رواية العشق الابدي كاملة بقلم لبنى دراز عبر مدونة دليل الروايات
رواية العشق الابدي الفصل الثامن عشر 18
: قال رسول الله صلى الله عليه وسلم : ” من كان يؤمن بالله واليوم الآخـر فليـكرم ضيفه ، ومن كان يؤمن بالله واليوم الآخر فليصل رحمه ، ومن كان يؤمن بالله واليوم الآخر فليقل خيراً أو ليصمت ” رواه البخاري.
🥀🌱🥀🌱🥀
تُعَدّ صلة الرحم من أفضل ما يتقرّب به العبد إلى الله -عزّ وجلّ-، و هي تُعدّ من الأمور الواجبة على كلّ مسلم، كما أنّها تحقّ له؛ و ذلك بأن يصل رحمه و يصلوه، وقد ربط الله -تعالى- بين صلة الرحم، والبركة في الوقت، والرزق، وجعلها سبباً لهما. فقد قال رسول الله -صلّى الله عليه وسلّم-: (مَن أحَبَّ أنْ يُبْسَطَ له في رِزْقِهِ، ويُنْسَأَ له في أثَرِهِ، فَلْيَصِلْ رَحِمَهُ)،
العشق الأبدي بقلمى✍️____________لبنى دراز
فـ شقة فارس
نجوى فـ نفس لحظة خطـ ف حلم قلبها وجعها جواها يا ستار يارب و فاجأة سمعت رنة موبايلها و كانت خديجة
نجوى :: بخضة ..الووو خديجة خيير فى حاجة حصلت
خديجة :: بأستغراب من ردها .. مالك يا نجوى فيكى ايه مخضوضة ليه كدا
نجوى:: بتنهيدة .. مش عارفة يا خديجة من ساعة ما سلمى و هالة عرفوا طريقنا و جم و انا مش مرتاحة قلبى ع طول واجعنى و خايفة
خديجة:: بصدمة .. نععععممم انتى بتقولى ايه ؟! مين اللى عرفوا طريقكم
نجوى:: بقول سلمى و هالة كانوا هنا و لسة ماشيين من كام يوم و سايبين شروق و ضحى هنا
خديجة:: بعدم تصديق ..انتى بتتكلمى جد .. ازاى عرفوا يوصلولكم
نجوى:: بشك .. انتى عايزة تفهمينى انك ماكنتيش تعرفى .. يعنى عايشة معاهم فـ نفس البيت و ماتعرفيش بيروحوا فين و ييجوا منين
خديجة:: و رحمة أحمد ماعرفش حاجة خالص .. انا من كام شهر اتخانقت معاهم و مش بكلمهم و قافلة ع نفسى انا و عيالى و ماعرفش عنهم اى حاجة صدقيني
نجوى:: بأسف .. سامحينى يا خديجة بس انتى عارفة اللى حصل منهم زمان و دلوقتي شكلهم مش ناويين ع خير و انا خايفة ع ولادى منهم
خديجة:: انا عذراكى يا نجوى ليكى حق تخافى و تبعدى بس هما عرفوا طريقكم منين
نجوى::صدقينى مش عارفة بس من قبل ما ييجوا و سلمى كلمتنى مرة او مرتين بس ماكنتش مرتاحة برضوا لـ مكالمتها ربنا يستر
خديجة::ان شاء الله خير ..المهم طمنينى عنكم
نجوى::الحمدلله يا حبيبتى بخير كلنا .. انتى عاملة ايه و فاروق و الولاد
خديجة:: بخير يا حبيبتى و الله ده حتى فاروق كان لسة بيقولى فارس و أدهم وحشونى و نفسى أشوفهم
نجوى::و انتوا كمان و الله وحشتونا .. أن شاء الله لما يرجعوا من اشغالهم هبلغهم و يكلموه تيجوا تغيروا جو و نشوفكم
خديجة:: ان شاء الله .. أومال فين البنات هاتيهم أكلمهم
نجوى:: ياسمين و عاليا فـ المزرعة مع حور بنت أمينة .. مافيش غير شروق و ضحى و بغيظ قاعدين فـ اوضة البنات تحبى تكلميهم
خديجة::لااااا .. لا عايزة اكلمهم و لا عايزاهم يكلمونى شاربين من امهاتهم الغل و الحقد ربنا يهديهم كلهم
نجوى::أمين يارب العالمين
خديجة::ماشى يا نجوى انا بس حبيت اطمن عليكم والحمدلله انكم بخير
نجوى::تسلميلى يارب يا ديچة ..مع السلامة ..و قفلت المكالمة و برضوا لسة قلبها واجعها و حاسة ان فى حاجة كبيرة هتحصل وقلقانة و خايفة
__________________________
فـ نفس الوقت فـ المستشفى
أدهم :: بعد ما خلص عملياته و خلص مرور ع المرضى راح لـ أمل مكتبها .. هو القمر بيطلع بالنهار و انا ماعرفش
أمل::بهزار .. أندومى حبيبى وحشتنى من 4 ساعات هههههههههههه
أدهم::بأستغراب .. أندومى ؟! أنتى جعانة يا حبيبتى ؟ ع فاكرة أنا اعرف واحد بيعمل طعمية مالهاش حل تحبى اطلبلك أوردر ههههههههههههه
أمل::بغيظ مصطنع .. لا يا قلبى انا مش جعانة .. انا بدلعك يا روحى
أدهم:: بتدلعينى ؟! بقى انا أدهم المنصورى أبقى دكتور أندومى ههههههههههههه
أمل::و أحلى أندومى يا ناس ههههههههههههه
أدهم::بضحك .. و ياترى بطعم ايييه بقى ههههههههههههه
أمل::بكل الطعوم يا روحى .. لحمة و فراخ و خضار .. قصدى بطعم الحب و بطعم الحنية و بغيظ منه و بطعم العصبية و بتشاور بطريقة كوميدية مع ريأكشن وشها .. ماحبيتهوش خالص الطعم ده
أدهم::واقف و حاطط ايده الاتنين فـ وسطه و بغيظ مصطنع .. والله !! طيب انا بقى مش هدوقك غير الطعم ده
أمل::لااااا بقولك ايه أعقل كدا يا كبير انت هتاخد ع واحدة مجنونة زيى دى تجي برضوا دكتور اندومى الجميل يعمل عقله بـ عقلى ماينفعش طبعا خليك فريش كدا يا دوك ههههههههههههه
أدهم:: بضحك اه يا مجنونة .. بمووووت فـ رومانسيتك يا قلبى ههههههههههههه
أمل:: مسكت ياقة البالطو بتاعها و قالت بلا فخر .. نحن نختلف عن الاخرون يا دكتور ..ههههههههههههه
أدهم::حبيبى المختلف يا ناس .المهم خلصتى كشوفات ولا لسة عشان اوصلك البيت
أمل::أه يا أندومى خلصت ثوانى بس أجيب شنطتى و أجيلك جرى ..
