رواية نجمة في الصعيد كاملة بقلم ملك نصر الله عبر مدونة دليل الورايات
رواية نجمة في الصعيد الفصل الاول 1
=ايوا يا ستو بس معظم الصعايده تفكيرهم محدود جدا
جدتها: سيبك انتي هما رجاله رجاله يعنى
=ايوا رجاله علي دماغي من فوق بس معظم تفكيرهم كلوز مايند
_كلميني عربي يا بنت هناء
هي بضحك: ايه دخل هناء الوقت يا فرياله شكلك زعلتي صح
جدتها(فريال): لا مش زعلت بس انتي شغاله تقولي تفكيرهم محدود انتي جربتيهم يا نجمه
نجمه: ايوا صاحبتي هاله اتجوزت في الصعيد من ابن عمها تقريبا بعد ما كتبوا الكتاب قالها مفيش شغل قالتلي حاولت اقنعه كتير قالي هو مفيش يعني مفيش .. تخيلي يا ستو بقينا في 2023 وهو يقولها مفيش شغل .. بعد 19 سنه تعليم وسحله وتعب وبقت دكتوره جميله شاطره في شغلها يقولها مفيش شغل يبقي تفكيره محدود ولا لا
جدتها: دا واحد من وسط 100 الف صعيدي شهم راجل تعرفي تسندي عليه وانتي واثقه انك م هتقعي ، وبعدين ياست نجمه مانا اهو من الصعيد ومش كلوز مايند(بصوت نجمه)
نجمه بضحك: مختلفناش يا ستو بس دا لازمته ايه جنب انه تفكيره محدود ، وبعدين يا فرياله مش تتريقي عليا ..
جدتها: انا تعبت من الكلام معاكي يابنت هناء ادخلي اوضتك زاكري ياختي
نجمه: حاضر يا ستو
نجمه دخلت اوضتها وفريال قاعده برا شويه وجالها تليفون من اخوها الكبير
الجده: الو ياخوي عامل ايه اتوحشتني اكتير
الاخ: اني الحمدلله بخير طول مانتى بخير وانتي والله يا فرياله اتوحشتيني جوي ، بجولك عملتي ايه في الموضوع إياه
الجده: بكلمها والله ياخوي واجولها الصعايده جدعان وهي تجولي لاه دول تفكيرهم محدود واكنها علجت
الاخ: وه دا باين عليها هتتعبني معاها
الجده: الا جولي ياخوي انتي ليه عايزها تحب الصاعايده
الاخ: بصراحه إكده الواد حمزه ابني مش راضي يتجوز خالص وتفكيره مجفول من ناحيه الستات ، ولو چوزته صبيه من اللي حدانا مش هتنفع معاه ، بنات الصعيد واخدين ع الطاعه ، واني عايز واحده تعلمه الادب شويه وان الله حج
الجده بتوجس: وبعدين
الاخ: ولا جبلين ، اني عايز اچوزه نجمه
الجده بصدمه: مع احترامي ليك ياخوي بس ايه الكلام الفاضي دا ، اياك فاكر لأجل ابوها ميت افرط اني فيها
الاخ بزعل: اخس عليكي يا فريال اني برضوا أفرط في بت ابن اختي ، اني كنت عايز أوفج راسين في الحلال ياخيتي ، ونجمه شخصيته جويه وهتعرف تسد معاه
الجده بأسف: معلشي ياخوي والله ما جصدي أكده اني بس التعبير خاني ، بس ياخوي نجمه مش هترضي تجوزه ولا هو هيرضي برضوا دي بتقولي أن حمزه م بيطيجها كل مره نجيلكم مش بيكلم معاها خالص وعطول مكشر في وشها
الاخ: لا والله هو عطول اكده ، واني حاسس ان هي اللي هتعدله حياته
الاخت: خليني جولت ماشي هتقربهم من بعض ازاى
الاخ: احم انتوا هتيجوا تعيشوا عندي اهنا ، وهنقل ورق الكليه بتاع نجمه لأقرب كليه مننا ولما تيجوا هكملك الخطه
الجده بتنهيده: موافجه ياخوي
الاخ براحه: طيب ياخيتي هتيجوا ميتا ؟
الجده: الاسبوع الجاي إن شاء الله
الاخ: لاه كده كتير تعالوا بعد يومين تكونوا جهزتوا اللبس وهنا الدوار جاهز من كل حاجه
الجده بضحك: انت مجهز كل حاجه ولو مكنتش وافجت بجا
الاخ: لا هتوافجي انتي ترضي علي الزعل
الجده بحب: لا ياخوي ، ربنا يجدملهم اللي فيه الخير
الاخ: يارب يافرياله ، هقفل انا علشان تلحقوا تجهزوا سلام
الاخت: سلام ياخوي ، في حفظ الله
