رواية العشق الابدي كاملة بقلم لبنى دراز عبر مدونة دليل الروايات
رواية العشق الابدي الفصل الثامن و العشرون 28
{جوامع الدعاء}
{رَبَّنَا آتِنَا مِنْ لَدُنْكَ رَحْمَةً وَهَيِّئْ لَنَا مِنْ أَمْرِنَا رَشَداً }
{رَبِّ اشْرَحْ لِي صَدْرِي* وَيَسِّرْ لِي أَمْرِي }
{رَبِّ زِدْنِي عِلْماً}
{ رَبِّ أَنْزِلْنِي مُنْزَلاً مُبَارَكاً وَأَنْتَ خَيْرُ الْمُنْزِلِينَ }
{ رَبِّ أَعُوذُ بِكَ مِنْ هَمَزَاتِ الشَّيَاطِينِ * وَأَعُوذُ بِكَ رَبِّ أَنْ يَحْضُرُونِ }
{ رَبَّنَا آمَنَّا فَاغْفِرْ لَنَا وَارْحَمْنَا وَأَنْتَ خَيْرُ الرَّاحِمِينَ}
{ ربنا اصرف عنا عذاب جهنم إن عذابها كان غراما}
{ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَاماً }
{ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحاً تَرْضَاهُ وَأَصْلِحْ لِي فِي ذُرِّيَّتِي إِنِّي تُبْتُ إِلَيْكَ وَإِنِّي مِنَ الْمُسْلِمِينَ }
{ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحاً تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ }
{رَبَّنَا اغْفِرْ لَنَا وَلِإِخْوَانِنَا الَّذِينَ سَبَقُونَا بِالْإِيمَانِ وَلا تَجْعَلْ فِي قُلُوبِنَا غِلّاً لِلَّذِينَ آمَنُوا رَبَّنَا إِنَّكَ رَؤُوفٌ رَحِيمٌ}
العشق الأبدي بقلمى✍️__________لبنى دراز
فـ جناح فارس
فارس:: بعد ما مشي فاروق و خديجة طلع الجناح بتاعه و قعد ع السرير بتعب و رجع بضهره لـ ورا و سند راسه ع إيده و باله مشغول بـ أصعب مواجهة فـ حياته
حلم:: قعدت جنبه و بأبتسامة .. حبيبى باله مشغول بـ إيه و مش معايا خالص كدا و سايبنى
فارس:: و هو ع نفس وضعه بس لف راسه ناحيتها بأبتسامة .. انا عمرى ما أنشغل عن حلم عمري مهما كان اللى بفكر فيه
حلم:: بأهتمام .. ممكن حبيبى يشركنى معاه و يقول لـ حلم عمره بيفكر فـ إيه كدا
فارس:: بفكر فـ اللى جاى يا حور
حلم:: خايف ؟؟
فارس:: بتنهيدة .. قلقان
حلم:: تحب نرجع ؟؟
فارس:: بص قدامه و غمض عينيه بوجع .. مش قبل ما أخد حق أبويا من اللى قتـ لوه و يتمونى أنا و أخواتى و أحنا صغيرين و حرمونا من حضنه و احنا كنا فـ أشد الاحتياج ليه
حلم:: هتعمل معاهم ايه ؟؟
فارس:: هكشف المستخبى و بالأدلة
حلم:: بأندهاش .. معقول !! انت معاك أدلة عليهم
فارس:: أتعدل فـ قعدته و بصلها .. أه يا حبيبتى معايا أدلة اومال انتى كنتى فاكرة انى هواجهم من غير ما يكون معايا ع الأقل دليل واحد ضدهم
حلم:: أدهم كان عارف من زمان زيك و لا قولتله من قريب
فارس:: أدهم كان عارف اللى سمعه من جدى بس لما كان بيتخانق مع خالد فـ اوضة المكتب لكن مايعرفش بالأدلة اللى معايا
حلم:: و ليه ما قولتلهوش عنها
فارس:: حاولت أبعده ع قد ما أقدر يا حور و فهمته اننا سمعنا غلط و ان مش بابا اللى مقصود بالكلام ده
حلم:: اممممم فكرة برضوا بس انت كنت صغير وقتها ازاى جه فـ بالك انك تقوله كدا
فارس:: خوفت عليه يا حور .. أدهم كان متهور و هو صغير و لو عرف ما كانش هيسكت و كان ممكن يقتـ لوه زى ما قتـ لوا بابا
حلم:: تفتكر صدقك يا فارس ؟؟
فارس:: أكيد لأ .. بس سكت لغاية ما كبرنا و كل واحد دخل الكلية اللى عايزها لاقيته سألنى فـ الموضوع ده تانى و حلفنى برحمة بابا أقوله الحقيقة
حلم:: و قولتله
فارس:: أكيد طبعا بس برضوا ما قولتش ع الدليل اللى معايا
حلم:: و البنات ماتعرفش؟؟
فارس:: ماحدش كان يعرف غيرى أنا و أدهم بس و أكتشفت بعد كدا ان ماما كانت عارفة لما اتنقلنا من المنصورة و انتى لما حبيتك حكيتلك
حلم:: أعتقد آن الآوان ان البنات كمان تعرف خصوصا بعد اللى حصل تحت بينك انت و أدهم
فارس:: خايف عليهم
حلم:: قعدت قصاده .. حبيبى ده حقهم انهم يعرفوا و بعدين خلاص كبروا و اتجوزوا و ماشاء الله سيف و قصي مش قليلين هيقدروا يحموهم من أى خطـ ـر ده غير أنك موجود انت و أدهم ربنا يخليكم ليهم يعنى كل واحدة فيهم فـ ضهرها 3 رجالة يسدوا عين الشمس
فارس:: و أنتى خايف عليكى يطولك أذى من أعمامى وقتها مش هستحمل خسارتك
حلم:: بفخر .. يا حبيبى انا ما يتخافش عليا
فارس:: و ده ليه بقى ان شاء الله
حلم:: عشان انا ورايا كل الرجالة يا باشا
فارس:: بغيرة .. نعععععم ياختى رجالة مين دى اللى وراكى ان شاء الله
حلم:: و هى مستمتعة بغيرته .. رجالة العالم كله يا حبيبى هو انا اى حد برضوا
فارس:: بغيظ منها .. بت انتى ما تجننينيش و قولى مين الرجالة اللى وراكى
حلم:: قامت و هى بتضحك ههههههههههههه شوف انت بقى
فارس:: شدها من إيدها وقعها عليه .. بت أظبطى كدا و انطقى احسنلك
حلم:: و عينيها فـ عينيه .. أنت يا فارس بكل رجالة العالم و طول ما أنت فـ ضهرى أنا فـ أمان ربنا ما يحرمنيش منك أبدا يا حبيبى
فارس:: جننتينى معاكى يا حلم عمري
حلم:: بدلع .. لأ يا حبيبى انا وخداك كدا من الاول ههههههههههههه
فارس:: بقى انتى وخدانى كدا .. طب تعالى بقى اما اوريكى الجنان ع حق و……….
