رواية شيخ في محراب قلبي بقلم رحمة نبيل عبر مدونة دليل الروايات
رواية شيخ في محراب قلبي الفصل التاسع عشر 19
“تفننوا في جبر الخواطر، ولا تتكئوا على سِعة قلوب أحبابكم.”
صلوا على الحبيب
_______________
كان القلق هو ما يسود المكان بعدما ركض زكريا تاركا الجميع خلفه ما بين خوف وترقب …
اقترب هادي سريعا من رشدي الذي كان يقف جوار ماسة محاولا فهم ما حدث …
_ والله يا رشدي ما اعرف حاجة، هي لما شيماء خرجت بعد كتب الكتاب خرجنا انا وهي وراها ويدوبك لسه رجليها مخطتش للصالة لقيتها مرة واحدة اتسندت على الحيطة وهي بتتنفس بصعوبة وبعدها وقعت في الأرض زي اللي بتطلع في الروح .
لم يفهم أيا من هادي أو رشدي شيء ابدا مما حدث لكن هادي اقترب من إذن رشدي وهمس له بخفوت شديد :
_ رشدي معلش شوف زكريا كده لو محتاج ينقل مراته للمستشفى وانا هعتذر من الناس خلينا نقفل الليلة على كدة ونشوف زكريا .
نظر له رشدي قليلا ثم هز رأسه باقتناع :
_ تمام اصبر الاول اشوف زكريا واللي حصل معاه ولو كده لم الليلة يا هادي .
هز هادي رأسه ثم تحرك صوب شيماء التي كانت تبكي بخوف شديد لما سمعته منذ قليل ثم جذبها لاحضانه بحنان هامسا لها بكلمات مطمئنة .
______________________
_ فاطمة اهدي لو سمحتي وفهميني تقصدي ايه ؟؟؟؟
تحدث زكريا بعد صمت طويل ولحظات مرت على أعصابه كالجحيم بعد كلمتها تلك وقد شعر فجأة بتوقف العالم من حوله .
بكت فاطمة وهي تتمسك به دافنة نفسها في صدره وكأن ذلك الشخص يقف أمامها الآن يخيفها… هاتفة بنبرة مرتعشة :
_ هو …هو برة انا شوفته يا زكريا …هو برة انا شوفته والله …برة …هو برة .
كانت فاطمة تكرر كلمتها بهزيان وهستيريا لا تعي ما يحدث حولها بينما زكريا كان يشعر وكأن كل جسده ينتفض مطالبا إياه بالخروج الآن وقتل كل رجل يقابله في الخارج دون تفرقه …لكنه رغم ذلك اغلق عيونه بعنف ضاغطا على قبضته بقوة شديد حتى كادت عروقه تنفجر ثم قبل رأس فاطمة بحنان وتحدث بنبرته الهادئة كما لو أن شيئا لم يحدث .
ثم ابتعد قليلا عن فاطمة وهو يهمس لها بحنان شديد :
_ أتسمح لي جميلتي أن أخرج لدقائق قليلة ثم أعود لها ؟؟؟
وكأنه بحديثه ذلك قد ضرب رأس فاطمة بقوة لتستفيق من تلك الهوة التي ألقاها عقلها بها صارخة وهي تتشبث به في عنف باكية بجزع :
_ لا لا متخرجش هيجي هو لا يا زكريا لا هو هو هيجي هو قالي كده هو قالي …….
ابتلع زكريا ريقه محاولا الإفلات منها :
_ حبيبتي هطلع بس استأذن من هادي واجي اخدك ونمشي متخافيش محدش هيدخل هنا ماشي ؟؟؟
نظرت له فاطمة برعب شديد وهي تهز رأسها بنفي تبكي أكثر وهي تزيد من تمسكها به :
_ لا لا خليك جنبي بالله عليك بلاش تسيبني بعد ما وثقت فيك .
شعر زكريا بوجع شديد في قلبه من حديثها ليضمها إليه أكثر وهو يهمس لها بحنان شديد :
_ حبيبتي مينفعش افضل هنا والكل برة قلقان وهنبوظ الليلة بتاعة هادي وشيماء ….يرضيكِ يعني نعمل كده ؟؟؟
هزت فاطمة رأسها بنفي ومازال جسدها يرتجف بعنف شديد وهي تبكي ليكمل زكريا حديثه :
_ طيب ينفع أخرج اعتذر منهم واجي على طول اخدك ونمشي وصدقيني محدش هيدخلك هنا هبعتلك ماسة تقعد جنبك لغاية ما ارجع وكمان مش هشيل عيني من على الباب ده ماشي ؟؟؟
ورغم كل ما تمر به فاطمة في تلك اللحظة وذلك الشعور الموحش الذي سيطر على قلبها إلا أنها بيد مرتجفة تركت ثياب زكريا التي تجعدت من تمسكها بها ثم عادت للخلف ببطء وهي تهز رأسها له بالقبول .
