رواية حب غير متوقع كاملة بقلم منار عبر مدونة دليل الروايات
رواية حب غير متوقع الفصل العاشر 10
يوسف : هقولك تعملي اي بالحرف الواحد وهتنفذيه
حياه : حاضر
‘ اتصال على ادهم ‘
ادهم : الو مين معايا
حياه : الو يا ادهم
ادهم بسخريه : اهلا اهلا بالست الحسن والجمال …اي يا غندوره ..المحروس رماكي في الشارع ولا اي
حياه : الحقني يا ادهم انا في مصيبه …
‘ وقفلت السكه ‘
ادهم بقلق خفيف : معقول يكون المجنون ده هيم.وتها بسببي …لا لا دي مهما كان اختي برضو مش هسيبها هتموت ….انا لازم اروح اعرف في اي …
‘ وفعلا لبس ادهم وراحلها البيت ‘
حياه بقلق : انا خايفه قوي يا يوسف
يوسف : متخافيش يا حياه انا معاكي انتي عرفتي احنا هنعمل اي
حياه : ايوا بس قلقانه شويه ممكن الموضوع ميدخلش دماغو …او ممكن حتى انا مهموش ….
يوسف : اكيد لا يا حياة انتي مهما كان اخته هوا آخره يضربك بس مستحيل يسيبك تمو.تي …
‘ قطع كلامهم صوت ضرب الجرس ‘
يوسف : معلش يا حياه هأذيكي شويه ….بس كل ده غصب عني
‘ مسكت حياه ايده بحب ‘
: المهم عندنا إن احنا نجيب حقنا وحق اميره الله يرحمها هوا ده بس يلي هااممني
‘ ادهم من ورا الباب ‘
: حياه …..حياه ….انتي سمعاني
حياه بصراخ : الحقني يا ادهم ….يوسف هيموتني
‘ فتح الباب ادهم برجله واتصدم لما لقى يوسف حاطط سكينه على رقبه حياه …وحياه رقبتها بتنزف ‘
ادهم بخوف : بقولك اي ابعد عنها …متأذيهاش انا هديك كل يلي انتي عايزه بس سيبها
يوسف بسخريه: قد اي انت طيب وغلبان …دي الدمعه هتفر من عيني يا جدع …لو عايز اختك سليمه …اديني في ايدي ٢٠ مليون جنيه وانا ابقى افكر اسيبهالك ولا…
ادهم : لا لا خلاص هكتبلك شيك دلوقتي بس سيبها
يوسف بضحك : دا ايه التفكير المتخلف ده …مفكرني هصدقك انا عايزهم كاش تسلمهم في ايدي اديك اختك …
ادهم : طب يعني انا اجبهملك منين دلوقتي …هاتها وانا هديك الفلوس بكره
يوسف : عرض حلو عجبني …بس مش هنفذه اختك هتفضل معايا لحد ما تجبلي فلوسي …يلا بقى ورينا عرض كتافك
‘ خرج ادهم وهوا عمال يدعي على يوسف في سره ‘
يوسف : معلش يا حياه انا اسف يحببتي …رقبتك فيها حاجه ..وريني كدا
حياه : متقلقش يا يوسف انا كويسه
يوسف : انا بس مستغرب هيا اي الحنيه دي
حياه : حنيه ….لا يا يوسف انت فاهم غلط …احنا عندنا تقليد في عيلتنا ….أن عشان الولد يورث …لازم يكون عنده اخت…فا انا لو مت هوا هيورث ازاي
يوسف : أه وانا بقول الحنيه دي جات منين …طول عمره مش بيهمه غيره نفسه واناني…
حياه : طب هوا احنا هنعمل اي بعد كده …
يوسف : مفيش انا هستنى لما أقابله وابعت التسجيل والرسايل يلي كان بيهدد فيهم اختي …وابعتهم للبوليس وهيتجاب من قفاه ..
حياه بقلق : انا بجد خايفه قوي يا يوسف خايفه يحاول يأذيكك..
يوسف بحنيه : هوا مش قولتلك قبل كدا متخافيش طول ما انتي معايا …ثم إن هوا مش هيقدر يعملي حاجه مش يلحق اصلا هيكون الشرطه جت وقبضت عليه
‘ يوسف اخد هيا في حضنه لما حس انها هتعيط …وفعلا عيطت جامد من كل قلبها….بسبب صدمتها في اخوها ويلي عمله …فضلت تعيط لحد ما نامت …وشالها يوسف ووداها السرير ومسحلها دموعها وهوا بيبصلها بحزن ‘
‘ وفاضل باصصلها شويه وبعدين نام جمبها وهوا حاضنها ‘
‘ صحيت حياه لقت نفسها في حضن يوسف …ابتسمت بخجل …وفضلت بصه لملامحه شويه وفاقت على صوته وهوا بيقول …’
يوسف بغمزه : عارف اني حلوه مش محتاج تقولي
حياه باحراج وخجل : احم لا ..انا كنت بس بشوف صحيت ولا لا …صباح النور
يوسف بحب : صباح الفل على عيونك ..يا قمري
‘ابتسمت حياه وبصت في الأرض بكسوف ‘
يوسف بضحك : يبنتي انتي ليه بتتكسفي مني اوي كدا دا انا جوزك …
‘ ضحكت حياه بخجل ‘
‘ ابتسم يوسف على شكلها وبا.سها من خدها بسرعه وراح على الحمام ….فضلت حياه مصدومه من يلي عمله …وبعدين حطت ايديها على خدها بفرح …وانبسطت انها اخيرا لقيت يلي يعوضها عن يلي حصل فيها ‘
يوسف : جاهزه يا حياه ..
حياه بخوف : حاسه اني لسا خايفه ومش مطمنه
‘ يوسف مسك ايديها وبا.سها …وبص في عينيها بحب وقال …’
: انا عارف أن الموضوع صعب عليكي انك تشوفي اخوكي هوا بيتسجن …بس صدقيني انا …بس غصب عني يا حياه دي اختي بردو مستحيل مجبلهاش حقها دي كانت اغلى ما املك …
‘ مسكت أيده حياه وقالت ‘
حياه : انت ملكش ذنب في حاجه يا يوسف دي اقل رده فعل انت عملتها …كل ظالم في يوم من الايام هياخد جزائه واخويا ظالم …ويستحق يلي هيحصل فيه …انا عمري ما هضايق منك انت معاك كل الحق ..
‘ بصلها يوسف بحب وباس راسها واخدها مشيو راحو يقابلو ادهم ‘
- يتبع الفصل التالي اضغط على ( رواية حب غير متوقع ) اسم الرواية