رواية حورية في قلب الليل كاملة بقلم ميفو السلطان عبر مدونة دليل الروايات
رواية حورية في قلب الليل الفصل الثاني و العشرون 22
ما ان قالت حوريه ان زكريا سيصرف عليها وسيكون سعيدا ليندفع ليل ليمسكها ويشدها ليصرخ…. جولي تاني اكده عايزه مين يتهبب ويصرف عليكي. ميفو السلطان
لتخاف وتنكمش لتهتف.. هاه مفيش مفيش مش عايزه مش عايزه.
ليهتف.. دلوك مش عايزه ونازله حرج من عشيه وتشتغلي وتصرفي انت مخبوله.
لتغضب وتهتف.. مش انت االي قولت حاجتكو الله انت اهبل.
ليتنهد بغلب… اه اهبل او هبقي اهبل منك ومعاشرتي للعبط. انا قاعد مع مصدر العبط في الكون. اروح فين كل اما اجول زفت كلمه تاخده بمعني تاني. 🌿الله اكبر 🌿
لتنظر اليه بطفوليه ليتنهد… ايوه بصيلي بقه بعبط احرجيلي جلبي ليتنهد.. انت يا حوريه مابتفهميش شغل ايه انا هسيبك تشتغلي ونازله رط ورجاله وزكريا حد اجرك عليا.
لتهمس…. مانت اللي قلت.
ليهتف… اسكتي بقه انت ايه مابتهمديش.. ليتنهد يا بنتي كت بهزر مابتفهميش في الهزار هبله.
لتقطب جبينها.. انت بتهزر يعني تزعقلي وترجع تهزر لا انت مابتهزرش. انت اصلا مابتعرفش تهزر.
ليتنهد… ليه حلوف مابعرفش.. ليتنهد دا غلب ومرار طافح.
ليقترب ويمسك يدها لتشدها ليهتف اهمدي بقه اني تعبت دا ليله ايه دي الغبره.طب خلاص حجك عليا.
لتنظر اليه قاطبه ليقترب ويقبل يدها… خلاص بقه والله ماجصد.
لتهتف.. يا سلام تنكد عليا وانا فرحانه وتقلي ماقصد.
ليهتف…. مانت اللي بتفهني كل حاجه غلط يا حوريه.
لتهتف.. ليه هبله انا.
ليضحك.. جوي جوي لتنظر اليه ساخطه.
ليضحك…. شوفتي اهه.
لتتنهد ليهتف… طب ايه مش هناكل الكيكه الجمر دي لتهز اكتافها ليهتف.. خلاص بقه اني نفسي فيها وماهدوجهاش الا لو انت دوجتيها يلا.
لتقترب منه وتهتف.. هتبطل تبقي وحش.
ليبتسم ويقبل خدها…. خلاص بقه اني عامل زي العيل جدامك. لتتنهد وتقطع قطعه وتعطيها له ليشدها يجلسها علي قدمه ويجلس ويهتف.. لا هناكل سوا.
ليتذوقها ليتنهد…. ايه الحلاوه دي. دي طعمها ياخد العجل.
لتبتسم بسعاده…. صحيح يا ليل حلوه عجبتك
لينظر اليها وقلبه يخفق.. عجبتني بس دا عجاني لما خلصت عليا.
لتهتف.. يعني انا شاطره شوف اهو عشان ماتقلش عليا هبله وبعرف اعمل. كل بقه لما تشبع. ميفو السلطان
لينظر اليها بهيام ويهمس…. وهتسيبيني اكل يا حوريه. 🌿سبحان الله 🌿
لتهتف…. اه هسيبك بالهنا والشفا انا مش شريره زيك.
لياخذ قطعه ويطعمها لتتلطخ شفتاها لينظر اليها وقلبه ينبض.
لتهتف.. مش هتاكلها كلها لازم نعين للؤلؤ وجاسر وكمان عمي بدران هاه عشان يشوف انا شاطر.
