رواية عشقتها منذ نعومة اظافرها كاملة بقلم مريم نصارعبر مدونة دليل الروايات
رواية عشقتها منذ نعومة اظافرها الفصل السادس و العشرون 26
بسم الله نبدأ
.. آدم في المكتب وقاعد مع زياد بعد الاجتماع ..
آدم : ايه الاخبار يا زياد كل حاجه جاهزه .
زياد : تمام الوفد لسه باعت رساله على ايميل الشركه وان الشحنه هتوصل خلال ال ١٠ ايام اللي جايين .. وانا بنفسي هستلمها ما تقلقش…
آدم : كويس قوي .. لكن خلي بالك . لازم تفتش الشحنه كويس قوي مش عايزين اي مشاكل او اي خلل .
زياد : ما تقلقش يا باشا انا تلميذك .
آدم : ابتسم . وفونه رن وكانت ملك .. ثواني يا زياد ملك بتتصل . ورد .
..وزياد قاعد ساكت
.. آدم : الو … صباح الخير .
ملك : بتصرخ والصوت عالي وواصل ل زياد اللي قلبه دق بخوف ..
ملك : الحقني يا آدم ابوس ايدك .. الحقني بنتي بتموت يا آدم .
آدم : قام وقف . وزياد بيسمع بتركيز .. آدم في ايه يا ملك .. وماليكه مالها ..
ملك : بتعيط .. وزياد ركز علشان يسمع .. بنتي .. بنتي يا آدم بنتي قطعت شرايين ايديها بنتي غرقانه في دمها يا آدم .
آدم : اتصدم انت بتقولي ايه ماليكه ..
زياد : خطف الفون من آدم . زياد برعب حقيقي .
.ماليكه فيها ايه .!!
ملك : مركزتش . زي مابقولك يا آدم الحقني مليكه انتحرت بنتي هتموت منى الحقني ..
زياد : ما كملش وساب الفون على المكتب واختفى من قدام آدم ..
آدم : اتحرك من مكانه وخارج . واتكلم بخوف ملك اربطي ايديها بشاش يا ملك . انا في ثواني هاكون عندك .وهاتصل على الاسعاف .. ونزل جري وقفل واتصل على محمد .. اللي كان قاعد جنب نور وهي نايمه .. ورد عليه .. وآدم قال ل محمد يبعت الاسعاف وفهمه كل حاجه وقفل …
.. نور : قامت على صوت فون محمد وشافته موتوتر وبيلبس بسرعه..
نور : ايه يا محمد فيه ايه مالك ..
محمد : ما فيش يا نور انتي بس خليكي هنا وما تطلعيش من الاوضه دي فاهمه ..
نور : قامت .. ومحمد راح عندها .. اقعدي في سريرك يا نور . انتي تعبانه طول الليل ..
نور : حبيبي قولي في ايه . ومين اللي اتصل عليك ومالك متوتر كده ليه .. ايه اللي حصل .
محمد : اتنهد بزعل .. آدم اتصل عليا وقالي ابعت الاسعاف على فيلا الصاوي ..
نور : شهقت عمتو ملك جرالها حاجه ..
محمد : لا لا عمتك بخير بس ……
نور : بس ايه يا محمد حد جراله حاجه هناك قولي.
محمد : اتنهد ربنا يستر يا نور . ماليكه حاولت تنتحر وقطعت شريانها …
نور : شهقت انت بتقول ايه .. واتعدلت وهتقوم
محمد : رايحه فين ..
نور : محمد جهزوه اوضه العمليات بسرعه . لازم نلحق مليكه بسرعه هي جات ولا لسه محمد ارجوك اتصرف …
محمد : اهدي يا نور اهدى انا اتصلت على الاسعاف واتحرك والاتصال لسه جاي من آدم حالا .. انتي ارتاحي انا اللي هاعمل كل حاجه ل ماليكه . ارتاحي انتي بس . ان شاء الله تلحقها وكل حاجه هتبقى تمام ..
نور : قعدت بدموع يا رب . يا رب استر ..
زياد : ساق بسرعه جنونيه ومش شايف قدامه غير مليكه الصغيره اللي قدامه .. وقلبه خايف انها تنتهي وتختفي من حياته . وساق باقصى سرعه . وكسر الاشاره .. ووصل في خمس دقايق الفيلا . ونزل وساب باب العربيه مفتوح .. وجري دخل على الفيلا وطلع على اوضه ماليكه .. وشايف ملك بتصرخ وداده سنيه بتعيط . ومليكه نايمه على الارض في الحمام ومش عارفين وخايفين يحركوها .. والدم نازل من ايدها وملفوفه بشاش .. وماليكا تحت عيونها اسود وعرقانه ووشها اصفر جدا ..
زياد : قلبه وقع حرفيا في رجليه . وضربات قلبه بتدق ببطء ودقات سريعه في نفس الوقت … وراح عند مليكه ونزل على ركبه .. ودمعه نزلت منه . وقال لا يا ماليكه … لا يا ماليكه لا … ودخل في حته ضلمه ومفاقش غير على صوت ملك …. زياد الحق بنتي يا زياد هتموت منى .. بنتي ضاعت منى الحقني ..
زياد : فاق واتعدل وشال ماليكا بين ايديه ونزل جري على السلم .. ونيم مليكه في العربيه . وطار بيها وكل شويه يبص عليها .. وقلبه بيدق بخوف وصرخ .. لييييه يا مليكه ليييه .. وساق بسرعه كبيره جدا .. ووصل المستشفى وشالها ودخل بيها جرى..
محمد : كان منتظر تحت .. واول ما شاف زياد جري عليه هاتها على العمليات هنا يا زياد بسرعه …
زياد : دخل بيها ونيمها على السرير …
محمد : جري عليها . وشاف النبض وكان بطيء جدا واتنهد الحمد لله لسه عايشه ..
زياد سمع محمد بيقول لسه عايشه … نزل على ركبه في غرفه العمليات بصدمه وتايه.. ومحمد ماتكلمش معاه وسابه يحضر كل حاجه …
محمد : نده على الممرضات وجهز كل حاجه وطلب دكتور التحاليل وعمل كشف سريع على فصيله الدم وطلب اكياس الدم .. وهو بيعلق ليها الدم محمد شاف دراعها وشك مكان الحقنه .. محمد طلب من دكتور التحاليل ياخد عينة الدم بسرعه ويعمل لها تحاليل. والدكتور اخد عينه دم وراح على المعمل ..
.. ومحمد بدء يعالج مليكه ..
زياد : دموع نازله في صمت .. وعيونه على وش مليكه اللي نايمه مغمضه .. وان نفسها بطيء جدا .. ومحمد بيركبلها الاكسجين . و انبوبه الاكسجين جنبها .. وبيوصل ليها اكياس الدم …
محمد : بدا يعالج مليكه . وبدء فى العمليه . وانه يوصل الشرايين ببعضها …
آدم : وصل عند ملك اللي كانت واقفه في الشارع .. وركبت جمبه بسرعه .. وكان وشها احمر جدا .. وعيونها زي الدم .. واخوها ضمها ..
