رواية العشق الابدي كاملة بقلم لبنى دراز عبر مدونة دليل الروايات
رواية العشق الابدي الفصل العاشر 10
فـ وكر المُقنع
بعد ما فارس أحبط خطته و قبض ع كتير من رجالته قاعد بيفكر أزاى ينتقم و فجأة قطـ ع تفكيره رنة موبايله
المُقنع:: الووو
البوص:: بغضب .. ايييييه اللى حصل ده و حصل ازااااااى
المُقنع:: أهدى يا باشا أكيد كان فيه حد خا ين و انا هعرفه .. و من بين أسنانه .. هيكون أخر يوم فـ عمره
البوص:: أتصرف و إلا عمرك أنت اللى هينتهى
المُقنع::ما تقلقش يا بوص
البوص:: بغضب أكبر..و فااااارس المنصورى
المُقنع:: سيبهولى أنا هعلمه أزاى يقف قصادى و يعمل فيها وحش الشاشة
وقفل المكالمة و رجع لـ تفكيره ازاى ينتقم من فارس
_____________________________
فـ المصنع
حلم بعد ما اطمنت ان فارس فاق وخرج من العناية المركزة لـ أوضة عادية رجعت تباشر شغلها فـ المزارع والمصنع بنفسها وهى فـ مكتبها و معاها حازم و الاء.. السكرتيرة خبطت و سمعت الأذن و دخلت
هند:: أستاذة حلم ..عابد بيه برة و عايز يقابل حضرتك
حلم::بأستفهام ..عابد بيه مين
هند:: عابد الوزير يافندم
حلم::بصدمة..نععععممم..أطلعى قوليله..حلم مش عايزة تقابلك
حازم:: لـ حلم..أهدى يا حلم شوية وبص لـ هند اطلعى قوليله 10 دقايق وتقابلك
حلم::بعصبية..مش هقابله يا حازم انت فاااهم
الاء::روحى يا هند انتى دلوقتي..و لـ حلم ممكن تبطلى عصبية و تقابليه وتشوفى عايز ايه
حلم:: عابد الوزير هيكون جاى عايز ايه يعنى يا الاء
حازم:: بهدوء ..طالما مش عارفين جاى ليه يبقى نقابله ونفهم منه.. وبعدين احنا معاكى ما تقلقيش
حلم::بأبتسامة سخرية..انت أهبل يابنى هو مين ده اللى اقلق منه
حازم::يبقى قابليه و شوفى جاى ليه
حلم::بموافقة بعدم اقتناع..ماشى يا حازم هاقابله ..و رفعت سماعة مكتبها ..هند قولى لـ زفت عابد يدخل
ألاء:: بذمتك ده أسلوب تتكلمى بيه
حلم::بنرفزة.. الاااااء انا ع أخرى .. كفاية عليا سي زفت ده
الاء::خلاص ياستى ما تتنرفزيش كدا..حقك عليا
حازم::بنفاذ صبر ..خلاص بقى منك ليها اصبروا لما يمشى و بعدين ابقوا امسكوا فـ بعض براحتكوا
و شوية فعلا و خبط الباب و دخل
عابد:: ببرود..هاى يا جماعة ..زومااا
أخبارك ايه و أنتى يا لوءة وحشتونى والله
حازم::بعصبية..عاااابد أسمها مدام الاء.. فـ ياريت ماتعديش حدودك
حلم::بغضب..جااااى ليييه يا عابد
عابد::بخبث..جاى أفتح صفحة جديدة يا حلم.
حلم::بأستغراب..صفحة جديدة!! صفحة جديدة مع مين؟!
عابد:: معاكى يا حلم ..ننسى اللى فات و نبتدى من جديد ..وعد منى يا حلم هيبقى شغل و بس
حلم::ضيقت عينيها ..امممممم و أذا قولت لأ
عابد::ليه بس يا بنت الناس
حلم:: ببرود .. مزاجى كدا
عابد::لـ حازم .. ما تقول حاجة يا حازم ..انا جاى و مادد ايدى بالخير
حلم:: كلامك معايا انا يا عابد ..و اوعى تفتكر ان حازم مهما كانت درجة غلاوته عندى هيقدر يقنعنى أشتغل معاك ..
حازم:: استنى يا حلم لو سمحتى ..و لـ عابد..تفتكر انت واحد بتشتغل فـ الاستيراد و التصدير و حلم صاحبة مزارع ايه الشغل اللى ممكن يجمعكم
عابد::بتريقة .. أكيد يا ذكى أفندى فيه شغل كتير ممكن يجمعنا سوا
حازم:: اممممم زى ايه
عابد::زى منتجات المزارع مثلا او المصنع
حلم:: وانا منتجاتى غير قابلة للتصدير وأعتقد انت عارف كدا كويس .. يبقى جاى ليه
عابد:: ما أنا قولتلك يا حلم مادد أيدى وعايز افتح معاكى صفحة جديدة
حلم:: شوف بقى هجيبلك من الاخر شغل معاك مش هيحصل ع جـ ثـ تى
عابد::بمسكنة..ليييه يا حلم ..ليييه رافضة اى حاجه تجمعنا سوا .. مش كفاية رفضتى اننا نتجوز ..حتى الشغل كمان رفضاه ..انتى ايييه مابتحسيش ..انا لسة بحبك و شاريكى وانتى رفضتى حبى ع الاقل أقبلى اننا نشتغل مع بعض
حلم:: برفعة حاجب ..خلصت كلامك
عابد::ايوا
حلم::بغضب..شوووف بقى ومن الاخر ومن غير لف و دوراااان بصرااااحة كدا..انت تخرج من هنا بكرااااامتك احسنلك بدل و رحمة أبوووياااا .. أخليك تخرج تدور تلمها من الارض ..وهقولهااااالك تااااااانى شغل معاك مابشتغلش وتصدير مابصدرش واتفضل من غير مطرود
عابد:: بغيظ منها و صوت عالى..ماااااااااشى يا حلم يا أنا يا انتى ..انا خااااارج بس خليكى فاكرة ..انا راجع تانى
حلم::بعصبية..أرجع يا عابد و أوعدك نفس الفيديو اللى بعتهولك ع شركتك هبعته لـ سيلين تتفرج عليه
برة مكتب حلم
هشام و عزة كانو رايحين لـ حلم و سمعوا كل الكلام اللى بينها و بين عابد و شافوه و هو خارج متعصب و مش طايق نفسه
عزة::بقولك يا هشام
هشام::نعم يا حبيبتى
عزة::ادخل انت لـ حور وانا هجيب حاجة بسرعة و جاية..وقامت تجرى ورا عابد ….
