رواية العشق الابدي كاملة بقلم لبنى دراز عبر مدونة دليل الروايات
رواية العشق الابدي الفصل الثاني عشر 12
فـ المزرعة
فارس كان راجع ع الڤيلا بعد ما سيف مشى و هو راجع سمع كلام حلم مع عم جاد وبعد ما مشيت حلم راح قعد جنبه
فارس:: بأبتسامة صافية .. ازيك يا عم جاد عامل ايه
عم جاد:: فارس باشا ..الحمدلله يا باشا بخير
فارس:: ممكن اقعد معاك شوية
عم جاد:: طبعا يا باشا ممكن اتفضل
فارس:: يا عم جاد بلاش باشا دى انا زى ابنك ولا مانفعش يعنى
عم جاد::يا خبر يابنى ده انا يزيدنى شرف والله
فارس:: قولى مالك شايفك كدا من بدرى قاعد مكانك
عم جاد::ابدا يابنى العضمة كبرت والصحة بقت ع القد ومافيش شغل النهاردة و الست حور الله يصلح حالها قالتلى خليك فـ البيت بس انا بقى قولت اجى يمكن يجى شغل ولا حاجة
فارس:: ربنا يديك الصحة ويبارك فـ عمرك يا عم جاد
عم جاد::تسلم يابنى ربنا يعزك
فارس::تسلم يا راجل بَركة .. احنا جيران فـ البيت وماعرفش ولادك احكيلى عنهم
عم جاد::انا يابنى ما عنديش غير عبير عروسة عندها 20 سنة جات بعد 15 سنة شوفت فيهم الويل انا وخالتك أم عبير من أهلى و أهلها عشان الخلفة واتحملنا لغاية ما ربنا كرمنا بـ عبير
فارس:: بضحك..شكلك بتحب ام عبير اوى انت
عم جاد::ياااااه بحبها بس دى حلم عمرى كله يابنى كنت ليل نهار رايح جاى فـ شارعهم من وهى عيلة بضفاير .. و أول ما كبرت بس و بقى عندها 16 سنة قولت لازم اتقدملها وأخطبها و الحمدلله عمرنا كله مازعلتنيش مرة.. ولا نيمتها فـ يوم معيطة
فارس::بيسمع عم جاد وصورة حلم قدام عينيه و شارد فيها و جواه معقول يجى اليوم اللى يقدر يقولها فيه انه بيحبها .
عم جاد::بس يابنى دى كل حكايتى
فارس::فاق من شروده وتقريبا ماسمعش نص كلام عم جاد..بس قاله و عبير بقى بتدرس ولا خلصت تعليم
عم جاد:: لسة فـ كلية هندسة فاضل لها سنتين و لسة مخطوبة من قريب.. و بحزن كنت متفق مع عريسها ع سنتين خطوبة منها تكون خلصت تعليمها و كمان أقدر أجهزها بس حماتها بقى الله يسامحها شكلها مالهاش غرض للجوازة وبتتلكك
فارس::بيسمع بأهتمام ..أزاى يعنى يا عم جاد مالهاش غرض
عم جاد::راحت لـ أم عبير البيت النهاردة وقالتلها كلام غريب كدا وغيّرت الاتفاق وانا مش عارف اعمل ايه يابنى والله
فارس::غيّرت الاتفاق من نفسها كدا ازاى.. هو مش ده كلام رجالة؟
عم جاد:: والله يابنى المفروض كلام العريس و أبوه بس شكل كدا ان الكلمة كلمتها و الشورى شورتها وعايزة تعمل الفرح أخر الشهر
فارس::طيب اقعد معاهم و أرفض الكلام ده
عم جاد:: بقلة حيلة.. محتار يابنى صدقنى لو رفضت هكـ سر قلب بنتى و لو وافقت ماعنديش اللى اقدر اجهزها بيه فـ أقل من شهر ده غير هيبقى فاضل شهرين ع امتحاناتها
فارس::أعتبرنى أبنك يا عم جاد و لو تحب ننزل أقابل الناس دول معاك ونتكلم معاهم نفهم دماغهم فيها ايه ..انا تحت أمرك اى وقت
عم جاد::ياريت يابنى.. بس الست حور قالتلى وحكى اللى حصل وبعدين قال وكمان مش عايز أتعبك وانت لسة راجع من السفر و تعبان
فارس::يا عم جاد مافيش تعب ولا حاجة اعتبرنى أبنك و عبير زى أختى
عم جاد::تشكر يابنى بجد مش عارف أقولك ايه انت و الست حور والله كلامكم ريح قلبى . ربنا يسعدكم و يهنيكم يارب
فارس::ضربات قلبه زادت وحس ان عم جاد بيقصد ان ربنا يسعدهم مع بعض ..أمين يارب يا عم جاد
_________________________
فـ النادى
فـ ملعب التنس سيلين بتتمرن و فجأة شافت
