رواية العشق الابدي الفصل الخامس عشر 15 - بقلم لبنى دراز

 رواية العشق الابدي كاملة بقلم  لبنى دراز عبر مدونة دليل الروايات

رواية العشق الابدي الفصل الخامس عشر 15

  

إن الله تعالى قسّم هذه الحقوق وجعلها مراتب، وأعظم تلك الحقوق الحق العظيم، بعد حقّ عبادة الله سبحانهُ وتعالى وإفراده بالتوحيد، وهو الحقّ الذي ثنّى به سبحانه وما ذكر نبيًّاً من الأنبياء، إلاّ وذكر معه هذا الحقّ، الذي من أقامه يكفّر الله به السيئات، ويرفع به الدرجات، ألا وهو الإحسان للوالدين

🌹💕🌹💕🌹💕

اللهم اغفر لوالداي، وارحمهما، وعافهما، واعف عنهما، وأكرم نزلهما، ووسع مدخلهما، واغسلهما بالماء والثلج والبرد، ونقّهما من الخطايا كما ينقى الثوب الأبيض من الدنس، وأبدلهما داراً خيراً من دارهما، وأهلاً خيراً من أهلهما، وأدخلهما الجنّة بغير حساب، وأعذهما من عذاب القبر، اللهم واجعل قبرهما روضة من رياض الجنة، ولا تجعله حفرة من حفر النار، اللهم مد لهما في قبرهما مد بصرهما، اللهم أنزل على قبرهما الضياء والنور، والفسحة والسرور، اللهم أفسح لهما في قبرهما، ونوّر لهما فيهما، برحمتك يا أرحم الرحمين اللهم أمين يارب العالمين

العشق الأبدي بقلمى✍️____________________لبنى دراز

فـ بيت حازم

بعد ما رجع حازم و الاء من المستشفى بعد يوم طويل

الاء:: بتعب ااااااه يا قلبى اااااه يا بطنى اااااه يا رجلى

حازم:: ضيق عينيه .. هااااا فاضل اه يا ايه تانى يا الاء

الاء:: بغيظ مالك يا حازم حرام اتعب يعنى .. اه يانى يا كُلى يانى اه

حازم :: ياحبيبة قلبى انا اقدر اتكلم برضوا .. بس اثبتى ع حاجة عشان اعرف احدد اجيب انهى دكتور بالظبط

الاء :: بغيظ .. هات كونسلتو يا خويا مش بتقول انى حبيبتك اصرف بقى و كلف و هات دكاترة

حازم :: بااااااس انا هلم هدومى و اروح عند امى لا تقولى ياخويا ولا تقولى اصرف وكلف وهات دكاترة هههههههههه

الاء :: بغيظ .. سيييد قصدى حاااازم

حازم :: عيون و قلب و روح حازم سلامتك ياحبيبتى

الاء :: قلبى واجعنى اوى ع حلم وخايفة عليها اوى

حازم :: ياحبيبتى حلم قوية و حواليها اللى هيخلى باله منها .. بس انا ياقلبى ماليش غيرك انتى كل عيلتى و كل ناسى عشان خاطرى خدى بالك من نفسك

الاء :: و هى بتقوم .. حاضر ياحبيبى

حازم :: قايمة رايحة فين

الاء :: هعمل عشا احنا من بدرى ماكلناش وكمان حاسة بطنى بتشد عليا

حازم :: لولو حبيبتى ادخلى أرتاحى ع السرير و أفردى ضهرك و انا 5 دقايق بس هدخل اخد شاور و أعملك احلى عشا ياروحى ماشى

ألاء :: تسلم لـ قلبى ياحبيبى

حازم :: ربنا يباركلى فيكى ويخليكى ليا يا احلى لولو فـ حياتى

و بالفعل قام اخد شاور و حضر العشا و اتعشوا و اخدها فـ حضنه و ناموا من كتر التعب ماحسوش بأى حاجة

__________________________

فـ شقة فارس

ياسمين قاعدة مع عاليا و شروق و ضحى بيرغوا فـ اى حاجة و شافت فونها رن بأسم قصي و قامت دخلت اوضتها ترد

ياسمين :: الووو قصي

قصي :: الووو سمسمية قلبى عاملة ايه

ياسمين :: الحمدلله يا قصي انت عامل ايه

قصي :: تعبان من غيرك يا سمسمة

ياسمين :: و بعدين بقى يا قصي

قصي :: بعدين ايه بس يا ياسمين هنفضل كدا لـ امتى

ياسمين :: و انا بإيدى ايه بس مش كل حاجة قصاد عينيك أهى

قصي :: يا حبيبتى عارف بس فكى معايا شوية ع الاقل كلمة حلوة منك تصبرنى لغاية ما ربنا يريد

ياسمين :: قصي احنا اتكلمنا قبل كدا و قولتلك لما أكون مراتك وحلالك كل الكلام الحلو هتسمعه قبل كدا لأ وماتزعلنيش منك بقى

قصي :: و انا مقدرش ازعل قلبى و روحى مني و حاضر يا سمسمية قلبى هصبر لغاية ما اكتب الكتاب

ياسمين :: طمنى عنك انت روحت ولا لسة فـ المستشفى

قصي :: لا يا حبيبتى روحت

ياسمين :: طيب تبقى سلم ع طنط و عمو يلا تصبح ع خير

قصي :: و انتى من أهلى

وفعلا قفلت ياسمين المكالمة ورجعت تانى تقعد مع شروق وضحى و كانت عاليا مش موجودة معاهم وسألت عليها