كانت تثرثر هو مسلط عيونه علي شفتيها لتاخذ قطعه وتاكله يلا كل وخلصها بقه لتطعمه لتضحك لتقول…. شوف لخبطلك بقك ازاي لتمد يدها تمسح شفتيه.
هنا لم يعد قادرا ليهتف.. لاه ماتتمسحش اكده ليشدها وينهال عليها لتشهق وتتسمر ليتوه فيها وظل ينهل منها وهيا مذهوله ليتلمسها بحنان لتنساب بين يديه وهو لا يتركها لتشتعل هيا ويظل يهيم بها ليتجلد حتي لا يتهور.
لتحس انها ستموت خجلا لتدفعه وتقفز وتهرب الي الحمام ليجلس هو يهدئ من روعه.. ليهتف.. انت انهبلت البت هبلتك وراحت فين دي ماعتش فيا حيل هتخلصي عليا هتنيل انام امتي.. ليتنهد ويقوم.. يخبط عليها طب جافله ليه طيب ايه اللي حصل.
لتظل صامته خجلا مشتعله.. لتهمس.. ايه قليل الادب ايه انا ماحسيتش عيب بقه هيقول عليا ايه.
ليهتف… ماتخرجي يا حوريه.
لتهتف. روح نام.
ليتنهد…. طب افتحي طيب.
لتهتف لا مش هفتح انا.. انا..
ليضحك… خجلانه اياك ماني راجلك افتحي.
لتهتف… لا مكسوفه روح امشي.
ليضحك… طب اخرحي خلاص هنام من سكات
لتهتف.. لا انت بتعمل قله ادب مش هفتح عيب علي فكره احنا مش كده.
ليضحك.. مش اكده ازاي مش مرتي وابوسك لما افطسك
لتهتف…. لا عيب بقه ايه ده نام نام.
ليضحك ليهتف…. طب خلاص هنام بس اطلعي.
لتهتف.. طب روح نام وغمض وحط مخدات.
ليقطب جبينه….. اروح انام واغمض يا ربي عالمسخره طيب حاضر.. ليبتعد وبدا يضع المخدات.. كمل كمل تهزيج البت بتوديك وتجيبك دا مرار كل ده عشان تاخدها في حضنك حضنك جطر ماهي كات رايجه منك لله. ليسمعها غمضت..
ليضحك بغلب.. ايوه اتنيلت.
لتخرج خجوله ووجهها احمر لتقترب وتندس بجواره.
ليظل يهز في قدمه ليهتف…. طب اشيل المخدات عايز انام.
لتهتف. بطل والله اقوم.
ليهتف…. حاضر هتنيل ليصمت برهه.
لتقول.. ليل ماتحكيلي وانت صغير كنت ازاي.. يعني كنت طيب كده والا شرير.
ليضحك ويهتف… طب اجولك وتشيلي المخدات.
لتهتف.. لا عيب بقه الله.