رأفت:: بيشاور لها ..هاى سيلو
سيلين:: شاورت له بالمضرب..هاى رأفت و كملت تمرينها..بعد شوية راحت و قعدت جنبه ..روڤى حبيبى مش اتفقنا اننا ما نتقابلش تانى
رأفت::سيلو بيبى وحشتينى و بعدين يا قلبى انتى ناسية انى عضو فـ النادى ما تقلقيش حبيبتى
سيلين::وبعدين معاك يا رأفت كدا هتخلى العيون تتفتح علينا و انا مش عايزة كدا بابى او عابد لو عرفوا هيحصل مشاكل كتير انا فـ غنى عنها
رأفت::خلاص يا روحى نتقابل فـ الشقة زى زمان
سيلين::رأفت أنا جيت مرة و قولتلك خلاص مش هنكررها ايه لازمتها بقى نتقابل تانى
رأفت::لانك بتوحشينى بيبى و مش عارف أعيش من غيرك ولا قادر أنساكى
سيلين::أنسى يا رأفت مش هكررها تانى خلاص
رأفت:: بخبث..أوك سيلو براحتك بيبى ..بس ممكن تقبلى منى الهدية البسيطة دى
سيلين:: هدية إيه دى
رأفت::هدية وداع يا روحى فيها أجمل ذكرياتنا اتفرجى عليها و قوليلى رأيك
سيلين::ذكريات ايه يا رأفت اللى بتتكلم عنها
رأفت:: قرب منها و بهمس جنب ودنها..ذكريات أجمل ليالى قضينها سوا فـ السرير يا عمرى .. و اتعدل بضحكة شر هاهاهاهاهاهاهاهاها وسابها مصدومة من اللى قاله و مشى
سيلين :: مشيّت وهى مش مستوعبة الكلام اللى قاله رأفت وصلت ڤيلتها و طلعت جرى ع أوضتها و شغلت الفلاشة و شافت اللى فيها و اتصلت بيه.. بنرفزة..الوووو
رأفت::بضحكة خبيثة..ههههههههههههه عجبك الفيديو يا بيبى؟ ايه رأيك أجنن مش كدا
سيلين::بغضب..انت أتجننت يا رأفت أزاى تعمل حاجة زى كدا ..ازاى تصورنا واحنا مع بعض بالشكل ده
رأفت::أهدى يا بيبى دى حاجة كدا بسيطة عشان لو فكرتى تغدرى بيا و ماتجيش وقت ما أعوزك.. ابعت نسخة لـ المغـ فل جوزك
سيلين::بدموع..بلييز يا رأفت أمسح الفيديو ده انت عارف بابى مركزه حساس جدا و كمان عابد مش سهل لو عرف حاجة زى كدا ده ممكن ….. و قطـ عت كلامها بدخول عابد وقفلت.المكالمة
عابد::بقلق..مالك سيلي حبيبتى بتعيطى ليه
سيلين::بتوتر..مـ مـ مافيش حـ حـ حاجة عينى بس وجعانى.. تقريبا كدا و انا فـ النادى حاجة دخلت فيها
عابد::بشك.. متأكدة
سيلين::بنرفزة..أيوا يا عابد متأكدة ..عاملى تحقيق عشان عينى وجعتنى شوية مش معقول كدا أوووف ..وسابته فـ الاوضة و نزلت تحت خرجت فـ الجنينة وهى مش عارفة تعمل ايه
عابد::لـ نفسه الموضوع ده ما يطمنش انا لازم أعرف مالها و فجأة شاف اللاب بتاعها مفتوح و كانت ناسية الفلاشة و شغلها وشاف.اللى فيها ..أه يااااااابنت الكلـ……….. صبرك عليااااااا
_____________________________
فـ شقة أم عبير
تانى يوم راحت حلم عند أم عبير علشان تطمنها ورنت جرس الباب
أم عبير::طالعة من المطبخ ..حاضر ياللى ع الباب جاية أهو..هو انا كنت واقفة ورا الباب يعنى و بتفتح
حلم::بهزار..ده انتى لو جاية من كولالمبور كان زمانك فتحتى من بدرى
أم عبير:: حور اتفضلى يابنتى تعالى.. معلش كنت فـ المطبخ بجهز الغدا ..استنى أعمل كوبايتين شاى واطفى ع الاكل وأجيلك
حلم::لأ تعالى ندخل المطبخ خلصى طبيخك وانا هعمل الشاى
ودخلت فعلا مع جارتها المطبخ
أم عبير::عمك جاد كلمنى امبارح وقالى ان
حلم::بمقاطعة..انا زعلانة منك ع فكرة
أم عبير:: يا ندامة.. ليه بس يا حور
حلم::بغيظ منها.. عشان قولتلك اى حاجة عبير تحتاجها كلمينى و عينى ليها ..ليه ما قولتيش ان حماتها الحربوءة دى غيرت الكلام؟
أم عبير::بحزن..والله يابنتى فاجئتنى بكلامها امبارح الصبح و مابقيتش عارفة أعمل ايه كلمت عمك جاد قال ما بـ اليد حيلة وكلمت أم مودى هتشوفلى جمعية
