رواية حب غير مقصود كاملة بقلم منة عبر مدونة دليل الروايات
رواية حب غير مقصود الفصل السادس 6
قعدنا مع بعض و الوقت عدى و ايمن و عمرو و بابا نزلوا يصلوا الجمعة ف المسجد واخدوا رحيم معاهم.. وانا و ماما و عايده صلينا ف البيت.. وبعدها الكل رجع و اتغدينا و اليوم جرى بسرعه وكان يوم حلو..
كنا حوالى الساعه 9..
ايمن : احنا هنروح احنا بقا اصل الولاد شكلهم فصلوا..
هدى : ماشي ي حبيبي ف رعاية الله..
ايمن و عايده سلموا ع الكل واخدوا ريم و رحيم و مشيوا..
ماما وبابا دخلوا يناموا..
عمرو دخل ينام لانه تعبان و مانمش من ساعة ما رجع.. وانا دخلت اصلي القيام وانام انا كمان..
دخلت الاوضه اتوضيت و صليت و قرات الورد بتاعي و بعدها نمت ع السرير بفكر ف شريف.. و بعدها اجى ف بالي ان ممكن الشخص اللي حاول يقتل شريف قبل كده يقتله تاني بس يوم الفرح قومت من ع السرير قعدة برجفه وخوف.. مسكت الفون ولقيت شريف بعتلي رسايل رديت عليها.. احم.. مفيش حاجه كان عندي شوية صداع بس دلوقتي الحمدلله بقيت احسن.. لقيته رد ف نفس الثانيه و حسيت انه مستني رساله مني اصلا..
شريف : الحمدلله انك كويسه.. قلبي كان قلقان عليكِ
معرفتش ارد اقول اي بس بعتله.. شريف.
شريف : نعم ي نسمه..
-هو ممكن اطلب طلب و توافق عليه من غير ما تسال عن السبب..
لقيته بعتلي : اي حاجه هوافق عليها الا بعدي عنك علشان مش هقدر..
اول ما شوفت الرساله غمضت عيني بوجع وسالت نفسي.. هو الحب بيجرح للدرجادي.. وبعدها فوقت ع صوت رساله منه..
شريف : اي بقا هو طلبك؟!
بعتله: احم.. انا عايزه كتب كتاب بس و مش عايزه فرح..
عند شريف..
شريف اول ما شاف الرساله اتصدم لان مفيش بنت ف الدنيا مش عايزه يتعمل ليها فرح كبير و تلبس فستان ابيض و يبقا الفرح ذكرى حلوه ما بينا.. اي اللي خلاها تفكر كده.. اكيد ف دافع ورا كلامها ده وبعدها سكت وبعت.. هو انت للدرجادي مش عايزاني ي نسمه.. لدرجة انك اتخليتي عن فرحك علشان مش عايزاه يبقا ذكرى ما بينا.. للدرجه دي مش بتحبيني و مش عايزاني؟!!
اول ما شوفت الرساله دي حسيت اني عايزه اصرخ لان مفيش حد حاسس باللي جوايا واللي انا شيفاه.. بعتله بدموع..
صدقني ي شريف مش ده قصدي خالص بس لازم ده اللي يحصل..
شريف : ليه ي نسمه.. قوليلي ف اي يخليكِ تقولي كده..
– صدقني مش هعرف اقول حاجه…
شريف : تمام ي نسمه.. ماتقوليش حاجه بس انا هعرف.. وبعد كتب الكتاب نتكلم ف الحوار ده.. ويلا نامي تصبحي ع خير..
-وانت من اهل الخير ي شريف..
قفلت الفون و دفنت وشي ف المخده وقعدة اعيط لحد ما النوم غلبني..
عدى الاسبوع كله و شريف يرن عليا ويبعتلي رسايل وانا مش عارفه ارد عليه معنديش اي حاجه اقولها بيجيلي المستشفى بصده واقوله اني مشغوله وده مكان شغلي مينفعش فيه كلام الكل مستغرب اسلوبي و محدش فاهم انا متغيره كده ليه.. وانا تايهه ف دنيا لوحدي مفيش فيها غير الخوف الخوف وبس.. خوفي ع كل اللي حواليا وفكرة ان حد ممكن يتاذى بسببي دي بتقتلني من جوايا..
