رواية حب غير مقصود كاملة بقلم منة عبر مدونة دليل الروايات
رواية حب غير مقصود الفصل الثاني عشر 12
بعد ما ياسر مشى كنت هطلع تاني الشقه لكن لمحت طنط فاتن قعده ع الارض بتعيط جريت عليها بقلق: طنط فاتن مالك ف اي.
فاتن بعياط: ابني يااااااسر.
حضنتها : ممكن بس حضرتك تهدي وانا اوعدك ان كل حاجه هتبقا تمام.
فاتن : انا مش قادره اصدق ان ابني يعمل كده.. ابوس ع ايدك ي بنتي تسامحيه.. الظاهر ان تعبي ف تربيته راح ف الفاضي
: طنط انا عايزاكي تنسي اي حاجه انتي سمعتيها و اوعي تزعلي من ياسر.. ياسر بجد عرف غلطه و هو اكيد محتاجك جنبه.. وانا عايزاكي تساعديني علشان شريف يسامحه.
فاتن : ياسر خاين.. خان اخوه و غلط ف حقك كتير وانتي عادي.
: لا مش عادي.. انا كنت زعلانه ومكنتش مسمحاه.. بس هو فاق من الغفله اللي كان فيها..
فاتن : بس بردو.
فاتن : ياسر وشريف ولادك وانتي مش هتعرفي تعيشي من غير واحد فيهم.. و هما بردو ميقدروش يعيشوا من غير بعض.. شريف رغم جموده بس هو حقيقي محتاج ياسر جنبه.. هتساعديني نصلح كل حاجه تاني.
فاتن : معاكي حق ي بنتي.. و انا هساعدك.
: حصنتها.. ربنا يديمك ف حياتنا، يلا بقا انا ماما فوق فاتها بتقول عليا خلعت وسبتهم.
فاتن : ربنا يصلح حالك ي بنتي.. طيب اطلعي وانا هخلص تجهيز الاكل و هجيبه..
: ماشي ي حبيبتي..
فاتن دخلت وهي بتفكر ازاي ابنها يفكر ويتصرف كده ده بالنسبه ليها صدمه…
بعد ما طلعت ساعدتهم ف فرش الشقه وطنط فاتن طلعت الاكل واكلنا..
وبعد شوية وقت وكنا خلاص بنقفل الشقه وهنمشي لقيت شريف رجع..
: شريف كنت فين بتصل عليك مش بترد.
شريف : معلش فوني كان صامت..
: حصل خير المهم انك كويس.
شريف : انتم خلصتوا ولا اي محتاجين حاجه.
: لا ماما بتقول كله تمام والوقتي احنا هنمشي..
شريف : تمام.. الحمدلله ان كل حاجه تمام.
: شريف.. طنط فاتن عرفت.
شريف : عرفت اي اوعى تقولي انها عرفت باللي ياسر عمله.
هزيت راسي : للاسف سمعتنا واحنا بنتكلم ع السلم.. بس متقلقش انا اتكلمت معاها و عرفت انه عرف غلطه.. اعبال ما تفهم كده انت كمان.
شريف مسح ع وشه : خلاص ي نسمه الكلام ملهوش لزمه يلا اوصلكم لحد البيت.
خرجت هدى : لا ي بني خليك اهو البيت لازق ف البيت اصلا هنروح احنا عادي..
شريف : همشي معاكم هيكون افضل.
هدى : اللي يريحك ي بني..
الكل مشى.. وشريف وصلهم لحد البيت ورجع تاني.
_____
ياسر راح قعد مع عادل وقاله ع اللي حصل..
عادل بفرحه : طب كويس بما انه نسمه سامحتك يبقا شريف كمان هيسامحك.
ياسر : انت شايف كده.
عادل : ايوه طبعا.. هي بسهوله هتقدر تقنعه انه يسامحك.. وانت بقا تخليه فعلا يشوف انك اتغيرت..
ياسر: ان شاء الله.. وشكرا ي صحبي ع وقفتك معايا..
عادل : الشكرلله.. انا معملتش حاجه يلا نقوم نصلي العصر مع بعض.
ياسر : يلا.