ليضحك.. طيب يا ستي.. اني كت عيل زي بجيت الخلج ليسرح ويتنهد كانت طفولته صعبه.. كان جاسر صغير شويه امي ماتت ومرت عمي كانت هيا اللي في الدار بقت ست الدار خصوصا انها جويه لما عمي انجتل اللبيت مادخله فرح ليسرح اكثر ويهتف.. انجلبت وكن الجيامه جامت سابت الدنيا ومسكتني كت بتنيمني في حضنها واني صغير وتجعد تحكيلي هنعمل ايه وناخد تارنا ازاي ليشعر بنغزه في قلبه ليتذكر شيئا.. كت بتجبلي عروسه اه والله وتكتب عليها ولاد العتامنه وتخليني اجطعها عن اخرها مره.. احرجها مره.. وتجولي اتخيل لما تكبر هتاخد تارك اكده ساعات كت بخاف منها بس ماجدرش انطج. مره كت بلعب مع عيل عتماني. اليوم ده عمري ما بنساه. لجيتها عرفت في دخلتي مسكتني وحلجت راسي كله وعلجتني من رجلي واني اترجاها وأجولها ماهعملهاش تاني. وهيا واجفه تجولي بجيت مره يا ليل. جعدت يوم كامل تجولي يا مره اه والله وليتها جايبالي الواد العماني واجف يضحك عليا وخليته يجولي يا مره لما كت ببكي بجهر وحرجه. ومن يومها بجيت حد تاني. الكلمه دي ب تحرجني جوي لما بسمعها بنجلب عفريت ومن ساعتها ما جربت من عيل وعشان انسي اليوم الاغبر ده كت بجوم حالي عشان اثبت اني مش مره. كان سواد ساعتها. بس هيا امي اللي ربتني وليها عليا جميله كت بتحن عليا صوح كت اجرب واحد ليها ماجدر اجولها حاجه امي ماعرفش ليا ام غيرها كان يكلم نفسه ونسي انها بجواره وهيا تشعر بالالم ان طفلا صغيرا قد حدث له ذلك. لتزيح المخدات وتقترب منه كان مغمضا ووجهه يشع الما لما مر به ويعاني فالنقش في الصغر كالحجر. انغرز جواه بشكل بشع. لتملس علي قلبه وتهمس.. انت انوجعت قوي يا ليل.
لينتبه لنفسه ليستدير ليراها قريبه ليبتسم.. اه يا حوريه انوجعت وماليش حيل في نفسي خابر اني غشيم وطبعي صعب بس غصب عني.
لتتنهد.. عارف انت تحمد ربنا اني انا اللي معاك اهوه طيبه وبسامحك ورغم انك بتبقي وحش لو كت لؤلؤ كت موتتك.
ليضحك.. لاه كنا موتنا بعض.
لتضحك.. طب يا اخويا احمد ربنا بقه اني جنبك.
ليتنهد وينظر اليها.. حامده يا حوريه والله بس دنيتي صعبه وصعبه جوي.
لتهتف.. هدعيلك ربنا يريح قلبك يا ليل انت ووجعتلي قلبي. لتبتعد وتضع المخدات ليهتف.. ايه ماكنا كويسين بتحطيهم تاني ليه.
لتهتف.. بطل بقه الله. ميفو السلطان
ليهتف.. طب هاتي يدك امسكها.
لتمد يدها ليظل يداعبها ويقبل يدها حتي نامت
واستكانت ليبتسم فهيا وجهها فتنه في حد ذاته ليزيح المخدات بهدوء ليقترب منها ويلتصق بها ليمد يده يشدها لتتململ بين يديه ليقبل راسها ويهمس ماعرفش اتنيل انام اتعودت علي حضنك يا حوريه بقي بلسم.. ليتنهد فيه ايه يا ليل البت لبستك انت جواك ليها ايه بس مانتش عارف فيك ايه.. عشان طيبه. طيب والا مالي جربها بيهري جلبي. اني ليل الجاحد ماعت عارف مالي ولا فاهم ايه اللي بيحصل. ميفو السلطان
ليجدها تتململ لتفيق وتهمس…. نام بقه انت لسه صاحي. 🌿وحدو الله 🌿
ليتنهد…. اه ماعارفش انام.
لتقترب وتهمس فكره في حاجه بتحبها هتنام علي طول لتقبله وتحاوطه وتنام.
ليتنهد… طب انام ازاي دا ايه الغلب ده افكر في حاجه بحبها.. مانت تاخدي العجل وفي حضني ليظل يتلمسها بحنان حتي نام اخيرا بعد ساعات من الطحن بينهم.
