكيد رحاب قالتلك علي الشالية عادي يا بيري كان عندي قديم و قولت اتصرف فيه

بيري: بس انت كنت بتحبه

غيث: مش بحبه اكتر منك

بيري بتوتر: كمل اكل يا غيث

غيث يمسك ايديها و بصلها بيري اتوترت من نظراته

بيري: أنا الحمدلله اكلت هقوم اعمل شاي و تجري

غيث بزهق: الصبر يارب بعدين ما ده الطبيعي ما الطلاق هيتم بتحلم بقي اي انت بيري سمعته عرفت أنه ناوي علي الطلاق و دخلت تعيط في المطبخ

*****

تاني يوم في المستشفي

سليم: أعداء اي أنا مش بعمل لحد حاجة عشان يكون ليا أعداء

حاتم: ازاي يا جدو

سليم: يا بني زي ما بقولك كده مفيش حد

غيث: ما تفكر يا حاج

سليم: افكر اي بس هو العدو الوحيد هو تامر و كلنا عارفين

ماهر: اه طيب هنعمل اي دلوقتي

سليم: الحكاية تخلص في اقرب وقت

حاتم: هو حضرتك مش فاكر لما اتخطفت حصل اي

سليم: أنا مش فاكرة اساسا أنا اتخطفت أمت أنا كول المدة كنت نايم ببنج عالي اوي

عز: يارب في ام الحكاية دي اللي كلها الغاز

حاتم: أنا وصلت لحاجة

عز: خير

حاتم: لا دي تعرفوها بعدين

****

يمر يومين

بيدورا محدش فاهم اي حاجة كلهم بيحاولوا يشوفوا اي دليل نبيل لسه في العناية خلود و مرام و ازواجهم سافروا عشان شغلهم مش فاضل غير رسلان و حور و حامد قاعدين

*****

في الكلية

رباب: بس حبيت اهلك اوي

زهراء: حبيبتي بس انا اول مرة لما كنتي عندنا اعرف انك متجوزة

رباب: متجوزة من فترة كبيرة و حامل في شهور الفكرة أننا كنا لسه نازلين القاهرة أنا و هو و هو قالي متقوليش لحد انك متجوزة بسبب مشاكل حصلت في البلد و كده حوارات كتير كده عايزة نقعد و نحكي كتير

