رواية عشقتها منذ نعومة اظافرها كاملة بقلم مريم نصارعبر مدونة دليل الروايات
رواية عشقتها منذ نعومة اظافرها الفصل الثاني عشر 12
مليكه : خالو آدم ..
آدم : بصلها نعم يا مليكه .!!
مليكه : هو زياد فين ..!؟
آدم : زياد عايش حياته يا مليكه .. وياريت ماتفكريش فيه علشان هو مابقاش فاكرك . وسابها واستاذن .. مريم حبيبتي تعالى نقعد على الارض تحت الشجره دي ..
مريم : قامت وجواها زعلان على مليكه …
بعد شويه . جه مالك . يلا ياجماعه . ع الماتش وكل حاجه جاهزه .
هنا : اشرف ياحبيبى.
اشرف : عيون أشرف نعم ياروحي .
هنا : ما تستنو شويه . هو لازم الماتش دلوقتي. انا حبا انك تفضل جمبى كدا
أشرف : هييح . دلوقتي . جايه تقولى ده دلوقتي . عموما لما نروح . وبعدين ياقلبى . الدنيا قربت تبقى ليل . يدوبك نلحق . وعايزين نلعب ونرجع الماضي . بس اهم . حاجه شجعينى . هههههههههه
هنا : ماشى يقلبى انا هشجعك ع طول
أشرف : بغمزه ع طول
هنا : اتكسفت . قوم بقى آدم والكل اتحركو
أشرف : ماشى . تعالى يلا . الشباب . مجهزين كل حاجه وكمان ف كراسى . ليكو . علشان تشجعونا .
هنا : قامت معاه . وكمان مصطفى وشيرين . وجاسر.اخد ملك . وطارق اخد. رنا . وحسام اخد هدى ..
وآدم ماشى هو ومريم . كأنهم بيحبو ف بعض.
وكل البنات راحت . فهد . نده ع رينو وحجزلها .كرسى قدام . وكمان يوسف . حجز لمريم .. وماليكه . قعدت ف ركن وفتحت الفون .ومتفرجتش ولااتكلمت .
وآدم . وصل وقعد مريم . ف آخر كرسى . وقالها انتى تقعدي هنا جمب اختك ومتقعديش قدام . مريم ابتسمت . محمد . نده ع نور . وقعدها قدام . وقالها تعالى انا حجزتلك كرسى . علشان اشوفك . اتحمس واكسب
نور : محمد . انت مش محتاج . تتحمس . انا واثقه انك هتكسب . انت محمد عزيز مش اى حد ..
محمد : طيب امسكى بقى . الساعه والفون . والمفاتيح دى معاكى ..
نور : ف حاجه . ف جيبك . هاتها علشان متقعش
محمد : لاا . متقلقيش . ثوانى وجاى . ومحمد اتحرك . وبعدها رجع تانى . وقالها امسكى . المحفظه دى معاكى . وخلى بالك منى . مش من الحجات دى وضحكو .
وكل البنات قعدت . والشباب . ف الملعب . واتقسمو لفرقين . وبدؤه الماتش .
وكان اكتر . لعيب محترف طبعا محمد . بيلعب . باحترافيه . وحس انه مشتاق للكوره . اووى . وبدء يرقصها ع رجله . والكل يهجم عليه وه. يتفادى . ومحدش ف كفاءته . لكن مراد وفهد بيلعبو كوره حلو اوى . طارق طبعا مبسوط من شكل الخصم . واتأكد ان محمد هيكسب . مراد قرب واخد الكوره
وشاطها . بعيد ودخل جوووول . ف طارق الل واقف حرس مرمى .. وفريحه . قامت سقفت . برر افوووو يامراد . الله عليك
رينو : سقفت . الله عليك ياحبيب والديك . ايه الجمال ده . ايه الحلاوه دى . والبنات ومريم ضحكو عليها .
اما نور . زعلانه لكنها متأكده أن محمد . ع رأي آدم سايبهم ياكلو عيش. .
ف الملعب . كل ما الكوره تبقى مع آدم . ومراد يقرب منه . آدم يلسع مراد ع قفاه . ومصطفى صفر انذار . ل آدم .
ومراد : اقسم انه يتسبب لابوه ف طرده من الماتش .
ايه ده . ايه ده . جووووووول . محمد . محمد محمد .. جاب جول ف مالك الل واقف حرس مرمى .. نور وقفت وسقفت . وكمان رينو . الل بتشجع الكوره الحلوه . وطارق بيجرى ف الملعب هو وآدم واشرف . وبيغيظو فريق الشباب .
فهد ومراد وزين ويوسف وفارس . متغاظين . تعادل
وبدء لعب من تانى ومحمد اخد الكوره ترقيص .لحد ماوصل عند مالك . وبحركه بسيطه . دخل الجوووول الل بعدو . واكتر ٢ فرحانين نور ورينو
وباقى البنات زعلانه .
رينو : حلوووه بالزاف . حلوه .حلوه .حلوه الله عليك . يامحمد ياعزيز . موووو عزيز . الله عليك. يبنى والله .. والكل حب تعليقات رينو .
وكملو لعب وجابو اجوال تانى وقربو للنهايه . واخيرا . مصطفى . العن وبفخر . إن فريق محمد عزيز كسب ٤ وفريق مراد العدوي ١
واخيرا . الماتش خلص . وكلهم ضحكو وفرحو وكان وقت جميل جداااااا
نور : راحت ع محمد . بفخر . وجابتله ميا . ومناديل
وآدم راح قعد جمب مريم . هههه هرتلك قفا مراد
وكل حبيب . راح لحبيبه يطمن عليه . وبصفة القرابه محدش شك ف حاجه .
وطارق . الل كان مبسوط . وبيغيظ ف الفريق الخسران .. ورنا . بتستعجب ع جنون طارق . الل بتعشقه ..
وبعدها . استريحو شويه والليل جه .عليهم .. وقعدو كلهم مع بعض يهزرو
وآدم اخد . اميرته وقعدو تحت الشجره . جمب منهم
فهد : عيونه على رينو .. ومتغاظ من هزارها مع البنات .. وكمان مع يوسف ومالك .. وبيصك على اسنانه من الغيظ … راح قعد جمبها .. رينو ..
رينو : نعم يا فهد …
فهد : بتريقه . حاولي يعني بعد اذنك تبطلي هزار شويه .
رينو : فهمت انه غيران عليها .. وابتسمت بمكر .. ليه بس يا فهد ..! انا باتكلم عادي خالص .. والله مابهزرش يعني .. وبعدين انا بضحك لان يوسف دمه خفيف اوى النهارده …
فهد : قبض على ايده … رينووو …
رينو : نعم يا فهد ..
فهد : سمعتيني قولت ايه صح ..!؟
رينو : ببرود ..مااخدتش بالي .. انت قولت حاجه تاني دلوقتي ..
