رواية بنت الغير شرعية كاملة بقلم ياسمين عبر مدونة دليل الروايات
رواية بنت الغير شرعية الفصل الواحد و الثلاثون 31
بديت نحس بجسمي بيديا حاولت نفتح عينيا تفتحو بقيت ندور في راسي لقيت طبيبة كبيرة واقفة عليا وتوزن في لاتونسيو شافتني فتحت عينيا قاتلي على سلامتك هزيتلها راسي لقيتو جا يجري واش فهيمة فطنت قاتلو ايه الحمد لله جا عندي دورت وجهي عليه قالي على السلامة مجاوبتوش كامل قاللها خلاص نقدرو نروحو قاتلو وي وهاك شريلها الدوا جات عندي قاتلي تهلاي في روحك وكولي دواك جابولي كرسي هذاك نتاع المرضى خرجت بيه حتى للوطو غصب فتحها ورفدني ركبني وجا ركب قالي ياك متشمختيش دورت راسي للكارو وخليتو قلع للدار غير وصلنا جيت نازلة قالي استناي نعاونك مديتهاش فيه نحيت السانتورة وهبطت غير حطيت رجليا فالأرض حسيت ماص ضربتني من تحت قريب طحت مزية كان يوسف قدامي حكمني ضربتلو يدو وجيت نمشي مقدرتش خطيت خطوة الزاوجة مقدرتش نزيدها فشلت والحريق داير فيا حالة رفدني جيت
نعيط عليه ممبعد سكت دخلنا لشومبرة حطني بقيت نشوف معاها كيفاه مربلة حاجة مش في بلاصتها مع شفت السرير بالدم طحت على ركايبي وليت نعيط بالصوت نصادي للي خلقني جا عندي خلاص بسمة تعيشي ماصرا والو خلاص اتهدني والله نعوضك على غلطتي تهدني برك طبعتو وقويت فالبكا زرب يخمل فالبيت سقمها وانا طايحة فالارض ضامة ركايبي ونبكي كي كمل قالي هيا ترقدي تريحي بقيت غير نشوف معاه منك بصح نرقد ان شاء الله نرقد فالجبانة ولا هذا العذاب ساعفت روحي بالسيف وليت نحبي حتى وصلت عند الفوتاي قالي ارقدي على السرير باه متتوجعيش مرديتش كامل عليه رجع قالي صحا مالا استناي شوية فتح هذا الفوتاي رجع سرير شحال رخيص عندي مدة وانا نرقد عليه هكاك ومقاليش بلي يتفتح جيت فوقو وتكسلت جابلي بيجامة نتاع رقاد قالي هاكي بدلي حكمتها ورميتها عليه شعل لاتيلي و تكسل في بلاصتو حاولت نرقد
كل ما نغمض عينيا نتفكر واش دارلي نولي غير نبكي يجي زعما عندي نحاوزو كي شافني مش قادرة نرقد حطلي تيليفوني والطابلات قدامي شفت مع الساعة لقيتها الخمسة ونص بقيت هكا السطر من تحت داير فيا حالة قلبي حاساتو منفوخ راح يطرطق دموعي غير يسيلو حتى طلع النهار في وجهنا فالزوج حتى هو مرقدش منعرف مين جاتو زعما أنبو ضميرو..
- يتبع الفصل التالي اضغط على ( رواية بنت الغير شرعية ) اسم الرواية