رواية بنت الغير شرعية كاملة بقلم ياسمين عبر مدونة دليل الروايات
رواية بنت الغير شرعية الفصل الثامن و العشرون 28
قالي خلاص راها يما حكاتلي كلش صايي مصرا والو قتلو كيفاه مصرا والو اليوم حرقت حوايجي وغدوة منعرف واش دير عيط عليا خلاص سكتينا قتلك مراح يزيد يصرا والو ديجا راني هدرت معاها وعلابالها كون تغلط هذي المرة والله تخلصها غالية سكت وخليتو ، الغدوة رحت قريت نهار سامط وزاد ملقيتش أستاذ نخدم عندو المذكرة ترنكت قاع عشية كي جابني يوسف للدار شافني مش مليحة سقساني واش بيك قتلو ملقيتش أستاذ مؤطر قالي شوفي فلان قتلو محبش قالي راني شاد 6 مذكرات بزاف عليا جبد تيليفونو عيط وبقى يهدر حتى سمعتو قالو راها المدام جات ليك على جال المذكرة قالو لالا مجاتش قالو يوسف جات ليك كيفاه وانا بعثتعالك ولى يحلف قالو معرفتهاش وقوللها غدوة تجيني الغدوة رحت ليه كيفاه ولى يقزبلي ويتحيلي تحسب مش هو لي سمانة وانا نجري من وراه ، هكا تهنيت وليت مع القراية لاباس مالين الدار هداهم ربي خطاوني ويوسف نفس ما كنا يديني الصباح يرجعني العشية ويعاود يخرج ميدخلش حتى نص ليل صح ميجيش سكران
يتمايل بصح فيه ريحة الشراب يا لوكان شارب كاس ولا زوج عيات عجوزتي معاه ادخل بكري والو رجعت هدرت معايا قاتلي زيري راجلك ضوك يدوهلك قتلها في قلبي شا نزير فيه خلي يدوه ونتهنى منو من نهار عرفتو يبات مع النسا عفتو وكرهتو وليت الرقاد منرقدش معاه في نفس السرير نرقد على الفوتاي ، وحد اليوم انا راقدة في بلاصتي سمعت الحس فالهول شوية دخل يوسف ريحة الشراب سابقاتو ودخلت من وراه آمال لابسة بيستي بالشورت يا ديني شا راها دير هذي درت روحي راقدة مع كان الضو طافي غير لضواو الخفاف شاعلين بقات تلوح في روحها عليه وتحاول فيه يا يوسف علاه دير معايا هكا واش خصني عليها بالعكس أنا خير منها في كلش وزيد نحبك شوف راهي راقدة وخلياتك أنا لي نبات نستناك حتى تدخل يا يوسف حنوني والله منقولك تزوجني المهم كون معايا جات تبوسو طبعها يا الق#بة شاراها تحوس جيت نوض ليها لقيتو خرجها قاللها طيري عليا علاه متفهميش معينيش فيك ودخل طاح طول رقد وانا النار شعلت فيا الخامجة الرخيسة جاية حتى لشومبرتي ومعرية روحها هبلت عييت نتقلب والو من القلق النفس ضاقت فيا جيت فالبالكون وقعدت فالمرجيحة حتى بان الحال باه دخلت جيت في بلاصتي وتكسلت نستنى فيه غير ينوض ، غير ناض طرت ليه واش التقح#ين نتاعك هذا خلاص بطلت من
برا كان خاص غير تجيبهم ت#####كهم قدامي ضربني بكف يدو على فمي سقمي قسام فمك على الصباح ودخل للدوش دخلت وراه وكي منسقمش واش راح دير قول قالي اخرجي عليا وخرجني غير خرج عاودت لسقت معاه قتلو كيفاه تخلي خامجة كيما هذي تدخل لشومبرتي وباغياتك ……. قدامي قالي بلعي واش حبيتيني ندير ربي باليني غير بالق#بات وكي راكي تعايري فيها نسيتي روحك وخرج وخلاني يا نندب راه يقارن فيا بيها كيفاه يقولي هدرة كيما هذي والله اليوم نفريها معاه اليوم يا قاتل يا مقتول بصح اصبر لازم نفريها مع الخانزة لخرى يا ربي يغصبو يخرجو الرجال واليوم كان مدرتلهاش سعدها في يدها منيش بسمة بنت حليمة وحرام فيا حليب ماما لي رضعتو ،هبطت لتحت نتقهوا ونستنى فيهم يروحو مجاو يخرجو حتى قريب خرجت مني الروح خرج شيخي هو التالي ونعطيها بجرية كيفاه طلعت ذوك الدروج منعرف زدمت ليها لشمبرتها نلقاها راقدة بقيت نوض فيها نوضي يا خامجة نوضي يا فرخة لي متحشميش ناضت قاتلي راكي عليا قتلها لالا على ختك وقيلا نظن نتي لي البارح كنتي تحاولي في يوسف باه ي…………ك تلمو علينا كي سمعو عياطنا جات أميمة تجري بسمة واش بيك واش كاين قتلها سقسي لالة ختك شا كانت دير فنص ليل فشومبرتي قاتلي عجوزتي واش جات دير عندكم قتلها لالا
نصححلك جات لوليدك يبردها مش لينا قاتلي يا طفلة احشمي شاراكي تهدري قتلها واه الخامجة جاية ليه عريانة ونحاول فيه باه يرقد معاها قاطعتني يماها بلعي فمك وبركاي متطلقي في هبالك علينا مش مقدرتيش عليه كل يوم يجيك طافي وشابع من برة بغيتي تلصقي بنتي قتلها مالا باغية نلصقها ضوك نوريلك فتحت تيليفوني وسمعتهم هدرتها نتاع البارح معاه قراتني الدنيا بلي ماندير لامان في حتى واحد والبارح استغليت الفرصة وسجلتهم قلت اونكا او نحتاجهم هذي دنيا ،غير سمعت بلي مسجلتهم خطفت التيليفون من يدي باه ميسمعوش الباقي وجات تحكمني من شعري ياه حتى أنا كنت نحوس عليها ونشدها من شعرها درتها تحتي قتلتها بالهراوة والزعاف لي كان فيا قاع خرجت منها بصح خرجها فيا سي يوسف بالدوبل.
- يتبع الفصل التالي اضغط على ( رواية بنت الغير شرعية ) اسم الرواية