رواية العشق الابدي كاملة بقلم لبنى دراز عبر مدونة دليل الروايات
رواية العشق الابدي الفصل السابع و العشرون 27
{جوامع الدعاء}
بسم الله الرحمن الرحيم
{رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ}
{ رَبَّنَا لا تُؤَاخِذْنَا إِنْ نَسِينَا أَوْ أَخْطَأْنَا رَبَّنَا وَلا تَحْمِلْ عَلَيْنَا إِصْراً كَمَا حَمَلْتَهُ عَلَى الَّذِينَ مِنْ قَبْلِنَا رَبَّنَا وَلا تُحَمِّلْنَا مَا لا طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنْتَ مَوْلانَا فَانْصُرْنَا عَلَى الْقَوْمِ الْكَافِرِينَ }
{رَبَّنَا لا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِنْ لَدُنْكَ رَحْمَةً إِنَّكَ أَنْتَ الْوَهَّابُ}
{رَبَّنَا إِنَّنَا آمَنَّا فَاغْفِرْ لَنَا ذُنُوبَنَا وَقِنَا عَذَابَ النَّارِ }
{رَبَّنَا آمَنَّا بِمَا أَنْزَلْتَ وَاتَّبَعْنَا الرَّسُولَ فَاكْتُبْنَا مَعَ الشَّاهِدِينَ }
{رَبَّنَا إِنَّنَا سَمِعْنَا مُنَادِياً يُنَادِي لِلْإِيمَانِ أَنْ آمِنُوا بِرَبِّكُمْ فَآمَنَّا رَبَّنَا فَاغْفِرْ لَنَا ذُنُوبَنَا وَكَفِّرْ عَنَّا سَيِّئَاتِنَا وَتَوَفَّنَا مَعَ الْأَبْرَارِ* رَبَّنَا وَآتِنَا مَا وَعَدْتَنَا عَلَى رُسُلِكَ وَلا تُخْزِنَا يَوْمَ الْقِيَامَةِ إِنَّكَ لا تُخْلِفُ الْمِيعَادَ }
{ رَبَّنَا ظَلَمْنَا أَنْفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِينَ}
{ رَبَّنَا لا تَجْعَلْنَا مَعَ الْقَوْمِ الظَّالِمِينَ }
{رَبَّنَا أَفْرِغْ عَلَيْنَا صَبْراً وَثَبِّتْ أَقْدَامَنَا وَانْصُرْنَا عَلَى الْقَوْمِ الْكَافِرِينَ }
العشق الأبدي بقلمى✍️__________لبنى دراز
فـ بيت حلم شقة فارس
بعد مرور شهر رجع فارس و حلم من رحلة شهر العسل بعد ما عملوا العمرة و سافروا تايلاند يكملوا رحلتهم رجعوا من السفر مفاجأة ع أمه
نجوى:: قاعدة فـ اوضتها تقرأ قرآن و سمعت جرس الباب صدقت و قفلت مصحفها و قامت تخرج من أوضتها و شافت
فاتن:: رايحة تفتح الباب .. و بصريييخ ست قصدى انسة يوووه بقى مدام حوووور .. سي فارس باشا حمد الله ع السلامة
حلم:: بضحك .. مالك يا تونة متلخبطة ليه كدا ههههههههههههه
فارس:: عارفة يا فاتن لو ماكنتيش لحقتى نفسك كنت انا اللى هعلقك المرة دى ههههههههههههه
فاتن:: معلش و النبي يا سي فارس باشا اصل لسة ما اتعودتش سامحني شالله يخليلك القمر دى
نجوى:: بسعادة .. لـ فاتن خلاص يا بكاشة سيبينى أسلم عليهم و روحى كملى الغدا و أعملى حسابهم
فاتن:: هوا .. فوريرة يا ست نجوى و جريت ع المطبخ و هى بتزغرط
فارس:: سلم ع نجوى بكل حب .. وحشتينى يا ست الكل و باس راسها و ايدها
نجوى:: بدموع الفرح .. و انت كمان وحشتنى يا نور عيني حمد الله ع السلامة يا قلب امك
حلم:: بهزار .. أه يانى ع رأى أمل اتنسيت كأنى ما جيت ههههههههههههه
نجوى:: فتحتلها إيديها تاخدها فـ حضنها .. حبيبتى الغالية بنت الغالية و مرات الغالى مين ده اللى يقدر ينساكى يا قلب نجوى من جوة
فارس:: تؤتؤتؤتؤ كدا انا أغير يا نوجة
نجوى:: تغير ليه يا واد انت ان شاء الله
فارس:: اه ياختى عشان حور هتاخد مكانى فـ قلبك
نجوى:: قعدت ع كنبة الليڤنج و أخدت الاتنين فـ حضنها .. و لـ فارس و وشها ناحية حلم يا واد يا عبيط حور دى غلاوتها من غلاوتك
و ع قد حبى ليك هيكون حبى ليها
فارس:: بضحك .. بقى كدا يا نوجة بقى انا فارس المنصورى المُد مر تقولى عليا عبيط . اه لو سمعوكى رجالتى يا نجوى
