رواية معلمة من الصعيد كاملة بقلم مريم شعبان عبر مدونة دليل الروايات
رواية معلمة من الصعيد الفصل الخمسون 50
فيلا سليم
موده: تفتكروا دي هربت ازاي
رحاب: دلوقتي حاتم يجي و نعرف كل حاجة
موده: اكيد تامر اخدها
عز: اكيد طبعا و يحي حاتم
موده: خير اي اللي حصل
زهراء: براحة يا بنتي خليه ياخد نفسه حتي
موده: يعني هو جاي جري انطق يا بني هربت ازاي
حاتم: بس يا زفتة
ماهر: حصل اي يا حاتم هربت ازاي دي
حاتم: حصل خناقة كبيرة قدام القسم الكل راح يشوف في أي و طبعا سابوا كل حاجة حاجة مفتوحة في تامر داخل أخدها و هربوا بس لسه مش عارفين هم فين
رسلان: ما يمكن هم سبب في الخناقة عشان يدخلوا يخدوها
حاتم: ده اكيد و احنا عشان شعب فضولي الكل جري برا
زهراء: طيب ما يمكن في البيت اللي اخدتني فيه قبل كده
حاتم: لا مفيش حد
رويدا: هو ممكن في البيت اللي تامر اخدني فيه قبل كده
حاتم: ممكن صح هبعت دلوقتي ناس تروح هناك
رحاب: خير باذن الله
ماهر: الحمدلله لعله خير يلا كل واحد ياخد مراته و يطلع جناحه يلا
حاتم: طيب انا هاخد المدام و امشي
ماهر: اتلم
رحاب: يلا يا بنات اطلعوا علي فوق و فين يوسف صح
جاد: مش عارفين
موده: مش كان هنا
مروان: اه و مشي
رحاب و فين غرام
يارا مجتش انهاردة
موده: طيب تعالوا معايا ثواني
عز: رايحة فين
موده: هنشوف يوسف فين و نجي
عز: تمام
موده: يلا يا شباب و يخرجوا كلهم
رحاب: ربنا يصبره و يهديه ويصلح حاله
:يارب
*****
موده: بصوا أنا مش عايزة زعيق ولا اتكلم بصوت عالي قولوا فين يوسف بهدوء كده فينه
جاد: احم منعرفيش
موده: انطق يا جاد
مروان: احنا بجد منعرفيش هو متغير الفترة دي و كلنا شاكين أنه راجع يشرب تاني
موده بصدمة: هو انتوا كنتوا بتشربوا
جاد: قصده سجائر يا موده واضح يا زفت
موده: بس السجائر متعمليش كده الواد متغير
موسي: ما اكيد متغير يا موده اخواته الاتنين ماتوا ورا بعض عايزه يرقص
موده: لا بس دي دنيا لازم يكمل حياته المهم دلوقتي يطلع فين
جوا في الفيلا
موده: طنط بسملة فين يوسف
بسملة: قاعد جوا في الجنينة
موده: بينا يا شباب و يدخلوا كلهم
موده: يعني احنا نقعد ندور عليك ساعة تقعد موده جنبه و البنات و الشباب علي الارض
يوسف: جاين ليه
موده: اي المعاملة الزفت دي
جاد: ما تقوم يا بني الدنيا مش بتقف يعني
يوسف بعصبية: اه مش بتقف بس حد فيكم حاسس بيا حد فيكم حاسس بالنار اللي جوايا لو عايزين تساعدوني بجد خليكم جنبي سبوني اخد وقتي في الزعل و الحزن إنما انتوا عايزين خلاص اسبوع زعل كفاية يلا ارجع حياتك الطبيعية يلا ورانا شغل و مذاكرة ما هم اهم مني شخصيا اولع أنا صح ردوا عليا كل مرة تجول تقولوا نفس الكلام اني الحياة مش بتقف و لازم اكمل فيها أي و لو مرة تقعدوا ساكتين و خلتوني اعيط ده حتي العياط تقولوا كفاية كده عشان والدتك أنا مدرك اني الكبير دلوقتي بس و الله مش قادر مش قادر والله تعبت يارب اخواتي الاتنين ماتوا ورا بعض مش معترض علي قدرك يارب بس موجع و تعبان اوي مش قادر اعمل اي شي مش قادر انا لوحدي محدش حاسس بيا محدش حاسس انا بمر بأي محدش حاسس بقلبي اللي كل يوم بيقوم يدور عليهم بفتح صورنا اعيط الفراق صعب اوي و بدأ يعيط الشباب كلهم قاموا عنده
جاد: طيب صل علي النبي كلنا جنبك
مروان: احنا اسفين اسفين
موسي: اهد احنا كنا غلط و الله بس كنا عايزين نشوفك كويس
يوسف: عارف بس والله مش قادر
موده: بس يا يوسف اهد كده
يوسف: انتي السبب
موده: لا بص هتقلب و تقول الكلام الهبل ده هينزل قلم علي وشك اقسم بالله
يوسف يضحك
موده :ايوه كده صل علي النبي الفراق صعب اوي و بيوجع احنا فهمنا غلط كنا عايزين نخرجك من المود ده بس احنا غلط كان لازم تاخد وقتك في الحزن و الزعل و العياط بس بردو مش مع كده انك ترجع تشرب سجائر تاني لو تبدأ تبعد عن ربنا أنا عارف انك تعبان بس صدقني لو روحت لربنا و شاكت همك هتكون مرتاح الفراق صعب و مميت بطريقة صعب ربنا يصبر قلبك يا يوسف و يرزقك اخواتك الفردوس الاعلى
يوسف: يارب
موده: يلا قوم خلاص هانت و نعرف مين الكبير هانت اوي
****
في المساء في مكان ما
تامر: وحشتني اوي يا حبيبتي
رباب: و انت اوي
