رواية بنت الغير شرعية كاملة بقلم ياسمين عبر مدونة دليل الروايات
رواية بنت الغير شرعية الفصل السابع و الثلاثون 37
دخلنا للدار راحت خالتي مسكينة نقات فراش ماما أنا جيت فالصالون وتكسلت كلشي مني فشل وحاجة غير تدق في كرشي شوية جاتني خالتي يا طفلة مالكي قتلها منعرف شوفي حاجة راها دق في كرشي مستها قاتلي هذا خباط من الخلعة صىرالك هكا جابتلي الماء شربت وجابتي لاقلاص قاتلي حطيه على البلاصة ضوك تخف درت كيما قاتلي مع الليل سمعنا دقديق حسبتو يوسف حتى لقيتو جارنا مسكين سقساني على ماما وقالي إذا تروحولها نديكم حنا هكاك حتى قارا يوسف قدامنا نزل مامبا مسلمش قالي غير الخير واش كاين زربت قتلو لالا هذا جارنا لي دا ماما جا يسقسي عليها قالو يعطيك الصحة قالو هذاك بلا مزية خالتي حليمة خيرها سابق وراح دخلنا قالي آخر مرة نلقاك عند الباب مع كاش واحد قتلو من نيتك ماما ربي عالم بيها ونتا غير مع شك نتاعك خرجت خالتي بختة سلمت عليه حتى قاللها خالتي كيفاه خليتيها تحل
الباب وفالليل قاتلو يا وليدي كنت نصلي وحسبناك نتا سكت ممبعد قاللها طمنو خالتي حليمة لاباس راني هدرت مع الطبيب وطمني عليها قتلو علاه مخلاونيش نقعد عندها قارد قالي خدمتهم هوما متتقلقيش راها لاباس تعشات وخليتها راح ترقد طرت عندو شفتها قالي ايه كنت عندها وجيت قتلو تعيش حابة نروح لها قالي بالاك رقدت قتلو معليش نشوفها برك تعيش يوسف قالنا خلاص روحو لبسو لبسنا ورحنا دخلنا عندها لقيناها صح راقدة بوستها على خدها قالي هيا ضوك تنوضيها حطينالها حوايجها ورجعنا للدار سخنت خالتي العشا قاتلنا هيا تتعشاو قالنا يوسف مزال متعشيتوش قوتلو مين تفوت قالنا
هيا حتى جوعان قتلهم كولو نتوما أنا موش قادرة قالي هيا كيفاه ترقدي بلا عشا قعدت معاه درت كليت مغرف طعام دار عليا قلبي خرجت نجري استفرغت رجعت سمعت خالتي قاتلو من العشية حالها مهوش يعجب جيت في البيت في بلاصة ماما وتكسلت شوية لقيتو دخل عندي قالي واش بيك بسمة قتلو والو غير مين شفت الدم مقدرتش قالي لالا ملي جيتي هنا مكيش عاجبتني ضعافيتي بزاف راكي صفرة مراكيش تاكلي ولا واش بيك قتلو علاش عملتك فيا خلاتني سكت وهبط راسو بقينا ساكتين حتى دخلت خالتي قاتلو يوسف وليدي ارقد باينة راك تاعب من الطريق قاللها معليش خالتي صونا تيليفونو ناض خرج برا يهدر قاتلي خالتي بسمة بنتي صالحي راجلك ومتخربيش دارك قتلها منيش قادرة قاتلي والله يا بسمة تعياي وتندمي راكي تشوفي شحال من وحدة راها دور بيه يعياو دايينو عليك بقيت غير ساكتة ناضت هيا راحت رقدت فالصالون جا
هو قالي وين خالتك قتلو راقدة فالصالة ونتا رقد هنا في بلاصتها نحا تريكوه غير شفت سيكاتريس نتاع ظفاري شعلت ناري ولاو دموعي غير يطيحو عيا معايا يا طفلة واش بيك واذا علا يماك والله متخافي راها لاباس درت للجهة الأخرى وبقيت نبكي حتى داتني عيني…
- يتبع الفصل التالي اضغط على ( رواية بنت الغير شرعية ) اسم الرواية