نسيبهم بقى مالناش دعوة بحد
________________________
فـ أوضة أدهم
بعد كلامه مع فارس طلع أوضته هو و أمل و قعد ع الكنبة بيفكر فـ اللى حصل بينه و بين أخوه و قعدت جنبه
أمل:: بقلق .. مالك يا أدهم اول مرة أشوفك مهموم كدا يا حبيبى
أدهم:: خايف يا أمل من رجعتنا دى
أمل:: فهّمنى يا حبيبى خايف من ايه .. انا مش فاهمة حاجة
أدهم:: بتنهيدة وجع .. خايف ع فارس يا أمل عايز يقف قصاد ناس ماعندهمش ضمير و أسهل حاجة عندهم القـ ـتل قتـ ـلوا أبويا و أحنا صغيرين و دلوقتي فارس جاى بعد العمر ده كله يواجههم بعملتهم دى
أمل:: بخضة .. ايه !! انت عارف الناس دى يا أدهم
أدهم:: عارفهم كويس اوى و حافظهم كمان
أمل:: ممكن أعرف يبقوا مين يا حبيبى ؟
أدهم:: للأسف يبقوا أعمامى خالد و جمال و عمتى سلمى
أمل:: حطت إيدها ع بؤقها و دموعها فجأة نزلت و مش عارفة تتكلم من الصدمة
أدهم:: بيحكى لـ أمل بوجع .. أبويا مات و انا عندى 10 سنين قصدى اتقـ ـتل و فارس رغم ان بينى و بينه سنتين بس كان بالنسبالي كل حاجة عوضنى عن أبويا و ماحسسنيش أبدا انى يتيم كنا بنعمل كل حاجة سوا حتى لما سمعت جدى و هو بيكلم عمى .. فارس قالى احنا سمعنا غلط و مستحيل عمى يعمل كدا
أمل:: ازاى سمعتوا غلط و كلامك بيقول انك متأكد
أدهم:: انا فعلا كنت متأكد ان عمى عملها بس سكت لانى حسيت بخوف فارس لكن ما نسيتش أبدا الكلام اللى سمعته و لما دخلت الكلية سألته تانى و أكد لي الحقيقة و طلب منى ما اتكلمش عشان خاطر ماما و أخواتى البنات و قالى ان خلاص وقت الحساب قرب و لازم نكون سوا إيد واحدة عشان نقدر ناخد حقنا و حق أبونا
أمل:: فارس عنده حق يا أدهم فـ كل كلمة قالهالك
أدهم:: تعرفى يا أمل انا كنت مستنى اللحظة دى من زمان يمكن أكتر من فارس نفسه .. بس مش عارف اول رجعنا و شوفت القصر و سمعت فارس خوفت .. خوفت اوى
أمل:: حبيبى انت مش ضعيف و لا جبان عشان تخاف و بعدين انت معاك فارس كتفه فـ كتفك و أنا فـ ضهرك شاور انت بس و أنا أعملهملك ساندوتشات بسطرمة بالبيض انما ايه عجب
أدهم:: يا جامد .. متجوز سوبر هيرو انا
أمل:: بغرور مصطنع .. ما بحبش اتكلم عن نفسى كتير ههههههههه
أدهم:: بضحك .. حاسبى بس لا تفـ رقعى من كتر التواضع هههههههههههه
أمل:: أيوا كدا ورينى الضحكة القمر اللى بتجننى دى
أدهم:: ضمها لحضنه .. غصب عنى يا حبيبتى لحظة المواجهة و الحساب صعبة .. صعب اوى أقف قصاد أعمامى .. خايف عليكى و ع أبننا اللى جاى و خايف ع فارس
أمل:: خرجت من حضنه و مسكت وشه بين إيديها .. حبيبى ماتخافش من المواجهة لانك صاحب حق و صاحب الحق دايما قوى و بعدين أعمامك دول قتـ ـلوا أخوهم عارف يعنى أيه أخ يقـ ـتل أخوه انا كان ممكن أقولك لأ يلا نرجع و أخاف ع نفسى و أبنى بس ساعتها هبقى خليتك ضيعت حقك و حق بابا الله يرحمه .. لازم تواجههم و تاخد حقك و حق أخواتك بالقانون ربنا قال فـ كتابه الكريم
أعوذ بالله من الشيطان الرجيم
﴿وَكَتَبْنَا عَلَيْهِمْ فِيهَآ أَنَّ النفس بالنفس والعين بالعين والأنف بالأنف والأذن بالأذن والسن بالسن والجروح قِصَاصٌ﴾
يعنى لازم تقف مع فارس و تواجه .. أدهم حبيبى باباك هيسألك يوم القيامة عن حقه اللى ضاع السنين اللى فاتت هيسألك عن حق أخواتك اللى اتربوا يتامى و اللى يتمهم عايش مبسوط و فـ حضن عياله
أدهم:: بوجع .. ااااااااه يا أمل احساس صعب أوى .. صحيح أمى و جدى و فارس حاولوا اننا مانحسش باليتم بس كنت كل ما اشوف حد بيقول بابا و انا لأ كنت ببقى عايز أقتـ ـلهم و أحرم عيالهم من الكلمة دى زى ما حرمونى منها
أمل:: أوعى تفتكر ان ده مش نفس أحساس فارس حتى لو كان بيحاول يعوضك هو فـ النهاية كان صغير زيك