تامر : كويسة صح حد عملك حاجة
رباب: لا يا حبيبي انا كويسة و الله
تامر: حد ضربك حد عمل اي حاجة
رباب: لا و الله بالعكس حاتم مخليش حد يجي جنبي نهائي و راح مخصوص يدور علب الحقنة بتاعتي عشان معادها
تامر باستغراب: بجد
رباب: اه و الله بلاش تاذيهم يا تامر تعال نسافر و نربي ابننا بعيد عن الدوشة دي يلا بجد هنا مش مكاننا
تامر :خلاص يا رباب مش وقت الكلام ده دلوقتي تدخلي تاخدي شاور و لحد ما الاكل يجهز و تأكلي و تنامي
رباب: تمام يا تامر انت حر
*****
في فيلا سليم في جناح عز و موده
عز بزعيق: موده
موده: في أي يا ابني ما أنا قاعدة اهو
عز: تجي نخرج
موده: لا مش قادرة
عز: ليه بس
موده: تعبانة و عايزة انام
عز: نامي يا بومة
موده: بومة في عينك
عز: طيب قومي حضري الاكل
موده بتعب: عز و الله مش قادرة اعمل اي حاجة قومي اعمل لنفسك الاكل جاهز في المطبخ
عز: مالك يا موده
موده: بطني وجعني اوي
عز: اكلتي اي تاني يا زفتة
موده: اسكت بقي و ربنا ما قادرة
عز: طيب اعملك حاجة سخنة
موده: لا
عز: طيب ثواني اعملك كمادات
موده: لا بردو ده وجع غريب اوي
عز بقلق: طيب انا هكلم ماما تجي تشوفك
موده: لا بلاش سيبها نائمة
عز: مش هينفع يا موده طيب حتي اشوف رحاب
موده بتعب: تمام و يخرج عز و يروح جناح اخوه و يخبط
ماهر: خير يا استاذ عز
عز: موده تعبانة اوي خلي رحاب تجي تشوفها مالها مش عارف مالها
ماهر: بسم الله خير باذن الله رحاب رحاب تعالي علي جناح عز
****
في جناح عز
تدخل رحاب لموده و عز كان حاضن موده
رحاب: اي يا اوفر انت و هي
موده: بت مش قادرة و ربنا
رحاب: مالك يا حبيبتي فيكي اي
موده: بطني واجعني أوي
رحاب: اكلتي حاجة من برة
موده: و ربنا لا
رحاب: طيب اهدي
موده: مش قادرة و تقوم تجري علي الحمام
عز: موده و راح وراه
رحاب بابتسامة: الله ده شكله اللي في بالي و يخرج عز اللي ماسك موده
رحاب: استاذ عز ممكن تنزل تحت تقول لزهراء تعملها حاجة سخنة
عز: حاضر و يمشي
رحاب: عشان نكون واضحين كده انتي بقالك قد اي كده
موده: يومين
رحاب بابتسامة: طيب اي رايك أجيب اختبار حامل
موده :لمين
رحاب: لمين لعز يعني لكي
موده: انا ليه
رحاب’ مش ناقصة غباء هي كل الاعراض دي أعراض حامل
موده: بس يا رحاب
رحاب: بس اي و ربنا هنجيب اختبار حامل و كمان عشان لو طلعتي حامل نخليها مفاجآة لعز هبعت ماهر اي اخليه يجيبه
موده بتوتر’ تمام
****
في جناح ماهر دخلت رحاب
ماهر: اي موده عاملة اي
رحاب بابتسامة: كويسة بس شكلك كده هتكون عمو
ماهر: لا موده حامل
رحاب: شاكة عشان كده يا حبيبي هتروح تلبس و تنزل تجيبي اختبار حامل عشان لو حصل تكون مفاجأة لعز
ماهر: تمام حاضر طيب عايزة حاجة تانية
رحاب: لا يا حبيبي تسلم
ماهر: طيب جهزي هدومي
رحاب: تمام
****
في جناح عز يدخل عز
عز: الله ما فين رحاب
موده: راحت تشوف ماهر و جاية
عز: بقيتي احسن
موده: الحمدلله
عز: ما مالك متوترة كده ليه
موده: مفيش
عز: قولي مالك علي طول
موده: مفيش يا عز عادي عشان تعبانة بس
عز :هعمل نفسي مصدق
موده الباب يخبط: روح شوف مين
عز: تمام و يقوم و يخرج و بعد كده يجي هو و رحاب
عز: دي رحاب
رحاب: احم عز ماهر عايزك في الجناح بتاعنا
عز :ماشي و يمشي
موده :جبتي
رحاب: اه يلا بسرعة انا قولت لماهر ميسبش عز لحد ما ارجع
موده: تمام
رحاب: يارب ارزقها يارب
****
في اوضة زهراء بتكلم حاتم
حاتم: كنتي بتعملي اي
زهراء: بعمل ينسون لموده
حاتم: ليه مالها
زهراء: معرفيش عز قالي بطنها وجعها اعملها اي حاجة سخنة
حاتم: طيب هروح اكلمها اشوف عاملة اي
زهراء: اصبر انا رايحة اشوف هرن عليك
حاتم: تمام يا زهرتي
****
في جناح ماهر
عز: ماهر انت بقالك ساعو بتقول حاجات مش مفيدة عايز اي
ماهر: يا عم اقعد معايا بدل ما انا اقعد لوحدي
عز: هو في اي في حاجة بتحصل من ورانا
ماهر: حاجة اي يا بني اقعد و اهمد شوية
عز :ماشي
***
في جناح عز
رحاب قاعدة مستنية موده و الباب يخبط تروح تفتح كانت زهراء
زهراء: رحاب هي موده تعبانة للدرجة
رحاب: لا بس تعالي يا عمتو
زهراء: ماشي و تدخل
رحاب: اقعدي لحد ما الهانم تخرج
زهراء: تخرج من فين
رحاب: الحمام
زهراء: طيب نسيبها ترتاح