_________________________
فـ المستشفى
بعد.3 ايام ..فارس قاعد بيفكر فـ حلم اللى من وقت ما طلع من العناية فـ اوضة عادية وراحت واديتله الهدوم و الموبايل وهى مش بتدخل ليه وشوية وخبط الباب و كان الممرض جاى عشان يساعده
شريف::صباح الخير يا فارس باشا
فارس::صباح الخير يا شريف
شريف::يلا زى كل يوم يا باشا
فارس::شكرا يا شريف انا الحمدلله بقيت أحسن واقدر اساعد نفسى ..معلش بقى تعبتك معايا الايام اللى فاتت
شريف::مافيش تعب يا باشا والله تحت امرك وأمر استاذة حلم اى وقت
فارس::شكرا يا شريف مرة تانية
شريف::العفو يا باشا ..وخرج شريف فـ نفس لحظة دخول مريم الممرضة مع دكتور كمال
كمال::صباح الخير يا بطل
فارس::صباح الخير يا دكتور..هو انا هخرج امتى
كمال:: وهو بيتابع تقاريره..و بيكشف عليه..لحقت زهقت مننا بسرعة كدا
فارس::ابدا والله يا دكتور بالعكس بس انا مابحبش قعدة المستشفيات بتخنقنى
كمال::ممكن تستحملنا يومين كمان نطمن عليك أكتر وبعدها هكتبلك خروج ماشى
فارس::برجاء..يومين مش أكتر أرجوك
كمال::ان شاء الله ..و لـ مريم تابعى الحرارة والضغط كل ساعتين و بص لـ فارس تانى ..بلاش انفعال و تفكير كتير
مريم::حاضر يا دكتور ..
وفعلا خرج د/كمال بعد ما اطمن ع حالة فارس و قال تعليماته لـ مريم
فارس::ممكن سؤال لو سمحتى
مريم::طبعا يافندم ..تحت امرك
فارس:: الامر لله.. هى انسة حلم مش موجودة فـ المستشفى؟
مريم::لأ مش موجودة ..ليها 3 ايام مش بتيجى
فارس::بقلق.. خير فى حاجة
مريم::لأ يافندم مافيش حاجة ده العادى انها مش بتيجى غير كل فترة يوم او يومين..بس هى المرة دي كانت بتيجى كتير عشان دكتور أدهم مسافر وكمان كان دكتور كمال مسافر و حاليا د/ كمال رجع من السفر
فارس::تمام ..طيب ممكن تناولينى الموبايل ده لو سمحتى
مريم::اتفضل يافندم و تحت امر حضرتك اى وقت
فارس::شكرا..واخد الموبايل و اتصلت بـ نجوى
نجوى::بفرحة لسماع صوته..السلام عليكم ورحمه الله ..يا نور عيني عامل ايه يا حبيبى طمنى عليك يا ضنايا
فارس::بسعادة..خدى نفسك طيب واهدى عشان أعرف اتكلم
نجوى::بدموع..وحشتنى اوى يا فارس كل ده يابنى بتجمع معلومات..قلقتنى عليك ياحبيبى
فارس::خلاص ياحبيبتى مهمتى خلصت ويومين بالظبط و هتلاقينى قصادك
نجوى::بفرحة..بجد ..بجد يا فارس خلاص راجع بالسلامة امتى طيب قولى يا حبيبى
فارس:: بأشتياق..يومين بس يا أمى صدقينى وهتلاقينى عندك ..بس قوليلى انتوا لسة فـ المزرعة عند حور ولا رجعتوا
نجوى::ايوا يا حبيبى لسة فـ المزرعة..حور مش راضية تخلينا نرجع شقتنا الا لما انت ترجع بالسلامة..قالت لازم يجى يستلم عهدته بنفسه ههههههههههه
فارس:: خلاص يا حبيبتى انا يومين ان شاء الله و أجى ونرجع سوا بيتنا ..خدى بالك من نفسك يا قلب فارس لغاية ما ارجع ماشى
نجوى::حاضر يا حبيبى ترجعلى بالسلامة يارب
وبالفعل فارس قفل المكالمة مع أمه ومن كتر اشتياقه ليها عايز يمشى بأى طريقة
_________________________
فـ ڤيلا المزرعة
نجوى بعد ما قفلت مع فارس فرحت ان خلاص هيرجع كمان يومين وقالت لـ أمينة و البنات
أمينة::بسم الله ماشاء الله.. وشك رايق النهاردة يا نجوى الحمدلله
نجوى::بسعادة..فارس اتصل بيا وقال خلاص خلص شغله و هيرجع كمان يومين
عاليا::نطت بفرحة زى الاطفال.. أبيه فارس راجع بجد ده وحشنى اوى
ياسمين::وانا كمان والله يا لولى وحشنى اوى هو و أدهم أول مرة يسافروا الاتنين مرة واحدة
عاليا:: عندك حق يا سمسمة دايما كان أبيه فارس يطلع مهمات وأدهم موجود انما المرة دى الاتنين مسافرين امتى بقى يرجعوا
أدهم::من وراهم ..ها انا ذا..مين بيدور عليا هههههههههه
عاليا::بصريخ بفرحة.. دووووومى حبيبى وحشتنى موووو..ت
أدهم:: خدها فـ حضنه.. وانتى كمان يا قردتى وحشتينى جدااا و باسها فـ خدها و بعدها جرى ع أمه باس راسها و ايدها نوجة قلبى ست الكل وحشتينى
نجوى:: وانت أكتر يا نور عيني وحشتنى حمد الله ع سلامتك يا قلب أمك
ياسمين::بهزار ..لـ مامتها..انا عايزة أعرف مين فيهم بالظبط اللى نور عينك فارس و لا أدهم
نجوى::كلكم يا حبيبتى نور عيني وغياب واحد بس منكم بتغيب روحى معاه ..ربنا يخليكم ليا يارب
كلهم::يارب يخليكى لينا يارب..
