رواية بنت الغير شرعية كاملة بقلم ياسمين عبر مدونة دليل الروايات
رواية بنت الغير شرعية الفصل الخامس و الثلاثون 35
زدت يامات غلبت وليت منقدرش حتى نوض مين مناكلش عياو معايا غير ساكتة ونبكي حتى وحد اليوم في ليل كانت بايتة عندي دلال سمعت ماما تقوللها صحا بنتي اهدري معاها خليها ترجع لدارها وراجلها قالتلها دلال والله يا خالتي راني نحاول فيها محاولة ومهداهاش ربي قلقت طلعلي الزبل للراس قتلها حابة نفهم برك يا حليمة علاه حابة تلصقيني فيه بالسيف مكفاش زوجتيني ليه سيف حابة ترجعيني ليه حتى بعد واش دار فيا قاتلي حلفتك بربي ونبي قولي شكاين شا دارلك حتى راكي هكا وليت نعيط ونصادي ونضرب في روحي بالسيف لا هداوني وتكالميت شفت معاهم حالة موش أقل من حالتي قتلهم ضربني شافو كامل معايا قاتلي خالتي كيفاه هذي ضربك وعلاه حتى ضربك مبغيتش نجاوب حتى قاتلي ماما ضربك صرا فيك قاع هكا ونتي موالف حاجة متقيسكش وزاد هاني موالف انا نضربك خلي يجي نحكلو وذنيه شوية ورجعي معاه قتلها منرجعش ديجا هاهو باباه حاوزني من الدار قاتلي يا وخذي واش درتي حتى يحاوزوك يا بسمة انطقي راح تخرجيلي قلبي
علاش واش درت أنا علاش موش هوما لي دارو وحكيتلهم حكاية بنت عمو من اولها كي بغات ترقد مع يوسف حتى كي ضربتها وزعفو عليا وقتلهم كي جا عمروه عليا وضربني حتى وصلني للسبيطار مقدرتش نقوللهم بلي اغتصبني بوحشية ممكن لاني انا بذاتي موش متقبلتها ولا ممكن خفت يلومو عليا اني انا معطيتلوش حقو فداه بالسيف لقيت غير دلال عيطتلو بهدلاتو قاتلو نتا ضارب الطفلة موصلها للسبيطارات وجاي تعيطلي روحي شوفيها وحاوليها ترجع معايا دبر راسك معاها محال نزيد نهدر معاها عليك وراها خالتي حليمة قاتلك غير ماكالاه تزيد جي مراحش نرجعهالك وكوبات عليه هذا وين ريحت منقولش جبل ونزاح بصح على الأقل موالاوش يهبلوني بنتاع ارجعي يومين سمعتو جا ودارت فيه ماما حالة الطفلة مديتهالك باه تتهلى فيها موش تضربها توصلها الموت علا جال الخامجة نتاع بنت عمك وهو غير ساكت زادت قاتلو وهذا باباك شاطر غير على بنتي يحاوزها وبنت خوه وعملتها قاللها بابا حاوزها كيفاه حاوزها قاتلو بسمة قاتلي حاوزني باباه ومنرجعش معاه بقى يعيط عليا بسمة بسمة قاتلي خالتي روحي قتلها موش حابة قاتلي لالا لازم تفرى اليوم دخلت عندهم بقى غير يشوف
معايا ممبعد قالي نتي علاه ضعفتي وشينتي قاع هاك قاتلو ماما من تحت راسك وراس باباك حتى قالي بسمة صح بابا حاوزك وينتا وعلاه معلاباليش قتلو نهار ضربت آمال قالي وعلاه مقولتيليش قتلو علاه نتا كي جيت خليتني نهدر ولا ندافع على روحي قالي شكون كان معاكم قتلو كامل علابالي متصدقنيش روح سقسيهم قالي بسمة حاب نتأكد ممكن مسمعتيش مليح ولا مفهمتيش ماني حاب نظلم حتى واحد قتلو محمد كان تم سقسيه قالي محمد راه فالصحرا هو ومرتو وبنتو قتلو يماك كانت حاضرة رفد تيليفونو وعيط دار اوتباغلوغ رفدت عليه أهلا وليدي لاباس قاللها موش لاباس قاتلو خير برك يا مومو العين قاللها جاوبيني الصح بابا حاوز بسمة من الدار قاتلو يا وليدي راك نعرفو كي يزعف يولي غير يخلط فالهدرة قاللها مالا صح حاوزها نقولك بسباب راجلك موش حابة ترجع معايا قاتلو لالا يا وليدي متخربش دارك خلاص ارواح ديني انا نحاولها ونرجعها قاللها يما بالسلامة ممبعد كوبا عليها وبقى غير ساكت شوية قال لماما خالتي معليش تخلينا وحدنا ناضت ماما خرجت غير قرب مني هربت منو قالي متخافيش والله منديرلك حاجة بسمة غلطت تعيشي سامحيني وهيا ترجعي معايا
قتلو منرجعش قالي علاه ميبسة راسك راني نقولك غلطت ومستعرف وهاني قدامك ديري فيا واش تحبي غير ارجعي معايا قتلو محال غير الرجوع منرجعش وزيد راني نقولك باباك حاوزني قالي والله منرجعك عندهم غير هيا معايا برك قتلو منقدرش محال دخلت علينا ماما قاتلو خليها تزيد يامات وارواح ديها قاللها خلاص معليش جبد دراهم جا يعطيلي قتلو منحتاجش ديجا لي حطيتهملي فالفاليزة مزالهم تم اصبر نجيبهملك رحت وجيت لقيتو راح قعدت معايا ماماخلاص فوتيهالو هذي المرة واذا عاودها أنا منرجعكش قوتلها منك بصح نقارعلو حتى يعاودها قاتلي خالتي معليش بسمة قاع العايلات فيهم الحس وقلتي هوما حرشوه عليك خلاص فوتيهالو وقوليلو يدبرلك دارك وحدك هاكا تتهناي منهم .
- يتبع الفصل التالي اضغط على ( رواية بنت الغير شرعية ) اسم الرواية