رواية حب غير مقصود كاملة بقلم منة عبر مدونة دليل الروايات
رواية حب غير مقصود الفصل الخامس 5
بعد ما الكل قعد يهني و يزغرد و فرحاان وانا مصدومه من اللي قولتله لقيت شريف قرب عليا..
شريف : يعني ممرمطاني وراكي ف كل حته و مخلياني جاي وحاطط ايدي ع قلبي من الخوف و ف الاخر تقولي طبعا موافقه.. اااه منك دايما معذبه قلبي معاكي..
ارتبكت و مش عارفه اقول اي بس حاولت ابرر موقفي : ع فكره بقا انا مكنتش اقصد اقول كده و م. مش عارفه انا قولت كده ازاي..
لقيته طلع الدبله بتاعتي من غير ما حد ياخد بالي لبسهالي وانا مش عارفه اتكلم..
شريف : لو قلعتي الدبله دي من ايدك تاني صدقيني هيكون ف عقاب.. وغمز ماشي.
حسيت ان قلبي هيوقف بعدت وروحت وقفت جنب عايده وايمن..
ايمن حاوطني بكتفه : مبروك ي قلب اخوكي..
ابتسمت.. الله يبارك فيك ي ايمون.
عايده حضنيني : مبروك ي عروسه ي قمر..
-الله يبارك فيكي ي دودو.. وبرفع راسي لقيت شريف مركز عليا.. اتكلمت بتوتر : احم.. ايمن.
ايمن : نعم ي نسمه..
-بقولك انا هدخل اوضتي لان حاسه اني تعبانه شويه..
لقيته مسك وشي بين ايديه : مالك ي نسمه فيكي اي نروح للدكتور.
ابتسمت ع قلقه ده : لا ي حبيبي متقلقش انا هدخل اقعد شويه ف الاوضه و هبقا احسن.. هما ريم و رحيم فين؟
عايده : ريم ورحيم بيلعبوا ف بره استني هنادي عليهم..
-ماشي ابعتهملي ع الاوضه.. و دخلت الاوضه وانا تايهه بس جوايا احساس اني مبسوطه ليه مش عارفه..
وبعدها سمعت صوت خبط ع الباب…
-تعالوا ي قلب عمتو..
رحيم دخل قبل ريم..
رحيم : عمتووووو.. وجرى عليا واخدته ف حضني.. قلب عمتو ي روحي و بوسته من خده..
ريم اجت ع حضني ع طول..
وقعدنا نتكلم كتيرر اوي ونسيت كل حاجه وانا قعدة معاهم..
بره الاوضه عند باقي العيله..
ياسر : مبروك ي شريف.. ربنا يسعدكم..
شريف حضنه : الله يبارك فيك ي اخويا..
ادهم : هي نسمه راحت فين..
ايمن : مفيش ي بابا نيمه قالت انها تعبانه و قالت عايزه ترتاح شويه..
شريف اتكلم بقلق باين ع ملامحه : مالها نسمه تعبانه ليه حصل معاها ليه نروح عند الدكتور..
حازم مسك ايد شريف ضغط عليها و بهمس: اهدى شويه..
شريف رجع لورا..
ايمن : لا متقلقوش هي كويسه.. بس قالت عايزه ترتاح شويه..
حازم : الحمدلله انها بخير وقعدوا مع بعض وقت طويل و بعدها مشيوا..
___
عايده دخلت تشوف نسمه لقيتها نايمه ف النص بين ريم و رحيم و كلهم نايمين خالص..
عايده خرجت وقفلت النور والباب.. وراحت لايمن علشان يرجعوا بيتهم..
عايده : ايمن..
ايمن : اي ي حبيبتي..
عايده : دخلت اشوف نسمه لقيت ريم و رحيم نايمين هنسيبهم هنا مع نسمه و ماما هدى ولا اصحيهم..
ايمن : لا سبيهم نايمين بكرا الجمعه واجازه و هنيجي ع هنا اصلا..
عايده : ماشي ي حبيبي اللي يريحك يلا علشان نرجع البيت..