و بعدين
أدهم::سلم ع ياسمين.. سمسمية قلبى وحشتينى ياقمر ..ايه يابت الحلاوة دى اغيب كام يوم ارجعى الاقيكى حلوة بزيادة كدا وبعدها بص لـ أمينة ..خالتو عاملة ايه و حور اخبارها ايه
أمينة::بخير يا حبيبى الحمدلله..حمد الله ع السلامة يابنى
أدهم::الله يسلمك ..الله اومال حور فين
أمينة::فـ المصنع من بدرى حتى أخواتها راحوا يسلموا عليها قبل ما يمشوا
أدهم::يوصلوا بالسلامة..ولـ نجوى.. هو مافيش أخبار عن فارس يا أمى
نجوى::يا حبيبى لسة كان بيكلمنى لو كنت قدمت دقيقتين كنت كلمته
أدهم:: طب ما قالش هيجى امتى طيب؟
عاليا::قال كمان يومين هتلاقونى عندكم
أدهم::طب كويس والحمدلله انه بخير..المهم بقى انا هروح المستشفى اشوف الدنيا هناك ايه شوية و جاى تمام
نجوى:: طب مش ترتاح شوية يا حبيبى و تبقى تروح بكرة
أدهم::معلش ياست الكل ..لازم أروح أشوف فيه ايه.. علشان كلمونى وعايزينى ضرورى
أمينة:: حور كانت بتقول فى شوية مشاكل حتى فضلت هناك تقريبا أربع او خمس ايام متواصلة مش بتيجى هنا
أدهم::هروح اشوف اهو ..ان شاء الله خير
وفعلا مشى أدهم راح المستشفى و أول ما وصل راح ع مكتب د/ كمال خبط و دخل
كمال::تعال يا أدهم حمد الله ع السلامة
أدهم::الله يسلم حضرتك يا دكتور ..بلغنى ان فى شوية مشاكل خير
كمال::بأستغراب..مشاكل!! مين قال كدا ..مافيش حاجة من الكلام ده..انا كنت عايزك عشان حاجة تانية
أدهم::خير يا دكتور..و جواه هى حور قالت كدا ليه وكانت فين الايام دى
كمال::مش عارف يبتدى ازاى الكلام
أدهم::ساكت و مستنى..وبعدين قال ..خير يا دكتور كمال فى حاجة ولا ايه حضرتك قلقتنى
كمال::بصراحة يا أدهم انا مش عارف اقولك ايه ..سكت شوية و قال ..بصراحة فارس أخوك هنا ليه تقريبا اسبوعين
أدهم::بصدمة..ايييه حضرتك قولت مين هنا؟! فارس اخويا ازاى
كمال::أهدى يا أدهم ..أخوك الحمدلله عدى مرحلة الخطر وبقى كويس
أدهم:: هو فين و حصله ايه أرجوك فهمنى وقايم يجرى ع برة
كمال::أدهم..استنى هاجى معاك و اشرحلك حالته و احنا رايحين
وفعلا راح د/ كمال مع أدهم وحكى له كل حاجة عن حالة فارس من غير ما يجيب سيرة حلم وصل أدهم وفتح باب الاوضة بـ لهفة أخ
فارس::اول ما شافه فتح دراعه السليم ليه وكانت مريم واقفة بتقيس له الضغط والحرارة
أدهم:: بدموع اترمى فـ حضنه ..كل ده يحصلك وانا بعيد ياريتنى كنت انا يا حبيبى..ياريتنى كنت جنبك
فارس::هششششش سبق و قولتلك مافيش راجل بيعيط ..وبعدين انا سليم قدامك اهو ..أخوك زى القطط بـ 7 أرواح ماتخافش
كمال::بجدية..دكتور أدهم أعتقد انا فهمتك حالته وهو الحمدلله اتحسن بس برضوا لسة الانفعال خطر عليه وبعدين هو يومين و هيخرج علشان كدا بعتلك عشان تفهم الحالة بالظبط وتقدر تتابع معاه برة
أدهم:: سامحنى يا دكتور..فارس مش اخويا و بس ده كل حاجة فـ حياتى ..بس انا عايز اعرف ازاى ماحدش عرف حاجة زى كدا و ليه مابلغتونيش من بدرى
كمال::دى أوامر حلم ..هى اللى طلبت انكم ما تعرفوش ع الاقل لما يعدى الفترة الصعبة الاولانية و بالمناسبة هى كانت مقيمة هنا طول فترة وجوده فـ العناية و اول ما اتحسن وخرج كانت بتروح وتيجى كل يوم لغاية 3 او 4 ايام بس اللى انشغلت ومش بتيجى بس متابعة معايا بالفون
أدهم::بوجع ع حالة فارس..انا ليا حساب معاها بس اشوفها
فارس::بتعب..ما تتكلمش معاها لانها فعلا عملت الصح ..وانا لو كنت فـ وعيى كنت طلبت كدا علشان خاطر ماما ماتتعبش
كمال::أهدى يا أدهم.. صدقنى بفضل ربنا ثم حلم.. فارس موجود معانا
أدهم::ليه حضرتك بتقول كدا
كمال::هقولك ليه ..اللى حصل ان فارس….وحكى كل اللى حصل يوم العملية بالتفصيل من اول ما دخل فارس المستشفى لغاية يوم ما خرج من العناية المركزة حتى الممرض اللى اتفقت معاه عشان يهتم بفارس و يتفرغله تماماً
فارس::بشعور مختلط بين الصدمة من اللى سمعه وفرحة جواه مش عارف سببها ..انا ازاى ما عرفتش بالكلام ده قبل كدا
