رواية العشق الابدي كاملة بقلم لبنى دراز عبر مدونة دليل الروايات
رواية العشق الابدي الفصل الاول 1
تعريف الابطال👇
البطلة..
حلم الرشيدى/ او حور زى ما بيقولولها اهلها وجيرانها 29 سنة خريجة تجارة بس حبها و شغفها للزراعة خلاها اسطورة يحكوا ويتحاكوا عنها شخصيتها قوية جدا وعنيدة و دايما معاها سلا حها الخاص بيها و بتقول عليه بندق
أمينة المحمدى/ ام حلم (حور) ست بسيطة جدا أم لـ بنتين و ولدين ..حلم واخواتها اللى أبعد ما يكون عن أمهم وأختهم
البطل..
فارس المنصورى/ ظابط عمليات خاصة برتبة مقدم 32 سنة عنيد جدا و مافيش حاجة بتقف قصاده مهما كانت صعوبتها
نجوى المحمدى/ أم فارس و بنت عم أمينة متعلمة ومتفتحة جدا و صديقة ولادها
أدهم المنصورى/ دكتور جرّاح 30 سنة أخو فارس الأصغر
ياسمين المنصورى/27 سنة مهندسة زراعية أخت فارس وقريبة ليه جدا اكتر من أدهم
عاليا المنصورى/ 24 سنة خريجة هندسة حاسبات أخت فارس اخر العنقود وبيعتبرها بنته لان أبوه مات وهى عندها 4 سنين وهو اللى ساعد فـ تربيتها مع أمه
وباقى الشخصيات حسب الظهور
حلم الفارس بقلمى✍️_____________________لبنى دراز
حلم فـ مزرعتها و رن موبايلها
حلم:: بسعادة..الووو ست الكل اللى وحشانى
أمينة:: يا بكاشة انا لو وحشتك بجد كنتى سألتى عليا..من امتى وانتى بتغيبى عنى كدا يا حور
حلم:: سامحينى يا أمى.. انتى عارفة انا مش بغيب عنك غير لما يكون عندى ضغط شغل.. و عموما يا قمر انا يومين بالظبط وهسرق نفسى وهتلاقينى قصادك و هاخدك و نسافر نغير جو فـ اى مكان تشاورى عليه يا نور عين حور
أمينة:: خلاص ياقلبى ولا يهمك انا عارفة مشاغلك يا قلب أمك ..المهم عايزة أقولك ع حاجة كدا
حلم:: اتفضلى يا قمر عيونى ليكى
أمينة::ربنا يسعدك يا حور يابنتى ويجبر بخاطرك زى ما بتجبرى بخاطرى يارب
حلم:: أمين يارب يا ست الكل..بس ايه الحكاية يا قمر خير
أمينة:: بصى يا حور طنطك نجوى بنت عمى
حلم:: بمقاطعة.. اللى فـ المنصورة مالها
أمينة:: بتوضيح.. أبنها فارس أترقى فـ شغله و اتنقل هنا وهى كلمتنى انهم هييجوا زيارة هى و ولادها كام يوم عندنا لغاية ما يستقروا ويشوفوا سكن.. يعنى انا كنت بقول
حلم:: بأبتسامة..ماما حبيبتى أكيد أهلا وسهلا بيهم طبعا..يا سلام و انا فـ دى الساعة لما اتعرف ع بنت عمك يا قمر اللى ياما سمعت عنها و يا ست الكل الشقة اللى فاضية عندك يقعدوا فيها براحتهم حتى لو ع طول واهو ابقى طول ما انا غايبة عن البيت ابقى مطمنة عليكى ههههههههههههه
أمينة:: بسعادة يعنى انتى ما عندكيش مانع انهم يسكنوا فـ الشقة اللى قصادنا
حلم::بحب..أكيد ياحبيبتى ما عنديش مانع طبعا ..بس قوليلى يا أمونة انتى فرحانة أوى كدا ليه مع ان البيت مليان ناس يعنى
أمنية:: يا حور انتى عارفة انا و نجوى اصحاب من زمان..و الدنيا فرّقتنا و لهتنا عن بعض سنين و يادوب رجعنا نتكلم من فترة وما صدقت انها قالت انهم هيتنقلوا هنا ومالهمش غيرنا
حلم:: ماشى يا قمر وانا يا ست الكل يهمنى سعادتك و علشان كدا هكلبشهملك فيها انتى تؤمرى بس..وهبعتلك عم مصيلحى بشوية طلبات علشان تملى التلاجة عندك و عند الضيوف كمان وهكلم فاتن تظبط الدنيا وتساعدك يا حبيبتى
وخلصت المكالمة كالعادة بدعوات الأم لـ بنتها و رضاها عليها