ابتسم زكريا وهو ينهض ببطء من جوارها ثم تحرك للخارج بعدما ألقى لها بواحدة من تلك البسمات التي تذيب قلبها ….
خرج زكريا سريعا للصالة ببسمة هادئة كتلك التي يتخذها عنوان ملامحه دائما وبعدها اتجه صوب رشدي وماسة مخفضا وجهه ارضا :
_ معلش يا ماسة خليكِ خمسة كده جنب فاطمة وانا شوية وهاجي .
هزت ماسة رأسها سريعا ثم اتجهت صوب الغرفة تتبعها شيماء التي تركت هادي …
توجه هادي صوب زكريا ورشدي يتحدث بقلق شديد :
_ زكريا خير باذن الله ؟؟ فاطمة كويسة ؟؟؟ الغي الليلة وناخدها تك….
قاطعه زكريا ببسمة واسعة وهو يضمه من كتفه بحب :
_ تلفي ايه يا اهبل إنت؟؟؟ مش دي الليلة اللي هتموت من زمان وتعملها ؟؟؟
قلب هادي عيونه بملل وهو يتحدث :
_ يا عم فكك من الليلة تتعوض بس المهم فاطمة تكون بخير .
هز زكريا رأسه ببسمة وهو ينظر حوله :
_ كويسة متقلقش … ألا صحيح يا هادي إنت مجبتش فوتجرافر انهاردة ولا ايه ؟؟؟
نظر هادي ببلاهة لرشدي الذي يستمر في مراقبة زكريا بنظرات غامضة :
_ جبت اكيد ودي تفوتني …بس ايه مناسبة السؤال ؟؟
ابتسم زكريا وهو ينظر له هو ورشدي :
_ كنت بفكر نتصور صورة مجمعة بالمناسبة السعيدة دي ….
أنهى زكريا حديثه ثم صاح بصوت عالي سعيد وهو يصفق بكفيه :
_ يلا يا شباب كله يقرب هنا هنتصور بالمناسبة السعيدة دي ..عايز كل الشباب يتجمعوا هنا عشان نخليها ذكرى حلوة لينا .
ابتسم الجميع وعلت هتافات الشباب تحت نظرات صدمة من هادي وتعجب من رشدي فها هو زكريا الكاره للصور والتصوير والذي كان يتملص في أي مناسبة من تلك اللحظة يطلب من الجميع التصوير .
ابتسم زكريا بشكل مخيف وهو يرى جميع الشباب يجتمعون في منتصف البهو الخاص بمنزل رشدي لينادي زكريا فرج الذي اقترب سريعا حاملا بيده قطعة كعك وهو يهمس له :
_ فرج أخرج كده شوفلي فيه شاب برة ولا حاجة عشان بس عايز يكون الكل في الصورة .
ابتسم فرج وهو يرفع عينه لزكريا متحدثا ببسمة واسعة :
_ وانا كمان !؟؟
ابتسم له زكريا بسمة باهتة :
_ وانت كمان يا فرج بس يلا شوف فيه حد واقف برة ولا لا .
ركض فرج بخطوات حثيثة للخارج ليختفي ثوان قبل أن يعود وهو يسحب أحد الشاب من يده بعنف شديد :
_ يا بني تعبتني بقولك هنتصور سوا صورة ..
زفر الشاب بحنق شديد يحاول جذب يده من فرج والذي لم يكن سوى فرانسو الذي كان يتحدث في هاتفه في الخارج :
_ طب سيبني بس انت ماسك فيا كده ليه !؟؟ بقولك ثواني وهحصلك .
دفع فرج فرانسو في المكان الذي تجمع به جميع الشباب الموجودين ثم وقف جوارهم وهو يبتسم لزكريا مشيرا له بإصبعه أن الجميع هنا .
ابتسم زكريا وهو يفرد ذراعيه محيطا رفيقيه اللذان يرمقانه بصدمة وعدم فهم ….
_ يلا كله يبتسم للكامير…واللي ورا يقفوا على طراطيف الاصابع عايز الكل يظهر في الصورة لاني هشيلها جوا قلبي .
كاد المصور يلتقط الصورة للجميع لولا زكريا الذي تحدث سريعا وكأنه تذكر شيئا :
_ لا بقولك ايه يا ابو علي ادي الكاميرا لعمي ابراهيم وتعالى معانا في الصورة عايزين صورة تجمع الكل هنا انهاردة عشان الذكرى بس .