أدهم:: بغيظ مرح .. ياريت يا قلبى بلاش أندومى دى قصاد حد وخصوصا عاليا خليها بيننا كدا .. ماشى يا روحى
أمل:: من عيونى الجوز و قلبى الـ 18 يا أحلى أندومى ههههههههههههه
أدهم::بصدمة .. نعم ياختى ؟! قلبك إيه؟؟
أمل::التمنتاااااااااشر ههههههههههههه
أدهم::بأستغراب ..هو مش كان قلب واحد بس الـ 17 دول جم منين ..ههههههههههههه يلا يا مجنونة ألحق اوصلك قبل ما فيوزات عقلى تضـ رب بسببك ههههههههههههه
و فعلا خرج أدهم مع أمل بعد ما خلصوا شغلهم و راح يوصلها الاول بيتها الاول قبل ما يرجع بيته
____________________________
فـ مخزن قديم
فاقت حلم لاقت نفسها فـ مكان شبه ضلمة يا دوب أضاءة خفيفة و متكتفة ع كرسى و بدأت تفتح عينيها
واحدة واحدة لقيت المُقنع في وشها
المُقنع:: هاهاهاهاهاهاهاهاها و اخيرا الاسطورة وقعت تحت ايدى
حلم::بتمثيل القوة و جواها خوف متدارى .. أنت مين و عايز مني ايه ؟
المُقنع:: قرب منها و بهمس .. انا قدرك .. عملك الاسود يا حلوة .. أما عايز ايه .. عايز اشوف شكل حبيب القلب اللى بيدور ورايا لما يشوف حبيبته اللى عملالى فيها 7 رجالة فـ بعض و بتصورنى و بتهـ ددنى و هى مذ لو لة و مربو طة ع كرسى و بتركع تحت رجلى عشان أرحمها من اللى هعمله فيها بعد ما أخد اللى انا عايزه منها و قصاد عينيه
حلم::ضحكت بقوة ههههههههههههههههههه هو انت لسة عايش فـ أحلامك يا عابد .. و بقوة أكبر .. مش حلم الرشيدي اللى تركع و تتذل لـ كلـ ب زيك
عابد::بغـ ضب .. انننتى اييييه ما بتتهدييييش .. عرفتييينى ازااااى
حلم:: ضحكت بأستهزاء .. مش قولتلك قبل كدا انك غبى .. من صوتك طبعا و جسمك و قبلهم أفكارك الز بالة و بأستفزاز .. عارف انت لو راجل كنت وقفت قصادى وجهاً لـ وجه ماكنتش خطـ فتنى و ربطتنى و انت مستخبى ورا قناعك ..انما انت مش راجل
عابد::قاطع كلامها بغـ ضب.. و ضر بها بالقلم ع وشها بكل قوته ..أخرسسسييييي
حلم::ههههههههههههه مش بقولك مش راجل .. ع فكرة مش من الرجولة انك تتشطر ع واحدة ست و تربطها بالشكل ده
عابد::ههههههههههههه ابتديتى أهو تضعفى و تستعطفينى
حلم::ده فـ أحلامك .. و هقولهالك تانى تؤ لأ تالت انت مش راجل و لو راجل فكنى و انا أعرفك مقامك كويس ولا خااااااايف ؟؟
عابد:: هفكك ماتقلقيش .. بس لما يجي فارس باشا و بهمس أصل الليلة ليلتك يا قمر و اللى ما عرفتش أخده برضاكى هاخده غصب عنك و قصاد عينيه و يبقى يورينى بقى هيعمل ايه و هو شايفك يا بنت الرشيدي و انتى تحت أيدى و مش عارف يخلصك مني يااااا مدام مقدما ههههههههههههه
حلم::بغضب .. ع جثـ تي انك تلمس شعرة منى يا حيوووااااان .. و أوعى تفتكر أن فارس ضعيف او هيخاف منك و بقوة .. خليك فاكر وقت ما يظهر فارس أعرف أنك ميـ ت
عابد:: بغضب أكبر شدها من شعرها .. أننننتتتى جاااايبة الجبرووووت ده منييين واحدة غيرك كان زمانها مرعوبة و ميـ تة فـ جلدها من اللى هيتعمل فيها ..و زق دماغها بقوة
حلم::بقوة ..عشان انا حلم الرشيدي .. مش اى واحدة غيرى
عابد::بوقاحة .. بيلمس وشها بـ إيده .. ليه بس كدا يا بيبى تعصبينى و تخلينى أعمل حاجات ماكنتش عايز أعملها ..أهو عشان غلطك ده هخلى رجالتى تكمل معاكى اللى هبدأه انا .. بس بعد ما أخد وش القفص ههههههههههههه
حلم::مش هيحصل .. انا معايا ربنا هينصرنى عليك و دعوات أمى محوطانى و صدقنى هتندم ندم عمرك
عابد::ببرود .. أسيبك بقى يا بيبى عشان أجهز أصلى عريس و الليلة ليلتى .. و هبعتلك ليمون يهديكى يا عروسة و بغمزة عشان نعرف نقضى ليلتنا سوا ههههههههههههه
و بالفعل سابها وخرج
حلم::بخوف.. ياااارب خليك معايا و نجينى منه ياااااااارب..و جواها ..أنت فين يا فارس انا محتجالك اوى
__________________________
فـ بيت رانيا
بعد ماقفلت رانيا مكالمتها مع حلم قعدت بتوتر و قلق و جواها صراع مع ضميرها
رانيا:: اللي عملته هو الصح .. عابد بيحب حلم من زمان و اكيد هيصالحها و هى هتوافق ترجعله
ضميرها:: كان المفروض تقوليلها .. هى من حقها تعرف ان عابد اللى عايزها مش تحطيها قدام الامر الواقع
رانيا ::انا بعمل كدا عشان مصلحتها
ضميرها:: مصلحتها؟! ولا مصلحتك انتى
رانيا::انا ماليش مصلحة غير انى عايزة اشوفها سعيدة مع عابد
ضميرها:: وبالنسبة للهدايا اللى بتقبليها من عابد قصاد انك تعرفيه أخبارها
رانيا::بغضب .. ما حصلش ابدا انا كنت بس بتكلم بحسن نية و الهدايا دى من صديق مش اكتر
ضميرها:: طيب مافكرتيش لو الصديق ده قالها انك كنتي بتبلغيه كل خطواتها ايه اللي هيحصل ؟
رانيا:: عابد أكيد مش هيعمل كدا مستحيل .. لو كان عايز يعمل كدا كان عملها من زمان
و فاقت من شرودها ع رنة موبايلها بيعلن عن رسالة من عابد و فتحتها وكان نص الرسالة
عارفة يا رانيا انا لو فكرت فـ أكتر حد بيكره حلم .. مش هيعمل ربع اللي أنتي عملتيه
ههههههههههههه
شكرا يا رنوش حقيقي مش عارف أرد جميلك ده ازاي و اه صحيح حلم عندي و هقضي معاها أجمل ليلة فـ العمر بسببك يا روحي شكرا كمان مرة يا أحلي مغفلة في حياتي هههههههههه
رانيا::بصدمة من الرسالة .. يا نهااار اسو…. عابد خطـ ف حلم يالهههووى .. أعمل ايه و أتصرف ازاى منك لله يا عابد ورطتنى معاك .. دلوقتي أكيد حلم قالت لـ الاء أنها خارجة معايا .. لا أنا لازم اروح المزرعه قبل ما يعرفوا باللى حصل و يشكوا فيا
نرجع المزرعة
وصلت الاء المزرعة و هى منهارة من العياط و قابلها
حازم:: بغضب من غير ما ينتبه لعياطها .. كنتي فيييين أننطقـ وقطـ ع كلامه شهقاتها و شكلها .. و بخضة .. مااالك يا الاء فيه أيه حصل بتعيطى ليه بالشكل ده يا حبيبتى
الاء::بدموع من بين شهقاتها حـ حـ حلم اتخـ طفت يا حازم قولتلك قلبي مقبوض ماصدقتنيش
حازم:: بصدمة أنتي بتقولي ايه حصل ازاي الكلام ده و امتى
الاء:: بدموع حكت اللى حصل من وقت ما شافت هشام داخل المزرعة لغاية ما رجعت تانى المزرعة بعربيته..