_____________________
فـ المنصورة
فارس بيحضر الشنط مع أمه و أخواته كل واحد بيجهز و يلم حاجته
نجوى:: بدموع ..انا مش مصدقة انى هسيب بيتى اللى عشت فيه أجمل ايام حياتى وانا صغيرة مع أبوك لغاية ما ربنا اختاره
فارس:: ياحبيبتى قولتلك خليكى انتى و أخواتى وانا هتصرف حتى لو هقعد فـ أستراحة الشغل او حتى المكتب
نجوى::مش هيحصل انى اسيبك تتنقل لوحدك حتى أدهم و ياسمين و عاليا رغم انهم كبروا بس انت بالنسبة ليهم أبوهم مش أخوهم بس وقرروا من قبلى انهم هيتنقلوا معاك
فارس:: يعنى يا أمى هتفضلوا تتنقلوا كدا معايا كل ما اتنقل طيب انتى و البنات ماشى انما أدهم ينقل شغله بعد ما بقى دكتور معروف وله اسمه هنا حرام
أدهم:: من ورا فارس انا من غيرك ولا حاجة انت أخويا و أبويا وصاحبى يا جدع
عاليا:: وبصراحة بقى يا أبيه مش عايزين نعيش مع الحرابيق اللى هنا من غيرك.. انت واقف لهم ولو مشيت وسيبتنا هنا هياكلونا
فارس:: ضمها فـ حضنه بحنان..أولا كدا ما ينفعش تقولى ع اعمامك وعماتك حرابيق مهما كانوا بيعملوا لانهم أهلك ..وثانيا كدا حتى لو انا بس اللى سافرت ماحدش فيهم يقدر يقربلكم لانهم عارفين مين فارس المنصورى فهمتى..ثالثا بقى انا اصلا اللى ماقدرش اسيب بنوتى حبيبتى وابعد عنها. وطبع بوسة ع جبين أخته
ياسمين:: ع قد ما انا فرحانة اننا هنمشى ..ع قد ما انا زعلانة علشان هنسيب بيتنا
فارس:: ياسمينتى حبيبتى ..انا عارف انه صعب انكم تنقلوا حياتكم معايا بس انتوا مصممين..وبـ حيرة انا اعمل ايه
ياسمين:: فارس حبيبى ماتحتارش احنا معاك لأخر العمر ..وبصت لـ اخواتها مش كدا يا بنأدميين ولا ايه
أدهم وعاليا:: معاك معاك معاك هييييييه
نجوى:: بحب ..ربنا يباركلى فيكم يا ولادى ويخليكم لبعض يارب
كلهم :: أمين يارب العالمين
فارس:: باس ايدها و راسها ويباركلنا فيكى يا ست الكل ومايحرمناش منك ابدا ..يلا بقى يا شباب ننزل الشنط
عاليا و ياسمين و أدهم ::بهزار.. أدوا التحية العسكرية.. تمام يا أفندم علم و جارى التنفيذ ههههههههههههه
وفعلا ابتدوا يتحركوا ينزلوا شنطهم فـ عربياتهم ونزلوا فارس معاه نجوى فـ عربيته ..وأدهم معاه عليا وياسمين فـ عربيته
__________________
فـ المزرعة
حلم شغالة فـ الارض بإيديها وجات من وراها.مديرة أعمالها
الاء:: (استوب ..الاء مديرة أعمال حلم و من ضمن الاصدقاء المقربين شغالة معاها هى وجوزها و عندهم بيت صغير فـ قلب المزرعة كان هدية من حلم لما اتجوزوا) ممكن أعرف حضرتك هتبطلى أمتى تشتغلى بإيدك وتبطلى تخلينى ادور عليكى كل لما احتاجك
حلم::برفعة حاجب..سابت الفاس اللى شغالة بيه ..عايزة أيه يا الاء انجزى وبطلى رغى كتير
الاء:: يا حلم انتى عندك عمال كتير فـ المزرعة ليه بقى تشتغلى بإيدك بس
حلم:: بصى يا لولو المزرعة دى ما كبرتش كدا و لا انا بقيت اسطورة فـ وقت قياسى كدا غير بده ورفعت دراعها بالفاس ..لو كنت اعتمدت ع حد غير ربنا ثم دراعى ماكنتش بقيت حلم الرشيدى اللى اسمى لوحده كفاية انه يفتح اى باب مقفول او يكون كابوس للى يفكر يقف قصادى
الاء:: انا عارفة كل ده بس يا لومى عايزاكى ترتاحى فـ مكتبك وخليكى هانم كدا وارتاحى شوية
حلم:: الاااااء ..انتى أكيد مش جاية تدورى عليا عشان كدا ..فـ انجزى عايزة ايه
الاء::عابدالوزير(استوب..
