رواية حب غير مقصود الفصل الرابع 4 - بقلم منة

  رواية حب غير مقصود كاملة بقلم منة عبر مدونة دليل الروايات 

 رواية حب غير مقصود الفصل الرابع 4

 

دخلت المستشفى وانا جوايا خوف كبير اوي ومش عارفه اعمل اي ولا اقول اي ولا لمين اتصرف ازاي؟

دخلت لقيت ماما قربت مني و القلق باين عليها : كنت فين ي نسمه؟!! ده انت نازله من البيت من قبل ما اصحى؟! روحتي فين..

مش عارفه اقولها اي بس اضطريت اكذب: معلش ي ماما.. اصل احم.. اصل انا اجيت و بعدها نزلت اجيب حاجه و افتكرت اني ناسيه حاجه مهمه ف البيت و رجعت مش لقيتكم هناك عرفت انكم اجيتوا هنا وبعدها اجيت ع هنا ع طول..

هدى : تمام.. الحمدلله انك كويسه قلقنا عليكي..

سيبت الكل و دخلت عند شريف و هو كان نايم تابعت الاجهزه و غيرت ع الجرح بتاعه وانا مش مركزه خالص و دموعي نازله و مش عارفه اتصرف..

اقول لايمن اخويا و بابا و عمو حازم و ياسر و هما يتصرفوا.. وبعدها رجعت ف كلامي خوفاا عليهم من الشخص ده.. لا لا مش هقولهم مش هينفع حد فيهم يتاذى تاني كفاايه لحد كده.. ومسحت دموعي و بدات اتكلم بصوت مسموع نوعا ما..

انا لازم اسكت و ما اقولش اي حاجه خالص لو حد عرف هيتاذى وانا اللي هبقا الخسرانه اااه يارب كون معايا..

وخرجت من الاوضه و دخلت اوضة الممرضين..

ريهام ممرضه ف المستشفى و صديقه ف الشغل بس..

اي ي نسمه فينك كده معتش بتيجي تقعد معانا ف الستراحه ليه..

قعدة ع الكرسي و رجعت راسي لورا واتكلم بهدوء : مفيش ي ريهام مضغوطه اليومين دول بس و ابن عمي تعبان و الدنيا كلها مش مظبطه معايا..

هدير : ابن عمك بردو؟! ولا جوزك المستقبلي..

قلبي اتقبض مره واحده : جوزي؟!! و بعدها قومت بسرعه و روحت ع اوضة شريف..

و دخلت وكان لسه نايم و قلعت الدبله من ايدي اللي كان لبسهالي يوم قراية الفاتحه و مسكت كف ايدو و حطيت فيها الدبله و قبضت عليها اوي وانا قلبي بيدق و اتكلمت : صدقني مش هينفع نتجوز خالص.. جوازنا هينتج عنه خساير كتير.. واولهم انت وانا مقدرش اضحي بيك ولا بغيرك صدقني ده صعب.. انا مش عارفه اتصرف ولا افكر بس كل اللي اعرفه اننا مش هينفع نكمل مع بعض ونتجوز خالص صدقني.. و قعدة جنبه ع طرف السرير وانا لسه ايدي ع قبضة ايده.. طب تعرف انا شوفت ف عينيك حب ليا مشوفتوش ف عيون حد قبل كده.. فرحتك لما قولتلك انا موافقه عليك ولا محاولاتك معايا من ايام ما كنت ف الثانوي وانت مصمم اني ليك مش لغيرك.. تحملك كل تصرفاتي الصعبه معاك ومعاملتي القاسيه معاك كل الحاجات دي صدقني فارقه معايا بس ليه؟! مش عارفه.. و دمعه نزلت و مسحتها و قومت من ع السرير: سامحني ي شريف..

لسه ببعد عنه وبشيل ايدي من ع قبضة ايده و بقوم لقيته مسك ايدي جامد واتكلم بصوت مخنوق : متسبنيش.. صدقيني انا مقدرش اعيش من غيرك.. ليه؟ ليه بعد ما فرحتي قلبي جايه توجعيه دلوقتي ليه؟ انا ما صدقت انك وافقتي عليا.. انا عارف انك تستاهلي واحد احسن مني بس هحاول ابقا احسن واحد بس ليكي انت ومعاك انت وبس وانت معايا ف بيتي و حلالي و انت نصي التاني وانت النفس اللي بتنفسه صدقيني هعيش ليكي و بيكي وبس..