شروق ::بـ ضيق .. جالها تليفون هى كمان و قامت ترد عليه

ياسمين :: طيب تمام .. تحبوا تشربوا حاجة

عند عاليا فـ نفس الوقت

رن موبايلها وكان سيف

عاليا :: الووو سيفو باشا كيف حالك

سيف :: منيح يا جلبى والله

عاليا :: زين والله زين

سيف :: حبيبتى عاملة ايه طمنينى عليكى

عاليا :: اييييه هعمل ايه يعنى يا سيف يابنى ادينى اهو من امبارح فحت و ردم من خضة لـ خضة لما خلااااص

سيف :: اه ياحوستى السودة يانا ياما ايه يابنتى الكأبة اللى انتى فيها ده فكى شوية

عاليا :: بنرفزة مرحة .. الله يا جدع عايزنى اعملك ايه يعنى انت مش شايف اللى احنا فيه اتجاهل كل ده يعنى و افضل احبك فيك

سيف :: بذهول .. يا جدع !! و أه ياختى و فيها ايه لما تحبى فيا يعنى اذا كان أخوكى بجلالة قدره سايبه بيحب فـ قلب العناية المركزة

عاليا::نعم ياخويا ..ايه اللى انت بتقوله ده

سيف :: و غلاوتك عندى زيمبقولك كدا .. دول اساسا هنعمل قصة حياتهم فيلم و نسميه حب فـ العناية المركزة .. احنا نبقى قاعدين هنمـ وت من القلق برة و هما الاتنين بيحبوا فـ بعض جوة و فـ الأخر يطلعوا برة يضـ ربو بعض بالـ👞 قال يعنى احنا ماشوفناش اللى بيعملوه

عاليا :: دورها فـ الذهول .. ياراااجل!! احكيلى احكيلى

سيف :: اسمعى ياستى لما اتصاب فارس و راح للـ مـ وت هى بقت تصرخ فـ قلب المستشفى انا بصراحة استغربت رغم انى قلقان ع اخوكى بس برضوا لفتت انتباهي المهم .. و بيحكى بالتفصيل من وقت ما دخل فارس العمليات لغاية ما فاق خالص وطلع اوضة عادية

عاليا :: بعياط .. يا حبيبى يا فارس كل ده حصلك

سيف :: انتبه انها بتعيط واتخنق من سماع عياطها .. مالك يا حبيبتى بتعيطى ليه

عاليا:: اول مرة أعرف اللى حصل لـ فارس يا سيف كل اللى أعرفه ان اصابته كانت خفيفة مش كل اللى انت بتحكيه ده

سيف :: بندم ..اسف ياحبيبتى صدقينى ماكنتش اعرف انك مش عارفة ماكنتش قولتلك حاجة

عاليا :: عادى بقى ولا يهمك المهم انه كويس و هى ان شاء الله تبقى كويسة .. انا هقفل بقى تصبح ع خير

سيف :: تصبحى فـ حضنى يارب

عاليا :: قفلت بسرعة و وشها كتلة طماطم من كتر الخجل

وبعد ما خلصت مكالمتها رجعت هى كمان وقعدت مع البنات ياسمين والحربؤتين شروق وضحى وكل شوية تحـ ر ق فـ دمهم بالكلام

قبل الفجر

صحى أدهم أخد شاور و اتوضا وصلى قيام الليل وكانت نجوي صاحية ما نامتش لسة من كتر القلق

أدهم :: باس ايدها .. صباح الخير ياحبيبتى ايه اللى مصحيكى بدرى كدا

نجوى :: بقلق .. صباح الخير يا قلب امك معرفتش انام طول الليل قولت اصلى الفجر بالمرة و بعدين انام

أدهم :: مالك يا أمى قلقانة من ايه فى حاجة تعباكى ياحبيبتى

نجوى :: قلقانة عليكم يابنى .. عمتك ومرات عمك وراهم سر قلبى مش مطمن منهم

أدهم :: ياحبيبتى هيعملوا ايه يعنى اوسع ما فـ خيالهم يعملوه ولا انتى ناسية فارس عمل ايه معاهم قبل كدا

نجوى :: مش ناسية ياحبيبى بس هنفضل كدا طول عمرنا يعنى

أدهم :: باس راسها لأ متخافيش هما بعد ما خلاص البنات ربنا رزقهم واتخطبوا و انا و فارس كمان لاقينا اميرات قلوبنا صدقينى خلاص كدا أخر امل ليهم راح

نجوى :: بخوف .. و هو ده اللى مخوفنى يا أدهم أعمامك كانوا ساكتين عشان حاطين فـ دماغهم ياخدوا اللى معاكم عن طريق ولادهم وانتوا دلوقتي ضيعتولهم اخر أمل عندهم يعنى مش هيسكتوا تانى

أدهم :: بمرحه المعتاد .. ياست الكل يا فل انتى ولا يقدروا طب ده انتى تنامى و فـ بطنك شادر بطيخ .. الاول كان عندك المُد مر بس دلوقت اتحد مع الاسطورة وااااه ياعينى ع اللى يفكر يقف قصادنا يبقى هو الجانى ع روحه ولا ايه

نجوى :: ابتسمت ع طريقته .. تفتكر يا أدهم

أدهم :: افتكر ايه بالظبط؟!

