رواية حب غير مقصود الفصل الرابع عشر 14 - بقلم منة

    رواية حب غير مقصود كاملة بقلم منة عبر مدونة دليل الروايات 

 رواية حب غير مقصود الفصل الرابع عشر 14

بعد ما الكل ده اوضته..

شريف حط الشنط : اااه بجد المشوار كان طويل اوي..

: فعلا هموت وانام..

شريف : تعالي ننام ساعة وبعد كده نقوم نتجمع كلنا ونخرج نتغدى برا..

: تمام يلا.. وناموا.

عمرو و ياسر و عادل كانوا مع بعض..

عمرو كان مضايق من ياسر.. بس لما اتكلموا مع بعض ف كذا حوار.. عمرو فك شويه..

طبعا الكل دخل يرتاح ف اللي نام و ف اللي قاعد.

_________

بعد مرور ساعتين تقريبا..

عند عايده..

ريم و رحيم عايزين يخرجوا و عاملين دوشه..

ايمن : طب استنوا اما الكل يجهز و نروح مع بعض..

ريم و رحيم طلعوا ع السرير بملل : حاضر.

وبعد شوية وقت كلهم اتفقوا انهم هيروحوا يتغدوا ف مطعم الكل جهز وراحوا..

اول ما وصلوا ابتسام وعادل بصوا لبعض علشان افتكروا الموقف اللي بينهم.. عادل ابتسم وسابها ودخل..

وهي ابتسمت وقالت لنفسها : كل اما اشوفه اتنرفز..

ياسر : يلا ي ابتسام بتعملي اي عندك..

ابتسام راحت وراهم بسرعه..

الكل قعد..

عمرو قاعد مع هدى ع نفس التربيزه.. و شهد قعد مع امها وابوها واختها.. وعمرو وشهد بيخطفوا نظرات لبعض…

عادل عيونه بتروح ع ابتسام بدون ما يقصد وابتسام هتتشل مكانها..

و بعد ما خلصوا اكل طلبوا عصير..

ياسر بمرح : اجدع حاجه ان العصير هيجي لحد عندي مش انا اللي هعطي العصير للكل..

دعاء اتحرجت وابتسمت بكسوف..

فاتن : وانت من امتى بتساعدني ف حاجه.. كل حاجه البت ابتسام هي اللي بتعملها ربنا يبارك فيها.

ابتسام : حبيبتي يا ماما ربنا ميحرمنيش منك..

ياسر بص ع دعاء وشافها ساكته..

ابتسم و كمل كلامه مع الباقي..

عمرو قاعد يبص ع شهد و امها وابوها واخدين بالهم..

امنيه : تعالي اقعد جنبها بدل ما عينيك هتطلع من وشك..

شهد ضحكت و هو اتكلم باحراج : شكرا ي حماتي دايما عامله حساب للناس اللي حوالينا.

سعد بضحكه : تعالي ي بني اقعد معانا..

عمرو راح قعد جنب سعد وقعدوا يتكلموا مع بعض…

وبعد شوية وقت الكل رجع..

____

تاني يوم..

الكل قام و كانوا ع اتم الاستعداد للخروج.. الكل اتجمع وراحوا ع البحر وقعدوا كلهم و عملوا دايره كبير كل واحد قاعد و عيلته جنبه..

روحتلهم : كده كل حاجه تمام الاكل اهو.. وكمان المايه.

شريف مد ايده : يلا اقعدي..

قعدني جنبه و الكل بدا ياكل و كان الجو هوا حلو.. وكانوا الشباب عاملين جو حلو كله ضحك..

الكل خلص اكل وقام..

الشباب قاموا يلعبوا.. والبنات عملوا دايره كبيره و قعدوا يغنوا.. و كانت دعاء و عايده صوتهم حلو جدا..

وبعد شوية وقت..

شريف : نسمه..

قومت من وسطهم و روحتله ايوه..

شريف يلا علشان ننزل البحر.

: لا ي شريف الصراحة بخاف وبحس اني مش قادرة اتنفس..

شريف مسك ايدها باصرار : لا هتيجي معايا و متخافيش انا معاكِ واخدني من ايدي و جري ع البحر.. ف الاول كنت خايفه و مش قادره اتنفس بس شريف واحده واحده طمني و بقيت عادي..

ريم ورحيم قعدين ع البر بيلعبوا وايمن محاوط عايده وبتمشوا ف المايه ع البر بردو مدخلوش لجوا…

باقي الشباب والرجاله نزلوا الا سعد…

و هدى وفاتن نزلوا رجلهم ف المايه بس لكن امنيه لا مرحتش معاهم..

ابتسام و شهد و دعاء نزلوا بس مش لجوا اوي..

و لما الشمس غابت و قرب المغرب الكل اتجمع تاني علشان يرجعوا الفندق..

ادهم : ارجعوا غيروا.. وانزلوا وانا هعزمكم كلكم و نروح نتعشا مع بعص..

سعد : انا هشاركك ف العزومه دي لان عددنا ماشاء الله كبير..