قامت حوريه في الصباح لتتأمله قليلا لتتنهد مش بس تبطل تزعق هتبقي حلو وطيب وهحبك كتير. يا رب اهديه عاش كتير قوي قلبي بيوجعني عليه. حد يعمل في طفل كده. لتتنهد.. مانت اتعمل فيكي ايه الناس الشريره دي. لا بس هو انوجع قوي ايه الغل اللي انزرع جواه ده. لتتنهد… بعد كده هيزعق هحاول اسامحه عشان غصب عنه. طيوب وقمر ازاي وهو نايم لتقبل خده وتقوم لتغير ملابسها لتلاحظ دولاب ليل مفتوح لتحاول ان تقفله لتجد ملابسه واقعه لتفتح الدولاب.. ايه داه حاجته ملخبطه كده ليه.. لتقوم بانزالها وتبدأ في ترتيبها كانت تعشق الترتيب والنظام.. لتنتهي وتنظر بفخر.. ايه الجمال ده يا بت يا حور انت مفيش منك..
لتحس بيدين حولها.. بتعملي ايه.
لترتبك.. كنت… كنت برتب هدومك.. يعني لو مضايق مش هعملهم تاني.
ليتنهد ومين جال اني مضايج.. مش جوزك تعمليه. لتخجل.. ليديرها ويرفع وجهها.. لتهمس انت صحيت امتي.
ليهتف… من بااادري جومت واغتسلت وجاي البس اهه.
لتبتسم… طب شوف دولابك كده.
لينظر اليه.. حاجة تاخد العجل… هتعوديني عليه. وبعد اكده هخليكي تعمليه علي طول.
لتتنهد.. علي طول. كانت تشعر تجاهه بأشياء لا تفهم ماهيتها كانت تحب قربه ومشاكسته..
ليقربها ويشدها.. أمال علي عرض.. ايوه علي طول.
لتتنهد وتبتعد حزينه ليقطب جبينه.. ليشدها ويهتف.. راسمه ميه وحداشر ليه طيب.
لتهمس.. مافيش.
ليبتسم… حوريه احنا عالصبح ماتبديش اليوم بغفلجه الله لا يسيئك جولي.
لتهمس…. ليه بتقول علي طول.
ليقطب جبينه.. احنا مش هنبقي علي طول اكيد وهيجيلك يوم وتتخلص مني كانت حزينه.
ليحس بقبضه في قلبه من الكلمه.. ليندفع ويشدها… بطلي تجولي اكده انت مرتي وهفضلي مرتي لحد ما اموت..
لتهتف.. بس.. بس.. احنا ماينفعش.
ليهتف.. لاه ينفع واني هخليه ينفع..
لتهتف.. هتجبر نفسك عشان التار.
ليقترب ويرفع وجهها.. لاه يا حوريه انت مرتي عشان انا عايز انك تبقي مرتي. ميفو السلطان
لتنظر اليه لتهمس… ليه انت مش عايزني.
ليرفع وجهها لينظر اليها وقلبه يخفق… مين جال اكده.. ليتلمسها بحنان ويداعب وجهها ليمسك وجهها ويقبل وجنتيها وخدها وهيا مستسلمه.. ليهمس… انت البصه في وشك جنه.
لترتبك وتبتعد.. انا انا راحه للؤلؤ.
ليضحك علي خجلىها.. طب مش تصبحي طيب.
لتهمس.. صباح الخير
ليهتف… لاه ما دخلت جلبي مش طالعه اكده من الجلب.🌿الحمد لله 🌿
لتندفع… والله من قلبي.
لينظر اليها وتتحول نظراته راغبه ليقترب منها لتبتعد خجلا ليظل يقترب حتي التصق بها لتحني راسها خجلا ووجهها احمر ليهمس بالقرب من وجهها… كنه من جلبك يا حوريه.. لتتنهد ليهمس.. يا جمالو وهو خجلان اكده.. ليضع يده علي قلبها.. يعني الصباح طالع من اهنه.
لتهز راسها ليرفع وجهها ليمسك يدها ليضعها علي قلبه ليهتف.. ووصل اهنه.
لتخجل وصل فين.
ليتنهد.. ماخابرش وصل فين بس وصل جواتي يا حوريه.