ورغم تعجب حسن ( المصور و أحد جيران الشباب ) إلا أنه خلع الكاميرا من رقبته ثم أعطاها لابراهيم وأخبره كيف يلتقط صورة بعدما ضبط زاوية الالتقاط ثم ركض ووقف جوار الشباب ليبتسم زكريا بخبث وهو ينظر للكاميرا بعدما تأكد جيدا من وقوف كل شاب في هذه المناسبة جواره .
___________________
كانت تجلس في غرفتها وهي تشعر بنيران تشتعل داخلها وكلمات ذلك الزوج المزعوم ترن داخل أذنها بعدما حدثها منذ قليل على الهاتف …
_ وده مين اللي هيعمل كده ؟؟؟
كان صوته مرعبا رغم هدوئه ومازالت هي حتى الآن لا تدرك كيف أن شخص بمثل ملامحه التي تدل على الرقي والتفتح بمثل هذا الخبث والدهاء ..
أجابت بثينة وهي تحاول أن تتمسك بطل ذرة ثبات بها :
_ انت …لو عايز تتجوزني تعمل كده .
انطلقت ضحكة من فرانسو وهو ينظر للخلف حيث الجميع في عقد قران هادي :
_ امممم شكلك معرفتيش اخر التطورات ؟؟؟
_ تطورات ايه دي ؟؟؟
ضحك فرانسو أكثر وهو يتحدث بصوت هادئ :
_ مش معقولة كده يابنتي محدش عاملك قيمة في العيلة دي ….ما علينا بعد يومين كتب الكتاب والفرح وبعدها بيوم السفر يا بسبوستي .
اشتعلت النيران في رأس بثينة التي انتفضت من مقعدها صارخة بعنف شديد :
_ ومين اللي قال كده إن شاء الله ؟؟؟
_ هادي، وانا الصراحة موافق خليني اخلص اصل ادوم حبيبي وحشني .
لم يبدو أن بثينة فهمت شيء لذا صمتت تحاول التفكير فيما يقصد لتسمته يردد على مسامعها بنبرة لأول مرة تسمعها منه :
_ ادم ابني ٣ سنين .
زفرت بثينة وهي تجيبه بوقاحة شديدة :
_ آخر همي …انا دلوقتي في موضوع الفرح ده ..انا مش موافقة على الموضوع ده .
أجابها فرانسو باردة جدا :
_ آخر همي …
ولم يمنحها ثانية إضافية للإجابة واغلق المكالمة ليجري مكالمة أخرى بالمحامي الخاص به وأثناء ذلك جاء فرج لسحبه حتى يأخذ صورة مع الجميع …
أفاقت بثينة من شرودها تزفر بضيق وهي تفكر فيما يحدث وفي المسار الذي تحركت إليه حياتها .
_ ايه اللي وصلني لكل ده ؟؟؟؟
______________________
ابتسم زكريا مبتعدا عن الجميع وهو يتحدث بصوت عالي ليسمعه الكل في المكان :
_ طب يا جماعة اعذروني انا بس لان المدام مريضة شوية فهضطر أخدها وامشي …
كاد هادي يفتح فمه للتحدث ليوقفه زكريا بإشارة من يده وهو يتحدث مبتسما :
_ لا يا هادي مش هتلم الليلة …كملوا زي ما انتم كل شيء بخير متقلقوش .
أنهى حديثه وهو يتجه لهادي يضمه بحب شديد هامسا له :
_ صدقني والله هعوضها ليك في الليلة الكبيرة يا حبيبي بس دلوقتي مش هقدر صدقني والله مش هقدر ……مبارك يا حبيبي .
ابتعد زكريا ثم اتجه لرشدي تحت نظرات هادي المتعجبة لحديثه وهو يشعر بغصة في قلبه وأن هدوء وبسمة صديقه تلك ليست سوى إشارة لحرب مشتعلة داخلة .
_ مبارك لشيماء يا رشدي صدقني مش هتلاقي حد يحافظ عليها ولا يحبها قد هادي واسألني انا لاني اكتر واحد شوفت هو بيحبها قد ايه ؟؟؟
ابتعد زكريا عن رشدي ثم ابتسم لهم بسمة صغيرة قبل أن يستدير ذاهبا للغرفة التي بها فاطمة …وبمجرد أن أبتعد عن أعين أصدقاءه المراقبة له حتى تحول وجهه بشكل مخيف ينبأ بكوارث قادمة .
_____________________
_ بقولك ايه انا بستأذنك ليه اساسا انا هروح اخدها وأخرج ومتقولش كلمة واحدة لاحسن تطلع في دماغي واخدها على البيت وإنت عارف اني قادر اعمل كده .
أنهى هادي كلماته يتجه صوب شيماء التي تجاور ماسة بعدما تحدث لرشدي حتى يخرج مع شيماء لبعض الوقت وحدهما ..وكالعادة بدأ رشدي في ازعاجه .