شخص مستفز جدا وهيكون له حوارات كتير وهنشوف ع مر الاحداث هيعمل ايه)
حلم:: ماله سى زفت ده
الاء:: مستنيكى فـ المكتب
حلم:: أتصلى بـ حازم يقابله و يتصرف معاه
عابد:: مش عيب عليكى يا حلم لما ترفضى تقابلينى
حلم:: بغيظ..أنت ايه اللى جابك هنا
عابد:: ببرود ..وحشتينى يا حلم قولت أجى أشوفك و أملّى عينى منك يا حبى
حلم:: بأبتسامة صفرا ..وماله اهلا بيك و نفسك فـ ايه تانى ..وهمست لـ الاء بحاجة وجريت الاء تنفذ
عابد:: نفسى أنول الرضا يا قمر
حلم:: بمكر..بس كدا من عينيا ..بس قولى أخبار سيلين أيه انت طلقتها.. تؤ طلقها ايه بس يا حلم دى تسجنه هى وأبوها
عابد:: ليه بس السيرة النكد دى بس يا حلم عمرى
حلم:: ضحكت بصوتها كله ههههههههههههه لدرجة دبت الرعب فـ قلب عابد من قوة ضحكتها وفـ اللحظة دى رفعت سلا.. حها فـ وشه بعد ما جابته ليها الاء ..أمشى يا عابد من هنا احسن لك قبل ما أتهور و اخليك تشوف كابوس عمرك
عابد:: بغيظ ..بتهددينى يا حلم ..مش عابد الوزير اللى يتهدد و بكرة تندمى وتيجى راكعة تحت رجلى عشان ارحمك
حلم:: بنفس قوتها .. أعلى ما فـ خيلك أركبه ..مش حلم الرشيدي اللى تركع تحت رجل حد ..حلم مش بتركع غير للخالق و بس.. اما المخلوق أخره طلقة فـ دماغه لو قل أدبه ..و يلا من هنا فارقنا
عابد:: انا مااااشى بس راجعلك تانى يا حلم فاهمة راجع تانى
حلم:: وماله أرجع يا عابد وقتها أوعدك يشيلوك ع تربتك من غير غُسل وتكفين يلا غور من هنا مش ناقصة صداع
ومشى فعلا و هو بيتوعدها انه لازم يكسرها
______________________
فارس:: فـ عربيته معاه أمه
قوليلى يا نوجة انتى عارفة طريق قريبتك دى ولا ايه بالظبط
نجوى:: ماتخافش يا حبيبى احنا بس هنوصل السويس و أكيد الباقى سهل ان شاء الله
فارس::قوليلى بقى طول عمري اسمع عن طنط أمينة منك انكم قد ايه اصحاب و اكتر من أخوات بس عمرك ما قولتيلى عندها ولاد ولا معندهاش ..ولا انتى يا نوجة ما تعرفيش اصلا
نجوى:: مين قال انى ماعرفش ..هى عندها أربعة ولدين وبنتين أكبرهم حسام تقريبا 35 سنة مهندس ومتجوز وشغال فـ الامارات و أحلام 33 سنة مُدرسة ثانوى متجوزة وعايشة حياتها بين شغلها وبيتها وعيالها وبس وهشام 31 سنة محامى وطبعا متجوز برضوا وقليل لما التلاتة بيسألوا عن أمهم وأختهم وحور بقى 29 سنة أصغر واحدة عندها مزارع خضار وفاكهة و دى بقى اللى شايلة أمها ومش سيباها
فارس:: طب والله كويس ان فى حد بيراعي طنط أمينة ..بس يا ترى بقى المزارع بتاعتها ولا بتاعة جوزها
نجوى:: لا بتاعتها ..حور اصلا مش متجوزة ..أمينة كانت بتقول انها رافضة تتجوز.
فارس:: ليه رافضة تتجوز بقى ..معقدة ولا ايه ههههههه
نجوى:: ما انت رافض تتجوز تبقى معقد ولا ايه ..وبمكر قالت ايه رأيك تتجوزها وتفك عقدتها وعقدتك ههههههه
فارس:: بهزار..ماما نامى لغاية ما نوصل الطريق الطويل.. قال اتجوزها قال ..تلاقيها وحشة و مافيش حد بيبصلها ههههههههههه
وفـ نفس الوقت فـ عربية أدهم
عاليا:: دومى تفتكر قرايبنا اللى رايحين عندهم دول هنرتاح معاهم ؟
أدهم:: مش عارف يا لولى بصراحة احنا مانعرفش عنهم اى حاجه غير طنط أمينة اللى دايما ماما بتحكى عنها
ياسمين:: ماما كانت بتقول عندها بنت اسمها حور تقريبا شغالة فـ مزرعة او صاحبة مزرعة حاجة زى كدا
أدهم::معرفش يا سمسمة بصراحة.. انتى عارفة انى مش بركز اوى فـ الحاجات دى
عاليا:: اممممم هو احنا قربنا نوصل ولا لسة
أدهم:: يعنى لسة شوية ..وأكيد لما نقرب هنتابع مع فارس لانه تاه مني
عاليا:: قولى يا دومى هتنقل عيادتك كمان ولا ناوى ع ايه
أدهم:: لا يا حبيبتى هشوف الاول النظام ايه وبعدها أقرر هعمل ايه..
ياسمين:: عملت ايه مع المستشفى يا دومى اتفقت معاهم ولا لسة
أدهم:: أكيد اتفقت طبعا المستشفى دى من أكبر المستشفيات وأهمها فـ البلد بحالها وفيها دكاترة كبار جدا ..يعنى الشغل معاهم فـ المستشفى دى أكبر مكسب..
وفضلوا يرغوا طول الطريق لغاية ما يوصلوا
_____________________
بيت حلم
مكون من 4 أدوار وكل دور شقتين والخامس السطوح فـ الدور الرابع خاص بحلم وأمها وباقى البيت فيه سكان..