فهد ؛ قرب يجيب اخرو خلاص . رينووو
رينو : ايوه يا فهد ..
فهد : اتلمي احسن ليكى ماشي ..
رينو : بصتله بغيظ .. ايه اتلمي دي .. خد بالك من كلامك
فهد : انا واخد بالي اوووي يا لارين .. ولو عايزه اليوم يعدي على خير .. اتلمي لكن لو عايزاها .. دم للركب انا مستعد … ماشي وسابها واتحرك
رينو : خافت منه لأن فهد لما بيجيب اخره بيناديلها باسمها … وسكتت
مراد : قاعد ولازق في طارق
طارق : ما تقوم يالا من جمبي .. انت لازق فيا كده ليه .!!
مراد : الله انت مش حمايا .
طارق : حماك .!! وعلشان حماك تلزق فيا كده .
مراد : ما انت مش راضي تخليني اتمشى من فريحه في الضلمه دي ..
طارق : بغيظ ما تلم نفسك يالا .. الدنيا بقت ليل وعايز … تتمشى مع بنتي في الجنينه..
مراد : وفيها ايه .. ده انا حتى هاحميها
طارق : تحميها . !!! وهاتحميها من ايه ان شاء الله يابن العدوي ..
مراد : هاحميها طبعا .افرض وهي ماشيه لوحدها كده طلع عليها اسد في الجنينه .. او مثلا نمر …او كلب البحر …
طارق : بغباء .. كلب البحر .. وهو فى . فى الجنينه كلب بحر … وبص ل رنا هو كلب البحر مش بيبقى في البحر …
مراد : ضحك بصوته كله .. ورنا كمان ضحكت .. والكل انتبه ….
مراد : يعني هي الجنينه فيها اسد ونمر … نام يا طارق نام ..
طارق : بغيظ … زاقو قووم يالا انت .. من جمبي .
.. روح اقعد جمب ابوك ..
مراد : بص علي ابوه ..وحط ايدو ع قفاه .. لا يا عم ابويا خلاص بيخطط.
طارق : بيخطط لايه ..!؟
مراد : بيخطط للانتقام منى .يا طارق .. ابويا هينتقم مني على الل انا باعمله فيه …
طارق : يقدر وانا موجود .. ولا تخاف ياض .. انا في ضهرك ع طول
مراد : وده الل مخوفني .. يا طارق انك في ضهري ..
رنا ههههههههه .جامده اقسم بالله .. قولت فوله واتقسمت نصين ..
طارق : بص ل رنا .. ويا ترى الفوله دي حلوه ولا وحشه ..!؟
رنا : مسوسه .. فوله مسوسه. يا حبيبي هههههه
طارق : اتغاظ . قوووم يالا انت . من جمبى يالا.
مراد : هاتمشي مع فريحه ..
طارق : اقعد يالا انت جمبى يالا .
———بقلمى Mariem Nasar
زين : قاعد جمب اشرف … خالو اشرف عامل ايه .
أشرف : الحمد لله يا زين يا حبيبي .. انت عامل ايه في الجامعه .. واللغات دي ..
زين : لا الحمد لله كله تمام . ياخالو
اشرف : الحمد لله يا زين .. وعايزك تاخد بالك من ريتال في الجامعه .. وتخلي عينك عليها ..
زين : وهو انا بعمل غير كده …
اشرف : بتقول ايه يا زين يابنى
زين : ها . لا .طبعا .. طبعا يا خالو .. ريتال في عينيه طبعا .. وما حدش يقدر يعملها حاجه في الجامعه … وبراجع ليها كمان ..
اشرف : وده الل مطمنى ع بنتى … وايوه يا حبيبي هي قالتلي انك بتراجع ليها على طول .. واخر حاجه الاسبانيه مش كده ..
زين : بلع ريقه بصعوبه .. اا.ااه طبعا دي الاسبانيه دي صعبه قوي …
اشرف : يازين يبنى .. طول ما انت جمبها انا مش قلقان
———-
يوسف : قاعد جمب حسام وبيتكلم معاه في امور مختلفه . وبيطمن على زياد من خلاله ..
فهد : راح قاعد جمب آدم : عمو آدم .. عامل ايه .
آدم : تعالى يا حبيبي … يعني هي جت عليك
فهد : بعدم فهم .. احم .مش فاهم.
آدم : مش مهم .. قولي بقى عايز ايه ….
فهد : حاسس انه مكشوف اوي .. لانه عايز يقرب من آدم اكتر … علشان خاطر رينو .. احم . ابدا انا جاي اقعد مع حضرتك شويه
آدم: يا سلام .. اتفضل يا بن طارق .. تعالى ..
فهد : احم لا . انا اطمنت على حضرتك. هاروح اشوف مالك وفارس واستاذن
وبعدها آدم هههههههههه
مريم : استغربت .. بتضحك على ايه يا حبيبي
آدم : بص ياروحي عليهم كده ..
مريم : بصت ..وكلهم قاعدين جمب بعض عادي .. ايه يا حبيبي مش فاهمه .. ما هما قاعدين كويسين وكلهم مبسوطين ..
آدم : بصي يا قلبي … مراد ابنك .. لازق في طارق وهيطققو من جنابه . علشان خاطر فريحه …
.
اما يوسف قاعد جمب حسام .. علشان خاطر مريم.
. وابنك زين .. لازق في اشرف .. علشان خاطر بنته ريتال .. والواد فهد .. جاي يقعد جمبي علشان خاطر رينو بنتك …
مريم : بدهشه . ايه ده يا آدم …. يعني انت عارف ان فهد ……
آدم : حبيبتي .. انتي هتفضلي هبله لحد امتى .. انا شغلتي ظابط .. ظابط يعني كان زماني دلوقت لوا
حبيبتي : فهد بيحب رينو . وهيفرقع. انها بتهزر وتضحك … ومراد هيموت ويتمشي مع فريحه بس علشان الوقت ليل ما ينفعش … اما يوسف بيحب مريم من زمان …. وكمان زين ابنك بيحب ريتال . وخلاها تدخل نفسه الكليه معاه …
مريم : طيب ومالك ..
آدم : لا .. مالك لا .. بس شايف ان في لمعه حب في عينيه .. وهااا ممكن يفرحنا قريب ..
مريم : طيب .. وفارس ..!!.
آدم : فارس لا .. بس برده حاسس ان في بذره اتزرعت جواه .. لانه تصرفاته النهارده غريبه .. فاكك شويه كده صح …
مريم : فعلا يا حبيبي .. انا اول مره اشوفه بيتحرك بحريه كده معاهم … الاول كان بيتجنبنا .ويقعد لوحده.
مريم : بزعل .. طيب .. ومليكه .!!!.
آدم : لااا .. مليكه مشوارها طويل .. ولسه مانعرفش .. لكن هنعرف بعدين .
مريم : اتنهدت .. طيب ونور يا آدم .
آدم : نور .. ولسه هيتكلم …….