ادهم : لا انا قولت هعزمكم خلاص..

سعد باصرار : لا والله هشترك معاك ياما مش هاجي.

ادهم بقلة حيلة : خلاص اللي يريحك..

الكل رجع وفرحان وحاسس بفرحة ولمة وياسر عايز اي فرصة علشان يوقف يتكلم مع دعاء لكن هي دايما بتهرب من قدامه..

الكل طلع غير وقعدوا شوية و بعدين نزلوا..

اخدت الفون بتاعي بتعب : مش كنا اكتفينا انهارده كده و نمنا بجد تعبت وعايزه انام.

شريف قرب اخدها ف حضنه: معلش ي حبيبتي مينفعش منروحش.. واكيد مش هنتاخر لان الكل فصلان..

ابتسمت : طب يلا علشان ماما بتتصل..

شريف : يلا

_________

الكل كان موجود ومشيوا و كلهم عدوا الطريق الا ياسر..

ياسر لسه بيعدي اجت عربيه من بعيد بسرعة وخبطته وكملت طريقها عادي..

اول واحده شافته هي دعاء لانها كانت شبه مركزه معاه..

دعاء بصتله بصدمه : لااااااا.. ياسر.

الكل انتبه وبصوا وراهم شافوا ياسر مرمي ع الارض بعيد..

فاتن بصريخ : ابنيييي…

الكل جري بخوف وشريف شال ياسر وادهم وقف تاكسي.. حازم ساعده و طلع ع المستشفى.. كان شريف وحازم مع ياسر.. لكن ايمن و ادهم وسعد اخدوا باقي العيله و طلعوا وراهم..

وصلوا المستشفى..

الدكتور اخد ياسر علشان يكشف عليه و الكل مصدوم و زعلان.. دعاء واقفه بتترعش كل ما تفتكر المنظر.. واتكلمت بهمس : هيم.. وووت.

فاتن بتعيط و حازم بيطبطب عليها : اهدي بس ان شاء الله هيبقا كويس..

شريف واقف جنب الباب من غير ولا كلمه ولا اي فعل رد…

قربت منه وانا خايفه عليه : شريف.. شريف

شريف مش بيرد..

قربت منه اكتر وهزيت دراعه : شريف ممكن ترد عليا صدقني.. هيبقا احسن.. شريف.

شريف اتكلم بدموع وصوت عالي كل المستشفى سمعته : ليييه دايما لما نفرح نقع ف حزن اكبر من اللي قبله.. انا كل ما اقول خلاص كل حاجه هتبقا كويسه وتمام يحصل حاجه تخلي قلبي يتح. رق..

حطيت ايدي ع وشه بدموع : اهدى بس ي حبيبي.. اكيد تعبه ده هيكون حاجه كويسه ولسه بكمل كلامي وهقوله ان رب الخير لا ياتي الا بالخير قطعني..

شريف : اخويا جوا دم. ه بيتصفى وانت بتقول شئ كويس..

: شريف اهدى انا اكيد مقصدش كده…

شريف : اومال تقصدي اي.. اوعي تكوني مفكرة ان علشان انا زعلت من ياسر شوية علشان غلط ابقا اتمناله الشر واتمناله الموت..

اول ما سمعت شريف قال كده استغربت وحاولت احط ليه عذر انه خايف ع اخوه : شريف انت فهمت كلامي غلط..

شريف زق ايدي بعيد : ابعدي عني.. بدل ما تدخلي تطمني عليه بحكم انك ممرضه لا جاية تقولي ان اللي فيه ده شئ كويس..

اتكلمت بدموع : شريف انا قولت انك فاهم كلامي غلط وياريت تفوق للي انت بتقول.. انا عمري ما اتمنى لحد الشر.

شريف لسه هيزعق الدكتور خرج..

(حابه اقول حاجه 🙂🙂شريف من خوفه ع اخوه فهم نسمه غلط.. وهو قطع كلام نسمه يعني مسمعهاش للاخر لو كان سمعها للاخر كان فهم انها بتهون عليه لكن دايما سوء تفاهم صغير بيسبب مشاكل كتير)..

حازم راح للدكتور : ابني كويس صح ي دكتور..

الدكتور : احنا لحد دلوقتي عملنا اللازم بس هو مافقش.. بس احنا هناخده غرفة الاشعة.. الظاهر ان ف كذا كسر..

الكل كان سامع كلام الدكتور و زعلان..

ايمن بزعل : احنا كده عددنا كبير اوي ع الفاضي ياريت اللي هيقعد هنا يكون عدد قليل والباقي يروح..

ادهم فعلا ايمن عنده حق..

حازم : ادهم ياريت ترجعوا وانا و شريف هنبقا هنا ولو احتاجنا حاجه هنبلغكم..

فاتن : انا مش هسيب ابني.. انا مش هخرج من هنا غير معاه..

حازم بزعل : ماشي وياريت الكل يرجع..

عادل : انا يا عمي هكون معاك.. معرفش امشي من غيره انا جاي معاه اصلا..