حلم::بمرح..طب والله عيب عليكى يا مزة تعملى جمعية من غيرى ..و بجدية .. شوفى بقى كل اللى عليكم فـ الجهاز هتنزلى من النهاردة و تشتريه و انسى خالص موضوع الجمعية ده و كلمى الولية الأرشانة دى تيجى عشان أربيهالك بالأدب
أم عبير::قبل ما ترد ع حلم رن تليفونها وكان جوزها ..بصت لـ حلم استنى أرد ع جاد
حلم::خلاص براحتك وانا هطلع اشرب الشاى برة وطلعت من المطبخ
أم عبير::ردت ع جاد الووو.. خير يا خويا فى ايه
عم جاد:: الوو يا أم عبير ..خير يا غالية ان شاء الله ..كلمى حمات بنتك تيجى النهاردة هى و المحروس ابنها و جوزها عشان نتكلم فـ موضوع الفرح
أم عبير:: حاضر يا جاد انا كنت لسة هعمل كدا من غير ما تقول
عم جاد::بنرفزة..ومن امتى بتعملى من نفسك حاجة يا ولية يا أم مخ مهوى انتى
أم عبير::يوه يا جاد مش انت متفق مع حور
عم جاد:: و حور مالها يا ولية باللى انا بقوله ده
أم عبير::ما هى لسة قايلالى الكلام ده حتى قالتلى هنزل اشترى كل الجهاز اللى ناقص من النهاردة
جاد::هى قالتلك كدا
أم عبير:: اه والله يا جاد
جاد::طيب بصى انا جاى النهاردة و معايا فارس باشا ربنا يكرمه لما عرف قال نقعد مع عريس عبير و أهله ونشوف دماغهم فيها ايه
أم عبير::خلاص هتصل بيها و اقولها ييجوا كلهم النهاردة المغرب ..و قفلت المكالمة مع عم جاد و طلعت قعدت مع حلم و اتصلت بحمات بنتها بلغتها انهم مستنينهم المغرب النهاردة و قفلت معاها
حلم::خلاص يا قمر هروح اخلص كام مشوار كدا و ارجعلك عشان اظبطهالك الولية دى ههههههه وفعلا مشيت حلم تخلص مشاويرها وعدى الوقت بسرعة و رجعت حلم بيتها تغيّر هدومها وتنزل عند أم عبير وبالفعل نزلت وخبطت
عبير::فتحت الباب ..حور وحشتينى عاملة ايه
حلم::من قبل ما تدخل قلبها بيدق جامد ومش عارفة ليه..و ردت بتوتر..انتى اكتر يا بيرو طمنينى عاملة ايه فـ كليتك
فارس::من جوة سامع صوتها و حاسس بقلبه هيخرج من بين ضلوعه و جواه حاول تهدى شوية و افتكر انت هنا ليه
عبير::تعالى ادخلى بابا جوة مستنيكى
حلم:: و هى داخلة الصالون.. طيب يا قمر فنجان القهوة الحلو بتاعك بقى اللى بيعدل المزا.. و قطعت كلامها لما شافت فارس.. حاولت تتحكم فـ انفعالها ع قد ما تقدر وترسم البرود وسلمت ع عم جاد وع فارس ..ازيك يا سيادة العقيد
فارس::مستغرب جمودها و برودها ليها كام يوم بس قال الله يسلمك وانتى ازيك
حلم::بنفس البرود انا تمام الحمدلله و بصت لـ عم جاد قولى بقى يا راجل يا طيب عايز الناس دى تتربى أزاى و انا أربيهملك
عم جاد::بغُلب ..مش عارف يا حور يابنتى انا بجد مش عارف
حلم::بجدية..بص يا عم جاد احنا نسمعهم الاول وبعد كدا سيبنى مني ليهم
فارس::بغيظ منها..وانتى ان شاء الله هتقعدى مع الرجالة ليه؟
حلم::برفعة حاجب وبرود ..وما اقعدش ليه ناقصة ايد ولا ناقصة رجل
فارس:: بعصبية..حووور بطلى استفزاز وياريت بقى نتكلم فـ الجد قبل الناس ماتيجى ..و لـ جاد..ياريت يا عم جاد لما الناس تيجى نقعد رجالة بس ومافيش اى واحدة ست تحضر القعدة دى
حلم::بغيظ منه لسة هترد ..كان الباب خبط والناس وصلت
أم عبير::بترحيب أهلا يا أم شادى اتفضلوا يا جماعة
شادى::أهلا بحضرتك يا طنط
أم شادى::بأبتسمة صفرا..أهلا يا حبيبتى.. خير وفقتوا ع الميعاد ولا هتفكوا الخطوبة و جواها يارب تتفشكل
حلم::بمكر..و نفسخ الخطوبة ليه يا طنط؟