حازم::بغضب .. مييين ممكن يكوووون عمل كدااااا ميييين
الاء::مش عارفة يا حازم مش قادرة أفكر .. و كمان فارس شك فيا انا و هشام .. معقول انا ممكن أذى حلم .. دى أختى والله و انت عارف غلاوتها عندى أنا افديها بروحى .. عشان خاطرى يا حازم رجعهالى أبوس أيدك
حازم::أهدي بس يا حبيبتى .. و أعذرى فارس انتى عارفة هو بيحبها قد ايه .. وأكيد ان شاء الله هيقدر يرجعها بالسلامة و هيعرف الحقيقة كلها و يعرف انك مالكيش دعوة بخطـ فها
فـ نفس اللحظة
رانيا::وصلت المزرعة و سمعت كلام حازم و الاء وقررت انها تستغله و تبعد الشك عنها
رانيا::بزعيييق اييييه اللى سمعته ده انتى ..أنتى يا الاء اللى تساعدى فـ خطـ ف حلم أننننتى
الاء::بعصبية أكتر .. أنتى اتجننتى يا رانيا انا مش ممكن أعمل كدا مش ممكن أءذيها ابدا .. دى أكتر من أخت و افديها بحياتى
رانيا::كفااااية بقى شعاراااات كدابة .. مش بعيد تكونى اصلا انتى و جوزك عاملين الفيلم ده كله عشان عايزين لكم كام مليون منها
حازم ::قاطعها بغضب .. أنننننتى واااااعية للي بتقوليه ده يا رانياااااا… عموما لو حد ليه مصلحة فـ خطـ فها يبقى انتى لانك أخر واحدة كلمتها و بعدها خرجت تقابلك
رانيا:: بصوت عالي ..اااااه هاتوها فيااا انا بقى .. اسمع يا حازم انا فعلا كلمتها تقابلني و ماجاتش و لما أتأخرت عليا جيت عشان اشوفها و سمعت كلامكم
صوتهم كان عالى جدا لدرجة ان عمال المزرعة اتجمعوا و طلعت ياسمين و عاليا ع الصوت
ياسمين::بخضة .. فى ايه !! بتتخانقوا ليه
* ::الست حلم اتخطـ فت و الست الاء هى اللى ساعدت فـ خطـ فها
عاليا::بزعيييق انت بتقووول اييييه انت مجنووون حلم مين اللي اتخـ طفت
# ::حلم هانم صاحبة المزرعة .. و صاحبتها هى اللى غد رت بيها
حازم:: أنتو هتصدقو ولا ايه انتوا كمان .. ده مش ممكن يحصل أبدا .. أكيد فى حد ليه مصلحة انه يوقع بيننا و بينها
رانيا::اه و ماله خلينى معاك للاخر .. تقدر تقولى راااحت هناك ازاي ومع هشام كماااان
حازم:: لولا أنك ست و انى ما اتربيتش ع أنى امدى ايدى ع واحدة كنت عرفت أربيكى كويس ع كلامك ده
ياسمين:: بدموع انتوا ايييه قاعدين بتتخانقوا فـ مين السبب و ساكتيين ما فكرتوش تبلغوا ولا تدورو عليييهاااااا انتوا أصحابها ازااااااااى
عاليا:: بدموع بترن ع فارس عشان تبلغه و مافيش رد .. و رنت ع سيف برضوا مافيش رد
الاء:: بتعب شديد مسكت بطنها و لسة هتتكلم و قعت فاقدة الوعى
حازم:: الاااااااااء و بخوف شالها و دخلها الڤيلا عند حلم لانها قريبة من المكان اللى واقفين فيه و اتصل بالدكتور اللى جه و بلغه انها فقدت وعيها بسبب صدمة عصبية و قاله انه أدالها حقنة مهدئة وان الجنين فـ خطر ولازم راحة تامة وتبعد عن اى ضغوطات
____________________________
نرجع عند فارس
وصل هو و هشام المكان اللي فيه حلم و كان عبارة عن مخزن قديم وسط مزارع متطرفة ع الطريق الصحراوى و شاف شكل المخزن و الحراسة اللى عليه
فارس:: لـ هشام .. انت تستنى هنا ما تتحركش من مكانك انت فاهم ده لو عايزنى اصدق ان مالكش علاقة بخطـ فها
هشام::بقلق ع اخته .. حاضر حاضر مش هتحرك
فارس:: بتحذير .. مش محتاج أفكرك ان اى حركة فيها حياة اختك يعنى تعقل كدا وتفضل مكانك لغاية ما اتصرف انا و اعرف اخرجها
هشام:: صدقنى مش هتحرك بس ارجوك ألحقها
فارس::ان شاء الله و طلع موبايله اتصل بـ سيف .. الوو سيف انت فين
سيف:: انا خلاص 10 دقايق و أوصل و معايا القوة
فارس::طيب خد بالك و أنت جاى المخزن عليه اربع رجالة اتعامل بحكمة معاهم و انا هحاول اشوف اى مدخل تانى
سيف:: ماتقلقش ياصاحبي
فارس:: و هو بيكلم سيف و بيستكشف المكان شاف شباك .. و لـ سيف انا لاقيت شباك هحاول ادخل منه
سيف:: تمام .. بس خد بالك .. احنا لسة ما نعرفش مين اللى خاطـ فها
جوة المخزن
عابد :: دخل عند حلم قبل ما يوصل فارس بدقايق و بكل برود .. ايه رأيك فـ الضيافة عندنا ولا خمس نجوم مش كدا
حلم::ساكتة مافيش رد و بتحاول تفك ايديها
عابد:: تؤتؤتؤتؤ .. هى طنط أمينة الله يرحمها علمتك انك ماترديش ع حد بيكلمك؟ .. اممممم و الله مالهاش حق
حلم::ببرود .. أه علمتنى ان اللى بيهوهو ماحدش بيرد عليه بيسيبوه يهوهو كدا من غير ما يعبروه