آدم : ملك . اهدي ان شاء الله خير .. قوليلي الاسعاف وصل ..
ملك : هزت راسها الاسعاف جه ورجع .. لان زياد اخد بنتي يا ادم .. زياد اخذها على المستشفى .. ومسكت ايد آدم . ارجوك يا آدم مش عايزه بنتي تموت .. ارجوك يا آدم انا لو بنتي جرالها حاجه انا مش هسامح نفسي ..
آدم : اهدى يا ملك وان شاء الله ماليكه هتكون كويسه .. وجاسر ومالك فين وايه اللي حصل واتحرك بالعربيه ..
ملك : انا هاحكيلك كل حاجه .. بس اطمن على بنتي الاول .. ارجوك سوق بسرعه يا آدم …
.. انا اتصلت على جاسر ومالك وما حدش رد .. ارجوك عايزه بنتي يا آدم ارجوك اعمل حاجه وعيطت كتير ..
.. وآدم : حاسس بالعجز ودعا ربنا ان مليكه تعدي من الازمه دى على خير .. وازاي وصل بيها الحال انها تنتحر ووصلو المستشفى …
.. وآدم دخل المستشفى وسأل . وقالو انها في غرفه العمليات تحت اشراف الدكتور محمد عزيز …
آدم : خد ملك وقالها .. تعالي اقعدي . ان شاء الله هتبقى تمام ..ومدام في العمليات يبقى النبض شغال نحمد ربنا بقى ..
.. وملك : قاعده و حاطه راسها في حضن آدم ب عياط هستيري . وماسكه جواب ماليكه فى ايديها وكان عليه نقطة دم من ايد ملك.
. وآدم : بيهديها .. وآدم شاف نور لابسه البالطو وبتلبس في الجوانتي ورايحه على العمليات … وما اخدتش بالها من آدم …
.. وآدم قال ل ملك ثواني .. وقام وراح ل نور ونده عليها نور ..
نور : بابى
ملك : جريت عليها .. نور بنتي عامله ايه يا نور .. بنتي عايشه .
نور : بدموع ما تقلقيش يا عمتو .. انا داخله العمليات اطمن عليها و هطمنك ..
ملك : ابوس ايديك يا نور .. اعملي اي حاجه مليكه اختك الحقيها .. الحقيها يا نور ..
نور : بدموع طمنت عمتها .. ما تقلقيش انا هدخل وهطلع اطمنك على طول .. ونور دخلت وشافت ماليكه .
..ومحمد كان مركز مع ماليكه …
نور : شافت النبض وسرعة ضربات القلب .. وكمان شافت زياد اللي قاعد على ركبه وايديه عليها دم وباصص قدامه بجمود وعيونه متعلقه على ماليكه وعيونه ثابته وفيها دموع متجمعه ..
نور : راحت جنب محمد .. اساعدك في حاجه طمني ايه الاخبار .. عمتو ملك هتتجنن بره ..
محمد : بيوصل الشرايين .. انتي ايه اللي طلعك من اوضتك .. انتي تعبانه ..
نور : قلبي مااستحملش يا دكتور .. ولازم اطمن وارجوك مش وقته طمني على ماليكه .. ولو عايزني اعمل حاجه معاك ..
محمد : اطمني كل حاجه بترجع لمعدلها الطبيعي .. والدم انا باعوضه لانها فقدت دم كتير .. وضربات قلبها بدات تنتظم .. لكن لسه شويه قدامي ربع ساعه واخلص كل حاجه .. انتى اخرجي و طمنيهم ويا ريت يادكتوره . تروحي على اوضتك لو سمحتى . وسيبيني اركز …
نور : حاضر . حاضر .. وخرجت …
ملك : شافت نور خارجه وقامت تجري وكانت هتقع.
وآدم سندها .. على مهلك يا ملك ..
ملك :.نور .. نور بنتي عامله ايه يا نور. طمنيني.
نور : اهدى يا عمتو . وابتسمت الحمد لله ماليكه بخير .. وكل حاجه تمام .. والتنفس عندها اتظبط .. وضربات قلبها رجعت لمعدلها الطبيعي .
ومحمد معلق ليها اكياس دم وبخيط في الجرح ونفسها منتظم . وربع ساعه وماليكه تخرج بالسلامه .. انتي بس ما تقلقيش اطمني ..
. نور .حاسه بدوخه ومش عايزه حد يعرف انها عندها نزيف من امبارح ..وقالت بابي انا عندي كشف مهم هاروح اشوفه وهارجع اطمن على مليكه .
آدم : هز راسه روحي يا بنتي وشكرا لانك طمنتينا
نور : اتحركت ورايحه على اوضتها علشان تنام وتستريح ..
.. مريم : طبعا عرفت من آدم وجات بسرعه مع زين .. ورجع علشان يجيب ريتال .. وكل العيله عرفت وبدءت تروحلهم ع المستشفى..
مريم : راحت بسرعه وحضنت ملك .. حبيبتي اهدي ان شاء الله خير طمني يا آدم ماليكه عامله ايه .
آدم : هز راسه ماليكه كويسه اطمني ما تقلقيش .. هي ربع ساعه و هتخرج .. نور لسه خارجه وطمنتنا انا وملك ..
مريم : اتنهد باريحيه .. الحمد لله يا رب .. يا رب سلم سلم .. اللهم لك الحمد … ملك اطمني يا حبيبتي.
آدم : الحمد لله يا ملك و بطلي عياط يا حبيبت اخوكى . ونور طمنتنا تعالي اقعدي انتي مش قادره توقفي تعالى .. وقعد وملك . في النص ومريم جنب ملك ..
آدم : احكيلي بقي ايه اللي حصل .. ملك حاسه انها مخنوقه وحاسه بتأنيب الضمير . وحكت كل حاجه ل آدم ومريم .. الل استغربو . كل ده حصل وما حدش قالهم .. وملك حكتلهم كل حاجه من يوم ما زياد كان شايل مليكه وما تعرفش كانت فين لحد النهارده .. لحد انهردا الصبح .. وكملت انا استنيت لما جاسر صحي وقالي انه مش هيفطر لانه عنده اجتماع مهم و هيفطر في الشركه وهيطلع بعد الاجتماع زياره للمصنع الجديد …
..ومالك فطر وخرج لانه عنده قضيه مهمه وتحقيقات وقال انه هيتاخر شويه .. ولما خرجو . انا طلعت ل مليكه اوضتها وقلتلها تلبس علشان ……
آدم : كملي يا ملك علشان ايه ..