محمد : ايه يا جماعه .. قاعدين لوحدكو ليه ..
آدم : اقعد .. انا بحب اقعد على الارض .. وتحت الشجر متعه لوحدها اقعد …
محمد : جمبهم . والقعده عند الكل كانت عباره عن ترابيزه كبيره كل واحد ومراته قاعدين عليها جمب بعض ..
وترابيزه . تانيه للشباب قاعدين جمب بعض ..
وترابيزه . تالته للبنات قاعدين جمب بعض ..
وادم ومريم ومحمد قاعدين على الارض .. وكلهم بيضحكوا بيهزروا … وكل حبيب عينه على حبيبته..
رينو : انا عطشانه قوي .. وشافت الازازه فاضيه هي الميه خلصت .. ! لما اقوم اجيب ازازه من جوه …
نور : لا خليكي انا هاقوم اجيب ازازه …
رينو : حبيبتي انتى والله حاسه بيا شكرا يا نور.
نور : قامت وسحبت الكرسي ولسه بتلف …
كان محمد وقف ونده على نور في وسط كل الموجودين …
محمد : نووور ….
.. الكل انتبه وسكت .. ونور لفت ل محمد وبصتله وقبل ما ترد …
محمد : تتجوزيني …
الصدمه : نزلت على الكل ما عدا آدم .
نور : واقفه .. وما استوعبتش . وما ردتش
محمد : تتجوزيني يا نور …
مريم : اتصدمت .. وشيرين ومصطفى ومراد اتعدل وفهد وطارق وزين اتصدموا والكل في حاله بلاها..
ورينو اللي كانت فرحانه قوي …
محمد : اتحرك .. وراح وقف قدام نور
محمد : نوري تتجوزيني …
نور : واقفه . وعيونها دمعت وخافت . ومشاعر كتير متلخبطه .. ومش عارفه تعمل اي رد فعل ..
آدم : ابتسم . ومريم بصت ل آدم وباس مريم من خدها .. محمد اتقدم ل نور امبارح . واتفق أنه هيخطبها انهردا . مريم عيونها دمعت وفرحت قوي
نور : ا.اانا .اا.انا
محمد : كان ماسك علبه في ايده .. وطلعها من جيبه اول ما وقف . ونزل على ركبه قدام نور .. وفتحلها العلبه اللي كانت فيها خاتم ودبله .
.موافقه تتجوزيني
نور : بصت ل آدم ومريم … ومريم هزت براسها ليها بالموافقه .. والكل كان مدهوش ومبسوط ..
نور : الدموع نزلت من عينيها … ايوه .. ايوه موافقه جدا يا محمد ..
محمد : مسك الخاتم . وفي نفس الوقت مالك شغل الاضواء اللي كانت على الشجر وكانت اضاءه في منتهى الرومانسيه .. وكان محمد متفق مع مالك يعمل كل ده ..
ونور : شافت الانوار وفرحت قوي وحطت ايديها على بقها .وحست بسعاده. وماكانتش مصدقه ..
ومحمد : مسك الخاتم و لبس الخاتم ل نور ..
وفهد : واقف وصفر كتير قوي . والكل كان مبسوط وكلهم سقفوا بحراره .. وفرحت ورينو كانت اكتر واحده مبسوطه .. وحاولت تزغرط على قد ما تقدر ..
لكن سكتت بنظره تحذيريه من فهد اللي استحلف لها .. وكأنه بيقولهالها صريحه.. انتي بتاعتي وما ينفعش تعملي كده …
محمد : باس ايد نور . ووقف مكانه .. وكان عايز يحضنها .. لكن كان قلبه بيدق ومتوتر .. وكمان مش عايز يحرج نور قدام العيله ..
نور : مسكت الدبله برعشه وحاولت تلبس محمد الدبله .. وقلبهم الاتنين كان في مسابقه .. مين بيدق اكتر .. وطبعا قلب محمد فاز بالمسابقه …
وبعدها : داده سنيه. والبنات طلعو بصوانى شربات اللي كان مالك قايلها عليها. وكمان جاسر وملك اتفاجو بالشربات .. والكل شرب .. وداده سنيه زغرطت بفرحه اكتر من مره . ورينو وفقت جمبها . وبتتفرج ع داده سنيه .. وهي بتزغط …وعيزا تتعلمها لانها بتزغرط حلو .
ومالك اخد فهد وزين . جابوا السماعات من جوه الفيلا وشغلوا ميوزك .. والكل كان مبسوط .
مصطفى : قام وراح لابنه وسلم عليه بفرحه .. انا كان نفسي تبقى الخطوبه في الفيلا عندي لكن ملحوقه …
شيرين : حضنت ابنها بدموع . اخيرا .. اخيرا يابن قلبي استريحت . وفرحت .. وسلمو ع نور
جاسر : وهو هنا ايه .. وعندك ايه .. يا مصطفى باشا احنا واحد..
مصطفى : طبعا . طبعا يا جاسر .ربنا يديم المحبه
رينو : حضنت نور بفرحه .. وكمان من فرحتها حضنت محمد .. ودي كانت كارثه وهتدفع تمنها بعدين .. من فهد الل ولع نار ….
رينو : مبروك .. مبروك يا ابيه محمد .. مبروك يا نور انا فرحانه قوي .قوى
فريحه : جريت على نور وحضنتها .. وشوشتها مبروك يا سوسه والله ماشي لينا قاعده بعدين وباستها مبروك يا نور ..
ريتال : بفرحه راحت حضنت عمها محمد .. مبروك يا عمو بجد .. انا مبسوطه علشانك قوي .. وسلمت على نور مبروك يا نور الف الف مبروك يا حبيبتي .وطبعا ردو عليها .
و مريم الصغيره راحت سلمت وبعدها يوسف اللي حضن عمو جامد .. الف مبروك يا عمو .. احلى خبر النهارده .. وسلم وبارك ل نور .. وفارس جه وسلم وبارك .. واشرف حضن اخوه ومش عارف ليه هو دمع . وبارك واتنهد وباس جبهة اخوه .. اخيرا .. اخيرا هنفرح بيك . وباس جابهة نور مبروك يا حبيبتي .. وفهد جه وجواه غيظ مكبت من رينو اللي واقفه جمب نور … لكن سلم على محمد بحب …مبروك يا خالو . الف الف مبروك .. مبروك يا نور ربنا يتمم بخير .. وبص ل رينو بنظرة غضب عقبالك يا انسه لارين …
رينو : كشت في نفسها ……
الكل سلم وبارك وجه زين بدموع بارك لاخته ومشاعر مختلطه وحضنها .. وكمان حضن محمد بحب..
وجه مراد سلم علي محمد الاول وبارك وحضنه.. وبعدها .. بص ل توأمه وسكت . ونور هي اللي حضنت مراد …. ومراد حضنها حضن اب و مسد على حجابها ومراد حاسس ان بنته اللي اتخطبت … ومشاعر حلوه جواه .. وخرجها من حضنه وباس ايديها بحب مبروك يا قلبي .. نور الله يبارك فيك يا مراد … مراد سابهم وراح وقف في مكان لوحده..