ايمن مسك ايد عايده يلا ي قلبي..
وراحوا عند هدى و ادهم..
ايمن : ماما.. بابا..
ادهم : تعالوا ي ولاد.
عايده : ماما احنا هنرجع البيت دلوقتي بس ريم و رحيم نايمين مع نسمه فبقول اسيبهم و كده كده احنا هنيجي بكرا..
ادهم : ماشي سبيهم نايمين وروحوا ارتاحوا انتم..
ايمن : ماشي سلام ي ماما سلام ي حج…
ايمن و عايده رجعوا البيت..
_______بقلم Princess Menna
عند شريف..
شريف رجع البيت فرحان بس قلبه قلقان هي نسمه تعبانه مالها..
و دخل الاوضه بتاعته غير هدومه و قعد ع السرير و مسك الفون و متردد يبعتلها رساله يطمن عليها ولا لا.. بعد تفكير فتح الفون وبعتلها..
نسمه..
انت عامله اي.. وليه دخلتي اوضتك ايمن قال انك تعبانه.. طمنيني عليكي.
بعت الرساله هي مردتش.. فضل مستني رظ ع الرساله لحد ما غلبه النوم..
___
ف الشقه اللي كنت مخطوفه فيها..
-المجول اتكلم بعصبيه وشر : اازااااي اسبوع وهتروحي من ايدي ي الماستي.. ازااااي هتبقي ملكيه خاصه لحد غيري اززاااي ولمييين لشررررريف لااااا… ازااي تبقي قدام عيني كده بس لحد تاااني انا مستحييل اسمح بكداا لاااا انت ليااا لو وصل بيا اني اقت. له هعملهاااا هقت. له بس تبقيييي لياااا انت ليااا ي نسمه لياا انا لوحدي..
وقام وقف واتكلم بندم : انا اللي كنت بساعده علشان يقرب منك و تحبيه انا غبي و مش بفهم مش بفكر.. بس ساعتها مكنتش لسه حبيتك.. بس فاجاه دخلتي عالمي و كياني.. انت روحي ي نسمه و هاخدك باغصب..
ووقف عند الشباك و بيفتكر..
فلاش بااك..
من قبل حوالي 4 سنين..
شريف راجع من الشغل و مدايق..
ياسر اخوه : ف اي ي شريف مالك..
شريف قعد باحباط ع الكنبه و رجع راسه لورا و مغمض عينيه..
ياسر قعد جنبه : شريف.. فيك اي قلقتني عليك.
شريف و هو ع نفس و ضعه : اااه قلبي ي ياسر.. قلبي وجعني اوي ي ياسر بس اكتر انسانه حبيتها..
ياسر : انت قصدك انك بتحب؟!
شريف : من زماااان اوي بحبها من و هي صغيره.. بس هي مش سيبالي مجال اكلمها.. انا تعبان انا مش بحبها لا.. دي الهوا اللي بتنفسه..
ياسر : هي مين دي انا اعرفها..
شريف هز راسه: ايوه.. نسمه بنت عمك ادهم..
ياسر بذهول : بجد؟!!
شريف : بس للاسف هي مش بتفكر فيا حتى..
ياسر شاف حالة اخوه و قد اي هو باين عليه الحزن واتكلم : شريف انا ممكن اساعدك واحاول اقرب بينك و بين نسمه..
شريف بص لياسر بامل : بجد!! طب ازاي..
ياسر : ازاي دي بتاعتي انا سيبها عليا و ان شاء الله خير..
وبدا ياسر يحاول يكلم نسمه كتير عن شريف بس بطريقه غير مباشرة علشان ما تدايقش وواحده واحده ياسر قرب من نسمه بغرض انه يقربها من شريف..
ولما خلصت نسمه الثانوي شريف راح كلم امه وابوه و حكالهم كله حاجه و هما ما اعترضوش خالصو قالوا انهم هيكلموا ادهم و العيله و يدخلوا البيت من بابه.. شريف طلب من ياسر انه معتش يكلم نسمه ف حاجه..