أم شادى::بخبث..تكونوا لسة مجهّزتوش بنتكم
حلم::ومين قالك ان بنتنا مش جاهزة؟ انتى لو عايزة الفرح بكرة هتلاقى جهزها النهاردة فـ شقتها ان شاء الله
أبو شادى:: طيب ممكن نتكلم فـ الجد شوية
فارس::اتفضل ياحاجّ وانت يا أستاذ شادى و بغيظ من حلم..ياريت لو سمحتوا نقعد نتكلم رجالة بس
حلم::بنرفزة منه..يلا يا أم عبير نقعد جوة و ليا حساب بعدين
وفعلا دخلت هى وعبير و أمها و حماتها اوضة تانية غير الصالون
فـ الصالون
فارس::بأستفهام ..ممكن تقولى يا أستاذ شادى هو انتوا مش كنتوا متفقين ع سنتين ايه اللى حصل خلاكم جايين بعد كام شهر تقول عايز تتجوز و فـ اقل من شهر
شادى:: ممكن أعرف الاول مين حضرتك
عم جاد::ده العقيد فارس المنصورى جارى و زى ابنى
أبو شادى::بتوتر..و ماكانش قاعد ليه اول مرة
فارس::كنت مسافر و لسة راجع ممكن افهم بقى غيّرتوا كلامكم ليه
شادى::أصل انا جهزت وخلصت حاجتى
فارس::فـ ايه بقى ..تلوى دراع الراجل الطيب ده مش كدا
شادى::بهدوء..ابدا والله مش لوى دراع ..انا اصلا قولت من الاول انا بحب عبير و عايزها بشنطة هدومها
عم جاد:: و انا يابنى قولتلك لأ .. ادينى فرصة أجهزها و اوديها بكرامتها وكمان تخلص تعليمها وانت وافقت
فـ اوضة تانية
حلم::اسمعى بقى يا أم شادى الكلمتين دول
أم شادى::ماتتكلمى عدل يابت انتى ايه ام شادى دى
حلم:: بجدية..أسمعى يا أم شادى ..احنا هنوافق ع ميعادك بس بشروطنا أحنا .. وافقتى عليها خير و بركة ماوفقتيش يبقى انتوا اللى خسرانين قولتى ايه
فـ الصالون
شادى::شروط ايه دى يا استاذ
فارس:: أولا عبير هتفضل فـ تعليمها مهما حصل
فـ الناحية التانية
ام شادى:: هو احنا كنا هنمنعها من التعليم يعنى
حلم:: ماتقدريش واسمعى للاخر ماتقطعنيش
ام شادى::بغيظ منها..ماشى وثانيا
حلم:: ثانيا الشقة تتكتب بأسمها قولتى ايه
فـ الصالون
أبو شادى:: بس الشقة فـ بيتى يعنى كدا كدا بتاعتها
فارس:: والله ده اللى عندنا موافق يبقى خير مش موافق براحتك و ماعندناش بنات للجواز
أبو شادى::و ماله موافق فى حاجة تانى
فارس:: أه طبعا أهم حاجة القايمة و المؤخر و الشبكة
فـ الاوضة التانية
أم شادى:: مالهم دول كمان مش كفاية الشقة
حلم::ده حقها ..قولتى ايه
ام شادى:: متغاظة من حلم وجابت أخرها و جواها كـ سر حُقها بس تدخل البيت و اوريها
حلم::شيفاكى ساكتة يعنى
أم شادى::بغيظ مستنية تخلصى كلامك
حلم::تمام القايمة هتتكتب بـ 250 ألف جنيه والمؤاخر…
فـ الصالون
فارس:: 50 ألف والشبكة
فـ الاوضة التانية
حلم:: دى هدية العريس و قيمته مش هنتكلم فيها المهم انها تيجى وبس.. و أه عبير هتدخل البيت معززة مكرمة و هتفضل فـ شقتها مش هتنزل تخدم حد أخرها لو حبت تنزل ضيفة نص ساعة وتطلع
فـ الصالون
فارس:: و لو جات اشتكت بس منك يا شادى او من اى حد هيكون لى تصرف مش هيعجبك تمام
شادى::صدقنى دى فـ عينى ماتقلقش عليها
فـ الاوضة التانية
حلم:: أتمنى ما اقلقش يا أم شادى ..عشان لو قلقت انتوا اللى هتزعلوا
وبالفعل اتفقوا ع تحديد ميعاد الفرح بعد موافقة شادى وأهله ع شروط حلم و فارس اللى كانت بالظبط زى بعض كأنهم مرتبين سوا الكلام ومتفقين مع بعض عليه
وبعد ما شادى و أهله مشيوا
عم جاد::بفرحة.. مبروك يا عبير يا بنتى ربنا يتمملك بخير ..أما فارس ده غسلهم وهما قاعدين
أم عبير:: ولا حور يا جاد خلت الولية وشها جاب الوان ..صحيح صدق المثل اللى بيقول اللى مالوش كبير بيشتريله كبير
