رواية بنت الغير شرعية كاملة بقلم سمسومة عبر مدونة دليل الروايات
رواية بنت الغير شرعية الفصل الاول 1
سلام انا بنت من الغرب الجزائري اسمي بسمة بصح اسم على غير مسمى ولا مرة ابتسمتلي الدنيا زيني زين عربي أصيل سمراء طويلة شعري أسود واصل حتى مسلاني ماما دارت فيا دعوة الشر باش منقصوش بصح للأسف وصلت مرحلة اليأس واللاوعي وقصيتو وندمت، عينيا كبار كحل مشفرين وطايتي رقيقة من التعب والشقا وتالمو مش هانية في راسي ، جيت للدنيا معبية هموم ومتاعب صغري منشفاش عليه مليح نشفى برك أني كنت عايشة مع جداتي أم أمي وخالي وطبعا أمي وسامعة بلي عندي 3 خالاتي ولكن ولا مرة تلاقيتهم ولا شفتهم كنت ديما نسمع جدة تقول لماما النسا يجيبو شاشرة يلقاوهم للعاقبة ونتي جبتي هذا المطرق لكحل هم عليا وعليك ، تزوج خالي وبداو المشاكل بين ماما ومرتو نشفى نهار خملو قشهم وجاو رايحين وجدة تنوح وتعيط على خالي وتسب في مرتو ها الهاملة الموسخة ديتي عليا ولدي حتى قاللها نورمالمو نروح من نهار عملة بنتك لي فضحتنا بين الناس راني طولت يروح يا لي تروح وجدة تعاملني بطريقة سيئة مكنتش متولهة حتى كي زادت بنت خالي وشفتها كيفاه تعاملها تبوسها تخبيلها الحوايج المهم كي يجيبها خالي تقلشها تقلاش كرهتها لدرجة كي ماتت الدمعة ما طاحتش من عيني هي الحقيقة كنت منبوذة من الجميع كانو عندو زوج صحابات وبس وحتى كي دخلت للقراية زميلاتي مكانوش يلعبو معايا كي تسقسيهم الشيخة يقولولها والدينا وصاونا منلعبوش معاها كي كنت نخبر ماما تقولي غاييرين منك شابة عليهم يا حي وانا أمنت صح ، المهم روح بالي تروح وطلعت المتوسطة ماما كانتش تخدم كياسة فالحمام ممبعد ولات تخدم فالديور باه تلحق اللقمة مالا تحملت المسؤولية على بكري وليت نعاونها فالدار نسيق علمتني الطياب غسيل الحوايج باليد معندناش مشينة لافي معيشتنا على قدنا المهم وحد المرة طلبو منا شهادات ميلاد باش نسجلو شفت ماما لاهية قلت خلي نروح لاميري نخرج وحدي وياريت ما رحت رحت فرحانة بروحي خرجتهالي وحد الشرة تم وهيا تشوف ليا بنص عين كي عطاتهالي لعبتها شاطرة بقيت نقرى فيها عند ابنة مكان الاب دايرين مجهول رجعت ليها قلتلها راكي غالطة أنا بويا فلان بقات تخزرلي باستهزاء قاتلي ووينو بوك قلتلها الله يرحمه قاتلي شوف يا سيدي شكون خرط عليك قتلها ماما قاتلي مكاش لي خرط عليا قاتلي شوفي روحي لمرت خالك تفهمك باين فيها تعرفني قلتلها صحا ديت ذيك الشهادة ورحت لدار خالي غير فتحتلي مرت خالي قاتلي شا…تكملة الجزء 1:
غير فتحتلي مرت خالي قاتلي شا جابك هنا قتلها راها نتاع لاميري قاتلي روحي لمرت خالك تفهمك لاه حاطين اسم الاب مجهول والله يا خياتي عند الباب قاتلي وهذي حتى نفهمهالك هاد نتي بنت حرام بوك مكاش دارها بموك وقاسها أيا طيري عليا ومنزيدش نشوفك هنا جبت طريق كاملة ضحك وبهستيريا دخلت لماما قتلها مرت خوك شدها الزهايمر قاتلي علاه قتلها متعرفش بلي بويا فلان راها قاتلي نتي بنت حرام وبوك لعب بماماك وقاسها ماما تشوكات من الهدرة بقات غير ساكتة ، حتى فالليل كي جينا نرقدو قاتلي بسمة بنيتي راكي كبرتي ولازم نفهمك حاجة نتي بوك مش فلان ذلك بويا أنا نتي بوك هاد كيفاه سمو وتزوجت أنا وياه بالفاتحة والله غالب مات قبل ما تزيدي ومعرفتش كيفاه نثبت عقد الزواج على هذا حطيتك على اسمي والله يا بنتي لا نتي بنت حلال متسمعيش كلامهم كونك قوية يشهد عليا ربي أنك بنت حلال وجبتك وانا صغيرة ومعرفتش كانت تهدر وتبكي لربي لي خلقها بقيت نسكت فيها قتلها معليش حنونتي عارفاتك متكذبيش عليا من يومها وانا في دوامة ما يعلم بيها غير ربي ياما سمعت هذي المعايرة نتاع بنت حرام في صغري بصح جامي قاصتني بصح ضوكا ولات توشيني بزاف وكل ما نكبر كلما تزيد عليا ، كنت عايشة غير أنا وماما خالي من نهار ماتت جدة مزادش عفس عندنا ، هذو يامات جات وحدة بنت خالة ماما تعيش معانا سمعت بلي راجلها حاوزها من الدار ونحالها ولادها ، ولات ماما وخالتي بختة يخدمو فالديور ولا فالحمام وانا لاهية بقرايتي والحمد لله كنت متفوقة على رغم من التنمر لي كنت نتعرض ليه خاطرني بنت حرام بصح دوام الحال من المحال……….
- يتبع الفصل التالي اضغط على ( رواية بنت الغير شرعية ) اسم الرواية