كمال::لانها طلبت من كل طقم العمليات ماحدش يبلغكم بحاجة ولا أى حد داخل او خارج المستشفى يعرف ..بس انا قولتلكم عشان خاطر أدهم يهدى ويبطل يتحامل عليها
أدهم::صدقنى انا مش متحامل عليها..انا بس اتفاجئت مش أكتر
كمال::تمام بس ليا رجاء عندكم ياريت ماحدش يجيب لها سيرة انكم عرفتوا الكلام ده وبص لـ مريم..والكلام ليكى برضوا فاهمة ..ياريت الكلام ده ما يطلعش برة الاوضة دى
وفعلا خرج كمال بعد كدا و معاه مريم وسابهم لوحدهم
أدهم::بدموع.. انا هتصل بـ ماما أقولها انى قاعد فـ المستشفى شوية
فارس:: أهدى الأول خالص وياريت تكمل اللى عملته حور وما تقولش لـ ماما حاجة ماشى يا حبيبى
أدهم:: بحزن..حاضر يا حبيبى ماتقلقش مش هقولها حاجة
وفعلا اتصل بـ نجوى و قالها زى ما قالت حلم ان فعلا فى مشاكل ومضطر يقعد و يمكن يبات كمان يوم ولا اتنين لغاية ما تتحل وقفل المكالمة و رجع تاني لـ فارس نام فـ حضنه زى الطفل اللى ما صدق شاف أبوه
بقلمى✍️___________________لبنى دراز
تانى يوم
بعد ما أدهم قفل المكالمة مع نجوى و نام فـ حضن فارس خبطت مريم و دخلت علشان تتابع حالة فارس شافته
مريم::احم احم
فارس::تعالى يا مريم
مريم::أسفة يافندم معرفش والله ان دكتور أدهم نايم
فارس:: ولا يهمك
مريم::ممكن دراعك أقيسلك الضغط
فارس::اتفضلى ..مد دراعه ليها وهى بتابع الحالة .. هى حلم ماجاتش النهاردة برضوا
مريم::لأ ماجاتش
فارس::ماشى ..طب ماتعرفيش هتيجى ولا لأ
مريم::بصراحة يا باشا استاذة حلم عاملة زى الحلم ماحدش بيعرف هتيجى أمتى و ازاى فجأة بتيجى وفجأة تختفى وساعة تيجى حلم وساعة تيجى كابوس اللهم احفظنا
أدهم::صحى ع صوتها وأتعدل من نومه..سمعتك ع فكرة ههههههه..صباح الخير يا فارس
فارس::صباح الخير يا حبيبى ..نمت كويس
أدهم:: أول مرة انام مرتاح كدا من شهرين..لـ مريم كنتى بتقولى ايه بقى يا أنسة
مريم::صباح الخير يا دكتور ..مابقولش حاجة الله يخليك عايزة أربى العيال المستقبليين ههههههههه
أدهم::ماتخافيش مش هقولها ..بس ماتنكريش يعنى انها جميلة فـ كل حالاتها حتى وهى زى الكابوس كدا
فارس:: بغيرة و غيظ..قوم يا أدهم اتفضل اغسل وشك وشوف شغلك
أدهم:: بص لـ فارس وضيق عينه .. مالك يا فارس ياحبيبى لحقت زهقت منى
فارس::قوووم يا أدهم وسيبنى أنام ماعرفتش انام من شخيرك
مريم:: بتضحك ع ريأكشنات أدهم وتصرفاته مع فارس
أدهم::انتى بتضحكى ع ايه دلوقتي..ولـ فارس عاجبك كدا ضحكتها عليا ..اشخط فيها أزاى انا دلوقتي و امارس سلطتى كمدير عليها أزاااااى
مريم::بضحك.. اعتبرنى ماشوفتش حاجة يا دكتور ماتقلقش ..المهم هبعتلكم الفطار عشان العلاج ..عن أذنكم
فارس:: بحب..قولى بقى مالك عينك فيها لمعة غريبة
أدهم::عايز الحقيقة ولا الصراحة
فارس::بتفكير..اممممممم و شاور له✌
أدهم:: بتوتر مصطنع..الحقيقة يعننيي انا يعننييي بصراااحة بحب
فارس::بهدوء ظاهر وقلق جواه مش عارف سببه..بتحب ؟
أدهم:: اه وبحبها أوى كمان يا فارس بجد خـط فتنى من أول ما عينى وقعت عليها
فارس:: القلق بيزيد جواه بس ع نفس هدوءه وبسمته الصافية ومين سعيدة الحظ بقى اللى فازت بقلب دهب دى
أدهم:: أترسمت صورة أمل قصاده ..دكتورة اطفال جميلة اوى فـ ملامحها البريئة وضحكتها اللى بتجننى وفـ نفس الوقت مجنونة مافيش مرة اشوفها غير لما الاقيها قاعدة فـ الارض بتلعب مع العيال او بتغنيلهم او بتجرى وراهم فـ أوضة الكشف وكل مرة اشخط فيها تفضل تبرطم واسمعها بس بحب برطمتها دى اوى
فارس::بتنهيدة راحة..يابختها بيك المهم بقى صارحتها ولا لسة
أدهم::لسة بصراحة.. انا قبل السفر ما كنتش عارف أقيّم مشاعرى ناحيتها ولما سافرت الفترة دي حسيت ان فى حاجة نقصانى من غيرها فـ قررت اصارحها وقولت لما انت ترجع بالسلامة نروح نتقدم لها