وانهارده يوم الخطوبه..
صحيت من النوم كالعاده علشان انزل المستشفى لقيت امي قعده ع الكنبه..
هدى اول ما شافت نسمه شهقت : انت راحه فين ي بت..
استغرب سؤال ماما الصراحه لانها عارفه اني ف الوقت ده بنزل المستشفى..
واتكلمت بهدوء : نازله المستشفى ي ماما..
هدى اتكلمت بضيق: مستشفى اي ي بت انهارده الخطوبه ادخلي كده خدي شاور وارتاحي قال مستشفى قال..
حاولت افك الجو شويه واتكلمت بضحكه: ي ست الكل حضرتك كل شويه تقوليلي مفيش نزول المستشفى و كمان واقفه معاكِ و اتاخرت ده انا شكلي ف الاخر هقبض 12 جنيه ع ده كله هههه.. وبعدين صدقيني مش هتاخر الساعه 2 بالدقيقه هكون قدامك هنا..
هدى بابتسامه : اللي يريحك اعمليه ي نور عيني..
حضنتها و نزلت ع المستشفى..
عند شريف..
شريف قام ونزل الشركه اللي بيشتغل فيها (مدير حسابات) و هو مضايق من نسمه و مش عارف هي ليه بتبعد عنه..
بعد ما خلصوا شغل و كل واحد رجع بيته علشان يجهز..
دخلت البيت لقيت اخوات ماما كلهم واولادهم موجودين دخلت وسلمت عليهم لقيت خالتوا هبه قربت مني..
هبه : مبارك ي بنتي.. ربنا يسعد ايامك يارب..
قربت منها و حضنتها.. الله يبارك فيكي ي خالتوا..
لقيت خالتوا هنا بتقولي : وانا ماليش حضن ولا اي ي بت ي نسمه..
بصتلها بضحكه : ده كلام بردو ي هنون ده انتِ ليكي حضن و بوسه كمان هههه.. وقربت عليها و حضنتها وبوستها..
هنا : مبارك ي نسوم وربنا يتمم فرحتك ع خير..
_يارب.. يلا اسيبكم انا ادخل اغير هدومي ورجعالكم..
هبه : خدي وقتك ي قمر..
دخلت الاوضه واتوضيت علشان اصلي الظهر.. ونمت ساعه لاني من كتر التفكير ف اللي ممكن يحصل ف زحمة الضيوف انهارده دماغي تعبتني..
بعد ساعه..
امل بنت هبه عندها 15 سنه.. امل راحت لهدى..
امل : خالتوا هدى..
هدي وهي مشغوله ف تجهيز كل حاجه قبل ما الضيوف تحضر : اي ي اموله..
امل : هي نسمه فين.. ماجتش تقعد معانا ليه..
هدى : معلش يا امل اصلها بتيجي من المستشفى تعبانه بتنام ساعه ولا حاجه ادخلي صحيها ي حبيبتي..
امل : ماشي ي خالتوا..
امل خبطت ع الباب اكتر من مره بس مفيش رد فتحت الباب ودخلت شافت نسمه نايمه.. امل قربت عليها : نسمه.. ي نسمه قومي.
اتكلمت وانا نايمه : سيبوني انام شويه كمان..
امل : قومي علشان تلحقي تجهزي فات الكل ع وصول..
حاولت اركز ف الصوت وعرفت انها امل قومت قعدة واخدتها ف حضني : اخبارك اي ي اموله وحشاني..
امل ابتسمت : الحمدلله بخير… وانت كمان وحشاني ي نسوم.. و مبارك ي قمر تتهني يارب..
طلعتها من حضني : قلبي ي اموله.. بصي هاخد شاور و هصلي العصر وعايزاكِ تجي تقعدي معايا هنا لحد ما اجهز..
