رواية معذبي كاملة بقلم مروان فرج عبر مدونة دليل الروايات
رواية معذبي الفصل الثامن 8
ونا لميت الحوسه وخشيت لداري وفتحت نت لقيت طلب مراسله من شخص فتحتا
وكان صدمه مُـعذبـي…….😳🔥
وفي نفس اللحظه كان رياض وعماد مقعمزين واتصل صاحب عماد متاع للمستشفي وقال لقيت اسم المراه بس للاسف المراه توفت ……💔
رياض …انصدم ومعاش عرف كيف يقولها لعماد
عماد……حس بانا في شي صاير وكانو يشوف لصاحبه عماد ومعاش عرف شن يقوله
رياض….خلاص تمام بكره رح نجوك الصبح ف المستشفي وتقولي ع كل شي وسكر عليه
عماد …طمني ي رياض شن في شن قالك الراجل هدا
رياض…خبرني وقالي نعرفهم وغضوا الصبح نمشو انا وياك ونفهمو كل شي تمام ارقد تريح توا والصبح يصير خير إنشاء الله
عمادد… فرح هلبااا بآرك الله فيك ي غالي والله جميلك مش رح تنساه الحمد لله يلي تعبنا ماراحش ع الفاضي وقدرنا نوصلو ليهم
رياض….كان متحشم هلبا من صاحبه وماعرفش كيف يقوله الخبر بكل قعد يفكر كيف غضوا بيمشو وبيقوله ع خبر اخته انها ماتتت…..🔥
#عند تقوي
انا فتحت النت ولقيت طلب مراسله من شخص فتحته ولقيته محمد وكاين حاط صورته وواضح انه هواا كاتبلي فيها تقوي ردي نبيك في موضوع
انا…شن يبي مني الفرخ هدا توا تي خيره مايبيش يفهم سن بعد هدا كلا لما شافني قريت رسالته باعتلي ردي ي حماره احسن راهو😳
انا….فتحت عيوني ع الاخير كيف يقدر يحكي هكي معاي هدا من يكون اصلا بعتتله لايك وطلعت من المحادثه
محمد….صاار ماتبيش تردي باهي شوفي هادي كنت نشوف ف الرساىل ومانردش لعند مابعتلي صوري يلي صورتهم اليوم ريماس لياا😳😳💔
انا….قعدت مصدومه ومش فاهمه شي كيف هكي صاار بس من وين جابهم باعتلي اكثر من 10صور لياا وكانو كلهم لابسه فيهم فقطان قصير وشكلي… مغري🔥🔥
قعدت نشوف في الصور ومش قادره نقول ولا حرف بكل
محمد….بتردي والله توا نبعتهم لبوك خليه يشوفهم ونزلهم ع النت معا ضحكه …🙂
انا….لا بالله عليك بابا ماتقرابش بكل مريض ونخاف اي شي يتاثر عليه ارجوك لا بس قولي من وين جبت الصور انتا بس كيف حصلتهم انتا من يلي بعتهلك قولي ارجوك
محمد…مش مهم من يلي بعتهلي تحاسبيني روحك يومها لما ضربيتي كف قدام الناس ساهله اقسم بالله لما نوريك علي امها اللقطه يلي درتها
انا….ارجوووك لا وقعدت نبكي ونتراجي فيه مايديرش بالصور شي او يبعتهم لبابا لانا بابا مايتحملش وفي اي لحظه يطيح ويموت لاسمح الله
محمد…باهي بس انت عندي شرط واحد وبس وغير هكي لا ياما توافقي ياما بوك يشوفهم ومش رح يصير خير
انا….حاضر اطلب يلي تبيه وتاخده مهم بابا لا
محمد…. باهي ردي ع المكالمه ورن عليا ع للماسنجر رديت عليه
اناا…قعدت نبكي قوتلا اختصر شن تبي مني بس مش قادره راهو قولت بالك لما يسمعني نبكي يريق قلبه علياا💔🥺