وشوية وصلوا فعلا عند أمينة البيت و رحبت بيهم جدا
أمينة:: بترحيب ..نورتى يا نجوى والله وحشتينى ..من زمان ما اتقبلناش يا بنت عمى
نجوى:: وانتى أكتر يا أمينة ليكى وحشة يا أختى ياااااه فعلا سنين كتير ما شوفناش بعض..
امينة:: اتفضلوا اتفضلوا نورتونى يا ولاد حمد الله ع السلامة
كلهم الله يسلمك يا طنط
نجوى:: اعرفك بقى يا ستى ده فارس الكبير و بتشاور عليهم واحد واحد و ده أدهم و دى ياسمين و دى بقى أخر العنقود عاليا
أمينة:: يا اهلا بالغاليين ولاد الغالية أرتاحوا ع ما الغدا يجهز .. وندهت ع فاتن
فاتن:: نعم يا ست الحاجّة أؤمرى
أمينة:: الامر لله يا بنتى.. حطى الغدا ع السفرة
فاتن:: حاضر يا ست الحاجّة من عينيا ..
وفعلا حضرت فاتن السفرة وقعدوا اتغدوا وبعد الغدا قاعدين بيشربوا الشاى و رن جرس الباب وفاتن فتحت
أمينة:: مين يا فاتن اللى ع الباب
فاتن:: ده عم مصيلحى يا ست الحاجّة جايب الحاجات دى بعتتها الست حور
أمينة:: خلاص شوفى الحاجات بتاعة الجماعة وديها و رصيها فـ التلاجة بتاعتهم وحطى الحاجات بتاعتنا هنا
فاتن:: حاضر يا ست الحّاجة من عينى
أمينة::تسلم عينك يا فاتن
شوية و رن موبايل فاتن و كانت حلم طلبت من فاتن شوية حاجات تعملها وبعدها ندهت عليها
أمينة:: خلصتى يا فاتن يابنتى اللى قولتلك عليه
فاتن:: ايوا يا حاجّة خلصت
حلم:: فاتن اديها الموبايل
فاتن:: حاضر ..وبصت لـ أمينة اتفضلى أنسة حور يا ست الحاجّة
أمينة:: بهزار..وهى بتكلمك ليه انتى .. ضيّعت رقمى ولا ايه هاتي أما اكلمها
فاتن:: كانت بتطلب مني اعمل حاجة للضيوف
حلم:: اخلصى يا رغاية و هاتى ماما
فاتن:: مدت ايدها لـ أمينة اتفضلى يا ست الحاجّة
أمينة:: حبيبتى عاملة ايه ..مطنشانى النهاردة خالص
حلم:: روح قلبى ..ما اقدرش يا حبيبتى اطنشك اصبرى بس يا قمرى يومين وهتلاقينى عندك وأحلى مصيف فيكى يا بلد ناخد اسبوع بحاله سوا
فاتن:: وانا كمان والنبى يا ست حور خدينى معاكى
حلم:: بغيظ منها.. فاااتن تبقى فكرينى أهزقك
فاتن:: ليه بس يا أنسة حور
حلم:: لحقتى نفسك وعدلتى كلامك وبعدين داخلة فـ ودانى انا و امى ليييه
فاتن:: ابدا والله يا أنسة حور بس هو التليفون اللى بايظ وانا فاتحة الاسبيكر عشان اعرف اسمع حضرتك كويس
حلم:: وماقولتليش ليه يا فاتن ان تليفونك بايظ
فاتن::بأمتنان.. خيرك مغرقنى يا ست قصدى يا انسة حور ..لما اقبض الجمعية ان شاء الله هجيب واحد
حلم:: لحقتى نفسك تانى يا فاتن.. مرة تالتة و هط خك عيارين لو قولتى ست حور دى تانى ..وبعدين هبعتلك مع عم مصيلحى واحد جديد وسيبى البايظ ده
فاتن:: شالله يخليكى يارب يا انسة حور ويجبر بخاطرك ويسعدك ويرزقك بأبن الحلال اللى يريح قلبك يارب
حلم::بغيظ منها.. فاتن
فاتن:: عيونى يا ست البنات اؤمرينى
حلم::انتى مرفودة ومافيش موبايلات وانا جاية هجيب بندق حبيبى معايا علشان اديكى طل قتين فـ نفوخك عشان تبطلى تدعى الدعوة دى
فاتن::خلاص والنبى شالله يخليلك ست الحاجّة..بلاش بندق حبيبك ده والنبى حرمت وقفلت بؤقى اهو.
