رواية بنت الغير شرعية كاملة بقلم سمسومة عبر مدونة دليل الروايات
رواية بنت الغير شرعية الفصل الثالث 3
من نهارها وليت دايرة احتياطاتي تهنيت منو موالاش يجي عند مرتو بصح وليت نلقاه فالطريق مرات يجي ليا للجامعة يحلل يقولي غير اقبلي بيا والله نديرلك جنة فالأرض نقولو بدراهم مرتك يقولي لالا بدراهمي ديجا أنا وصلتها وين راها أنا لي فتحتلها هذاك البيرو كيما عيا يحاول فيا ولا ديما نردو شحال غاضتني المحامية مرات قاع نحب نقوللها كلش بصح نرجع نبطل والله معرفت علاه بالاك كنت خايفة تحاوزني من الخدمة وانا راني في أمس الحاجة ليها وصرا لي كنت خايفاتو وحد السمانة بدات المحامية غير تشنف عليا وتزعف مالقري منغلط في والو حتى وحد النهار قبل ما تخرج العشية عيطتلي عندها دخلت حطتلي دراهم على البيرو قاتلي هاكي حقك وتفضلي منا حوسي خدمة في جهة أخرى بقيت مصدومة قتلها علاش واش شفتي مني في واش غلطت قاتلي متوقعتكش تغدريني ودوريلي براجلي تخلعت قتلها أنا نحوس على راجلك قاتلي واه علاه حابة تخربيلي داري ياك لميتك خرجت من عفن ووسخ النسا لاه درتي براجلي قلو عليك الرجال لاه حابة تخونيلي بو ولادي وانا لي كنت نخمم نزوجك بخويا ملقيت منجاوبها بقيت ساكتة شوية قتلها راكي ضلمتيني بلا متسمعيني بصح معليش نوكل ربي هو لي يجيبلي حقي رفدت دراهم وخرجت هايمة على راسي مش عارفة شا ندير رحت للدار دخلت ديركت رقدت عيات ماما وخالتي ينوضو فيا نتعشى بصح مين رايحة تفوت الصباح بكرت نحوس على خدمة بصح والو جبتها هكا كل يوم نبكر مندخلش حتى قريب الليل غير نبريكولي مكاش خدمة ثابتة مرة نغسل الماعن فكاش ريسطورون مرة نبيع الخضرة مع كاش خضار المهم نصور قوت اليوم والدراهم لي مدتهملي المحامية خليتهم بجهة لدوا ماما فوت هذاك الصيف بالكشايف والمحاين وليت كي المتشردين نخرج من الفجر منرجعش حتى نص ليل ماما معلابالهاش بلي حبست الخدمة عند المحامية غير خالتي بختة مسكينة متقاسمة أنا وياها هموم الدنيا لحقت القراية وليت منسواش كحلة مشوطة من الشمس شعري محروق منشفاش وينتا آخر مرة تهليت فيه ودرتلو شوية زيت نغسلو ونكورو طوماطيشة يبقى عليها حتى للغسلة لخرى وتالمو كنت نظل برا لازم غير ندخل ندوش من العرق والغبار المهم مخليتش خدمة مخدمتهاش وصلت حتى أني وليت نقي المراحيض العمومية يا ديني سعدي كي مسود ، دخلت نقرا سنة 4 كثرت القراية وصعابت وليت منلقاش الوقت قاع وزيد بلاخدمة جوزت شهرين مينشافوش مكاش مصروف ماما قوا عليها المرض…تكملة الجزء 3 :
جوزت شهرين مينشافوش مكاش مصروف ماما قوا عليها المرض ملقيت عليها وين غير خالتي بختة مسكينة كاش ما تدخل ويجي غير مصروف للدار ولينا غير كسرة بالماء ولا مرات بلبن المهم نقصو دراهم الدوا وراجل المحامية كل مرة عندي مسمط عليا قالي بلعاني قتلها راكي حاطة عينك عليا باه تخرجك وترجعي ليا قتلو حسبي الله ونعم الوكيل فيك وغير نتا لي منكونش معاك وان شاء الله ربي يكشفك المهم مخليت مقتلو ،وحد النهار في لافاك جاتني سهام هذي طفلة نعرفها معرفة سطحية مرة صرالها بروبلام كبير وعاونتها من تم ولينا سلام سلام وخلاص قاتلي أهلا بسمة واش حوالك قتلها لاباس الحمد لله قاتلي غير الخير واش بيك شفتك غير غايسة ومهمومة قتلها والو غير راني بلا خدمة وماما مريضة راكي عارفة مسكينة جبدت دراهم مدتهملي قتلها منديش حتى نتي محتاجة حلفت عليا نديهم قتلها خلاص بصح غير نلقى خدمة نرجعهملك قاتلي خلاص ولات مسكينة مرة مرة وتمدلي وأنا خلاص كون نلقى ندخل تحت الارض ، عييت من التخمام وحد اليوم نضت معولة رحت لافاك حوست على سهام لقيتها تسالمنا ممبعد قتلها نحتاجك قاتلي غير الخير قتلها شوفيلي خدمة معاك تصدمت قاتلي بسمة راكي عارفة شا تهدري قتلها واه راني عارفة وراني سيريو قاتلي خلاص العشية نتلاقاو كملت قرايتي رحت للدار على 6 خرجت قتلهم ذوك نجي بقيت نستنى في سهام حتي عيطتلي قتلها راني فالبلاصة الفلانية جات عندي هزينا طاكسي ورحنا.
- يتبع الفصل التالي اضغط على ( رواية بنت الغير شرعية ) اسم الرواية