محمدد…وهوا يضحك اسمعني انا نبي نتزوجك ومانبيش اي اعتراض بكل ولو ماتبيش عادي صورك عندي رح نعطيك 3ايام فكري وردي عليااا باهي
انا…..ونا مصدومه وقلبي يدق😳 معاش عرفت كيف نحكي بكل سكر محمد المكالمه وخلاني نبكي وبس ومش عارفه شن بندير وفي لحظه خطرت عليااا الكلبه ريماس عرفتها طوول هيا يلي بعتت الصور لمحمد
رنيت عليها ع طول بس طلع رقمها مقفل💔🥺
رقدت ع السرير ونا نبكي معا انه كان يوم حلو بس ماتوقعتش هكي يصير بكل قعدت نبكي لين رقدت
محمد…كان فرحان بكل وخصوصا لما حس انا تقوي ضغيفه ورح تقبل تتجوزه لانا بوها مريض وتخاف عليه هلبااا ولع سبسبي وقعد يتخايل في يوم عرسهم وهكي🔥
#عند عامر
وصل عامر للشقه امتاعه الساعه1في اليل حطوه صاحبه وي الشنطه متاعه ورقي وكان يسمع في الاغاني وجوهم سمح
عامر…قعد مصدوم ومش عارف شن صاير لعند ماوصل الباب وجت صاحبته عبير فتحتله الباب وكانت لابسه قصير بكل وفي يدها طاسه مشروب كحولي🔥😳
عامر…قعد مصدوم وخش لقي عبير وصحابته يرقصو وجوهك مليح وكانو سكرانات جي لعبير وضربها كف وقعد يعيط عليها وزل صاحبتها من الحوش وقالها ماعاش نبي نشوفك وجههك هنا ف الحوش بكل اقلبي وجهك بره وطلعه من الحوش ف اليل
عبير…قعدت تبكي ومشت معا صاحبتها وكانت تغلي ع عامر وقاتله رح تشوف ي كلب شن رح ندير فيك
وعامر…سكر الشقه ورقد لانا كان تعبان من الطريق
#تاني يوم الصبح
ناض رياض وعماد ومشو لصاحبهم في المستشفى وخبرهم انا اخته مهي توفت من كم سنه ويلي جابها راجلها عامر وكل شي ودفنوها بس ساله عماد شن سبب الوفاه
الراجل…قاله كانت مريضه وعامر ماباش يخليهم يديرو تشريج للجثه وانتهت القصه من وقتها
عمادد….قعد يبكي هلباا وهوا مش مق بكل ماتوقعتش انا تصير اللقطه هادي بكل قعد يبكي ورياض يحاول يهدي
وعماد قاله انا بنرجع لبنغازي ورح نرجع بعد ايام بالرغم من انه صاحبه رياض قاله اقعد لبكره وارجع بس عماد سكر راسه وخدي شنطه ورجع لبنغازي❤️
_________________________
انا… نضت الصبح وحسيت راسي تقيل هلباا من كثر البكي نضت صليت ودرت لبابا فطور وكنت نبي نمشي للكليه عشان نلقي الكلبه ريماس وصلني بابا قدام الكليه خشيت وقعدت ندور ع ريماس بس مالقيتهاش بكل كانت غايبه
جو اماني ومرام وسالتهم ع ريماس بس قالولي مانلعموش بيها الحق
خديت محاضراتيووكنت مضايقه هلباا وطلعت وكنت ماعندي نيه ف شي نهائي كنت نفكر ف محمد بس وكيف بنرد عليه واول ماطلعت روحت ع طول 🔥💔
لدرجه انا بابا وماما حسو بيا مش ع بعضي وانا في شي صاير
وصل عماد لبنغازي وخبره اهله بيلي صار ودارو غزي لاختهم وكان الكل حزين وقعدو ف العزي
وعامر تاني يوم اتصل بي عبير ويحاول يعتدر ليها لانا امس يلي دارلها بس عبير قاتله تجي للشركه نهارك احرف وتوا نوريك
