رواية العشق الابدي كاملة بقلم لبنى دراز عبر مدونة دليل الروايات
رواية العشق الابدي الفصل الرابع 4
لا شك أن سعادة العبد المؤمن هي في الإيمان بأن الله واحد في ربوبيته وألوهيته وأسمائه وصفاته، ولا يكمل هذا الإيمان إلا باتباع نبيه صلى الله عليه وسلم في المنشط والمكره، بهذين الأمرين تتم سعادة العبد في الدنيا والآخرة، قال تعالى: ﴿مَنْ عَمِلَ صَالِحًا مِنْ ذَكَرٍ أَوْ أُنْثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُمْ بِأَحْسَنِ مَا كَانُوا يَعْمَلُونَ﴾ [النحل:97]،
العشق الأبدي بقلمى✍️_____________لبنى دراز
فـ بيت حلم
بعد ما فارس و أدهم عرفوا ان حور هى نفسها حلم الرشيدي الاسطورة كانت الصدمة واضحة ع ملامحهم والصمت سيد الموقف وشوية قطع الصمت بسؤاله
هشام:: انا اللى بسألك يا حور مين دول
فارس:: انا اجاوبك بما انك بتسأل بطريقة مستفزة .. المفروض اننا قرايب..
أمى اللى سيادتك مش شايفها ولا عامل لها أى أعتبار تبقى بنت عم والدتك اللى وقعت و جالها جلطة و لولا اختك اللى بتطعن فـ سمعتها و شرفها كانت جنبها و كنا موجودين معاها و لحقناها كان زمانها الله يرحمها
هشام::اه قولتلى بقى وياترى سيادة المحامى العام يبقى مين بقى فارس باشا الظابط ولا أدهم بيه الدكتور
أدهم::تفرق معاك يعنى هو مين؟عموما هريحك هو فارس وانا أدهم
حلم::ودلوقتي اتفضل اطلع برة يا هشام برااااا
وفعلا مشى هشام هو ومراته و حلم قعدت مكانها فـ الارض منهارة وموجوعة من كلام أخوها
نجوى::بحزن..قومى يا حور يابنتى وبطلى عياط اغسلى وشك وفوقى أمينة محتجالك و اخوكى مسيره ربنا يهديه
ياسمين::قومى يا حور من الأرض وبلاش عياط علشان خاطرى..عشان تقدرى تاخدى بالك من طنط
عاليا::بتساعد حلم تقوم من الارض وبتحاول تضحكها..قومى بقى وانتى مزة وقمر فـ نفسك كدا حتى وانتى بتعيطى..وبهمس ارحمى قلوب السناجل دول وبصت لـ أخواتها ههههههه ورجعت لـ حلم يا نهار ألوان بصى متنحين ازاى
حلم::بشبح ابتسامة انتى مش عايزاهم يتنحوا بعد اللى قولتيه
عاليا::بنفس الهمس هما سمعونى ولا ايه يا ليلة فحلقى ههههههههههه
حلم::ضحكت ع اسلوب عاليا
فارس وأدهم انتبهوا ع صوت عاليا وهى بتقلد مرسى الزناتى
عاليا::ايييييه يادين النبى ايييه الحلاوة دى..أخيرا شوفت الضحكة القمر دى يخربيت جمدانك ياشيخة
أدهم::حط ايده ع جبينها..انتى سخنة يا عاليا؟ مالك ياحبيبتى
ياسمين::عاليا لسعت يا دومى خلاص بقت هوبا من كتر قعدتها فـ البيت ههههههه
عاليا::لـ ياسمين بس يارخمة ولـ أدهم انا كويسة يا دومى و زى الفل بس بنكش المزة القمر دى عشان تقوم من الارض تجيبلى النوتيلا والكابتشينو اللى وعدتنى بيهم
فارس::وليه تطلبى منها هو انا قصرت معاكى
حلم::ع فكرة عادى يعنى
فارس::بالنسبالى مش عادى خالص..انا مربيتهاش ع كدا
حلم::وأفرض..فين المشكلة فـ انها تطلب ثم اصلا هى ما طلبتش
فارس::بأستفزاز..لو طلبت..اقـ تـ لها
حلم::ع فكرة اسلوبك مستفز و سورى يعنى تفكيرك متخلف
فارس::بغيظ منها..مين اللى مستفز و متخلف؟ انا؟
حلم::بتوضيح..قولت اسلوبك وتفكيرك ما قولتش انت
فارس::نععم..وانا ايه واسلوبى وتفكيرى ايه..ولا انتى بتتكلمى و مش فاهمة معنى كلامك
نجوى::ساكتة وبتتفرج ع الاتنين كأنها بتتابع ماتش كورة متحفزة تعرف مين هيكسب
أدهم::ممكن تهدوا انتوا الاتنين في ايه لكل ده..فارس عاليا بتهزر علشان بس حور تفوق..وانتى يا ست حور ولا اقول يا حلم هانم..اهدى شوية..وبعدين تعالى هنا لما انتى حلم الرشيدي بتنكرى ليه
حلم::انا ما انكرتش انى حلم خالص
أدهم::اومال لما سألتك عن المستشفى أنكرتى ليه