. الكل سلم وبارك جات هنا سلمت على محمد وباركت . وباركت ل نور .. ورنا وطارق وملك كده الكل سلم وبارك … فاضل مريم وآدم ..
مريم : قدمت برعشه في قلبها وجسمها و احساس غريب .. بنتي كبرت .. بنتي اتخطبت ..وفي لحظه كده .. وقربت من محمد وسلمت عليه وباركت بدموع. لأن محمد يعتبر نور عينيها وحبيبها وابنها.. محمد اخد مريم كلها في حضنه .. ومريم بكت في حضنه .. مش مصدقه اخيرا قلبك ارتاح يامحمد .. واخيرا نور بنتها في امان … رينو ونور عينيهم دمعو.
وآدم على قد ما هو غيران .. ان مريم في حضن محمد .. لكن صعبت عليه مريم .. وزعل وقال ياريتني عرفتها انا كنت عايز اعملها مفاجاه …
مريم خرجت من حضنه وسلمت على نور وباست جابهتها وحضنتها بدموع اكتر .. ونور باست على ايديها .. نور ايه يا مامي بتعيطي ليه ارجوكي ما تعيطيش ..
مريم : دي دموع الفرح يا قلبي . الف الف مبروك وربنا يديم عليكو الفرحه والسعاده .. وراحت وقفت جمب اختها شيرين وحضنتها ودموعهم نازله و بعدها باركو لبعض …
آدم : اخيرا جه . وقف قصاد محمد ومشاعر جواه مختلفه ومختلطه ومتلخبطه.. ما بين اب وصديق ..
ونور دي عنده مش اي حد .. دى نور المدلله حبيبه باباها …
آدم : وقف واخد محمد في حضنه ومش عارف يتكلم .. وبيكابر ومش عايز الدمعه تنزل من عينه ..
. وخرج من حضن محمد وقال بصوت مهزوز مبروك عليك نور ..
ولف ل نور اللي بتعيط و اخدها كلها في حضنه كأنه بيحاول يشبع من بنته .. لان محمد اتفق مع آدم ان الفرح تانى ايام العيد الصغير .. وان نور هتكمل دراسه في بيت محمد .. وانه هيساعدها فى كل امور الطب .. زي ما كان بيعمل واكتر ..
وآدم : غصب عنه ده معه نزلت على حجاب نور اللي بتعيط في حضن باباها .. مع انها لسه خطوبه واخيرا آدم خرجها من حضنه وباس جبينها مبروك يا حبيبتي الف الف مبروك ..
نور : بدموع . الله يبارك فيك يابابي
وبكده الكل بارك وهنا ….
ونور كانت عايزه تحضن محمد وتشكره على المفاجاه الجميله دي …
.والميوزك اشتغل والكل بيسقف وبيغني …
..هنا الكل حاسس ان محمد ايدا دفعه للكل ..
.. يوسف قام واتشجع . وقال باااااس .. الكل يسمعني لو سمحتو .. والكل انتبه وكان محمد ماسك كف نور في كف ايده وواقف يسمع .. يوسف هيقول ايه … والكل سكت .. ويوسف كمان سكت ….
طارق : ادينا سكتنا اهو .. ما تتكلم يا معلم عايز تقول ايه ..
يوسف : ها اه . احم .انا .انا طبعا مايرضنيش ان عمي محمد يخطب لوحده .. لازم طبعا اسندوا واقف جمبه واخطب معاه … اغلب الموجودين مش فاهمين ….
طارق : قصدك ايه يخطب لوحده .. هو الواحد بيخطب ومعاه حد ولا ايه . ما تركز في كلامك . مش عايزين لخبطه .. الواحد متلخبط لوحده …مصطفى ضحك على حفيده المتلخبط .. ويوسف بص ل جدو مصطفى . انه ينقذ الموقف.
مصطفى : اتحرك وقام . انا هفهمك . يوسف حفيدي عايز هو كمان يخطب ..
.. مريم الصغيره اول ما سمعت قلبها اتحرك من مكانه .. ومسكت فستانها بايديها وبلعت ريقها بصعوبه استر يا رب هو المجنون ده هيعمل ايه ..!!!
طارق : يخطب … يخطب مين .!؟
أشرف : اتحرك جمب ابنه .. وبص وقال خالي حسام او صديقي الصدوق حسام الجزار .. طبعا احنا كنا هناخد معاد ونيجي نقابلك .. بس انت عارف بقى الموضه في الحب … المهم انا ووالدي يشرفني ويسعدني طبعا اني اطلب ايد بنتنا مريم الجزار . ل
يوسف عزيز ابني .. الكل واقف والفرحه شكلها كده هتبقى فرحتين .. لكن الكل مترقب .. يا ترى حسام هيوافق ولا لا .. وبعد سكون ل ثواني .. كأنها ساعات على يوسف ..
حسام : وانا مش هلاقي ل مريم بنتي احسن من حفيدك يا مصطفى باشا .. ولا هلاقي احسن من ابنك يا اشرف وانا موافق وربنا يتمم بخير يا رب..
. مريم : هتموت مكانها .. ويوسف بجد .. بجد يعني انت وافقت …
حسام : ضحك والكل .. ايوه يا حبيبي وافقت .. والف مبروك …
يوسف : حضن ابوه .. وحضن جدو وباس على ايده كانه مش مصدق .. والفرحه واضحه عليه ..
ومحمد سرق في اللحظه دي والكل واقف مشغول وبيبارك . ل يوسف . باس على ايد نور .. وباسها من خدها اللي خلت قلب محمد كان هيقف من الحب اللي جواه … مبروك ياقلب محمد
ونور : اتسمرت مكانها وماردتش وما عملتش اي رد فعل . غير ان وشها بقى جمره نار …
يوسف : بيسلم على الكل …
آدم : قرب من مريم . وخرج العلبه القطيفه . وفتحها ل مريم وكان جواها خاتم ودبله وكان شاريهم هديه . ل نور ومحمد .. لكن محمد صمم ان اول حاجه هتلبسها نور تبقى من ماله الخاص
آدم : حبيبتي ..
مريم : جواها زعلان من آدم علشان خبي عليها وهو قالها في مفاجاه لكن ماكنتش تتوقع ان المفاجاه تبقى خطوبه بنتها .. وما تعرفش …نعم . يابو مراد
آدم : عارف انها زعلانه واتأكد من ده .. لكن هيشرحلها كل حاجه بعدين .. بصي يا حبيبتي انا كنت جايب الهديه دي ل محمد ونور .. لكن هو جابلها
.. ودلوقتي يوسف خطب مريم فاجأه ..واكيد مش عامل حسابه .. ايه رايك تقدميلهم دي كهديه خطوبتهم …
مريم : ابتسمت . علشان بنت اخوها هتفرح اخيرا..احم فكره كويسه واخدت العلبه وهتتحرك.