ملك : بدموع ندم .. وحطت ايديها على وشها انا قولت لمليكه البسي علشان اخدك عند دكتوره نسا اكشف عليكي اشوفك بنت ولا لا .. وانا خرجت ولبست ودخلت اوضتها . وملقتهاش . وخبطت عليها فى الحمام . مردتش وفتحت الباب . لقيتها واقعه على الارض وايدها كلها دم … وكملت عياط …
آدم : اتصدم في اخته .. ومريم اتصدمت و حطت ايديها على بقها …
آدم : انت بتقولي ايه …
ملك : انا السبب في اللي حصل لبنتي .. انا السبب بس غصب عني تصرفاتها غريبه وترجع وش الفجر وانا خوفت اقول لجاسر لانه اقسم لو مليكه غلطت تاني ها يوديها عند خاله في الصعيد وهير بيها من اول وجديد . ان شاء الله يدفنوها هناك .. ولما لقيتها امبارح راجعه و بتتسحب زي الحراميه قولت اكيد بنتي بتقابل حد مش معقول هتروح فين كده .. وياترى كانت بتخرج كل يوم .. وبصت ل آدم .. هي اعتذرت وقالت انها مش هتخرج تاني واخدنا منها الفيزا كارت .. وكمان العربيه واهملت شغلها وسابته وجبنا أمن على بوابه الفيلا .. نعمل ايه تاني بنتي دمرت نفسها كليآ يا آدم .. بنتي اتدمرت يا مريم ..
آدم : بنرفزه .. كل تصرفاتكم غلط في غلط .. انتي فشلتى في انك تحتوي مليكه … مليكه ما فيش اطيب منها .. مليكه واضح كده انها مضطربه نفسيا وانتو كملتو عليها .. انتي يا ملك !! انتي تقول لبنتك . كده .. وكمان كلكم انتقدوها . تلاقيها عملت كده علشان تريحكم منها ..
مريم : بصت ل آدم فى نظره مش وقت لو وعتاب . وآدم اتنهد بخنقه وسكت …
مريم : ربتت على ضهر ملك .. اهدى يا ملك ان شاء الله كل حاجه هتتصلح … لكن الامور مابتخدش كده يا حبيبتي ..
ملك : اعمل ايه يامريم انا ضايعه .. وبدموع ايوه يا ادم هي كتبت كده في الورقه دي ..وبنتي قالت انها هاتريحنا منها .انا لقيتها على المكتب. وعيطت كتير وآدم اخد منها الورقه وعطاها ل مريم .. وآدم حضن اخته .. اهدي . اهدي خلاص كل حاجه هتتصلح ..
ومريم .. حطت الورقه في الشنطه ..
.. وبعد الربع ساعه .. محمد خرج وشاف آدم ومريم وملك .. وراح عليهم وطمنهم وقالهم ان مليكه تمام و هتخرج شويه كده على الاوضه . والكل حمد ربنا وملك اتنهدت بأريحيه ..
محمد : اخد آدم على جنب .. آدم زياد جوه وقاعد على ركبه وما بيتكلمش وعينيه علي مليكه .. وحاولت اتكلم معاه ما ردش عليا ..
آدم : هز راسه بتفهم …. وغرفه العمليات اتفتحت والممرضين واخدين ماليكه على غرفتها … وملك راحت جري عليها مليكه .. مليكه بنتي حبيبتي .. ردي عليا .. ردي عليا يا نور عيني .. مليكه ارجوكي سامحيني يا بنتي …
مريم : بدموع . راحت سندت ملك اهدي يا ملك اهدى يا حبيبتي .. الحمد لله .. محمد طمنا عليها نحمد ربنا … تعالي اقعدي . وكل حاجه هتبقى تمام.
زياد : خرج من العمليات . وغضبان ووقف قدام محمد بجمود .. هي هتبقى كويسه ..
محمد : . إن شاء الله .. طبعا الحمد لله ماليكه عدت مرحله الخطر .. وزياد مااستناش وسابهم ومشي من غير ما يتكلم مع حد وركب عربيته وطار بيها وهيطلع على شقته ….
..كل العيله عرفت من بعض وكل العيله اتجمعت في المستشفى .. طارق ورنا .. وفارس ورودي … وفهد …وحسام وهدى .. وكانوا زعلانين على مليكه … واشرف وهنا .. ويوسف ومريم .. وسابه كريم مع شيرين ومصطفى .. وشباب العيله كلها .. … وبنات العيله كلها .. حتى بيتر اول ما عرف راح بسرعه على المستشفى .. وجاسر كان خارج من المصنع وركب العربيه وشاف ملك وآدم ومراد وهنا متصلين عليه .. وقلق واتصل على ملك .. وردت عليه وقالتله ب عياط هستيري بنتك حاولت تموت نفسها يا جاسر .. وملك ماكملتش كلامها واغمى عليها .. والكل جرى عليها.. ومراد شالها واخدوها غرفه وكان ضغطها عالي جدا . وعلقولها محاليل ومهدئ ونامت .. آدم كان اخد الفون من على الارض .. وكمل كلامه مع جاسر .. اللي قفل وطار على المستشفى ..
.. اما مالك كان عنده قضيه مهمه جدا .. وكان بيحقق فيها .. وقرب يخلص .. وطلع فونه من جاكيت البدله بالصدفه .. وشاف اتصالات كتير .. من فهد ومراد وزين و ملك .. واتصل ملك ومحدش رد .. اتصل على فهد و حكاله نبذه مختصره .. ومالك خلص التحقيق وطلع بسرعه .. وجرى على المستشفى ..
.. كده كل العيله واقفه قدام غرفه مليكه .. وجاسر اللي دموعه نازله ومالك اللي قلبه هيقف من الخوف على اخته وامه وقاعدين مع ماليكا وهي لسه في البنج مفاقتش …
.. وكلهم منتظرين ماليكه تفوق من البنج ..والكل زعلان على حاله مليكه . وصعبانه عليهم …وكلهم اتفقو انهم بعد الل حصل لماليكه ده هيقدمولها دعم معنوي .. بعد ما تفوق ويوقفو جنبها ..
.. مريم : خرجت من اوضه ملك .. بعد ما تأكدت ان ملك ضغطها بدا ينزل ونايمه ومش هتصحي دلوقتى من المنوم … وقالت ل آدم انها عايزه تدخل عند ماليكه علشان لما تفوق تبقى جمبها ..
.. مريم : دخلت وكان جاسر ومالك جوه واقفين جنب مليكه .. ومريم استاذنتهم . انها عايزه تكون جنب مليكه فى الوقت ده ..
.. وآدم دخل وقال .. جاسر تعالى نشوف ملك . وبعد كده نقعد بره مع بعض .. وان شاء الله كل حاجه هتبقى تمام .. وجاسر خرج وهو بيبص على بنته .. ومالك خرج وراحو يطمنو . على ملك . وبعد كده هيخرجو يقعدو في الطرقه مع الكل ..
.. فهد شايل تيم وعيونه متعلقه ب رينو وانه لاول مره يشوفها بلبس الجامعه . والبالطو على دراعها .. وكانت جميله جدا…
.. آدم بعد شويه خرج وقعد جمبه جاسر وبيتر .. وطارق قاعد وجنبه رنا . وزعلانين على مليكه ..