معلومه( نجمه بنت وحيده عايشه مع جدتها باباها و مامتها متوفيين ، مامتها توفت وهي بتولد اخوها بس هو كمان توفي مع مامتها لأن حصل نزيف مفاجئ ، باباها توفي بسبب اذمة قلبيه ، نجمه عندها 22 سنه في كليه الفنون الجميله في الفرقه التالته ، بشرتها قمحويه وطولها متوسط عينيها بني غامق زي القهوه بتوضح في الشمس اكتر وعندها غمازات واحده واضحه جدا والتانيه عاديه )
علي الجانب الآخر في صعيد مصر
الحاج رضوان: بت يا سعديه
سعديه: ايوا يابا الحاج رضوان
الحاج رضوان: جهزوتوا الاوض ولا لسه
سعديه: جهزت يابا الحاج
الحاجه رضوان: طيب ابعتيلي حمزه
سعديه: حاضر يايا الحاج
بنطلع فوق في اوضه بنلاقيها واسعه جدا واساسها بني وفي سرير كبير الي حد ما نايم عليه شاب ببنطلون واسع لونه رمادي ( سكوير بانتس ) عاري الصدر بيسمع خبط علي الباب بيقول بضيق
الشاب: عايزه ايه يا سعديه
سعديه: جوم يا حمزه اباا الحاج رضوان عايزك ضروري
حمزه بضيق: حااضر قوليله جاي
سعديه: حاضر ، اوعاك تنسي وتكلم ابوك زي القهروين يا حمزه بيضايج
سعديه: امشي يا سعديه
بتمشي سعديه
(ملحوظه حمزه بيعامل سعديه واكنها أخته لأنها يتيمه الاب)
بيقوم حمزه وهو بيبرطم ويقول ( حتي يوم الاجازه الواحد مش عارف يتخمد فيه زي البشر) بياخد شاور وبيابس جلبيه وبيحط برفِن وبيسرح شعره وبيلف شال ابيض علي رأسه وبينزل
حمزه: خير يا حاج مصحيني من 8 الصبح يوم الاجازه في حاجه
الحاج رضوان: لاه يا ولدي كنت عايز اجولك أن عمتك جايا هي وعمك شكري و نجمه
حمزه بفرحه: فرياله جايا امتا وهيجعدوا جد ايه ؟
الحج رضوان: جايين بكره وهيجعدوا معانا عطول إن شاء الله ، توافج بس نجمه
حمزه بضيق: ونجمه مش وافجه ليه بجا
الحاج رضوان بخبث: مش بتحب الصعيد ياولدي
حمزه بستهزاء: واللهِ طيب لما عمتي تيجي مش هتمشي تاني وتبجي توريني ست نجمه هتعمل ايه
الحاج رضوان بضيق: مش بالعافيه هي ، انا هفهمها وانت ملكش دعوه بيها ، اطلع انت منيها
حمزه بخبث: براحتك يا رضوان ابجي شوف مين هيصالحك علي فاطمه لما تجلب عليك
رضوان بضحك: بتهدد ابوك يا حمزه ، متصالحنيش انا هصالحها وحدي
حمزه بخبث اكتر: وهجولها علي ناريمان هانم اللي بتصدرلها الرز ونظراتها ليك
رضوان بخوف: اسكت يا حمزه دا انت لما بتصدج وبعدين اني مالي هي اللي بتبصلي اعملها ايه
حمزه بضحك: اصلك وسيم يا حا…
فاطمه بصراخ: مين دي اللي بتبصلك يا رضوان ها انطج
حمزه بضحك: الله جيتي في وجتك تعالي
رضوان بخوف: اعجلي يا فاطمه ، دي واحده فاتحه مصنع رز واني بصدرلها الرز دا وهي بقا بتبصلي وانا والله ما بعطيها وش واصل
فاطمه بحب: عارفه يا جلب فاطمه من جوا انك بتحبني ربنا يخليك ليا ويباركلي فيك يارب انت وحمزه الغالي ابن الغالي
الحاج رضوان بحب: تعالِ في حضني يا فاطمة
فاطمه بكسوف: لاه عيب يا رضوان حمزه واجف
حمزه بغيظ: ولا اوجع ولا موجعش يا حاج اني طالع اكمل نام سلام عليكم وبكره انا اللي هروح اجيب عمتي
الحاج رضوان: روحي ياولدي ربنا يوفقك
فاطمه بفرحه: هي فريال جايه بكره
رضوان حكالها كل حاجه وعلي اللي في دماغه
فاطمه بقلق: متأكد ياخوي من اللي هتعمله دا وانه مهيئذيش العيال
رضوان: لا مهيذيهمش إن شاء الله
فاطمه: يارب
عند الجده فريال ونجمه
الجده: نجمه نجمه
نجمه: نعم يا ستو جايه اهو
الجده بتوتر: جهزي الشنط علشان هنروح الصعيد عند اخويا
نجمه بضيق: هنروح عند حمزه ابو دم تقيل ليه يا ستو ، الاجازه لسه مش جات
الجده: لا ماهو احنا هنقعد هناك علي طول وهننقل ورقك بتاع الكليه لأقرب كليه من الصعيد
- يتبع الفصل التالي اضغط على ( رواية نجمة في الصعيد ) اسم الرواية