رواية حكاية قمر كاملة بقلم هاجر محمود عبر مدونة دليل الروايات
رواية حكاية قمر الفصل الخامس 5
ومرت الايام ومعاذ اعلن خطوبته رسمي على نور وبدأوا يجهزوا لفرحهم، اما قمر فلقت شغل كويس وبدأت تشتغل جنب دراستها، واستقرت نفسيا واحوال اهلها اتحسنت واخوها اخد الدكتوراه واترقى في شغله وبقا دكتور في الجامعة، وشركة والدها اتحسنت احوالها المادية وبقت اقوى من الاول بكتير، وفي يوم من ايام شهر رمضان المبارك كانت قمر في مقر عملها بتتكلم مع مديرها ووسط الكلام بص مديرها لساعة ايده وقال: طيب نكمل شوية كده، وخدي راحة دلوقتي لانك تعبتي اوي
قمر: ماشي
واستأذنت ومشيت على مكتبها وقعدت تتصفح مواقع التواصل الاجتماعي، وفجأه لقت رسالة مبعوته ليها من حد عالسوشيال عاوز يتعرف عليها، فبعتتله وساله بالموافقة، وقفلت فونها اما سمعت المدير بينادي عليها تاني فقامت من عالكرسي وهي بتبرطم: ربنا يتوب عليا من الشغلانه دي
وراحت للمدير واحده منه المهام اللي طلبها عشان تنفذها ورجعت تشتغل فيها لحد ما خلصت وجه معاد الانصراف وروحت بسرعة للبيت عشان تلحق تفطر معاهم
********************
وصلت قمر البيت ودخلت تحضر الفطار مع والدتها وبعد ساعة بدأوا يرصوا الاكل عالسفرة سوا وهما بيتكلموا عن يوم قمر كان عامل ازاي في الشغل
قمر بعصبية: ده رخم اوي كل شويه تاكسات وحاجه زفت
فردت نبيلة وهي بتضحك عليها: قولتلك اتدربي مع والدك ف الشركة وانتي اللي منشفة دماغك
قمر: يا ماما مش عايزه وليا اسبابي
فرد طارق من وراها وهو بيناولها اخر طبق اكل: سيبيها براحتها يا نبيلة
وقعد كل واحد فيهم على كرسيه والمغرب بدأ ياذن فشاف طارق ابنه وهو خارج من اوضته بيتاوب وقعد السفرة فقاله: طيب قول مساء الخير
اياد وهو بيبتسم: مساء الخير يا حج رمضان كريم
وبص لقمر وقالها وهو بيمد ايده بكوبايه فاضيه: شويه عصير عشان نفطر بقا
قمر وهي بتضحك: العصاير جنبك كلهم انت اللي عليك الدور
اياد: ماشي وانتي اللي عليكي الشاي
قمر: ماشي
وبدأوا يفطروا ويتكلموا ويضحكوا سوا وبعد ما خلصوا قعدت قمر مع والدتها يتفرجوا عالتليفزيون وطارق نزل يصلي واياد نزل يخرج مع اصحابه، وبعد شوية قالت نبيلة وهي بتتاوب: انا هقوم انام شويه عشان تعبانه اوي
قمر: ماشي ماما
نبيلة: وانتي هتعملي ايه؟
قمر: هكمل المسلسل واقوم استنا بابا واياد متقلقيش
نبيلة: ماشي
فدخلت نبيلة اوضتها وقمر فتحت تليفونها تقلب فيه فلقت رساله تانية من نفس الشخص بيقول فيها: انا فارس، عندي 26 سنه
روحتي فين؟
Typing…
قمر:…….