نجوى :: حور بتحب فارس زى ماهو بيحبها

أدهم :: يا أمى يا حبيبتى اللى تعمل اللى حور عملته يوم ما فارس اتصاب دى مش تبقى بتحب بس دى بتعشق تراب رجليه

نجوى :: بأستغراب .. انت كنت عارف!!

أدهم :: انا عرفت لما رجعت من المؤتمر وقتها دكتور كمال حكالى كل اللى حصل واللى هى عملته جوة العمليات و فـ العناية كانت هى السبب انه رجع تانى للحياة

نجوى :: قلبى وجعنى ع أخوك و هو بيتكلم و مش واعى وقال كل اللى خبتوه عنى

أدهم :: فارس دلوقتي زى الفل و خلاص كام يوم و هيرجع شغله و حور كمان هتبقى زى الفل .. و هو بيتكلم أذن الفجر .. بصلها شوفتى ربك بيطمنك أزاى..الله أكبر الله أكبر .. قومى سلميها لـ ربنا و ادعي لـ فارس قلبك و ابقى افتكرينا بدعوة ههههههههه

نجوى :: يا بكاش .. و انا مش بدعيلك يعنى زيه ولا ايه

أدهم :: عارف ياحبيبتى و الله بس بناغشك ياقمر .. المهم هقوم اصلى و اروح أشوف عصافير العناية اللى هناك دول اطمن عليهم

نجوى:: ههههههههههه الله يسعدك يابنى ضحكتنى والله

أدهم :: اضحكى يا نوجة ماحدش واخد منها حاجة

نجوى:: ممكن طيب تاخد اخواتك البنات معاك عايزين يروحوا يطمنوا ع حور

أدهم:: أخدهم من دلوقتي بدرى اوى

عاليا:: من وراه بدرى من عمرك يا كابتشن .. صباح الفل يا بشرية

أدهم :: قردتى صباح الورد

عاليا:: دومى حبيبى انا و سمسمة هنصلى و نيجى معاك

أدهم:: طب أخلصوا يلا بسرعة

و فعلا خلصوا ونزلوا التلاتة راحوا المستشفى

_________________________

فـ المستشفى

حلم صحيت من نومها و شافت فارس نايم ع الكرسى جنبها فضلت تبص له كتير و تتحقق من ملامحه لغاية ما شافت مريم بتدخل العناية عشان تتابع حالتها غمضت عينها و حست بـ مريم وهى بتقرب من فارس

مريم:: بصوت واطى .. فارس باشا

فارس:: بخضة .. حور جرالها حاجة؟!

مريم:: ماتقلقش انسة حلم بخير بس حضرتك اتفضل معايا ارتاح شوية فـ الأوضة اللى جنبها

فارس:: بيهز دماغه .. لأ يا مريم انا مش هسيبها

مريم:: بس حضرتك كدا من امبارح و انت لسة تعبان ولازم ع الاقل ترتاح ساعتين

فارس:: انا راحتى جنبها .. انا مرتاح كدا ماتقلقيش

حلم:: بتعب .. اسمع كلامها يا فارس عشان خاطرى

فارس:: بأبتسامة .. صباح الخير يا حبيبى اسف صحيتك

حلم:: انا صاحية من قبل ما تدخل مريم

فارس:: بحب و ما صحتنيش ليه

حلم::بخجل .. ماهونتش عليا اقلقك

فارس :: لـ أجلك ياأميرتى تهون أوجاعى تهون حياتى فأنتى الروح لذاتى أنتى كلماتى وأبياتى وكل رواياتى أحبك مولاتى

مريم::وهى بتتابع حالة حلم جواها.. هيييييييح بقى

برة العناية

أدهم :: وصل و معاه ياسمين و عاليا وقالهم .. استنونى هنا هدخل الاول اشوف الوضع ايه

ياسمين :: حاضر يا أدهم

أدهم :: وهو داخل العناية سمع فارس و هو بيتكلم و من وراه .. و الله انا قولت عصافير العناية ماحدش صدقنى

حلم :: غمضت عينها من الخجل وساكتة

فارس :: ايه اللى جابك ياظريف بدرى كدا

أدهم :: امممم جاى أقفشكم و انتوا بتحبوا فـ بعض

فارس :: بغيظ .. و انت مالك يا بارد روح شوف مجنونتك فين أجرى و حب فيها براحتك ومالكش دعوة بينا

مريم :: احم احم دكتور أدهم .. نحن هنا

فارس :: هو انتى كنتى لسة هنا يا مريم

أدهم :: برفعة حاجب .. ده الباشا مش هنا خاااالص و لـ حلم انتى عملتى فيه ايه بالظبط و لـ مريم ايه الاخبار يابنتى

مريم :: بأحراج ..كل المعدلات طبيعية جدا الحمدلله

أدهم :: طيب تمام اتفضلى انتى يا مريم و خليهم يجهزوا أوضة عشان انسة حلم

مريم :: حاضر يا دكتور ..و فعلا خرجت مريم من العناية عشان تجهز الاوضة

أدهم :: واقف و حاطط ايديه فـ جيوبه .. اممممم بذمتكم يعنى ينفع الكلام ده وهنا فـ العناية .. و بضحك أرحمونا بقى ههههههههههه

برة العناية

عاليا :: بزهق .. ايه ده هما نسيونا ولا ايه

ياسمين :: اصبرى يابنتى شوية يمكن لسة حور تعبانة ولا حاجة

عاليا :: بصراحة بقى هتجنن و اشوف فارس و حور و احكيلهم عن الحرابيق اللى عندنا

ياسمين :: اهدى شوية و اصبرى لما أدهم يقولنا ندخل اكيد هندخل

عاليا :: بتذمر .. ماشى ياختى و أدى قعدة

جوة العناية

بصت لـ فارس بخجل عشان كلام أدهم.