فارس :: وماله يا حبيبى ده اليوم اللى انا مستنيه أشوفك أنت واخواتك فرحانين مع نصكم التانى
أدهم:: طب وانت يا فارس لسة ما أنش الأوان انت كمان و نشوف نصك التانى
فارس::صورة حلم اترسمت قصاده و غمض عينه كأنه عايز يخبيها جواه ..بس قال لسة يا أدهم..ويلا بقى خلينى أشوف عروسة أخويا المستقبلية
أدهم:: نفطر كدا و تاخد علاجك و أخدك تتمشى شوية و أخليك تشوفها و فعلا بعد شوية مريم جابت فطار ليهم و فطروا سوا و فارس أخد علاجه و قام اتمشى مع أدهم وشاف أمل وكالعادة مجننة الاطفال اللى بتكشف عليهم
فارس::بضحك..ايه ده يا أدهم ..هى دى حبيبتك
أدهم::بضحك..للأسف هى ههههههههههههه
فارس:: ليه يا حبيبى تعمل فـ نفسك و فينا كدا كان ناقصنا جنان يا بابا ما كفاية عاليا ههههههههههههه
أدهم::أعمل ايه بقى فـ ده و بيشاور ع قلبه سيطرت عليه بنت الإيه دى بجنانها
فارس::بسعادة..ربنا يسعدك يا قلب أخوك و ينولك مرادك يارب
أدهم::اللهم أمين..ويسعدك يا حبيبى وتلاقى نصك التانى زيى ..بس ماتكونش مجنونة كفاية أمل و عاليا ههههههههههههه استنى كدا..و لـ أمل ..دكتووووورة أمممممل
أمل:: بخضة ..دكتور أدهم حـ حـ حمد الله ع السلامة ..و بتبرطم.. يادى النيلة هما بيطلعوا امتى دول
أدهم::بشخط.. بتبرطمى تقولى سمعينى
أمل::بتوتر.. مين انا مـ مـ مابقولش حاجة لأ لأ بقول المشتش قصدى المستشفى نورت من تانى يا دكتور
أدهم::أنا كااااااام مرة اقولك بلاش الجنان اللى بتعملييييه ده و أنتى بتكشفى ع الأطفال .. ايييه عاملالى فيها (كات ومن) و بتتنططى زى القطط
أمل::يا دكتور أعمل ايه طيب الولد مش عايزانى أكشف غير لما اعمله كدا
أدهم::بغيرة و غيظ منها..أخر تحذير ليكى المرة اللى فاتت أكتفيت بخصم 3 ايام من مرتبك المرة دى صدقينى هاقعدك فـ البيت جنب الست الوالدة تقشرى بصل انتى فاهمة
أمل::بتبرطم كالعادة وسمعها برضوا هو وفارس..قشـ روك يا بعيد وخرّطـ وك مع صينية بطاطس فـ الفرن و روموك لـ القطط و الكلاااب تاكل منك و ماتشبعش
أدهم::بصدمة من اللى سمعه لـ نفسه..انا يعملونى ع صينية بطاطس .. ولـ أمل أنتى قولتى ايه دلوقتي انطقى
أمل:: انااا انااا أه أه انا بدعيلك يا دكتور
فارس::هههههههههههههههههه خلاص يا أدهم الدكتورة ما قالتش حاجة يلا مش قادر همـ وووت هههههههههههههههه
أدهم::مشى مع فارس ..بتضحك انت ومبسوط ها ماشى ماشى
فارس::ههههههههههههه لا بجد فظيعة دى هتبقى ميكس رهيب هى و عاليا ههههههههههههه الله المستعان
أدهم::تخيل بقى اللى شدنى ليها جنانها و هبلها ده وفعلا لما سافرت حسيت حاجة ناقصانى بسببها
فارس:: حاسس انى شوفتها قبل كدا
أدهم::فعلا هى البنت بتاعت الصيدلية اللى طلعت معايا عند طنط أمينة يوم ما وقعت
فارس::ااااااه بتاعت كارنيه النقابة ههههههههههههه
أدهم::أيوا يا سيدى ..صيدلية باباها تقريبا وكانت قاعدة فيها لغاية ما تستلم تعينها و من حظى انا تيجى تشتغل هنا عشان أتنيل وأحبها ههههههههههههه
فارس::رجعنى أوضتى يا عم وانت شوف شغلك وربنا يعينك عليها ههههههههههههه وفعلا رجع اوضته يرتاح و كل تفكيره فـ حلم اللى مش بتيجى ليها كام يوم ونفسه يطمن عليها
____________________________
فـ ڤيلا المزرعة
قاعدة نجوى مع أمينة فـ الجنينة بيفطروا لوحدهم والبنات كانوا مع حلم فـ المصنع وفجأة موبايل نجوى رن
نجوى::شافت رقم غريب بيرن عليها و ردت..السلام عليكم ورحمة الله وبركاته
سلمى::وعليكم السلام ورحمة الله..ازيك نجوى عاملة ايه
نجوى::بقلق من الصوت بس عايزة تتأكد .. مين معايا
سلمى::معقول يا نجوى مش عارفة صوتى أخص عليكى ده ماكانش عيش وملح و عِشرة سنين
نجوى::بصراحة مش عارفة أحدد صوتك حاسة سمعته قبل كدا بس مش عارفة مين
سلمى::ليكى حق يا مرات أخويا تنسى صوتى ما انتوا من وقت ما مشيتوا نسيتونا انتى وعيالك
نجوى::بأندهاش..سلمى!!