نجوى:: بصت له بس يا واد انت .. المُد مر و رجالتك دول هناك فـ شغلك مش هنا .. انت هنا ابنى حبيبى اللى لسة شايفاه بيكبر قدام عيني و مهما وصلت لمناصب حتى لو بقيت رئيس الجمهورية هتفضل برضوا ابنى الصغير و هقولك زى مانا عايزة و لا عندك اعتراض
فارس::بكل حب .. باس ايديها و انا مهما وصلت و كبرت فـ شغلى و سني عمرى ما أكبر عليكى و هفضل الواد العبيط ابنك حبيبك يا ست الكل
نجوى:: شافت حلم بتعيط و لـ فارس .. خلاص اسكت بقى خلينى اشوف حبيبتي بتعيط ليه و رجعت لـ حلم و ضمتها فـ حضنها مالك يا قلب أمك بتعيطى ليه
حلم:: بدموع .. حضنك و حنيتك عليا بتفكرينى بـ أمى
نجوى:: طب ليه الدموع دى بقى .. فى عروسة لسة راجعة من شهر العسل تعيط كدا
حلم:: غصب عنى صدقينى يا ماما .. أمى وحشتنى أوى و كان نفسي تكون معايا
نجوى:: بتمسح دموع حلم .. ربنا يرحمها يا حبيبتى أكيد عمرك ما هتنسيها بس بلاش دموع و عيشى و انبسطى و أكيد هى حاسة بيكى و فرحانة عشانك و يلا بقى قومى اغسلى وشك و ادخلوا ارتاحوا شوية لغاية ما الغدا يجهز
حلم:: ربنا يخليكى ليا يا ماما و ما يحرمنيش منك أبدا
فارس:: قام وقف .. انا بصراحة فاصل بجد و محتاج فعلا ارتاح و لـ حلم يلا يا روحى ندخل نرتاح شوية و لا ما تعبتيش من السفر
حلم:: بصراحة تعبت جدا و عايزة ارتاح فعلا لو حتى ساعة
نجوى:: خلاص ادخلوا ارتاحوا و انا هتصل بـ أدهم و البنات ما يتأخروش
فارس:: بلاش تقوليلهم يا أمى خليها مفاجأة ليهم و سيبيهم ييجوا براحتهم
نجوى:: ماتقلقش يا حبيبى انا بس هأكد عليهم ييجوا ما يتأخروش مش أكتر
و بالفعل دخل فارس و حلم اوضته يرتاحوا شوية من تعب السفر و بعد حوالى ساعتين وصل أدهم و أمل و سيف و عاليا و ياسمين و قصي
نجوى:: قاعدة فـ الليڤنج .. سمعت جرس الباب و ندهت فاتن تفتح و كان
أدهم:: السلام عليكم يا ست الكل عاملة ايه يا قمر
نجوى:: و عليكم السلام و رحمة الله .. الحمدلله يا حبيبى فـ نعم .. انت عامل ايه
أدهم:: باس أيدها بخير طول ما حبيبة قلبي بخير
نجوى:: بمرح .. يا واد يا بكاش انا برضوا اللى حبيبة قلبك
أمل:: بغيظ مصطنع .. اه يا نوجة ياختى انتى اللى حبيبة قلبه
نجوى:: بضحك .. و لما انا حبيبة قلبه انتى تبقى ايه
أمل:: أبقى روح قلبه يا نوجة اه و ربنا
حلم:: خرجت من اوضة فارس .. عاملة دوشة ليه يا أمل
عاليا:: بصريخ .. حووور حمد الله ع السلامة وحشتينى جيتوا أمتى و أبيه فارس فين ماجاش معاكى و لا ايه
حلم:: بهزار .. لأ جيت لوحدى يا لولى
أمل:: بصدمة .. اييه؟ لييييييه ؟؟
حلم:: بحزن مصطنع .. صادروه منى فـ مطار تايلاند و انا راجعة
أدهم:: بضحك .. طلع عليه أحكام و لا ايه
سيف:: تلاقيه كان هربان من جنينة الاسماك ههههههههههههه
حلم:: لأ قالولى الواد العسل ده ما ينفعش نسيبه يخرج برة البلد
قصي:: و ده ليه ان شاء الله
فارس:: من وراهم أكمنى حلو و قمور و عايزيني انشر عسلى عليهم ههههههههههههه
عاليا:: جريت عليه تحضنه .. أبيه فارس وحشتنى اوى
فارس:: باسها من خدها .. و انتى كمان يا قلب أبيه وحشتينى و البنوتة القمر دى وحشت خالو
ياسمين:: فارس حبيبى حمد الله ع السلامة يا قلب أختك
فارس:: سمسمة حبيبة قلب فارس يسلم عمرك يا حبيبتى
سيف:: لـ فارس هما بيطلعوا امتى دول
فارس:: لـ سيف .. هما مين دول يا خفة انت
أدهم:: رد .. الحلويات اللى فـ دمك من ساعة ما حبيت ست حور
فارس:: اممممم شكلكم ما بتحرموش و التعليق وحشكم يا ظريف منك ليه
قصي:: بسعادة .. حمد الله ع السلامة يا فارس و الف مبروك يا باشا و عقبال ما ابقى عمو جوز عمتو ان شاء الله
فارس:: الله يسلمك يا قصي و عقبالكم ان شاء الله و تملو لنا البيت قرود صغيرة انتوا كمان ههههههههههههه