عابد::بغيظ .. هعتبر نفسى ماسمعتش حاجة .. و من بين أسنانه بس قسماً بالله لو غلطتي تاني ماتلوميش الا نفسك
حلم:: انا ما بتهـ دد ش ..أعلى ما فـ خيلك أركبه
عابد:: قرب منها اوى وحط أيده ع وشها .. و بهمس صحيح ماقولتليش اخبار رانيا ايه و اتعدل بضحك هاهاهاهاهاهاهاهاها
حلم:: شيل إيدك ياحيوااااان .. أنت مالك ومالها .. أوعي تيجي جنبها أنت فاهم
عابد::بخبث .. يا خسارة ع الصحاب .. شوفى ازاى انتى بتدافعى عنها و هى اللى غد رت بيكى
حلم:: و هى مازالت بتحاول تفك نفسها .. بعصبية اييييه اللى اننننتتت بتقووووله ده ..انت باين عليك اتجننت
عابد::بضحك .. معلش أصلك هبلة و ع نياتك و ماتعرفيش أنها هى اللي جابتك لغاية عندي و سلمتك تسليم أهالي .. هاهاهاهاهاهاهاهاها الغبية كانت فاكرة انى لسة بحبك و بصراحة انا أستغليت الوضع هاهاهاهاهاهاهاهاها
حلم::بغضب .. اننننتتتتت كدااااااب و مهما تقووول مستحيل اصدقك يا عااااابد
عابد:: و ليه بس الغلط ده يا بيبي .. و ببرود .. طيب أقولك أمارة؟ مش هى كلمتك عشان تروحى معاها المول تشتروا شوية حاجات .. هااا
حلم::ساكتة ما فيش رد و بتحاول تستوعب كلام عابد
عابد::خدى دى بقى .. هى اللى كانت بتنقلى كل أخبارك دي كان ناقص تقولى بتاكلى ايه و تشربى ايه و بغمزة و لابسة ايه
حلم::مصدومة من اللى بتسمعه و جواها رافضة تصدق معقول صاحبتى تبيعنى كدا معقول عشرة 10 سنين و ماعرفتهاش ع حقيقتها مش ممكن
عابد::لالا لأ صحصحى معايا كدا اومال .. ده أحنا لسة فـ الاول .. و خدى بقى المفاجأة التانية .. أخوكى هشام مظلوم يا حرام .. و مراته هى اللى كانت مستغفلاه .. و فعلا ما يعرفش اللى بتعمله من ورا ضهره .. بس بصراحة البت جامدة و خسارة في أخوكي ..
و خدى الكبيرة بقى انا خا طفك بنتـ قم من فارس فيكى لأنه دمـ رلى شغلى و خسرنى ملياررررااااات و حظكم بقى أنكم أكتر اتنين واقفين قصادى و بتحـا ربونى
حلم:: ااه يا ولاد الـ ……. و بكل قوة اتفوووووو
عابد::بيمسح وشه .. برضوا بتغلطى .. طب اعمل ايه تانى اكتر من كدا
حلم:: اخيرا قدرت تفك نفسها .. ولا تقدر تعمل حاجة و قريب اوى هدفعك تمن كل اللى انت عملته ده
عابد::بأعجاب .. يعجبني فيكى ثقتك بنفسك و لسة هيقرب منها
حلم::بثقة .. أكيييد حلم الرشيدي دايما واثقة فـ نفسها .. و ياما
قولتلك أنك مش قدى .. بس انت غبى مصمم تخسر قدامى .. و بقوة انا وعدتك انى هانهى اللعبة لصالحى وانا قد وعدى و ع غفلة بكل قوتها ضر بته بـ البوكس فـ مناخيره
عابد:: اختل توازنه شوية و بغضب يابنت الـ …. و ردلها الضر بة
حلم::بغضب أقسم بالله هتجيب سيرة أهلي ع لسانك الوسـ….هقطـ عهولك و ضر بته بوكس أقوي من الاول .. يلا ورينى نفسك واجهنى
عابد:: فاجئها بـ بوكس قوي فـ وشها
حلم::فـ حركة سريعة ردتله الضربة بقوة وقعته ع الارض
فـ نفس الوقت
فارس:: دخل و بغـ ضب .. مسك عابد من كتافه .. و الله و وقعت يا عابد دوختنى وراك يا المُقنع
عابد::فلت نفسه من فارس و بيحاول يضـ ربه .. كنت مستنيك يا باشا بس ما كنتش متوقع انك تيجى بالسرعة دى
فارس:: و هو بيـ ضـ رب فيه .. عارف انك مستنينى عشان كدا ما حبيتش اتأخر عليك
عابد:: بيصد الضر ب و مش قادر يقاوم أكتر من كدا
فارس:: بيضـ رب بغـ ضب ..ده حق البلد اللى انت خنـ تـها .. و ده حق حلم عمرى اللى انت خطـ فتها .. حرفيا عابد كان هيمـ وت فـ إيده
برة المخزن
سيف:: نزل و اتحرك بخفة هو و القوة اللى معاه و قبض ع رجالة عابد اللى و اقفين ع باب المخزن و بعدها دخل المخزن و شاف فارس وهو فـ قمة غـ ضبه
فارس :: بغـ ضب بيضـ رب عابد لدرجة ان عابد مابقاش فيه حتة سليمة
حلم:: جريت ع فارس خلاص عشان خاطرى كفاية سيبه
فارس:: ساب عابد و بخوف ضمها فـ حضنه بيطمن نفسه انها بخير .. و بيرفع وشها شاف أثر الضـ رب ع وشها .. مسك وشها بين إيديه .. هو اللى عمل فيكى كدا
حلم::ما استحملتش ايد فارس ع وشها و بدموع الوجع .. أيوا
فارس:: بغـ ضب عااااابد انت عارف الايد اللي تتمد ع اللى يخص فارس المنصورى بيحصل فيها ايه .. و هو بيـ كسـ رله دراعه .. بيحصل فيها كدا و كمل ضرب فيه
عابد:: صرخ من شدة الألم و مش قادر ياخد نفسه
سيف:: فارس خلاص سيبه هيمـ وت فـ إيدك .. و متقلقش لسة حسابه ماخلصش و مش هنسيبه غير علي الاعد ام
و فعلا تم القبض عليه هو و رجالته