رحاب: يا بنتي اهمدي لحد ما تخلص
زهراء: انا مش فاهم حاجة
رحاب: موده بتعمل اختبار حامل
زهراء بفرحة: لا
رحاب: اه و الله اصبري بقي ،موده تخرج
رحاب: اي
موده: مش فاهمة بصي
رحاب بفرحة: حامل حامل يا موده مبارك يا حبيبتي مبارك
زهراء بفرحة: مبارك يا حبيبتي مبارك زغروطة يا رحاب
موده: لا لا
زهراء بضحك: في اي يا بنتي
موده :حامل ازاي انا انا مش قادرة أستعوب
زهراء بضحك: الفرحة اثارت في دماغها
رحاب: اهدي يا موده انتي دلوقتي حامل بطفل من عز حبيبك
موده حاطت ايديها علي بطنها بابتسامة: يعني انا جوا طفل
زهراء باستغراب: هي عندها كام سنة علي الاستغراب ده
رحاب بضحك: اه اثار الصدمة يا بنتي اول مرة عقبالك انتي و حاتم لما تملوا البيت عيال
زهراء: يالهوي حاتم نسيته قالي كلمني لما تروح عند موده عشان يطمن عليكي
موده: هو الخبر انتشار اني تعبانة
زهراء: كان بيكلمني لما عز قالي اعملك ينسون
موده: تمام يا حبيبتي اوعي تقولوا اي حاجة انا عايزة اصور و تكون ذكري لينا انا و عز و الكائن اللي هيجي او هتجي دي
زهراء: طيب اي رايك لو بكرة انتجمعنا كلنا بكرة الجمعة كده كده و عملتي المفاجأة
موده: تمام يا حبيبتي
*****
يوم جديد في فيلا سليم
موده و زهراء و رحاب في جناح عز و موده
موده: زي ما قولتلك عقول لكل واحد لوحده اخر واحد عز
رحاب: تمام يلا انا جهزت الكاميرا و زهراء هتصور بردو
موده: تمام يلا
****
في المطبخ كانت موجودة سهام بس
زهراء: ماما
سهام: يا نعم
زهراء: عايزينك في حاجة
سهام: خير اكيد مصيبة عايزين اي
موده: لا مش احنا ده الكائن جديد عايز يقولك انه هينور بيتكم
سهام بفرحة: لا حامل
رحاب: اوعي تزغرطي عايزين الكل يعرف بمفاجأة
سهام: زغروطة بصوت واطي لولولولوي و حضنت موده
سهام: مبارك يا حبيبتي مبارك
موده: الله يبارك فيكي
سهام: لازم نفرح نبيل
رحاب: بدور ماشين احنا بدور
سهام بضحك: طيب يا اختي اتفضلوا
موده: بينا علي المكتب عند جدو
رحاب: بينا
*****
في مكتب سليم كان قاعد بيشرب قهوته لوحده و الباب يخبط
سليم: ادخل
موده: السلام عليكم
سليم: وعليكم السلام تعالوا يا بنات و يكمل باستغراب بتصوروا اي
موده :عايزة اقولك حاجة
سليم: اتفضلي
موده: انا انا
سليم: في اي يا بنتي
زهراء: ما تقولي يا موده
موده بفرحة: انا حامل
سليم بفرحة: بجد
موده: اه
سليم: يا ماشاء الله اللهم بارك مبارك يا حبيبتي
موده: الله يبارك فيكي يا حبيبي
سليم: ربنا يكلمك علي خير
موده: يارب بينا علي الباقي
زهراء: بينا بعد إذنك يا جدو و يخرجوا
سليم بابتسامة: ربنا يسعدكم يارب و عقبال بيري
*****
موده: فين دلوقتي
زهراء: عند بابا و عمو صابر و عمو كاظم
موده: بينا يلا
رحاب: اليوم كله عبارة عن بينا يلا
موده بضحك: اه يلا و يطلعوا اوضة نبيل و يخبطوا و يدخلوا
موده: صباح الفل علي احلي ناس
نبيل: صباح النور تعالوا يا بنات
رحاب: جاين اقولك خبر سريع كده
صابر: خير
رحاب: هتكون جدو يا عم صابر افرح
صابر قام بفرحة: ماشاء الله ماشاء الله
كاظم باس موده من رأسها: مبارك يا حبيبتي
موده: الله يبارك فيك يا خالو
نبيل: ربنا يكلمك علي خير
موده: يارب يا خالو بينا نعرف الباقي و ينزلوا
كاظم: مبارك يا صابر
صابر: الله يبارك فيكي عقبال بيري
كاظم: اللهم امين
****
موده: بصوا هقف في الجنينة الخلفية بس ده بعد ما نروح نقعد معهم و نتفق اننا هنلعب لعبة و انا هقولهم كلمة سر للعبة
رحاب: تمام يلا بينا و يروحوا كلهم
بيري: انا نفسي اعرف انتوا فين
زهراء: كنا بنعمل حاجة بس
بيري: ماشي
عز: بقيتي احسن
موده: الحمدالله بيري تعالي عايزكي
بيري: خير و تروح معها و معها زهراء و رحاب و يروحوا الجنينة الخلفية
بيري: طيب هي قالت بيري انتوا جاين ليه بتصوروا اي
موده: بيصوروا ده
بيري: اي ده بصدمة ده اختبار حامل
موده: اه انا حامل
بيري: بجد حضنتها بسعادة
زهراء: يلا اللي بعده من راي تتدخل البنات كلهم و السباب لوحدهم
بيري: و عز
رحاب: ماهر عارف اني موده حامل من امبارح في قولتله اول ما اقول للبنات يجوا ياخد عز و يبعدوا شوية
بيري: تمام انا فرحانة أوي
موده: عقبالك يا حبيبتي
زهراء: يلا يا رحاب روحي هاتي البنات