فارس: انا فارس، عندي 26 سنه
روحتي فين؟
Typing…
قمر: كنت في الشغل وانشغلت بالفطار
اهلا بيك، وانا قمر 24 سنه
Typing…
فارس: اسمك حلو اوي على فكره
قمر: شكرا
وبدأت تتكلم مع فارس وبعد ساعة سمعت والدها وهو بيفتح الباب ودخل اوضة الجلوس وقعد جنبها وسألها عن والدتها
قمر وهي بتقوم من مكانها: دخلت تنام شوية
طارق: طيب، راحه فين؟
قمر: هدخل اوضتي حضرتك عاوزه حاجه؟
طارق: اه اقعدي اتكلم معاكي شويه
فبعتت قمر رسالة لفارس انها هتقفل وهترجع تكلمه تاني وبعد ما قعدت مع والدها واتكلموا دخلت اوضتها ورجعت تكلم فارس تاني
قمر: ايه ده انا افتكرتك بتخدم في شمال سيناء
فارس: لا لا في جنوب سيناء
قمر: مممممم ماشي
فارس: شكرا عشان اتكلمت معاكي
قمر: العفو على ايه
فارس: لا بجد انتي وجودك حلو
قمر: الله يكرمك، وانا مبسوطه اني اتعرفت عليك
فبص فارس للساعة لقاها ٢الصبح فقال: اخرتك عن السحور
قمر: لا انا بحضره اهو
فارس: طيب انا كمان هروح اتسحر ونتكلم بكره
قمر: ماشي
فارس: تصبحي على خير
قمر: وانت من اهله
********************
والايام بتمر وفارس وقمر بيتكلموا مع بعض بيتعرفوا على بعض وليلة العيد كانوا بيتكلموا سوا ساعة ما فارس سألها: يعني بقالك كتير اوي كده بتراقبيني؟
قمر: اااا لا مش كده انا بحب اتفرج على بروفايلات الناس اللي عندي، فضول يعني مش اكتر
فارس: يا شيخه كنتي قولتي من زمان كان فاتنا متجوزين
قمر بخجل: ما علينا اعتبره فضول بقا
فارس: ماشي، بس انا عاوز اقولك على حاجة مهمه اوي
Typing…
قمر: قول
Typing…
فارس: بحبك
قمر:………….
Typing…
فارس: قمر!! انتي معايا؟!
Typing…
قمر: ها؟! قولت ايه؟
فارس: بحبك
قمر:…………
Typing…
فارس: ساكته ليه؟
قمر: بصراحة مستغربة
فارس: من ايه؟
قمر: يعني احنا نعرف بعض من كام يوم بس
فارس: وفيها ايه؟
قمر: حاسة انك اتسرعت شوية
فارس: لا انا مبقولش حاجه الا لما ابقا متأكد منها
قمر: تمام
فارس: ايه رأيك طيب؟
قمر: مش عارفه ارد عليك حاسه اني اتبرجلت
فارس: عارف ومش هضغط عليكي عشان اسمعها منك، انا كل اللي عاوزه فرصة وصدقيني انا مش هخذلك (بوادر خازوق😂😂)
قمر: ربنا يقدم اللي فيه الخير
فارس: كل سنه وانتي طيبه
قمر: وانت طيب
**********************
ويوم ورا يوم وفارس بيشغل عقل قمر وبيدخل قلبها واحده واحده لحد ما في يوم بعتتله رساله بتعترف فيها بحبها له، ساعتها كان بيشتغل ولما حس بالفون بتاعه بيتهز فتحه وشاف المسدچ وقراها بفرحة وبعت لقمر انه فرحان واتصل عليها، وفي المكالمة
فارس: طيب عاوز اسمعها، ممكن؟
تنهدت قمر بحب وقالت: بحبك
فارس بفرحه: تاني، تاني
قمر: بحبك يا فارس
فارس: ااااااه اخيرا، وانا بموت فيكي
ثم اضاف قائلا: انا عاوز اشوفك
قمر: وانا كمان
فارس: وعد اول اجازه هنتقابل، بس انا عاوز اشوفك انتي النهارده