أدهم:: فارس كان طول عمره راجل من صغر سنه و كان بيجى ع نفسه كتير عشان خاطرنا كنت بشوف دموعه و هو قاعد لوحده بعيد عشان ماحدش يشوفه بس انا كنت بستخبى و أبص عليه و اول ما يلمحنى يمسح دموعه بسرعة و يجى يزعقلى كنت أحضنه و أقوله سامحنى يا بابا مش هعمل كدا تانى يضحك و يقول تعال يلا اشوف بناتى الحلوين بيعملوا ايه
أمل:: يبقى أقف معاه و خدوا حقكم يا أدهم و ماتخافش هو وعدك مافيش خسارة تانى يبقى صدقه
أدهم:: بحب .. مسك أيد أمل اللى ع وشه و باسها بحبك اوى يا أمل مش عارف من غيرك كنت عملت ايه
أمل:: بهزار .. ايه ده ايه ده بتبوس ايدى ليه هو انا والدتك لأ لأ ماينفعنيش الكلام ده انا
أدهم:: بمكر .. اومال ايه اللى ينفع معاكى يا قلبى
أمل:: بغمزة .. عايزة فراولة يا دكتور و لا خلاص خلصت بعد البطيخ ما طرح ههههههههههههه
أدهم:: ههههههههههههه بقيتى شقية يا أملى بس كدا من عينى و شالها و راح بيها ع السرير
________________________
فـ جناح فارس
صحيت حلم ع أذان الفجر زى عوايدها و هى بتقوم من مكانها
فارس:: حس بيها و بنوم .. رايحة فين و سايبانى
حلم:: صباح الخير يا حبيبى
فارس:: صباح الجمال يا قلب حبيبك برضوا ما قولتيش قايمة من جنبى ليه
حلم:: الفجر أذن يا كسلان و انا قايمة أخد شاور عشان اصلى و انت كمان يلا قوم و بطل كسل عشان تصلى
فارس:: بمكر شدها عليه .. اممممم هقوم بس بشرط
حلم:: نعم !! شرط ايه ده بقى ان شاء الله
فارس:: عينيه فـ عينيها و حاضنها ندخل ناخد شاور مع بعض و نطلع قولتى ايه
حلم:: خرجت من حضنه و جريت ناحية الحمام و بضحك ده بعينك يا قلبى و دخلت و قفلت ع نفسها
فارس:: قام بضحك و من ورا الباب .. خليكى فاكراها ماشى و رجع قعد مكانه ع السرير و جواه جننتينى يا بنت الرشيدي هتعملى فيا ايه تانى
فاق من شروده بعد وقت صغنن ع خروجها من الحمام
حلم:: حبيبى سرحان فـ ايه كدا
فارس:: بغمزة .. فيكى يا قمر
حلم:: بقيت شقى اوى يا فوفو ههههههههههههه .. يلا يا باشا ادخل خد شاور عشان تصلى
فارس:: قام فعلا دخل الحمام و خد شاور و اتوضا و خرج عشان يصلى الفجر
حلم:: بعد ما خلصت الصلاة .. لـ فارس ناوى ع أيه يا حبيبى
فارس:: بتنهيدة .. بعد الفطار ان شاء الله هتكلم مع قصي و سيف الأول قبل ما أقول للبنات عشان يقدروا يخففوا عليهم الصدمة
حلم:: كدا صح .. انا كنت هقولك تعمل كدا لان لو عرفوا كلهم مرة واحدة هما نفسهم مش هيستوعبوا الصدمة
فارس:: طبعا لازم سيف و قصي الاول يعرفوا و يستوعبوا الخبر قبل البنات
حلم:: بمداعبة بتمسكه من خدوده .. حبيبى يا ناس اللى مركز ده و بتبوسه فـ خده
فارس:: اممممم بلاش تنكشينى يا حوري و ترجعى تقولى بقيت شقى
حلم:: ههههههههههههه يا قلبى هقولهالك كام مرة انا واخداك كدا .. و يلا بقى نروح نصبح ع نوجة
فارس:: بأبتسامة .. هعديهالك يا حبيبتى بس اللى ما يزعلش بعدين و يلا يا ستى نصبح ع ست الكل
و فعلا راحوا عند نجوى يصبحوا عليها و خبطوا ع باب الجناح بتاعها و أذنت لهم
نجوى:: وهى قاعدة فـ سريرها بتقرأ الورد بتاعها .. أدخل
فارس:: دخل و قعد جنبها و باس إيدها .. صباح الورد يا حبيبتى عاملة ايه
نجوى:: صباح الخير يا حبيبى .. كويسة طول ما انت و أخواتك كويسين و بخير يا فارس
حلم:: دخلت و قعدت جنبها الناحية التانية .. صباح الجمال يا قمر يا خراشى ايه ده بس هو فى قمر بيطلع بالنهار كدا
نجوى:: حبيبتى البكاشة صباح الخير يا حور
حلم:: امممم بقى انا بكاشة يا نوجة
فارس:: و أكبر بكاشة يا قلبى
حلم:: بقى كدا يا فارس و بتذمر طفولى طب انا زعلانة بقى ها