رحاب: حاضر و تمشي و بعد مده تجي و معها البنات
يارا: خير عايزين اي
موده: اي يا بت الطريقة دي
تيا: يلا عشان جعانة و الواد جاد هياكل البيتزا كلها
رحاب: اه صح عايزين نطلب ايس كريم
غرام: تمام كام واحدة
أيات: علي عددنا اكيد
رويدا: تمام هكلم سوبر ماركت يبعت علي قدنا
موده: بس زودي واحدة
فيروز: ليه
موده: عشان في ضيف جاي في الطريق
البنات باستغراب: مين
موده: ابني او بنتي
بصلوها بصدمة و بعد كده اقعدوا ينطقوا بفرحة و سعادة كلهم و يجروا يحضنوا موده
موده بضحك: براحة براحة اي رايكم في المفاجأة
يارا: احلي مفاجأة بجد
تيا: عشان كده بتصوروا
موده: اه يلا دور الشباب
تيا :هروح اقولهم يجوا
زهراء :ماعدا حاتم و غيث
تيا: تمام و تجري
*****
جاد: هو في اي كل شوية عايزين واحد شكل
يوسف: يلا يا بني نشوف في اي
حاتم: اجي انا كمان
تيا: لا اصبر انت و غيث شوية
غيث: تمام أهو قاعدين
و يمشوا يروحوا عند البنات
مروان: خير يا موده
موده: خير بإذن الله
رحاب: عشان نقول علي طول موده حامل
موسي: بجد
موده: اه
جاد: هكون عمو للمرة الستة يا ناس
رحاب: الله اكبر في عينك يا بني
جاد: فرحان أوي
موده: ربنا يسعدكم
امجد: مبارك يا موده
موده: الله يبارك فيك
وائل: الله يكلمك علي خير
موده: اللهم امين
يوسف بابتسامة: مبارك
موده: الله يبارك فيك
بيري: غيث و حاتم بسرعة
يارا: ثواني و تجري و يجوا
حاتم: هو اي الاجتماع ده
موده: مفيش يا سيدي بيتختاروا لبس الكائن الجديد اللي هينور حياتي
حاتم بصلها باستغراب
موده: هتكون خالو يا واد انت و هو
غيث بسعادة :مبارك يا موده
موده: الله يبارك فيكي عقبالك انتي و بيري
غيث: اللهم امين و بصوا لحاتم
موده: انت نامت ولا لسه مصدوم ولا اي
حاتم: انتي حامل
موده: اه و ربنا
حاتم حضنها: مبارك يا حبيبتي و باس رأسها
موده: الله يبارك فيك اي الصدمة دي
حاتم: مش متخيل الصراحة انك هتكبر و تكون ام طول عمرك هبلة
موده: طيب يا سيدي شكرا
يارا: هي ماما و عمتو عرفوا
رحاب: اه من امبارح بس قولنا اوعوا تقولوا
موده: بس فاضل عز
تيا: هتقول لعز ازاي
موده: عز انا حامل سهلة
يارا: لا طريقة تقليدي
موده: ما اعمل اي
رويدا: نجيب ورقة كبيرة و كل واحدة فينا يتكتب حرف و تكون عبارة جاهز انك تستقبلني يا بابي و الله حلوة
رحاب: فكرة حلوة بجد يلا ننفذها
الكل بحمس و فرحة: يلا بينا
*****
في الجنينة كلهم متجمعين قاعدين السباب و البنات قاعدين علي الارض و الكبار قاعدين علي الكراسي حولهم
رحاب: لما تجوا نلعب لعبة
ماهر: خير
رحاب: كل واحد فينا يكتب حرف و واحد فينا يجمع الجملة لو فهم الجملة صح يبقي فاز
الكل :حلوة اللعبة دي يلا بينا
رحاب: مين اللي هيقرا نبدأ بمين
سليم: هختار انا
موده: مين يا جدو
سليم: عز
عز: تمام يا جدو يلا ابدي و كل واحدة فيهم يكتب حرف
رحاب: الكلمة جاهزة أتفضل يا استاذ عز
عز: تمام و يبدا يقرا ج اه ز ان ك ت س ت ق ب ل ن ي ي ا ب ا ب ي يبصلهم باستغراب
الكل :موده حامل
بصلهم بصدمة و قام مرة واحدة
عز: بجد ولا مقلب
سهام: بجد يا حبيبي مبارك
عز: راح عند موده حضنها
عز: مبارك
موده: لينا
غيث: لكم ان تتخيلوا اني موده و عز هجيبوا طفل
ماهر: حاجة غريبة صح طفل يعني انتوا كبار دلوقتي يعني مش كل شوية خناقة
عز لسه حاضن موده’ نتخانق نزعل نعمل اللي احنا عايزينه طالما في الاخر ملنيش غير بعض و ثمرة حبنا هتنور حياتنا
سليم: ربنا يحفظكم لبعض
عز: يارب يا جدو و راح باس ايده
سليم: عقبالك يا غيث
غيث: يارب يا حاج اقعد انت أدعي بس و أدعي ربنا يهدأ بنت ابنك عليا
سليم بابتسامة: ربنا يهديكم لبعض و يحفظكم عشان المناسبة السعيدة دي كل واحد يطلب منكم طلب
غيث: احلف
سليم: غيث
غيث: يعني اي حاجة هطلبها هتوافق
سليم: ان شاء الله
غيث: قول وعد
سليم: وعد يا زفت اخلصوا
كلهم بصوا لبعض بنظرات أتفاق و تخطيط لشئ
سليم: اي شكلك بتخططوا حاجة
غيث: بص انت قولت وعد يبقي لازم تنفذه
سليم: خير يا زفت
:نروح الملاهي
سليم: نعم
جاد: و حضرتك هتروح معنا
سليم: روحوا انتوا انما انا لا و رحاب و موده هيروح ازاي
رحاب: لو عليا متخفيش انا تمام
موده: و انا بردو
سليم :و أنتوا مش ثانوي عام
موسي: يوم مش هيحصل حاجة