قمر: خلاص لما اروح نتكلم
فارس: ماشي
******************
خلصت قمر شغلها وروحت البيت كالعاده وبليل اتصل فارس بيها وبدأوا يتكلموا فيديو لأول مرة، ومن بعدها بقت مكالمتهم فيديو وفي مرة كانوا بيتكلموا سوا ساعة ما فارس زعق فيها بعصبيه: قمر دي حاجه عاديه متعيطيش
قمر بعياط: انا عمري ما عملت حاجه زي دي
فارس بغضب: المفروض دي سهله ليا ولا هي لكله سهله وانا صعبه
قمر: قصدك ايه؟
فارس بزعيق: ولا حاجه، مش عاوز خلاص
قمر: يا فارس غلط…
قفل السكة في وشها فبعتتله قمر رسالة تصالحه بيها بس هو رد عليها: لا انتي عارفه هتصالح ازاي
قمر: صعب عليا اوي حرام
فارس: خلاص اللي تشوفيه، سلام
قمر وهي خايفه من فراقه: خلاص هنفذ اللي انت عاوزه
فارس: افتحي الكاميرا
قمر: حاضر
ونفذت اللي طلبه فرد فارس وقال: متخافيش انا مش هسيبك
قمر بكسوف ودموع: وعد؟
فارس: والله ما هسيبك وعد عليا ودين انتي هتبقي مراتي
قمر: يارب
فارس: يلا سلام
وقفلت معاه وفضلت تعيط بندم
**********************
ومرت الايام واجازه فارس قربت وفي كانوا بيتكلموا مع بعض فون: انا هنزل اجازه خلاص
قمر بفرحة: انا مبسوطه اوي
فارس بشهوة: طيب يلا بقا، موحشتكيش؟؟
قمر برجاء: فارس من فضلك بلاش
فارس بتهديد: خلاص مش هشوفك
قمر ببكاء: انت بتعمل فيا كده ليه؟
فارس بعصبية: ام السؤال ده يا شيخه انتي مبتزهقيش
قمر: ماهو من تصرفاتك معايا
فارس: قولتلك قبل كده انك هتبقي مراتي والله هتبقي مراتي ودي حاجه عادية
قمر: انا خايفة
سكت فارس شوية وقال: خلاص بلاش مش هضغط عليكي المرة دي، بس اعملي حسابك هنتقابل تاني يوم اجازه
قمر: ماشي
وبعد كام يوم وكان المفروض فارس ينزل اجازة وقمر كانت بتجهز نفسها عشان تقابله بس اتفاجأت باتصال منه بيبلغها فيه انه مش نازل المرة دي فسألته: ليه؟
فارس: عندي شغل كتير اوي
قمر بتساؤل: طيب هتنزل امتى؟
فارس بتوتر: مش عارف بس اكيد هقولك
قمر بخيبة امل: ماشي خلاص
فارس بعصبية: ما تتكلمي عدل مالك
قمر: انا كويسه
قمر بخوف: تاني يا فارس؟
فارس بعصبية: وتالت ورابع مش هتبقي مراتي ولا ايه؟
قمر بأمل: طيب ما تشد حيلك ونبقا قدام ربنا والناس احسن
فارس: ربنا يسهل، ها متفصلنيش بقا
قمر: مش هقدر عشان متزعلش مني
فارس: لا هتقدري وهعلمك ازاي
وبعد مرور نص ساعة قالت قمر بحزن: قولتلك مش هقدر
قفل فارس السكة في وشها فحاولت قمر تتصل به فقام قافل الفون كله فقعدت تعيط على حالها لحد ما وقعت في النوم، وبعد كام ساعة قامت قمر مفزوعة بسبب كابوس وحش اوي، فراحت اتوضت وفضلك تصلي وتطلب من ربنا السماح والمغفرة، وبعد ما خلصت لمحت شنطة بلاستيك جنب سريرها فقالت: ايه ده؟
ومدت ايدها وشدت الشنطة واول ما فتحتها وقعت مغمى عليها…
رأيكم في فارس؟
- يتبع الفصل التالي اضغط على ( رواية حكاية قمر ) اسم الرواية