يوسف : سلم على حسام وهدى . وراحووقف قدام مريم .. ولسه هيقولها ان بكره هيجيبلها الخاتم ويلبسوليها في الجامعه … لكن مريم جات في الوقت المناسب …
مريم : اتفضل يا عريس وقدمت العلبه وكان فيها دبله جميله قوي وخاتم تحفه فنيه ..
يوسف : بص ل مريم ايه ده يا عمتو
مريم : بحب وفرحه .. حبيبي دي هديه خطوبتك و انا وعمك آدم . جبناها ليك ول مريم …ومن غير كلام واسئله كتير ازاي وامتى مش هجاوبك… وبعدين ايه مش عايز تثبت ان مريم خطيبتك ولا ايه …
يوسف : بس يا عمتو ….
شيرين : ما تخلصنا بقى يا يوسف .. خلينا نفرح.
مريم الصغيره عينيها دمعت . وحضنت عمتها شكرا يا عمتو بجد شكرا …
مريم : حبيبتي انتي بنتي الصغيره … يلا يا يوسف مبروك يا حبيبي ولبس عروستك الخاتم بقي ..
وفعلا يوسف اخد الخاتم ولبسه ل مريم وكان على قدها بالضبط .. والدبله كمان جات مظبوطه على يوسف … والكل بارك وهنا .. ماعدا مليكه اللي قاعده وجواها حرب. وحقد. واعصار .وحب . وعشق . وغيره .وغل وكل انواع التفكير المختلطه ف صراع جواها .. وقاعده ومن غير اي رد فعل …
الكل بيغني ويرقص … و كانت ليله حلوه وجميله..
.. مش مهم المكان ولا الزمان … المهم ان هما فرحانين بجد …..
طارق : هههههههه هههههههه
آدم : بتضحك على ايه يا قدري المنيل ..
جاسر : صح يا طارق. . رياكشناتك غريبه وبتضحك ليه ..!!؟
طارق : ضرب كف على كف . تصدق ياض يا آدم ياخويا .. ان فيلا الصاوي دى مورزقه . وان الخطوبه فيها تبقى دوبل …
آدم : فهم .و ابتسم
جاسر : مش فاهم . مورزقه ودبل ايه ده
طارق : اشرف خطب اختك هنا .. وفي نفس اليوم انا خطبت رنا … وكان في نفس المكان سبحان الله ..
جاسر : صدق صح .. ما اخدتش بالي .. خلاص انا هغير اسم الصاوي . واسميها فيلا العشاق.. ههه
طارق : لاء سميها . فيلا يابخت من وفق راسين ف الحلال ههههههه وضحكوا
آدم : للحظه .. لاحظ ان مراد مش موجود … واستاذنهم وقام … وراح دور وشاف .. ان مراد قاعد تحت شجره بعيد شويه .. ادم شافه كده وكان واضح على شكله أنه زعلان …
آدم : راح وقعد جمبه .. ايه يا مراد قاعد كده ليه ..!؟
مراد : مسح دمعه نازله بسرعه . وادم شافها ولكن معلقش … ها قولي بقى يا عملي الاسود مالك .
مراد : ابدا يا بابا ما فيش حاجه .. انا كويس .
آدم : مين اللي بيتكلم ده ..!!! مراد العدوي المستفز … لا لا مش معقول ..
مراد : ابتسم …..
آدم : قولي بقى مالك .. وكمان الدمعه دي سببها ايه.!؟ انا استغربت طلعت بتحس زينا .
مراد : ابدا. يا بابا . فرحان لاختي نور ..
آدم : والفرحه دي … تخليك قاعد هنا … وما تشاركهاش فرحتها ..
مراد : مش عارف .. جالي احساس غريب .. ان محمد .. بعد الحب ده كله انه اخيرا .. هياخد الانسانه اللي بيحبها .. ونورا اخيرا هتكون في امان…
.. لكن جوايا احساس ساعتها … ان نور دي مش اختي .. كأني هسلم بنتي ل محمد …
آدم : جواه مبسوط على حب مراد لاخته …
. طيب ما هي بنتك بجد … مش هي كانت جمبك خطوه بخطوه … من اول ما امك حملت فيكو …قعدتو ٩ شهور مع بعض لوحدكم … وبعدها طلعتوا للنور والدنيا في ساعه واحده .. وكبرتو اليوم بيومه مع بعض .. ف من البديهي . اكيد هتبقى بنتك واختك وصحبتك … احساسك طبيعي جدا….
مراده : اتنهد .. ربنا يسعدها ..
آدم : ههههههههههه
مراد : بص ل آدم .. بتضحك على ايه ياحاج .!
آدم : مش مصدق .. ان اللي بيتكلم ده … مراد ابني … وصك على اسنانه .. المستفز.. الجبله..
مراد : هههههههه حبيبي يا حاج والله . انا بس بحب ازاولك .. انت حبيبي برده .. ومهما كان انت ابويا . حبيبي.
آدم : ايوه .. ايوه .. جيب ورا . لكن وحياه امك ابدا ..
مراد : برده لسه مصمم يا حاج
آدم : وزاد تصميمي .. ان ما انتقمت منك .. ما بقاش انا ادم العدوى ..
مراد : طيب .. ممكن نبذه مختصره بس عن الانتقام . او خلفيه صغيره. علشان اكون جاهز ..
آدم : بنظرة شر .. بكره .. بكره هتاخد كل الخلفيات …
مراد : اي ياحاج البصه دي .. وحد الله كده .. ده حتى خطوبه بنتك النهارده ….
آدم : طيب ياخويا .. قوم بقى افرح . وفرح اختك..
وآدم : قام … ومد ايده لابنه .. وقومه من مكانه ومشيو قصاد بعض . وراح وبارك تانى .. ومراد رقص مع نور …. ورينو بترقص مع نور .. وكان فهد كل شويه يدخل يرقص ويوشوشها
. ان ايامها اللي جاي هتبقى. بلاك على راسها . وهددها لو رقصت تاني هيولع في الحفله .. ورينو وبلعت ريقها بصعوبه . وراحت وقفت جمب امها ….
..
اما فريحه كانت واقفه مستغربه من مراد … لانه قالها الاسبوع اللي جاي هيطلبها وها يلبسها الخاتم .. وكانت النهارده فرصه .. انه يعمل زي محمد ويوسف … لكن قالت يا ترى مراد متقدمليش ليه …
… وكانت جواها زعلانه من مراد … لكن فرحانه ل مريم ونور .. ومراد شايف نظرات فريحه … وراح وقف جمبها ايه ياروحي.. واقفه هنا ليه ..
فريحه : عادي .. انا كنت بشرب ميا .
مراد : طيب.. تعالي تعالي نحتفل بالمناسبه الحلوه دي … وعقبالك يافريحتى . واخدها من ايديها وراحوا يحتفلوا . وفريحه . فكت شويه علشان مراد جمبها ..