أمينة::بضحك..يا حور يابنتى حرام عليكى كل شوية كدا تهدديها بـ بندق حبيبك ههههههههههههه
حلم::دى يومها مش فايت هى واقفة بترغى وسط الناس كدا لما أجيلها
فاتن::خلاص سماح و غلاوة ست امينة عندك وجريت ع المطبخ وهى بتضحك وقفلت الخط
أمينة::معلش يا جماعة صدعناكم
نجوى::لا يا أمينة مافيش صداع ولا حاجة ربنا يبارك لك فـ حبيبتك و تفرحى بيها قريب
أمينة::يارب يا نجوى يارب..اصلها تاعبة قلبى و زى ما سمعتى كدا بس بمجرد ما فاتن دعتلها قالتلها ايه..المهم تعالوا بقى ارتاحوا فـ الشقة اللى قصادى دى..مفروشة ونضيفة وهتاخدوا راحتكم فيها ان شاء الله ومش هتحتاجوا تدوروا ع سكن
فارس::شكرا يا طنط لـ حضرتك بس ده أكيد حاجة مؤقتة لغاية ما نستقر
أمينة::يا فارس يا أبنى الشقة فاضية ومش بتاعة حد وانا اهو قاعدة فـ الدور لوحدى
أدهم::بس أصحاب البيت يا طنط مش هيقولوا حاجة يعنى؟
أمينة::يا أدهم يا أبنى ده بيت حور بنتى ما تقلقش..اتفضلوا
الشقة جاهزة من كل حاجة ممكن تحتاجوها..واى وقت تعوزو حاجة اندهوا ع فاتن تكون عندكم فـ ثوانى
وفعلا دخلوا الشقة وانبهروا كلهم بجمالها و زوقها الراقى فعلا مريحة و فكر بالفعل فارس انهم ممكن يستقروا فيها
______________________
تانى يوم الصبح فـ مركز العمليات الخاصة التابع لـ قطاع الأمن الوطنى راح فارس علشان يستلم شغله وداخل بكل هيبة وكبرياء وخبط ع باب مكتب مدير القطاع وانتظر الأذن بالدخول
المدير::اتفضل
فارس::صباح الخير يا أفندم
المدير::صباح الخير سيادة المقدم اتفضل..سمعت عنك كتير وكنت متشوق اشوفك
فارس::بكل كبرياء و ياترى اللى سمعته عنى ضدى ولا فـ صالحى
المدير::أكيد فـ صالحك وإلا ماكنتش اختارتك تكون معانا هنا
فارس::بأندهاش..اختارتنى؟!
المدير::بتأكيد انت واتنين تانى كنتم مترشحين للمكان هنا وطبعا من اللى سمعته عن قوتك و باسلتك وطبعا ملفك المليان بأنجازاتك اكيد وقع عليك الاختيار
فارس::بأمتنان ..متشكر جدا يا أفندم واتمنى اكون عند حسن ظن حضرتك
المدير::ان شاء الله ..المهم الملف ده فيه القضية اللى هتمسكها وهيساعدك فيها الرائد سيف عز الدين..بس خد بالك لانها خطيرة جدا
فارس::وانا قدها يا افندم من قبل ما أعرفها
المدير::تمام يا سيادة المقدم تقدر تاخد الملف وتروح مكتبك وتدرس القضية مع الرائد سيف
وبالفعل راح فارس مكتبه بعد ما قابل مدير القطاع واتعرف ع المساعد بتاعه
سيف::نورت مكتبك يا سيادة المقدم
فارس::المكان منور بـ ناسه.. وياريت بلاش القاب انا فارس وبس ع الاقل بينى وبينك
سيف::ايه رأيك نشرب 2 قهوة مع 2 ساندويتش مسلح و نتعرف ع بعض و احنا بنفطر
فارس::انا ممكن أشرب القهوة انما الفطار ده مرة تانية اكون هربت فيها من الحاجّة ههههههه
سيف::تمام..قهوتك ايه
فارس::مظبوط
سيف::اشطات..يا أمين
امين::ادى التحية
سيف::2قهوة مظبوط والفطار بتاعى
امين::تمام يا افندم
سيف::نتعرف بقى لغاية مانفطر ونطحن بعد كدا ايه رأيك
فارس:: وماله نتعرف.. فارس احمد المنصورى 32 سنة سنجل وعايش مع والدتى وأخواتى
سيف::سيف عز الدين 30 سنجل برضوا بس عايش لوحدى عشان كدا تلاقينى بفطر هنا وأحيانا بتغدا كمان
فارس::منقول من بلد تانية؟
سيف::لأ..بس الحكاية ببساطة أنى وحيد والدى و والدتى وهما توفاهم الله فـ حادثة من 5 سنين و من وقتها وانا عايش لوحدى و دفنت نفسى فـ شغلى
وهو بيحكى الباب خبط و دخل أمين بالفطار والقهوة
فارس::اكيد كان هروب من الوحدة..بس انت مش عندك اصحاب؟
سيف::أكيد عندى واصحاب مسخرة وهلس كمان بس مش دايما معاهم لما بكون موجود أجازة او مافيش قضية مهمة بضيع وقت معاهم غير كدا متشلوح هنا
فارس::بأستغراب وهو بيشرب القهوة..متشلوح؟!..وبعدين قال حلوة القهوة دى..عدلت دماغى..الله يمسيك بالخير يا عوف..كان بيعمل قهوة ماتتشربش هههههههههه
سيف::ههههههه لا يا باشا قهوة أمين فـ الجون بصراحة بتعدل الدماغ ع طول