و بالفعل الكل سلموا ع فارس و حلم عمره و فرحوا برجوعهم و قضوا وقت جميل جدا كله ضحك و هزار و بعدها حلم و فارس أعلنوا قرارهم بأن نجوى هتعيش معاهم فـ الڤيلا من النهاردة و رغم أعتراضها إلا أنهم صمموا ع قرارهم و كالعادة نجوى بتدعيلهم بالسعادة و يأمنوا ع دعائها
_________________________
فـ ڤيلا المزرعة
بعد رجعوهم من شهر العسل بـ أسبوع فارس رجع شغله و حلم رجعت المزرعة و هى داخلة الڤيلا
فاطمة:: اول ما شافتها زغرطت هى و البنات اللى شغالين معاها
حلم:: بضحك .. خلاص يابت انتى و هى اسكتوا هتلموا علينا الناس
فاطمة:: لا ممكن أبدا مش هنسكت و هنفضل نزغرط و نغنى و نرقص كمان أسبوع بحاله
حلم:: اممممم و ده ليه بقى ان شاء الله يا ست فاطمة
فاطمة:: ده عشان رجعتى بالسلامة منصورة و مجبورة الخاطر بعد اللى ما يتسموا شالله ينكشحوا من الدنيا بحالها قادر يا كريم .. حاولوا يوقعوا بينك و بين سي فارس و ربنا نصركم عليهم و اتجوزتوا
حلم:: و بعدين معاكى يابت انتى ماتدعيش ع حد فاهمة و لا لأ .. و بحزن ما تنسيش ان أختى معاهم و أنهم فـ الأخر بنات عم فارس يعنى زى أخواته
فاطمة:: بغيظ .. بس بقى و النبى اسكتى ما هو مش موديكى فـ دا هية غير قلبك ده يا ست البنات
حلم:: برفعة حاجب .. انتى يابت انتى مش ملاحظة انك بترغى كتير .. يلا يا رغاية ع المطبخ اعمليلى قهوة و جهزى الغدا بدرى
فاطمة:: هتتغدى هنا النهاردة
حلم:: ايوا يا ستى هنتغدا هنا النهاردة و يلا اخلصى و ابعتيلى القهوة و لا أقولك بلاش هروح اشربها فـ المصنع مع الاء و حازم و انتى خلى فتحية و البنات يجهزوا الغدا عشان فارس هيرجع بدرى و اطلعى انتى نضفى اوضتى بنفسك ماشى
فاطمة:: حاضر من عينى انتى تؤمرينى أمر كدا
و فعلا راحت حلم مصنعها بعد ما قالت لـ فاطمة تعمل ايه بالظبط و انها تخلص كل حاجة قبل رجوع فارس من شغله .. و وصلت المصنع و دخلت مكتبها بهيبتها و شموخها المعهود
هند:: استقبلتها بسعادة .. حمد الله ع السلامة يا استاذة حلم نورتى مكتبك و المصنع كله
حلم:: الله يسلمك يا هند .. ايه الاخبار
هند:: كله تمام و تحت السيطرة ماتقلقيش
حلم:: بأبتسامة .. عمرى ما أقلق طول ما انتوا معايا و يلا بقى فنجان قهوة مظبوطة من ايدك عشان فاطمة قلبتلى دماغى و أبعتى لـ حازم و الأء
هند:: حاضر تحت أمرك .. و بالفعل خرجت هند و بلغت حازم و الاء اللى جم بسرعة و سلموا ع حلم و بلغوها بكل حاجة حصلت طول فترة سفرها
حازم:: بس يا ستى كدا كل حاجة حصلت خاصة بالشغل قدامك أهى بالورقة و القلم .. عايزة تعرفى ايه تانى ؟؟
حلم:: البت هاجر أخبارها ايه .. رنيت عليها لما رجعت ما رديتش عليا
الاء:: هتتجوز أخيرا يا ستى و فرحها أخر الأسبوع و أكيد مشغولة
حلم:: امممم و انتوا سايبينها ليه
حازم:: مين قالك ياختى اننا سايبينها
حلم:: برفعة حاجب .. أومال انتوا هنا ليه فـ الوقت ده
حازم::بغيظ .. عشان الهانم مش موجودة و ماينفعش نسيب هنا
حلم::بغيظ .. ولا أظبط كدا الكلام و ماتجننيش ازاى يعنى مش سايبين هاجر و مش سايبين هنا
حازم:: برفعة حاجب .. هو انتى بقيتى غبية كدا من أمتى يا حلم
حلم:: من غير غلط احسنلك عشان ما ازعلكش يا حازم
الاء:: يا لومى يا حبيبتى أفهمى .. حازم طول الوقت هنا مهتم بكل حاجة لغاية ما ترجعى و انا طول الوقت مع هاجر مش سايباها و رجعت امبارح قولت يومين كدا اطمن ع حازم و ارجع لـ هاجر تانى
حلم:: لـ ألاء خلاص خليكى انتى عشان لوما الصغننة و انا هكمل مع هاجر
_________________________
فـ ڤيلا المزرعة