حلم :: بصوت مبحوح .. عاجبك كدا

فارس:: عاجبنى جدا ياقلب فارس

أدهم :: الله يسهلووو يابا

فارس:: بغيظ .. أتلم يا أدهم وألا انت عارف

أدهم:: بضحك .. رفع إيده بأستسلام عارف يا باشا عارف .. المهم يلا بقى اتفضل برة لو سمحت خلينى أشوف شغلى عشان القمر دى تطلع أوضتها برة

فارس :: بغيرة .. مش طالع شوف شغلك و انا قاعد

أدهم:: بجدية .. يا فارس ياحبيبى اطلع اخواتك برة ..و دقيقة واحدة و هى هتطلع يلا بقى

حلم:: بتعب .. لـ فارس عشان خاطرى اسمع كلامه

و قبل مايطلع دخلت مريم و معاها بنتين تانى

أدهم :: يلا يامريم فكولها الاسلاك دى و وصلوها اوضتها

مريم:: حاضر يا دكتور

و فعلا طلع أدهم مع فارس و ساب مريم تتابع مع البنتين اللى معاها خروج حلم من العناية

برة العناية

عاليا شافت فارس خارج من العناية جريت عليه و بتعيط جامد و ماحدش فاهم مالها

فارس :: خدها فـ حضنه شششششش أهدى يا حبيبتى مالك بتعيطى ليه

عاليا:: من بين شهقاتها خـ خو خوفت عليك أوى يا أبيه

فارس:: ليه بس يا قلب و نور عين أبيه ايه اللى خوفك

عاليا :: سيف قالى اللى حصل يوم لما كنت مسافر

فارس:: خرجها من حضنه و مسك وشها بين إيديه ..حبيبتى ما انا قدامك اهو واقف ع رجلى و زى الفل

أدهم:: ياشيخة خضتينى قولت فى مصيـ بة حصلت

فارس:: بهزار لـ عاليا عجبك كدا اهو قطـ ع الخلف هبقى عمو ازاى انا دلوقتى ههههههههههه

ياسمين:: بعدم فهم .. الله هو فى ايه ماتفهمونا يا جدعان

أدهم:: بهزار مش لازم تفهمى خليكى كدا

ياسمين:: يا سلام يا سى أدهم يعنى المفعوصة دى تفهم وانا لأ افضل زى الاطر ش فـ الزفة يعنى

فارس:: فتح حضنه لـ ياسمين .. يا حبيبتى مافيش حاجة و المفعوصة دى انا ليا حساب مع اللى خلاها بالشكل ده بس اشوف وشه و انا هروّقه

وهم واقفين شافوا حلم خارجة مع البنات هتروح الاوضة اللى جهزها أدهم قالت

حلم:: برفض .. لأ انا عايزة أخرج من هنا

أدهم:: كان نفسى بصراحة .. بس لازم تستنى ع الاقل النهاردة كمان تحت الملاحظة و بعدها أخرجى

حلم:: بتنهيدة تعب أمرى لله حاضر

و فعلا راحت اوضة عادية و معاها ياسمين و عاليا

أدهم:: لـ فارس اتفضل دى هدوم ليك تعال فـ اوضة تانية خد شاور و غيّر هدومك

فارس:: تصدق جات فـ وقتها فعلا كنت محتاج أعمل كدا .. و لـ حلم مش هتأخر عليكى

حلم:: هزت دماغها.. ماشى

عاليا:: فـ نفس الوقت لـ حلم ..تعالى بقى ياست چولييت هانم انتى كمان غيّرى هدومك قبل ما يرجع أبيه روميو

ياسمين :: لـ عاليا .. انتى يا بنتى بتجيبى الكلام ده منين مش خايفة فارس يسمعك

عاليا :: يابنتى عليا الطلبات ماعرف بيجى منين .. كل اللى اعرفه اول مابفتح بوقى بيجى لوحده

حلم:: بضحكة باهتة .. بس يا عاليا مش قادرة اضحك اسكتى

عاليا :: تعالى بس انتى نساعدك انا و ياسمين تدخلى تاخدى شاور قبل ما يرجع أبيه و بعدها هحكيلكم حكاية جميلة خالص

و فعلا ساعدوها انها تدخل تاخد شاور و تغيّر هدومها و طلعت ياسمين بتساعدها وسرحت لها شعرها و رفعته لها ديل حصان و شوية و دخل

فارس :: بنظرة عاشق .. أتأخرت عليكى

حلم :: لأ

عاليا :: وحدووووه

كلهم:: لا إله إلا الله سيدنا محمد رسول الله عليه الصلاة والسلام

فارس :: بغيظ مصطنع لـ عاليا و بعدين معاكى يا بت انتى انا هلاقيها منك ولا من الظريف أخوكى

ياسمين :: هو راح فين

فارس::راح يشوف المرضى بتوعه وشوية و هيجى تانى .. المهم ايه اللى جابكم بدرى اوى كدا و سايبين ماما لوحدها ازاى