ما لك : سابهم في الاحتفال وراح اتصل على ساره الل وحشاه .. وردت
ساره : الو …
ما لك : الوو .. ازيك يا قمر
ساره : انا تمام انت ازيك ..وعامل ايه
مالك : اتنهد لانه ساعتها كان نفسه يتقدم ل ساره زي محمد ويوسف .. انا ..! انا مش عارف مبسوط على زعلان ..
ساره : قعدت على السرير .. ازاي بقى .
ما لك : ابدا يا ساره ما فيش حاجه اليوم بس كان طويل وامتعب .. لكن يوم جميل جدآ .. بجد كنت بتمنى انك تكوني موجوده معانا دلوقتي ..
ساره : سمعت صوت ميوزك .. ايه ده .. انت قولت انها حفله باربكيو .. لكن الدنيا بقت ليل وكمان سامعه صوت ميوزك .. انت الميوزك ده عندك ..!؟
مالك : ايوه ياستي عندي . اصل النهارده اتفاجأنا ..
. واخو جوز عمتي هنا .. طلب ايد نور بنت خالي آدم ..
وبعدها يوسف ابن عمتي هنا .. طلب مريم تقرب لجوز عمتي .. بصى احنا كده عيله كلنا نقرب لبعض..
وتفاجأنا بالخطوتين .. انا كنت عارف انها هتبقى خطوبه واحده.. لا ني على علم بيها والدكتور محمد اخو جوز عمتي . كلمني و اتفق معايا على كل حاجه وزينت الشجر بالانوار والزينه .. وكمان مجهزين السماعات والميوزك على كل حاجه .. وما حدش كان يعرف .. وفعلا كانت مفاجاه جميله …
ساره : بتسمع بغيظ .. ان كل الزينه والانوار والاحتفالات .. من خير ابوها اللي هما عايشين فيه.
ما لك : يا ساره .. ساره روحتي فين ..
ساره : معاك يا مالك . والف مبروك . ل قرايبك ..وان شاء الله .. الحفله اللي جايه .. اكيد انا هبقى موجوده ..
مالك : يا ريت .. اتمنى بجد .. ساعتها هاكون مبسوط.
ساره : ……..
مالك : احم .. طيب يا ساره .. انا قولت اطمن عليكي ..
وقفلو الاتنين .. مالك مبسوط . وساره محروقه ومتغاظه .. وكمان مشتاقه لمالك .. حاجات كتير من جواها متلخبطه..
مالك رجع للحفله .. وشاف مليكه قاعده مكشره ..
مالك : افرحي يا مليكه …
مليكه : نفخت بديق وماردتش ..
مالك : افرحي للناس . الناس هتفرحلك ياماليكه.
ماليكه : اتخنقت .وقامت وسابته ومشيت .. ودخلت على الفيلا وطلعت على اوضتها …
الكل : بيحتفل وكانوا مبهورين ومبسوطين .. واليوم عدي عليهم بسرعه .. وخلاص الكل فصل و هيبدأو بروحوا …
يوسف : راح ل حسام .. عمو حسام ممكن اخد مريم ونخرج شويه …
حسام : بص ل هدى مراته .. وقالتله. يوسف مع مريم من زمان .. وبيحافظ عليها ..
حسام : اتنهد .. وقاله.. وماله ياحبيبي .. بس خلي بالك من الامانه .. يايوسف يابني ..
يوسف : في عيني يا عمى واخد مريم اللي حاسه انها هيغمى عليها من الفرحه .. وفتحلها باب العربيه وركبت جمبه … ويوسف ركب وساق هو مبسوط جدا
محمد : راح ل مريم ومعاه نور. الل مكلبش في أيديها . ومش سايبها . مريوم حماتى حبيبتي…
مريم : ههههه نعم يا حبيبي ..
محمد : ما تتوسطيلنا . كده عند آدم اخد نور ونتفسح شويه …
مريم : شافت الفرحه اخيرا في عيون محمد ورجع يضحك زي زمان .. حاضر يا حبيبي …
وراحت جمب آدم .
مريم : احم . آدم ..
آدم : موافق ..
مريم : موافق على ايه…!!.
آدم : على ان محمد يخرج مع نور .. لكن بشرط.
مريم : شرط .!! شرط ايه …!؟
آدم : هاعمل معاكي ديل .. وافقتي ع الديل .هوافق..
ما وافقتش .. هاعمل فيها حما وهطلع عين ابن اختك …
مريم : بدهشه .. ديل .. ديل ايه بس .
آدم : الديل . ياستي انك ما تزعليش مني … لاني خبيت عليكي .. انا خبيت عليكي لان دي رغبه محمد… ان محدش يعرف خااالص . وخصوصا انتى . علشان تبقى مفاجاه حلوه ليكى و للكل . وكمان حلفني بيكى…وانا لا يمكن حد يحلفني بروحي ومنفذش . وعلشان خاطري ما تزعليش منى . انا مهما . كان دومى حبيبك ..
مريم : ابتسمت .. امممم هافكر اني مازعلش وقالتها بدلع …وادم مستحملش …
آدم : لاء . ابوس ايدك . من غير تفكير … ردي بسرعه علشان تلحقي تروحي .. وتنفذى الديل التاني .
مريم : ديل تانى !!!!؟ ايه الديل التاني ده .. هو ايه ده بقى …
آدم : قرب من ودنها .. وقالها على الديل .. ومريم وشها تحت النقاب بقى جمره نار …
مريم : احم .ا..انا . ا.انا هاروح اقول ل محمد انك وافقت يخرجوا .. وقامت وهي مكسوفه .
آدم : حط ايده ع قلبه . ااااه بحبك يابنت الجزار .
.ومشتاقلك قوي …
مريم : راحت ل محمد .. وقالتله إن آدم وافق ..
محمد : شكرا يامريومه . وباسها من خدها واخد نور ومشيوا …
آدم :قام من مكانه .. طيب يا جماعه . استاذن انا وبص ل جاسر .. بجد شكرا يا جاسر على اليوم الجميل ده …
جاسر : والله انا الل بشكرك . وياريت نبقى كدا ع طول..
مراد : قرب من آدم .. ووشوش ابوه في ودنه .
آدم : انت ع طول مستعجل .. انا كنت لسه هاعمل كده …
آدم : المهم يا جماعه. وكل الحضور ينتبهولى دقيقه .. الاجازه اللي جايه هتكون عندي في البيت.
مصطفى : لا. يا آدم هتكون عندي انا ….
مراد : بعد اذنك يا عمو مصطفى اني هتدخل ..
. احنا اتعودنا ان اول يوم في رمضان هيكون عندك..
. ورمضان خلاص فاضل عليه اسبوعين .. وحضرتك هتعزم العيله كلها اول يوم ف رمضان عندك ..فلو.