مر الأسبوع و حلم كانت مع هاجر طول الوقت و ساعدتها فـ كل حاجة خاصة بتجهيزات الفرح و يوم الفرح نفسه صممت انهم يرجعوا المزرعة و هاجر هتجهز فـ الڤيلا و كمان هيعملوا السيشن فيها و فـ المزرعة زى ما كانت هاجر بتتمنى
يوم الفرح
الاء و حلم مع هاجر و معاهم بنت ميك اب ارتيست جهزت هاجر و كانت اميرة فعلا بـ فستانها الأبيض و حجابها و شافتها
حلم:: بسعادة لـ هاجر .. قمر يا بنت اللذينا ماشاء الله ايه الحلاوة دى يابت الواد أمجد هيتلوح لما يشوفك
هاجر:: بغرور مصطنع .. يا ماما انا حلوة من غير حاجة و بعدين هو اساسا أتلوح من أول مرة شافنى و بقى ماشى مش شايف غيرى
ألاء:: بضحك .. تباً لتواضعك يا شيخة ههههههههههههه
حلم:: ههههههههه حاسبى بس يا الاء فى حتة تواضع وقعت منها هاتيهالها
هاجر:: بثقة .. انتوا بتتريقوا عليا طب دلوقتي تشوفوا
و فعلا بعد شوية خبط الباب و كان أمجد طالع ياخدها
حلم:: فتحت الباب .. برفعة حاجب خييير عايز ايه يا دكتور
أمجد:: عايز أخد عروستى شالله يخليكى
الاء:: وقفت جنب حلم و بـ مكر هاجر بتقول مش عايزة تتجوز
أمجد:: بصدمة .. نعععععم ده اللى هو أزاى يعنى
حلم:: اه زى ما سمعت كدا إلا إذا
أمجد:: إلا إذا ايييه
حلم:: إلا إذا شيلتها و صورتها و هى راكبة ع الحصان
أمجد:: بتنهيدة راحة .. بس كدا ده انا هصورها ع الحصان و الحمـ ـار و الجا موسة كمان عينى لـ هاجر
ألاء:: بضحك .. أدخل طيب خدها
أمجد:: بالفعل دخل و أول ما شافها تنح مكانه و من غير وعى .. حلم هو أنتى ممكن تاخدى ألاء و تخرجى من الأوضة دى و تسيبونا أسبوعين تلاتة كدا و لا حاجة
حلم:: نععععم ياخويا ده ليه ان شاء الله
أمجد:: ع نفس وضعه و عينيه ع هاجر .. هذا الجمر حجى ما أجدر و الله حد يشوفه غيرى
هاجر:: بخجل .. بجد يا أمجد عجبتك
أمجد:: يالهههههوى عجبتينى بس ده انتى لوحتي أمى وجننتينى بجمالك يا وردتى
حلم:: لـ الاء اتنين أجن من بعض فعلا .. و لـ أمجد يلا يا عم خد عروستك و انزل
أمجد:: و عينيه ع هاجر مش قادر ينزلها .. أنزلوا انتوا احنا قاعدين شوية
الاء:: بتريقة .. اصحى يا دكتور لسة حضرتك ما كتبتش الكتاب
و فعلا بعد ضحك و هزار أمجد نزل هو و هاجر و عملوا السيشن فـ جنينة الڤيلا و اسطبل الخيل و بعدها راحوا ع القاعة و والدها نزلها من العربية بنفسه و دخل سلمها لـ أمجد و اتكتب الكتاب و كان فرح جميل جدا و كله شقاوة و جنان و فـ نهايته حلم قالتلهم ان رحلة شهر العسل فـ الغردقة الجونة و خليج مكادى هدية منها ليهم
____________________________
فـ قصر فارس
فارس كان عامل الأرض اللى اشتراها و كمان القصر اللى بناه فـ البلد مفاجأة لـ أمه و أخواته و بالفعل
بعد مرور شهرين كمان قرر انه يروح المنصورة هو و أخواته و فعلا راحوا كلهم فارس و حلم و أدهم و أمل و سيف و عاليا و قصي و ياسمين و نجوى و كانت فـ استقبالهم عمته خديجة و فاروق جوزها بعد ما بلغها فارس انهم رايحين و أكد عليها ما تقولش لـ سلمى و خالد و جمال
خديجة:: بفرحة .. حمد الله ع السلامة يا حبايبى نورتوا بلدكم من تانى
نجوى:: البلد منورة بـ ناسها يا ديچة .. عاملين ايه
خديجة:: احنا بخير يا نجوى طول ما انتوا بخير
فاروق:: فارس باشا المنصورى حمد الله ع السلامة فـ بيتك يا فارس
فارس:: الله يسلمك يا فاروق عامل ايه انت
فاروق:: الحمدلله يا باشا كلنا بخير
أدهم:: و أنا يا جوز عمتى مافيش حمد الله ع السلامة ليا و لـ بطيختى حبيبتى و عينيه ع أمل و لا ايه
فاروق:: بهزار .. أهو عشان جوز عمتى دى لا مافيش و يلا بقى من هنا هنرش ماية ههههههههههه