______
عند عمرو..
عمرو بيكلم شهد ف الفون ومتعصب.
عمرو : يا بت متخلنيش اتجنن عليكي.. مش انا قولت مفيش طلوع رحله لوحدك..
شهد : ي عمرو مين قالك اني لوحدي ما صحابي اللي ف الجامعه معايا وكمان دي رحله تبع الجامعه فاكيد هيبقا معانا دكاتره..
عمرو : ومالك ي بت بتتكلم عن الدكاتره ع انهم اخواتك.. بصي ي شهد قُصر الموضوع مفيش رحلات..
شهد : يووووه بقا ي عمرو والله هعيط.. انا بجد نفسي اروح اوي ما الكل هيروح اشمعنا انا..
عمرو : اقنعي ابوكي اننا نكتب الكتاب قبل الرحله وانا اجي معاكي.
شهد : ما انت عارف انهم مش هيوافقوا..
عمرو : وانا كمان مش موافق ع الرحله..
شهد حست ان معتش ف امل من الكلام معاه واتكلمت بزعل: خلاص يا عمرو مش عايزه اروح ف حته..
عمرو : ي بت انت زعلتي بدل ما تكوني فرحانه اني بخاف عليكي ومستحيل اضحي بيكي..
شهد : لا مزعلتش و اسفه اني ضيعت من وقتك.. سلام ماما بتنادي عليا.
عمرو : طب بصي.. اوعدك ان بعد فرح نسمه نطلع رحله يكون فيها اهلي واهلك كلنا وبكده تكوني انتي طلعتي رحله مع اهلك ومعايا وغير كده انا مطمن عليكي.. اي رايك.
شهد بتفكير : خلاص موافقه..
عمرو : يعني مش زعلانه.
شهد بابتسامه : لا مش زعلانه.
عمرو نفخ براحه : طب يلا ي مزه شوفي هتعملي اي وانا هروح اشوف امي لو ناقصها حاجه اجبهالها.
شهد : تمام.. سلام.
شهد قفلت مع عمرو وبترقص من الفرحه دخلت عليها دعاء وهي ماسكه طبق فاكهه : مالك ي هبله بترقصي كده ليه.
شهد بفرحه حضنت دعاء: انا فرحانه اوي.. عمرو قالي مش مهم اطلع الرحله اللي تبع الجامعه وهو بعد فرح نسمه هيطلعنا كلنا رحله..
دعاء : طب والله كويس.. تاكلي تفاح.
شهد : هاتي ي بنتي والله الواحد نفسه اتفتحت..
وقعدوا يتكلموا ويضحكوا مع بعض.
بعد مرور يومين كمان..
نسمه راحت هي وابتسام عند المصممه علشان يشوفوا الفساتين بتاعتهم..
المصممه: اتفضلي ده فستانك ي انسه ابتسام..
ابتسام مسكت الفستان ودخلت لبسته علشان تقيسه..
واخدت فستاني انا كمان ودخلت تقيسه بردو..
خرجت بفرحه : الله بجد.. الفستان بتاعك قمر عليكي ي ابتسام..
ابتسام بصه ع نسمه بانبهار: بسم الله ماشاء الله.. اللهم بارك بجد.. الفستان هياخد منك حته.. قمر اوي وتصميمه تحفه ومظبوط عليكي..
حضنتها بفرحه : بجد انتي اللي قمر اوي..
المصممه : بجد الفساتين قمر عليكم وانتم زودتوا من جمال التصميم..
وبعد وقت اخدنا الفساتين بتاعتنا ورجعنا البيت..
____
ايمن اخد عايده وريم ورحيم واشتروا كل حاجه تخص يوم الفرح.
و دعاء وشهد نزلوا بردو وصمموا فساتين شبه بعض..
والكل بيجهز للفرح بكل فرحه ولهفه..
شريف جاب البدله بتاعته.. وكل حاجه ماشيه تمام.
ياسر متردد ما بين انه يروح الفرح ولا لا..
عادل : يا بني بطل عبط.. ازاي متروحش يعني.. دي فرصه وجيالك ده اخوك لما يلاقيك حاضر وواقف جنبه وفرحان ليه ممكن ينسى كل الزعل..