عبير:: بجد يا بابا حور جننت حماتى انا حسيت انها شوية وهتقوم تطلع نـ ا ر من بؤقها و ودانها ههههههههههه ..بس يا ماما هى ايه الشنطة اللى أديتهالك دى
أم عبير::دى فلوس يابنتى عشان جهازك الله يكرمها و يوسع عليها
عم جاد::تصدقى يا عبير يابنتى انتى رزقك واسع سبحان الله حتى فارس ادانى مبلغ كبير و قالى ده هدية عبير هاتلها كل اللى فـ نفسها
أم عبير:: ربنا كريم يا أبو عبير ماحبش يكسرنا وجبر بخاطرنا
عبير:: أنتوا عارفين ان حور و فارس لايقين ع بعض اوى ..ياريت يتجوزوا
عم جاد::فعلا يابنتى و تحسى دماغهم واحدة ربنا يسعدهم لو ليهم نصيب فـ بعض
_________________________
فـ جنة حلم
بعد ما خلص الاتفاق مع أهل شادى طلعت حلم غيّرت هدومها وطلعت فوق السطوح جنتها تسقى الورد والزرع و دخلت الچيم الخاص بيها تفرغ غضبها وغيظها من فارس فيه و فـ نفس الوقت طلع فارس السطوح و مايعرفش انها موجودة و شوية وخرجت حلم من اوضة الچيم بتاعتها و شافت
فارس:: واقف ساند ضهره ع سور البلكونةو إيده فـ جيوبه و عينيه ع أوضتها .. أسف ما كنتش أعرف انك هنا
حلم::بجمود .. عادى و لا يهمك و سابته و لسة هتنزل
فارس:: حور
حلم::رفعت عينها بصت له من غير ولا كلمة
فارس::ممكن نشرب قهوة مع بعض و اتكلم معاكى شوية؟
حلم::ببرود .. تقدر تقول اللى عندك و مافيش داعى للقهوة
فارس:: طيب انا كنت حابب اعتذرلك بالنيابة عن أدهم و….
حلم:: بمقاطعة .. مافيش داعى للأعتذار .. انا نسيت اللى حصل ..بعد أذنك و سابته ونزلت و هى حاسة ان الهوا خلص من حواليها بسبب ضربات قلبها الزايدة.
تباً لك أيها القلب عندما تراه تظل تخفق بشدة بين أضلعى تريد التحرر مني كى تحلق فى سماءه و هو لا يعلم ما تكنه له من عشق دافين
_________________________
فـ مكتب فارس
تانى يوم الصبح راح فارس القطاع و دخل مكتبه بتعب و قابله
سيف::بأندهاش ..فارس ايه جابك يا ابنى وانت لسة تعبان
فارس::جاى اشوفكم واقعد معاكم شوية
سيف::تشرف يا عم اهلا بيك ..أميين
أمين:: دخل و أدى التحية..تمام يافندم
فارس:: القهوة المظبوطة بتاعتك يا أمين
أمين::تحت أمر حضرتك ..وخرج أمين وبعد شوية رجع بالقهوة
فارس::اومال فين هانى و ياسر
سيف::طلعوا مهمة خفيفة كدا
فارس::بحزن..عايز أزور أهل الشهيد مازن يا سيف
سيف::بنفس الحزن..حاضر بس شد حيلك الاول شوية وكمان هم حالتهم تهدى
فارس:: انت بتروح تطمن عليهم؟
سيف::رحت مرتين وفعلا حالة والدته و مراته صعبة جدا..
فارس::تمام انا همشى دلوقتي و شوية كدا كام يوم وتبقى خد لى ميعاد منهم عشان اقدر ازورهم
سيف::تمام..وبتوتر..فارس
فارس::اممم خير
سيف:: سألت عاليا ع طلبى
فارس:: بغيظ منه.. تفتكر ده مكان مناسب يعنى
سيف:: الله يا عم يعنى أكلمك فين يعنى
فارس::في بيت يا متخلف تيجى تتكلم فيه
سيف::بأستعجال..أمتى طيب بس
فارس:: انا النهاردة هكلمها ان شاء الله و يومين ونرجع البيت وتعال ماشى
سيف::حبيبى يا ابو الفوارس .. ماشى طبعا.. انا بايت اصلا ع بابكم من دلوقتي
فارس::بضحك..واقع اوى ههههههههههههه
سيف::روح يا شيخ يارب تتكعبل وتقع ع بوزك زيى كدا
ههههههههههههه
فارس::شرد فيها و جواه انا وقعت و اللى كان كان خلاص
سيف::بيتكلم و فارس مش سامع و بزعييق..ايييييه يا عمونا رُحت فييين
فارس::بخضة..بسم الله..مالك ياض بتزعق ليه
سيف::شكلك مش معايا يا كبير
فارس:: كنت بتقول ايه
سيف:: كنت بقول خدنى معاك و حيات عيالك اللى لسة ما تعرفش مين امهم اتغدا عندكم فـ المزرعة