مقدرتش اسمع اكتر من كده بجد انا قلبي و جعني عليه و صوته المخنوق و لا دموعه اللي ف عيونه.. مش عارفه اعمل اي.. حطيت ايدي الاتنين ع وشي وعيطت بحيره وشهقات: صدقني ي شريف غصب عني انا تايهه انا مش عارفه اتصرف صدقني انا اضعف من ما تتخيل.. ساامحني ارجوك مش عارفه ارد حبك ليا بحب.. م. مش هقدر اسعدك معايا صدقنيييي.

شريف : وجودك حواليا هي دي السعاده نفسها مجرد اني شايفك جنبي و معايا وليا دي سعادة الدنيا كلها..

سيبته و خرجت وانا بعيط و روحت ع اوضة الدكتور كريم خبطت..

د/كريم : ادخل..

دخلت وحاولت اهدى علشان اعرف اتكلم : لو سمحت ي دكتور انا عايزه اخد اجازه يومين لاني فعلا مش قادره اتابع مع اي مريض..

د/كريم بصلي و هز راسه بتفهم : تمام ي نسمه تقدري تروحي دلوقتي وتيجي بعد يومين والف سلامه عليكي..

اتكلمت بحرج : احم.. شكرا والله يسلمك ي دكتور.. سيبته و خرجت.. وروحت جبت شنطتي و قولت لماما اني مروح وايمن وعايده روحوا معايا علشان مبقاش لوحدي ف البيت..

نزلت مع ايمن ووصلنا البيت و طلعت اوضتي من غير ولا كلمه و روحت ع السرير من غير ما اغير هدومي حتى والنوم غلبني من كتر التعب والتفكير…

ايمن خبط ع الباب بس ملقاش رد دخل وكانت عايده واقفه وراه..

شريف : اي ده هي نسمه لحقت تنام؟!!

عايده تلاقيها تعبانه ي حبيبي هي اصلا باين عليها الارهاق..

ايمن هز راسه فعلا معاكي حق و قفل الباب و خرجوا ومسك ايد عايده و راحوا ع اوضتهم..

ف اوضة ايمن و عايده…..

عايده دخلت غيرت هدومها وبتطلع لايمن هدوم علشان يغير..

ايمن : حبيبتي

عايده : اممم..

ايمن : هما ريم و رحيم هيباتوا انهارده كمان عند اختك..

عايده : ايوه ي حبيبي هما متعلقين ببنتها نورهان علشان هي بيبي و كده و متقلقش بكرا هيجيوا..

ايمن : ماشي ي حبيبتي و اخد هدومه و دخل يغير.. و خرج لقى عايده مجهزه الاكل..

عايده : يلا ي حبيبي علشان تاكل انت ماكلتش حاجه من بدري..

ايمن بتعب : لا ي حبيبتي كلي انت انا مش جعان انا عايز انام..

عايده : معلش تعالى كل حاجت بسيطه علشان ما تتعبش و بعدها ننام.. وغمزة ريم و رحيم مش هنا..

ايمن : هههه.. اذا كان كده ماشي ناكل ما ناكلش ليه..

عايده ابتسمت و بداو ياكلوا هما الاتنين..

ايمن خلص اكل وقام قعد ع طرف السرير : انا خايف ع نسمه اوي.. شكلها متغير اووي وانا مش عارف فيها اي.. ي تري فيها اي.

عايده قامت شالت صنية الاكل دخلتها المطبخ و رجعت قعدة جنب ايمن ع السرير : متقلقش ي حبيبي تلاقيها بس من الضغط اللي حواليها..

ايمن : لا يا عايده هي فيها حاجه محدش يعرفها غيرها وهي بتحاول دايما تداريها..

عايده مسكت ايد ايمن : خلاص انا بكرا ان شاء الله هكلمها و هحاول اعرف مالها و صدقني هبقا جنبها…

ايمن باس عايده من خدها برقه : شكرا.. شكرا بجد لوجودك ف حياتي بحبك اووي..

عايده : انا اللي المفروض اشكرك انك جنبي و ساندي الصالح ربنا يخليك ليا..

ايمن : ويخليكي ليا ي قلبي.. واخدها ف حضنه و ناموا..

ف المستشفى..