سليم: روحوا انتوا مالكم بيا
ماهر: هنروح كلنا يا جدو كلنا
عز: الكل موافق صح
:اه بصلهم
موده: مش انا حفيدتك حبيبتك وافق بقي
بيري: بالله يا جدو
رحاب: عشان خاطرنا بقي
زهراء: جدو حبيبي
سليم: موافق
اقعدوا يجروا بفرحة
نورسين بفرحة: هنروح الملاهي
جاد: امت بقي
رحاب: بكرة بكرة السبت و أجازة نروح عادي و نشوف شالية في ملاهي و حمام سباحة لينا فقط
الكل: موافقين
*****
عند تامر
فرح :هتنفذ امت
تامر: بكرة أدعي لموده بالرحمة
فرح: موده قصد المخدرات مش عايزة ولا غلطة
تامر: تمام
****
في شقة غيث و بيري
بيري: البس الفستان و الخمار ده ولا البس ادناء عشان اعرف اجري براحتي ولا البس جلباب انت مش بترد عليا ليه غيث
غيث: نعم
بيري: مش بترد عليا ليه
غيث: انتي قولتي مليون طقم انا دوخت و مش عارف اقول رايي حتي
بيري: طيب بص البس ادناء و لا جلباب ولا فستان
غيث: انتي مش قولتي الادناء هيكون حلو عشان تتحركي براحتك
بيري: اه
غيث’ البسه
بيري: تمام انت هتلبس اي
غيث: بدلة
بيري: انت بتهزر
غيث: انتي اللي بتهزري هلبس اي يعني اي تيشرت و بنطلون
بيري: انت بترد عليا كده ليه
غيث: ما ارد ازاي ياريت تخرجي و تقفلي النور عشان عايز انام
بيري: بس انا بختار هدوم بكرة لينا
غيث: مش اختارتي ليكي ملكيش دعوة بيا اتفضلي يلا
بيري بحزن: تمام ماشي تصبح علي خير و خرجت راحت المطبخ و قعدت زعلانة
بيري: هو بيكلمني كده ليه انا الي غلطانة اني قولت اقرب منه و احاول اصالح اللي فات و تكمل بدموع بس هو شكله مش هينسا
غيث: بيري
بيري بتمسح دموعها بسرعة: اي نعم
غيث: اعملي كوباية شاي ليا
بيري باستغراب: مش هتنام
غيث: لا اعملي كوباية الشاي و تعالي عشان عايزك
بيري: خير
غيث: لما تجي هتعرفي
بيري: ماشي
******
في فيلا سليم
في جناح عز و موده
عز: بنت ولا ولد
موده: اهمد يا عز انا لسه في اول اسابيع
عز: طيب لو بنت حور ولا روح ولا خديجة
موده: بس يا حبيبي
عز: بت اسكتي سيبني احلم براحتي
موده: فرحان
عز: جدا
موده بابتسامة: ربنا يكمل فرحتنا علي خير
عز: يارب مش عايز بكرة لعب كتير براحة تمام
موده: حاضر يلا ننام بقي عشان بكرة يوم طويل
عز: تمام يا حبيبتي
****
بيري: أتفضل
غيث: اقعدي عشان عايزك
بيري: خير
غيث: زعلانة ليه
بيري بعصبية: شوف طريقتك معايا بكلمك و بختار لبسك لبكرة و انا كلي حماس تقولي اطلعي برة
غيث بجمود: صوتك يكون واطي تمام
بيري بخوف: حاضر في اي
غيث: صوتك مكنتيش سامعة صوتك عالي ازاي
بيري: لا مش سامعة
غيث: طيب خدي بالك عشان انا لحد دلوقتي كويس معاكي
بيري: عايز اي
غيث: اتكلمي كويس
بيري: انا اللي اتكلم كويس انا قاعدة باخد رايك البس اي تقولي اطلعي برة
غيث: تاخدي رايي ليه ردي عايزة تخليني اعيش في ذكريات و اوجع قلبي ليه عايزة بعد الطلاق افتكر ده كله ليه
بيري: بس انا مش عايزة طلاق انا
غيث: انسي خلاص الطلاق هيتم انا مش لعبة في إيديك
بيري قامت بعصبية: عملت اي انا
غيث بعصبية: عملتي اي عملتي اي مش عارفة اول ما اتجوزنا قولتلي اصبر عليا يا غيث فترة قولت عادي خايفة متوترة اي شي مش هغصبها اكيد دي مراتي و حبيبتي بعد فترة قولتي اني بخونك و كنتي بتقولي كلام صعب بس استحملت روحت قولتي لماما اني بغصبك علي و اني بعملك بطريقة مش كويسة عشان اخد حقوقي خليتي نظرة امي ليا وحشة و مع ذلك صبرت روحتي تكلمي بنات متعرفيش عنهم حاجة حكيتي تفاصيلي حياتك و قولت هبلة و صغيرة و بتتصرف بغباء بعد ما قولتلك اني والدتك هي السبب و انا عادي تكمل مع بعض انتي ازاي لا مينفعش و عايزة اي عايزة اي
بيري كانت بتعيط
بيري: انا اسفة
غيث: خلاص يا بيري الطلاق هيتم انا حضرت كل حاجات
بيري: طلاق لا
غيث: مش عايزة كده
بيري بعياط: لا مش عايزة
غيث: بطلي زفت عياط
بيري: بس صوتك انت عارف اني بخاف من الصوت العالي
غيث: طيب اهدي
بيري: انا اسفة انا انا
غيث: انتي اي
بيري: انا
غيث: انتي اي
بيري: مفيش بعد إذنك و تمشي
غيث: مفيش خدي يا بت انتي ويروح وراها
غيث: اي ده هتنامي
بيري: اه اقفل النور و اطلع برة
غيث بضحك: و الله
بيري: عايز اي
غيث راح عنده:ا عايزك
بيري: نعم
غيث: عايزك تكوني معايا علي طول مش عايزك تسيبني