لينزل برويه يقبل شفتيها لتغمض عينها وتسكتين لا تتحرك كانت كأنها خدرت واحست انها تاهت وهو يصب عليها حنان اندهش منه هو شخصيا لين غريب ومشاعر لم يختبرها من قبل ليظل معها ليحس بها استكانت بزياده وبدات تتراخي ليشدها اليه ولا يتركها حتي احس انه سينفجر من رغبته ليحتضنها وهيا بلا حول ولا قوه تركن علي صدره وقلبه يصرخ وينهج بشده لتظل راكنه في احضانه مخدره ليتنهد.. حوريه انت نمتي.. دا غلب ايه ده البت سورجت.
ليبتعد قليلا ليجدها مغمضه حالمه.. ليبتسم.. سحر والله سحر انا اتبدلت خلاص… ليظل يداعب وجهها لتفيق وتفتح عيونها لتظل ساهمه فيه ليبتسم ليهمس كتير عليا ماتفوجي.. لتطرف بعينها اكثر من مره لتعود لنفسها لتدرك ما حصل لتشهق وتدفعه وتندفع للخارج تشعر بالخجل الشديد ليقف هو سعيدا.. ايه يا ليل ده اللي كت فيه.. جمال ما بعده جمال. جمر هيمان في حضني جربها ياخد العجل. ليتنهد.. بطل تزع فيها يا ليل انت تربيتك صعبه بطل هيا تاخد العجل حاول تلين طبعك ليها. ليتنهد رايد والله بس طبع الغشم وسنين الغل مش سهل في يوم وليله والله بجاهد طبعي تربيه السنين من مرت عمي تعبتي والله حزنان عاللي بيحصلي ورايد الف مره اتغير بس الطبع بيغلب. ليتنهد ويذهب يكمل ملابسه
******
كان جاسر يغير ملابسه لتقترب لؤلؤ.. جاسر ممكن طلب.
ليستدير.. جمري يؤمر مش يطلب.
لتبتسم… يعني كت عايزاك تكلم ليل يهدي شويه علي حوريه انا ماعتش مستحمله ومش عايزه اعمل معاه مشكله عشانك.
ليبتسم ويقترب ويحتضنها… تصدجي انك جمر. انت جدعه وجميله وطيبه وفوج ده جمر بيهري جلبي.
لتتنهد بخجل.. بطل انا بقول ايه وانت بتقول ايه.
ليتنهد.. حاضر هكلمه. لتقترب وتمسك يده.. ربنا يخليك ليا لتستدير.
ليشدها الحضانه.. سمعيني اكده جولتي ايه.
لتخجل.. ايه ماقلتش.
ليهتف.. لاه يمين بالله لاسمعها داني هنزل دلوك ومش بعيد ليل يشجني نصين.
لتهمس… هتقفله عشاني…
ليهتف.. اولا هجف عشان الحج وثانيا عشانك وعشان جلبك يرتاح. ميفو السلطان
لتبتسم وتقترب وتمسك يده… انا كل يوم بكتشف فيه حاجه جديده.
ليبتسم.. طب حلو اياك.🌿سبحان الله 🌿
لتهز راسها بخجل ليرفع وجهها.. يعني نايل الرضا لتهز راسها ليقبل خدها.. ده بس اللي عايزه من الدنيا يا جلب جاسر.. ليشدها.. بس لازمن اسمعها دلوك ربنا يخليني لمين.
لترتبك وتشيح بوجهها
ليهتف.. لاه يمين بالله لتجولي ربنا يخليني لمين.
لتهمس بخجل.. ليا.
ليحتضنها.. ويخليك ليا يا واخده عجلي. ليقبل خدها وتركها لتقف قلبها يدق بعنف سعيده من قربه.
**********
مر الوقت ليقوم ليل لينزل ليجد ابيه وزوجه عمه ليجلس بينهم كان هادئا سارحا في تلك الجميله.
ليهتف اخيه.. اسمع يا ليل مش معني انك ماعايزش مرتك يبقي كل شويه تزع فيها.