حلم::اتفاجئت بسؤالك مش أكتر وبعدين زى ماقولتلك قبل كدا بحب اعيش بحريتى زى اى بنت فـ سنى وطول ما انا عايشة هنا انا حور وبس انما بمجرد ما بخرج من الشارع وأروح شغلى بكون حلم
ياسمين::بأستفهام..صحيح قوليلى ليه أسمك حلم و حور
حلم::بتوضيح..شوفى ياستى تيتة ام بابا الله يرحمهم الاتنين..كانت عايزة تسمينى حور وماما كان نفسها فـ حلم
بابا عشان مايزعلش تيتة و عشان برضوا مايزعلش ماما اتفق معاها انه يكتبنى فـ شهادة الميلاد حلم و يقولولى حور و قد كان و بكدا اخد رضا امه وكمان مازعلش مراته حبيبته
عاليا::باباكى شكله كان راجل عظيم
حلم::بدموع الحنين..بابا أعظم أب فـ الدنيا عمره ما جه ع ماما ابدا عشان خاطر مامته و أخواته ولا عمره اتأخر عن مامته فـ حاجة ولما كانت ظروفه مش بتسمح يروح لـ تيتة..كانت ماما تروحلها وتعمل اللى كان بيعمله عشان تيتة ماتحسش ان بابا اتأخر عليها
فارس::ماما انا راجع الشقة..و بص لـ حلم..ياريت تكتبى العقد عشان احس انى قاعد فـ شقتى مش عالة عليكى و بتريقة ياااا حلم هانم
حلم::انت بنى أدم مستفز ع فكرة لـ أقصى درجة وان كان ع العقد حاضر..فااااتن
فاتن::نعم يا انسة حور
حلم::هاتى من درج مكتبى عقدين إيجار والقلم بتاعى
فاتن::حاضر..ثوانى ورجعت جابت لـ حلم العقود والقلم..اتفضلى يا ست البنات
حلم::شكرا يا فاتن..ولـ فارس اتفضل يامستفز أفندى املأ البيانات الخاصة بيك
فارس::ياريت تحطى لسانك جوة بوقك بدل ما اقطـ عهو لك
حلم::ماتقدرش وياريت تخلصنى وتكتب العقد وانت ساكت
فارس::ايه خلصنى دى..هو انتى ع ذمتى
حلم::ابعد مايكون حتى عن احلامك انى اكون ع ذمتك
فارس::بهمس سمعته حلم..ده ايه السُكنة المهببة دى
حلم::مش عاجبك أمشى
فارس::أكيد همشى فـ اقرب فرصة..واتفضلى بقى كملى بياناتك
حلم::طلعت بطاقتها..بغيظ منه..لأ اتفضل البطاقة و كمل انت
فارس::ليه اتشليتى؟
حلم::بغلاسة..مش بحب اكتب واخلص بقى وحط قيمة الايجار اللى عايز تدفعه وخلصنى
فارس::برضوا خلصنى.انتى مجنونة يابنتى كل شوية خلصنى اهدى ع نفسك
أدهم::باااس انتوا الاتنين..ده انتوا لسة اول مرة تتقابلوا اومال لو اتقابلتوا مرتين تلاتة هتعملوا ايه..هتضـ ربوا بعض بالـ👞 ولا ايه
الاتنين فـ نفس واحد
فارس::انا اقابل المتخلفة دى تانى
حلم::انا اقابل المستفز ده تانى
نجوى::خلاص بقى يا فارس يا حبيبى حصل خير..وانتى يا حور خلاص اهدى ياحبيبتى
وفعلا فارس كتب العقود وحط قيمة الايجار اللى عايزه بعد مشاحنات كتير مع حلم ومضى العقد واخد نسخته و هو رايح ع شقته قال لنجوى ماما انا خارج شوية
______________________
فـ المزرعة فـ نفس الوقت
قاعد حازم والاء وبسمة بيراجعوا الحسابات والطلبيات وفجأة عربيات كتير داخلة بهـ جوم مسـ لح و داخل وسطهم
عابد::بزعيق..حلللم ياااا رشيييدى انننتتتى يااااا حللللم
حازم::بغضب..خيييير يا عاااابد فى ايه داخل بالطريقة دى ليه
عابد::ابعد من وشى يا حازم انا عايز الهانم اللى مستخبية جوة دى خليها تطلعلى
حازم::اهدى يا عابد حلم مش جوة و ماينفعش اللى بتعمله ده
فـ نفس اللحظة الاء خافت واتصلت بحلم بلغتها
الاء::الوو..حلم ألحقينا عابد هنا خـ ارب الدنيا وبيزعق وماحدش قادر عليه
حلم::ده أكيد اتجنن..الحرس فين
الاء::بيتعاملوا معاه وبرضوا مصمم مش عايز يمشى وحازم بيتكلم معاه ومافيش فايدة مصمم انك جوة
حلم::بغضب..عابد الوزير كتب نهايته بايده اقفلى يا الاء انا جاية..قفلت الموبايل وسحبت
سـ لا حـ ها وطلعت تجرى وقالت..خالتوا لو سمحتى خليكى مع ماما
أدهم::بقلق من شكلها والـ سـ لاح اللى معاها..رايحة فين وحصل ايه
حلم::ماتقلقش..حساب صغير هخلصه و جاية وجريت ركبت عربيتها فـ خلال نص ساعة وصلت.