حلم:: بقوة .. لـ عابد و سيف قابض عليه .. عااااااابد وعدتك و وفيت بوعدى .. و سجلت هدف الفوز فـ الوقت الضايع و نهيت اللعبة ..كدا خلاص جيم أوڤر يا عابد
عابد::بغـ ضب .. هرررررجعلك يا حللللللم مش عابد الوزير اللى تكون نهايته ع ايدك يابنت الرشيدي هرررجعلللللك خليكى فااااكرة
حلم::ههههههههههههه لما تنزل من ع حبل المشنـ قة ان شاء الله
فارس::ضر به بقوة أخرس ما أسمعش صوتك ده تانى و أمر سيف يمشى بيه و يسلمه للقطاع و يقفل ملف القضية نهائيا
سيف::تمام يا فارس
فارس:: أخد حلم فـ حضنه و خرج بيها و وصل عند العربية و شافت أخوها
هشام:: حور أناااا .. و قبل ما يكمل كلامه قاطعته حلم و رمت نفسها فـ حضنه .. و اتفاجئ هو و فارس بـ ردة فعلها
حلم::ششششش ماتتكلمش .. انا عارفة ياحبيبي انك عمرك ما أذتنى بس يلا بقى ربنا ينتقم من اللى كانت السبب .. و صدقنى أنا مسامحك على كل حاجة لاني عرفت انك مالكش ذنب فـ اللى حصل معايا .. و بالفعل ركبوا العربية و راجعين ع المزرعة و سيف و عربية القوة طلعوا بـ عابد و رجالته ع القطاع
___________________________
فـ العربية
ركبت حلم عربية فارس و هى مش مصدقة كل اللى حصل و فارس سايق و كل شوية يبص عليها فـ المراية بيطمن نفسه انها خلاص بخير و معاه و موبايله رن بأسم عاليا و رد عليها
فارس:: بتعب ..الوو ايوا يا عاليا
عاليا::بدموع .. أبيه فارس ألحق حـ حـ حووورر اتخطـ فت
فارس:: أهدى يا حبيبتى و أطمنى حور معايا و احنا راجعين فـ الطريق
عاليا::بفرحة .. بجد بجد يا أبيه حور معاك بجد
فارس:: بجد يا قلب أبيه بس عايز منك طلب ممكن
عاليا:: ممكن طبعا يا أبيه
فارس:: أبعتى لـ أدهم يجى عشان حور تعبانة و جهزى أوضتها لغاية ما نوصل ممكن
عاليا:: حاضر يا أبيه هتصل بأدهم و أقوله .. توصلوا بالسلامة
فارس::تسلميلى يا حبيبتى .. سلام و قفل المكالمة و عينه من وقت للتانى ع حلم و شايف قد ايه باين عليها التعب
هشام::بندم .. لف وشه لـ حلم انا اسف يا حور
حلم::بتعب ..ما تتأسفش يا هشام قولتلك انت مالكش ذنب و انا مسمحاك
هشام:: لااازم اتأسف .. اتأسف انى ماكنتش الأخ اللى بتتمنيه .. أسف انى ماكنتش سندك وقت ما تميلى ..أسف انى ماكنتش قوتك وقت ضعفك .. أسف انى سمعت كلام الشيطـ انة اللى كانت معايا و صدقتها واتكلمت فـ حقك كلام مش كويس ..أسف انى فكرت فـ نفسى و بس
حلم::قربت من هشام و حطت ايدها ع كتفه حبيبى صدقنى انا متأكدة أنك كنت ماشى ورا قلبك .. بس متأكدة برضوا انك أبن حلال و تربية أمينة و محمد عمرها ما تكون غلط أبدا لانهم ربونا صح و علمونا ازاى نحب بعض .. بس للاسف الأختيار الغلط سبب كافي للعواصف اللى قامت و أخيرا الدنيا بقت صافية و قدرت تشوف الحقيقة كويس
هشام::بدموع الندم .. للاسف فوقت متأخر ..متأخر اوى و بصرخة وجع اااااااااااااه ياااارب سامحنى
فارس::مش مهم فوقت أمتى المهم انك فوقت يا هشام .. و سامحنى ان كنت شكيت فيك بس…
هشام::بمقاطعة .. بالعكس حقك تشك فيا لانى ما كنتش نعم الأخ و حور اتعرضت لـ مشاكل كتير بسببى ..
فارس::بشرود .. أنا كنت هتجنن عليها و انا سامع صوت الـ ر صا ص كنت هتجنن وانا مش عارف أعمل حاجة كنت حاسس بالعجز و لما شوفتك انت و الاء عند عربيتها ماشوفتش قدامى و ما عرفتش انا كنت بقول ايه
هشام:: عارف رغم كل اللى انت قولته بس شوفت فـ عينك نظرة ماعرفتش أحددها بس عرفت قد ايه حور مهمة اوى عندك
فارس::سايق و جواه حور دى الهوا اللى بتنفسه و عايش بيه من غيرها انا ماليش وجود .. و قال مهمة جدا يا هشام جداااا
____________________________
فـ المزرعة
و اخيرا وصلوا المزرعة و اول ما وصلوا شافوا الكل واقف مستنيهم حازم و رانيا و عاليا و ياسمين و قصي و أدهم اللى كان لسة واصل والعمال الكل واقفين عايزين يطمنوا ع حلم
و من قبل ما تنزل حلم من العربية و هى عينها ع رانيا اللى كانت اول واحدة تجرى عليها
حلم::نزلت من العربية و رانيا قربت عليها تحضنها فاجئتها بقلم ع وشها بكل قوتها و ماحدش فاهم ليه
رانيا::بصدمة .. بتضر بينى يا حلم
حلم:: بغـ ضب .. بفوّق نفسى من وههههمممم كننننت عايشااااااه
حازم::بعدم فهم .. طيب فهمينا
حلم::بتشاور بصباعها فـ وش الكل مااااحدششش يتكلللللم
فارس::لسة هيتكلم ..طيب فهميـ…..