فارس:: هى كانت مزرعة أبويا عشان أخدك فيها .. أنا ضيف كام يوم نقاهة و راجع تانى
سيف::بهمس لـ نفسه اه بس صاحبتها شكلها واقعة فيك لشوشتها
فارس:: برفعة حاجب..بتقول حاجة يا سيف
سيف::بأستسلام .. وبيشاور بـ إيده ☝لالالالالا ماحصلش يا باشا
فارس:: طب انا ماشى يلا سلام
وفعلا مشى فارس رجع المزرعة بعد ما خلص اتفاق عم جاد وكمان راح شغله شاف سيف وقعد معاه شوية
__________________________
فـ ڤيلا المزرعة
حلم رجعت الڤيلا أخر النهار بعد يوم طويل فـ المصنع و الارض و دخلت مكتبها مع حازم و الاء و قصي
حلم::بغضب..انا عااااايزة أعرف اللى حصل ده حصل ازااااااااى
قصي::صدقينى ما أعرفش.. ورق الصفقة عليه امضتك عشان كدا طلعنا انتاج المصنع كله
حلم::بصوتها كله.. انتوا هتجننونى اناااا مامضيتش ع اى ورق ولا عملت صفقات بأنتاج المصنع كله مرة واحدة
حازم::بهدوء..طيب ممكن تهدى عشان نعرف نفكر مع بعض
الاء::ايوا يا حلم أهدى شوية لو سمحتى أرجوكى
حلم::بغضب أكبر ..ماحدش يقولى أهدى الكلمة دى بتعصبنى زيادة ..الانتاج اللى طلع ده بملايين انتوا فاهمين ..عارفين يعنى ايه ملايييين وانا مااتفقتش مع عابد ولا مضيت ع اى ورق .. يعنى فى حد داخل المصنع زور امضتى ..فى حد بيسرقنى
تطلعوا تنزلوا انتوا التلاتة وتعرفوا مييين اللى عمل كدا مفهووووووم
.
قصي:: خلاص حاضر تمام ومش هنرتاح الا لما نعرف مين ورا الموضوع ده
حلم::بعصبية و زعيق..قدامكم لـ بكرة الصبح ويكون اللى عمل كدا قدامى هنا هو و اللى اخد.منتجات المصنع
حازم::وده هنعرفه ازاى يا حلم
حلم:: حااااااااااازم مش قد الشغل سيبه للى يقدر يعمله انت فاااااهم انا مش هفضل اتابع كل حاجة بنفسى وانتوا قاعدين ع المكاتب تقبضوا وبس ..وانت يا استاذ قصي تراجع الكاميرات وتعرف مين دخل مكتبى لعب فـ الملفات والاوراق اللى فيه
قصي:: تمام
حازم::بزعل منها تحت امرك يا حلم هانم.
فـ نفس الوقت
داخل فارس شايف الكل قاعدين متوترين فـ الليڤنج أمينة و نجوى و ياسمين وعاليا وأدهم كان لسة داخل قبل منه
فارس:: السلام عليكم ورحمة الله
نجوى:: وعليكم السلام و رحمة الله وبركاته..حمد الله ع السلامة ياحبيبى
فارس::باس أيدها و راسها الله يسلمك يا حبيبتى..مالكم قاعدين كدا ليه خير
ياسمين:: بتوضيح .. حور فى حد زور امضتها وطلع انتاج المصنع كله لـ حساب واحد اسمه عابد الوزير ومن ساعة ما عرفت وهى هتتـ جـ نن
أمينة::بقلق وخوف..انا مش عارفة عابد ده عايز منها ايه مش سايبها فـ حالها ليه .. زى ما يكون عارف ومتأكد انها مالهاش حد يقف له ويوقفه عند حده
نجوى:: بس حور مش ضعيفة يا أمينة
أمينة::بحزن..مش ضعيفة بس لوحدها يا نجوى .. مهما كانت قوتها و عدد الناس اللى حواليها بنتى لوحدها
نجوى::عينيها ع فارس..حور مش لوحدها يا أمينة كلنا حواليها ..ولـ فارس ..مش كدا ولا ايه
فارس:: هز دماغه بمعنى أكيد حواليها وفعلا قام عشان يدخل المكتب و قبل ما يخبط ع الباب سمع
فـ المكتب
رن موبايل حلم وهى قاعدة مع حازم و الاء و قصي و ردت وكان
عابد::ههههههههههههههههه تعيشى وتاخدى غيرها يا لومى
حلم::من بين أسنانها..ان كنت فاكر انك بكدا قدرت تاخد اللى انت عايزه.. تبقى بتحلم يا عابد اللعب لسة فـ أوله والشاطر اللى يضحك فـ الاخر
عابد::بخبث..قولتلك نفتح صفحة جديدة وننسى اللى فات.. عملتى فيها الحارس الأمين ع مصلحة الشعب و رفضتى نتشارك ونصدر انتاج المصنع والنتيجة واحد/صفر لصالحى