نجوى:: بضحك بتضم حلم فـ حضنها و لـ فارس بس يا واد انت ما تزعلش حور حبيبتى تانى انت فاهم
فارس:: بقى كدا يا ست نوجة يعنى اطلع منها انا .. ماشى ربنا يهنى سعيدة بـ سعيدة يا ستى
حلم:: بحركات طفولية بتطلع له لسانها و تغيظه و تضحك
فارس:: بضحك لـ نجوى عاجبك كدا اللى بتعمله ده .. متجوز طفلة و ربنا ههههههههههههه
نجوى:: ههههههههههههه مالكش دعوة حبيبتى تعمل اللى هى عايزاه
حلم:: باستها من خدها حبيبتى يا ماما ربنا يباركلى فـ عمرك يا قلب حور يارب
فارس:: لـ نجوى مؤكد ع دعوة حلم .. يارب يبارك لنا فيكى يا حبيبتى و يديمك تاج ع راسنا
نجوى:: أخدت الاتنين فـ حضنها ويباركلى فيكم يا حبايبى
فارس:: بأهتمام .. نمتى كويس يا أمى
نجوى:: الحمدلله يا حبيبى
حلم:: بقولكم ايه بقى انا جعانة هنزل اشوف أخبار الفطار تحت ايه .. و انت يا باشا شوف العالم اللى نايمة دى صحيهم و تعالوا .. و قبل ما تتحرك من مكانها كان دخل أدهم و أمل
أدهم:: مين ده اللى نايم يا ست حور .. و قرب من نجوى و باس راسها صباح الخير يا ست الكل و لـ فارس صباح الورد يا ريزو
نجوى:: صباح الخير يا حبيبى
فارس:: صباح الخير يا أدهم عامل ايه دلوقتي
أدهم:: تمام يا حبيبى ماتقلقش عليا
أمل:: صباح الخير يا بشرية .. نوجتى القمر صباح الورد و ريحته صباح الشمس المشرقة فـ ليالى البرد الحا رقة
نجوى:: صباح الخير يا حبيبتى عاملة ايه و بتشاور ع بطنها و النونو عامل ايه
حلم:: انتى عندك حول يا امل ليالى البرد حار قة ازاى يا ماما
أمل:: لـ حلم .. ايون ايش دراكى انتى و لـ نجوى مطلع عينى يا نوجة اه والله
أدهم:: لـ حلم و هو بيضحك و بيحط ايده ع كتف أمل حبيبتى عندها كل حاجة بالعكس مالك انتى ههههههههههههه
فارس:: ع كدا بقى ليالى الصيف باردة ههههههههههههه
أمل:: بالظبط كدا يا باشا صح كدا
حلم:: ههههههههههههه طيب يلا ياختى قدامى ننزل نشوف أخبار الفطار ايه
أمل:: الله عليكى يا سلفتشى هو ده الكلام ننزل نشوف مانشوفش ليه
و فعلا نزلت حلم و أمل و سابوا فارس و أدهم مع نجوى
فـ المطبخ
دخلت و شافت قمر و ملك صاحيين و قاعدين بيفطروا
حلم:: بأبتسامة .. صباح الخير يا بنات
قمر:: بقلق سابت الأكل و قامت وقفت .. صباح الخير يا هانم احنا أسفين والله اننا قعدنا فطرنا هنا قبل حضرتكم
ملك:: صباح الخير يا هانم معلش بالله عليكى ما تزعلى مننا
حلم:: قعدت جنبهم بكل هدوء .. اولا كدا اقعدوا كملوا فطاركم براحتكم و أكيد يا ملك مش زعلانة منكم .. ثانيا ماحدش يقول هانم دى انا اسمى حلم تقدروا تقولوا استاذة حلم او مدام حلم تمام ثالثا بقى و ده الأهم مش عايزاكم تقلقوا أبدا منى او من أى حد هنا .. أحنا هنا كلنا واحد مافيش فرق بين صاحب القصر و بين اللى بيشتغل فيه و كمان اعتبرونى زى اختكم لو احتاجتوا اى حاجة ما تترددوش أبدا انكم تطلبوها
قمر:: حاضر يا ست هانـ …. قصدى يا مدام حلم
ملك:: ماتأخذيناش يا استاذة حلم بس أحنا اتمرمطنا كتير بعد بابا و ماما الله يرحمهم لغاية ما فاروق بيه و خديجة هانم الله يبارك لهم خدوا بالهم مننا و منعونا نشتغل فـ حتة لغاية ما جينا نعيش هنا
حلم:: و ان شاء الله مافيش مرمطة تانى و فجأة قطـ ـع كلامها رنة موبايلها و كانت
فاطمة:: الووو
حلم:: ردت عليها .. الووو ازيك يا بطوط
فاطمة:: ازيك يا ست البنات عاملة ايه و سى فارس باشا عامل ايه
حلم:: بضحك و فتحت الاسبيكر قصدت تطمن ملك و قمر .. بخير يا فاطمة
فاطمة:: يارب دايما بخير .. عايزة أسألك ع حاجة كدا البت المخفية فاتن قالتلى عليه
حلم:: امممم مش بتبطلى رغى انتى و فاتن كتير .. قولى عايزة تسألى عن ايه
فاطمة:: إلا انتى ياست البنات هتعيشى فـ المنصورة ع طول و لا هترجعى تانى
