رواية بريق حياه (كامله جميع الفصول) حصريا عبر دليل الروايات بقلم نرمين قدري
رواية بريق حياه الفصل الثاني عشر 12
قال شادي وهو يجلس ويضع قدم فوق الأخري : عاوز سلامتك يا ميزو انا بس كنت جاي اشوفك وحشني قوي يا ميزو
ضغط حمزة علي أسنانه بشده دليل علي شده غضبة وقال : انا زفت كويس منا لسة سايبك برا لحقت اوحشك امتي قوم فز من مكانك
في هذه الأثناء انتهت نورين من ربط حذائها وقالت وهي تستعد الرحيل : استأذن انا و حاجي علي معاد الاجتماع عن اذنكم خرجت وغلقت الباب خلفها
و بحركة مفاجأة جلس حمزة علي المكتب و شال شادي من ملابسه كاد أن يخنقة
حمزة بغضب: يا بارد يا رخم ده بزمتك وقت تخش فيه و انا مقلتلكش تخش بتخش ليه ولا هي رخامة عندكم وراثة
دخل عليهم حازم وبرق بعينية وجري علي شادي وقال له وهو يضع يده في جيبه
اده اده في ايه شكلك عملت حاجة كبيرة تستاهل
نظر له شادي من تحت يد حمزة وقال:خلصني منه يا ياد حيموتني في ايده
قال له حازم وهو يصفر: اخلصك من مين انت مجنون يابني ده هولاكوا هو العمر بعزقه
التفت إليه حمزة وهو غاضب وترك شادي ومسك حازم ؛ انا بقي حوريك هولاكوا حيعمل فيكم ايه انتم الاتنين
اتعدل شادي وبداء يعدل ملابسة ونظر لحازم : احسن تستاهل شوف مين بقي حيخلصك من ايده بقي
اتعدل حمزة وقال الكلام ليكم انتم الاتنين والثلاث الهيمان اللي سارح ورا خطبته من مكتب لمكتب
ثم رفع اصبعه محذرا اياكم ثم اياكم سمعين اي جحش من هنا ورايح يخبط عليا و يدخل من غير ما تهبب و اقول ادخل مافهوم علله حد فيكم ما بنفذش
أطلق حازم صافره طويلة وقال: اوبااا و غمز لشادي هو هولاكو اتقفش متلبس ولا ايه
جلس شادي وقال: مش بلظبط حاجة شبه كده
وقف حمزة وقال وهو يرفع يده : برا يلا منك له و ماشتفش وشكم غير علي الاجتماع و ما تنسوش تشوفوا النحنوح التالت فين عندنا شغل مهم اخلصوا
خرج كلا من حازم وشادي وعلى وجههم ابتسامة حب
جلس حمزة يهدء من روعة وماسك الهاتف المحمول واتصل برقم وقال: أيوة يا سعيد إيه الاخبار قدرت توصل لحاجة
قال الطرف الآخر: لاء لسة يا بيه
استشاط حمزة وقال بصوت حاد مفزع : هو ايه اللي لسة هي معادلة كميا انت حتروح المسرح و حتسأل العمال بطريقة غير مباشرة. عن راقصة اسمها نورين ومين من البنات كانت بتكرها وعن تفاصيل الحادث وأية اللي حصل يومها ومين من العمال اللي كان موجود اليوم ده واكيد في كاميرات مراقبة خلصت مافيهاش كلام يا سعيد صعبة دي
قال الطرف الآخر: منا عملت كده بس العمال كلهم اول ما بتيجي سيرة الأنسه نورين الجو بيتكهرب و بيخافوا و عاوزين يمشوا وبالنسبة لكاميرات المراقبة الشرطة اطلعت عليها وكان اليوم ده ممسوح كله منها وكأنه مجاش اصلا
قال حمزة وهو يستعد لمغادرة المكتب:. اه تبقي الحكاية زي ما توقعت مدبرة تمام يا سعيد خليك ورا الموضوع وانا حتصرف بردوا
في هذا الأثناء كان قد بداء الموظفين. الذي لم يذكر أسماءهم يغادرون الشركة
وقفت نورين في شرفة المكتب تحتسي قدح من القهوه وهي مركزه في شارع وفجاءة فتحت فاها علي الاخر ونزلت الكوب من علية
دققت النظر جيدا وهي غير مصدقة لما يحدث
كانت نجلا وقفة ننظر أحدا ما وهي تنظر لساعة يدها و وفقت سيارة سلمت نجلا علي ما بداخلها وركبت معاها وما كانت داخل السيارة سوي فرح عدوتها اللدود وهي علي يقين تام أن لها يد فيما حدث
استوووب
فرح فتاه من عائلة ثرية دائما تحصل علي كل ما تريد دون التفكير في الغير
وقفت نورين غير مستوعبة ما يحدث أمامها اهي حقا فرح ام خيلها يصور لها هذا ولكن زاد تأكيدها عندما نزلت فرح من السيارة تنظر علي اطارات السيارات من الخارج وركبت وانطلقت بالسيارة
استعادت نورين رباط جأشها وبلعت ريقها بصعوبة وكأن الحادث يحصل أمامها من جديد استعاده كل ذكريات الماضي المؤلمة وكان ظهور فرح بمثابة القشة التي قسمت ظهر البعير.