حلم::لأ يا عابد كدا واحد/واحد ولا نسيت ؟ والجون الجاى انا اللى هجيبه وقريب أوى وبعدها هتبقى صفارة النهاية
عابد::بغيظ..دى حلاوة روح يا حلم ..عارف انك مد بـ وحة و بتفرفرى دلوقتي..وانا سايبك تتكلمى براحتك
حلم::بغضب جحيمى .. ماتستعجلش ع رزقك يا عابد و اوعى تفتكر انك هتفلت من تحت إيدى انت واللى ساعدك ..حضر كفـ نـك
وقفلت الفون من غير ماتسمع رده وبصوتها كله بدرررررررر
بدر:: دخل المكتب جرى ..تحت أمر حضرتك
حلم::نفذ
بدر:: اعتبريه حصل
حازم::بقلق ناوية ع ايه يا حلم
حلم::شاورت لـ بدر يمشى ..ولـ حازم هتعرف كل حاجة فـ وقتها ..ولنفسها موووتـ ك ع إيدى يا عاااابد وقريب قوى
وشوية والباب خبط
حلم::أدخل
فارس::السلام عليكم
كلهم وعليكم السلام و رحمة الله
حازم::اتفضل يا فارس باشا
فارس::أسف طبعا انى بتدخل بس سمعت صوت حور عالى وفهمت ان فى مشكلة ياريت لو ممكن تشركونى معاكم
قصي::فى حد زور أمضت استاذة حلم ع ورق صفقة بملايين لـ صالح عابد الوزير
فارس::بتذكر..عابد..مش ده اللى جه من حوالى 3 او 4 شهور تقريبا واتهجم ع المزرعة
حازم::أيوا هو..حاطط حلم فـ دماغه وعايزها بأى شكل
انا(ياريتك مانطقت يا حازم)
فارس::بغضب.. نعععمممم يعنننى ايييييه عااااايزها بأى شكل ممكن اففههههم
حلم::استغربت غضبه بس ساكتة من وقت ما دخل وحاسة المكتب بيضيق عليها ومش قادرة تتنفس
حازم::استغرب غضب فارس.. وقال قصدى عايز يشاركها فـ الشغل بأى طريقة..مش قصدى حاجة تانية صدقنى
فارس::بيتنفس غيظ.. طيب ممكن أعرف كل اللى حصل و بالتفصيل
حازم والاء:: ابتدوا يحكوا كل حاجة من وقت ما عابد راح المصنع بحجة فتح صفحة جديدة لغاية اللحظة اللى هم فيها دلوقتي
فارس::تمام ممكن تسيبولى الموضوع ده وانا هحله ان شاء الله
__________________________
فـ شركة عابد
بعد ماقفل و هو بيضحك انه قدر ياخد انتاج مصنع حلم
عابد::لـ نفسه أخيرا قدرت
أكـ سر ك يا حلم يا بنت الرشيدي ولسة الباقية تأتى عشان تبقى تتحدينى كويس
مروة::السكرتيرة خبطت ودخلت وبمياصة بودى فى واحدة مستنية برة
عابد::بسعادة..وماله خليها تتفضل ياقمر النهاردة انا متاح لـ أى واحدة ههههههههههههه
مروة:: بغيظ.. يا سلام يا سى عابد يعنى ايه بقى الكلام ده
عابد::بخبث..انتى اللى فـ القلب ياقلبى ..والباقى شغل مصالح يا حياتى..يلا بقى روحى و دخليها
مروة::مسكته من ياقة قميصه عارف لو عينك زاغت كدا و لا إيدك سرحت كدا هعمل فيك ايه؟ وشاورت بإيدها ع رقبته بمعنى هد بـ حـ ك و سابته و اتلفتت عشان تخرج
عابد::بصلها بضحك..أحبك يا شرس ههههههههههه ..وبعد شوية الباب خبط
عابد:: اتفضلى
عزة:: بسعادة..مساء الخير
عابد:: مساء الورد عزة هانم
عزة:: طمنى يا باشا ايه الاخبار
عابد:: كله فـ الجون يا قمر
عزة:: باقى حسابى يا باشا
عابد::بس كدا و بيكتب لها الشيك ..اتفضلى ياقمر باقى حسابك وعليهم بوسة
عزة::اخدت الشيك و وقفت عشان تمشى ..كدا تمام يا عابد بيه و زى ما اتفقنا لا شوفتك و لا شوفتنى سلام يا باشا
عابد::بمكر قام و بيحاول يقرب منها..بدرى كدا.. ما تقعدى تشربى حاجة
عزة::بدلع بتبعد..تؤتؤتؤ ما اتفقناش ع كدا ..تتعب ..سلام ياااا باشا ههههههههههه
عابد::رجع قعد مكانه و أفتكر
“فلاش باك”
عابد::بغيظ وعصبية.. يا انا يا انتى يا بنت الرشيدي ان ما ذلـ يتك مابقاش عابد
عزة::بتجرى بسرعة وراه ..و اللى يخليك تكـ سر ها