حلم:: و أفرض يا فاطمة هعيش هنا ع طول مش بلد جوزى
فاطمة:: بحزن .. طيب و أحنا هنروح فين لما تسيبينا و تعيشى عندك
حلم:: و انتى زعلانة كدا ليه يا فاطمة
فاطمة:: يا ست حلم انتى عارفة احنا مالناش غير ربنا و حضرتك لما تعيشى عندك هنعمل ايه احنا بس
حلم:: ما تقلقيش يا فاطمة هى زيارة بس .. طالت او قصرت و هنرجع كلنا تانى و يلا بطلى رغى و روحى شوفى بتعملى و لما نقرب نرجع هقولك و قفلت مع فاطمة فعلا و بصت لـ ملك و قمر يلا بقى خلصوا فطاركم و اعملولنا احلى فطار من ايديكم الحلوين دول
ملك:: بأمتنان .. حاضر يا مدام حلم تحت أمرك
خرجت حلم من المطبخ كان فارس و أدهم نزلوا مع نجوى و كمان ياسمين و قصي و سيف و عاليا كلهم صحيوا و نزلوا و بالفعل الكل قعدوا يفطروا و كان وقت كله مرح و ضحك و هزار
فارس:: لـ سيف و قصي بعد الفطار عايز اتكلم معاكم شوية انا و أدهم
سيف:: خير يا باشا
فارس:: خير ان شاء الله
قصي:: فى حاجة و لا ايه
أدهم:: يا عم انت و هو اصبروا شوية و هتعرفوا فارس عايزكم ليه بقيتوا رغايين زى حريمكم
عاليا:: بشهقة .. احنا رغايين يا دومى أخص عليك
ياسمين:: طب استر علينا يا دومى مش قدامهم كدا هههههههههه
فارس:: لـ أدهم بناتى حبايبى يرغوا براحتهم مالكش دعوة انت يا ظريف أفندى و يلا يا فالح منك ليه له هنطلع نتمشى برة فـ البلد شوية و نتكلم
و بالفعل خرج فارس مع أدهم و سيف و قصي برة القصر يتمشوا و أبتدى يحكيلهم الموضوع من أوله لغاية ما اشترى الأرض و بُنى القصر و وصولهم كلهم البلد عشان ياخد حق أبوه و أخواته
قصي:: بذهول .. معقول اللى بتحكيه ده يا فارس مش ممكن
سيف:: لـ فارس ده انت جبل يا أخى ازاى قدرت تستحمل السنين دى كلها
فارس:: كان لازم يا سيف اتحمل و أصبر عشان أبقى أقوى منهم و أقدر أخد حق أبويا و أخواتى
قصي:: عشان كدا امبارح أدهم كان قلقان و عمل اللى عمله
أدهم:: أيوا يا قصي و مازلت قلقان بس لازم أجيب حق أبويا اللى راح غدر من أخواته
سيف:: البنات يعرفوا الكلام ده ؟؟
فارس:: بتنهيدة وجع هز دماغه بمعنى لأ .. و ده السبب اللى خلانى أقولكم الأول لانهم هيتعبوا لما يعرفوا و أكتر حد هيبقوا محتاجينه هو انتوا
قصي:: ما تقلقش يا فارس
سيف:: ما قولتليش ليه من بدرى يا فارس كنا اتصرفنا
أدهم:: كنت هتتصرف أزاى يا سيف
سيف:: كنا دورنا ع اى دليل يدينهم ويتقبض عليهم
فارس:: بص للفراغ قدامه .. لأ يا سيف دى قضيتى انا استحملت و صبرت كتير عشان أكسبها و أن كان ع الدليل ما تقلقش عندى اللى يدينهم
أدهم:: بصدمة .. أنت بتقول ايه !! عندك دليل ضدهم و ساكت
فارس:: حط ايده ع كتف أدهم .. كان لازم اسكت عشان أحميكم من شرهم لأنى كنت لسة ضعيف ما أقدرش اقف قصادهم انما دلوقتي أقدر أظهر اى دليل معايا و انا عارف أنى أقوى و انهم مش هيقدروا يعملوا حاجة ده غير أنك معايا و نقدر سوا نرجع حقنا
سيف:: و أنا معاك يا فارس كتفى فـ كتفك يا صاحبى أبوك هو أبويا و حقه هيرجع ان شاء الله و هينام مرتاح فـ قبره قريب اوى
قصي:: بتأكيد لـ كلام سيف .. أكيد يا فارس أحنا معاكم انت و أدهم انتوا مش لوحدكم
فارس:: لـ سيف و قصي كنت متأكد انكم هتقولوا كدا .. انا مش عايز منكم غير أن كل واحد فيكم يحتوى مراته لان اللى جاى هيبقى صعب عليهم
سيف و قصي:: ما تقلقش يا فارس
أدهم:: بقول ايه يلا نرجع انا تعبت من كتر المشى .. و بالفعل رجعوا كلهم القصر و شافوا نجوى و البنات الاربعة و معاهم خديجة قاعدين فـ الجنينة
فارس:: بسعادة .. ديچة عاملة ايه يا قمر
خديجة:: بخير يا حبيبى الحمدلله انت عامل ايه