فارس::تمام نشوف بقى الملف ده والقضية الصعبة دى
_____________________
فـ نفس الوقت فـ بيت حلم
أمينة بتبعت فاتن تنادى ع نجوى و ولادها عشان يجيوا يفطروا معاها
أمينة::يا فاتن..روحى يا بنتى اندهى ع ام فارس علشان الفطار
فاتن::حاضر يا ست الحاجّة هوا..وجريت وخبطت عليهم
عاليا::فتحت الباب وشافت فاتن وصبحت عليها
فاتن::صباح الفل يا ست البنات..ست الحاجّة بتقولكم الفطار جاهز اتفضلوا هى مستنياكم
عاليا::ثوانى كدا يا فاتن .. بصت لـ نجوى ..ماما طنط أمينة بعتت فاتن تقول انها مستنيانا ع الفطار
نجوى::قوليها جايين حاضر يا فاتن
رجعت وبلغت امينة وحضرت الفطار ع السفرة لغاية ما توصل نجوى و بناتها و شوية و خبطوا و دخلوا
أمينة::يا صباح الخير ..يا ترى نمتوا كويس ولا ما ارتحتوش
نجوى::صباح الخير يا حبيبتى..لا والله يا اختى ارتاحنا واخدنا راحتنا كمان فـ النوم
عاليا::صباح الخير يا طنط
ياسمين::صباح الخير يا طنط
حضرتك عاملة ايه
أمينة::بخير يا حبيبتى ..انتوا عاملين ايه ارتاحتوا هنا ولا لسة
ياسمين::والله يا طنط الشقة مريحة فعلا و هادية وكمان زوقها حلو اوي
أمينة::ده زوق حور هى اللى فرشت الشقتين ع زوقها
فاتن::الفطار جاهز يا ست الحاجّة
أمينة::يلا يا نجوى..اومال فين اسم الله عليهم فارس و أدهم
نجوى::كل واحد راح شغله من بدرى..انتى عارفة لسة منقولين جديد ولازم يروحوا يستلموا شغلهم
أمينة::ربنا معاهم ..يلا اتفضلوا
و هم بيفطروا اتكلمت
عاليا::طنط هى حور بنت حضرتك مسافرة؟
أمينة::لأ يا حبيبتى هى بس فـ المزرعة بتاعتها
ياسمين:: باندهاش ..مزرعتها!! بتاعتها يعنى مش شغالة فيها
أمينة:: اه يا حبيبتى بتاعتها.. حور عندها مزرعة كبيرة خضار وفاكهة يجى كدا 100 فدان .. وكمان مزرعة دواجن و مواشى و مناحل
نجوى:: بسم الله ماشاء الله اللهم بارك ربنا يزيدها يارب
أمينة:: يارب اللهم امين.. عارفة يا نجوى ..حور غلبانة اوى و طيبة علشان كدا ربنا كارمها بس وقت الجد يا ويل اللى يقف قصادها
عاليا:: طيب هى مش هتيجى عشان اتعرف عليها ؟
أمينة:: والله يابنتى هى قالت يومين وتيجى ..وطالما قالت كدا ممكن فـ اى لحظة تكون هنا
وهم بيفطروا رن جرس الباب وفاتن راحت تفتح وكان عم مصيلحى جايب الموبايل لـ فاتن
أمينة::مين يا فاتن
فاتن::ده عم مصيلحى يا ست الحاجّة..جابلى التليفون
مصيلحى::صباح الخير يا حاجّة..تؤمرينيش بحاجة
أمينة::تسلم يا عم مصيلحى ..هى حور ما قالتش هتيجى امتى
مصليحى:: معرفش والله يا حاجّة ما قالتليش ..استأذن انا
أمينة:: أتفضل ..
وفعلا مشى مصيلحى وهم خلصوا فطارهم و قاعدين مع بعض يحكوا عن احوال بعض
نجوى:: الا هو مين مصيلحى ده
أمينة:: ده سواق فـ المزرعة عند حور معاها من اول ما ابتدت تعملها راجل محترم بيعاملها زى بنته وهى بتثق فيه وتأمن انه يخلص لها اى مشاوير بأخلاص و أمانة..
بعد حوالى ساعتين سمعوا دوشة كتير فـ الشارع
نجوى::يا ستار ..ايه ده خناقة دى ولا ايه
أمينة::بفخر..دى تلاقيها حور
ياسمين::بتسأل.. حور بتعمل الدوشة دى كلها ليه؟
أمينة:: تعالى كدا بصى من البلكونة وانتى تعرفى
و فـ الشارع
حلم قاعدة زى عادتها بتوزع حلويات وعصير لعيال الشارع..
العيال كلها والكبار كمان واقفين حوالين حور وكلهم فـ نفس واحد انا ما خدتش يا حور
حلم:: بسعادة.. خلاص كله هياخد اهدو شوية الحاجة كتير اهى ..بس اصبروا
ام عبير:: جارة حور وساكنة فـ بيتها ..والنبى انتى يا حور بتشتغلى وتتعبى وتضيعى تعبك ع العيال دول وفرى فلوسك يابنتى
حلم:: يا ام عبير يا عسل انتى حب الناس و بالذات الاطفال الحلوين دول اكبر نعمة ..ومش يمكن لما انا براضى الاطفال دول ربنا بيراضينى و يزود رزقى بسببهم وبصت لـ فوق شافت أمينة واقفة.. مش مكتوبلك يا حاجّة اعملها لك مفاجأة وبعد ما وزعت الحلويات اخدت السلم جرى وطلعت باست أيد امها واخدتها فـ حضنها
أمينة:: وحشتينى يا نور عيني
حلم::حبيبتى يا امونة انتى كمان وحشتينى..