واشرف قاعد يمسح دموع هنا اللي بتعيط علشان بنت اخوها . كانت هتموت في لحظه ..
. مراد قاعد وشايل مريم الصغيره وبيهدى فريحه اللي دموعها نازله وزعلانه على مليكه .
.. ومحمد : قاعد ومتدايق لان نور دموعها نازله بصمت . وقلقان عليها . وقام واخدها وقالها تعالى نامي جوه انتي تعبانه .. وكمان محمد . مش عارف يقول لمين ان مليكه مدمنه بعد متأكد من دكتور زميله .. ومش عارف يفكر واخد نور ودخلها الاوضه ونيمها …
زين شايل ليليان. وبيهدى ريتال .. وريتال شايله اريان وبتعيط على بنت خالها .. وزعلان عليها ..
.. ويوسف قاعد وجنبه مريم اللي بتهديه لانه زعلان جدا على بنت خاله .. ومريم كمان زعلانه وبتفكر في اخوها زياد لو عرف . اكيد هيزعل.
.. رينو : واقفه ودموعها نازله علي بنت عمتها وزعلانه عليها .. وفهد اول ما شاف دموعها كان عايز يروح ياخدها في حضنه ويطمنها . ومخنوق من دموعها الل بتحرق قلبه ..
..وفارس واقف زعلان ورودي واقفه جنبه .وكمان زعلانه ..
.مريم : دخلت جوه وقلبها وجعها لما شافت مليكه .. واتصدمت لما شافت وشها . وكمان تحت عيونها اسود .. ووشها اصفر جدا .. وايدها ملفوفه في شاش .. و بتتنفس بخرطوم بالاكسجين ..
.. مريم .. راحت قعدت جنبها من ناحيه راسها و بتتامل في شكل مليكه اللي اتغير ومسدت على شعرها وقعدت خمس دقايق .. وبعدها مليكه بدات تفوق .. وتآآن .. زياد … زياد …. امممم صافي … لا انا كويسه .. انا مش رخيصه .. زياد وحشتني … زياد سبتني وسافرت ليه ….. انا هاموت نفسي … انا هاريحك يا مامي .. بابي انا مش مغروره .. انا ..سبتنى وسافرت ليه. انا بنت يا مامي .. انا مؤدبه .. انا زياد ارجع … زياد ..
وبدا تفتح عينيها …
ومريم سمعت كل حاجه بدموع .. مريم مسدت على شعرها بحنيه …
مليكه : فاقت وفتحت عينيها .. انا فين .. انا فين.
مريم : مسحت دموعها .. وابتسمت .حبيبتي حمد لله على سلامتك يا قلبي ..
مليكه : شافت مريم انا فين .
مريم : اتنهدت انتي في المستشفى يا حبيبتي..
مليكه : حاولت تفتكر . وغمضت وفتحت بصعوبه
. وبعدها افتكرت كل حاجه وجسمها اتشد . واتدايقت وافتكرت كلام ملك . انها ممكن ما تكونش بنت .. وانها موتت نفسها علشان تريح الكل منها ..
مريم : مليكه انتي كويسه دلوقت يا حبيبتي ..
مليكه : بدموع لو سمحتي سيبيني لوحدي.
مريم : مسدت على شعرها .. ما ينفعش اسيبك لوحدك لازم اطمن على مليكه حبيبة قلبي .
مليكه : انا مش حبيبة حد .. انا ما فيش حد بيحبني .. انتو عايزين مني ايه .. لو سمحتي سيبيني لوحدي انا سبتلكو الدنيا كلها علشان ترتاحوا مني انتو عايزين مني ايه . و انقذتوني ليه ..
مريم : ابتسمت بوجع . انتي يا مليكه ما فيش حد بيحبك .. مريم اتعدلت ورفعت ضهر مليكه .. وقعدت وراها بجمب . وحطت راس ماليكا على رجليها .. تعالي .. تعالي حطي راسك الجميله دي على رجل
طنطك مريم .. مش انتي بتقولي طنط برده .. مع اني مش بحبها .. بصي قوليلي يا مريم احسن . انا لسه صغيره .. انتي عايزه تكبرينى وخلاص ..
مليكه : اتنهدت وحطت راسها على رجل مريم ..
انا : ما فيش حد بيحبني يا مريم …
مريم : عيونها لمعت بدموع .. ومسدت على شعرها ومين قالك بقي . ان مفيش حد بيحبك ..
مليكه : كلكم قولتو كده . من وانا صغيره بتنقدوني .. من وانا صغيره شايفه ان الكل بيتدايق مني .. حتى بنات العيله ..وسكتت …
مريم : حبيبتي انا سامعاكي وصدقيني . اللي هتقوليه دلوقتى ده مجرد فضفضه ..
مليكه : انا تعبانه قوي محدش حاسس بيا . الكل شايف مليكه المغروره المتكبره . لكن ما حدش شايف اللي جوايا …
مريم : حبيبتي اللي جواكى انا شايفاه .. بس حابه اسمع منك . واعتبريني زي ماما . واحكيلي ..
مليكه : غمضت عينيها .. من وانا صغيره كنت دايما بحس اني مكروها . ومحدش بيحبني غير زي…..
واتنهدت من صغري وانا في المدرسه اهتم بنفسي .. البنات كلها بعدت عني علشان شايفين ان اهتمامي بنفسي ده غرور .. والكل بدا يبعد عني .. لاني مكنتش باعرف اهزر والعب معاهم .. انا كدا . ما كنتش بعرف .. وكل لما اجي اهزر اقول كلام يدايقهم فبضطر اسكت .. وكنت دايما اقعد لوحدي في الفسحه .. واتنهدت ما فيش غير زياد .. هو اللي كان بيهتم بيا ولما كنت اتكلم ما كانش بيزعل مني زيهم .. ورفعت راسها ل مريم اقولك على سر ..
مريم : باست جبينها بحب قولي يا روحي ..