لتهتف زوجه عمه..ومالك يا جاسر يزع وينيل مش كفايه انت شغال نحنحه.
ليهتف جاسر… اني ما وجهتلكش كلمه يا مرت عمي.
لينظر لاخيه… اسمع يا ليل حوريه طيبه لا هيا شكلك ولا انت شكلها يابن الناس دي واحده غلبانه تستحج نعطف عليها خدها يا راجل شفجه حتي البت طيبه بعبط.
ليهتف… ليل انت اتخبلت مالك انت فيه ايه. ليهتف… فيه ان مرتي وجفتني يا ليل اني عايز اراضي مرتي.
ليهت بدران.. اهدي يا جاسر وانت يا ليل خف شويه البت طيبه وهبله عارف انك مغصوب.
ليهتف ليل حانقا…. هو فيه ايه انتو اتلميتو عليا اني عملت حاجه.
ليهتف جاسر…. انت مابتبطلش عمايل.
لتهتف زوجه عمه.. ايوه امال عايز بنات العتامنه يركبو ويتجال ليل الرفاعي مركوب من حرمه عمانيه.
ليصىرخ ليل…. ماتبطلي بقه انت مابتزهقيش نغز فيا. ايه المرار ده.هو مفيش غيري راكبه علي نفسه اني تعبت في سنيني السوده. عملت ايه في دنيتي عشان تسودي عيشتي وبس حد أجرك عليا يا مرت عمي. نازله حرج في جتتي وانا بغباوتي انجلب ماني تربيه بهايم بنطح ارحميني بقه وبطلي كفايه هو حرام اعيش يوم فرح متسلطه تخرجي الواغش اللي جوايا بتربيتك ليا وعارفه بتخرجيه ازاي. اهرب منيكو فين اخدها واطفش. ده صباح هم هو انتو مابتصدجو تجهرو فيا. (اخيرا نطقت يا غلبان)
ليهتف جاسر….لا نجهرك ولا تجهرنا.. بص اعملها مجعد لحالها وحطها فيه وهيا ماهتنطجش وسيبها لو عايز تتجوز اتجوز بس سيبها البت غلبانه.
ليهب ليل.. مجعد… مجعد ايه ده انت اتخبلت.
لتهتف…. زوجه عمه.. اه يا ليل حطها في مجعد لوحدها انت يعني عايزها في ايه ماتهملها.
ليصرخ….. ماتبطلو بقه انتو ايه هتتحكمو فيا وفي مرتي اسمعو حوريه ماهتخرجش من مجعدي فاهمين وكل واحد يلزم مكانه. مرتي ماحدش يجربلها بروحه.
ليهتف جاسر…. طب هتجعدها ليه وانت مش رايدها. ميفو السلطان
ليصرخ ليل…. مالك انت رايد ومتهبب مالك الله. 🌿سبحان الله 🌿
ليهتف جاسر…… طب خلاص راعيها يابن ابوي البت غلبانه اشفج عليها دي هبله ينوبك في الغلبانه ثواب.
ليتنهد ليل…. ماشي هشفج عليها عايزين حاجه تانيه اديها حسنه كمان عشان تنبسطو خلاص.
لتهتف زوجه عمه.. اه ان كان عالشفجه ماحنا بنحن عالغلبانه. بس كل واحد يلزم ادبه كلو لله. ولو انها بت عتمانيه بس علي جولك يا ليل الشفجه عليها برضك اصلها تجزع الجلب.
ليهب ليل ويهتف..مرت عمي اني مايتجاليش اكده كلامك حاسبي عليه فيه حدود بتتعديها. لاه اني اكده كتير عليا اما اغور من اهنه ليتركهم.
ولم يري تلك التي حضرت مؤخرا تستمع اخر جمله وقفت تسيل دموعها لتعود الي حجرتها.. يا بختك يا لؤلؤ جوزك بيدافع عنك وبيقف جنبك انما انت يا حوريه جوزك مش عايزك ولا حد عايزك طول عمرك ماحد هيعوزك. هيعوزك شفقه وبس. يحنو عليكي ويرمولك لقمه شفقه وثواب مانت تقطعي القلب وعبيطه.