أمينة:: يابت بطلى تاكلى بعقلى حلاوة لو كنت وحشتك ما كنتيش تغيبى عنى المدة دى كلها
حلم:: يااااا أمى يا حبيبة قلبي انتى عارفة ان الفترة دى فيها جمع محاصيل وتسليم طلبيات الخضار والفاكهة.. وكمان المصنع اللى خلاص استلمت الماكينات بتاعته وحاليا المهندسين بيركبوها ..ده انا خ ط فت نفسى ساعتين اشوفك واسلم ع طنط نجوى و ولادها وهرجع تانى
أمينة:: بحزن..يعنى مش هتقعدى يومين حتى
حلم:: حبيبتى صدقينى فاضل بس كام يوم ويشتغل المصنع وهتلاقينى عندك أخد اسبوع ولا أسبوعين أجازة ونسافر اى مكان يعجبك وبعدها هتلاقينى كل يوم رايحة جاية
أمينة:: ربنا يسعدك يابنتى يارب ويريح قلبك ويرزقك
حلم:: بمقاطعة ..هاااا
أمينة:: يرزقك بأبن الحلال اللى يسعدك يا حور يا بنت أمينة ..
حلم:: اممممم مش ناوية انتى تسكتى وتبطلى تدعى الدعوة دى
أمينة:: بغيظ.منها ..بت انتى انا مش فاتن هتهددينى بـ بندق بتاعك ده ..و لأ مش هبطل أدعى قولتى ايه و يارب تصيبك الدعوة ويرزقك بواحد يطلع عليكى اللى بتعمليه فـ الغلبانة اللى جوة دى
حلم:: طيب يا أمينة انا بقول كفاية لغاية كدا والسلام عليكم
وقامت عملت نفسها هتمشى و خرجت من الاوضة
نجوى::طيب سلمى علينا الاول زى ما قولتى وبعدين أمشى ههههههههههههه
حلم:: رجعت وسلمت عليهم ..حبيبتى يا طنط والله اسفة ..بس اكيد ماكنتش همشى انا اصلا جاية ليكم مخصوص
نجوى:: عارفة يا حبيبتى انا بهزر معاكى احنا اصلا نفسنا نشوفك من كتر ما سمعنا عنك
حلم::بصت لـ مامتها برفعة حاجب ..يا ترى يا هل ترى سمعتوا ايييه ..أكيد اسطوانة الست ام كلثوم المشروخة ههههههههههههه
أمينة:: بقى انا بقول اسطوانات مشروخة ..ماشى يا حور مش هتكلم تانى
حلم:: أمينة أمونة بلاش الحركات دى مش هتاكل معايا ماااشى ..خلينى بس اتعرف ع القمرات اللى مش مبطلين ضحك دول من وقت ما دخلت
عاليا:: بصراحة انا من امبارح هتجنن و أشوفك من كتر ما طنط كلمتنا عنك وكمان لما سمعناكى فـ الفون لما كلمتى فاتن ..انا عاليا 24 سنة سنجولة بائسة مهندسة بس من منازلهم مابشتغلش
ياسمين:: حقيقى شخصيتك جميلة كدا ومرحة وانا حبيتك من قبل ما أعرفك..انا ياسمين 27 سنة مهندسة زراعية سنجولة بائسة برضوا
حلم:: نورتى يا عاليا انتى وياسمين اهلا بيكم يا قمرات وانا يا ستى منك ليها حور 29 سنة و سنجولة برضوا بس فرفوشة مش بائسة خالص وده ليه .