أدهم:: بقى كدا يا فاروق مااااشى بس خليك فاكر انت اللى ابتديت ههههههههههه
سيف:: لـ أدهم يا عم أرحمنا انت و جوز عمتك و دخلونا بدل ما احنا واقفين فـ الشارع كدا
فارس:: استنى يا سيف شوية و لـ نجوى .. ماحدش هيدخل القصر قبلك يا ست الكل سمى بالله و أدخلى برجلك اليمين
نجوى:: بأندهاش .. قصر مين ده يا فارس يابنى
فارس:: باس راسها و ايديها .. بصى كدا شوفى مكتوب ايه عليه و انتى تعرفى
نجوى:: بترفع عينها هى و كل اللى واقفين و شافت فوق بوابة القصر العالية جدا يافطة مكتوب عليها قصر أحمد المنصورى .. و بدموع أنت اشتريته أمتى
فارس:: مسح دموعها حبيبتى انا بنيته مش اشتريته .. ايه رأيك فـ المفاجأة دى بقى
ياسمين:: بأنبهار .. فارس القصر ده بجد بتاعنا شكله يجنن
عاليا:: واااااااو لما ده شكله من برة اومال من جوة بقى عامل ازاى
فارس:: باس جبين اخواته البنات .. عجبكم يا بنات ؟؟
أدهم:: رد إلا عجبهم انت مش شايف بنفسك هما متنحين ازاى ده تحفة فنية يابنى .. بس فهّمنا عملت كل ده أمتى
فارس:: ندخل الأول و بعدين هحكيلكم كل حاجة
و بالفعل دخلت نجوى الأول و دخلت وراها خديجة و فاروق و بعدين بالترتيب فارس و حلم و أدهم و أمل و قصي و ياسمين و سيف عاليا
و انبهروا جدا من شكل القصر من جوة و كأنه قصر ملكى
نجوى:: اول ما دخلت القصر .. ماشاء الله اللهم بارك و لـ فارس ربنا يوسع عليك يا حبيبى و تملاه خير و بركة
فارس:: باس إيدها بوجودك فيه يا ست الكل
أدهم:: أنبهر بـ القصر .. اييييه ده يا فارس ماشاء الله ده و لا قصور الملوك ما قولتليش عملته أمتى ده
فارس:: تعالوا طيب نقعد و أحكيلكم كل حاجة
عاليا:: بأنبهار .. لاااااااااا مش قبل ما أتفرج الاول ع سفينة الأحلام اللى أحنا راكبينها دى
فارس:: بضحك ههههههههههههه اتفرجى يا ستى براحتك و لا اقولك يلا كلنا نتفرج ع القصر ع ما الغدا يجهز و بعد الغدا هحكيلكم كل حاجة
خديجة:: بسعادة .. خلاص اتفرجوا انتوا و انا هدخل المطبخ و أشوف قمر و ملك خلصوا الغدا و لا لسة
نجوى:: مين قمر و ملك دول يا ديچة ؟
خديجة:: دول يا ستى بنتين أخوات يتامى لا أب و لا أم مالهمش حد و عايزين ياكلوا عيش بالحلال
فارس:: كويس يا ديچة انك جبتيهم هنا زى ما قولتلك
فاروق:: انا من وقت ما انت قولت عليهم و انا متابعهم و بمجرد ما خلص القصر و تجهيزاته بعتلهم عمتك كلمتهم و من امبارح بيحضروا كل حاجة لما عرفوا انكم جايين
حلم:: بأندهاش .. لـ فارس انت تعرفهم منين يا فارس
فارس:: باس جبينها .. دول يا حبيبتي يبقوا بنات عوف عامل البوفيه اللى كان فـ القطاع هنا و الراجل مات و بعده بكام شهر مراته و البنتين مالهمش حد زى ما قالت خديجة و لما عرفت قولت لـ فاروق ياخد باله منهم هو و ديچة لغاية ما نيجى احنا و نشوفهم
نجوى:: ربنا يراضيك يابنى و يجبر بخاطر دايما زى ما انت جابر بخاطر الغلابة
فارس:: باس ايدها و راسها .. تسلميلى يارب يا نوجة و يارب ما يحرمنيش من دعواتك الغالية يا قلب فارس
أمل:: لـ فارس بقولك يا عم العيال انت هتفرجنا ع سفينة الفضاء دى و لا نطير احنا نتفرج عليها لوحدنا
ياسمين:: بتخبط كف ع كف .. لا حول ولا قوة إلا بالله .. واحدة تقول سفينة الاحلام و التانية تقول سفينة الفضاء ماترسوا ع بر يا بنتى منك ليها بدل لفة الدماغ دى
فارس:: ههههههههههه سيبيهم يا سمسمة براحتهم و يلا بينا كلنا نتفرج
و بالفعل لفوا اتفرجوا ع القصر كله بداية من الليڤنج و الصالون و السفرة و اوضة المكتب و طلعوا الدور التانى شافوا الجناح بتاع فارس و الجناح بتاع نجوى و باقى الأوض و كل واحد فيهم أختار أوضته و نزلوا اتفرجوا ع الجنينة و قرروا يتغدوا فيها من جمالها و وسعها و فعلا اتغدوا و بعد الغدا
