روية احتاج اليك كاملة بقلم محمد مالك عبر مدونة دليل الروايات
روية احتاج اليك الفصل السادس 6
والد العروسة مندهش .. ايه في ايه يا بنتي ؟!
العروسة .. اقرا كده الرسالة دي
والد العروسة يمسك المحمول ليقرأ الرسالة علي الواتساب
والد العروسة .. فين الرسالة دي ؟؟!
العروسة .. كان فيه رسالة هنا من شوية يبقي حذفتها الهانم .. بتقول ان جمال عيان وبتنصحني ما اتجوزوش
والد العروسة .. جمال عيان عنده ايه ؟!! انت عيان فعلا يابني ؟!
جمال مرتبك .. لا ياعمي انا زي الفل وكمان احنا عاملين تحاليل قبل الجواز ولا نسيت يا عمي ؟!
والد العروسة .. اه فعلا .. ما هو يابنتي انتوا عملتوا تحاليل قبل الجواز وطلعت تمام اكيد دي واحدة غيرانه منك طنشي ربنا يهينكم ببعض
جمال .. اه فعلا يا عمي هو بالظبط دي واحدة متكادة وعاوزة تعمل مشكلة عشان نفركش الفرح
العروسة تنظر ل جمال وتفكر قليلا .. تمام .. ماشي
وتعود الموسيقي لتعزف من جديد ويعود جمال وعروسته للجلوس بالكوشة
العروسة تلاحظ ان جمال مرتبك ويعرق كثيرا
العروسة .. مالك ؟!
جمال .. عاوز ادخل الحمام
العروسة .. طيب ما تروح الحمام بدال ما انت مش علي بعضك كده!!
جمال .. ماشي انا ثواني وراجع
ويذهب جمال الي مكان بعيد ويتصل ب مني
جمال بغضب ونبرة حادة .. الو ايه اللي انتي بتعمليه ده ؟!
مني .. ايه بباركلك يا عريس بس بطريقتي الخاصة
جمال .. لمي نفسك يا مني لأحسن وديني ازعلك
مني .. ما انت زعلتني خلاص وانا بصالح نفسي بس بطريقتي
جمال .. انتي عايزة مني ايه ؟!
مني .. تاخد بعضك وتمشي وتسيب الفرح ده حالا
جمال .. انتي اتجننتي ؟! امشي ازاي وانا العريس عاوزاهم يقولوا عليا ايه ؟!!
مني .. يقولوا اللي يقولوه مش مهم عندي .. المهم ان الجوازة دي لا يمكن تتم
جمال .. لا هتم يا مني
مني .. مش هيتم يا جمال انت بتاعي انا لوحدي وبس ومش هاسمح لحد يشاركني فيك ابدا
جمال .. انتي بتهلفطي بتقولي ايه ؟! بتاعك ايه وزفت ايه ؟! انتي ناسية انك مرات ابويا يا مدام يعني اصلا انا منفعش اتجوزك حتي لو ابويا طلقك .. يعني اني ارتبط بيكي في يوم من الايام ده مستحيل
مني .. بس احنا ارتبطنا خلاص وبينا طفل دلوقتي !! ولا نسيت جمال ابنك الصغير ؟! بقولك ايه صحيح الولد وحشته جامد وعاوز يشوفك هو انا ممكن اجيلك دلوقتي تشوف الواد وبالمرة تاخدة في حضنك وتحسسه انك ابوه !!
جمال .. بقولك ايه .. اقسم بالله لو جيتي هنا هادبحك انتي وابنك .. فاهمه ؟!
مني .. يبقي تلغي الفرح ده وتجيلي دلوقتي حالا
جمال.. هتقولي تاني الغي الفرح ؟! يا ست انتي ابعدي عن طريقي الله يسهلي ويسهلك
مني .. طريقي وطريقك واحد ولا انت نسيت كلامك زمان ؟!
جمال .. دي كانت نزوة وراحت لحالها .. وبعدين انتي ليه مصرة تفضحي نفسك بالطريقة دي ؟! ايه مش فارقة معاكي خالص بالشكل ده ؟! المفروض تداري علي نفسك مش تفضحيها يا مدام !!
مني .. متستعجلش الفضيحة هاتيجي هاتيجي سواء داريت او مداريتش احنا خلاص وقعنا في حفرة كبيرة ومش هنطلع منها مهما عملنا
جمال .. بقولك ايه انا لازم ارجع للفرح ابعدي عني يا مني لو سمحتي وبعدين ايه حكاية الايدز مش لاقيه اي كلام تقوليه ف بتهلفطي بأي حاجة وخلاص ؟!!
مني تضحك .. ههههههههههههه
جمال .. بتضحكي ليه ؟!
مني .. لان دي مش هلفطة يا حبي دي الحقيقة
جمال .. يعني ايه ؟! انتي فعلا عندك الايدز ؟!
مني .. ايوه وممكن يكون اتنقلك وده احتمال كبير
جمال .. الله يلعن اليوم اللي شوفتك فيه يا شيخه !! ضيعتيني معاكي .. اكيد جالك بسبب طوب الارض اللي انتي ماشية معاه !@
مني .. متنساش انك اول طوبة منهم انا مشيت معاها !! هاتيجي ولا لا
ثم يغلق الخط
مني .. بقي كده بتقفل السكة في وشي
ثم ترتدي ملابس الخروج وتحمل ابنها الرضيع عاريا مكتوب في كل حته جسمة ابن حرام وتنادي علي تاكسي
مني .. تاكسي
التاكسي .. رايحه فين يا ست ؟!
مني .. نادي المهندسين من فضلك
السائق يلمح الطفل الرضيع ويقرأ الكلام المكتوب علي جسمه
السائق مندهش .. لا حول ولا قوة الا بالله العلي العظيم
مني .. ايه متنح ليه كده ؟! بص قدامك واتحرك يلا !
السائق .. طلعنا منها علي خير يارب
ثم ينطلقا …………
- يتبع الفصل التالي اضغط على ( روية احتاج اليك ) اسم الرواية