قعد عامر في الحوش ومعاش عرف شن يدير لانا كان فلوسه وكل شي من عبير قعد يدور ع طريقه عشان يرضي فيها عبير 🔥
#بعد مرور 3ايام
كلمني محمد وقالي هيا نبي رايك موافقهووالل ندير يلي قوتلك عليه ونبي جواب اليوم هي
انا….قعدت نبكي ونتراجي فيه باي شي يبيه بس مباش وقولي مهما اديري قراري مش رح نغيره وهيا قولي
انا…وافقت بالرغم من اني والله لانحبه ولا شي حسيت بلقبي تكسر من داخل بس درت هكي عشان كنت خايفه ع صحته بابا وسكرت ع طول منه
تاني يوم مشيت للكليه وحت ريماس تعاركت معاها قوتلها ليش درتي هكي ي حيوانه ومن وين تعرفي🙂🔥
ريماس…قاتلي مادرت شي وفي واحد هكر ايميلي وخدي مني الصور وكل شي
انا… كدابه ي كلبه وشديتها من وشاحها كنت نا وياه بس فوالقاعه خديت التلفون من شنطاتها وخشيت ع الصور حدفتهم وقااتلها اقلبي وجهك ي كلبه معاش نبي نحكي معاك بكل
طلعت قعمزت معا اماني ومرام ومابيتيش نخبرهم ع القصه نهاىي بكل وريماس قعدت تتجنب فياا بكل روحت للحوش وخشيت نغير ولقيت ماما وبابا يهدرزو بروحهم وكانه ف موضوع🙂
انا…استغربت وجيت قعمزت جنبهم وقولتهم في شي يعني
عبدالجليل…اي اليوم في شخص مهندس جي وخطبك مني وسالته عليه ولد كويس ومحترم ومافيش حد دمه بكل وعنده حوش ومس ناقصه شي❤️
انا….قعدت نسمع ف الكلام ومش مستوعبه بكل😳 كيف هكي صارر بالسرعه هادي معقوله امس وافقت واليوم يخطنبي ع طول ويكلم بابا
سعاد…شن رايك ي تقوي راهو معاش تحصلي حد زيه وفكره حلوه وبوك قال الولد كويس ها شني
انا….مش عارفه بس مش موافقه وسيبهم ومشيت لداري قعمزت فيها وكنت نبكي بحرقه 💔
ومش ضايقه حد حسيت محمد يديرلي فيها بقصد عشان انا ضربته ويبيني بالسيف عشان يفشله غله فيااا قعدت نبكي لين عبيت المخده بدموعي
سعاد…بسم الله خيرها تقوي ناضت ومشت احني قاعدين ماكلمنهاش كلام خيرها شن صار لها
عبدالجليل…مش عارف والله بالك البنت ماتبيش تتزوج خليها ع راحتها ي سعاد وتوا انا نتصل بالراجل يلي كلمني يلي يكون اب محمد ونقوله مافيش نصيب
سعاد….استني ي عبدالجليل خليني نحكي معاها بس وبعدين نقولك ماتتسرعش مرات هيا فاهمه الزواج غلط
عبدالجليل…تمام بس بدون اي ضغظ عليها تمام
سعاد…تمام ناضت سعاد وخشت لدراي تقوي ولقاتها راقده ع السرير خلاتها ع راحتها 🔥
جت العشيه ونضت انا من النوم لقيت ماما مدايره قهوه وقاتلي تعالي وفتحلتي موضوع الزواج وقعدت تنصح فياا بمحمد وانا محترم وكويس كنت نسمع فيها ومش ضايقه حتي نسمع اسمه وبعد طول كلام وافقت للاسف 💔🥺
ماما…لوووولي الف مبروك ي عمري تعالي نعطيك احلي بوسه ي غلاي انتي
انا …بمجامله حضنت ماما وبست راسها وامي كانت فرحانه وتبيني نفرح قعدت تزغرط وتقولي الف مبروووك ي بنتي