فارس:: انا يا ستى مافيش فـ سعادتى أمى تاج راسى و أخواتى حبايبى و عمتى القمراية و عينيه ع حلمه و حلم عمرى معايا و كلكم حواليا يبقى هعوز ايه تانى
نجوى:: ربنا يديم سعادتك يا حبيبى
فارس:: باس راسها و يديمك لينا يا ست الكل
أدهم:: لـ خديجة .. عمتى حبيبتى جوزك فين مش شايفه يعنى
فاروق:: من وراه انا هنا ياخويا عايز ايه
أدهم:: بمعاكسة و هو بيرقص حواجبه .. أبدا يا جوز عمتى اصلك وحشتنى قولت أسأل عليك
فاروق:: بغيظ .. انت بقى ما وحشتنيش .. و اتلم بقى شوية و بطل كلمتك المستفزة دى
أدهم:: بمكر .. الله جرا ايه يا روقة هو مش انت برضوا جوز عمتى و لا تكونش طلقتها و انا معرفش
خديجة:: لـ أدهم بهزار .. بس يا واد انت اتلم ايه طلقنى دى .. لأ يا حبيبى روقة مايعملهاش ابدا
أدهم:: الله اومال بيتغاظ ليه كل ما أقوله يا جوز عمتى خلاااص هقوله يا عمى
فاروق:: لـ أدهم عم مين ياض ده انت اللى عمى قال عمى قال عما الدبب
فارس:: بضحك و بعدين معاك يا أدهم انت ناسى ان فاروق مش بيحب حد يكبره و يقوله يا عمى عايز يفضل ابن 25 ع طول ههههههههههههه
أدهم:: يا عم فارس ده شعره شاب المفروض اللى فـ سنه يقعد كدا يبقى بركة البيت مش يبقى عامل فيها نونو ههههههههههههه
فاروق:: انت مالك يا بارد انا عاجبنى نفسى كدا اطلع انت منها و خليك فـ حالك ياخويا قال بركة البيت قال
سيف:: لـ أدهم نفسى أعرف انت بتغيظه ليه كدا
فارس:: اصلهم بيحبوا بعض اوى ههههههههههههه
أدهم:: يا أخى هو دايما كدا قارش ملحتى لييييه مش عارف
قصي:: تقوم تغيظه كل شوية كدا مايصحش برضوا
فاروق:: قوله يا قصي يا بنى
قصي:: بمكر .. ما انا لسه بقوله اهو ماينفعش كدا كل شوية يغيظ فيك و انت فـ مقام والده برضوا
فاروق:: نعععععم والد مين ياخوياااا ده انا اصغر منكم قال والده قال تصدقوا انا ماشى مش قاعدلكم فيها
فارس:: ههههههههههههه تعال بس يا فاروق سيبك منهم ماتزعلش دول عيال ما بتفهمش و بجدية عايزين نتكلم بجد شوية
نجوى:: خير يا حبيبى فى ايه
فارس:: باس ايدها خير يا حبيبتى بس تعالوا ندخل جوة الاول
و فعلا دخلوا من الجنينة و قعدوا فـ الليڤنج و سيف و قصي كل واحد قعد جنب مراته تحسباً للى هيحصل بعد ما يسمعوا كلام فارس و أدهم اللى قعدوا جنب بعض و ابتدوا يحكوا كل حاجة من البداية لغاية اليوم اللى هم فيه دلوقتي
ياسمين:: شهقت بصدمة من اللى سمعته و بأنهيار .. يعنى ايييييييه كل السنين دى و احنا عااااايشين معاهم و هما قاااااتلييين أبويااااااا حرموووونى من حضنه لييييييه و عشااااان ايييييه و لـ خديجة و ااننتتتى كننننننتتى عاااااارفة أن أخووااااتك عملوا فـ أبويا كداااااا عملوا فـ أخوهم كدااااا
قصي:: خدها فـ حضنها أهدى يا ياسمين عشان خاطرى بلاش تعملى فـ نفسك كدا
ياسمين:: لأ يا قصي مش ههدى و قامت وقفت قصاد فارس انت لازم تقتـ ـلهم فاااااهم لااااازم تحرم عيالهم منهم زى ما حرمونا من بابا فااااااهم لاااااازم يمووووتوووا كلهم يا فارس
فارس:: شدها لحضنه .. و غلاوتك و حق حرماننا من أبونا السنين دى كلها هخليهم يركعوا تحت رجلينا يتمنوا السماح و ما يطولوه
أدهم:: بص لـ عاليا اللى ساكتة خالص من قوة الصدمة و قاعدة بتتهز مكانها حتى مافيش دموع نازلة منها و بقلق .. مالك يا حبيبتى ساكتة ليه طيب عيطى اصرخى طلعى اللى جواكى ما تسكتيش كدا
عاليا:: ع نفس وضعها بتتهز مكانها و ساكتة
سيف:: عاليا حبيبتى طيب ردى عليا كلمينى طيب عشان خاطر بنتنا اللى فـ بطنك أعملى اى حاجة بس بلاش تكتمى جواكى
فارس:: خرج ياسمين من حضنه و قرب قعد جنب عاليا و ضمها لحضنه هى كمان .. انا حاسس بيكى يا حبيبتى بس انتى بالذات بقى مش يتيمة انتى نسيتى و لا ايه مش انتى بنتى و كنتى دايما بتقوليلى بابا فارس فاكرة