زهراء: اه تمام رينا يكلمك علي خير

رباب: يارب عقبالك يا جميل و عملت نفسها هتقع

زهراء: رباب انت كويسة

رباب: اه اه

زهراء: اه اي يا بنتي انتي مش قادرة تقفي

رباب: دايخة شوية

زهراء: طيب تحبي تروحي

رباب: جوزي هيجي ياخدني

زهراء: يا بنتي لسه بدري و تعالي اوصلك بالعربية

رباب: هشوفه ثواني و تطلع رقمه و ترن عليه

رباب بتعب: مش بيرد

زهراء: يا بنتي يلا

رباب: بس مش عايزة اتعبك

زهراء: ولا تعب ولا اي حاجة يلا هوصلك

رباب بتعب: تمام

****

في القسم

حاتم كان مشغول في الأوراق و تجي ليه رسالة

حاتم يقرأ الرسالة بصدومة و يقوم يخرج من مكتبه علي طول و ينسي موبايله

****

عند زهراء وصلت مع رباب بيتها

زهراء: شقتك في الدور الكام

رباب: الاول

زهراء: تمام تعالي و يطلعوا

زهراء: هاتي المفتاح افتح

رباب بتعب: خده من الشنطة

زهراء: تمام و يدخلوا و تقعد رباب علي الكنبة

رباب: شكرا يا زهراء تعبتك معايا اوي

زهراء: ولا تعب ولا حاجة المهم بقيت احسن

رباب: اه بس معليش ادخلي المطبخ كوباية عصير معلش هتعبك

زهراء: يا بنتي مفيش حاجة عادي و تروح و تقعد تحاول ترن علي حاتم

زهراء: ما ترد يا بني طيب ارن علي ماهر و كانت لسه هترن

:زهراء زهراء

زهراء: نعم جاية و تخرج

زهراء: العصير يا ست البنات

رباب: تسلمي

رباب: معلش يا حبيبتي في دواء جوا في الاوضة هاته

زهراء: تمام و كانت هتقوك بس العصير واقع علي الخمار

رباب: أنا اسفة جدا أنا دايخة و مش مركزة

زهراء: اهدي يا بنتي حصل خير

رباب: اقلعه طيب و اغسله لونه فاتح مش هينفع تنزلي كده

زهراء: لا مش هينفع

رباب: يا بنتي متخافيش زوجي مش بيرجعي بدري اقلعه و خدي خمار من عندي جوا

زهراء: تمام و تقلع الخمار

رباب: هاته شوية هقوم اغسله أو خدي اي واحد من عندي و بكرة اجبلك ده

زهراء: لا هجبلك الدواء و اجي اغسله فين بس الدواء

رباب: في الدرج اللي في الدولاب

زهراء: تمام و تروح تجيب الدواء بتاعها و قعدت ادور كتير في الدرج مكنيش فيه حاجة

زهراء: يا رباب مفيش حاجة هنا و تخرج بس رباب مكنتيش موجودة

زهراء: رباب رباب و لقيت شخص خارج من المطبخ

زهراء بخوف: انت مين

:انتي البنت الجديدة

زهراء: جديدة اي و تدور علي حاجة تحطها علي شعرها

:لا بتعملي اي انتي كده قمر

زهراء بخوف: فين رباب و انت بتقرب كده ليه

:رباب دي معنا عشان نجيبك هنا يا قمر و نلعب شوية و يقرب منها

زهراء كانت هتجري و هو ماسكها و بيقرب منها و هي بتعيط و كان بيقرب منها في نفس دخول حاتم

حاتم بص بصدمة

حاتم بعصبية: زهراء

زهراء بخوف: حاتم الحقيني حاتم ماسك الراجل ده و بدأ يضرب فيه جامد لحد ما الراجل أغمي عليه و رمه علي الارض و بعد كده بص لزهراء اللي واقفة خائفة و راح عندها

حاتم: خد الجاكيت ده البسه حاولي تدخلي راسك جوا عشان شعرك ميظهرش

زهراء بعيط: حاضر

*****

في عربية حاتم زهراء كانت بتعيط

زهراء: والله العظيم أنا رايحة مع رباب معرفيش ده حصل ازاي انت مش بترد عليا ليه مش مصدقني ليه رنت عليك كتير مش بترد عليا و حكيت له كل حاجة يا حاتم رد عليا

حاتم: شقة مشبوهة يا زهراء

زهراء: والله انا جاية مع رباب ما أنا قولتلك الحقيقة

حاتم بعصبية: بس بس

زهراء: انت مش مصدقني ليه والله قولت الحقيقة و موبايلها يرن

زهراء بخوف: ده ماهر

حاتم: هات الموبايل و يرد

حاتم: اي يا ماهر

ماهر: فين زهراء

حاتم: معايا اي

ماهر: الكلام ده صح

حاتم: كلام اي

ماهر: في حد بعتلنا رسائل أنها في شقة مشبوهة

حاتم: زهراء معايا و احنا جاين

ماهر: الكلام ده صح

حاتم: لما نجي يا ماهر نتكلم سلام و يقفل

زهراء بعيط: حاتم

حاتم: ممكن تبطلي كلام لحد ما نروح عشان مش عايز اتعصب

زهراء بعيط: مش عايز تصدقني ليه

حاتم بعصبية: اسكتي بقي اقسم بالله لو سمعت صوتك هيكون في رد فعل تاني

زهراء خافت و قعدت تعيط

****

فيلا سليم

رحاب: بالله عليك ما تعملها حاجة

ماهر: اعملها اي يعني اختي داخلة شقة مشبوهة بس

رحاب: زهراء محترمة مستحيل تعمل كده

ماهر: الظاهر دلع بابا بوظها علي الاخر

رحاب: انت بتقول اي دي اختك و انت عارف اخلاقها كويس اوي

ماهر: سيبني دلوقتي يا رحاب عشان متعصب

رحاب: بالله يا ماهر بالله متعمليش ليها حاجة بالله و يحي عز و موده

عز: الكلام ده صح

ماهر: حاتم جاي هنعرف كل حاجة

عز: زهراء تعمل كده

موده: عز قولتك مستحيل اختك تعمل كده

عز: و الفيديوهات و الصور

موده: معرفيش بس زهراء مستحيل تعمل كده

عز: اسكتي انتي لما تجي بس و الباب يخبط و تروح موده و يدخل حاتم و وراه زهراء

موده: انتي كويسة و حضنتها و زهراء كانت بتعيط

ماهر: ممكن افهم في أي الصور و الفيديوهات دي صح

حاتم ….

عز: ما ترد علينا سكوتك يدل أنه صح

حاتم: تعالوا نتكلم في المكتب

ماهر: نعم يبقي حصل

عز راح عندها: انطقي كنت هناك ليه

موده: ابعد يا عز و بطل جنان

ماهر: روحت هناك ليه يا زهراء ردي علينا

زهراء: والله ما كنت اعرف

عز: هي اي بت فيكم هتعمل مصيبة و بعد كده تقعد تعيط تقول و الله ما كنت اعرف

رحاب: بس يا عز

عز يمسك ايديها: بقولك انطقي

حاتم: انت اتجنت ازاي تمسكها كده ابعد عنها

ماهر: قولنا حصل اي و انت يا بني اوع تمد ايدك عليها بدل ما اكسرها

حاتم: أنا ماشي

ماهر: انت مجنون

حاتم: لازم امشي متخوفيش أنا روحت في الوقت المناسب و يمشي ماهر راح عند زهراء اللي مسكت في موده