مليكه : حاسه باحساس مختلف اول ما مريم باستها .. وغمضت عينيها واتنهدت انا بحب زياد قوي يا مريم .. وكنت دايما بعامله بطبعي وكنت بحس انى لازم اقسى عليه .. وكنت شديد معاه .. لاني خايفه يبعد عني .. وكنت خايفه برده اعترف بحبي ليه يبعد عني .. او يشوفني زي البنات اللي في المدرسه ما كانت شايفاني .وميكونش بيحبنى. ويبعد عني .. وبعدها كبرنا مع بعض .. وحسيت ان زياد شيء اساسي في حياتي .. لكن ما عنديش فن التعامل معاه .. وبرده صحابي في الثانوي شايفني مغروره .. وانا مش كده … عارفه انتي لما تفضلي تقولي لشخص قدامك انت كداب على طول وهو مش كداب فبيضطر يكذب علشان . كده . كده انتي شايفاه كذاب .. انا بقيت كده مغروره زى ماهما عايزين .. بس جوايا لا .. وكنت اي حاجه بتيجي على بالي باقولها .. وكنت ببقى مبسوطه لما ادايق اللي قدامي .. زي مريم وريتال وغيرهم .. وصحابي في المدرسه هما السبب .. انا ماكنتش كده .. كل الحكايه اني كنت بحب اهتم بمظهري ونفسي واكون لوحدى .. وكبرت وبقيت في نظر الكل مليكه المغروره .. واتملكت من زياد وجرحته … لكن زياد سابني ومشي .. وبقيت لوحدي ومن غير صحاب .انا مكنتش اعرف ان زياد كان بيحبنى. وبنات العيله بعيد عني .. او انا اللي بعيد عنهم .. او انا اللي بعدتهم عني مش هتفرق … لكن ماينفعش اني ارجع ليهم تاني .. فقررت انى ابعد و اعيش لوحدي .. واخرج كنت بخرج في اي وقت .. لاني واثقه في نفسي .. ودمعه نزلت منها .. انا ما كنتش عارفه اني بدمر نفسي .. وبابى ضربني بالقلم وحبسني .. وكمان مامي زعلت مني و عيطت بسببي .. والعند كبر جوايا لما لقيت الكل .. مليكه مش عاجباه .. قررت اعيش لنفسي ونجحت في الجامعه واشتغلت وفرحتهم لكن برده لسه ب ينتقدوني .. ومش عاجباهم … بدات اسهر واخرج واعيش حياتي .. لكن صدقيني حاولت على قد ما اقدر ما عملش حاجه غلط لكن …… لكن …. وغمضت عيونها بدموع ..
مريم : بتمسد على شعرها و بتسمعها وزعلانه عليها .. لانها كده عرفت ان مليكه عندها عقده من صغرها واضطراب نفسي .. لانها فعلا مش كده ..مهما كانت الانتقادات بتغير الانسان للاسوء .. والتنمر من اسوأ الانتقادات اللي بتسبب عامل نفسي على الشخص ..
مليكه : بتعيط وساكته …….
مريم : بتنهيده .ومسحت دموعها .. حبيبتي مليكه صدقيني .. ما فيش حد بيكرهك ابدا .. يا بنتي دي الدنيا كلها اتقلبت لما عرفت …. عارفه !؟ الكل واقف بره الاوضه دي ومستني مليكه تفوق.
مليكه : رفعت عيونها لمريم بعدم تصديق….
مريم : ايوه صدقيني .. الكل كان هيتجنن عليكي عمك طارق وعيلته ..وعمك اشرف وعيلته .. وحسام اخويا ومراته .. وكمان عمك بيتر .. وبنات وشباب العيله حتى الاحفاد كلهم بره …
مليكه : كان نفسها تسمع اسم واحد بس وهو زياد .
مريم : ومش هتصدقي بقى مين اللي انقذك وجابك المستشفى هنا ..
مليكه : بتنهيده اكيد خالو آدم او بابي . يا ريتهم ماجابوني هنا كانو سابوني اموت وارتاح
مريم : بزعل .. انا ليا كلام معاكي بعدين .. لكن لا مش خالك آدم ولا باباكي .. زياد .. زياد يا مليكه اللي انقذتك .. وراح على الفيلا اول ماعرف وشالك و جابك هنا على المستشفى وكان هيتجنن . وفضل معاكي في اوضه العمليات لحد ما العمليه خلصت وبعدها اطمن عليكي ومشي ..
مليكه : مصدومه .. زياد .. زياد انقذني . انا .!
مريم : يعني دي اول مره زياد ينقذك فيها يا مليكه .. زياد من صغره وهو الضل والسند ليكي .. لكن انا زعلانه منك يا مليكه ..
مليكه : سرحانه في زياد .. وانه . انقذها كتير وكمان انقذها من ايد ايمن .. وغمضت عيونها بدموع ..لانه ما بقاش ينفع هي دلوقت مدمنه .. واتنهدت زعلانه ليه يا مريم …
مريم : زعلانه علشان ما عندكيش ايمان بالله .. ولا بتثقي في قدر الله .. وكنت هتموتي كافره يا مليكه ..
مليكه :؛ هتتكلم مريم اسمعينى لاخر لو سمحتي . انتى عارفه ان ربنا بيحبك قبل مننا .. لان ربنا ادالك فرصه تانيه و انك تعيشي .. وان زياد لحقك في اخر لحظه .. انتي لو كنتي موتي يا مليكه دلوقتي .. كنتي هتندمي ندم عمرك .. ماكانش هيبقى عندك فرصه واحده للرجوع .. ومفيش حساب ليكى عند ربنا .. لانك كنتي هتتعذبى .. كنتي هتقدري يا مليكه تستحملي عذاب الاخره .. انتي ازاي قدرتي تفكري يا بنتي .. انك تنهي حياتك بايدك .. حياتك دي مش ملكك دي ملك لرب العالمين وبس .. ربنا خلقك بأمره وبيسترد الامانه بأمره .. لكن ربنا . سايبلك حريه التصرف في حياتك وتعيش فيها براحتك لكن في حدود الدين .. يبقى ليه تعملى كدا … ربنا بيقول . (ولا تقتلوا انفسكم ) .. وانتي كده مش مؤمنه بقدر الله .. وكنتي هتتحملي وهتتحاسبي على وزر نفسك في الاخره .. وكنتي ها تعذبي عيلتك معاكي … مليكه يابنتى ..
.. (سيدنا محمد صل الله عليه وسلم قال ) في الحديث الشريف :
.. ( من قتل نفسه بحديدة .. فحديدته في يده يتوجأ بها في بطنه في نار جهنم خالدا مخلدا فيها أبدا، ومن شرب سما فقتل نفسه؛ فهو يتحساه في نار جهنم خالدا مخلدا فيها أبدا، ومن تردى من جبل فقتل نفسه؛ فهو يتردى في نار جهنم خالدا مخلدا فيها أبدا ) صدق رسول الله ….
يعني يا مليكه اللي بيموت نفسه متعمد بيفضل يموت نفسه بنفس الطريقه اللي قتل نفسه بيها في الدنيا والالم بيكون اضعاف .. انتي كنتي هتندمى و هتخسري كتير يا مليكه . لانك حتى ما كنتيش محافظه على صلاتك .. وكنتى هتموتي وانتي مش تايبه من ذنوبك .. ليه كده يا ماليكا .. ليه يا حبيبتي عايزه تخسرني نفسك وحياتك .. انتي لو قعدتي مع نفسك .. وفكرتي هتشوفي نفسك يا مليكه انتي اللي غلطانه ..