شريف نايم ع السرير و باصص للسقف و دموعه نازله من غير قيود و مش عارف يعمل اي.. حتى مش قادر يوم من ع السرير وشايف ان حب عمره بيضيع من ايده تاني و صرخ بصوته كله ااااااااااااااه..

فاتن سمعت صوته دخلت عليه بسرعه : شرريف.. مالك ي شريف فيك اي و بتصرخ ليه؟!! ف اي بيوجعك، قولي مالك؟ انادي ع الدكتور حازم دخل و نده بصوت عالي جداا ي دكتوررررر..

دكتور كريم دخل : خير ي جماعه ف اي..

حازم : انت لسه هتسال اكشف ع ابني وشوفه ماله بسرعه..

ابتسام وياسر واقفين عند الباب و قلقانين و ابتسام بتعيط بخوف..

الدكتور قرب من شريف : مالك ي شريف اي اللي بيوجعك.. شريف دموعه نازله بحرقه ومش بيتكلم..

دكتور كريم : معلش ي جماعه اطلعوا بره علشان اعرف اشوف شغلي..

فاتن : لا.. لا انا مش هسيب ابني ابداا..

حازم: معلش ي فاتن الدكتور هيشوف شغله و هيطمنا واخدها و خرجوا بره.. فاتن حضنت حازم واتكلمت بوجع : ابنييي ي حاااازم..

حازم : مسد ع ضهرها و حدي الله ي فاتن ان شاء الله شريف هيبقا كويس..

فاتن : لا اله الا الله.. يارب يارب..

ياسر قرب منها اهدى ي امي علشان خاطري..

جوه عند شريف..

الدكتور شايف ان كل حاجه كويسه..

قرب كرسي من شريف : مالك ي شريف؟

شريف : اااه قلبي ي دكتور قلبي وجعني اوي..

كريم : بس انت الاصابه مش ف قلبك اصلا..

شريف اتكلم ف اللاوعي: بس هي قدرة تكون السبب ف اصابة قلبي و اصابة خطيره اوي..

كريم شبه فهم الموضوع و هز راسه : تمام.. اهدى كده و انت ان شاء الله هتبقا كويس..

دكتور كريم خرج و طمن الكل عليه.. و كلهم دخلوا عنده يطمنوا عليه..

فاتن قعدة جنبه مكان الدكتور وقعدة تتكلم معاه وهو بيتكلم معاها علشان يخفف عنها ويطمنها عليه و هي اطمنت عليه..

ف البيت عند نسمه..

صحيت من النوم و كان الوقت ما بين المغرب والعشا قومت و صليت الفروض اللي فاتتني وانا نايمه.. وبعدها حسيت اني

تعبانه روحت ع السرير و قعدة افكر ف كل حاجه بتحصل معايا ووقف عقلي عند نقطه واحده و وراها 1000 سؤال ومش لقيه ليهم اجابه هو مين الشخص صاحب الرسايل ليه مش ظاهر ليه هويه ع الفون خالص و كمان معندوش اي حساب بالرقم ده طب ازاي انا كنت قدام المستشفى ازاي بقيت ف شقه معرفهاش ازاي طب ليه الشخص ده محاولش ياذيني مع اني كنت معاه ف نفس الشقه ولوحدنا وفاقده الوعي.. طب اي الهدف من ورا كل الخوف اللي انا فيه ده ياارب … بعدها لقيت ايمن و عايده بيخبطوا ع الباب اتكلمت بتعب تعالي ي ايمن..

دخلوا هما الاتنين..

ايمن قرب مني : ي نسوم كل ده نوم ده انا وعايده نمنا و صحينا و انت لسه نايمه..

اتكلمت بتعب و توهان : معلش ي ايمن كنت تعبانه شويه..

لقيت عايده قعدة جنبي و طبطب ع ضهري بحنيه : مالك ي نسمه فيكِ اي..

ابتسمت بتمثيل : مالي؟! لا انا كويسه خالص اهو الحمدلله..

لقيت ايمن شدني واخدني ف حضنه جامد : مالك ي قلب اخوكي انت نسيتي انك بنتي مش اختي بس.. نسيتي انك متربيه ع ايدي ي بت..

فاجاه دموعي عرفت طريقها وشديت ع ضمة ايمن وعيطت جامد اووي..

