رواية بنت الغير شرعية كاملة بقلم ياسمين عبر مدونة دليل الروايات
رواية بنت الغير شرعية الفصل الواحد و العشرون 21
طلعت غسلت خفيف سمعت الباب تفتح وعجوزتي تهدر قالتلها سيغ فالدوش استنايها هنا شوية خرجت لقيت طفلة تكون قدي قتلها مرحبا قاتلي أهلا مدام راها مدام نصيرة جابتني قتلها ايه قعدت عند الكوافاز جبدتلي شعري قتلها لميهولي قالي صحا دارتلي كواف سامبل بصح شابة حنا هكاك دخلت أميمة قاتلي راكي تهبلي قالتلها امينة مزال عاد مدرتلهاش مكياج مكيياتلي تحفة وخدمتلي ظفاري كملتلي مشطت لاميمة برك خاطر مكييات وحدها كي كانت تستنى وراحت، لبست غوب صواغي جابهالي يوسف فاغ جايا سيغ طاي طويلة حتى لتحت وفيها شق فالوسط حتى الركبة رقبتها كاش كوغ يديها تيل شابة فوق التصور لبست معاها طالون فاغ على حسابها ودرت الباغوغ نتاعي نتاع البندقة لي شراهلي يوسف خرجت تحفة
عروسة صح شوية دخلت عندي عجوزتي بدات تصلي على النبي صلى الله عليه و سلم قاتلي خموس على عروستي اليوم ياكلوك الله يسترك من العين وعطاتلي باغوغ سلسلة وقورمات نوغمالمو يسموهم تابي دوغ جاي خشين قتلها عندي غير أنا حبيت ندير هذا الخفيف قاتلي لالا ديري هذا وزيد أنا ممديتلكش كادو العرس سلمت عليها قتلها ربي يحفظك يما لبساتولي وهبطت معاها لقيت الصالون معمر بالنسا خواتات نصيرة خواتات زينب وحتى خواتات سليمة مع بناتهم ونسا خاوتهم المهم عندهم غاشي الله يبارك قعدت مع أميمة والجماعة عندهم ما هدرو كاين لي عجبتهم وكاين لي يقطعو فيا في الوجه بلا حشمة لا حيا قالتلهم وحدة مرتو الاولى شابة بيضا الشعر أصفر العين خضرا واش جاب لجاب بغيت نوض نعطيها طريحة وحشمت من عجوزتي من الصباح وهي توصي حتى نطقت وحدة قاتلها نصيرة سمعنا بلي تزوجها وجابها بلا ميشوركم بلا ميحظركم قالتلها عجوزتي عندو 40 عام مهوش صغير باه يشورني وزيد هو راح يعيش معاها مش حنا حتى نطقت عجوزتي
الصغيرة قاتلها تزوجو فالطاليان وحنا معندناش كيفاش نحضرو هذا علاه يا ديني شحال تكذب زواخة كبيرة يادلالي وبداو يسقسو فيا علاش اهلك فايطاليا ، كيفاش تعرفتو ووووو حصلتني الكلبة الله يجيبهالها معرفت واش نقول كذبت قتلهم رحت سطاج نتاع قراية وتلاقينا تما هذا شعرفت نكذب مزية أميمة وعجوزتي بدلو الحديث كرهت يهدرو غير على فلان وفلانة شا شرات شا كسبت وين راحت ماديين بأتم الكلمة لحق العشا تعشيت خفيف وطلعت خلاص موت بالسطر وزاد الطالون مش موالفاتو وجماعة مهيش نوعي ولا مستواي مزية عجوزتي فهمتني وخلاتني نطلع لشومبرتي نحيت غير الصباط وتكسلت فالسرير بلا مننتبه جيت في بلاصتو شميت ريحتو منيش عارفة علاه سخفتني بقيت غير نشم فالمخدة حتى داتني عيني
- يتبع الفصل التالي اضغط على ( رواية بنت الغير شرعية ) اسم الرواية