رواية بنت الغير شرعية بقلم سمسومة عبر مدونة دليل الروايات
رواية بنت الغير شرعية الفصل الثاني 2
نشفى كنت ثانية ثانوي مرضت ماما راحت للسبيطار قلبت وشرات دوا بالرغم لي كانت تاكل دواها بصح حالها كان غير يسوء عاودت رجعت قداه من مرة للسبيطار بصح مكان حتى جديد حالها غير للاسوء نشفى المرة التالية كي راحت تفوت كنت عطلة رحت معاها دخلنا للطبيب قلبها حتى قتلاه يا عمي الطبيب مالها ماما راها غير تزيد حتى قاللها مدام الله غالب بصح كلاويك حبسو لازملك دياليز وانا يا خياتي طحت على طولي مقدرتش نأمن كيفاه واش راح نديرو ضوك حتى سقساتو ماما قاتلو ودياليز كاين فالسبيطار ولا بريفي قاللها نورمالمو كاين فالسبيطار ضوك نخدملك دوسي ديهلهم ولازم تبداي في أقرب وقت الحمد لله راحنا للسبيطار وقبلوها بدات دياليز دير نهار بنهار وليت أنا وخالتي بختة نخدمو مرة فالحمام مرة عند النسا فالديار كل مرة كيفاه الحمد لله مدبرين مصروفنا وكافين الحمد لله على النعمة المهم منمدوش يدينا الحق خالتي بختة محبتنيش نخدم معاها قاتلي لهاي غير بقرايتك بصح أنا قتلها لالا نتعاونو كنا فالصيف كي لحقت القراية معرفتش شا ندير نقرا ولا نخدم مجيت قاع كيفاه ندير وليت نطيب الفطير والمسمن فالدار وكي نروح نقرى نبيعو فالاستراحة صح مندخلش بزاف بصح المهم مساهمة في المصروف فات عام مليح والحمد لله ربحت الباك فرحتلي ماما وخالي بختة قالولي نديرولك حفلة سيرتو كي جبتو بمعدل مليح ريحتو ب 14 عييت معاهم غير متشقايش والو عندو ودارولي حفلة حضرو غير شوية جيران خالي ماجا وخالاتي تاني ماما مسكينة بكات الدم من عينيها قتلها المهم نتي معايا هوما ميعنولي والو فالصيف مالازمش نبقى قاعدة خصني خدمة رجعت لخدمتي القديمة نخدم فالحمام مخلاتنبش ماما وخالتي نخدم فالديور قالولي نتي صبية ويطمعو فيك رجعت نخدم وذوك النسا يشنفو عليا ومستعبديني بصح لازم نستحمل مكان ماندير حتى كتب ربي وتلاقيت مع وحدة غسلتلها وهي تسقسي فيا قتلها ربحت الباك هذا العام وسجلت اعلام الي قاتلي مليح الله يبارك وعلاه تخدمي فالحمام قتلها ماما مريضة ولازم عليا الخدمة قاتلي علابالك أنا محامية وعندي مكتب في ……. من غدوة ارواحي تخدمي عندي قتلها بصح شا نخدم منعرفش قاتلي أنا نعلمك فرحت بزاف لدرجة مرقدتش ليل كامل ماما تاني فرحتلي مسكينة قاتلي على الأقل تتهناي من كلام الناس غدوة رحت عندها عرفتني على السكرتيرة نتاعها وقاتلها تهلاي علميها الخدمة وهكا الحمد لله قلت تهنيت. تكملة الجزء 2
غدوة رحت عندها عرفتني على السكرتيرة نتاعها وقاتلها تهلاي علميها الخدمة وهكا الحمد لله قلت تهنيت وليت نخدم عند المحامية وكي لحقت الجامعة دخلت نقرا وليت وقت الفراغ ووقت 12 نشري 2 حبات كرواسون نفطر بيهم ونروح للبيرو للمحامية وعشية تاني حتى نخلص الخدمة نشور للدار هكا مع الوقت تزوجت هذيك السكرتيرة بقيت غير أنا ثم ولات الخدمة ياسرة بصح الخلاص مليح خير ملي كنت نديه المرة الأولى مع زيد وليت نقرا فلافاك ونطبق فالخدمة لقيت روحي مليح فرحت وقلت الحمد لله وأخيرا ضحكتلي الدنيا بصح يا حسراه لي زهرها كي زهري وينتا تفرح ، ماما بعد ما قلنا الحمد لله ريحت صح مزالت تدياليزي بصح صحتها تمام حتى ولات في تراجع حكمها ضغط الدم ومن وراه السكري ولات حالتها غير تسوء كنت وقتها 3 جامعي وليت راسي منهزوش من الخدمة كثرت المصاريف نتاع الدواوات ولازم نوفرهم وليت نجري في كل بلاصة صح المحامية كانت معاونتني بصح حشمت منها مرة جا راجلها ليها للبيرو ملي بديت الخدمة مشفتوش جا غير هذي المرة ويا ريتو مجاش ولا كل مرة يجي وسيرتو العشية يقولي جيت نوصل المدام نقولو بصح راهي خرجت كي عرف وقتها لي تروح فيه ولا يجي من وراها وكل مرة يدير حجة حتى مرة كان الداخل فالبيرو عيطلي كي دخلت عندو بغى يغتصبني مزية وأنا جيت قافزة مع عمري وكنت متعلمة الكاراطي ضربتو وسلكت روحي هربت منو ،
- يتبع الفصل التالي اضغط على ( رواية بنت الغير شرعية ) اسم الرواية