سلمى::أيوا سلمى يا أم فارس اللى نسيتوها هى و خديجة ومشيتوا من غير حتى ما تعرفونا عنكم حاجة
نجوى::وأحنا ايه اللى خلانا نمشى يا سلمى ..مش تصرفاتكم و بالذات خالد والكلام اللى دايما بيقوله
سلمى::خالد خلاص يا نجوى مافيش حد قادر عليه عامل زى الطو.فان بيد وس ع الكل
نجوى::ايه فكرك بينا يا سلمى
سلمى::وحشتينى يا نجوى و ولاد أخويا وحشونى نفسى أطمن عليهم وأسمع صوتهم
نجوى:: بعدم اقتنع و مش مصدقاها..ولاد أخوكى فـ أشغالهم
سلمى::طيب هاتى البنات أكلمهم
نجوى::للأسف..برضوا فـ شغلهم
سلمى::طب يا نجوى أبقى سلميلى عليهم كتييير وان شاء الله هبقى أكلمك مرة تانية يكونوا موجودين ..سلام
نجوى::ان شاء الله.. سلام
وقفلت نجوى المكالمة وهى قلقانة
أمينة:: مالك يا نجوى ..مين كان بيكلمك وقلقتى كدا
نجوى::سلمى أخت أحمد الله يرحمه مش عارفة ايه اللى فكرها بينا بعد المدة دى كلها
أمينة::قالتلك ايه قلقك كدا
نجوى::ماقالتش حاجة غير انها بتطمن علينا ..بس مش عارفة ..مش مرتاحة ليه..حاسة انها بتدبر حاجة
أمينة:: انسيها يا بنت عمى و ماتشغليش بالك بيها و فكرى فـ عيالك و بس
نجوى::بحزن كان نفسى تبقى زى أختها حنينة ع ولاد أخوها ..أحمد كان حاططها ع راسه ماشافتش منه غير كل حنية لغاية ما قابل وجه رب كريم وهو كان واخدها هى و خديجة بناته مش أخواته.. بس ماصانتش مشيّت ورا كلام خالد هى و جمال و عيّشونى فـ عذاب هم وأمهم بس حمايا الله يرحمه كان بيقف لهم وبعد موووته تعبت أكتر من كلامهم بس كانوا ولادى كبروا و بقوا رجالة فارس كان بيقف لهم ويوقفهم عند حدهم
أمينة::كويس انكم نقلتوا نفسكم معاه عشان تبعدوا عن المشاكل اللى هناك
نجوى::بينى وبينك ع قد ما كان صعبان عليا اسيب بيتى اللى عشت فيه اكتر من 32 سنة ع قد ما صدقت ان أدهم والبنات وافقوا اننا نتنقل مع فارس..
وفضلت نجوى تتكلم وتحكى مع أمينة و جواها قلق وخوف من بعد مكالمة سلمى مش عارفة سببه
__________________________
ڤيلا عابد
سيلين قاعدة فـ اوضة نومها ولابسة طقم ولا فـ الخيال ومستنية عابد و رن موبايلها بأسم روڤى و ردت
سيلين::بفرحة..الووو روڤى بيبى وحشتنى
روڤى::انتى أكتر سيلو.. بيبى عاملة ايه
سيلين::بزهق وضيق..تعبانة يا روڤى اوى ومليت من كل حاجة
روڤى::ليه يا قلب روڤى ..هو عابد مش قايم بواجباته ولا ايه هههههههههه
سيلين::بغيظ..عابد مش فاضيلى اصلا كفاية عليه ست حلم بتاعته
روڤى::أوووه هو لسة معاها..مش كان سابها
سيلين::روڤى حبيبى عابد ساب حلم لما شافنى.. هو طمع فـ منصب بابى..وبينى وبينك بيبى عجبتنى اللعبة ..وأخدته منها
روڤى::بقولك ايه سيبك منهم ده مافيش غيرى ..انتى وحشتينى وعايز أشوفك
سيلين::وبعدين معاك يا روڤى مش اتفقنا مش هنتقابل تانى
روڤى::سيلو حبيبتى بتوحشينى أعمل ايه..وبصراحة بقى مش قادر اتحمل أكتر من كدا وانا بتخيلك كل يوم فـ حضنه وانا قاعد لوحدى
سيلين:: بنرفزة..وبعدين معاك يا رأفت انت مش بتزهق بقى من الكلام ده
رأفت::لأ مش بزهق يا سيلين لانك المفروض كنتى تبقى فـ حضنى انا مش هو .. بس انتى زى ما قولتى عجبتك اللعبة و أتراهنتى ع عابد وأخدتيه من حلم كان المفروض ما تكمليش وتوصلى للجواز
سيلين:: واللعبة كبرت منى و ماعرفتش اوقفها أعمل ايه ..عايزنى اطلق يعنى
رأفت::نو بيبى خليكى مراته وحبيبتى فـ نفس الوقت
سيلين::انت أكيد مجنون..مش ممكن
رأفت::بخبث..سيلو انا بحبك وانتى بتحبينى ايه اللى يمنع بقى
سيلين::اللى يمنع انى متجوزة وعابد مش سهل وكمان مركز بابى
رأفت::سيلو حبيبتى احنا مع بعض من قبل عابد ولا نسيتى الورقتين العرفى
سيلين::أنت قطعتهم قدامى يا رأفت
رأفت::حبيبتى انا فعلا قطعتهم..بس حقيقى مش عارف أعيش من غيرك..قابلينى مرة واحدة بس فـ شقتنا بجد وحشتينى
سيلين::بدلع..روڤى انت كمان وحشتنى بس أعمل ايه اخاف حد يشوفنى وانا معاك ويقول لـ بابى ولا عابد هتبقى كارثة