امل : تمام ي قلبي.
عند شريف..
كانوا كلهم قعدين بيتغدوا علشان يبداو يجهزوا..
شريف فرحان علشان هيشوف نسمه و هيقدر يكلمها مش هتعرف تهرب منه زي كل مره..
ياسر قاعد و مضايق و عايز يفشكل الجوازه بس ازاي..
حازم و فاتن قعدين بيتكلموا عن الشبكه و كل حاجه هتم ازاي..
بعد ما خلصوا اكل الكل قام يجهز وكانت ابتسام متشوقه اوي..
عند نسمه الكل بدا يجهز و امل مع نسمه بتساعدها..
وبعد شويه الكل بدا يجي الا شريف و عيلته لسه محضروش.. وفعلا اتاخروا عن الميعاد اللي المفروض يوصلوا فيه..
كنت راحه جايه ف الاوضه و بسال نفسي : هو معقول ميجيش؟!! هو انا زودتها معاه ولا اي طب اتصرف ازاي ابعتله رساله.. اوووف هو ف اي انا ملهوفه كده ليه.. اكيد هيجي ايوه هيجي ان شاء الله..
بره عند عمرو..
عمرو لادهم : اي ي حج.. هو شريف خلع ولا اي ده الفرق بين البيت والبيت عماره يعني دقيقتين و يكونوا هنا.
ادهم : اهدي ي بني ف اي ما يجي وقت ما يجي هو اكيد ف سبب ورا تاخيره ده..
عمرو هز راسه : ربنا يستر..
ف بيت ايمن..
ايمن جهز وخلص و لكن عايده لسه وهو قاعد يستعجلها.. يلا عايده اتاخرنا ماما و نسمه هيزعلوا بجد..
عايده : دقيقه بس الف الحجاب..
ايمن ضرب كف ع كف : انت بقالك ساعتين بتقولي بلف الحجاب بس..
عايده : اعمل اي بس هو اللي مش راضي يتظبط..
ايمن قرب عليها وباس راسها والله هو الحجاب حلو وهياخد منك حته و ساعدها وخلصوا ومشيوا..
وبعد شوية ايمن هو عيلته وصلوا..
والكل بدا يلاحظ التاخير..
كنت واقفه عند الشباك و حاسه بخانقه من الرغم اني كنت بقول دايما ان الجوازه كلها مش فارقه معايا و دمعه نزلت ع خدي و لسه هقفل الشباك باحباط لمحت شريف و عيلته جاين و ابتسمت بفرحة انا نفسي استغربتها و طلعوا و سمعت صوت الزعاريط وانا قلبي بيرقص ايمن دخل اخدني من ايدي و اول ما شوفت شريف قلبي دق و روحت وقفت جنبه بس سيبت بينا مسافه الكل بدا يسلم علينا ويبارك و بعدها لبسني الشبكه و قعدنا شويه و الكل بدا يمشي و معتش غير العيله و قعدنا نتعشى مع بعض كنت قعدة محرجه لقيت شريف قرب عليا و الكل مشغول وقالي يعني مش هتريحي قلبي و تقوليلي اي اللي لغبط حياتك كده..
دمعه نزلت ع خدي و ابتسمت وقولتله : احم.. انا كويسه اهو وقومت من قدامه ف ثانيه..
قعدنا كلنا و كان عشاء جماعي و مميز و بعد كده الكل رجع بيته دخلت اوضتي غيرت هدومي ونمت تاني يوم نزلت المستشفى و شريف كل شوية يكلمني و اضطر ارد عليه واكلمه.. و عدت الايام واجي كتب الكتاب..
عند شريف..
شريف و قف بعصبيه واتكلم بصوت عالى : ازاي يعني.. ازاي مش هتحضر كتب الكتاب انت بتهزر صح..
ياسر نفخ بضيق : لا مش بهزر.. انا بجد تعبان ومش هقدر احضر..