وصل هادي جوار شيماء ثم تحدث ببسمة سخيفة :
_ يلا يا شوشو قومي غيري والبسي اي حاجة مريحة عشان نخرج سوا .
رفعت شيماء نظرها لهادي بتعجب :
_ نخرج ؟؟؟
ابتسم لها هادي يهز رأسه بإيجاب :
_ ايوة يلا انا استأذنت من رشدي وهو وافق برحابة صدر
تحدث رشدي من بعيد قليلا وقد وصل له حديث هادي :
_ كداب موافقتش والله .
تجاهله هادي وهو يشير لها بالنهوض لتغيير ثيابها والتي كانت عبارة عن فستان طويل باللون الذهبي به بعض الزينة الثقيلة نوعا ما لكن دون زيادة بل كان يبدو شديد الجمال عليها إلى جانب حجابها البسيط والراقي وبعض الزينة التي تكاد تظهر في ملامحها .
نظرت شيماء جهة رشدي تسأله بعينها أن تنفذ حديث هادي ليبتسم لها رشدي هازا رأسه بإيجاب يخبرها أن تذهب معه .
رحلت شيماء مع ماسة وهي تنظر لهادي بخجل ….
ابتسم هادي وهو يلقي نفسه على الأريكة جواره بهيام شديد يربت على قلبه وهو يبتسم بسمة هائمة غبية يدور بنظره في المكان وهو يرى العالم حوله وردي لكن فجأة فزع حينما جائت عينه على وجه شخص يكاد يلتصق به ….
انتفض هادي وهو يصرخ جالبا انتباه جميع من حوله :
_ ياربي وقفت قلبي يا جدع …هو إنت لسه هنا ؟؟؟
كان هادي يتحدث المأذون والذي كان يتوسط الأريكة التي ألقى هادي نفسه عليها ليفزع من وجوده وقد أنهى بالفعل عقد قرانه منذ فترة ….
تحدث المأذون بتعجب شديد وهو ينظر لهادي :
_ هما خلصوا ؟؟؟
لم يفهم هادي شيء ليتحدث بتعجب بعدما لمح رشدي يقترب منه :
_ هما مين دول اللي خلصوا ؟؟؟
_ العريس والعروسة خلصوا تصوير وهيصة ؟؟؟
حسنا يبدو أن ذلك العجوز خرف فهادي لم يفهم جيدا ما يقصد لذا تحدث بعدم فهم :
_ اه يا حاج خلصوا بعدين انا العريس ايه مش عارفني ؟؟ ده انت لسه كاتب كتابي .
نظر له الراجل من أعلى لاسفل بدقة وهو يجيب بتعجب :
_ انت العريس ؟؟؟ ازاي ده انا فاكر إنه كان ابيض من كده .
خرج صوت مستنكر من حنجرة هادي وهو يجيب الرجل :
_ معلش اصل الجو في صالة عمي ابراهيم الفترة دي استوائي فتلاقيني اخدت لون .
هز الرجل رأسه وكأنه قد اقتنع لكنه عاد وتحدث :
_ ايه ده لحظة مش العريس اساسا كان عبيط ؟؟؟ فرج قالي إنه فرح واحد عبيط واجي بسرعة قبل ما يقتل حد بس إنت شكلك كده والله اعلم مش عبيط .
تحدث هادي بسخرية وهو يرمق الرجل :
_ الله يكرمك يا حاج والله
صدح في المكان ضحكات رشدي العالية وهو يسقط ارضا صارخا من بين ضحكاته :
_ لا يا حاج في دي انت صح …العريس فعلا عبيط .
استدار هادي هو يلمح بطرف عينه فرج الذي كان يجلس جانبا يتناول قطعة من الجاتوه بكل استمتاع ليركض له سريعا بغيظ شديد صارخا :
_ فــــــــــــــــــــــــــرج …….
______________________
_ وها نحن اميرتي قد وصلنا لغرفتك .
هكذا تحدث زكريا وهو يضع فاطمة بحنان شديد على فراشها مبتسما لها بسمته التي أضحت تسكن كل اوجاعها وآلامها وتطمئنها أن القادم سيكون سعيد طالما كان بجواره .
_ هو إنت يعني ….اصل اللي حصل …هو …
كانت فاطمة تتحدث بحديث عشوائي لا تعلم ماذا تقول حقا كيف تتحدث معه بشأن ما حدث منذ قليل …لكن يبدو أن زكريا تفهم الأمر ليضمها بحنان مقبلا رأسها :
_ حسنا، ما رأيك بأن تنامي اليوم وغدا نتحدث .
تحدث زكريا يود الرحيل من أمامها الآن حتى يفكر في القادم، لكن فاطمة أمسكت يده سريعا وهي تتحدث بلهفة ودموعها بدأت في الهبوط :
_ مش عايزة اشوفه ابدا يا زكريا مش عايزة اقف قدامه …هموت والله جسمي كله بيترعش وبحس اني عايزة اولع فيه و….