عاليا :: عينها رايحة جاية بطريقة طفولية .. ما هووو اصل ماما مش لوحدها

فارس :: بعدم فهم .. مش لوحدها ازاى يعنى

عاليا :: بنفس حركاتها المرحة .. خالة امونة و الهبلة ام بدوى يووووه قصدى عمتو سلمى وطنط هالة فـ البيت معاها

فارس:: بصدمة نععععم قولتى مين .. و دول جم امتى و ازاى

ياسمين :: جم بعد ما نزل أدهم و ماما لاقيناهم داخلين علينا و معاهم و بقلق .. شروق وضحى

فارس:: أهلاااااا دى كدا هتحلو اوى

عاليا :: بس أسكت يا أبيه معرفش اول ماشوفت عمتو أفتكرت أمونة بتاعة مسرحية ريا و سكينة ههههههههههه

فارس:: شدها من ودانها براحة .. يا بنتى انا مش قولتلك قبل كدا ما ينفعش نغلط ولا نتريق عليهم مهما كان اللى بيعملوه

عاليا :: أى أى ودنى يا أبيه حرام عليك

فارس:: عشان تتعلمى تحترمى كلامى و تسمعيه

عاليا :: خلاص حرمت حرمت و بمرح.. بس ايه روقتهملك ع الاخررررر

فارس:: عملتى ايه يا أخرة صبرى

ياسمين:: استنى يا عاليا لما أدهم يخلص مرور ويجى

أدهم :: و أدينى جيت خير

ياسمين :: عاليا هتحكى عملت ايه فـ قوقة و زعقوقة

حلم :: متابعة حوار فارس مع اخواته و جواها شردت فيه قد ايه هو أبن بار بـ أمه و خايف عليها من قعدتها لوحدها و أخ حنين ع أخواته و ازاى بيوجه للصح بحب مش بتعنيف يااااه اللى زيه هيبقى زوج و أب رائع

فارس :: انتبه لـ حلم..حور روحتى لغاية فين كدا

حلم :: فاقت من شرودها.. بتقول حاجة يا فارس

عاليا:: بيقولك يا مزة خليكى هنا ما تروحيش بعيد

حلم::انا معاكم اهو كنتوا بتقولوا ايه

أدهم:: أخلصى يا قردتى وقولى عملتى ايه فيهم

عاليا:: اسمع يا سيدى البت قوقة اول ما دخلت سألت عليك يا دومى قولتلها انك هنا و معاك ماما و فارس قوم اييه بقى عمتو قالت……. و ابتدت تحكى كل اللى حصل

فارس :: بضحك ع ريأكشناتها وهى بتقلد بنت عمتها .. انتى قولتيلهم كدا

عاليا :: يمين بعظيم قولتلهم كدا يا أبيه .. بص هو انا معرفش قولت كدا ازاى بس الغريب بقى ان مكالمة أدهم أكدت اللى انا قولته و يااااالهووووى ع شكلهم بعدها

أدهم:: يانهااارك ابيييض دى المكالمة كانت بث مباشر ههههههههههههه

عاليا:: حصل يا دومى حصل ههههههههههههه

فارس:: أيوا مكالمة ايه برضوا مش فاهم

ياسمين :: كنا قلقانين ع حور و اتصلنا بـ أدهم وفتحنا الاسبيكر و ما اقولكش عينك ما تشوف الا النور ههههههههههههه

حلم :: بتضحك معاهم بس فى جواها خوف مش عارفة سببه ايه لدرجة انها اتخنقت وحاسة انها مش قادرة تاخد نفسها

فارس :: انتبه لها .. حور

حلم:: نعم

فارس:: مالك

حلم:: بأبتسامة .. أبدا مافيش

و بصت لـ أدهم .. انا عايزة أخرج يا أدهم لو سمحت

أدهم :: و بعدين معاكى انتى متعبة ليه يا حور

حلم :: أرجوك يا أدهم بقى لو سمحت انا مخنوقة و عايزة أمشى من هنا بأى طريقة

فارس :: أدهم .. لو الحالة مستقرة خلاص سيبها و انت موجود لو حصل اى حاجة

أدهم :: تمام يا فارس خليها تخرج

حلم :: دموعها نازلة لوحدها .. شكرا يا أدهم

فارس:: شاف دموعها ومش فاهم مالها .. لـ أخواته ممكن تسيبونا لوحدنا شوية

أدهم :: شاف حالتها و قلق بس فعلا خرج هو ياسمين وعاليا وساب لـ فارس مساحة عشان يعرف مالها

فارس :: بعد ما خرج أخواته من الاوضة .. لـ حلم مالك بقى دموعك دى ليه

حلم :: بتبص له و ساكتة

فارس:: هتفضلى ساكتة كدا مش هتقوليلى مالك

حلم:: بدموع .. خايفة اوى يا فارس

فارس :: مسك إيديها الاتنين بين إيديه و هو باصص فـ عيونها بصوت اقرب للهمس .. مش عايزك تخافى أبدا طول ما أنا جنبك فاهمة .. حور لازم تعرفى أنك حلم جميل انا عايشه من قبل ما أشوفك انتى بقيتى فـ وريدى ومش هسمح لـ أى حاجة او أى حد انه يأ ذيكى فاهمانى

حلم :: بجد يا فارس؟

فارس:: بجد يا قلب فارس .. حبيبتي يا أجمل نساء الأرض، بماذا أصفكِ، بماذا أشرح إحساسي نحوكِ، وأنتِ من تغلغل حبكِ في أوردتي، و تسربت نسمات هواكِ في شراييني، بماذا أصفكِ وكل الحزن يتبدد بين راحتيكِ، يا من ترسمين بابتسامتكِ الفرح لـ قلبي و تنشرين عبيركِ زهواً.