نرجع المزرعة
عابد::مهما تعمل يا حازم حتى لو جبت مين مش همشى غير ما اشوفها
حلم::من وراه وانا جيت أهو
يا عابد..مش حلم الرشيدي اللى تستخبى .تقدر تقولى انت جاي ليه و عايز ايه ومين سمحلك اصلا تدخل هنا
نروح لـ فارس
فـ نفس لحظة جرى حلم ع السلم جريت عاليا عند فارس
عاليا::ألحق يا ابيه..شكل حور حصل معاها مشكلة كبيرة..ألحقها والنبى
فارس::انا مش فاضى يا لولى ورايا شوية مشاوير وهو خارج من باب الشقة
نجوى::ألحقها يا أبنى عشان خاطرى شكل فى حد اتهـ جم ع المزرعة بتاعتها..اخدت الـ سـ لا ح وجريت..أجرى وراها ماتسيبهاش
فارس::بذهول..سـ لا ح !! حاضر يا أمى هلحقها وربنا يستر ونزل جرى فعلا ركب عربيته وحصلها
نرجع تانى لـ حلم
عابد::بغضب..انا عاااايييز أعررررف انتى عايزة منى اييييه بالظبط يا حلم
حلم::بأستغراب..مين انا؟ انا اللى عايزة منك انت؟ هعوز منك ايه يا عابد؟
عابد::اومال مالك ومالى وبعتى اللى بعتيه ليييييه يا حلللللم
حلم::بزعيق..انت اللى ابتديت والبادى أظلم
عابد::أنتى مش قدى يا حلم أبعدى عن طريقى أحسنلك
حلم::طول عمرك غبى يا عابد.. مش حلم الرشيدى اللى واحد زيك يهـ دد ها مرة واتنين وتسكت..لازم ترد و رد يطلع من نفوخك فـ امشى أحسنلك وفُض الليلة دى وبطل لعب عيال..لانك انت اللى مش قدى و الفيديو اللى بعتهولك ده ما يجيش حاجة فـ اللى عندى..ياريت تشيلنى من دماغك وابعد انت عن طريقى
عابد::خلى بالك انتى من نفسك وماتدخليش معايا فـ اللعبة دى لانك مش قد اللعب مع عابد الوزير
حلم::بتأكيد لأ قدها وقدود وهاتشوف يا عابد..هانهي اللعبة لصالحى..و ده وعد من حلم الرشيدي
فارس::وصل وسمع الحوار كله وشاف طقم حراسة حلم كله واقف قصاد حراسة عابد و شاف حلم وعابد رافعين سـ لا حهم ع بعض..وقف جنب حلم وبص لـ عابد نزل سـ لا حك ده احسنلك
عابد::وانت مين بسلامتك وبصفتك ايه
فارس::المقدم فارس المنصورى..وصفتى ايه دى ماتخصكش..دلوقتي اتفضل خد رجالتك وامشى من هنا قبل مااتهور واقبض عليك وساعتها ماتلومش غير نفسك..يلا
عابد::بغيظ نزل سـ لا حه و بص لـ حلم انا ماااشى..بس هنتقابل تانى يا حلم اللعبة لسة ماخلصتش
حلم::بهدوء قاتل..وانا مستنية يا عابد وقدها..بس اللى ما يرجعش يعيط..و هو ماشى ندهت عليه..عااااابد اخبار حماد الدمنهورى ايه..ماتنساش تسلملى عليه..وضحكت بكل قوتها ههههههههههههههههههه وهو مشى و بيـ تو عد لها لااازم ينتـ قم منها بأى طريقة
فارس::بعصبية..انتى مجنونة ولا شكلك كدا لما فى زفت هجـ وم زى ده ما بلغتنيش ليه
حلم::وانت مالك ثم مين انت عشان أبلغك وبـ أى صفة..وبعدين جاى ورايا ليه
فارس::تصدقى..انا غلطان انى عبرتك وجيت ألحقك..كان لازم أسيبك لـ ك لـ ب زى ده يعمل مابداله