رأفت::تعالى انتى بس وما تخافيش ماحدش هيشوفك
سيلين::أيوا بس ازاى يا روڤى انا مش بخرج غير بحراسة
رأفت::قلبى قولى موافقة انتى بس وانا هظبطهالك ماشى
سيلين::حاضر يا حبيبى موافقة وشوية وسمعت صوت رجل عابد بيقرب من باب الاوضة وبهمس طب اقفل دلوقتي عابد جه سلام
عابد::دخل اوضة النوم شاف سيلين قعدة بطريقة مغرية.. وااااااو هو القمر نزل من السما و قاعد ع سريرى مستنى
سيلين::بدلع بودى وحشتنى
عابد::اه يانى ع بودى دى ..تعالى بقى لما اقولك موضوع مهم اوى
سيلين:: بمياصة..موضوع ايه
عابد:: موضوع..البيضة ولا الفرخة ههههههههههههه و………
مالناش دعوة احنا بقى يلا من هنا
___________________________
فـ المستشفى
بعد يومين أدهم قرر يروح يفاتح أمل ويعترف لها بحبه ويطلب منها تكلم أهلها انه هيتقدملها بس بعد فارس ما يخف و يقدر يروح معاه وهو خارج من مكتبه شاف
أمل::فـ حضن واحد وماسكة فيه جامد وبيبوسها فـ جبينها .. بدموع..حبيبى هتوحشنى أوى كنت خليك معايا شوية كمان
معاذ::غصب عنى يا قلبى ما أقدرش اتأخر أكتر من كدا
أمل::هتغيب كتير يا معاذ وانا محتاجاك جنبى
معاذ::حبيبتى لازم عشان أقدر أجهز نفسي و أفرش الشقة ولا مش عايزة تفرحى و تشوفينى عريس
أمل::بفرحة و أكون أحلى عروسة ونعمل فرح واحد كبييير ..بس برضوا هتوحشنى يا ميزو
معاذ:: أااااه يانى ياقلبك يا ميزو.. بتدوبى قلب ميزو بدلعك ده يا مولى و كدا مافيش سفر
أمل::بضحكة مكسورة..وماما تجرى ورانا بـ سـ لا حها المعتاد هههههههه
معاذ::يلا بقى يا روحى سيبينى أمشى بقى هتأخر ع الطيارة
أمل::بـ شهقات..خـ خـ لييك شـ شـ شوية كمان أنـ أنـ انا خايفة قلبى واجعنى ماتسافرش يا معاذ أرجوك يا حبيبى
معاذ::بحزن..ماتصعبيهاش عليا يا حبيبتى مش كل مرة هسافر تعملى كدا ..وبعدين ياقلبى انتى اهو دكتورة جميلة وناجحة و هتنشغلى عن ميزو حبيبك ..يلا بقى انا لازم أمشى خلينى اسمع عنك أخبار كويسة.. باسها فـ جبينها وايديها ولسة هيمشى
وفجأة أدهم بكل غضب
أدهم::اييييه ده يا دكتووورة ؟
أمل:: بخضة..ده ده يبقى….
أدهم::انتى هتهتهي.. الغراميات دى مش هنا يا أنسة..قصاد اللى رايح و اللى جاى
هنا مستشفى مش كباريه يا محترمة.. مفهووووم
امل::دكتو…..
معاذ::بمقاطعة..استنى انتى يا أمل..انت مين وبتكلمها كدا ليه و بصفتك ايه
أمل::بدموع وخوف..أرجوك يا معاذ أمشى عشان خاطرى
معاذ:: بزعيق..قولتلك استنى انتى ..و لـ أدهم ها ماقولتليش انت ميييين وبتتكلم كدا ليييييه
أدهم::بغضب أكبر ..أنا ابقى مدير المستشفى دى اوووه نسيت ..قصدى الكباريه اللى حضراتكم فاتحينه هنا
معاذ::حتى لو كنت مدير الزفت ده ..مش من حقك تغلط فيها بالشكل ده انت فاهم
أمل::أرجوك بقى يا معاذ أمشى عشان ما تتأخرش ع الطيارة ..وبصريخ لـ أدهم كفاية بقى أهانة لغاية كدا
معاذ::بعصبية مسك أدهم من ياقة البالطو و لسة هيـ ضـ ربه
أمل::بـ رجاء ..أرجوك يا معاذ سيبه وامشى ألحق طيارتك عشان خاطرى وكفاية كدا
معاذ:: بعصبية..انا مش ماشى من هنا غير لما أجيبلك حقك و أردلك كرامتك الاول
أدهم::بغيظ وغيرة..عايزاه يمشى ليه هااااا.. خايفة عليه اوى كدا ليييييييه. للدرجة دى مهم عندك ولا عشان بيحضن ويبوس عادى كدا عينى عينك..ع فكرة انا كمان ممكن أعمل اللى هو بيعمله ده و اكتر كمان
معاذ::ضربه بالقلم..أخرس يا حيواااااان
فارس::طلع بتعب ..أدهههههم و بعدييين
أمل::كفااااية بقى.. كفاااااية أهانة أكتر من كدا أنت اييييييه مش بنى أدم
أدهم::كفاية ليه يا محترمة هااااا كفاية ليييييه وجعك كلامى
معاذ:: كلامك معايا انا ..انت فاهم
فارس:: بنفاذ صبر من أخوه..أدهم وبعدين معاك يعنى.. ياريت لو سمحتوا اتفضلوا نتكلم فـ المكتب ماينفعش الكلام بالطريقة دى قصاد الناس ..وفعلا دخلوا المكتب..