أدهم:: لـ فارس أحكيلنا بقى عملت كل ده امتى و ازاى
فارس:: بص يا سيدى الموضوع ابتدى بعد سفرنا السويس بفترة تحديدا فـ الوقت اللى كنت اتصبت فيه و قعدت وقت كبير ما انزلش شغلى .. اللى حصل وقتها
“فلاش باك”
فـ ڤيلا المزرعة
فارس قاعد سهران فـ الجنينة و طلع موبايله و اتصل بـ فاروق
فارس:: الوو روقة حبيبى يا جوز عمتى
فاروق:: بغيظ .. هزعلك لو قولتها تانى يا فارس
فارس:: بغباء مصطنع .. هى ايه دى يا جوز عمتى اللى هتزعلنى بسببها
فاروق:: جوز عمتى دى لو قولتها هزعلك انا بقولك اهو
فارس:: هههههههههه انا مش عارف بس بتغيظك ليه الكلمة دى بس يا روقة
فاروق:: مابحبهاش يا عم انا حر الله
فارس:: خلاص ماتزعلش المهم عامل ايه و ديچة و الولاد عاملين ايه
فاروق:: كلنا بخير يا بطل انت عامل ايه طمنى عليك و ع ام فارس و اخواتك
فارس:: ام فارس و أخواته و فارس نفسه بخير و لا ينقصنا إلا رؤياكم
فاروق:: ان شاء الله قريب هنيجى ناخد يومين معاكم
فارس:: أخبار خالد و جمال ايه لسة واكلين نفسهم عشان الأرض و الورث
فاروق:: بتنهيدة .. عمرهم ما هيتغيروا ربنا يهديهم ع نفسهم
فارس:: ربنا يهديهم .. المهم بقى يا روقة انا عايز منك خدمة
فاروق:: من عينى يا فورس أؤمر
فارس:: الأمر لله .. انا عايزك تشوف الـ 50 فدان اللى ع حدود الناحية الشرقية و مهما كان السعر المطلوب أشتريهم
فاروق:: انت عايز تشترى أرض يا فارس ؟؟
فارس:: اه يا فاروق و مش أى أرض انا عايز الارض دى بالذات
فاروق:: و أشمعنى الأرض دى بالذات ؟؟
فارس:: لأنها ع حدود الأرض اللى كتبهالنا جدى أنا و أخواتى .. عايز أبنى قصر فـ و سط الـ 100فدان بالظبط يبقى نصه فـ أرضنا و نصه التانى فـ الارض الجديدة فهمت ليه الأرض دى بالذات
فاروق:: خلاص اشوفلك صاحبها و اشتريهالك
“عودة للوقت الحالى”
فارس:: و فعلا مافيش أسبوعين و كلمنى فاروق و قالى خلاص كلم صاحب الأرض و الراجل موافق ع البيع و نزلت أخدت يومين من غير ما حد يعرف حتى انتوا و أشتريت الأرض و سجلتها و رجعت بعد ما كلمت المهندس اللى بنى القصر
أدهم:: أستنى بس عشان دماغى لفّت .. انت عايز تفهّمنا انك فـ يومين أتنين سافرت و أشتريت و سجلت و كمان اتفقت ع بُنى قصر بالحجم ده
فارس:: أه طبعا .. يابنى انت ناسى انا مين و شغال فين و لا ايه
سيف:: اممممم بتستغل منصبك يعنى يا باشا
فارس:: بلااااش انت يا سيفو ماشى .. و بعدين عمرى ما أستغليت منصبى و لا مكانى بالعكس انا بتعامل بشكل طبيعى جدا و الموضوع أكيد كان فاروق مخلصه و كان واقف بس ع أمضتى و تسجيل العقود و بالنسبة للمهندس كنت بتواصل معاه من وقت ما قررت اشترى الأرض و من خلال النت كنت بختار معاه التصميمات بتاعة القصر و كل تفاصيله و طبعا لما روحت كان رسم تصميمات القصر و عمل الماكيت ( نموذج مصغر) و برضوا اتفقت معاه و خلصت كل حاجة و بعد كدا فاروق بقى مسؤول ع كل حاجة و انا بعيد
قصي:: طيب أفرض كان صاحب الأرض رفض يبيع كنت هتعمل ايه
فارس:: و لا حاجة كنت برضوا هابنى القصر بس ع الأرض بتاعتنا اللى كتبها جدى
ياسمين:: ليه قصر يا فارس مش ڤيلا
فارس:: بص لها بحنان .. عشان ولاد أحمد المنصورى ما ينفعش يعيشوا فـ أقل من قصر
عاليا:: يعنى هنرجع نعيش هنا تانى يا أبيه
فارس:: و عينيه ع حلم اللى ساكتة طول الوقت و كأنه حس بخوفها .. لأ يا لولى هنرجع السويس تانى كلنا حياتنا خلاص ارتبطت بـ هناك ماينفعش نغيرها تانى
أدهم:: طيب ليه بنيت القصر بالشكل ده طالما مش هنرجع هنا تانى