ياسر بتردد : ما هو بردو ممكن يضايق ف اليوم ده وانا مش عايزه يضايق.. انت متعرفش هو كان مستني فرحه قد اي ده عاش بيحلم باليوم ده سنين وسنين..
عادل : وكان بيحلم انك تبقا واقف جنبه.. طب اقولك حاجه انا عازم نفسي ع الفرح ده.. رجلي ع رجلك ياض..
ياسر : اشطا وانا موافق اهو تبقا معايا.
عادل قام واقف : خلاص هبقا معاك اروح بقا اجيب طقم جديد اخر شياكه كده احضر بيه.. يمكن الاقي عروسه ولا حاجه..
ياسر : قوم امشي يا عادل.. قوم امشي انا ف اي وانت بتقول اي.
عادل : خلاص ي عم روق بقا وصدقني كل حاجه هتبقا احسن من الاول..
ياسر : ان شاء الله.
عادل قام يمشي وبعد ما وصل عند الباب رجع تاني : ياسر زي ما وعدتني انك هتبعد عن السجاير وتقرب من ربنا ومش هتفوت فرض.. وف كل صلاة ادعي ان ربنا يغفرلك وانه يهدي اخوك..
ياسر : يارب يا صاحبي..
قبل الفرح بيوم..
راحت هدى شقة نسمه وتممت ع كل حاجه وقفلتها تاني ورجعت البيت وكان البيت كله مليان بالحبايب اخوات هدى هبه و هنا موجودين والجيران و شهد. وعيلتها وكلهم متجمعين وعاملين هيصه ف البيت عند نسمه..
شريف رن ع نسمه وهي قامت ودخلت الاوضه لوحدها وردت : الووو..
شريف : بقولك اي ما تدخلي البلكونه..
استغربت وقولتله : البلكونه.. اشمعنا.
شريف : اطلعي بس.
طلعت البلكونه : خير ف اي.. وسمعته بيصفر بصوت عالي.. بصيت لتحت ولقيته واقف ف نص الشارع ومعاه دبدوب كبير اوي والدبدوب ماسك بين ايديه قلب و مكتوب عليه I Love you..
شريف بصوت عالي : بحبااااك.. وبكرا هتبقي نصي التاني مراتي النص الحلو اللي ف حياتي..
واقفه وباصه عليه بزهول وقولت بصوت واطي : اي الجنان ده.. ولما شوفت الدبدوب افتكرت..
فلاش باك..
كنا ماشين انا وابتسام وشريف ف السوق..
ابتسام : واو شوفي العروسه دي.
اتكلمت بابتسامه : شوفتي انتي الدبدوب اللي جنبها بجد كبير جدا وتحفه خطف قلبي..
ابتسام : شريف انا عايزه العروسه دي بليز..
شريف : بس كده حاضر ي ستي وجابلها العروسه وسال ع سعر الدبدوب و الفلوس اللي معاه مكنتش تكمل حقه حجزه ليها..
شريف : يلا علشان نمشي..
: اممم.. يلا.
بااااك…
ابتسمت بحب : وانا اللي كنت مفكره انه طنشني..
شريف : رفع الفون ع ودنه وشاورلها تكلمه ف الفون..
: اممم..
شريف : اممم. اي انا مش مصدق نفسي.. نسمه انا خايف.
: خايف؟! خايف ليه.
شريف : خايف تكوني مش بتحبيني.. او انتي مجبوره عليا.
: احم.. شريف انا لو مش عايزه اتجوزك مكنتش وافقت. وبعدين انا مكنتش رفضاك الموضوع بس اني كنت خايفه اخد خطوة مكنش قدها..
شريف بفرحة : هانت و تبقي مراتي قدام الكل.. بصي انا دلوقتي هحط الدبدوب ف الشقه وانزل احلق..
ابتسمت : ماشي سلام..
وقفلت….
عدى اليوم بدون احداث و اجى يوم الفرح🙈
قام شريف من النوم بكل نشاط..
فاتن ف اوضتها قعده تفكر اذا كان ياسر هيحضر ولا لا.. وجابت الفون واتصلت ع ياسر..