أدهم::أدينى دخلت المكتب عايز تقول ايه فارس
فارس:: بهدوء..ممكن تهدى شوية وتسكت خالص ..ولـ معاذ اتفضل ارتاح يا استاذ و انتى يا دكتورة
معاذ::مش قبل ما أخد حق أختى من البنى أدم ده
أدهم::بصدمة.. أيييه أختك!!!
معاذ::بغضب..أه أختى اومال انت كنت فاكر ايييه يعنى
فارس:: بحدة…لـ أدهم..انا مش قولتلك أسكت ولـ معاذ.. اتفضل ارتاح وحقك و حق دكتورة أمل محفوظ
معاذ::ممكن أعرف حضرتك مين الاول
فارس::عقيد فارس المنصورى..أخوه
معاذ:: اممممم قولتلى بقى عقيد و هو دكتور وصاحب مستشفى عشان كدا ماشى يدوس ع خلق الله
فارس::بتوضيح ..الحكاية مش كدا خالص ثم انه مش صاحب المستشفى هو مديرها بس يعنى موظف بمرتب مش أكتر.. ثانيا أحنا عندنا أخوات بنات فـ سنها وأكيد اللى مش هنقبله ع أخواتنا مش هنقبله عليها
معاذ:: بسخرية..واضح جدا يا باشا بدليل ان أخو حضرتك فضح أختى و خلى سيرتها ع كل لسان
فارس::ممكن تهدى و تسمعنى وما تقاطعنيش ؟؟
معاذ::اتفضل سامع حضرتك.. عايز تقول ايه
فارس:: أدهم.. عمل كدا بدافع الغيرة لانه بيحب أمل و كان رايح لها عشان يعترفلها بحبه ويخليها تحددله ميعاد معاكم وطبعا شافكم مع بعض وبسبب كدا فقد السيطرة ع نفسه ..وقبل ما تتكلم انا مش بعفيه من الغلط.. بس انتوا كمان غلطانين قبل منه.. لانكم حطيتوا نفسكم فـ موضع الشبهات..
الرسول صلى الله عليه وسلم بيقول
(إن الحلال بيِّن وإن الحرام بين، وبينهما أمور مُشْتَبِهَاتٌ لا يعلمهن كثير من الناس، فمن اتقى الشُّبُهات فقد اسْتَبْرَأ لدينه وعرضه)
كان لازم تاخد بالك أكتر من كدا..
لان وارد حد تانى غير أدهم برضوا يشوفكم و يتكلم فـ السر عنها .. انت فعلا لو بتحب أختك بجد ماكنتش حطيتها فـ الموقف ده وكنت دخلت معاها مكتبها و سلمت عليها براحتك ..احنا فـ مجتمع شرقى وطبيعى اى حد يظن السوء طالما ما يعرفش علاقتك بيها ايه ..ولا كلامى غلط
معاذ::بندم.. انت عندك حق فـ كل كلمة قولتها يا فارس باشا ..انا فعلا من حبى الشديد ليها ما أخدتش بالى من حاجة زى كدا
فارس::طب ممكن نتصافى ونبدأ صفحة جديدة و لا ايه يا استاذ معاذ ..عشان تلحق طيارتك
معاذ::الرأى رأي أمل فـ الاول والاخر
أمل:: انا اسفة مش موافقة و ثوانى و استقالتى هتكون ع مكتبه ..يلا يا معاذ عشان تلحق وقتك ..وفعلا خرجت امل مع معاذ من المكتب و المستشفى كلها بعد ما الكل عرف الحقيقة و ان معاذ يبقى اخوها مش حد تانى
فارس::بنرفزة.. مالك يا أدهم انت من امتى و انت بتفقد السيطرة ع نفسك بالشكل ده
أدهم::بحزن..ما أستحملتش يا فارس أشوفها فـ حضن واحد تانى صدقنى ما قدرتش
فارس::الحد التاني ده طلع أخوها يا أدهم ..تقدر تقولى استفدت ايه من اللى انت عملته غير الفضيحة ليها وليك
أدهم::بقلق.. تفتكر لما تفهم مشاعرى هتسامحنى
أدهم::بدموع الندم..لو بعدت عنى أمـ و ت يا فارس
فارس::بحنان..يااااه للدرجة دى بتحبها
أدهم::وأكتر من كدا كمان..بس خلاص كل حاجة راحت وهتبعد عنى
فارس::بهدوء..بص يا أدهم شغلى علمنى الصبر وعلمنى أقـا تـل لغاية ما اوصل للى انا عايزه ..قـا تـ ل و حـا ر ب بكل قوتك علشان تسامحك وقتها هتفهم سبب عصبيتك و غيرتك وياريت تتعلم تتحكم فـ تصرفاتك و انفعلاتك أكتر من كدا..
أدهم:: اترمى فـ حضنه..حاضر يا فارس ..انا مش عارف لو انت مش موجود فـ حياتى كنت عملت ايه ربنا يخليك ليا يارب
فارس:: أااه ..حاسب يابنى .. طلعه من حضنه..و بهزار هتعمل كفتة لها العجب هههههههههه يلا بقى عايز اخرج من هنا شوف دكتور كمال فين يكتب لى خروج عايز اشوف نجوى وحشتنى
وفعلا بعد شوية د/كمال كتبله خروج وأخيرا هيرجع يشوف مامته و أخواته واللى شاغلة باله وتفكيره
بقلمى✍️_________________لبنى دراز
اااااااااااااااااه انا بيحصل فيا كدا لييييييييه تعبت بقى والله تعبت ياااااااااااارب
- يتبع الفصل التالي اضغط على (رواية العشق الابدي) اسم الرواية