شريف : لا ده انت اكيد اتجننت عايزني ابقي لوحدي ف يوم زي ده وانت عارف انك مش اخويا بس لا ده انت دراعي و الضهر اللي بتسند عليه و صاحبي اللي بثق فيه..
ياسر اول ما سمع كلام شريف احساس جواه بيقوله انت خاين وماتستهلش تبقا اخ لشريف..
ياسر صك ع اسنانه ووقف و حاول يرسم ابتسامه ع وشه : هروح الشقه اجهز واجي معاك وانا مقدرش اسيبك لوحدك..
شريف طبطب ع كتف ياسر : متتاخرش.
ياسر خرج راح ع شقته.. وشريف راح لامه وابوه..
شريف : السلام عليكم..
حازم وفاتن : وعليكم السلام ورحمة الله وبركاته
فاتن : تعالى ي حبيبي..
شريف : احم.. كنت عايز اقولك ي بابا.. يعني انه.. هو.. ونفخ بضيق علشان مش عارف يتكلم كلمتين ع بعض..
حازم بضحكه : متقلقش كله تمام.. والمأذون هيكون موجود الساعه 7 بالظبط..
شريف قرب حضن ابوه : شكرا يابابا..
حازم : ربنا يتمم ع خير..
وامه حضنته : مبارك ي قلبي ربنا يفرح قلبك يارب..
شريف باسه ع راسها : الله يبارك ف عمرك ي امي..
وسابهم وراح ع اوضته و هو فرحان و مش قادر يخبي فرحته اخيراا حبيبته هتبقا مراته انها هتبقا حلاله ياااه ده حلم سنين بجد..
عند نسمه…
ع الرغم من اني زعلانه ان شريف موافقش اننا نلغي الفرح و نعمل كتب الكتاب بس.. انا انهارده متوتره اوي ورجعت ف كلامي و قولت اهو ف الفتره اللي بين كتب الكتاب والفرح اكون اخدت عليه اكتر من كده…
شريف : اخيراا بقيتي مراتي انت متعرفيش انت عملتي فيا اي و تعبتيني معاكي قد اي بس خلاص انتي بقيتي لياا..
غمضت عيني ومش عارفه المفروص اقول اي لقيته قرب من فاجاة ضمني ليه وانا لا اراديا كنت مكلبشه فيه@.. ممكن يكون علشان انا كنت محتاجه احس بالامان اللي حسيت بيه بضمته ليا.. و رفعني من ع الارض ولف بيا و نزلني و هو لسه اخدني ف حضنه و همس ف ودني.. اخيراا بقيتي ليا انا مش مصدق..
حاولت ابعد عنه علشان لقيت الكل مركز معانا اوي بس هو مش راضي يبعد حاولت اتكلم : احم.. شريف الكل مركز معانا اوي..
شريف بص حواليه و حس بالاحراج و بعد عنها بس مسك ايدها..
ياسر اول ما شافهم مقربين من بعض بدون قيود وقع كوبايه العصير اللي ف ايده ع هدومه واعتذر بحجه انه هيروح يغير وسابهم ومشى.. وبعد شوية وقت الكل مشى وعيلة شريف.. الا شريف اصر انه ياخد نسمه يتمشوا شويه استاذن ابوها وامها واخواتها وقرب عليها مسك ايديها.. يلا بقا هننزل نتمشى ع النيل ولا عايزه نروح اي مكان نقعد فيه..
اتكلمت باحراج : لا نتمشي احسن..
شريف : يلا بينا..
خرجنا واتمشينا وقعدنا نتكلم مع بعض بس هو اتكلم اكتر و طول الوقت محاوطني بدراعه الاول كنت حاسه باحراج واحده واحده حسيت انه عادي..
وبعد حوالي ساعه رجعنا البيت وانا الابتسامه ع وشي..
_______
بعتله تمام ماشي هقابلك..
شريف بصدمه : اء.. انا مش فاهم حاجه
- يتبع الفصل التالي اضغط على ( رواية حب غير مقصود ) اسم الرواية