توقف زكريا عن الحديث وهو يجذب رأسها لصدره بتعب شديد ووجع :
_ مش عليكِ تقفي قدامه ابدا غير يوم ما تخدي حقك منه …يوم ما تشوفيه بعينك وهو بيتعاقب على اللي عمله يومها بس هتقفي قدامه وانتِ رافعة راسك .
قبل زكريا رأسها بحنان هامسا :
_ اعدك جميلتي أنني لن اترك حقك ابدا …لذا نامي قريرة العين ولا تهتمِ لأي شيء يحدث حسنا ؟؟
نظرت فاطمة لعيونه بدموع وهي تتحدث بوجع كبير :
_ انا بظلمك اوي معايا يا زكريا انا دمرت مستقبلك كله بجوازي منك .
ابتسم زكريا وهو ينزع حجابها حتى لا تختنق ثم رتب شعرها بحنان هامسا لها بحب شديد لا يعلم متى وأين تغلغل داخله فالأمر بدأ بنزعة الحماية التي نمت داخله تجاهها وبعدها تحولت لمسئولية وها هي المسئولة قد كبرت لتنضج مكونه ثمارها التي طرحت حبًا انتشر رحيقه في ربوع جسده كله معلنا بذلك بداية موسم عشق خاص حوّله من راهب لشاعر في حبها .
_ وما نفع المستقبل إن لم يكن جوارك غاليتي ؟؟
_____________________
كان رشدي يضحك بعنف وهو يحاول جذب هادي بعيدا عن فرج الذي كان يضم طب حلواه وكأنه يحمي صغيرة من وحش مفترس صارخا في هادي :
_ جرا ايه يا متخلف انت ؟؟ كنت هتخليني أوقع الكريزة في الارض من الفزع .
تحدث هادي بغيظ شديد وهو يضغط على أسنانه بعنف يشير بكفيه لفرج وكأنه يطحن ثمرة طماطم أسفل قبضيته :
_ ده انا بص هخلع راسك دي واحطها في خلة واعملها كريزة ….بقى انا عبيط يا فرج ؟؟؟ انا عبيط ؟؟؟
تحدث فرج وقد أدرك سبب غضب هادي لذا تراجع أكثر على مسند المقعد الذي يتعلق به خوفا من هادي :
_ لا يا هادي يا بني ..قطع لسان اللي يقول عليك كده يا حبيبي…
_ وانا ميرضنيش كلمتك تنزل الأرض يا حبيبي .
ابتلع فرج ريقه بقلق وهو يرى هادي ينظر له بشر :
_ قصدك ايه ؟؟؟؟
ابتسم هادي بشر كبير وهو يتحدث :
_ يعني هقطعلك لسانك يا فرج ووريني بقى هتتغزل في ام اشرف ازاي ؟؟؟ أما خليت اشرف يسدلك الشباك بتاعها مبقاش هادي عبدالهادي .
_ هادي بتعمل ايه ؟؟؟
كان ذلك صوت شيماء التي خرجت للتو من غرفتها ترمق هادي بعدم فهم لما يفعل …انتفض هادي مبعدا رشدي عنه ثم تحرك صوب شيماء بلهفة شديدة ولم ينسى قبلها أن يمرر يده على رقبته كحركة السكين مشيرا لفرج بها وهو يتوعده ….وصل هادي لشيماء وهو ينظر لها بحب شديد وبسمة ثم مد يده لها :
_ تسمحلي جميلتي ؟؟؟
نظرت شيماء حولها للجميع بخجل شديد ووضعت يدها في يد هادي وتحركت معه وهي تبتلع ريقها بتوتر تحت نظرات الجميع السعيدة لأجل الاثنان .
نظر رشدي لماسة التي تقف تراقب خروج شيماء ببسمة واسعة ليشير لها بعينه أن تتبعه لسطح البناية ثم تحرك يسبقها وقد انقلبت ملامحه ١٨٠ درجة وكأنه ليس ذلك المازح الضاحك الذي كان في المنزل منذ ثواني فقط .
نظرت ماسة لاثره تعلم جيدا ما يريده لذا تنفست تهدأ نفسها وبعدها استأذنت من الجميع ثم تبعته سريعا حتى لا تزيد من غضبه وتجعله يظن أنها تتملص من المواجهه .
__________________
خجلت فاطمة كثيرا من حديث زكريا وما كادت تفتح فمها للإجابة حتى قاطعها صوت رنين هاتف ما …والذي كان هاتف زكريا .
أخرج زكريا هاتفه وبمجرد أن لمح الاسم الذي أنار الشاشة حتى على وجهه ملامح غريبة كليا عن وجه الذي اعتاد أن يحمل للهدوء والحنان والحزم دائما .
