رواية حب بالصدفة الفصل السادس عشر 16 - بقلم ملك ناصر

  رواية حب بالصدفة كاملة بقلم ملك ناصر  عبر مدونة دليل الروايات 

رواية حب بالصدفة الفصل السادس عشر 16

 

 

فراس فتح الصورة واتفأجاه لما شاف البنت اللي في الصورة..

فراس بصدمه: هَازال

قعد بصدمه على اقرب كرسي ليه وصوت كسر قلبه يكاد يكون مسموع: م. مستحيل.. مستحيل تكون هازال مستحيل..

رن على الرقم تاني..

: الو يا با..

فراس بمقاطعه انت متأكد ان دي البنت اللي قولتلك تراقبها..

: الا متأكده طبعا ياباشا هي دي..

فراس: طب وهي دلوقتي فين..

: هي دلوقتي في عربيتها وانا ماشي وراها..

فراس: طيب اول ما توصل ابعتلي مكانها بسرعة واوعى تاخد بالها…..

قفل السكه وخد مفاتيح العربية وخرج بسرعه من البيت..

»»»»»»»»»»»»»»»»»

عند كنان كان في الشغل بس مش في الشغل الشركة لا كان في شغله السري في مقر المخابرات..

اللواء: برافو يا كنان اديت المهمه على احسن وجه فعلا..

انا مبسوط منك حقيقي

كنان: ده شرف ليا يا فندم..

اللواء: جالك اي مكالمه من الصقر..

كنان تردد يقوله بس اخد قراره: ايوة يا باشا جالي مكالمه النهارده الصبح وكان بيهددني بعيلتي

اللواء: الراجل ده خطير جدا يا كنان ومش سهل احنا قظرنا نقبض على جميع رجالته والمساعدين ليه وكمان البضاعه لكن ممسكنهوش ولا هو ولا دراعه اليمين وطبعا اقصد بده عاكف

كنان: متقلقش يا باشا لو هو مش سهل فانا كنان التهامي وبأذن الله همسكه هو وعاكف في اقرب وقت..

اللواء بتحذير: بلاش انت يا كنان انت خلصت مهمتك اما المهمه دي محتاجه حد ملوش نقطه ضعف معندوش اهل يقلق عليهم..

كنان بثقة واصرار: لا يا فندم صدقني انا ادها..

اللواء: تمام يا كنان يابني انا حذرتك..

»»»»»»»»»»»»»

كانت لميس قاعده مع دارين على مرجيحه في جنينه الفيلا وكل واحده ماسكه تليفونها وشوية يتكلموا وشوية يسكتوا..

لميس سابت الفون بملل: اوف ايه الملل ده انا زهقت..

دارين كانت بتقلب في الفون بعدم اهتمام وهدوء لحد ما فجاه جت رساله على جروب المدرسة شل.ت حركتها..

لميس: ايه يابت مالك بلمتي كده ليه..

دارين: ………..

لميس: دارين.. شدت منها الفون وشافت اللي مكنتش متخيله ابدا انها تشوفه

»»»»»»»»»»»

في مكان تاني وصلت هازال لفيلا كبيره بل قصر ودخلت فيه وهي بتقدم رجل وتأخر رجل..

دخلت بوابة القصر واول ما الحراس شافوها فتحولها الطريق فورا ودخلوها..

خبطت هازال وفتحتلها الخدامه ودخلتها بأحترام..

هازال: بابا فين

الشغاله: عاكف باشا فوق في مكتبه يا هزال هانم..

هازال طلعت لفوق بتوتر على الرغم انه باباها وانها مشافتهوش بقالها كتير ولكن بتخاف منه بدرجه كبيره وبترهبه..

خبطت على الباب واذن لها بالدخول..

هازال: اهلا يا بابا..

عاكف لف الكرسي وبصلها بغضب: انتي اتجننتي ازاي تيجي لحد هنا دلوقتي افرض حد بيراقبك..

هازال قعدت اودامه ع المكتب: بابا انا مش عايزة اكمل في الخطه دي..

عاكف قام بغضب وقرب منها وفجاه نزل بقلم قوي جدا على وشها لدرجه ان شفايفها نز.فت

عاكف شدها من شعرها : ايه اللي انتي بتقوليه ده انتي هتعصي كلامي يا بنت فتون ولا ايه

عاكف: انتي هتكملي في المهمه دي ورجلك فوق رقبتك سامعه.. وشدت من قبضة ايده على شعرها اكتر..

هازال صرخت بألم ولكن اتفاجات بالايد اللي بعدت ابد بابا عن شعرها وبصتله بصدمه..

هازال: ف. فراس

فراس بابتسامه ثقة: قلبه وفجاه نزل ببوكس جامد على وش عاكف..

فراس: طول عمري بسمع عنك انك جبروت ومش بيهمك حد وقت.ال قت.له لكن وصلت انك تعمل كده في بنتك.. تؤ تؤ

فلتت منك دي.. واداله قلم قوي تاني.. ده علشان ايدك اللي اترفعت عليها.. واداله بوكس جامد تاني: وده علشان انا بعزك اوي..

عاكف بغضب: انت ازاي تتجرأ وترفع ايدك عليا انت اتجننت وازاي تدخل هنا اصلا مين سمحلك..

فراس: انا ادخل في المكان اللي انا عايزه يا حليتها ولسه هيرفع ايده علشان يض.ربه تاني لقا ايد هازال بتمنعه وهي بتبكي..

هازال برجاء ودموع: ارجوك كفايا يا فراس.. كفايا

فراس اتحكم في غضبه ونزل ايده ومسك اديها بعنف وشدها بس فجاه سمع صوت صراخها..

هازال وهي بتقف اودام فراس: بابا لاااااا وفجاه صوت ضر.ب نا.ر بيسمع في القصر كله ووووووووو

• يتبع الفصل التالي اضغط على ( رواية حب بالصدفة ) اسم الرواية