حلم :: بأبتسامة .. أول مرة أعرف أنك شاعر

فارس :: بيشاور ع قلبه .. ده بيطلع كل اللى مخبيه ليكى لوحده و مش عارف اسيطر عليه ..قلبى خلاص خرج عن السيطرة بسببك يا حلم عمرى

___________________________

فـ المقابر

بعد ما خرجت حلم من المستشفى طلبت من فارس انها تزور قبر أمها وأبوها قبل ما ترجع البيت و بالفعل راحت

حلم:: بدموع .. قعدت قصاد القبر .. شوفت يا بابا .. هشام اللى انت وصيته عليا .. أكتر حد خذلنى و جرحنى كتير بسبب مراته و فـ الاخر هى سرقتنى و باعتنى لـ عابد ..و بوجع أكبر ..أخواتى ضر بونى يا أمى .. أخواتى اللى كنت بعملهم كل اللى عايزينه و ماقصرتش مع حد فيهم .. روحتوا و سيبتونى لوحدى ليييه

فارس :: قعد جنبها و بيمسحلها دموعها و انا روحت فين .. مش انا قولتلك انى جنبك و مش هسيبك ابدا .. يلا ندعيلهم و نقرا الفاتحة ونرجع البيت

حلم :: دعت كتيير اوى و قرأت قرآن لغاية ما حسيت انها ابتدت تهدى

فارس :: حس انها هديت.. بقيتى أحسن؟

حلم:: الحمدلله

فارس:: بمرح ..طيب يلا عشان البنات اللى خللوا فـ العربية دول

و فعلا قامت حلم مع فارس و ركبت العربية عشان ترجع البيت

فـ بيت حلم

وصل فارس و حلم و عاليا و ياسمين و هم نازلين من العربية شافتهم ضحى من البلكونة و ندهت ع شروق

ضحى:: بت يا شروق تعالى بسرعة

شروق:: خير يا ضحى بتنادى ليه

ضحى:: بصى يابت شوفى مين تحت

شروق :: فااارس وطلعت تجرى ع السلم

فارس:: طالع و ماسك ايد حلم لغاية ما وصل قصاد شقتها .. يلا حبيبى أدخلى ارتاحى شوية و معاكى ياسمين و فاتن أكيد جوة و انا شوية كدا و هطمن عليكى .. ولـ ياسمين.. خدى بالك منها يا سمسمة

ياسمين:: من عينى يا أحلى فارس ..أحنا عندنا كام حور يعنى هى واحدة

فارس:: تسلم عينك يا أحلى سمسمة و باس جبين أخته ..و لـ حلم خدى بالك من نفسك عشانى

حلم:: حاضر .. و بالفعل دخلت شقتها هى و ياسمين

فارس :: لسة بيلف عشان يدخل شقته شاف شروق ..و سألها واقفة ليه كدا

شروق::وحشتنى و ماصدقت شوفتك من البلكونة

فارس::ببرود .. اه طيب حمدالله ع السلامة .. بعد أذنك

وسابها ودخل سلم ع أمه و باس راسها و ايدها وسلم ع عمتو و مرات عمه و استاذن منهم و دخل ينام

___________________________

فـ بيت هشام الرشيدى

بعد ما رجع من المستشفى و خلص العزا رجع هشام بيته ندمان ع كل اللى حصل قابلته

عزة :: بغيظ .. أخيرا افتكرت مراتك

هشام :: بتعب .. عزة انا مش ناقصك سيبينى فـ حالى

عزة :: اسيبك فـ حالك !! طب مانا حالك يا هشام و لازم نرسى مع بعض ع بر

هشام :: بزعييق .. انتى عاااايزة اييييه بالظبط

عزة :: عايزاك تفتح عينيك أمك خلاص ما تت و اكيد سايبة فلوس كتير و دهب .. أه لازم تشوف حقك فـ ورثها

هشام :: بغيظ .. انتى اييييه يا شيخة شيييطااااانة مابتشبعيييش مش كفاية اللى حصل بسببك

عزة :: بعصبية .. بسببى انا ليه ان شاء الله و انا مالى

هشام :: أومال ميييين .. مش انتى برضوا اللى روحتى و اتفقتى من ورايا مع واحد حقـ ير عشان تسرقى حور و طلع مغفلك و مصورك و بعد ماخد اللى هو عايزه ضـ ر بك عندها و كشفك

عزة :: وماله مش مهم .. المهم اننا معانا فلوس كتير دى ملايين يا هشام فاهم يعنى ايه ملايين

هشام :: بيأس .. الملايين دى ملعـ ونة و جاية علينا بالـ خر اب .. اولها أمى ما تت و بعدين أختى راحت للمـ وت و ربنا ستر و انا فـ نظر الكل سبب كل اللى حصل

عزة :: بمقاطعة .. انسى يا هشام ياحبيبى الناس بتنسى و مافيش حد بيركز مع حد كله بيقول يلا نفسى .. انسى و خلينا نعيش و نتمتع بالفلوس دى و لسة لما تاخد ورثك من امك كمان يااااه

هشام :: بتريقة .. تكونيش فاكرة ان أمى كانت من اصحاب الملايين ولا حاجة .. فووقى يا عزة امى كانت ست بسيطة ماتملكش غير معاشها