لتجلس حزينه لتتنهد….. طب انا موجوعه ليه وقلبي بيوجعني وزعلانه انه هيشفق عليا ويعاملني صدقه امال عايزه اتعامل ازاي بتفكري في ايه انت هبله. عايزاه يعاملك زي جاسر ويقفلك. لتتنهد قومي شوفي اختك انت مالكيش الا هيا.
لتقوم وتذهب اليها لتجلس معها لتهتف لؤلؤ مالك يا حبيبتي
لتتنهد حوريه.. مفيش حبيبتي.
لتهتف لؤلؤ…. طب تعالي ننزل نتمشي في الزرع ايه رايك… لتنزلا لتقابلها زوجه عمها لتهتف.. ايه كتي باعته جاسر يشتكي لليل بتوجعي الخلج في بعضها ياختي.
لتنكمش حوريه لتضحك العمه.. مالك يا بت ملبوسه كل اما حد يكلمك تنكمشي اكده صحيح حاجه تجطع الجلب.
لتهتف لؤلؤ.. مالك انت بيها هاه واشتكي والا اتهبب مالك انت.
لتهتف.. مالي البيت ده كله مالي وليل مابيخالفش اوامري يا معدوله لتكوني فاكره ان ليكو حاجه هنا لتنظر لحوريه ماتترعشيش اكده يا غلبانه خلاص هنشوفلك موطرح تترزي فيه ونوكلك اهو احنا بنعطف عالحيوان ماهنعطفش عليكي.
لتنظر لؤلؤ غاضبه لتهم ان تتكلم
لتشدها حوريه…. مالوش لزوم اسكتي انا راضيه اقعد في اي حته.
لتضحك العمه…. طب ياختي هنجعدك ليل بيفكر يجعدك في وسط الدار ماهو مش طايج يشوفك.
لتهتف لؤلؤ…… اختي مش هتقعد الا في احسن حته والله ماهسكتله هو فاكر ايه هيرميها تحت ليه عبده عندكو.
لتهتف العمه… الله مش باعته جاسر يتحايل علينا نشفج علي خيتك اهو هنسيبها شفجه وماهنبهدلها لاجل الثواب.
لتصرخ لؤلؤ…. جاسر طلب شفقه ليه اختي مالها تشفقو عليها ليه.
لتمسكها حوريه…. والنبي يا لؤلؤ بطلي لتبدا رعشتها انا هقعد والله هقعد في حالي.
لتحتضنها لؤلؤ.. بس بس والله لاسخمط عيشته شفقه الله يخرب بيوتكو ايه شحاتين احنا.
لتضحك العمه.. اباه كتو بتلمو زباله لاجل تاكلو اهو هنوكلكو ببلاش. ميفو السلطان
هنا بقت حوريه ترتعش لتشد لؤلؤ لتصعد بها وتنتحب لتدور لؤلؤ….. بطلي بطلي والله لاوريهم احنا ناكل ببلاش.
لتهتف حوريه…. انا هشتغل خلاص مش عايزه شفقه من حد.🌿الحمد لله 🌿
لتصرخ لؤلؤ…. بطلي بطلي اني حاسه اني هقتل ليل ده هموت منه لله.
لتظل حوريه صامته تفكر لتهتف.. بصي انا هكلم زكريا يشفلي شغلانه.
لتصرخ لؤلؤ…. ماتتنيلي بقه تشتغلي ايه انت هبله طيب يا جاسر والله اسخمط عيشتك.
لتهتف حوريه… والنبي ماتتخانقو عشاني. جاسر طيب وبيراضيكي وبيحبك مش زي ليل.
لتحتضنها لؤلؤ.. طب تعالي هاخدك في حضني وننام انا مش طايقه روحي مصدعه منهم لله.