ابتسم زكريا لفاطمة بسمة لم تصل لعينه ثم أجاب الهاتف وهو يتحدث بكلمات مقتضبة جدا لمحدثه :
_ بعتها ؟؟؟…جزاك الله خيرا ….هستنى بقى تطلعها واجي استلمها منك …تمام في رعاية الله .
أنهى زكريا هاتفه ثم أخذ ينقر فيه على بعض الأزرار بلهفة شديدة حتى توقف فجأة ونظر لفاطمة التي كانت تتابع حركاته دون فهم …
ابتلع زكريا ريقه وهو ينظر لفاطمة بحنان يكوب وجهها هامسا :
_ فاطمة هوريكِ صورة وعايزك بس تشاوري ليا على الشخص اللي شوفتيه انهاردة ماشي ؟؟؟
ازدادت خفقات قلبها لدرجة شعرت أن زكريا قد سمعها لكن برؤية تلك النظرات المشجعة والمساندة لها في اعين زكريا هزت رأسها بتردد كبير في انتظار ما يحدث .
ابتسم لها زكريا بتوتر شديد يخشى أن يعرضها لصدمة أو ما شابه، لكنه عليه معرفة ذلك الشخص ليبدأ في أخذ قصاصه منه ومن رفيقه، وهو بالطبع لم يكن ليعرض فاطمة لحمل أن تقف أمامه وجها لوجه وتشير عليه لذا رأى أن هذه افضل طريقة للوصول إليه….
مدّ زكريا يده بالهاتف وهو يترقب كل شيء يصدر من فاطمة التي تحركت عينها من وجه زكريا ليده اتحدث في صورة كبيرة تضم عدد كبير من الشباب والذي تعرف منهم البعض مما رأت سابقا ..أخذ وجهها يمر على الجميع وهي تشعر أنها على وشك الانهيار وتنفسها أصبح صعب جدا ..تشعر ببوادر انهيار وتلك الحالة اللعينة تكاد تعود لها لكن فجأة توقف كل ذلك حتى تنفسها الضعيف توقف وهي ترمق ذلك الذي كان يجاور رشدي ويبتسم بسمة واسعة وكأنه لم يذنب في حياته أو يحيل حياة أحدهم لتعيسة..يبتسم هكذا بكل بساطة وهو دمرها وحطمها ..سقطت دموع فاطمة أكثر وقد أضحت شهقاتها عالية مرتعبة تشير بأصبع مرتجف جهة أحد الأشخاص وهي تتحدث بنشيج بكاء حاد :
_ ده ….ده يا زكريا هو ده كان ..كان …
توقفت فاطمة عن الحديث وهي تصرخ بانهيار شديد مغمضة عينها تدفن وجهها بين قدميها لا تود تذكر كل ما حدث تتمنى لو تفقد تلك الذاكرة اللعينة فهي للحق لا تحتاج شيء منها .
تجمد زكريا محله بصدمة كبيرة وهو يفتح فمه غير مصدق لتلك الحقيقة التي ضربته بها فاطمة من قليل …لا يصدق أن ذلك الشخص الذي يدعي البراءة والهدوء والشرف أمام الجميع ليس سوى واحد من أقذر أصناف الرجال إن صُنف رجلاً من الأساس .
سحب زكريا نفسه بعنف من صدمته وهو يرفع رأس فاطمة يضمها إليه بقوة وقد استحالت عينه للسواد تماما هاتفا بنبرة مرعبة :
_ اشششش خلاص خلصت …الموضوع خلص عندك لغاية هنا و اوعدك مش هتشوفي وشه غير وهو مذلول يا قلبي …
صمت قليلا ثم تحدث بحب ونبرة مرعبة :
_ وعدًا قطعه قلبي لعيناكِ جميلتي …..
____________________
كان هادي يجلس على مقعد أمام شيماء وهو يستند بظهره للخلف يحدق في شيماء التي تدعي أنها تتناول الطعام لتتلاشي ذلك الحرج من هادي ….لكن هادي كانت نظراته لها جامدة وهو يراقب كل ما تفعله بملامح ممتعضة…
زفر ببطء ليهدأ نفسه ثم اعتدل في جلسته يدفع الطعام أمام شيماء ثم سحب طبق السلطة التي لا تأكل سواه منذ جلست وتحدث مشيرا للطعام :
_ كلِ يا شيماء يا حبيبتي انا مش خارج مع معزة عمالة تأكلِ خس بس .
رفعت شيماء نظرها لهادي بعدم فهم ليقترب هادي بجسده قليلا منها هامسا :
_ انا مش اهبل يا شيماء عشان ماخدش بالي من اللي بتحاولي تعمليه .