عزة :: عارفة يا حبيبى .. بس أكيد الغندورة أختك كانت سيباه مش بتاخد منه حاجة من يوم مابقت الست هانم يعنى هيبقى كتير

هشام :: بندم .. انتى ايييه بالظبط مش قادر افهمك بقولك أمى مااااتت و أختى راااحت للمووووت و ربنا سترها و انتى تقوليلى فلوووس ملعوووون أبو الفلوس ع اللى بيجرى و راها اللى خلانى خسرت أمى و أختى روحى يا عزة وانتى طاااالق طاااالق طاااااالق

عزة :: بغـ ـضب .. انننت اتجننتتتت

بتطلقنى يا هشااااام وعشااااان ميييين عشاااان حوووور

هشام :: اناااا كنت مجنووون لما مشيت ورااااكى و سمعت كلاااامك اللى سممتى بيه افكاااارى ضد أختى لكن دلوقتى فوقت صحيح متأخر بس خلاص فوقت .. انا خارج ساعة و راجع ياريت أرجع ماتكونيش هنا و ورقتك هتوصلك ع بيت أهلك

وبالفعل خرج هشام من بيته بعد ما طلق مراته بيلف فـ الشوارع بعربيته مش عارف يروح فين ومش بيفكر غير أزاى يرجّع حلم تانى لـ حضنه ويكسب ثقتها من تانى

________________________

فـ بيت حلم

تانى يوم بعد خروجها من المستشفى جات أمل تطمن عليها و معاها بوكيه ورد و علبة شيكولاتة

أمل :: حمدالله ع السلامة يا حلم هانم

حلم :: الله يسلمك يا امل بس بلاش هانم دى ياريت خليها حلم او حور بس

أمل :: اشطااا خليها حور عشان بحب الاسم ده

حلم :: تمام زى ما تحبى و ندهت ع فاتن

فاتن :: أؤمرينى ياست البنات

حلم :: هاتى عصير لـ أمل و روحى اندهى ياسمين و عاليا وقوليلهم أمل هنا

فاتن :: فوريرة يا انسة حور

و راحت فاتن ندهت فعلا عاليا و ياسمين وكان أدهم موجود هو و فارس ودخلوا مع البنات

أدهم :: امولة حبيبتى وحشتينى

أمل :: انت كمان يا دومى وحشتنى

عاليا :: احم احم نحن هنا يا نحنوح منك ليها

أمل :: لولى ازيك وحشتنى و انتى كمان يا ياسو

أدهم :: بتريقة و نسيتى فارس يا قلبى مش هتسلمى عليه هو كمان

فارس :: اتلم يا أدهم ما تكسفهاش .. و لـ أمل ازيك يا دكتورة

أمل :: فارس باشا منورة والله يا كبير

فارس :: بنورك وبص لـ حلم و نور حلم عمري

حلم :: ربنا يخليك ليا يارب

أدهم :: أه ياقلبى هنبتدى النحنحة أهو

ياسمين :: برخامة .. ما انت لسة كنت منحنح من شوية انت و أمل حد كلمك هههههههههه

أمل :: جرا ايه يا عمتشى بصالى فـ شوية النحنحة اللى بستناهم من السنة للسنة ليييه

حلم :: أهدى أمل انا مش قادرة ههههههههههه

فـ شقة فارس

شروق :: بغيظ لـ ضحى .. انا هتجنن يا دودو من ساعة ما رجع امبارح مع الزفتة بتاعته و هو حابس نفسه فـ اوضته مابيخرجش غير للضرورة و شوفى دلوقتى جرى عليها ازاى

ضحى :: ما الحال من بعضه ياختى .. بقولك ايه انا جاى ع بالى أروح انكد عليهم شوية

شروق :: تصدقى فكرة استنى لما نقول لـ مرات خالى

و راحت فعلا و قالت لـ نجوى

انها عايزة تتعرف ع حور

نجوى :: بخوف مبهم .. وماله تعالى أعرفك عليها

ضحى :: و انا كمان يا طنط ممكن

نجوى :: أكيد كلنا هنروح و تتعرفوا عليها يلا يا سلمى انتى و هالة

سلمى :: بابتسامة صفرا .. وماله هو انا فـ دى الساعة لما اتعرف ع خطيبة ابن اخويا

و بالفعل راحوا كلهم شقة حلم

نجوى :: بحب .. حور حبيبتى حمدالله ع السلامة ياقلبى

حلم :: الله يسلمك يا خالتو معلش سامحينى تعبتك معايا

نجوى :: ماتقوليش كدا يا حور ده انتى وصية الغالية

أمل :: بتذمر طفولى .. و انا يا ماما نجوى نسيتنى .. أه يارب اتنسيت كأنى ماجيت

نجوى :: بضحكة صافية و انا اقدر انسى برضوا حبيبتى أمل وحشتينى يا حبيبتى تعالوا بقى لما اعرفكم .. و بتشاور دى طنط سلمى عمة أدهم و فارس و دى شروق بنتها و دى بقى طنط هالة مرات عمهم و دى ضحى بنتها و لـ سلمى و بتشاور القمر دى حور خطيبة فارس و بتدوس اوى ع الكلمة و العسل دى أمل خطيبة أدهم