حلم::بغضب ..فاااااااااارس قولت ماحدش يتكلم و بتشاور برضوا بصباعها ولا حتى انت .. و رجعت تانى لـ رانيا اللى لسة واقفة مصدومة .. ماااالك مصدومة لييييه يا صاحبتى ايييييه كنتى فااااكرة انى مش هعرف انك شريكة الكلـ ب عااااابد
رانيا::بدموع .. والله ماكنتش أعرف انه هيعمل كدا صدقينى يا حلم ماكنتش أعرف
الكل واقفين مصدومين من اللى بيسمعوه و فعلا ماحدش فيهم قادر يتكلم حتى فارس بيشوف حلم جديدة اول مرة يشوفها و ماكنش متخيل انها تكلمه هو كمان بالطريقة دى
حلم::بتسقيف👏براااااااافوووو ..صدقتك انا كدا .. و انك ماكنتيش تعرفى ..و بغـ ضب أكبر .. تقدرى تقولييييلى كنتى مصممة انى أخررررررج معااااااكى لييييييه لو ماكنتيش عارفة انه هيخـ طفنى انننننطقققققي
رانيا::بخوف من شكل حلم .. صدقينى هو قالى انه عايز يطمن عليكى و يصالحك عشان ترجعيله .. هو قال انه لسة بيحبك و انا صدقته والله ده اللى حصل
حلم::اااااااه ده ع أساس ان الهااااانم صاحبة عمرى اللى مابخبيش عليها حاجة ماكانتش بتعرف أخبارى و تروح تبلغه
حازم::بغـ ضب ياااابنت الـ…. بقى انتى يطلع منك كل ده و جاية ترمى بلاكى ع ألاء ..الااااااء اللى ضافرها برقبتك
حلم::حاااااازم قولت ماحدش يتكلم اسسسكت .. و لـ رانيا عملتى اييييه لـ الاء انطقى .. قولتى انها السبب صح ؟ قولتى كدا و اتهمتيها مش كدا .. و ضر بتها قلم تانى أقوى انننننطقققيييي اتهمتيها زى عواااايدك زماااااان .. عمرك ما هتنضفى ابدا هتفضلى دايما سوووودة من جواكى وللاسسسسسف انا كنت غببييييية و أنخدعت فييييكى
رانيا::بدموع .. حلم اناااا…
حلم::بمقاطعة بتعب .. أخررررسى مش عايزة أسمع صوتك و لا اشوفك تانى و يااااريت تخرجى من حياااااتى براااااااا
بعد ما مشيت رانيا حلم وقعت
فاقدة وعيها
فارس:: جرى عليها يلحقها و بصريخ بسرررعة يا أدهم أعمل حااااااجة
أدهم::ماتقلقش هتبقى كويسة اكيد بس من الضغط النفسى اللى كانت فيه
هشام:: بخوف .. جرى أخدها من فارس و شالها طلعها اوضتها و الكل جرى وراه عشان يطمن عليها
أدهم::بجدية .. يا جماعة لو سمحتوا الكل برة و عاليا و ياسمين خليكم ساعدونى
فارس::بدموع الخوف .. انا مش طالع يا أدهم غير اما تفوق و أطمن عليها
أدهم::أطلع يا فارس لو سمحت انا كدا مش هعرف أفوقها
فارس:: بنرفزة .. قولتلك مش طااالع و اتفضل شوف شغلك وانت ساااكت
أدهم::بيحاول يفوقها و جواه قد كدا فارس عاشق حلم للدرجة دى .. معقول فـ حد قدر يعمل كدا فـ أخوه اللى طول عمره مافيش واحدة قدرت تهز شعرة فيه ..و فعلا بعد فترة قدر يفوقها و خرج هو و البنات و ساب فارس معاها
فارس::حمد الله ع سلامتك يا عمرى
حلم::بتعب .. الله يسلمك يا فارس
فارس::بخوف .. كنت همووووت من الخوف عليكى .. روحى كانت بتروح مني و انتى بعيد عنى كنت هتجنن عليكى
حلم::بتعب .. كنت واثقة انك هتيجى تلحقنى و مش هتسمحله يأذينى
فارس::أفديكى بعمرى يا عمرى اللى فات و عمرى اللى جاى .. انا من غيرك ولا حاجة
حلم::قد كدا بتحبنى
فارس:: حور انا حبى ليكى عدى المدى ..
أحبكِ يا من سرقتِ قلبي مني .. يا من غيرتِ لي حياتي .. يا من أحببتها من كل قلبي.. يا من قادتني إلى الخيال .. بعشقك يا حلم عمرى كله
حلم::بخجل .. ممكن تنزل بقى و انا شوية و هنزل وراك
فارس::برخامة .. بيهز دماغه بـ لأ .. تؤتؤ هستناكى ننزل سوا ايدى فـ إيدك و مش هسيبها أبدا
حلم:: قامت بتعب .. حبيبى انت و الله و مسكت أيده و مشيت معاه لغاية الباب
فارس:: بيضحك و هو متوقع اللى هتعمله .. ع فكرة كدا مش فير
حلم:: بضحك يلا برة يا فارس يلا يا بابا و خرجته برة الاوضة و قفلت الباب وراه
فارس:: من ورا الباب .. كدا تطردينى من اوضتك ينفع يعنى
حلم:: يلا يا حبيبى انزل لـ أخواتك لما ابقى مراتك ابقى أقعد براحتك دلوقتي ماينفعش يا باشا ولا ايه
فارس:: هتبقي يا حلم عمرى و قريب اوى ان شاء الله … و فعلا نزل بعد ما اطمن عليها و هو بيفكر ازاى يكلم هشام و يطلب ايدها منه
____________________________
تحت فـ الليڤنج
نزل فارس بعد ما فاقت حلم و اطمن عليها و هى دخلت أخدت شاور و اتوضت و طلعت صلت ركعتين شكر لله انه وقف جنبها و كان معاها زى ما كانت أمينة بتدعيلها (روحى يابنتى ربنا معاكى) قد ايه حست بالدعوة دى و بعد ما خلصت صلاتها نزلت تحت و اول واحد جرى ناحيتها
هشام:: بخوف مسك وشها بين ايديه .. حبيبتى انتى كويسة ؟ احكيلى ايه اللى حصل
حلم:: شافت فـ عينه نظرة ما شافتهاش قبل كدا .. أهدى يا حبيبى انا كويسة اهو قدامك ماتخافش .. و بعدين أختك جامدة ماحدش يقدر يغلبها
فارس:: بضحك ههههههههههههه على يدي