بابا …جي وكان مستغرب خش وقال عليش الزعاريط فضحتونا قدام الجيران
سعاد…واخير تقوي وافقت ع الزواج خلاص 🔥🥺
بابا…باهي إنشاء الله الف مبروك ي بنتي وحضني بس حسيته مش مطمن عرفني اني مضايقه معا اني درت المستحيل عشان نوضحله اني موافقه بكامل ارادتي بس هوا ممكن حس بيا…❣️
وجت سناء واكرم وصغارهم وامي خبرتهم اني تقدملي شخص ويبيني وفروحولي كلهم وكانو مش مصدقين اني رح نتزوج😅💔
وانا كنت مقعمزه بيناتهم من برا فرحانه ومن داخلي موجوعه
المهم شفت الفرحه في عيونهم كلهم الا بابا حسيتا مش مرحب بالموضوع هلبا معا انا من البدايه كان موافق عليه…قعمزنا مقعمزين وشوي ورن تلفون بايا كان بوه محمد يتصل عشان يرد رد بابا شنو
عبدالجليل…طبع تلفونه بس مباش يرد عليه وجي ثعمز جنبي وقالي تقوي الشخص يلي رن علياا قبل شوي يكون بوه محمد مابيتش انرد عليه حتي نتاكد منك بالاول ونسمعك الموافقه منك❤️
يابنتي ماتستعجليش ع القرار زي هدا هدا يلي خلاني مانردش توا نبي نعرف السبب يلي خلاك ترفضي في البدايه وبعدين توافقي قوليلي شنووو❤️
انا…مافيش شي يابا اعترضت في الاول لاني كنت خايفه وكنت انفكر في قرايتي وكيف بنكمل حياتي وانا قاعده نقرا بس لما حكت معاي ماما تريحت هلبا لكلامها ووافقت
بابا … يعني انتي موافقه نرد عليه ؟
انا…اي موافقه
وافقت ع موتي واني حيه وافقت ع اللون الاسود يلي حيكون لوني من اليوم هدا وافقت علي العداب والاهانه حياة مش معروف عنوانها …..
وافقت عليك يا محمد🔥
__________________________
مشو اسبوعين كانت حالتي أشبه بالميت لاناكل ولا نشرب ولانطلع من داري نمشي للكليه وطول نروح نقعد ف داري وكل ماتجي ماما او بابا يقولي خيرك نقولهم ضغظ وامتحانات بس الحقيقه اسوء من هكي كان الضغظ اكبر من ضغظ القرايه
قعدت سناء وبناتها ومرت اكرم ف حوشنا يجهزو للبيان كان حوشنا يومي معبي يجو الجيران وهكي ناس قريبن لعيلتنا كانو كل العيله يستنو في الخطوبه وفرحانين ليا الا انا ماكنتس فرحانه💔
لعند ماجي اليوم يلي قبل البيان كان امي مشغول بترتيب الحوش وكل شي كلمت اختي سناء وقاتلها ارفعي معاك تقوي وخوديها حاجات كل مايلزم البيان نبيها تطلع عروس
ومشينا من الصبح للسوق وقعدت سناء تقولي هدا حلو فقطان لونه بيج حلو وملكي نقوله مش عاجبني قعدنا ندور طول الوقت وكل شي نقوله مانبيش ومش ضايقته ومش حلو🔥😅
لعند ماقاتلي تعبت منك خودي خير مانتصل بي امك
المهم … واخيرا خدينا فقطي زهري كان حلوو بس انا كنت مش عاجبني وخدينا كل السوق وروحنا للحوش
وكل هدا عشان كنت نجهز ليوم قبري اوووف يوم بياني يلي رح يكون بكره…..🔥🔥
- يتبع الفصل التالي اضغط على ( رواية معذبي ) اسم الرواية