سلمى :: ايييه ده بجد طب مبروك يا ولاد فرحتلكم يا حبايبى

فارس و أدهم :: الله يبارك فيكى ياعمتو

شروق :: بهمس لـ ضحى ساكتة ليه مش قولتى عايزة تنكدى فرصتك أهى

ضحى :: بنفس الهمس .. اتفرجى

ياسمين و عاليا متابعين همس شروق و ضحى

عاليا :: انا مش مرتاحة لـ قوقة و زعقوقة دول

ياسمين :: ولا انا ربنا يستر

نرجع للحرابيق

ضحى :: بخبث .. أخص عليك يا دومى بقى كدا تخطب من غير تقولنا ده احنا حتى ولاد عم ولا نسيتنا كدا

أدهم :: بذهول جواه .. دومى؟! و لـ ضحى ان شاء الله ع الفرح هبعتلك

ضحى :: بدلع عشان تغيظ امل لأ لأ لأ يا دومى انا زعلانة منك خاااالص

امل :: بتحاول تهدى نفسها و بتأكل فـ ضوافرها

أدهم :: بزهق .. لا ماتزعليش ملحوقة و تتعوض ان شاء الله

امل :: فقدت السيطرة ع نفسها .. ماتقوم تاخدها بالحضن يا بابا وطبطب عليها

أدهم :: مالك يا امل فى ايه

أمل ::بزعيق .. مين البت المايصة دى اللى بتدلع عليك كدا يا أدهم

أدهم :: مش ماما لسة قايلالك بنت عمى

حلم :: أهدى يا أمل دول ضيوفنا ماينفعش كدا

أمل:: لأ مش ههدى يا حور

عاليا :: عندها حق يا حور انا لو مكانها و شوفت واحدة بتدلع ع سيف كدا أكلها بسنانى

أدهم :: لـ عاليا ماتهدى يا بو تا جا ز هى ناقصة شـ عـ للة

فارس:: قعد جنب حلم و بيتفرج و هلكان ضحك

حلم :: بهمس .. انت بتضحك ع ايه كدا

فارس :: بصراحة عجبنى المنظر ده اوى اتفرجى اتفرجى ههههههههههه

أدهم :: أهدى يا أمل لو سمحتى و هفهمك

ضحى :: قربت من أدهم بقصد تغيظ امل اكتر .. و بهمس بقى هى دى اللى فضلتها عليا يا أدهم

أدهم :: بغيظ .. اه هى عشان صافية و بريئة من جوا مش زيك سودة و غلّوية

أمل :: شافت المنظر و اتجنت أكتر .. و راحت جابت ضحى من شعرها و قعدت عليها يابت هو انا مش ماليا عينك واقفة بتدلعى عليه و توشوشيه و انا واقفة وهات يا ضـ ر ب فيها

هالة :: بتزعق هى و سلمى .. و شروق بتحاول تشد أمل من ع ضحى و مش قادرة

أدهم :: من جواه بيتنطط من الفرحة بس قام و شال امل من ع ضحى اللى مش قادرة تاخد نفسها .. و بعدين يا امل اسكتى بقى شوية

أمل :: بعصبية .. بقولك ايييه انت هتنزل معايا دلوقتى و مالكش قعدة هنا لغاية ما البو مة دى ترجع بلدها

أدهم :: و عايزانى اقعد فين ان شاء الله

أمل :: فـ المطبخ فـ الحمام فـ الجنينة فوق السطوح فـ اوضة البواب فـ أى حتى

أدهم :: نعععم يا اختى .. ايه اللى انتى بتقوليه ده

امل :: فجأة نطتت فوق كنبة الليڤنج .. بقولك ايييييه انا مجنونة بنت مجانيييين و هتنزل معايا دلوقتى يعنى هتنزل معايا دلوقتي قولت ايييييييه

أدهم :: أعقلى يا امل ما ينفعش كدا

امل::ع نفس وضعها والله ما يحصل ابدا لو مش هتنزل معاااايا هقعد معااااك هنا قولت ايييه

حلم :: يا بنتى اعقلى و انزلى بقى

امل :: مش نازلة يا حور غير اما يقرر هااااا يا أدهم

حلم :: بهزار .. انزلى يا ماما الكنبة عليها اقساط

أدهم :: بنفاذ صبر .. شالها و خرج بيها من الشقة خالص .. ماتهدى بقى مالك اتجنيتى ليه كدا

أمل :: بعياط .. ما استحملتش اشوفها بتدلع عليك و تقرب منك يا أدهم

أدهم :: يالهوووى يانى ع أدهم و سنينه قد كدا بتحبينى يا مجنونة

أمل :: أديك قولت مجنونة .. مجنونة بيك يا أدهم و اللى تفكر بس تقربلك هخلى عزرائيل يزورها فـ نفس الوقت اللى فكرت فيه انها تقرب منك

أدهم:: وانا بعشق جنانك ده و عشان خاطرك انتى بس مش هقعد هنا و هنزل معاكى بس ماتتعوديش ع كدا ماشى

أمل :: حاضر يا حبيبى اول و اخر مرة

أدهم :: طيب يلا هنزل اوصلك يا قلبى و أفكر هبات فين النهاردة ..

وفعلا استاذن من الكل ونزل يوصل أمل عشان تطمن أكتر وتهدى

بقلمى✍️________________لبنى دراز

حلم :: الفيديو ده حصرى من قلب الحدث لو قولت ذيع نذيييع ههههههههههههههههه

عابد::…………؟؟؟؟؟؟

• يتبع الفصل التالي اضغط على (رواية العشق الابدي) اسم الرواية