مليكه : .. بتسمع وخافت من عقوبه ربنا .. وانها ممكن لو كانت ماتت في الوقت ده كانت هتخسر كتير … وفاقت على كلمه مريم انها غلطانه
.مريم : مليكه ما فيش حد ما بيغلطش . وما فيهاش حاجه لو كنتي اعترفتي بغلطك .. يعني مثلا قولتي لحد كلمه من غير قصد منك واتدايق .. ما فيهاش حاجه لو اعتذرتي .. وكمان صحابك في المدرسه ليه ماخدتيش انتقاداتهم لصالحك .. يعني كنت اهتمي بنفسك اكتر .. واتجنبتيهم في نفس الوقت .. وذاكرتي وركزتي في مذاكرتك .. والتزمتي بنفسك و مغيرتيش من نفسك .. انا معاكي لو انا قولت لحد .انت كداب على طول .. انه هيكدب في الاخر علشان يريحني … وممكن مايكدبش ويفضل زي ما هو .. و يثبتلي انا العكس . وانا اللي غلطانه في حقه .. واني ظلمته .. مليكه مفيش حد ما بيحبكيش.. وباباكي . ما كانش يقصد انه ينتقدك انتي شايفه انه انتقاد لانك عايزه تشوفيه كده .. هو اب وخايف على بنته .. وكان بينصحك مش اكتر .. وانه ضربك بالقلم اكيد كان في موقف اكبر منه .. انتى فكري كدا . لو انك عندك بنت . وبدات تتغير وانتي روحك فيها . وخايفه عليها . ونصحتيها بدال المره ١٠ . ومفيش تغيير .. اكيد هتقسي عليها لانك عايزه مصلحتها .. انا ضد الضرب تماما .. لكن في حاجات بتجبرك .. غصب عنك انك تعملي كده ..
ومامتك خايفه عليكي اكتر من نفسها يا حبيبتي .. وبنات العيله صدقيني بيحبوكي جدا … طيب لو هما مش بيحبوكي .. تقدري تقوليلي هما واقفين بره ودموعهم على خدهم ليه !؟ .
.. مريم .. بتتكلم ومليكه مش مصدقه ان البنات بتعيط علشانها .. ورفعت عيونها لمريم تانى . بعدم تصديق ..
مريم : صدقيني يا مليكه .. والله العظيم البنات بره بتعيط علشانك .. واول ماعرفو كلهم سابوا كل حاجه في ايديهم وجم علشانك . حتى رينو كانت فى الجامعه وسابت المحاضره وجت جرى علشان مليكه وبس … ونور بنتي بتعيط علشانك .. ورينو ومريم وريتال وفريحه والشباب زعلانين كلهم عليكي جدا .. وكمان عمك بيتر ساب شغله وجه جري على هنا … وحسام وهدى .. واشرف وعمتك هنا مقتوله عياط عليكي .. وابوك يا قلبي لسه خارج من عندك ودموعه على خده .. ومالك كان عايز يكسر الدنيا علشانك .. وملك .. واتنهدت .. ملك يقلبى . كان صوت عياطها جايب لاخر المستشفى .. ووقعت من طولها . واغمي عليها علشان خايفه عليكي . خايفه على بنتها …. مليكه مش معنى اني اقسى على ابنى او بنتى . ابقى ما بحبهوش . صدقيني هما خايفين عليكي …
مليكه : بدموع . مامي .. مامي كويسه .
مريم : باست جبينها تاني .. مامي زي الفل ولما تعرف انك فوقتي وقومتى بالسلامه . هتبقى احسن بكتير .. ودلوقتى عايزاكي توعديني وعد ..
مليكه : ودموعها نازله ..وعد .!! وعد ايه يا مريم ..
مريم : توعديني انك تفكري بهدوء .. وتشوفي قيمة مليكه جواكي .. وانها تستاهل تقرب من ربنا الل بيحبها .. واداها فرصه تانيه انها تعيش .. وتشكر ربنا .. وتصلي ل ربنا وتسجدى لله وتشكريه انه انقذتك . ونجاكي من عذاب كبير .. وان مليكه ما تستهلش كده .. مليكه بنت جميله ومؤدبه .. وشخصيتها قويه .. وكمان ب 100 راجل .. ويعتمد عليها … ماليكه راجل بمعنى الكلمه .. طيب اقولك على سر ..
مليكه : قولي ..
مريم : انتي اقوى من بناتي ..
مليكه : بصتلها .. وحست ان جواها امل من تاني.
مريم : ايوه انا بناتي ممكن يدافعو عن نفسهم .. لكن ما يعرفوش يهاجمو … انما مليكه الصاوي .. تقدر تهاجم كويس قوي .. وتدافع عن نفسها .. مش معنى ان مليكه ساكته يبقى ضعيفه .. لا مليكه اقوى بنت في العيله .. وعندها حب لزياد يكفي عالم بحاله..
مليكه : بصيتلها بندم زياد ..
مريم : ايوه زياد . انتي ناسيه انك قولتي انك بتحبيه ..
مليكه : مش ناسيه .. بس زياد استحاله يقرب مني تاني .. زياد بعد وبسببي ..
مريم : زياد بعد علشان مليكه القديمه كانت موجوده .. لكن هيقرب لما يشوف مليكه الجميله الطيبه المؤدبه الحنينه .. مليكه يا حبيبتي عيشي حياتك بحب .. قولي الل جواكي من غير قلق وخوف ..اعترفي بحبك .. قولى قراراتك اللي جواكي من غير خوف .. اضحكي هزري اعتذري صدقيني هتحسي بايجابيه في حياتك .. و هتكوني مبسوطه وبتلعب في شعرها بهزار …
..الباب خبط .. مريم :- نزلت النقاب .. وكان محمد ودخل وقفل الباب .. ومريم رفعت النقاب ..
محمد : قرب من مريم ومليكه . وكان واضح عليه الزعل .. ازيك دلوقتي يا مليكه ..
مليكه : هزت راسها .. كويسه .
محمد : بص على الشاشه . وشاف نبضات القلب .. وبص على الارقام وشايف كل حاجه بترجع لمعدلها الطبيعي .. حمد لله على السلامه ..
مليكه : الله يسلمك يادكتور ..
..ومحمد واقف وتايهه .. ومريم حسيت ان محمد عايز يقول حاجه ومش عارف …
محمد : احم ….. وسكت …
مريم : في حاجه يا محمد …
محمد : كان هيقول ل مليكه انتي بتتعاطى من شهر . .. لكن رجع في كلامه .. لا ابدا . انا كنت جاي اطمن على مليكه واشوفها فاقت لان الكل قلقان عليها بره.
مريم : بصت ل مليكه وقالتلها صدقتيني .. ان الكل كان هيتجنن عليكي .
مليكه : بشبح ابتسامه . وزعلانه في نفس الوقت لانها كانت هتضيع نفسها .. وكمان شكت من نظره محمد ليها انه عرف حاجه بخصوص الادمان … ومليكه خايفه لتحتاج الجرعه .. ويبان عليها الاعراض …
مريم : عدلت راس ماليكه على المخده وقامت وقالت ثواني … وراحت على الباب ..