ياسر : السلام عليكم ورحمة الله وبركاته.. صباح الخير يا امي.
فاتن : وعليكم السلام ورحمة الله وبركاته.. صباح النور
ياسر : خير ي امي بتتصلي الوقتي ف حاجه حصلت.. محتاجه حاجه..
فاتن : لا ي ابني اطمن مفيش حاجه بس كنت عايزه اسالك احم..
ياسر فهم قصدها وحس بزعل ورد عليها : طبعا يا امي هحضر وهكون اول واحد كمان.. انا مقدرش افوت فرحة اخويا ومكنش معاه..
فاتن : ربنا يفرحكم يا ولادي ويهديكم لبعض يارب.
ياسر : يارب ي امي..
فاتن قفلت.. وشريف دخل عليها..
شريف : صباح الفل ي ست الكل.
فاتن : صباح الهنا ي حبيبي..
شريف قرب وباس ايدها وقعد قدامها ع الارض وهي ع السرير..
فاتن حطت ايدها ع راس شريف بحنيه وعيونها فيها دموع : شريف انا فرحانه اوي.. وانت مش هتصدق انا فرحانه قد اي انك هتتجوز البت اللي انت حبيتها .. بس فرحتي ناقصه ي شريف..
شريف اضايق لما شاف دموعها : ليه ناقصه ي امي..
فاتن : اخوك.. طول ما انت بعيد عن ياسر انا مش مبسوطه..
شريف بضيق : بلاش نتكلم ف الموضوع ده ي امي.
فاتن : ي بني صدقني انا مش هبقا فرحانه وانتم بعيد عن بعص انتم لما بتكونوا مع بعض و ف ضهر بعض ببقا مرتاحه و مش خايفه عليكم بعد موتي.. لانكم هتكونوا ف ضهر بعض لكن دلوقتي اخاف اموت تظلموا بعض ببعدكم عن بعض..
شريف : بس ي امي متقوليش كده ربنا ميحرمناش من وجودك ف حياتنا..
فاتن : سامح اخوك.. علشاني ي ابني خد ياسر ف حضنك وانسى اللي فات ي بني اللي بيغلط ويعرف غلطه بنسامحه مش بنعلق ليه المشن قه..
شريف :…
فاتن : هتسامحه ي بني.
شريف مش عارف يقول اي بس هو شايف ان اخوه فعلا اتغير..
شريف مسح ع وشه : مسامحه ي امي.
فاتن اخدت شريف ف حضنها بعياط : وبكده تكون فرحتي كملت..
شريف : ربنا يفرحك ي امي دايما..
________بقلم/Princess Menna
قومت من النوم وانا فرحانه وجوايا احساس جميل دخلت الحمام اتوضيت وصليت الضحى ودعيت ربنا انه يكمل فرحتنا ع خير وان شريف يسامح ياسر..
وبعد شوية وقت عايده اجت وقعدت معايا وفطرنا وبعدها شريف اجى واخدني سنتر التجميل..
كان معايا ف السنتر.. عايده وابتسام وشهد و دعاء..
بعد وقت طويل.. شريف جهز ولبس بدله باللون الاسود.. ونزل ركب العربية بتاعته المتزينه بالورد ومكتوب ع العربيه من ورا.. فرحة شريف و نسمه.
_____
عند ياسر..
ياسر لبس و واقف قدام المرايا بيظبط شعره وخايف من رد فعل شريف ف الفرح..
وفاجاه سمع صوت الباب بيخبط.. وكانت الخبطه مميزه.
ياسر قلبه دق وراح بخطوات بطيئه و فتح الباب واتكلم بصدمه : شريف؟!
شريف حاول يبتسم وحاسس انه مش قادر..
ياسر : ش. شريف انت بجد هنا.. هو ف حاجه حصلت ولا اي.
شريف بهزار : لا مش هنا انا هناك..
ياسر مش مصدق ان شريف بيهزر وبيضحك معاه.
ياسر : شريف انا مش مصدق ولا حتى فاهم حاجه..
شريف مسك ياسر من كتفه: لا صدق انا اهو..