بيري: و انا كمان
غيث: طيب نعمل اي
بيري: بس يا ابني
غيث: ابنك
بيري: هو شكلها اننا لبعض مش هعرف اخلص منك ولا انت في نكمل و نشوف هيحصل اي
غيث: هيحصل اي
بيري: كل الخير يا روحي
غيث: روحك
بيري بكسوف: أقفل النور يا غيث
غيث: قولها قولها و الله ساعتها هنكمل مع بعض
بيري: بحبك يا غيث أهو بس و تلف الجهة التانية بكسوف
غيث: بعشقك يا بيري
بيري بكسوف: والله لو ما نامت هخرج الاوضة تانية
غيث: لا خلاص خلاص نامي
****
يوم جديد
رحاب: ماهر ماهر ماهر
ماهر: اي في اي
رحاب: يلا قومي رايحين الملاهي
ماهر: أهبل من عيالك حاضر الساعة كان
رحاب: 6
ماهر: 6 حرام عليكي
رحاب: لحد ما تجهز يا روحي
ماهر: حاضر يا قدري
لين: ماما
رحاب: نعم يا عيوني
لين: البس الفستان ده و لا ده
رحاب: ده يا عيوني
نورسين: ماما انتي انهاردة هتعرفي في بطنك ولدين و لا بنتين
رحاب: بس بس مش قولنا هنعملها مفاجأة ليهم كلهم
نورسين: اه صح اسفة انا عايزة البس وردي
لين: و انا بردو عشان هي بنت
رحاب بضحك: حاضر يلا بينا بقي
*****
بعد مدة البعض كان جاهز و قاعدين في الجنينة مستنين الباقي
سليم: فين الزفت جاد هو و يوسف
يوسف: احنا أهو
سليم: فينكم ده كله
يوسف: كنا بنجيب شوية حاجات عشان الخروجة
سليم: تمام يلا علي العربيات
جاد: يلا بينا و يخرجوا كلهما يركبوا عربيتهم و ينطلقوا الي الملاهي
****
في الملاهي مكان ليهم لوحدهم فقط
ملاهي و حمام سباحة و ملعب لعب كرة القدم
جاد: هنعمل اي هنعمل اي
سهام: اهمد يا بني اهمد
مروان: يلا بينا نلعب
هيام: طيب اقعدوا شوية
جاد: و ربنا لا يلا يا شباب
ماهر: الشباب في مكان و البنات في مكان
جاد: الله ليه
ماهر: هو كده
يوسف: طيب نفرض حد كلمهم
ماهر: ملكيش دعوة انا معهم
يوسف بهمس: طيب ما تخلني اخد المزة بتاعتي
ماهر: امشي يا حيوان من هنا
يوسف: يلا يا شباب يلا
و يمشوا
لين: بابا يلا نلعب
ماهر :يلا يا روح بابا شباب انا هاخد الولاد و نروح نلعب خلي بالكم من البنات انتوا عارفين الشباب
غيث: متخفيش انا نروح انا و بيري وراهم
ماهر: تمام
****
يوسف: اه مش قادر
موسي: لا مش قادر اي لا يلا ده احنا لسه في اول يوم
يوسف: مش بحب الالعاب دي يخربيتكم
وائل: اجمد
موسي: يلا شوفوا هنلعب اي تاني لحد ما اروح اجيب حاجة و اجي يلا
****
عند تيا كانت واقفة هي و اشرف
تيا: مالك
اشرف: مفيش عادي فكرتي
تيا :في اي
اشرف: في اللي قولتلك عليه
تيا: احم مش وقته يا اشرف بعدين نتكلم
اشرف: تمام مستني ردك
تيا: سيبني افكر براحتي
اشرف: براحتك يا ستي المهم اصبري و يطلع علبة
اشرف: اتفضلي
تيا: اي ده
اشرف: شوفها
تيا :حاضر و تفتحها
تيا: الله دي السلسلة اللي كنت عايزها
اشرف: مش بحب أشوفك نفسك في حاجة
تيا: شكرا جدا حدا
اشرف: مفيش بينا شكر
تيا: انا بحبك أوي أوي أوي
اشرف: قولتي اي
تيا بكسوف: مقولتيش حاجة بالغلط علي فكرة مش قصدي
اشرف: نفسي تقولها تاني بس لما نكون مع بعض في الحلال
تيا: بس بقي
اشرف بضحك: تمام و يبص الجهة التانية و كان موسي واقف بصص عليهم موسي اول ما لاحظ مشي علي طول
تيا: في اي
اشرف: معرفيش موسي كان واقف بصص عليها و بعد كده مشي علي طول
تيا: اه
اشرف: في اي
تيا: معرفيش يا تري في اي يا موسي كنت واقف كده ليه
*****
عند موسي كان ماشي بزعل انه شافها واقفة مع اشرف و بتضحك و يروح يقعد مع العيلة
موده: موسي
موسي: نعم
موده: مالك في اي
موسي: مفيش عادي
سليم: طيب جاي تقعد ليه
موسي: عادي زهقت
موده: براحتك انا عايزة اقوم العب شوية
عز: انسي لا نهائي
موده: بالله ما انا جاية ليه
عز: اهمدي شوية
موده: حاضر و يجوا كلهم
يوسف: فينك يا بني ساعة عشان تجي يا استاذ موسي
موسي: معلش قولت اقعد شوية
جاد باستغراب: مالك
موسي بضيق: مفيش و يجوا البنات
ماهر: فين تيا
يارا: مع اشرف
ماهر: تمام
يوسف: عشان كده
سليم: عشان كده اي
يوسف: مفيش يا جدو
مروان بهمس: انت زعلان عشان كده
موسي بضيق: لا
يوسف: واضح اوي و يجوا تيا و اشرف
ماهر: هو انا مش قولت البنات لوحدهم و الشباب لوحدهم
اشرف: اي ده انا تبع النظام ده بردو
ماهر: اكيد في اتنين مختفين
نبيل: يا بني سيب اخواتك مالك بيهم