لتهتف حوريه…. لا نامي يا قلبي انا راحه قوضتي. لتقبلها وتركتها لتنزل للعمه وتهتف… طب يا طنط فين القوضه اللي هقعد فيها…
لتضحك العمه بخبث… ايه مستعجله علي ايه.
لتهتف حوريه.. لا معلش عشان ما ضايقش حد اطمني هشتغل واجيب مصاريف عشان ماحدش يقول شفقه وثواب.
لتهتف السيده بخبث…. جدعه يا بت ايوه مابحبش البت الضعيفه عجباني بصي تعالي اساعدك تشتغلي عند جماعه بس اوعي تجولي لحد.
لتهتف حوريه…. بجد يا طنط هتشغليني.
لتهتف السيده…. عيوني بس بيناتنا فاهمه لتهز حوريه راسها لتاخذها وتذهب بها.
لتهتف ده مجعدك لتنظر حوريه كانت حجره مظلمه وبها سرير متهالك.
لتبتلع ريقها لتهتف… هنام هنا يا طنط.
لتقول العمه…. ايوه اطلعي هاتي حاجتك لتذهب حوريه بقهر لتلم اشياؤها من حجره ليل وتنزل للاسفل لتاخذها السيده الي مغلق الدقيق لتوصي عليها العامل وتفطمه ان لا يخبر مخلوق عن ما هيا او من أين لياخذها لتقف مع الفتيات تعمل بقهر وتحمل معهم الاشياء كانت جميله طيبه لا تستحق ما يجري لها كانت تعمل في صمت مطيعه خنوعه فاحبها الكل واتي الكثير من الرجال يتاملها ويتاملو جمالها وبداو يتهافتو علي سؤال العامل عليها ولكنه لم ينطق خوفا من زوجه عم ليل.
لتنهي عملها كانت متعبه وشعرها معفر بالدقيق لتدخل الحجره وتعد ما معها من مال لتتنهد.. طب انا تعبت وايدي وجعتني هكمل ازاي طب اشوف شغلانه تانيه.
لتنزل دموعها…. ايه بطلي هو كل حاجه تعيطي خلاص اهمدي انت مش ضعيفه ماحدش هيشفق عليكي.انا ماهكلش صدقه خلاص اكبري وخليكي جدعه واشتغل انت هتفضلي عمرك عبيطه. لتحاوط نفسها بقهر لتركن من تعبها وتنام.
ليهتف صادق… بت بت مين
ليهتف… ماخابرش الواد علوان مش راضي يجول بت مين دي.
ليهتف…. بت نار ايه الرجاله هتنهبل عليها عايزين يشبكوها وابن الجزمه مش راضي يجول بت مين بس ايه شعرها سلاسل دهب يا واد. ميفو السلطان 🌿الله اكبر 🌿
ليعقد ليل حاجبيه ويهز راسه.
ليهتف الرجل.. هو جال اسمها بس ايه اني شفتها كت هنهبل بس من بكره يمين بالله لاجف علي الزراعيه اوجفها واعرف بت مين واروح اشبك امها دا شعرها مدلل للارض اصفر ونار والا جسمها وجمالها الواحد هينهبل لو دي مرتي افطسها ماخرجها من مجعدي.
ليهتف صادق.. للدرجادي…. ليهتف الشاب.. يا واد بجولك نار والعه حوريه نازله من السما.. والحج يتجال هيا حوريه.
ليلتفت ليل.. بتجول ايه يا واد انت.
ليهتف…. البت اللي بتشتغل في مغلج الدجيج شعرها اصفر لون الشمس وجمر تاخد العجل وحوريه نازله من السما وعسيت جالو اسمها.
بس طلعت عن حج زي اسمها حوريه وهيا حوريه.
لينتفض ليل ويشتعل ليهب ويهجم عليه و..
- يتبع الفصل التالي اضغط على ( رواية حورية في قلب الليل ) اسم الرواية