أدهم::بعدم فهم .. مش فاهم على يدك ازاى يعنى .. و لـ حلم حمد الله ع سلامتك يا حور
فارس:: بصوا بصراحة انا كنت هتجنن مش عارف اللى خطـ فها ده بيعمل ايه فيها و بقيت بلف حوالين المكان عشان اشوف اى مدخل و لاقيت فعلا و بصراحة اللى شوفته غير اللى كنت متوقعه خاااالص
ياسمين:: كنت متوقع ايه يا فارس
عاليا:: شوفت أيه يا أبيه
فارس:: بصراحة كنت متوقع هلاقيها مربوطة و متكتفة و بتعيط واحدة مخطو فة بقى .. انما بصراحة اللى شوفته كانت زينة مرات هركليز ههههههههههههه .. و بتضـ رب بـ البوكس
حلم::ههههههههههههه انت تعرف عنى كدا برضوا
فارس:: والله البنات الطبيعيين لما بيتخـ طفوا ده بيبقى حالهم
حلم:: و انا مش اى بنت يا كابتن
فارس::أشهدلك .. ده انتى شلفطى أمه يا شيخة ههههههههههههه
حلم::يا سلااااام ده ع اساس انك ملاك بريء و ما كملتش عليه
فارس:: لا يا قلبى انا مستلمه منك ضاييع ههههههههههههه
حازم:: حلم اصلا كانت بتدرب بوكس اول ما ابتدت مشروعها عشان تعرف تحافظ ع نفسها
هشام::المهم انك بخير يا حبيبتي حمد الله ع سلامتك و لـ فارس انا عايز اشكرك ع كل حاجة عملتها
فارس:: ماتشكرنيش ده واجبى و بعدين بصراحة .. انت ماتعرفش أختك غالية عندى قد ايه
حلم::انتبهت ان الاء مش موجودة .. و لـ حازم فين الاء مش شايفاها
حازم::الاء تعبانة و بصراحة هى فـ اوضة طنط أمينة واخدة حقنة مهدئة و نايمة
حلم:: قامت بخضة .. ليه مالها و رايحة ناحية الاوضة اللى فيها الاء
حازم:: راح معاها و بيحكيلها اللى حصل من وقت ما خرجت وراها لغاية ما رجعت و اللى حصل بينهم و بين رانيا و بعدها وقعت مغمى عليها و اضطروا يدخلوها الڤيلا
حلم:: بدموع قعدت جنب الاء و باستها فـ راسها .. كل ده حصل يا حازم
حازم::الحمدلله انها جات ع قد كدا والمهم انكم انتوا الاتنين بخير
حلم::الحمدلله و قامت و سابتها ترتاح و خرجت تانى
فـ الليڤنج
فارس::لـ أدهم ماما عرفت حاجة يا أدهم
أدهم::لأ لما عاليا كلمتنى كنت فـ الطريق راجع من المستشفى .. كلمتها و قولتلها عندى عمليات كتير و هتأخر شوية
فارس:: طيب كويس انك … و قبل ما يكمل كلامه رن موبايله بأسمها .. السلام عليكم ورحمة الله
نجوى::بخضة ..انت فييين يا فارس برن عليك من بدرى مابتردش ليه
فارس:: أهدى يا حبيبتي مالك بس .. انا فـ شغلى
نجوى:: ومش بترد ليه قلقتنى عليك يابنى
فارس:: يا أمى يا حبيبتي ماتقلقيش انا والله كويس و هخلص شغلى و هاجى و بغيظ .. معاكى شروق و ضحى قاعدين مونسينك
نجوى:: تيجى بالسلامة يا حبيبى ربنا يحفظك ليا انت و اخواتك يارب يا حبيبى الحمدلله انك بخير اسيبك لـ شغلك
فارس::ماشى يا حبيبتي هخلص شغلى و أجى ع طول خدى بالك من نفسك ماشى .. سلام و فعلا قفل المكالمة مع نجوى و انتبه ع سؤال
ياسمين:: فارس هو انت عرفت ازاى اللى حصل و عرفت ترجّع حور بسرعة كدا ازاى
فارس:: ابتدى يحكى و الكل انتبه أدهم و هشام و حازم و عاليا و ياسمين و حلم .. بصوا الحكاية من الاول .. من اول يوم رجعت فيه حور المزرعة بعد وفاة طنط أمينة حصل
“فلاش باك”
فارس و حلم قاعدين فـ جنينة الڤيلا مع بعض شوية قبل ما يرجع و يسيبها
فارس:: حور
حلم:: نعم
فارس::بغيرة .. مش هتقوليلى حكاية عابد ايه و عايز منك ايه
حلم:: بصت للفراغ اللى قدامها ..و بتنهيدة دى حكاية طويلة يافارس
فارس:: ممكن أعرفها
حلم:: عايز تعرف بجد ؟
فارس:: عايز اشاركك كل تفاصيل حياتك
حلم:: بصت له بـ عينيها من غير ما تتكلم بتتأكد فعلا انه مهتم بيها
فارس::عينيه فـ عينيها بكل حب .. انا عايز أطمن ع روحى اللى ما صدقت لاقيتها .. حور انا قبلك ماكنتش عايش قلبى مادقش لواحدة قبلك و لا هيدق لـ غيرك
حلم:: عارف يا فارس انا لما زمان حبيت عابد او بمعنى أصح اتوهمت انى بحبه .. ماحسيتش الاحساس اللى انا حساه دلوقتي معاك
فارس:: بغيرة .. كنتى بتحسى بـ ايه
حلم:: كنت بحس دايما بوجع فـ قلبى بخوف ماكنتش بشوف فـ عينه حب حقيقى
فارس::طيب و دلوقتي
حلم:: معاك .. من أول يوم شوفتك فيه حسيت بأحساس فضلت أقاومه كتير أحساس اتولد من اول نظرة فعلا من قبل حتى ما نتكلم مع بعض
فارس:: حسيتى بـ ايه
حلم::حسيت بالأمان حسيتك سندى و قوتى وقت ضعفى
فارس:: بتأكيد انا كمان من اول ما شوفتك حسيت بأحساس غريب مش عارف وقتها حسيتك مسؤولة مني و لما هشام اتكلم معاكى بطريقة مش كويسة ما حسيتش بنفسى لما رديت عليه
حلم:: تعرف انك الوحيد اللى شوفتنى و انا ضعيفة و هشة قبل ما تشوفنى قوية و عنيدة
فارس:: وقتها استغربت جدا انا طول الوقت بسمع عنك انك قوية و كنت متشوق جدا أشوفك .. بس لما شوفتك قولت لنفسى مش معقول تكون هى دى .. دى واحدة غير اللى سمعت عنها خالص واحدة ضعيفة جدا و حسيت وقتها انك بتمثلى القوة و انك فعلا محتاجة سند حقيقى يكون فـ ضهرك