ماهر: اسيبهم اي يا حاج فهي غيث و بيري و زهراء و حاتم جاد روح شوف حاتم فين و يوسف روح غيث فين
يوسف: من عيوني
****
عند غيث و بيري كانوا قاعدين قدام حمام السباحة
بيري: يلا نروح عندهم
غيث: يا ستي ما تقعدي ساكتة كل شوية يلا نروح
بيري: احنا جاين عشان نقعد ما بعض
غيث: شوية و هنروح الادناء حلو عليكي
بيري: بجد
غيث: جدا و الله
بيري: شكرا
غيث: شكرا علي اي و انتي زي القمر كده
بيري: بس بقي
غيث: الله مش بمدح مراتي و عمري و روحي و قلبي
بيري: غيث و ربنا هقوم
غيث: لا متقوميش انا بكون مرتاح و انت جنبي
يوسف: لا و الله الباشا قاعد هنا و انا بدور عليه الباشا شاغل احضان و حاجات مش تمام
غيث: اتلم يا حيوان عايز اي
يوسف: تعال عايزينك هناك
غيث: روح و انا جاي
يوسف: عليا بردو امشي قدامي
غيث: صوتك
يوسف: و ربنا اروح أنادي ماهر و اقوله كان مستفرد ببنت عمك
غيث: حيوان بطل قلة أداب
يوسف: يلا قدامي
غيث: قومي يا بنتي نشوف الاخ ده
بيري بكسوف: يلا
يوسف: قدامي قدامي
****
عند حاتم و زهراء واقف و حاضنها
حاتم: نفسي نفضل العمر كله كده مبسوط و انتي جنبي كده
زهراء: و انا نفسي تبعد
حاتم: ليه يا زهرتي
زهراء: عشان لو حد من اخواتي جيه اعمل اي
حاتم: تعملي اي انتي مراتي يا بنتي
زهراء: بردو عيب
حاتم: اول حاجات اعملها لما نتجوز همسح رقم ماهر و عز جاد علي الله حكايته اهبل اساسا
جاد: و اي كمان
حاتم: جاد اهلا وسهلا
جاد:اهلا بك ابعد عنها
حاتم: مراتي
جاد: ان شاء الله بلا عشان مستنين هناك عشان يلعبوا
زهراء: تمام يلا بينا
****
ماهر: هم فين ده كله
رحاب: ما تهدأ يا حبيبي و اقعد العب مع عيالك ساكت
ماهر: اهلا اهلا بيكم فينكم
يوسف: غيث كان
غيث: اي اي كان اي
يوسف: ربنا حليم ساتر
ماهر: كان يا يوسف
يوسف: غيث قالي مقوليش لحد
عز: خلاص يا ماهر البنات
كاظم: الحمدلله إنكم لسه فاكرين اني في بنات قاعدين معكم
ماهر: ما انا بتكلم عشان البنات عشان دول مش شافوا تربية سوري يعني
سهام: لا يا حبيبي و لا يهمك
صابر: انتوا جاين تتخانقوا يلا نلعب
حاتم: اه يلا
يوسف: غيث يلا هنلعب الكلب الحيران و انا هتقف في النص
غيث: تمام ماشي ….نعم قصدك اي
يوسف بضحك: مش قصدي حاجة
غيث: و الله
بيري: بيهزر معاك يا حبيبي اخوك و بيهزر معاك
غيث: ابعدي انتي بس خد يا زفت هات خد و يجري و وراه و يجي غيث و هو ماسك يوسف
يوسف: مكنيش قصدي و الله
غيث: هتهزر ولا لا
يوسف: عيب عليك ماسكين قدام المدام كده
غيث: مدام مين
يوسف: البت اللي هناك دي
ماهر: هاته يا غيث هاته انا هتصرفه معاه
غيث: أتفضل يا حبيب اخوك
يوسف: يا جدو الحقيني
سليم بضحك: خلاص يا ولاد سيبه
ماهر: عشان خاطرك يا جدو بس
رحاب: ما تقعد ساكت بقي عشان عندي مفاجأة
حسناء: خير يا بنتي
رحاب: انا عرفت نوع البيبي
سهام بفرحة: بجد اي
رحاب: حبيت اقولكم بطريقة حلوة
هيام: قولي يا حبيبتي
جاد: يلا الواحد متحمس
رحاب: بصوا علي الشاشة دي كده و يظهر فيديو
عائلتنا الجميلة
عرفتوا بخبر حامل ماما
دعيتوا لينا بالسلامة
جاء الوقت تعرفوا احنا مين
جاهزين
1
2
3
4
5
ماما هتجيب افضل اخ و اخت ل نورسين و سند و لين
سند بفرحة: ولد ولد ولد هيكون عندي اخ هيكون عندي اخ
سليم: مبارك يا ولاد ربنا يكملك علي خير
رحاب: يارب يا جدو
جاد: هيجي واد تاني نعمل فريق
موده: احنا اكتر يا حبيبي
حسناء: اللهم بارك انتوا الاتنين ربنا يحفظكم كلكم
يارب
ماهر: مناسبة الفريق تجوا نلعب كره
يوسف: يلا قاسموا فريقين و غيث الحكام
موده: ما يلا يا جدو انزل العب معهم
سليم: بس يا موده
يوسف: و ربنا هتنزل يلا و يشده
سليم: ولد احترم نفسك
يوسف: يلا بقي يا جدو
جاد: يلا يا جدو خليني نضحك
نبيل: حيوان عيب
كاظم: يلا يا بابا معلش احنا خارجين كلنا عشان نكون مبسوطين
سليم: تمام بلا الفريق اللي قصد يوسف
يوسف: هكسب يا جدو يلا يا عيال
سليم: حاتم لو جبت جون هجوزك زهراء في اقرب وقت
حاتم: احلف طيب يلا بينا يلا و بدوا يلعبوا و حاتم جاب جون
حاتم: الله اكبر الله اكبر
يوسف: لسه في اول الماتش
حاتم بتحدي: نكمل ورجعوا يلعبوا تاني و جاد وقع سند غصب عنه
غيث: كارت احمر اطلع برة
رحاب: سند