عابد::انتى بتكلمينى انا
عزة:: انت مش عايز تذ ل حلم؟
عابد::بـ غل انا نفسى أجيب مناخيرها الارض و أخليها تيجى تترجانى أرحمها و أتفرج عليها وهى مكـ سو رة
عزة:: مش بالساهل كدا.. حلم صعب تكـ سر ها
عابد::بغيظ منها انتى عايزة ايه بالظبط
عزة::تدفع كام وأخليك تعمل اللى فـ نفسك و تاخد منها منتجات مصنعها كله والمزرعة لو حبيت
عابد::بشرود أدفع نص عمرى و أشوفها راكعة تحت رجلى
عزة:: ما ينفعنيش يا باشا
عابد:: مليون جنيه
عزة::تؤتؤ 4 مليون ..2 دلوقتي و 2 لما تاخد الصفقة قولت ايه
عابد:: و انا ايه يضمن لى كلامك ثم انتى مين
عزة:: انا مين ما يخصكش و ايه يضمنلك مافيش غير كلمتى عجبك كلامى قول اشتريت ماعجبكش ولا كأنك شوفتنى
عابد:: بعد تفكير ثوانى..بص ليها اشتريت يا قمر..هههههههه شكلك بتحبيها اوى
عزة:: من بين أسنانها اوى اوى لدرجة ما تتخيلهاش
عابد::تمام موافق
“عودة للوقت الحالى”
ههههههههههههه طلعتى قد كلمتك يا عزة يااااه بقى لما تعرف حلم ان اللى باعتها ليا تبقى مرات أخوها
__________________________
فـ ڤيلا المزرعة
رجع بدر بعد حوالى ساعتين و كانت حلم قاعدة فـ مكتبها مستنية دخلت
فاطمة::بدر برة يا أنسة حلم
حلم:: دخليه بسرعة مستنية ايه
فاطمة:: حاضر ..خرجت فاطمة و سمحت لـ بدر يدخل
حلم:: عملت ايه
بدر:: حصل يا هانم و الامانة فـ الحفظ و الصون
حلم::بهدوء..برافوا عليك يا بدر
بدر:: خدامك الامين يا هانم وتحت امرك اى وقت
حلم::بتواضع .. مااسمهاش خدامك يا بدر اسمها بتساعدنى أسترد حقى ثم لو قولت هانم دى تانى هزعلك
بدر::برضا.. وانا ما يخلصنيش زعلك يا استاذة حلم ..بس هعمل ايه فـ الامانة
حلم::سيبها يومين تستوى لوحدها ..بس اكرمها اخر كرم
بدر:: تمام يافندم علم وجارى التنفيذ ..استأذن انا
حلم::شاورت له يخرج ..و ضحكت بكل قوتها هههههههههههههههههههه ..الجون الجاى من نصيبى انا يا عابد و تايم أوت
فارس وحازم والاء و قصي قاعدين مش فاهمين حاجة
فارس::بغيرة انها بتضحك بالطريقة دى قصاد حازم و قصي..ممكن أفهم الانسة بتضحك كدا ليييه وأمانة ايه اللى بتكلمى الاخ ده عنها
حلم::برفعة حاجب ..يهمك تعرف؟
فارس:: بغيظ منها.. أكيد يهمنى واتمنى ما تكونيش بتورطى نفسك فـ حاجة
حلم::وهى بتقف و بتبعد عن المكتب بعدين يا حازم ..بعدين هتفهم كل حاجة .. دلوقتى انا عايزة ارتاح شوية
و بالفعل خرجت من المكتب و خرج وراها حازم والاء ..و قصي اتأخر شوية وقال
قصي::بتوتر .. لو سمحت يا فارس باشا ممكن كلمة
فارس::بغيظ.. خير فى حاجة
قصي:: كنت عايز بس من حضرتك ميعاد أجيب و الدى و والدتى و نقابل سيادتك
فارس::فهم قصد قصي بس عايز يتاكد.. بخصوص ايه
قصي:: بخصوص الانسة ياسمين لو مافيش عند سيادتك مانع
فارس::بمكر..مالها ياسمين انطق
قصي:: بقلق ..مالهاش والله دى زى الفل انا بس كنت بقول يعنى انى بحبـ ..قصدى يعنى انى مش هلاقى فـ أخلاقها وكنت عايز اتقدملها لو مافيش مانع يعنى
فارس::برفعة حاجب ..امممممم بقى عايز تتقدملها
قصي::والله يا باشا لو مش موافق اعتبرنى ما شوفتهاش اصلا
فارس::والله الرأى رأيها هى أسألها الاول موافقة ولا لأ وبعدين أرد عليك ..عن أذنك و سابه وخرج من المكتب وقعد فـ الليڤنج مع أدهم يبلغه بطلب قصي وسيف
بقلمى✍️_________________لبنى دراز
الدكتور:: البقاء لله
&:: لااااااااااااااااااااااا
- يتبع الفصل التالي اضغط على (رواية العشق الابدي) اسم الرواية