تسمح ان كلكم تشرفونا الاجازه اللي جايه عند بابا اكون متشكر لحضرتك جدا …
مصطفى : ايوه فعلا يا مراد يابني .. خلاص يا آدم زي ما مراد قال الاجازه اللي جايه كلنا عندكم .. وأول يوم ف رمضان هيكون عندى . زى ماتعودنا . وكل سنه وانتم طيبين..
كلهم . وانت طيب..
آدم : طيب تمام الاجازه اللي جايه. هنكون في انتظاركم جميعاً … وشكرا يا ملك يا حبيبتي بجد النهارده كان يوم جميل جدا …
ملك : حبيبي انا اللي بشكرك .. لأن وجودك بيفرق في اي مكان ..
مصطفى : قام قبل آدم . طيب يلا يا شوشو احنا كمان .. وشيرين قامت يلا ياحبيبي .وسلموا على الكل .. وودعوهم
وأشرف : ودع الكل هو وهنا …
جاسر : قرب من هنا . حبيبتي هنايا .
هنا : نعم ياحبيبى .
جاسر . طلع جيبه علبه قطيفه صغيره . وقدمها ل هنا . وكانت سلسله . جميله عباره عن حرف A أول حرف من اسم أشرف .. هنا ابتسمت وفرحت جدا . وحضنت اخوها وشكرته اوى . وأشرف كمان فرح . وشاف انها . هديه مميزه . وبتفكير . انه لازم يجيب هديه لاخته رنا
وزين راح وقف جمب ريتال …رروتى
ريتال : متوتره نعم يا زين ..
زين : عقبالك يا قلبي ..
ريتال : قلبها دق . احم ميرسي .
زين : يا بت . قبل ما ابوكي يجي … باقولك عقبالك تقولي ميرسي …
ريتال : امال اقول ايه يا زين …
زين : قولي .. عقبالك انت كمان ياحبيبي .. لما تيجى تخطبنى .
ريتال : ا.اه . حاضر . عقبالك لما تيجى تخطبنى
زين : وقعتى اهم كلمه ….
ريتال : بتدور حوليها . بتوتر .هي فين دي..
زين : قرب منها .. ومسك ايدها وباسها .. وقعتي كلمه حبيبي …ريتال قولي انت حبيبي يا زين
ريتال : ضغطت على ايد زين بتوتر .. وضوافرها غرزت في ايد زين …
زين : ايه يا ريتال .. انتب بتنتقمي مني .. على حبي ليكي …
ريتال : شافت ايديها .. وسحبتها بسرعه .. وكانت ايد زين .. فيها اثار علامات من ضوافرها …
ريتال : بخضه. وخوف . ومسكت ايد زين ..ياخبر انا.. انا اسفه .. بجد اسفه . عملت كدا غصب عنى . انا اسفه يازين.
وزين : قلبه دق .. ولكن قال … ااااه انا ماكنتش عارف انك .. هتقسي كده عليا اااه ايدي ياروتى . حرام عليكي …
ريتال : سلامتك .. سلامتك يا حبيبي .. انا بجد اسفه ..
زين : ابتسم بخبث ..خلاص.. خفت يا قلب زين.
ريتال : ها . معقول خفت بسرعه كدا …
زين : قرب منها قوي .. باقولك خفت يا قلب زين.
ريتال : برقت .. بابي ..
زين : بعد شويه . لأن كان اشرف وهنا جايين علي ريتال ..
زين : قولي بسرعه قولي ..
ريتال : اقول ايه بسرعه …
زين : قولي انت حبيبي يا زين ..ابوك خلاص قرب يا بت قولي …
ريتال : اه بابى . قرب اه . احم . انت حبيبي يا زين .. وجريت من قدامه .. وراحت قابلت امها وابوها وكانت متوتره وبتنهج….
زين : اتبتسم هيييح قلب زين والله ….
حسام استأذن. هو وهدى . وشكروا جاسر وملك واخد هدى في العربيه ومشيوا … وكانوا مبسوطين جدا .. واليوم كان مميز بالنسبه ليهم .. وحسام قال ل هدى .. انهم هيعيدو ليله زواجهم .. لان مريم مش موجوده .. هو حب يفرح هدى .. لان من يوم سفر زياد .. وهي مش مبسوطه.
طارق : رنا
رنا : نعم يا حبيبي تحب نقوم نروح ..
طارق : باقولك ايه .. ما تيجي نروح على شقتنا القديمه …
رنا : ليه يا قلبي انت ناسي فيها حاجه ..
طارق : ركزي يابت . تعالى كده نعيد امجاد الماضي هناك .. ونقضي احلى وقت مع بعض …
رنا : ابتسمت . صدق انا حاسه اني مشتاقالك قوي.
طارق : احبك انت .. وانت مركز معايا قومي يلا بينا..
طارق : طب يا جماعه نستاذن احنا بقى .. وسلمو على جاسر وملك وشكروهم …
وودعو آدم ومريم ومشيوا ….
فارس اتحرك …. وفهد قال ل فريحه تعالي يلا علشان نروح ….. مراد قاله لا سيب فريحه انا هوصلها ..
فهد : ماشي وكان خارج بعد ماسلم ع الكل .. ولمح رينو واقفه .. وراح وقف عندها
فهد : لارين ..
رينو : لفت شافت فهد اللي متغاظ والغضب ع وشه
رينو : خافت تبصله .احم نعم يا فهد …
فهد : لارين بصيلي …
رينو : بصتله احم وبلعت ريقها. بخوف
فهد : بصي يا لارين . اظن كفايه لعب بالاعصاب لحد كده …واظن أن مشاعري واضحه وصريحه قدامك … و قسما بالله … قسما بالله يا لارين لو الل حصل ده اتكرر تاني .. ماهاعديهالك بسهوله ..
رينو : خافت .. ولكن بتتصنع القوه … نعم انت بتتكلم معايه كده ليه …
فهد : قرب قوي منها .وكان مركز اووى إن مفيش حد شايفه ولا مراقبه. انا اتكلم زي ما انا عايز …
ومع ذلك هاعرفك انا باتكلم كده ليه … انا بحبك يا لارين … بحبك سمعتي . بحبك .. وانك تسلمي على خالي محمد .. وكمان تحضنيه ده انا هخلي ايامك سودا على العمله دي .. وكمان تزغرطي وترقصي ..
.. وكل شويه ادخل اخرجك من وسطهم .. ده انا هخلي ايامك شبه شعر راسك يا لارين … وقسما بالله لو اتكلمتي كلمه واحده . ولا استفزتني لا اعمل دلوقتى تصرف مش هيعجبك …
لارين : من طريقه فهد خافت .. ولكن كبريائها وكمان اعترف بحبه ليها … هي في موقف لا تحسد عليه ..
