رواية ابنة الراقصه (كاملة جميع الفصول) حصريا عبر دليل الروايات بقلم روزا اليوسف
رواية ابنة الراقصه الفصل الاول 1
صباح الخي .. ولسه بتكمل الكلمه لقيت الكف الخماسي علي وشها .
هدي : في اي يا عماد انا عملت اي وانا نايمه .
عماد : هو كدا يلا قومي اعمليلي طفح اطفحه قبل ما انزل .
هدي بكسره : حاضر .
هدي لنفسها : اي اللي انا عملته في نفسي دا الله يخربيت الجواز علي اللي عايز يتجوز كنت استحملت جوز امي وانا ساكته هو يعني كان بيعمل اي غير .. قطع حديثها زعيقه وهو بيقول : هستني الست هانم كتير ولا اي .
هدي بسرعه : لا لا حاضر اهو بالهنا والشفا .
عماد : لسه فاكره .. انا نازل الورديه بدأت جاتك نيله تاخدك ما بتعرفيش تعملي حاجه انا عارف اتجوزتك لي ... رزع الباب وهو بيكمل كلامه .
هدي : سابت الاكل من ايدها واتنهدت الحمد لله يا رب يتأخر النهارده .
في مكان بعيد ،عند حامد جوز أم هدي في بيته .
حامد : يا غاليه انتي يا ام النحس دا اي اللي الواحد عايش فيه دا .
غاليه : عايز اي يا سي زفت مش شايفني بظبط البدله اللي بتأكلنا عيش .
حامد : هو انتي بقي فيكي حيل تترقصي زي زمان اااااه دا انتي كان عليكي هزه وسط تجيب اجدعها شنب .
غاليه : ما راحت مع اللي راحوا ولا نسيت .
حامد بعصبيه: لا ما نسيتش بس انتي دلوقتي مراتي اناا سامعه .
غاليه :خلاص جاتك الهم بت يا نوسه تعالي ساعديني عشان نوصل عند الناس بدري .
---------------------------------- rose--------------------------
عند هدي ..
عماد رجع البيت رمي المفاتيح علي الكرسي دخل الاوضه اللي فيها هدي.
عماد بقرف : اي يا ست هانم هتفضلي نايمه كدا كتير ولا اي .
هدي بخضه : لالا صاحيه صاحيه عايز الغدا .
عماد بشهوه : لا
هدي فهمت من نبره صوته غمضت عنيها بضيق .
ثم بدأ ينظر إلي جسدها ويتقرب إليها ويهمس في أذنها عايزك يا هدي ..
بعد وقت قليل .
بعد عنها عماد بضيق وقعد علي حرف السرير وهدي لفت وشها الناحيه التانيه في اي بقالي اسبوع مش عارف ألمسها اذاي هتقول عليا اي دلوقتي بنت الرقاصه فجأه الغضب عمي عنيه وانهال عليها بالضرب ...
هدي بصريخ : والنبي سيبني يا عماد انا عملتلك اي بس ..
وهو لا هو هنا بيسكت صوت دماغه بالضرب فيها عشان يهدي ويبطل يفكر .
هدي استغلت أنه بياخد نفسه وهربت علي الحمام .
هدي بعياط : يا لهوي يا اما يا ريتني ما سمعت كلامك ..
سمعت الباب بيتقفل طلعت بسرعه اخدت التليفون ترن علي غاليه.
هدي : ايوه يا اما انا تعبت انتي قولتيلي هيطلقك لو ما حصلش حاجه بقالي اسبوع بحطله الحبوب في الشاي وبتيجي علي دماغي انا يا ريتني سبته دخل عليا ولا اني كل يوم انضرب كدا .
غاليه : يا لهوي يقطعه راجل خسيس قومي يا بت لمي الهدمتين وتعالي اقعدي في حضني ما انتي لو كنتي سمعتي كلام عمك حامد كان اي جري يعني .
هدي بزعيق : يا اما ما تفوريش دمي الله لا يسيئك هو انتي لو ما كنتيش وقفتي في صفه كنت اتجوزت اول واحد يبصلي منا كان زماني معاكي .
غاليه : يا بت دا انتي هزه واحده منك كانت توقف الفرح كله فيها اي لو كنتي وافقتي تشتغلي معايا .
هدي : رقاصه يا اما رقاصه .
غاليه : مالها الرقاصه يا عين امك مش الرقاصه دي اللي ربتك وعلمتك وخلتك تردي عليها زي البغبغان كلمه بكلمه . هدي : بس يااا...
غاليه : ولا كلمه طلعتي خسيسه ما طمرش فيكي تربيتي وتعبي عليكي .
هدي ببرود : تعب اتجوزتي معد ابويا ليه يا اما .
غاليه بحزن متداري : عشان يبقالي ضهر يحميني من الديابه اللي عايزين ينهشوني .
هدي بتنهيده : مش وقته الكلام دا انا عايزه منك خدمه تانيه انا عايزه منوم احطهوله في الاكل ياكل ويتخمد والم هدومي واهرب من هنا ...
يتبع...
•تابع الفصل التالي "رواية ابنة الراقصه" اضغط على اسم الرواية