ماهر: متخافيش مني قولي حصل اي

زهراء حكت ليهم كل حاجة

رحاب: مكنتيش مرتاحة ليها والله بس الحمدلله انك كويسة

ماهر: حقك هيجي و خدها في حضنه و هي قعدت تعيط

زهراء: حاتم مصدق اني عملت كده و سبني و مشي

ماهر: اكيد لا اكيد وراه شغل معهم

زهراء: يسبني و يمشي بردو

ماهر: طيب اهدي رحاب خدها و اطلعوا فوق

رحاب: حاضر تعالي يا زهراء و يطلعوا

ماهر: اقسم بالله انا لو مدت ايدي عليك يا عز يبقي بحق

عز: ليه

ماهر: عايز تمد ايدك على اختك

عز: مكنتيش هضربها بس انت شايف كانوا واقفين ازاي خوفوني

ماهر: تطلع تعتذر لزهراء و يا موده شوفي الزفت اخوك ده راح فين و يمشي

موده كانت باصة لعز بعصبية

عز: بصي هي مش ناقصكي

موده: أنا كلمتك

عز: عايزة تقولي حاجة

موده: اه انت معصبني

عز :و انا خايف علي اختي

موده: تقف جنبها مش تخوفها منك احمد ربنا اني جاد مش هنا لانك المفروض قدوة ليه

عز: رايح اشوف زهراء تعالي معايا

موده: يلا

****

في القسم

حاتم: مش هتقولي بردو انتي تبع مين

رباب: مش هتكلم

حاتم: اه يا بنتي أنا بتصرف معكي باحترام شوية تاني و هتشوفي تصرفات عمرك ما شوفتها

رباب بخوف: متقدرش تعمل حاجة

حاتم: انطقي مين قالك تعملي كده في مراتي انطقي

رباب بخوف: مش هقول

حاتم: يبقي انتي اللي طلبتها والله و ينادي العسكري

حاتم: خدها

رباب و بعيط و خوف: أنا حامل و الله حامل مش هقدر علي البهدلة دي

حاتم بشك: حامل بجد

رباب: اه والله

حاتم: سيبها و هات ليها اكل و عصير اخلص

حاتم: هتعامل معكي حلو عشان الطفل مش ذنبه حاجة هتقول مين اللي وراكي ولا اي موبايل حاتم يرن

حاتم: السلام عليكم

:سيب مراتي يا حاتم

حاتم: اهلا تامر قولت بردو مراتك مراتك ولا اي

:اقسم بالله لو مراتي و ابني حصلهم حاجة مش هرحمك

حاتم: تجي بنفسك عندنا و لا تقرا الفاتحة علي مراتك

:هيجي بس محدش يقرب منهم

حاتم: اتفقنا تجي مراتك تمشي

:تمام

حاتم: شكله بيحبك اوي بس هتنوري عندنا فترة كده في دواء معين بتاخده

رباب: لا

حاتم: تمام

***

عند تامر كان بيكلم الكبير

:يعني اي تسلم نفسك

تامر: زي ما سمعت مستحيل اسيب مراتي انت مش ظاهر و سيبنا احنا في الهم ده

:مراتك هتجي بص متسلمش نفسك

تامر: مراتي حامل قولتلكم بلاش ندخلها في ام اللعبة دي

:قولتك هتجي لحد عندك بلاش خوف كتير عايزك تقبلني انهاردة قدام ….

تامر بصدمة: هشوفك يعني

:بظبط يلا سلام في المعاد تكون موجود

تامر بصدمة: هشوفه اخيرا

*****

في المساء فيلا سليم في اوضة زهراء كانت قاعدة بتعيط بزعل من حاتم أنه سيبها و الباب يتفتح و يدخل

حاتم: السلام عليكم و يقفل الباب و يدخل

حاتم: زهرتي عاملة اي بصتله بعتاب و قعدت ساكتة

حاتم: الله مالك و راح عندها

زهراء: كنت فين

حاتم: بجيب حقك

زهراء: ازاي

حاتم: رباب منورة عندنا في القسم و طلعت مرات تامر و كانت خطة علينا عشان احمد و المخدرات يطلعوا المهم بتعيطي ليه

زهراء :افتكرتك صدقت الكلام ده و سيبتني و مشيت علي طول

حاتم: مشيت علي طول عشان اشوف الموضوع ده لاني و انا طالع شوفت رباب واقفة عند السلم و انا مستحيل اصدق فيكي حاجة زي كده يا حبيبتي و يحضنها

زهراء: ابعد عني زعلانة منك بجد

حاتم: حقك عليا مش كنت بجيب حقك

زهراء: أنا كنت خائفة اوي

حاتم: متخافيش أنا جنبك مستحيل اسيبك

زهراء: وعد

حاتم: وعد يا زهرتي

****

عند تامر راح المكان و كان واقف و تحي عربياا و تقف و ينزل من حد لبي اسود في اسود و يروح عند تامر

تامر: انت الكبير

يرفع الشال: أنا الكبيرة

تامر بصدمة: انتي فرح عمة تيا

• يتبع الفصل التالي اضغط على ( رواية معلمة من الصعيد ) اسم الرواية