رواية بنت الغير شرعية كاملة بقلم ياسمين عبر مدونة دليل الروايات
رواية بنت الغير شرعية الفصل الثالث و الاربعون 43
دخلت عندنا أميمة سلمت علينا قاتلي بسمة عظم الله أجركم والله مسمعت حتى اليوم باه قالي محمد كون جيت معاهم قتلها معليش نورمال قاتلي محمد برا يحوس عليك خرجت عندو سقساني مسكين على حالي واذا كاش ما نحتاج قتلو منحتاجش والو صحيت خويا هو راح وأنا رجعت دخلت عند عجوزتي عيطلي يوسف هدرت معاه شوية وبقيت مع عجوزتي طلعو عندي شيبات النار عظمولي الأجر في ماما ودارو لعجوزتي كيفاه مقلتيناش كون حنا تان رحنا ولا حنا موش نتاع واجب مجاوبتهمش كامل هوما راحو قتلها علاه سكتيلهم قاتلي خليني منهم هذو يتجاوبو جات رقدت معايا ، الغدوة منو من شومبرتي مخرجتش غير عجوزتي عندي وهي جيبلي ناكل فالليل بقينا مجمعين شوية عاودت سقسيتها على يوسف ومرتو عرفت منها بلي بغاها كي كانو يقراو وبعدما تخرج بعام تزوجها وهوما كيما طبيعتهم مكانوش قابلينها قاتلي مع الاول كانو هايلين لي يشوفهم يحسدهم ممبعد بداو المشاكل بيناتهم سيرتو هي واهل الدار وهو كان يجي معاها 9 سنين وهي معاهم ومرزقهمش ربي لولاد ولاو فالمشاكل كل مرة تغضب ويروح غير عمو يرجعها حتى المرة التالية دار دارو وراحو قاتلي 6
شهور حتى سمعنا بلي ضربها موراها هي دارتلو الخلع ومن يومها مزدنا شفناها سمعنا بلي عاودت الزواج وعندها طفلة ضوكا باينة فيه جرجراتو حتى ولى يسكر على جالها بصح هذو هوما الرجال لي تعذبهم يموتو عليها شح يستاهل ديجا هاذا شكون تعشرو وتبقى معاه و رقدنا كملنا السمانة هكا حتى يوم فالليل فطنت على الهدرة سمعت صوت يوسف مالا جا قاللها واش كيفاه راها قاتلو شوية برك الماكلة ماراهيش كامل تاكل كون غير تديها للطبيب قاللها نشوف معاها ممبعد ساهل قاتلو علاه مخليتش للصباح وجيت قاللها كملت ومقدرتش نبقى تقلقت على بسمة قاتلو مزية جيت هي راحت وهو جا عندى بقى يلعب في شعري ممبعد باسني على خدي وراح دوش وجا..
- يتبع الفصل التالي اضغط على ( رواية بنت الغير شرعية ) اسم الرواية