شريف : ياسر.. خلاص الكل الوقتي بقا عارف اني عايز اتجوزها ف ملهاش لازمه انك تكلمها كل شويه عني سيب كل حاجه تاخدها و قتها..
ياسر بضيق : تمام ماشي و سابه و راح ع اوضته..
باااك..
ياسر بعصبيه : ايووه انا حبيتها و يمكن اكتر منك كمان انا اللي هاخدها دي ملكي انا.. انت لما قولتلي ابعد عنها النار مسكت ف قلبي ي شريف و كنت عايز اقت. لك و صدقني مش هتردد ثانيه اني اعملها.. نسمه دي بتاعتي انااا.. كنت عايز اتجوزها بس معتش ينفع انت سبقتني وكلمت الكل عنها.. انا بقاا هاخدها من غير جواز.. هههه مش مهم جواز المهم انها تبقا ملكي.
______ تاني يوم..
صحيت الفجر لقيت ريم و رحيم نايمين ف حضني ابتسمت و قومت علشان اصلي الفجر..
خلصت صلاة و قعدة اسبح و اقول الاذكار و بعد ما خلصت مسكت الفون لقيت رسايل من شريف.. قراتها ولا اراديا ابتسمت و رديت عليه.. انا دايما بفتح الرسايل و مش برد بس رديت عليه : مفيش كنت حاسه بصداع لكن الحمدلله انا كويسه.. وقفلت الفون و حسيت اني جعانه و روحت المطبخ اجهز حاجه اكلها..
_____عند شريف..
بعد ما خلص صلاه كان قاعد بيقرا ورد القرآن وسمع صوت الرسايل و طنشها وبعد اما خلص صدق و قفل المصحف و حطه ف مكانه.. و فتح الفون واتفاجأ انها رساله من حبيبته نسمه و رد عليها.. صباح الخير.. الحمدلله انك كويسه كان قلبي قلقان عليكي.. وقام خرج من الاوضه علشان يشوف اخوه ياسر رجع ع البيت ولا لسه ف شقته اللي بينام فيها وبيرجع يقضي باقي اليوم مع امه واخواته والشغل ويرجع شقته تاني واوقات بيفضل ف شقته يومين تلاته من غير ما يرجع ..
شريف خرج من الاوضه وراح ع اوضة ياسر و كان ياسر نايم شريف خرج تاني وقفل الباب وراه ورجع اوضته تاني..
______
بعد ما اكلت و قعدة انظم ف البيت قبل ما ايمن و عايده يجيوا.. وكان الكل لسه نايم دخلت اجهز الفطار للكل و كانت الساعه 7 ونص تقريبا.. وانا ف المطبخ سمعت الباب بيخبط قلبي اتنفض و خوفت اوي ومش عارفه اعمل اي ولا اتصرف ازاي.. ومين اللي هيجي بدري كده.. خرجت من المطبخ بتوتر و دخلت اوضتي لبست الاسدال وحاولت اطمن نفسي هو يعني الحرامي هيخبط ع الباب و يقولك انا اهو.. روحت ناحية الباب و فتحت : عمرو؟!
عمرو : قلب عمرو وعيونه و روحه ي نسمه..
نطيت ف حضنه بدموع من الفرحة ومكنتش مصدقه نفسي.. حبيبي وحشتني اوي..
عمرو : خلاص ي بت متبقيش نكديه خليكي فرفوشه كده انا طالع عيني ف الجيش و مكنش ف مزز متكمليش عليا بقا..
اتكلمت بصدمه مزز؟!! انت بتقول مزز ي عمرو..
مسكني من ايدي و دخلنا جوه و قعدنا ع الكنبه : وما قولش مزز ليه معنديش لسان.. هههه ده انا لساني اطول مني مش تربيتك ههه..
مسكته من ودنه بهزار لا ده احنا اخلاقنا باظت خالص..
عمرو بتمثيل : ودني و دني.. سيبي دناااي ي مفتريه..
سيبت ودنه : خلاص صعب عليا بس معتش تقول كده تاني..