عليا:: لانك بتشتغلى وتقريبا مزرعتك واخدة كل وقتك
حلم:: لأ خالص ..ده بس لأن السنجلة چنتلة يا لولو حرية ياقمر ..مافيش واحد مت خلف يتحكم فيا ويحبطنى ويهد اللى بنيته
ياسمين:: بتفكير..وجهة نظر برضوا
نجوى:: غلط طبعا مافيش الكلام ده ..أكيد زى ما فيه اللى ممكن يحبط و يهد فيه اللى يدعم ويبنى بس افتحى انتى بابك يا حور
حلم:: صدقينى يا طنط انا ما عنديش استعداد افتح بابى و احط احتمالات بين يمكن ويمكن ..انا اكيد مبسوطة كدا
نجوى:: بس لما يجرى بيكى العمر و تلاقى نفسك خسرتى أجمل سنين عمرك و يكون فات الأوان وقتها هتلاقى نفسك وحيدة و تندمى
حلم:: ما تقلقيش يا طنط جايز انا بتكلم وثابتة فعلا ع موقفى بس مؤمنة جدا ان كان ليا نصيب اكيد هييجى لوحده بس امتى الله أعلم ..المهم استاذن بس شوية اخد شاور أغيّر هدومى و أرجعلكم نرغى لغاية المغرب
وفعلا راحت حلم تغيّر هدومها
وترجع تكمل القعدة معاهم
____________________
فـ مكتب فارس
قاعد فارس مع سيف بيدرسوا ملف القضية وبيختاروا الفريق اللى هيساعدهم
سيف:: القضية دى صعبة جدا احنا بقالنا فترة مش عارفين نحلها كلها الغاز
فارس:: ازاى يعنى
سيف:: بص يا سيدى دول مجموعة مس لحة بيستخبوا فـ المدافن القديمة .. و فيهم عناصر أر ه ابية ده غير ال سلا ح و الم خ د رات
فارس:: طيب كدا معروف مكانهم ..فين المشكلة
سيف:: مش بالسهولة دى ..المدافن كبيرة جدا ده غير انها وسط البيوت ..لو داهمنا المكان مش بنقدر نتعامل غير اننا ممكن بس بال سلا ح. وفـ أضيق الحدود علشان ما نسببش زعر لسكان المنطقة وللاسف هم عارفين كدا وبيستخبوا او يهربوا قبل ما توصل الحملة وفـ الاخر نرجع بأحراز بس مش بنمسك حد
فارس:: يبقى علشان يتقبض عليهم لازم يطلعوا برة المنطقة السكنية او تتهد المدافن وطبعا الحل التانى مستحيل
سيف:: هو المفروض انها كانت هتتهد فعلا لانها سبب مشاكل كتير ..بس فـ حد كلمته مسموعة فـ البلد رافض انها تتهد وللاسف واقف فيها..بس ده مش موضوعنا دلوقتي
فارس:: يبقى نفكر ازاى نخرجهم برة المنطقة و بعدين سكت شوية كأنه انتبه لحاجة ..أنت قولت انهم بيهربوا قبل ما توصل الحملة صح ؟
سيف:: ايوا صح
فارس::اممممم معنى كدا ان فيه حد بيبلغهم ان فى حملة طالعة
سيف:: ممكن جدا..بس هنعرفه ازاى
فارس::ازاى دى بتاعتى هفكر فيها وأقولك المهم عايز رجالة موثوق فيهم ومتدربين كويس
سيف:: الرجالة موجودة وتحت أمرك وكلهم ع كفاءة عالية
فارس:: كدا تمام اظبط الدنيا فـ دماغى و بعدها نحط الخطة ونتحرك
___________________
فـ بيت حلم
بعد ما اتعرفت ع نجوى بنت عم مامتها وياسمين وعاليا وقضت وقت ظريف معاهم خلاص
حلم:: استاذن بقى يادوب أرجع ..أمونة هتعوزى حاجة ابعتهالك مع عم مصيلحى ؟
أمينة:: لا يا قلب امك انتى مش مخليانى محتاجة حاجة ياحبيبتى
حلم:: بحب بتبوس ايد امينة ربنا يباركلى فيكى يا ام حور يارب
نجوى:: طيب مش هتستنى لما فارس وأدهم يرجعوا علشان تتعرفى عليهم؟
حلم:: أكيد يا طنط هيجى يوم وأتعرف عليهم بس مش دلوقتي حضرتك شوفتى كام اتصال جه من المزرعة فأكيد الشوية دول الدنيا هناك باظت هههههههههه
ياسمين:: شكلهم مش بيعرفوا يعملوا حاجة من غيرك
حلم:: لا طبعا مش كدا ..بس زى ما قولتلك الوقت ده بيكون فيه شغل كتير و هم مش متعودين أسيبهم من غير ما يعرفوا انا فين ..بس مش اكتر
وهى لسة بتتكلم رن جرس الباب فتحت فاتن و كان أدهم
أدهم:: السلام عليكم ورحمة الله
كلهم وعليكم السلام و رحمة الله
نجوى:: أهو أدهم جه ليكى نصيب بقى تشوفيه قبل ما تمشى
حلم:: أهلا بيه يا طنط ..و بصت لـ أدهم حمد الله ع السلامة يا دكتور ..اتمنى تكون مبسوط بنقلك هنا
حلم :: حور .. بس للاسف لو مش مستعجلة كنت قعدت مع حضرتك و هى بتتكلم معاه رن فونها ..بصت له ..لحظة أرد وفتحت المكالمة ..امممم خييير
عابد:: مش هتحنى بقى يا حلم
حلم:: نجوم السما اقربلك
عابد:: يا حلم انا شاريكى
حلم:: وانا ما بشتريش زبالة
عابد:: يا حلم ما تتحدنيش
حلم:: سبق و قولتلك أعلى ما فـ خيلك أركبه
عابد:: يبقى قابلى بقى يا حلوة
حلم:: تهديد ده مش كدا ولا انا بيتهيألى ؟
عابد:: اه تهديد وحاليا مافيش قدامك غير انك توافقى ع طلبى او مصنعك الحلو اللى لسة بيتركب له المكن ومزرعتك اللى فرحانة بيها..بووووم بالناس اللى فيهم
حلم::هههههههههههههههههههههه
- يتبع الفصل التالي اضغط على (رواية العشق الابدي) اسم الرواية