ومحمد : همس ل ماليكه وقالها ما تقلقيش . انا ادتلك حقنه جدول .. ولينا كلام مع بعض بعدين ..
مليكه : بلعت ريقها بخوف .. لانها كده اتاكدت ان محمد عرف انها مدمنه …
مريم : فتحت الباب وخرجت للكل .. وقالتلهم انا عايزاكم كلكم تدخلو لمليكه مع بعض .. واستغربه .. وقالت كده احسن لمليكه .. لازم تشوف ان الكل جنبها .. وتعرف انها مش لوحدها .. لازم العيله كلها تقف جمب ماليكه لانها حاسه بالاحباط والوحده .وبنبه على الكل محدش يعاتب ماليكه ولا يتكلم معاها بسلبيه .. واتحركت ..وكل العيله بدات بالدخول .
. ونور خرجت من اوضتها ..
.. جاسر ومالك : اول اتنين دخلوا عليها بلهفه وجاسر حضنها وبكى في حضنها .. ومالك خرج ماليكه من حضن ابوه وحضنها اكتر وعيط لان مليكه اخته الكبيره . وكان هيخسرها فى لحظه ..
. مليكه : بدات تفوق من غشاوة .. انها شايفه ان مفيش حد بيحبها .. وشافت خوفهم عليها .. وهي في حضن مالك … شافت .
. آدم . وطارق وكمان بيتر. واشرف ومراد . وفارس وزين ويوسف . وحسام .. داخلين علشان يطمنو عليها .. على مليكه وبس …
.. مليكه : بدهشه .. وقالت جواها . كله جاي علشاني انا .. انا …
..وقربو . منها وآدم قرب منها . وباس جابهتها وباس ايديها بحب .. وادم اخد راسها لحضنه . واتنهد بزعل لان مليكه ..جواها كويس .. وكانت في لحظه هتنهى حياتها .. وآدم اتعدل ..
.وطارق : كان متأثر . وقرب من مليكه . وباس على راسها لاول مره كأنها بنته .. ومليكه بصت بدهشه . ودموعها اتجمعت من تانى ..
.. وكمان حسام قرب منها وباس على راسها واطمن عليها ..
.. واشرف قرب منها وباس على راسها واطمن برده عليها ..
.. وبيتر قرب منها . وسلم عليها .. واتمنى ليها الشفاء وراح وقف جنب آدم ..
.. ومراد : قرب منها وحرك صوباعه على مناخيرها بهزار . وسلم عليها وقالها كان نفسي ابوسك بس انا مرتبط..
ماليكه : بشبح ابتسامه . وحست بالندم ..
.. وفارس سلم عليها ..
.. وزين قرب منها .. وسلم عليها ..
.. وفهد قرب عليها وسلم واطمن عليها .
… والكل كان بيطمن عليها . من قلبه …
وبعد كده كل البنات دخلت بعد الشباب في الاوضه وراهم ..
. وكانوا رنا وهنا . وفريحه شايله مريم الصغيره .. ونور ومريم حسام . ورينو .. و ورودي كانت شايله اريان .. وريتال كانت شايله ليليان .ورينو شايله تيمو .. كلهم قربو منها . والشباب وقفو ورا البنات.
. هنا عيطت بدموع وحضنت مليكه وقالت بنت اخويا الف سلامه عليكي يا روحي . الحمد لله يا رب انك بخير ..
.. وبعدها رنا بدموع قربت عليها وباستها من خدها وجبينها الف سلامه عليكي يا حبيبتي ..
.. وهدى قربت عليها بدموع .. لانها عارفه ان زياد روحو فيها وحضنت مليكه .. الل مصدومه من كميه الحب اللي شايفاها في عيون الكل …
..وبعدها البنات .. نور قربت عليها بدموع .. وعيطت كده يا مليكه كنتي عايزه تسيبينا .. ونور ما قدرتش تقف وسلمت عليها و استأذنت بدموع .. ومحمد وصلها للاوضه علشان في تستريح . وخرج وراح وقف جنب مريم ..
.. وبعدها فريحه بدموع سلمت عليها .. ومريم نونو حطت ايديها على خد مليكه اللي قلبها دق للبريئه مريم ..
..وبعد كده ريتال سلمت عليها .. وكانت بتعيط وعينيها حمرا ..
..وبعد كده رودي سلمت وكان باين عليها الزعل.
.. وبعدها .. مريم حسام سلمت عليها وكانت حزينه عليها لما شافت شكلها الل اتغير ..
.. واخيرا . رينو اللي شايله تيمو .. وراحت سلمت عليها .. وكانت دموعها على خدها .. الف سلامه عليكي يا ماكى .. كده تخضينا عليكي .. انتي كنتي عايزه تشوفي غلاوتك عندنا قد ايه .. على فكره .. هزارك وحش قوي يا مليكه .. وعيطت ..
.. ماليكا : مصدومه حرفيا .. الاوضه مليانه ناس كتير العيله بالاولاد والاحفاد والاصدقاء .. كل ده علشاني انا .. وتيم حط ايده على وش مليكه وقال .. ليكا .. ليكا …
.. ومليكه ابتسمت شبح ابتسامه .. وفكرت يعني كلهم بيحبوني …
.. ماليكه . حاولت على قد ما تقدر .. تسمع كلام مريم وتحاول تعترف بالغلط . وتشوف ها تخسر ولا لا.. مليكه بصت على ابوها اللي دموعه نازله وموطى راسه .. في الارض .. مليكه قلبها وجعها على شكل ابوها . وقالت بابي ..
جاسر : رفع راسه وقام بلهفه .. نعم .. نعم يا حبيبتي محتاجه لحاجه . حاسه بحاجه ..
مليكه :؛حضنت ابوها .. انا اسفه .. انا اسفه يا بابي وعيطت قدام الكل .. وانهارت . ومالك حضنها مع ابوه .. انا اسفه يا بابي .. والله غصب عني محستش بنفسي .. انا اسفه يا مالك . انا افتكرت ان الكل بيكرهني . ومحدش بيحبني .. انا اسفه للكل .. وعيطت كتير ..
جاسر : عيط .. ليه كده يا مليكه . ليه توجعي قلب ابوكي .. ما حدش بيكره روحه يا بنتي .. ده انا عايش بيكى يا مليكه .. كنتي هتقتليني النهارده .. مفيش حد بيكرهك يا بنتي .. والله كل الل بنعمله خوف عليكي .. وعيطو في حضن بعض كتير .. وكل الل موجود اتاثر .. والبنات دموعهم نازله ..
مليكه : بتعيط بهستريه كبيره . وندمت . لأنها سمعت كلام صافي وتعاطت مخدرات … وفاقت على صوت حد جه من عند الباب مليكه …
مليكه : سكتت .. وفتحت عينيها .. وشافت ملك الل واقفه وسانده على الباب .. وعيونها زي الدم وحجابها متبهدل .. والكانيولا.. في ايديها .. مامي.. ملك : دخلت والكل اتحرك ليها علشان تروح لمليكه .