فارس:: رسالة يا أدهم و أعتقد انها وصلت لـ صاحب نصيبها و لـ فاروق مش كدا يا روقة
فاروق:: وصلت يا فارس و هيتجنن من وقتها ههههههههههه
نجوى:: جواها .. ربنا يستر من اللى جاى
فارس:: أنتبه ان نجوى و حلم ساكتين .. لـ نجوى مالك بس يا ست الكل ساكتة ليه .. و لـ حلم حبيبى سرحان فـ ايه
حلم:: مافيش حاجة بس بسمعك مش أكتر
فارس:: ضمها فـ حضنه بيطمنها .. انا عارف بتفكرى فـ أيه ماتقلقيش من أى حاجة .. و لـ نجوى و انتى ياست الكل
نجوى:: خايفة عليك يا حبيبى أنت مش قد شره يابنى
فارس:: قام و باس راسها .. ماتخافيش يا أمى ماعندوش حاجة يعملها .. و ما يقدرش اصلا يعمل حاجة
أدهم:: بص لـ فارس كأنه أستوعب أخيرا كل اللى قاله فارس .. و بخوف ظاهر لدرجة ان الكل استغرب .. لأ يا فارس مش هسحملك انت فاهم مش هسمحلك تقف قصاده و يلا نرجع السويس حالا
فارس:: وقف و حط إيده ع كتف أدهم .. أنا عارف انك خايف عليا بس لازم الحق يرجع لـ أصحابه و الحقيقة تبان
أدهم:: بدموع شد فارس لـ حضنه .. بلاش عشان خاطرى أرجوك يا فارس أحنا مالناش غيرك
فارس:: خرج من حضنه .. أدهم المنصورى مش ضعيف عشان يخاف كدا و لازم تبقى واثق انك طول ما انت فـ ضهرى و انا و انت واقفين كتف بـ كتف مافيش حد هيقدر علينا انت فاهم .. ربنا قال فـ كتابه الكريم
أعوذ بالله من الشيطان الرجيم
﴿ قَالَ سَنَشُدُّ عَضُدَكَ بِأَخِيكَ وَنَجْعَلُ لَكُمَا سُلْطَانًا فَلَا يَصِلُونَ إِلَيْكُمَا ۚ بِآيَاتِنَا أَنتُمَا وَمَنِ اتَّبَعَكُمَا الْغَالِبُونَ﴾
[ سورة القصص: 35] فاروق:: فارس عنده حق يا أدهم طول ما انتوا الاتنين أيد واحدة ماحدش هيقدر يعملكم حاجة
خديجة:: صح جدا يا فاروق .. و قربت من أدهم انا عارفة أنك خايف ان اللى حصل زمان يتكرر تانى بس انا بأكد لك كلام فارس و فاروق مش هيحصل طول ما كتفك فـ كتف أخوك
سيف و عاليا و أمل و ياسمين و قصي قاعدين مش فاهمين حاجة
أدهم:: بصريخ و كأنه كان مستنى حد يدوس ع وجعه .. افهموووونى بقى مش هقققدرررر انا ماعندييييش استعداد اخسر أخويا الوحيد زى ما خسرت أبويا زمان و أتحرمت منه و انا و أخواتى و أحنا صغيرين
فارس:: لـ أدهم بزعيق .. فوووق بقى يا أدهم .. خلاص آن الآوان ان الحق يرجع لـ أصحابه أحنا استنينا 20 سنة عشان اللحظة دى .. هتيجى دلوقتي و تتراجع
أدهم:: بدموع .. ما كنتش أعرف انها صعبة كدا يا فارس صدقنى صعبة أوى مش قادر حتى أتخيلها
فارس:: بحنان مسح دموع أخوه .. حبيبى أنا مقدر خوفك بس خلاص أحنا رجعنا ناخد حقنا و حق أبونا من اللى ظلمونا و صدقنى مافيش خسارة تانى و ده وعد منى بس خليك معايا إيدك فـ إيدى
أدهم:: خلاص يا فارس معاك مافيش تراجع و لا استسلام و زى ما تيجى تيجى بقى
فارس:: أيوا كدا هو ده أدهم المنصورى اللى متعود عليه
عاليا:: الله بقى جرا أيه يا بشر ما تفهمونا الفيلم الهندى اللى حصل ده لييييه
أدهم:: خبطها ع دماغها بخفة .. و انتى من أمتى بتفهمى يا قردتى
فارس:: مسكها من ودانها .. أنتى يا بت انتى مش ناوية تعقلى شوية .. بقى انا و أخوكى بنعمل فيلم هندى
عاليا:: أى أى ودنى يا أبيه .. مش انتوا اللى بتقولوا كلام مش مفهوم زى الهنود عايزنى اقولك ايه يعنى
فاروق:: هى البت دى دماغها لسة لاسعة حتى بعد ما اتجوزت ههههههههههههه
فارس:: هتعقل ازاى و جوزها أجن منها
سيف:: طيب ليه الغلط بس قصاد الراجل الكُبارة ده يا أبو نسب
فاروق:: لـ سيف تقصد مين يا أخ بالكُبارة أوعى يكون أنا .. أزعل و أجيب ناس تزعل
ياسمين:: معلش يا عمو سيف ما يعرفش انك أصغر مننا ههههههههههههه