: وانا مش هسيب شريف لوحده..

_______بقلم/Princess Menna

حازم : الكل هيبقا هنا اومال مين اللي هيرجع مينفعش كده..

ادهم : خلاص انت وشريف و نسمه و الحاجه فاتن تكونوا هنا وانا هاخد الكل ونرجع ونيجي ع الصبح بس مش كلنا مره واحده هنيجي مجموعات..

حازم هز راسه بالموافقه..

دعاء قعدة ف حضن شهد وبتعيط والكل مقدر انها شافت الخبطه فالموقف صعب عليها..

سعد قرب عليها وسندها.. ومشيوا..

امنيه قربت من ابتسام : تعالي ي حبيبتي اقعدي مع شهد و دعاء..

ابتسام بتعيط و ساكته..

عادل : سبيها يا طنط هي هتقعد مع امها وابوها.

امنيه : ماشي ي ابني.. ربنا ينجيه يارب..

ابتسام حطه ايديها ع وشه وبتعيط بشهقات..

عادل واقف قدامها وبيبص عليها باستغراب : يعني البت العنيده اللي لسانها طويل.. تطلع بتخاف كل ده ع اخوها.. و دمعه نزلت منه لما افتكر اخوه اللي مات ف حادثه ومن ساعتها و هو وحيد..

عادل : احم.. ممكن تهدي و تدعيله ان ربنا ينجيه ويبقا احسن من الاول..

ابتسام مستمره ف العياط..

عادل مش عارف يعمل اي بس مضايق علشان عياطها..

عادل : لو سمحتي.. وكان يقصد نسمه.

انتبهت ليه : ايوه حضرتك.

عادل : ممكن تساعدي الانسه تدخل تغسل وشها ف الحمام.. ع ما اظن انه هناك ف اخر الطرقة..

قربت من ابتسام واخدتها ف حضني وحاولت اهديها واخدتها غسلت وشها..

وبعد ما خرجنا كان الدكتور واقف مع شريف..

الدكتور : هو دلوقتي عنده كسر ف ايده الشمال و رجله الشمال.. لان تقريبا هو وقع ع جنبه الشمال..

شريف : هو مفاقش لسه..

الدكتور : لا هو تحت الملاحظه دلوقتي..

شريف راح قعد ع الكرسي بزعل..

عادل زعلان علشان صاحبه وخايف عليه.. و مضايق علشان شايف ابتسام بتعيط و ضعيفه..

عدى اليوم ع الكل كانه كابوس وبيتمنوا يصحوا منه..

تاني يوم..

شريف قام وراح للدكتور : هو ياسر لسه مافقش ليه..

الدكتور : للاسف المريض دخل ف غيبوبه مؤقته..

شريف بصله بصدمه : انت بتقول اي..

الدكتور : للاسف..

فاتن سمعته و عيطت.. ابتسام صرخة ونسمه راحة تهون عليها..

الدكتور : ياريت تهدوا.. انا قولت مؤقته يعني هيفوق ف اي وقت بس دعواتكم..

عادل مسح دموعه بزعل وقعد يدعيله الدكتور سابهم وراح يشوف شغله..

وبعد شوية عمرو و ايمن و ادهم و هدى اجوا يطمنوا ع ياسر بس لما عرفوا زعلوا جداا..

بعد يومين وكانت كل حاجه زي ما هي ياسر مافقش.. وشريف مش بيكلم حد و متجنب نسمه..

ادهم : والله انا بقول نرجع بيتنا تاني.. لان قعدتنا هنا مش صح..

حازم : معاك حق بس هنرجع ازاي..

ادهم : اكيد ف عربية مجهزه متخصصه للمسافات البعيده..

ايمن : خلاص هكلم الدكتور وهشوف اي الانسب ونعمله..

الكل قال تمام.. وايمن راح للدكتور وقاله مفيش مشكله انه يرجع.. بس يروح مستشفى علشان يكون تحت الملاحظه دايما..

الكل قالوا انهم هيرجعوا تاني يوم وفعلا رجعوا..

ياسر راح ع المستشفى ع طول..

الكل زعلان والاكتر زعل هي دعاء اللي حاسه يشعور الندم وهي مش عارفه ليه.. ممكن يكون علشان دايما بيبقا عايز يقولها حاجه لكن هي بتصده ف كل مره..

بعد مرور اسبوعين..

قومت بدري لبست وشريف وصلني للمستشفى و هو راح ع الشركه و بيرجع ع المستشفى.. وانا بتابع حالة ياسر و للاسف مفيش تحسن..

عادل دايما ف المستشفى الصبح و ف المطعم بالليل..

عادل واحده واحده بقا قريب من ابتسام وهي ارتاحت ف التعامل معاه وشافته شخص كويس.. مش الشخص القليل الذوق اللي شيفاه دايما..

…

عدى اسبوع كمان..

بصتله بصدمه انت بتقول اي؟!!

بقولك تتجوزيني 😉

• يتبع الفصل التالي اضغط على ( رواية حب غير مقصود ) اسم الرواية