ماهر: كويس يا حبيبتي اهدي
جاد: مكنيش قصدي و الله
ماهر: خلاص يا حبيبي هو كويس صح يا سند
سند: الحمدلله
ماهر: تعالي خدي ابنك خليه جنبك
سند: عايز العب
ماهر: اطلع دلوقتي و هتلعب الشوط اللي جاي تمام
سند بزعل: حاضر و يروح عند رحاب اللي حضنته علي طول
رحاب: متزعلش بابا خايف عليك
سند حضنها و كان بيعيط
رحاب: خلاص يا سند بقي
سند: انا عايز العب معهم
رحاب: شوية و تنزل ماشي
سند: ماشي
سليم: عايز جون تاني يا حاتم اي فين الصحة
حاتم: كله عشان خاطر عيونك يا زهرتي
جاد: طيب خليك مع زهرتك و جاب جون
يوسف: إيوه بقي واحد واحد و يرجعوا لعبوا تاني و يوسف: جاب جون تاني و وائل كمان
غيث: بس الماتش خلص
يوسف: اه احنا اللي كسبنا اه
سليم بص لحاتم
حاتم: هم اللي كسبوا
سليم: و الله ماشي مفيش جواز
حاتم: لا بالله
يوسف: خلاص يا جدو الواد هيموت و يتجوز
حاتم: شكرا يا اخوي شكرا علي فكرة انا كاتب الكتاب يعني ممكن اخدها في اي وقت
نبيل: تعمل اي
حاتم: مش هعمل حاجة اي ياربي الظلم ده و ربنا يوم ما اتجوزها ما هتشوفها غير بعد شهر
غيث: خد يا حاتم الكرة هنلعب الكلب الحيران و انت اللي في النص
حاتم: شكرا يا كلب
يوسف هناعب من غير ما نحتفل اننا كسبنا الماتش واد يا وائل
وائل جاهز يا باشا و يرموا الشماريخ لبعض
سليم ولد انت و هو
مروان كسبنا كسبناو اقعدوا يرقصوا بفرحة و سعادة و شدوا الكل السباب معهم و البنات واقفين بيصوروا و يصقفوا فرحانين ولا يعلموا ما ينتظرهم بعد ساعات
في منتصف الليل
سليم: اه مش كفاية يا ولاد
صابر: اه يلا كفاية
اشرف: يلا الصلاة بعد ساعة نروح نصلي الفجر في الجامع
عز: تمام يلا بينا و ينطلقوا كلهم
**
فرح: عرفت هتعمل اي
تامر: اه هم و خارجين من الجامع أضرب موده بالنار
فرح: بظبط انا من الصبح متابعة الموضوع مع اشرف بسأل روحوا فين و جاين امت كاني بطمن عليهم عشان خاطر كده يلا تخلص و تهرب
رباب: انتوا متخليين انتوا بتعملوا هتموتول روحين ليه اوع يا تامر تعمل كده دول ساعدوني بالله لا
فرح: خليها تسكت يدل ما اموتها يلا نفذ و انا وراك بالعربية
تامر بضيق: تمام يلا
رباب: لا يا تامر لا لا
***
كلهم وقت الفجر في المسجد بيصلوا و بعد كده خلصوا صلاة و خرجوا كلهم
سليم: تقبل الله عقبال ما نصلي في مكة
يوسف: يارب لولولولوي
نبيل: بس صوتك الناس نايمين
جاد: ناس مين بسم الله الرحمن الرحيم و هنبدا الليلة
يوسف: عريسنا الزين
حاتم: انا العريس يا جماعة خلاص الفرح بعد اسبوعين
سليم- فرح مين فرح مين
حاتم: انا و زهرتي
سليم: انا حددت
حاتم: لا بس انا قولت
سليم :و كلمة مين اللي هتمشي
حاتم: امي
سليم: طيب خليك جنب امك
مروان: عريسنا الزين
موسي: عريس اي ده اتهزق خلاص
حاتم: حضرتك عجبك كده يعني
سليم’ لا اول ما تخلص اتجوز
حاتم: ما ده اللي هيحصل
سليم: شوفت بتخلني ارجع في كلامي
هيام: معلش يا حاج بقي نفسه يفرح
سليم: ربنا يسعدكم جميعا و الله اليوم كان جميل بيكم أوي
اشرف: جدا حقيقي انا اول مرة اخرج كده شكرا إنكم خلتوني اجي معكم
سليم: انت زيك زيهم يا بني تجي براحتك
****
تامر: جاهز عشان تضرب
:اه اول ما يخرجوا هضرب موده
تامر: بظبط
****
صابر: يلا نمشي بقي عشان مش قادر عايز انام
رحاب: اه يلا الولاد ناموا و كانوا ماشين رباب جات جرئ عليهم
حاتم بصدمة: رباب
رباب: امشي من هنا بسرعة يا موده امشي
موده: في اي
رباب: امشي بس
حاتم: فاهمني في اي
رباب: هيموتكي بالله امشي
**
تامر: اصبر اصبر مراتي هانك
:دي جات ازاي
تامر: معرفيش
فرح :واقفين كده ليه
تامر: رباب هناك مستحيل أضرب
فرح: انت بتهزر جات لسه اخلص
تامر: قولتلك لا
فرح: هات المسدس
تامر: اخد منها المسدس لا مش بهزر مراتي لا لا فاهمة
فرح قعدت تحاول تأخد منه المسدس
اشرف: خلاص يا موده ادخلي المسجد و يلا يا بنات و كان راح عند تيا لحد ما يسمعوا صوت ضرب نار راح ناحيتهم
فرح و تامر بصوا بصدمة الطلقة خرجت غصب عنهم و هم بيحاولول باخدوا المسدس من بعض …..
تبع
مين اللي اتضرب بالنار
وحشتوني أوي بجد بعتذر علي المدة دي كلها كان غصب عني بكرة بإذن الله في بارت .
- يتبع الفصل التالي اضغط على ( رواية معلمة من الصعيد ) اسم الرواية