رواية نجمة في الصعيد كاملة بقلم ملك نصر الله عبر مدونة دليل الورايات
رواية نجمة في الصعيد الفصل الثامن و العشرون 28
في المطار
حمزه كان واقف متوتر ، والشباب كانوا بيهزروا
شوية وزين كان جاي عليهم
حمزه راحله بفرحة وحضنه
زين عيط: واحشتني يا حمزة
حمزه بحب: وانت يا حبيبي ، متعيطش يا زين
مراد بحب: يا ابني الواحد فخور انك ابن عمه
زين بحب: واحشتني يا ميرو
عز ضحك: ايوة بقاااا بتتريق علي عزوز بقيت ميرو
مراد بحنق: اسكت ياض
عز حضن زين: بقيت ظابط قد الدنيا وليك اسمك تجيبلي حقك من اخوك ومن مراد
زين ضحك: من عنيا
اسر حضن زين بحب: واحشتني يااض ، وآية الحلاوة دي ، مش كل اللي بيسافروا بيحلوا ولا علشان ظابط
زين بحب: تسلم يا صاحبي
حمزة بهدوء: يلا
حمزه اخدهم ومشيوا
في البيت
زين كان واضح عليه التوتر وهو داخل راح حمزه مسك ايده ، زين بصله وحمزه إتك علي عينه كأنه بيطمنه .
حمزه دخل راح عند نجمه وقف جنبها راحت قالت
نجمه بتوجس: قول الحق مين ساق
حمزة ابتسم: مراد واحنا رايحين وأسر واحنا راجعين
نجمه بخفوت: اشطر كتكوت بيسمع الكلام
حمزه ابتسم من تحت لتحت وقال في سره(واللهِ متجوز طفله ، هتخلف البيبي ويبقي عندي اتنين)
نجمه بخفوت: حمزه دا زين
حمزه هز راسه راحت كملت: قمور واللهِ
حمزه بصلها بحدة وقال: افصلي علشان بقيتي بتعُكي في الكلام
نجمه بتوتر: حقك عليا دي لغبطه في الهرمونات واللهِ
حمزه مردش عليها وهي سكت بتوتر
زين دخل راحت فاطمه جريت عليه وفضلت تبوس في وشه وتحضنه
فاطمه بعياط: واحشتني يا زين ، هونت عليك تبعد عني كل دا
زين بدموع: واحشتني يا فطومه ، حقك عليا متزعليش مني
فاطمه بحنيه: مش زعلانه منك يا حبيبي ، دانتَ الغالي
زين قرب من رضوان بتوتر ورضوان كان بيبصله بس ثواني وقام حضنه ، زين خبي وشه في رقبة باباه وعيط
زين عيط وقال بخفوت: حقك عليا ياحاج رضوان
رضوان مسح وش زين بحب: مش زعلان منك يا ولدي ، كفي بُكي بقا معيزش حد يشوفك وانت بتبكي
فريال شدت زين بخفه: وعمتك موحشتكش عاد ، بَعد يا رضوان
زين بحب: لا طبعاً وحشتيني ، انت الخير والبركة
ابراهيم قرب منه وحضنه بحب: حمدالله على السلامه يا حضرت الظابط
زين بحب: الله يسلمك يا عمي
هدي ضحكت: تعالا سلم عليا يا زين باشا ولا نسيتني
زين راحلها وحضنها: اجيلك علي عيني ، واحشتيني يا هودهود
هدي بحنية: تسلملي عيونك ، وانت واحشتني قد الدنيا
ميرنا بهمس: هو واحشتينى و وحشتني دي مش هتخلص بقا انا جضيت
شرين بهمس زيها: اسكتي الواد بقاله 7 سنين مسافر طبيعي هيقول واحشتيني و واحشني
سارة بهمس: الواد اوسم من توم كروز نفسه
شيرين بخفوت: اتنيلي مراد لو سمعك هيخانق معاكي
سارة بتوتر: و استاذ مراد ماله بيا
شيرين بحنق: الواد طالب ايدك انا غلطانه ياختي
بعد مرور القليل من الوقت ، كانوا قاعدين علي السفرة والبنات بتحط الاكل
حمزه طلع غير هدومه ونزل كانت نجمه بتحط معاهم حمزة قالها بخفوت: اقعدي انتي تعبانة هما بيحطوا
نجمه بخفوت: بقيت كويسة الحمدلله ، صالحتني يا حمزاوي
حمزه هز راسه بمعني “لا” نجمه كشرت وراحت تجيب الاكل معاهم ، شوية والبنات حطت الاكل وقعدوا عالسفرة
زين بخفوت: انا مش عارف حد في البنات مين ولاد عمي ومين مرات زين ، هما مالهم اتغيروا كدة ليه
عز بهمس: بُص يا زين باشا ، دي شرين اختي الكبيرة بقت مرات أسر ، ودي نجمه بنت ابن عمتك فريال ومرات حمزة اخوك ، ودي سارة صاحبة نجمه بس الواد مراد هيجوزها انا حاسس كدة ، ودي أختي الصغيرة ميرنا الصغيرة
زين في نفسه(اسمها ميرنا خسارة فيها الاسم)
عز: سرحت فين ياباشا
زين: معاك ، بطل بقا يا باشا دى
عز بخفة: مانتا باشا يابني انت ظابط مخابرات وليك وضعك يابني
زين ابتسم: حبيبي
فاطمه كانت بتشيل كفته وبتحطها قدامه: كل الكفته دي يا زين ، انت بتحبها
زين بحب: تسلميلي يا فطوم
نجمه بخفوت: حقك عليا يا حمزه
حمزه بهدوء: لما نطلع نبقي نتكلم
نجمه هزت راسها وهي مكشرة
شوية وخلصوا اكل وقعدوا شوية وكل واحد طلع اوضته
عند حمزة
نجمه بحنية: تعبت انهاردة صح ، اقعد بقا هات فيلم وهعملك حاجة حلوة
حمزه ابتسم من تحت لتحت: انا صالحتك لسه ؟؟
نجمه كشرت: لا ، حقك عليا دي واللهِ بتبقي زله لسان
حمزه بحده مصطنعه: بتغلطي كتير ، وكل شوية تعيدي في الغلط
نجمه عيطت: ما قولتلك زله لسان
حمزة قرب منها واخدها في حضنه: خلاص طيب بطلي عياط
نجمه: لما تصالحني هبطل
حمزه بحنق: انتي انتهازية علي فكره
نجمه بحب: واللهِ ابدا ، علشان بحب وجودك
حمزه ابتسم: وانا بحبك
نجمه شدته من ايده عالمطبخ بحماس: تعالا بقا ، هعملك كيكه العشر دقايق
حمزه قعد عالرخامه وهي قالت: احكيلي بقا عملت اية في يومك الطويل العريض
حمزه ابتسم بحب: صحيت علي وش بنت جميله ، اجمل واحدة في عنيا اصلا ، بعدين روحت الشغل رجعت من نصي شغلي علي خبر أن البنت الجميلة دي هتجيلبي نونو صغير شبهها كدة ، بعدين روحت جبت ابني من المطار
نجمه ضحكت: هتغر عليك يا حمزاوي عفكرة
حمزه بغزل: انت تتغر براحتك يا جميل
نجمه ضحكت: انا بحبك ياجدع انت
حمزة ابتسم: وانا بعشقك لا عديت العشق بمراحل
- يتبع الفصل التالي اضغط على ( رواية نجمة في الصعيد ) اسم الرواية