قام بهزار ورفع ايده كانه بيدعي عليا : ياارب اقول اي بس دي منشفاها عليا بس مش هقدر اقول حاجه ماهي اختي الكبيره اختي هههه
طب ادخل غير وارتاح شويه لحد ما الكل يصحى ونفطر مع بعض..
عمرو باس ع راسي وشال الشنطه بتاعته ولسه داخل الاوضه وقف ع صوت امه : عمرو!!
عمرو لف ليها : هدهدتي.. واخدها ف حضنه..
هدى : وحشتني اوي ي نن عيوني..
عمرو : وانتم كلكوا وحشني اوي بس الحمدلله خلصت جيش و هقعد ع قلبكم متقلقوش..
ضحكت هدى : ع قلبي زي العسل.. بس انت ليه مكلمتنيش قولتلي انك جاي.. مش انت المفروض تنزل بعد يومين..
عمرو : لا المفروض انزل انهارده بس انا اللي قولتلك كده علشان اعملها مفاجاه..
هدى : واحلى مفاجاه ي عمرو.. ادخل غير هدومك وانا هصحي ابوك علشان نفطر..
قولتلهم وانا فرحانه ان اخويا بعد غياب قدامي : انا جهزت الفطار هحطه ف الاطباق ع السفره وهصحي ريم و رحيم تكونوا خلصتوا..
عمرو : ماشي ي حبيبتي..
بعد شويه ادهم صحى و اخد شاور و صلى الصحى و هدى مقالتلوش ان عمرو رجع سبتهاله مفاجاه..
كان عمرو قاعد ع السفره و ضهره ناحية اوضة ابوه..
وكانت نسمه قعده قدامه.. وريم ورحيم قعدين مبسوطين بعمهم اللي قاعد يهزر و يضحك معاهم..
ادهم خرج من الاوضه ومعاه هدى وشاف شاب من ضهره و سال هدى مين ده اكيد مش ايمن طب ازاي نسمه قعده مع شاب بشعرها والبيجامه كدن و مشى خطوتين بعصبيه و قبل ما يوصل قلبه دق اوي واتكلم بهمس : عمرو؟!
عمرو وقف وبصله : اهلا حجوج.. بقالي ساعه مستنيك تيجي.. هدهدتي قالت انها هتصحيك وتيجوا لقيتها اتاخرت قولت تلاقيكوا رجعتوا ف كلامكم و نمتوا تاني و غمز..
ادهم قرب منه و حضنه : مش هتتلم يالا بقا..
عمرو طلع من حضنه ومثل البراءه : هو انا عملت حاجه..
ادهم طبطب ع كتفه : حمدلله ع السلامه ي لمض..
عمرو : الله يسلمك ي حج..
وبعدها قعدوا علشان ياكلوا.. وكان فطار مميز و كله ضحك و هزار..
وبعدها قومت شيلت الاكل من ع السفره و عملت شاي و جرس الباب رن..
كنت راحه افتح الباب.
عمرو : خليكي انا هفتح اكيد ايمن.
عمرو فتح الباب وكان ايمن فعلا واتفاجا واخده ف حضنه و سلموا ع بعض..
عايده : حمدلله ع السلام ي عمرو..
وبعدها ايمن قال لعمر اني وافقت ع شريف والخطوبه الخميس وكتب الكتاب الخميس اللي بعده..
باركلي وكان فرحان جداا بس اتكلم بزعل : وكنتم ناوين بقا تجوزوها من غير ما اعرف ولا حتى اكون موجود..
ايمن : انت اهبل.. ازاي ده لا طبعا مستخيل واحنا كلنا كنا عارفين انك هتنزل ع الاحد يعني كنت هتحضر..
حسيت ان عمرو زعل قربت منه ونسكت ايده : اي اللي انت بتقوله ده ي عمرو انا فرحتي متكلمش غير بوجودكم كلكم جنبي انا مليش غيركم ي عمرو..
عمرو اخدني ف حضني : ربنا يتمم ع خير يارب..
بعتله رساله : انا عايزه كتب كتاب بس مش عايزه فرح..
شريف….
- يتبع الفصل التالي اضغط على ( رواية حب غير مقصود ) اسم الرواية