ياسر : شريف انت سامحتني..
شريف لف وشه بعيد : ما بقاش ليه لزمه العتاب..
ياسر : انت سامحتني..
شريف بصله : مسامحك..
ياسر قرب ع شريف حضنه جامد : مبارك ي عريس..
شريف : الله يبارك فيك.. و يلا بقا انت اللي هتسوق العربيه بتاعتي..
ياسر : اشطا بس عادل صاحبي كان ناوي يجي معايا..
شريف : واي المشكله يجي يقعد جنبك قدام وانا ونسمه ورا.
ياسر : تمام..
نزلوا وركبوا العربيه وقابلوا عادل اخدوه وعادل فرح جدا ان شريف وياسر رجعوا تاني زي الاول..
وصلوا عند السنتر وكان عمرو هناك هو وايمن وبعض العيله نزل شريف من العربيه واخد بوكيه الورد.. و وقف قدام السنتر و خرجت بالفستان الابيض ومكنتش حطه ميكب كامل كنت حطه لمسات بسيطه بس وقفت قدامه بتوتر ولقيت الكل وصل.. الكل واقف بشكل دايره كبيره قدام السنتر ونسمه وشريف فيها..
شريف قرب وباس ايديها وقدملها بوكيه الورد..
والكل سقف ليهم.. شريف اخد ايدها حطها ف دراعه واخدها لحد العربيه وهمس عند ودنها : ياسر هو اللي هيسوق العربيه..
فتحت عيني بدهشه : ياسر.
شريف ابتسم : مش انت عايزه اخويا يكون جنبي..
: تقصد انك سامحته.. بجد انا فرحتي كده تمت..
شريف حضن نسمه.. وبعدها ركبوا العربيه وراحوا ع مكان السيشن.
والكل اتصور.. وطبعا كل ثنائي اتصوروا مع بعض.. ايمن اتصور مع عايده وريم ورحيم.. وطبعا كان التركيز كله ع شريف ونسمه.. وبعد وقت الكل راح ع القاعه..
كانت كل عيله قعدة ع تربيزه وكان الفرح ف قاعتين.. قاعة للحريم و قاعة للرجال.
الكل ف القاعة بيرقص وفرحان..
بره القاعه..
ابتسام ماشيه بتدور ع الساعه بتاعتها واتكلمت بزعل : انا واثقه اني نزلت من العربيه هنا وهي ف ايدي.. يوووه دي لسه جديده وشكلها لطيف اوي.. وماشيه بتدور ع الساعه بس خبطت ف حد. وقالت بزهق : سوري.. وكملت طريقها من غير ما تشوف مين.. وقعدة تدور ع الساعه.. لكن وقفت لما سمعته بيقول : انتي بتدوري ع الساعة دي..
ابتسام : ايوه الساعه بتاعتي ولسه هتروح علشان تاخدها.. بس افتكرت انها شافت الشخص ده قبل كده..
ابتسام : بس العريس يكون اخويا و العروسه بنت عمي..
عادل : مستحيل تكوني اخت ياسر وشريف.
شهقت ابتسام : مستحيل ليه يعني… ناقصني ايد ولا ناقصني عين.
عادل : شكلك مش بتبطلي خناق.. خدي الساعة بتاعتك اهي وطيري من هنا ي فراشه..
ابتسام شدت من ايده الساعه بغيظ ودخلت القاعة..
بعد شوية وقت الفرح خلص.. وشريف راح اخد نسمه..
الكل بدا يسلم عليا وانا مش مصدقه اني مش هروح مع ماما.. ماما حضنتي بدموع وبابا ايمن وعمرو وعايده والكل…
بعد ما الكل سلم علينا..
حازم : شريف.. انت مقولتش هتسافر شهر عسل فين..
شريف ماسك ايد نسمه : لا مش هنسافر شهر عسل بس بعد فرح عمرو هنروح نعمل عمره مع بعض..
الكل ابتسم ع الفكره.. وقالوا انها فكرة حلوه… والكل بدا يروح..
- يتبع الفصل التالي اضغط على ( رواية حب غير مقصود ) اسم الرواية