ايمن بلهفه: مالك ي نسمه فيكي اي يقلبي حد دايقك؟! صدقيني مش هيكفيني فيكي قاتله..

ساعتها تفكيري راح للرساله اللي كان مكتوب فيها اللي هيعرف هيحصل شريف.. قلبي دق بخوف و عيطت : م. مفيييش حااجه صدقنيي اناا كويسه..

ايمن : طب اهدي ي حبيبتي.. خلاص مش هتكلم ولا هجبرك تتكلمي بس علشان خاطر ايمن اهدي بقا..

طلعت من حضنه وانا خايفه على كل اللي حواليا اوي..

ايمن اخد بايدي و دخلني الحمام قالي اغسلي وشك.. غسلت وشي و خرجت لقيت ايمن وعايده بيندهوا عليا..

خرجت : اي الدوشه و الهيصه دي..

عايده : لا سبيلي نفسك خالص ي جمر يومين الاجازه دول هنفرفشك خالص و غمزة صح ي ايمون..

ايمن ضحك : صح ي قلب ايمون..

ايمن دخل جهز الاكل وبعد اصرار منهم الاتنين قعدة واكلت معاهم و حاولت انسى بس كان صعب.. بعد مرور اليومين الاجازه و كان شريف خرج من المستشفى وانا مروحتش ازوره ولا مره و قررت ابعد.. والشخص المجهول ما بعتش حاجه تاني وده طمني شويه..

بعد مرور اسبوعين كنت ف المستشفى بتابع مع الحاله.. و خرجت من الاوضه بالارهاق و كنت ماشيه ف الممر بسرعه خبطت ف شخص.. واتكلمت بحرج اسفه و لسه همشي ولقيته شدني من ايدي واتكلم بحده : مش قابل اعتذارك..

رفعت عيني ليه بسرعه و اتكلمت بتوهان : ش. شريف انت هنا بتعمل اي..

شريف : بعمل اي؟!! جاي اخدك لعالمي بجد وحشتيني..

غمضت عيني بوجع : احم.. شريف لازم تكون عارف ان ده مكان شغل وان احنا معتش ف كلام بينا غير بصلة القرابه و بس.. وسكت و رجعت كملت بجمود ي ابن عمي.. وسبته و مشيت..

بعد مرور حوالي شهر..

كانت كل جاجه تمام الشخص المجهول معتش بعت جاجه تاني.. شريف كل يوم ينطلي ف المستشفى و مش قايل لحد اني قلعت الدبله واديتهاله و انا مقولتش حاجه لان معنديش اجابة لسؤال انت ليه غيرتي رايك ف سكتت وقولت هو اكيد هيتكلم.. بس هو ما استسلمش و كل شويه ينطلي ف اي مكان انا فيه…

ماما قالتلي انهم جاين زياره حاولت اهرب منهم بس معرفتش…

نفخت بزهق لاننا بقالنا اكتر من ساعه بنعيد ف الكلام: حاضر ي ماماا حااااضر..

هدى خرجت وانا قومت اجهز لانهم ع وصول..

كلهم وصلوا وخرجت قعدة معاهم ولقيتهم فاجاة قلبوا الحوار كله و بقا الكلام ع جوازي انا وشريف..

حازم : انا بقول نعمل خطوبه وكتب كتاب مع بعض لانهم بقالهم فتره كبيره قراية فاتحه بس..

ادهم : والله معاك حق ي حازم ي اخوياا..

اتكلمت بصدمه وصوت همس : الاتنين مع بعض.. انا اصلا مش عايزه بس هقولهم ازاي..

شريف بفرحه : الخطوبه الخميس الجاي و كتب الكتاب الخميس اللي بعده و غمزلي ولا اي..

ولا اراديااا اتكلمت بحرج طبعا موافقه..

ودي تاني مره اوافق عليه من غير ما اقصد اعااا مش عارفه ليه ببقا مسلوبة الارادة..

الكل بدا يهني و الفرحة دخلت البيت تاني اخيراا…

ف الشقه اللي كنت مخطوفه فيها..

الشخص المجهول بشر لاااا انتي لياا انت ملكي انا وبس.. وقعد يكسر كل حاجه بعصبيه..

_______

فتحت الباب برجفه : عمرو؟!!

• يتبع الفصل التالي اضغط على ( رواية حب غير مقصود ) اسم الرواية