رواية نجمة في الصعيد كاملة بقلم ملك نصر الله عبر مدونة دليل الورايات
رواية نجمة في الصعيد الفصل التاسع و العشرون 29
حمزه كان قاعد عالكنبه ونجمه جنبه
نجمه: هات قناة الكرتون عارف شغال اية شلبي سلوفان
حمزه بحنق: مش لسة متفرجين عليه من قريب
نجمه بتزكر: ااه مقولتليش رأيك في الكيكة
حمزه ابتسم: تقرف الكلب الحزين يا حبيبتي
نجمه كشرت: حرام عليك دي طعمها جميل
حمزه ضحك: بهزر معاكي طعمها حلو
نجمه بحنق: هزارك يلطش يا حمزاوي ..كملت بحماس.. صحيح معايا فلاشة عليها فيلم چيفري دَامر
حمزه مسك وشها وفضل يهز فيه: بتخافي من الصورصار وبتتفرجي علي چيفري دامر
نجمه ضحكت: يابني الصورصار دا رهيب بيخوف اكتر من جيفري دامر واللهِ
حمزه ضحك: انتي اللي قلبك رهيف
نجمه ضحكت وقامت عملت الفلاشه والفيلم اشتغل
حمزه: نجمه
نجمه: اممم
حمزه: هنسمي النونو اية
نجمه ابتسمت: مش عارفة لو ولد ممكن ليث ولو بنت ممكن رزان
حمزه بحنق: دا الاسامي بتاعت الكرتون اللي اتفرجنا عليه امبارح صح ، ولو حصل نصيب وخلفنا تاني نسمي درغام ولا فلافيلو ولا دكتور ابو العينين بقا
نجمه ضحكت: قفشتني
حمزة هز رأسه و ابتسم بشرود: هو إن شاء الله هيكون ولد وهسميه يوسف ، يوسف حمزه رضوان
نجمه كشرت: لا هنسميه ليث
حمزه ضربها علي رأسها: هنشوف
نجمه بصتله بغيظ: خلاص يا حمزة لو ولد هنسميه يوسف زي ما قولت ولو بنت انا اللي هسميها
حمزه ضحك: زعلانه لية انا اصلا هخلف دسته بنات ودسته ولاد سمي ليث و رزان ودرغام وكله
نجمه ضحكت بغيظ: انا ارنبة مثلا
حمزة هز دماغه وهو بيضحك: واجمل ارنبه في حياتي
نجمه ميلت راسها علي كتفه وقالت بخفوت: شوف مكنتش عايزة اجي الصعيد علشان بصراحه فكرتكم عقلكم صغير ويعني زي ما بتيجوا علي التلفزيون كدة بتكونوا جايين علي الست ومش بتعلموها بص فاخسين حقوق المرأة يعني لكن لما جيت هنا اكتشفت حاجات تانية خالص
حمزه بهدوء: اكتشفتي اية
نجمه ابتسمت: اكتشفت انكم ناس طيبين خالص وكمان البنت بتتعلم عادي وفي رجالة هنا جينتل وبصراحة يعني كدة مزز مزز
حمزه بحدة: هترجعي تعُكي في الكلام اهو
نجمه بغيظ: قصدي عليك واللهِ اهدا بقا أما اكملك ، والرجاله حنينه بقا وربنا رزقني بـ واحد حنييييين ، بص حنيته تقضي العالم وتفيض
حمزه حضنها بحب: هو انا اصلا بقيت حنين لما حبيتك
نجمه ابتسمت وسكتوا شوية بعدين حمزة قال بارهاق: تعالي يلا علشان ننام هروح اطمن علي زين الاول واجي
نجمه هزت راسها وهو خرج
راحت حطت أيدها علي بطنها بابتسامة وقالت بخفوت: مش عارفة انت ولد ولا بنوته بس هكلمك علي انك يوسف ..ابتسمت وكملت.. شوف بابا حنين ازاي ، عايزاك تبقي زيه كدة ، بابا عامل ولاد عمه اخواته وأخوه بيعامله زي ابنه بالظبط ، اللي يشوف معاملته ليه هيقول دا ابنه مش اخوه ، عايزاك زي بابا
عند حمزة خبط
زين كان قاعد وماسك سيجارة سمع الخبط اتوتر وخباها وقال: ادخل
حمزة دخل وقعد جنبه بحده: بتشرب سجاير برضوا ، مش قولتلي واحنا جايين هتبطل
زين بضيق: وهو هبطل خبط لزق كدة ولا باخد فترة
حمزه بحدة: بتشرب كام نيله في اليوم
زين بتوتر: مش عارف تقريبا علبه
حمزه بصدمه: علبة !! ..كمل بحدة.. اية كل دا علشان اية
حمزه بهدوء: طيب انساها من غير شُرب ، السيجارة بتنسيك قد اية ساعتين اربعه واللهِ ما ليها لازمه ، قرب من ربنا لما تفتكرها ، اقرأ قرآن طيب وهتنساها والله علي طول مش ساعتين بس ، العب رياضة ، بس متشربش يا زين
زين هز راسه بشرود ، راح حمزه حضنه وقال بحنيه: متزعلش من طريقه كلامي معاك ، انا خايف عليك ، الشُرب آخرته وحشة
زين ابتسم: عارف ابقي سلملي علي نجمه علشان انا مسلمتش عليها ..كمل بهزار.. ابعد و برا بقا عايز اتخمد
حمزه بعد عنه بغيظ: طيب يا اخويا اتخمد
حمزة راح لنجمه
نجمه بنوم: اخيرا جيت زين كويس
حمزه بحنية:اه الحمدلله
نجمه بنوم: يدوم الحمد
حمزه اخدها في حضنه ونام
الصبح ..
كانوا قاعدين علي السفرة بيفطروا
- يتبع الفصل التالي اضغط على ( رواية نجمة في الصعيد ) اسم الرواية