رواية بنت الغير شرعية كاملة بقلم ياسمين عبر مدونة دليل الروايات
رواية بنت الغير شرعية الفصل الثاني عشر 12
حنا هكاك صونا تيليفوني لقيتو هو هدرت معاه شوية ممبعد قالي واش ديري قتلو والو كنت راح نشوف الحوايج لي شريتهم قالي أيا مزية حتى أنا عيطتلك على جالهم اجبديهم قتلو راهم قدامي قالي صحا شوفي كاين غوب بيضاء لبسيها مع دوبياس الابيض والصباط الباج والصاك الباج نهار الخميس تروحي بيهم قتلو أوكي وشوفي حاجة لي تجيك شابة روحي بيها للحفافة سمع الهدرة قالي شكون عندكم قتلو دلال برك قالي بيا قوليلها تروح معاك للحفافة قتلو صحا قالي مالا باي بعد غدوة نجي نديك للحفافة كاش حاجة عيطي قتلو داكور وكوبيت جبدت لاغوب البيضاء لي قال عليها قيستها جاتني تحفة هي ميني جاية سيغ طاي ليمونش نتوعها قونفلي ترونسبارون جاي لونها بلون كاسي مش بلون مع السباط دومي طالون وبوشات باج ، لقيتو تاني جايبلي سروال كلاسيك مارون جاي سليم مش عريض معاه شوميز بيضاء سامبل وفاست كلاسيك
كوبي مارون تاني ، و غوب أفلوغ غوج من الفوق مضبوطة ومن تحت مدورة فيها سانتيغ GGui تاني زوج بونتا شوفي جين واحد هذاك المحكوك وواحد نورمال فيه الطية من تحت ليكات أكارو نواغ بالبلون قصيرة من قدام وطويلة شوية من اللور و شوميز جين خفيف وفيها عفسات نتاع سلاسل واديداس بيضة معاها ساكودو صغير بيض وصباط طالون أحمر وساك صغير يترفد فاليد أحمر تاني ، لي دوبياس بكل الألوان الكوسميتك قاع انواع المكياج بالالوان وتاني شومبوا وجال دوش وجال نتوايو المهم حبوبة ياسرا والروايح تاني انواع تفاهمنا على الصوالح لي خصوني ، حاولت ماما قتلها منديرش عرس مخصنيش تكسار الراس ديجا اليوم الإثنين وهو راه يقول الخميس العقد وينتا نديرو العرس وزاد منلحقوش بسيف اقتنعت مبعد قاتلي كيفاش ندير نهار يديك وغير وحدو باينة الناس رايحة تهدر حتى قالتلها دلال خالتي واحد ميعرفو وزيد حتى طونوبيلتو ماتريكيل نتاع الخارج مالا قولي رايحة للخارج على هذا مدرناش وهو مزروب باه يروح ويديها قالتلها خالتي صح هذي لراح تسلكنا من الهدرة قلبي زيرني يخمو على هدرة الناس بصح مخموش فيا من الأول مش قابلة بيه وزاد قالي عندي مصلحة فيك يا ترى
واش هيا يا خوفي يشبع مني ويرميني لازم نقفاز كيما قالت دلال ونبروفيتي منو الماكسيمو فالليل قاع عيطتيلو مردش عرفتها راه فالبار عيطت لدلال قاتلي نو مجاش أنا هكاك حتى دخلتني أبال نتاعو فيما هزيت قالي معامن تحكي قتلو مع دلال قالي سيغ قتلو وعلاه نكذب ياك قلت زواج مصلحة لي كاينة نقولها قالي علاش عيطتي قتلو راها ماما قاتلي عيطيلو قوليلو خارجين غدوة الصباح نقضو قالي واش خاصك قتلو قالو بيجامات وبدعيات نتاع قيمة قالي نو نو اخطينا منهم ميلبسوهمش عندنا استغربت كيفاه ميلبسوهمش قتلو مالا واش تلبسو يا سي يوسف قالي كي تروحي وتشوفي واش يلبسو زيدي قتلو خصني فاليزة صغيرة للكوسميتيك وتاني سيشوار وليسور قالي اشري غير الفاليزة ولوخرين عليا قتلو لالا صحيت قالي منعاودش الهدرة صايي زيدي واش تحتاجي قتلو هذا مكان قالي تصبحي بخير وكوبا ، صباح نضنا تقهوينا عاودت لماما كامل واش قال أنا بيا باه تنفر منو وتبدل رايها ساعة هي قاتلي كيما يبغي قتلها مالا معندي علاه نخرج راحت هي وخالتي دير دياليز وانا من الغش والزعاف درت ميناج كبير للدار وحدي حتى تكسر ظهري …….
- يتبع الفصل التالي اضغط على ( رواية بنت الغير شرعية ) اسم الرواية