توترت شيماء وهي تعتدل في جلستها أكثر مردفة :
_ قصدك ايه يا هادي ؟؟؟ ما انا بأكل عادي و…..
_ هو انا عمري اشتكيت من جسمك يا شيماء ؟؟؟ عمرك شوفتي في عيني نظرة عدم رضا عن جسمك ؟؟
لم تجب شيماء فالسؤال ألجمها كليا ليكمل هو بغيظ يحاول كبت غضبه منها :
_ لا صح ؟؟؟ يبقى ليه بتعملي كده ؟؟
صمتت شيماء ولم تجب مجددا ليزفر هادي بضيق وهو يمد يده يمسك يدها التي تستقر على الطاولة بينهما :
_ شيماء اسمعِ اللي هقوله عشان اخر مرة هقول الكلام ده …لو أنتِ بتعملي كل الهبل ده عشان مثلا رأيي فيكِ أو رأي حد فيكِ ففكك من الحوار ده كله ومتعمليش اي حاجة لان انا معنديش اي مشاكل مع الحوار ده بالعكس أنا يوم ما حبيتك ..حبيتك كده .
صمت يتابع تعابير وجهها ثم أكمل :
_ إنما بقى لو بتعملي كل ده عشان نفسك فأنا معاكِ بس انا مش عايزك تعيشي وأنتِ حاسة نفسك متكتفة أو متقيدة بحاجة معينة يا شيماء ارجوكِ .
سقطت دموع شيماء دون أن تشعر لتهز رأسها له وهي تضع وجهها في الطعام أمامها تحاول اخفاء دموعها فهذا الموضوع حساس جدا بالنسبة لها وجسدها يعد أكبر عائق في دنيتها كلها .
نهض هادي من مقعده واتجه لشيماء ثم سحب رأسها لاحضانه برقة وحنان شديد مربتا على رأسها دون كلمة واحدة بينما هي وكأنها واخيرا حازت فرصتها للانفجار بكل ما يعتمل نفسها لتتحدث من بين شهقاتها :
_ انا بكره نفسي اوي اوي يا هادي …بكره ابص لنفسي في المراية…لحظات لبسي بتكون ابشع لحظات في عمري وانا بحاول الاقي حاجة تناسبني ..تعبت من كل ده .
ضمها هادي إليه أكثر يقبل رأسها ثم أبعدها بحنان وهو ينحني على ركبتيه جوار مقعدها ممسكا بيدها خامسا :
_ كل ده مش مهم عندي يا شيماء قد ما قلبك مهم عندي لو حصلك ايه ولو حصلت أي تغيرات في شكلك هتفضلي شيماء اللي حبيتها وحفيت وراها وطلع عين أهلي عشان في الاخر تكون على اسمي .
ابتسمت شيماء بسمة صغيرة من بين دموعها لتسمعه يكمل حديثه بهمس خافت وكأنه يدلي بسر :
_ اقولك على سر خطير ؟؟؟
_ إنت اللي قتلتك موفاسا ؟؟؟
صدم هادي من جواب شيماء ثواني قبل أن ينفجر ضاحكا عليها وهو يهز رأسه بلا متحدثا :
_ لا حاجة اخطر من قتل موفاسا ….
حاول تمالك نفسه قليلا ليهمس لها بخفوت :
_ انا اللي كنت بطفش العرسان اللي بيجولك.
_ عرسان ؟؟ بيجولي ؟؟؟
كانت معالم الصدمة تظهر جليا على وجه شيماء لا تصدق ما اخترق سمعها للتو ….هز هادي رأسه وهو يقاوم تلك الضحكات التي يمنعها بصعوبة من الانطلاق لرؤيته ملامح وجهها :
_ لا هو انا مقولتلكيش؟؟ مش عقبال عندك كان بيجيلك عرسان كتير وانا اللي كنت بطفشهم ؟؟؟؟
____________________
_ ونهاية كل السكوت ده ايه ؟؟؟
رفعت ماسة عينها لرشدي تحاول تفادي ذلك الغضب الذي يشع من عينه وهي تحاول تفادي كل غضبه :
_ يا رشدي ما انا مش عارفة اقول ايه انت اللي ناديتني .
_ ماسة….
كلمة واحدة لكن أثرها على ماسة كان كبير فقد ارتجف جسدها برعب لتلك النبرة التي تحدث بها إليها لتبتلع ريقها وهي تستمع لحديثه :
_ أنتِ عارفة كويس اوي أنا ناديتك ليه ؟؟؟ فاتكلمي قبل ما اعصابي تفلت وهيكون رد فعلي مش حلو واظن مفيش حد يعرفني اكتر منك .
ابتسمت ماسة بغباء وهي تحاول أن تلطف الأجواء :
_ ما انت عارف يا رشدي اني بتخنق مرة واحدة و…
_ وبتنهاري بالشكل ده اللي محصلش من وفاة والدك !؟؟ ما اظنش يا ماسة .