نظرت نورين لساعة يدها و صرخت فجاءة : يالهوي الاجتماع
تركت نورين الكوب علي مكتبها و اخذت الملف الموضع علي المكتب وجرت مسرعة غير مباليه بآلام في قدميها
دخلت حجرة الاجتماعات و تنفست الصعداء كان حمزة لم يصل بعد
لمحها حازم وابتسم و شاور لها أن تأتي
ذهبت نورين حيث يجلس حازم ومالت عليه وقالت بهمس: اوف انا قلبي وقع في رجلي قلت هولاكو جه و انا راحت عليا
قال حازم وهو يضحك : اه يا بنتي هو الجبن سيد الاخلاق اه بس مش لدرجة
قالت له نورين : عيب عليك جبن ايه بس انا بقي منظري ياكي خالص كل شوية يزعقلي بسبب التأخير
دخل حمزة من الباب و لمحها وهي وقفة وتميل ناحية حازم و يضحكوا في همس مر من جانبها دون أن يتحدث وقال بصوت حاد: الكل مكانه مافيش وقت يضيع اكتر من كده في المحادثات جانبية وياريت اللي عاوز يتكلم يتفضل ينسحب من الاجتماع انا معنديش وقت يضيع خالص انهاردة كل دقيقة ليها تمنها انا اتفقت مع العميل علي معاد التسليم تأخير دقيقة مش حسمح بيه الالتزام ثم الالتزام انا مش حتهاون مع اي حد حيشارك في المشروع ومن دلوقتي بقول اللي شايف نفسة مش حيقدر يلتزم يقول من دلوقتي علشان انا مش حرحم اي حد حيقصر في الشغل واظن الكل عارفني ببقي عامل ازي وانا شغال في أي مشروع و بالذات المشروع ده حينقل الشركة في حتة تانبة خالص علشان كده بعيد كلامي اللي شايف نفسة مش قدها يقول علشان محدش يرجع يزعل من رد فعلي حكون عنيف اكتر ما تتخيلوا مع الكل
تمام حد عنده اي استفسار علي اي حاجة اظن كل حاجة تخص المشروع ناقشناها الصبح مع العميل ودلوقتي حقسم الشغل عليكم وبداء بقسم الشغل علي المهندسين علي حسب الجزء اللي تم رسمه في الورق
انتهي حمزه من تقييم الادور ولكنه لاحظ شرود نورين من اول الاجتماع وكأنها سرحت بخيالها بعيد عنهم قام حمزة من مكانه وقال تمام يا باش مهندسين تقدروا تروحوا ثم التفت اللي نورين وقال :آنسه نورين عاوزك في مكتبي شوية من فضلك
اومأت نورين برأسها موافقة وذهبت معه دون أن تتفوه بأي كلمة
دخل حمزة مكتبه وجلس علي كرسيه في انتظار دخولها خلفة
دخلت نورين ببطء متناهي وكان شعور العجز عاد من جديد
نظر لها حمزة و استعجب من طريقتها وكان الزمن رجع بيها مرة أخري وتوقف عند أحساسها بالعجز مرة أخري
قال حمزة. وهو يتكاء علي المكتب: في ايه يا نوري أنتي ما كونيش معانا خالص في الاجتماع و انا بتكلم ايه اللي حصل وغير مزاجك كده . لما كنتي هنا قبل الاجتماع كان مزاجك احسن ايه حصل
قالت له نورين وهي تنظر في لا شيء : أتصدق بالله الدنيا دي صغيرة قوي و اضيق من خرم ابره
كشر حمزه عن أنيابه وهو يستطيع أن يركز في كلامها : لاء مش فاهم ممكن توضحي قاصدك ايه
قالت نورين وهي تنظر إليه: انا كنت خارجة من المكتب عندك وانا كلي طاقة و حاسة أن الدنيا رجعت تضحك ليا تاني بجد لما رقصت و حاسيت أن العجز مش نهايا لاء دي بداية طريق جديد ارتحت لكن دائما القدر مش عاوزني فرحانه
اتعدل حمزة وقال باهتمام : هو ايه اللي حصل لكل ده
قالت نورين وكأنها تسترجع الماضي بكل قسوة : انا قلت اشرب قهوة لحد معاد الاجتماع فتحت شباك المكتب قلت اشم هوا وشفت اخر حاجة ممكن أتوقعها
قال حمزة بفصول : شوفتي ايه يا نوري اخلصي قلقتيني
قالت نورين يشبه ابتسامة : تخيل شوفت نجلا واقفة مستنية عربية تاخدها من تحت المكتب
حمزه بعدم اكتراث: وايه يعني تركب مع اللي عاوزة تركب معاه احنا ايه دخلنا انا مش فاهم
قالت نورين بعصبية: لاء دخلنا لما تركب عربية مع اكتر حد بيكرهني يبقي دخلنا لما تركب مع اللي أذتني و اتسببت أن اعيش معاقا باقي عمري يبقي دخلنا
قام حمزة وقف وظهر علي وجه علامات الاندهاش وقال باهتمام : لاء واحده واحده كده واحكيلي بالتفصيل في ايه علشان انا مخي بداء يتوه منك
جلست نورين وبدأت تقص عليه كل تفاصيل القصة كاملة من اول إعجابها بوليد اللي أن تم الحادث ومقابلة نجلا مع فرح
استمع حمزة لقصتها كاملة وهو يغلي من داخلة من الغيرة من وليد
•تابع الفصل التالي "رواية بريق حياه" اضغط على اسم الرواية