وآدم سندها وراحت لبنتها .. وقعدت على طرف السرير وبصت في عيون مليكه بتعب وعتاب ودموع نازله بصمت …
ملك : بتعاتب مليكه . لانها كانت هتموت نفسها و امها هتموت معها لانها ما ينفعش تعيش من غيرها والكل كان واقف حزين واللحظه كانت حزينه ..
ومليكه اترمت في حضن امها .. وعيطت كتير .. انا اسفه انا اسفه يا مامي . ارجوكي سامحيني .. وعيطو في حضن بعض …
. ملك : ليه يا روحي … ليه يا بنت قلبي … توجعي قلبي عليكي .. يا مليكه ده انتي بنتي الوحيده والكبيره .. انتي بنتي وصاحبتي .. ليه يا مليكه انا كنت هاموت وراكي يا قلبي ليه .. كده تدبحينى ليه ..
.. ومريم قلبها وجعها وما استحملتش .. وخرجت لانها تخيلت لو حد من بناتها لا قدر الله .. وحست ان الاوضه بتصغر . وما فيهاش نفس . وخرجت ..
. ومحمد خرج وراها وقعد جنبها .. مريم انتي كويسه.
مريم : عيطت الموقف صعب قوي يا محمد .. انا زعلانه على جاسر وملك .. وماليكه زعلانه عليها اكتر .. البنت دي ما تستاهلش كل اللي بيحصل معاها ده .. البنت دي طيبه قوي يا محمد ..
محمد : اتنهد .. مريم كان في حاجه عايزه اخد رايك فيها ..
مريم : مسحت دموعها .. خير يا محمد في ايه .
محمد : بصراحه مليكه حاولت تنتحر وهي مش في حالتها الطبيعيه ..
مريم : بعدم فهم .. مش فاهمه يا محمد . تقصد ايه؟
محمد : بص حواليه علشان يطمن ان ما فيش حد سمعه .. مليكه اول ماشوفتها في العمليات . شوفت فى دراعها علامة حقنه . وشكيت في الأمر … و لما عملتلها تحليل دم اتاكدت .. ولقينا موجود فيه نسبه مخدرات .. مليكه مدمنه يا مريم ..
مريم : شهقت .. انت بتقول ايه يا محمد مش معقول ..
محمد : بقولك انا شفت التحاليل بنفسي .. وكمان عملتلها عينه تانيه علشان ماكنتش مصدق زيك كده..
لكن اكتشفت انها نفس النتيجه ان مليكه مدمنه ومن فتره مش كبيره .. دكتور التحاليل قالي انها من حوالى شهر .وكمان جرعات كبيره ..
مريم : عيونها مفتوحه ع الآخر بصدمه حقيقيه … مش معقول ازاي .. مليكه كانت بتكلمني كويس وطبيعيه جوه اهي يامحمد . يبقى ازاى مدمنه ..
محمد : ايوه علشان انا اديتلها جرعه .. حقنه جدول .. علشان جسمها كان محتاجلها .. وفي حالتها دي لازم تاخد الجرعه علشان ما تعملش في نفسها حاجه .. او تقطع شريانها تاني …
مريم : لا حول ولا قوه الا بالله .. اللهم اجرنا في مصيبتنا واخلف علينا خيرا .. وبعدين يا محمد لو ملك عرفت ولا جاسر هيموتو فيها .. وانا شايفه ان ماليكه بدأت تتغير ..
محمد : ما انا باكلمك علشان كده .. انا مش عارف اعمل ايه !؟ مليكه لازم تتعالج في مصحه إدمان . وكمان انا عرضت .تحليلها على دكتور حالات الادمان . وقال علاجها هيحتاج 45 يوم بس .علشان هي مدمنه من شهر .. لكن لازم مصحه .. او في البيت .. ولازم فريق طبي علشان ماتأذيش نفسها . ولازم يكون المكان اللي موجوده فيه امان .. ومايكونش في اي اداه .. او اي حاجه تحاول تأذي نفسها بيها ..
آدم : كان خارج يشوف مريم .. وسمع كل حاجه وراح .. قرب من محمد وقال ما فيش مخلوق هيعرف بالل حصل ده …
محمد : قلق وقام .. ومريم وقفت ..
… وادم اتكلم : شوف مليكه هتحتاج ايه واعمله .. لكن مصحه لا .. انت عارف وضع جاسر وكمان لو ملك عرفت ممكن يجرالها حاجه .. وانا مش مستغني عن اختي ..
محمد : طيب والحل يا آدم .. انا ما تكلمتش مع حد علشان الموضوع حساس .. وكمان العيله كلها موجوده هنا .. ماليكا لازم تتعالج . يافى البيت يا اما مصحه مفيش حل تالت .
آدم : بيفكر وسرح …
محمد ومريم بيبصو لبعض .. ومستنيين آدم يتكلم واخيرا .. اتكلم اسمع يا محمد ..
محمد : سامعك اتفضل ..
آدم : اخر دور في المستشفى عندك فاضي ..
محمد : مش قوي ساعات بحجز في ناس لو ما فيش مكان تحت .. والدور الاخير كله عباره عن غرف كبيره جدا ..
آدم : بس خلاص .. انا محتاج . جناح كامل ل مليكه . وهتتعالج هنا ينفع ..
محمد : ينفع اوى .. وسهله جدا .. انا كمان هاجيب ليها طقم خاص من الممرضين والدكاتره ..وكمان هظبط الجناح و هاركب حديد على الشبابيك علشان ما تحاولش تأذي نفسها ..
آدم : تمام .وانا هبعتلك ناس من بكره تظبط كل حاجه في الجناح.
محمد : لكن هتحجزها .. هنا .. وملك وجاسر هنقولهم ايه ..
آدم : سيب الموضوع ده عليا .. هي ماليكا هتحتاج كام يوم علشان الجرح اللي في ايديها ..
محمد : اسبوع والجرح يلم ان شاء الله .. وانا هحاول ادي ليها حقن الجدول وأقلل النسبه لحد ما الجناح يكون جاهز .. وبعدها نحجز مليكه في الجناح ده …
آدم : اتنهد بزعل .. تمام ..
مريم : آدم . انا عايزه اروح مشوار مهم ..
آدم : بص في الساعه ..مشوار ايه يا مريم ..
مريم : انا عايزه اروح ل زياد ..
آدم : استغرب زياد . وعايزه زياد في ايه .
مريم : لو سمحت يا آدم .. انا عايزه اقابل زياد ضروري .. ما فيش وقت ..زياد انقذ مليكه .. ولازم يكمل مسيرته وواجبه تجاه مليكه –
- تبع الفصل التالي اضغط على (رواية عشقتها منذ نعومة اظافرها ) اسم الرواية