فاروق:: لـ خديجة بنت أخوكى دمها يلطش يا ديدى .. انا بقول يلا بينا أحسن قبل ما يبتدوا يحفلوا زى عوايدهم
فارس:: و ايه الجديد يعنى ما انت متعود يا روقة ههههههههههههه
فاروق:: يا عم انا هاخد مراتى و أمشى بلا متعود بلا نيلة قال كُبارة قال .. ده ناقص يقول يا أبا الحاج يلا يا ديچة نمشى
و فعلا مشى فاروق و خديجة بعد ما قضوا وقت جميل كله ضحك و هزار و فارس و أخواته كل واحد طلع أوضته منهم اللى قلقان و خايف و منهم اللى مش فاهم حاجه بس الكل مستنى اللحظة اللى بسببها فارس عمل كل ده
_______________________
فـ بيت سالم المنصورى
قاعد خالد فـ المكتب بيفكر ازاى يخلص من فارس بعد ما عرف انه رجع البلد و رجع بتفكيره لـ يوم ما عرف بالحفر
“فلاش باك”
جمال:: لـ خالد عرفت ان الحاج غريب باع أرضه ؟
خالد:: أه عرفت
جمال:: بيقولوا انه سافر راح أمريكا عند أبنه و مش هيرجع تانى عشان كدا باع أرضه كلها مرة واحدة
خالد:: أحسن أهو غار فـ دا هية و ريحنا من قرفُه بس ما تعرفش مين اللى اشترى الأرض
جمال:: لا ما عرفتش
خالد:: فجأة رن موبايله و هو بيقول لـ جمال حاول تعرفلنا مين اللى اشتراها و بعدها رد .. الووو
الغفير:: الووو خالد بيه فى حفر شغال ناحية الأرض الشرقية
خالد:: بعصبية .. أنت بتقول ايييه يا بهـ يم أنت
الغفير:: اللى سمعته يا بيه و لما سألت عرفت انهم بيحفروا عشان يبنوا بيت كبير
خالد:: الحفر ده فين بالظبط فـ أرضنا و لا أرض الحاج غريب
الغفير:: لأ يا بيه الحفر فـ أرض سعادتك
خالد:: وقف و بغـ ـضب أنننتتتت بتقووووول اييييييييه يا غفير الغبرة انت
الغفير:: زى ما سمعت يا بيه
خالد:: طب أقفل يا جلاب المصاايب خلينى اشوف المصيبة دى
“عودة للوقت الحالى”
فاق من شروده ع صوت
سلمى:: انت هنا و انا دايخة عليك
خالد:: دايخة عليا ليه يا سلمى خير
سلمى:: عرفت ان فارس رجع هو واخواته البلد؟
خالد:: بغيظ .. اه عرفت
سلمى:: طيب و ناوى ع ايه
خالد:: ما تقلقيش قريب أوى هتسمعى أخبار حلوة بس الصبر يا أم شروق الصبر
سلمى:: و انا مستنية بفارغ صبر يا خالد .. و سابته خرجت من المكتب
خالد:: بعد ما خرجت أخته رجع تاني لـ شروده
“فلاش باك”
خالد:: بزعيق.. جمااااااال انت ياااااااا جماااااال
جمال:: بتوتر جه جرى .. فـ فـ فى اااييييه يـ يـ يا خالد
فاروق:: واقف مع المهندس و عُمال الحفر
خالد:: بغـ ـضب .. فااااارررووق ايه اللى انت بتعمله ده .. و مين أذنك تحفر فـ الأرض و ميييين دوووول
فاروق:: ببرود .. هكون بعمل ايه يا خالد يعنى زى ما انت شايف بحفر
خالد:: بقوووولك اييييييه ما تعصبنييييش و كلمنى زى ما بكلمك .. بتحفررررر فـ الأرض لييييييه و مين أذنك
فاروق:: بحفر فـ الأرض عشان هابنى عليها قصر .. أما بقى مين اللى أذن لى صاحب الأرض بنفسه
خالد:: بعصبية أكتر و يبقى مين بسلامته ان شاء الله و لا تكونش مراتك هى اللى قالتلك
فاروق:: تؤتؤتؤتؤ .. صاحب الأرض يبقى و ببطء و داس اوى ع الاسم فارس أحمد سالم المنصورى
خالد:: قصدك اييييه انطق قبل ما أد فنك مكانك
فاروق:: مش جديدة عليك عملتها قبل كدا .. و عموما عشان أريحك فارس اشترى أرض الحاج غريب كلها و معاه تصريح بـ البُنا و تحت حراسة مشددة
“عودة للوقت الحالى”
خالد:: فاق من شروده و خبط بـ إيده ع المكتب بغيظ .. لما نشوف يا فارس يا أنا يا أنت يا أبن أحمد و مسيرى أخلص منك زى ما خلصت من أبوك من 20 سنة
بقلمى✍️_________________لبنى دراز
ياسمين:: لازم تقتـ ـلهم فاااااهم لاااااازم يمووووتوووا كلهم
- يتبع الفصل التالي اضغط على (رواية العشق الابدي) اسم الرواية