عاليا:: أخيرا اتكلمت بوجع .. ليه عملوا فينا كدا يا فارس بابا عمل ايه عشان يقتـ ـلوه .. بابا كان طيب كنت طول عمري اسمع من الناس .. الله يرحم أبوكى كان راجل مافيش منه أتنين و بأنهيار ليييييه حرمونى منه .. و انا صغيرة لما كنت فـ المدرسة كنت بشوف زمايلى كل واحدة معاها باباها بيوصلها كنت باخد ركن و افضل أعيط عشان مش عندى بابا يوصلنى .. ليييه يا فارس خدوا منى بابا ايه اللى استفادوه لما عملوا كدا
نجوى:: بدموع ع حال ولادها .. استفادوا كتير يا بنتى .. خالد حط ايده ع كل حاجة كان ماسكها أحمد الله يرحمه و اتحكم فـ الكل بأمر من جدتك بس كان بيجى لغاية جدك و يقف مايقدرش يتكلم و يمكن ده اللى خلاه ما يعرفش يعمل حاجة لـ أخواتك رغم انه حاول كتير بس كان جدك محاوط علينا و مش سايبنا
ياسمين:: أوعى تقولى ان تيتة كمان كانت مشتركة معاهم فـ اللى عملوه
خديجة:: بدموع .. لأ يا حبيبتى ماكانتش مشتركة و ماعرفتش غير بعد فترة بس هى طبعها صعب شوية مش أكتر
عاليا:: خرجت من حضن فارس و لـ خديجة يعنى انتى عايزة تفهمينا انها رغم معرفتها بحقيقة مو ت بابا و ان عمـ… قصدى خالد هو اللى مو ته و مع ذلك كانت عادى بتأمر و تتحكم و كمان تخليه يتحكم فـ كل حاجة كدا عادى
فاروق:: أيوا يا عاليا جدتك طبعها كدا قلبها جامد .. كلنا توقعنا انها ممكن تنكـ ـسر بعد وفاة أحمد بس لأ فضلت زى ما هى لغاية ما أتوفت
عاليا:: لـ فارس انا عايزة أخد بتار أبويا عايزة حق حرمانى منه السنين دى كلها
أدهم:: قرب منها ما تقلقيش يا حبيبتى أحنا هنروح لهم و نخلص منهم القديم و الجديد و ناخد حقنا و حق بابا من عينيهم
فارس:: لأ يا أدهم .. هما اللى هييجوا فضولهم هيجيبهم لغاية هنا برجليهم و ساعتها مش هيخرجوا غير و كل اللى ليه حق ياخده اصل حسابهم تقل اوى و لاااازم يصفوه
ياسمين:: بجمود .. و انا مستنياهم
عاليا:: وقفت بتعب و قبل ما تتحرك ناحية نجوى داخت و كانت هتقع
سيف:: لحقها حاسبى يا عاليا أهدى يا حبيبتى و أقعدى أرتاحى
عاليا:: سيبنى يا سيف أروح لـ ماما
نجوى:: قامت قربت منها و خدتها فـ حضنها .. اسم الله عليكى يا حبيبتى عارفة ان اللى سمعتيه انتى و أختك صعب أى حد يتحمله بس زى ما قال فارس خلاص آن الآوان كل واحد ياخد حقه
حلم:: قامت وقفت عشان تقرب من عاليا و ياسمين فجأة وقعت فاقدة وعيها
فارس:: بخضة و هو بيجرى يلحقها حوووررر و بيحاول يفوقها .. فووقى مالك حوووررر
أدهم:: بسرعة هاتها ع الكنبة هنا يا فارس
فارس:: بقلق .. شالها و طلع بيها الجناح بتاعهم و الكل طلعوا وراه
أدهم:: و أمل دخلوا مع فارس حاولوا يفوقوها و بعد ما فاقت
أمل:: كشفت عليها و بعدها طلبت من أدهم يجيب لها شنطتها من اوضتهم
فارس:: قعد جنبها بخوف و قلق طمنينى يا أمل حور مالها
أمل:: أطمن يا فارس هى بس تلاقى ضغطها وطي من كتر الأنفعال اللى أحنا فيه من أمبارح
أدهم:: جاب شنطة أمل و رجعلها .. خدى الشنطة أهى مالها حور يا أمل
أمل:: مالهاش يا حبيبى هى هتبقى كويسة بس فى حاجة كدا عايزة أتأكد منها الاول ياريت بقى تخرجوا برة انتوا الاتنين لو سمحتوا
فارس:: نعم !! طيب هو يخرج ماشى أخرج انا ليه ان شاء الله
أدهم:: خلاص يا حبيبتى انا هخرج و خليه هو لو اتشقلبتى مش هيخرج من الأوضة من غير ما يطمن عليها
فارس:: هو كدا بالظبط طول ما هى كدا مش هسيبها و أخلصى بقى يا أمل و طمنينى عليها
أمل:: و هى بتفتح شنطتها تدور ع حاجة معينة .. ياربى انا متأكدة انه معايا واحد راح فين
أدهم:: بتدورى ع ايه يا أمل كدا
أمل:: أهو لاقيته بدور ع ده يا حبيبى
أدهم:: بأندهاش .. انتى قصدك ان…..