حلم:: لا يا باشا انا قوية بجد مش بمثل القوة .. و لا نسيت يوم ما جيت ورايا المزرعة أول مرة
فارس::ههههههه لا ما نسيتش و مش اى قوة اللى شوفتك بيها دى .. ده انتى ماشية بالـ سـ لا ح و لا اللى شغالة مع الما ڤيا
حلم:: لازم أحمى نفسى يا فارس من عابد و اللى زيه
فارس:: بتذكر .. عااااابد ايه حكايته بقى احكيلى
حلم:: اسمع يا سيدى .. عابد انسان انتهازى عايز يستغل أسمى و يتاجر من وراه فـ الـ سـ لاح و المـ خد رات
فارس:: بمقاطعة .. انتى عرفتى منين الكلام ده
حلم:: من وقت ما ابتدى يلف و يدور عليا بحجة انه عايز يرجعلى تانى .. وقتها كلفت حازم يجيبلى كل المعلومات عنه و عرفت كل حاجة بس ما كانش عندى دليل غير فيديو لـ علاقة بينه و بين سكرتيرته و تقريبا هو اللى كان مصورها
فارس:: بيسمعها بتركيز .. ها كملى و بعدين
حلم:: فـ الاول بعتله منه نسخة .. كان بهدف انه يعرف انى قدرت اعرف عنه كل حاجة .. و انا عارفة و متأكدة انه مش هيسكت بس ماتوقعتش انه يتفق مع مرات اخويا و يسرقنى و يزور امضتى بس عايز الحق انا كنت قررت العب معاه بنفس طريقته و استغل الفيديو .. قبل ما اكتشف السرقة و قد كان و عن طريق سكرتيرته قدرت امسك دليل عليه
فارس:: دليل ايه ده بقى
حلم:: فتحت موبايلها و مدت إيدها لـ فارس .. الفيديو ده
فارس::بذهووول .. مش معقووول عابد هو الراجل اللى بدور عليه
حلم:: بعدم فهم .. مش فاهمة بتدور عليه ازاى
فارس:: عابد هو المُقنع .. ده أكبر رجال الما ڤيا هنا فـ مصر هاتى الفيديو ده لازم اتحرك بسرعة
حلم:: من بين أسنانها .. عابد قضيتى انا كمان و لازم أقضى عليه بنفسى ده وعد قطـ عته ع نفسى
فارس::بعصبية .. انتى مجنونة ولا شكلك كدا .. انتى عارفة انتى عايزة تقفى قصاااااد ميييين .. ده واحد بيتاجر فـ المو ت
حلم::أهدى يا فارس .. انت طول الفترة اللى عرفتنى فيها دى شوفتنى خوفت او ضعفت ؟؟
فارس:: بقلق عليها .. كان بيلعب معاكى و هو عارف انك مش معاكى دليل انما دلوقتي لأ مش هيسكت لو عرف انك كشفتيه انتى فاهمة مش هيسكت
حلم::أسمعنى يا فارس عابد احنا الاتنين عايزينه يبقى وافق ع اللى هعمله و أخليك تقبض عليه
فارس::بخوف .. عابد بيـ قـ تل بد م بارد يا حور و انا ماعنديش استعداد اخسرك
حلم::صدقنى واثقة انك مش هتسمحله يأ ذينى .. بس وافق أرجوك
فارس:: بقلة حيلة .. أمرى لله
“عودة للوقت الحالى
عاليا:: اوباااااا بقى طلعتوا متفقين مع بعض توقعوا عابد يا ولاد الايه
حلم:: عابد زودها و ابتدا يأذينى فـ شغلى و خسرت كتير .. بس أكبر خسارة و بدموع .. أمى الخسارة الوحيدة اللى مش هعرف أعوضها .. كنت لازم أحا ربه بنفس أسلوبه عشان اخلص منه
فارس:: لما شوفت الفيديو و عرفت انه نفس الراجل اللى بدور عليه وافقتها انها تبعت الفيديو .. و لانى متأكد ان عابد هيحاول يأ ذي حور .. جيت بعدها بكاام يوم هنا لما جبتلكم السلاسل
ياسمين :: أه فعلا فاكرة
فارس:: جبت لـ حور سلسلة زيكم و السلاسل التلاتة حطيت فيهم GBS و وصلتهم بموبايلى و اللاب بتاعى
حلم:: فارس لما جابلى السلسلة قال
“فلاش باك”
فارس:: ممكن تقبلى مني الهدية دى
حلم:: هدية !! هدية عشانى انا
فارس:: أفتحيها
حلم::فتحت العلبة و شافت سلسلة شكلها جميل اوى ع أسم أمينة .. بدموع لـ فارس مش عارفة أقولك ايه .. كلام الدنيا كله مايكفيش قصاد اللى بتعمله معايا
فارس::أول ما شوفتها عجبتنى اوى و شوفتك فيها اتمنى تعجبك
حلم:: أكيد عمرى ما هقلعها من رقبتى لانها أغلى هدية جاتلى و مشترك فيها أغلى اتنين فـ حياتى
فارس:: بغيرة مين بقى ان شاء الله الاتنين دول
حلم:: حبيبى اللى جابلى السلسلة و بحزن .. أمى اللى السلسلة ع أسمها
فارس:: باس جبينها .. حور مش عايز اشوفك حزينة تانى ربنا يقدرنى و أسعدك دايما .. بس برضوا مش هو ده السبب اللى عايزك تفضلى لابسة السلسلة عشانه
حلم::بأستغراب .. لو مش ده السبب يبقى ايه
فارس:: السلسلة فيها GBS فـ حروف الأسم و موصله بموبايلى .. و مش عايزك تتحركى اى حركة من غير ما تتصلى بيا تعرفينى لغاية ما نقبض ع الزفت ده ممكن
“عودة للوقت الحالى”
فارس:: و فعلا زى ما كنت متوقع انه هيحاول يعمل حاجة و كنت مرتب مع سيف كل حاجة و كان مستنى اشارة منى .. و من حسن حظنا ان اللى حصل ده حصل و انا معاها ع الفون عشان كدا الموضوع ما طولش بس ..
و اخيرا قدر فارس يقفل القضية و حلم خلصت من عابد اللى أكيد هيتحاكم و يتعـ دم
بقلمى✍️______________________لبنى دراز
فارس:: حور تتجوزينى؟؟
حلم:: لأ
- يتبع الفصل التالي اضغط على (رواية العشق الابدي) اسم الرواية