. ومش عارفه تعمل ايه … ولكن قالت بغباء … انا حره واعمل اللي انا عايزاه … وانت مش هتقدر تعمل حاجه وعايزه بقى اشوف التصرف اللي مش هيعجبني ده … انت مش كل شويه تهددني ..واتفضل بقى علشان مشغوله…
فهد : وصل لقمه غضبه .. وقبض على ايده … ومن غيظه .. قرب على رينو .مره واحده. وباسها من شفايفها بغضب .لاول مره. علشان هو كمان حبه ل لارين ممكن يوصله للجنون ..
.. وبعد شويه.بعد عنها. قالها اول تصرف اهو .. وبعد كده هيكون في تجاوزات اكتر .. وريني بقى هتعملي ايه وسابها ومشي … وهو ماشي غمض عينيه .. لان قلبه هيطلع من مكانه .. وقال .. انت عملت ايه يا فهد … انت بوست رينو .. وكمان لمست شفايفها ..
…انت ايه الل انت عملته ده .انت ازززاى تعمل كدا . اوووف ومشي بسرعه وركب العربيه وطار بيها ومش مصدق …
اما لارين .. واقفه مكانها مصدومه ومتنحه .. ودموعها نازله من غير عياط . وجسمها بيترعش. واحاسيس كتيره متلخبطه … وزعلانه وفرحانه .. فهد بيحبها وقالها بحبها .. لكن فهد باسني . فهد اتجرأ وباسنى …وفاقت علي . صوت زين اللي بينده عليها علشان يروحوا ..لارين اتحركت ومسحت دموعها..
. وزعلت من فهد . واقسمت انها مش هتتكلم معاه تاني …
————-بقلمىmariem Nasar
آدم : اخد مريم .. وركبوا العربيه .. وزين اتحرك وراه .. هو ورينو الل عملت نفسها هتنام ف العربيه لحد مايوصلو الفيلا.. علشان زين سألها مالك . قالتله . تعبانه وعايزه انام …
آدم : مسك أيد مريم في العربيه .. وباسها .. حبيبتي اول ما تطلعي هتلاقي طقم في الدولاب ..
.. في علبه لونها احمر .. تلبسيه من سكات .. علشان اصالحك .. و اشرحلك كل حاجه .. ومحمد جالى الشركه امتى .. واتكلم معايا وقال ايه . واتفقنا على ايه ….
مريم : بكسوف .. احم حاضر .
آدم : بحبك ..
مريم : بعشقك
اما مراد .. اخد فريحه وحاسس انها زعلانه .. وحاول يتكلم معاها ..
مراد : فريحتى
فريحه : نعم يا مراد ..
مراد : انتي كنتي جميله اوى النهارده .
فريحه : احم .. ميرسي يا مراد ..
مراد : مراد ..!!!! امال فين مرادي .. ولا انا مابقتش مرادك..
فريحه : ايه الل انت بتقوله ده ..ما تقولش كده انت مرادى وعقلي . وروحي كمان
مراد : وقف العربيه . طيب لما انا مرادك وعقلك .. وروحك كمان .. مالك زعلانه ليه .. ومكشره من بدري
فريحه : ابدا صدقني .. مافيش حاجه خالص ..
مراد : شايف انها حتى من كلامها مخنوقه .. مسك ايدها وباسها بحب .. وفريحه قلبها دق … فريحه حبيبتي .. انا بتدايق لما باشوفك متدايقه .. عايزك على طول مبسوطه ..
فريحه : قلبها بيدق .. من لمسات مراد لا يديها وتاهت .. اا.اابدا يامرادي صدقني .. انا كويسه وغمضت عينيها …
مراد : قلبه دق وجاله شعور غريب .. وقرب من فريحه غصب عنه ولا اراديا باسها من شفايفها لأول مره . بوسه رقيقه جدا .. وفريحه كانت هتموت فيها ومراد فاق بسرعه . وسحب نفسه ..
وفريحه لسه مغمضه . ومتوتره وبتنهج وساكته .
مراد : جواه عايز فريحه في حضنه .. احم انا اسف بس ما اعرفش ازاى انا عملت كدا . انا اسف ..
وشغل العربيه ومشي …وفريحه ساكته وسرحانه في البوسه … وكمان مراد كان نفسه يبوسها تاني ..
وطول الطريق مراد سايق مخنوق وساكت ..
و اخيرا وصللها ونزل معاها لجنينه الفيلا بتاعتهم واقف وساكت .. ومستني لما هي تدخل جوه ..
فريحه : حست أن مراد مخنوق وزعلان .. مره واحده حضنت مراد وقالته انا بحبك يا مراد .. بحبك اكتر من اي حد اوعى تسيبني في يوم من الايام…
مراد : عايز فريحه بأى طريقه وبدء بينهار.
مراد : فريحه ..
فريحه : في حضنه نعم يامرادي ..
مراد : كفايه كده .. علشان هيحصل تجاوزات موووت
فريحه : خرجت من حضنه .. وطارت على الفيلا مراد : اتنهد : وحط ايدو ع شفايفه .. هانت يا فريحتي … وركب عربيته واتحرك علي بيتهم
——–
يوسف اخد مريم .. وقاعدين على النيل .. كلمها كتير انا مش مصدق يا مريم … انا بجد حاسس اني بحلم … انا كنت هتقدملك كمان اسبوعين … لكن شوفتى اللي حصل ….
مريم : بتوتر كل شيء نصيب يا يوسف … وكل حاجه بأمر ربنا …
يوسف : ونعم بالله . ياحبيبتي .اجيبلك حمص الشام …
مريم : لا متشكره …
يوسف : يبقى اجيبلك وقام .. وهي ابتسمت ..وجابلها حمص الشام وقعدو وكانوا مبسوطين
محمد في العربيه بيلف بيها مع نور وايديهم فى ايدين بعض .. ومش عايز يسيب ايد نور من ايده..
وكل شويه يبص عليها يقولها انا مش بحلم صح ..
نور : بتضحك ومبسوطه ….
محمد : نور تحبي نروح فين ..
نور : خلينا في العربيه يامحمد نتمشى شويه انا مش عايزه اروح اي مكان انا عايزه اكون انا وانت مع بعض ..
نور : ايه البوكس الجميل ده .. ده علشانى انا يامحمد
محمد : ايوه يقلب محمد . علشانك انتى
نور : اممم . افتحه .
محمد : لا . لما تروحي ياروحي ..
نور : اممم مع انى مش هصبر بس اوكى . وميرسى اوى يامحمد..
محمد : لا ميرسى ع واجب . ههههه
نور : ههههه .. محمد انا عندي استفسار صغير
محمد : عارف يا قلبي.
نور : عارف ايه …
محمد : عارف انك عايزه تعرفي كل ده حصل ازاي ..
نور : فعلا ويا ريت تحكيلي ممكن
محمد : ركن العربيه .. ممكن اوى . وهاتى ايدك دى .. ومسك ايديها .. هاحكيلك يا نور قلبي ———
- تبع الفصل التالي اضغط على (رواية عشقتها منذ نعومة اظافرها ) اسم الرواية