أمل:: اصبر بس يا حبيبى لما نتأكد
فارس:: بعدم فهم .. انا مش فاهم حاجة ايه ده يا أمل و تتأكدى من ايه
أمل:: أصبر بس شوية يا فارس و لـ حلم تقدرى تقومى لغاية الحمام لوحدك و لا فارس يوصلك
حلم:: بتعب .. لأ هحاول أدخل لوحدى و فعلا حاولت و دخلت لوحدها و دخلت وراها أمل فهمتها تعمل ايه و خرجت و سابتها
حلم:: بعد حوالى 10 دقايق خرجت من الحمام و معاها الحاجة اللى إديتهالها أمل .. و بتعب اتفضلى يا ستى
أمل:: بصت للى فـ إيديها و أبتسمت و بصت لـ فارس و حلم مبروك البيبى
فارس:: بأستغراب .. انتى بتقولى ايه يا أمل
أدهم:: خد فارس بالحضن .. أمل بتقولك مبروك يا حبيبى هتبقى أب
فارس:: بفرحة .. الله يبارك فيك يا حبيبى و عقبال ما يشرف حبيب عمو بالسلامة .. بس برضوا مافهمتش ايه الشيء ده يا أمل
أمل:: ده تحليل حمل يا فارس قولت لـ حور ازاى تعمله لما شكيت انها ممكن تكون حامل و الحمدلله شكى كان فـ محله و طلعت حامل و تقريبا كدا فـ شهرين كمان بس لازم تتابع مع دكتورة متخصصة .. مبروك كمان مرة يا باشا
أدهم:: لـ أمل يلا نخرج نطمن اللى قلقانين برة دول .. و بالفعل خرج هو و أمل عشان يسيب مساحة لـ فارس و راح يفرح نجوى و يطمنها
عند فارس
قعد جنبها بسعادة و بدموع الفرحة
فارس:: مبروك يا أجمل حلم فـ عمرى
حلم:: بسعادة مسكت إيد فارس و حطيتها ع بطنها و عينيها فـ عينيه .. أنا حامل يا فارس حامل فـ أبننا فيه جوايا حتة منك انا مش مصدقة نفسى
فارس:: لأ صدقى يا قلب فارس اللى جواكى ده ثمرة حبنا حتة منك و مني مبروك يا أحلى مامى فـ الدنيا
حلم:: مبروك يا أجمل بابى فـ المجرة .. تعال بقى ننزل نطمن نجوى
فارس:: تؤتؤتؤتؤ مافيش حركة من مكانك انا هروح أفرحها و ارجعلك ع طول و قبل ما يقوم من مكانه سمع خبط ع الباب و أذن بالدخول
نجوى:: دخلت و معاها خديجة و عاليا و ياسمين و أمل .. و بفرحة قربت من حلم و حضنتها مبروك يا حبيبتى ربنا يتمملك بخير
حلم:: الله يبارك فـ حضرتك يا ماما
خديجة:: ايوا بقى و أخيرا عشت و هشوف ولاد فارس .. مبروك يا حبايبى
فارس:: يباركلنا فيكى يا ديچة
ياسمين:: بسعادة ظاهرة و حزن متدارى .. مبروك يا حور و لـ فارس مبروك يا حبيبى
فارس:: عقبالك يا قلب أخوكى
عاليا:: بحزن .. مبروك يا أبيه انت و حور
حلم:: قامت بتعب من مكانها و قربت منها .. بلاش الحزن اللى باين ع ملامحك ده عشان خاطر بنوتك اللى فـ بطنك ع الاقل
فارس:: بهزار عشان يضحك عاليا فـ محاولة للتخفيف عنها .. شكلك زعلانة عشان هبقى بابا لـ حد غيرك صح ؟
عاليا:: فهمت كلامه .. اه بصراحة بقى انت بابايا انا و بس
فارس:: يا عبيطة هو انتى ما تعرفيش
انى مهما خلفت هتفضلى انتى بنتى البكرية
ياسمين:: بأندهاش .. مهما خلفت ازاى هو انت ناوى تخلف كام مرة عشان أبقى فاهمة بس
فارس:: ناوى أخلف 12 بس ما تقاطعيش انتى بس
حلم:: بشهقة .. ايييييه ليه ياخويا هتعمل فريق كورة و لا ايه
عاليا:: بضحك .. أهو بعد أخويا دى هيكتفى بواحد بس و يروح يكمل باقى الفريق من برة ههههههههههههه
حلم:: بغيرة و رفعة حاجب .. طب خليها يعملها كدا و ساعتها ما يلومش غير نفسه و بتشاور ع رقبتها كأنها هتد بحه
فارس:: رفع ايده بأستسلام .. بريئ يا بيه هى اللى بتحر ضنى ههههههههههه
ياسمين:: ألبس هرمونات الحمل اشتغلت بدرى بدرى
فارس:: شكلها كدا يا سمسمة و أخوكى هيلبس فعلا ههههههههههه
نجوى:: بقلب أم .. حبيبى ربنا يسعدكم و يفرحكم بأبنكم و يوصل بالسلامة ان شاء الله و يتربى فـ عزك
فارس:: باس راسها أمين يارب ياست الكل و تكبريه هو و أبن أدهم و بنت عاليا و ولاد ياسمين ان شاء الله
خديجة:: أن شاء الله يا حبيبى و ساعتها هتبقوا كلكم برة و ولادكم اللى جوة .. بس ما قولتليش بقى عايز ولد و لا بنت
نجوى:: أكيد يا حبيبى كله خير .. المهم هنسيبكم ترتاحوا شوية و ننزل احنا
و فعلا كلهم خرجوا من جناح فارس بعد ما باركولهم و كل واحدة من البنات راحت أوضتها و خديجة راحت مع نجوى اوضتها يفكروا فـ اللى جاى
بقلمى✍️________________لبنى دراز
عاليا:: مش هسييييبك يا خااااالد هقتـ ـلك بإيدى
- يتبع الفصل التالي اضغط على (رواية العشق الابدي) اسم الرواية