أغمضت ماسة عينها بتعب شديد وهي تتحرك صوب رشدي تضمه بلا مقدمات وهي تستند برأسها على صدره ويدها تلتف حوله هامسة له بحب :
_ انا بحبك اوي يا أباظة .
إن كانت تظن أنها بهذا الشكل قد امتصت غضب رشدي …فقد أصابت فهي بالفعل بمجرد ضمها له هدأ جسده تلقائيا وبادلها العناق يهمس جوار أذنها بحنان :
_ حصل ايه يا ماسة ؟؟؟
ضمته ماسة أكثر وهي تقص عليه كل ما حدث وما رأت وكل شيء لتستشعر بجسده يتيبس أسفل يدها بشكل مخيف وما كادت تتحدث حتى قاطع هذا الصمت صوت رنين هاتف رشدي الذي أجاب سريعا بصوت يحاول عدم إظهار غضبه فيه …..
_ فين ؟؟؟ ماله زكريا ؟؟؟ طيب تمام ثواني واكون عندكم .
أنهى رشدي حديثه ثم قبل رأس ماسة بحنان وهو يتحدث لها :
_ انزلي دلوقتي يا ماسة وبعدين نكمل كلامنا …
_ ماله زكريا ؟؟فاطمة حصلها حاجة ؟؟؟
جذب رشدي ماسة خلفه وهو بجيبها باختصار :
_ فاطمة كويسة بس زكريا الله وحده اعلم ايه اللي حصل ليه ؟؟
__________________
كان يطرق الباب بايقاع منتظم ليسمع صوت لؤي من الداخل وهو يسب في الطارق حتى فتح الباب بعنف شديد :
_ جرا ايه يا طور إنت ؟؟؟ ماسك طبلة في فرح شعبي ولا ايه ؟؟ مش عارف اتابع الماتش .
لوى هادي فمه بحنق شديد وهو يتحرك للداخل :
_ ايه يا لؤي العنف ده ؟؟؟ كل ده عشان ماتش يا اخي اووف منكم الكورة لحست مخكم .
_ منكم اللي هما مين يعني ؟؟؟بعدين إنت جاي عندنا عايز ايه ؟؟
ابتسم هادي بهدوء شديد :
_ ايه يا لؤي بس كلامك ده كده هحس انك مش طايقني .
_ ما هي دي حقيقة فعلا انا مش طايقك ولا طايق كابتن ماجد اللي بقاله ساعة عمال يصرخ جوا ربـــاه و ويحي، ولا كأنه بيحارب مع احمد مظهر في فيلم واسلاماه.
ابتسم هادي وهو يستمع لصوت طرق عنيف على الباب جعل لؤي ينتفض من مكانه بغضب شديد صارخا :
_ مين الحيوان اللي بيخبط ده ؟؟؟
تحرك لؤي جهة الباب سريعا يفتحه ليجد رشدي يدخل بعنف كما لو كان في غارة على وكر عصابات وهو يصيح برعب :
_ زكريا حصله ايه ؟؟؟
نظر لؤي لرشدي يحاول أن يهدأ نفسه ثم تحرك جهة الداخل ببرود شديد :
_ محصلوش حاجة بس شوية كده وهيبقى مشرد بلا مأوى .
لم يفهم رشدي ما يحدث ليتحرك سريعا صوب غرفة زكريا يتبعه هادي والذي لم يحلو له المرور سوى من أمام التلفاز مانعا عن لؤي الرؤية بالكامل لينحني لؤي سريعا ويمسك بخفه المنزلي ملقيا إياه على هادي الذي صرخ متألما من وقعه على ظهره .
دخل رشدي الغرفة بنفس الشكل الذي اقتحم به المنزل وهو يصرخ بفزع في زكريا :
استدار زكريا لرشدي بملامح شبه خاوية من أي تعابير وهو يتنفس بعنف يرمق هادي الذي تبع رشدي للغرفة وهو يفرك ظهره بألم مغلقا باب الغرفة خلفه …
تحدث زكريا بصوت غامض مخيفا موجها حديثه لرشدي :
_ رشدي إنت تعرف ايه عن صاحبك اللي اسمه مصطفى ده ؟؟؟
انكمشت ملامح رشدي بعدم فهم وهو يطيل النظر في زكريا ليتحدث هادي متدخلا في الحوار :
_ مصطفى مين؟؟؟؟ قصدك زميله اللي كان جاي يطلب ايد شيماء !؟؟؟
هز زكريا رأسه وعيونه تزداد سوادا وهو يتحدث بنبرة مرعبة :
_ هو بعينه يا هادي ………
- يتبع الفصل التالي اضغط على (رواية شيخ في محراب قلبي) اسم الرواية