حلم::بغضب..والله ماجريتش عليك وقولتلك ألحقنى..و بعدين الكـ لـ ب ده انا كفيلة بيه ومش محتجاك
حازم::لـ حلم..ممكن تهدى وتسكتى شوية..ولـ فارس اتفضل يا فارس باشا
حلم::مين اللى يتفضل انت كمان يا سي حازم
فارس::ومين قالك انى عايز أقعد مع واحدة متخلفة زيك
حلم::بغيظ..انا متخلفة يا مستفز انت مابقاش الا انت كمان اللى اقعد معاه و بصت له بقرف وسابته و سابت المزرعة كلها ومشيت
الاء::بأستغراب..لـ حازم انت فاهم حاجه؟
حازم::بيهز دماغه..تؤتؤتؤ
الاء::ولا انا
فارس::انا ممكن اعرف ايه اللى حصل بالظبط
حازم::اه طبعا ممكن..اتفضل فـ المكتب..انا اولا بعتذر نيابة عن حلم
الاء::هى مش كدا والله..بس الزفت اللى أسمه عابد ده وترها و وترنا كلنا
فارس::انا مقدر الموقف و عاذرها..بس عايز اعرف مين عابد وعلاقته بيكم او بيها تحديدا ايه
حازم::تشرب ايه فـ الاول..قهوة؟ ولا تحب حاجة تانية
فارس::أكيد قهوة مظبوطة
حازم::لـ ألاء معلش يا حبيبى ممكن تعمليلنا القهوة بنفسك وتيجى
الاء::حاضر يا حبيبى..وخرجت تعمل القهوة
حازم::تحت امرك يا فارس باشا تحب تعرف ايه
فارس::علاقة عابد بـ حلم وليه بينهم عداواة
حازم::احنا كنا كلنا دفُعة واحدة ايام الجامعة وكمان شلة واحدة انا والاء مراتى وحلم وعابد وفى ناس تانية معانا يعنى مع بعض 10 سنين تقريبا
فارس::طيب لما كنتم شلة واحدة ايه اللى حصل عشان يقفوا قصاد بعض كدا
الاء::دخلت بالقهوة وقدمتها و ردت ع فارس..عابد انسان انتهازى و وصولى..من أول يوم فـ الجامعة اتعرفنا ع بعض..وقتها عرف ان حلم بنت زكية جدا و شاطرة لعب عليها انه بيحبها وهى كانت بسيطة جدا صدقته وبصراحة احنا كمان صدقناه
فارس::بيشرب القهوة وبيسمع الاء..وقال تسلم ايدك يا مدام الاء
الاء::شكرا
حازم::كمل..فضل 3 سنين مفهمها انها كل حاجة فـ حياته وخلاص بعد التخرج هيتقدملها وزى ما الاء قالت حلم كانت زكية جدا ومن اول يوم فـ الجامعة وحلم متفوقة و اتشهرت بسبب النشاطات اللى اشتركت فيها وكمان اشتركت فـ اتحاد الطلاب ومن وقتها حط عينه عليها لانه عرف ان ممكن يوصل من خلالها وقد كان
الاء::بتكمل..3 سنين ع نفس الوضع وطبعا كلنا مصدقينه لغاية ما دخلت سيلين الدمنهورى بعدنا بسنتين كنا احنا فـ سنة تالتة وهى فـ سنة اولى
فارس::بمقاطعة..سيلين الدمنهورى اللى هى بنت حماد الدمنهورى عضو مجلس النواب؟
حازم::اه هى..طبعا انبهر بيها او بشهرتها ونفوذ باباها وابتدا يدخلها وسطنا ويعرفها علينا وهى عرفت تسحبه كويس لغاية ما فـ مرة كانت حلم منظمة رحلة اسبوع الاقصر و اسوان وعابد لـ أول مرة ما يطلعش معانا وع مارجعنا عرفنا انه خطب سيلين
فارس::طيب ده وقت الجامعة..واكيد لما اتجوز بنت الدمنهورى بعد عن حلم..راجع تانى ليه وبيهـ دد ها
الاء::لما حلم اغتنت وبقت حلم الرشيدى الاسطورة وبقى مجرد ذكر اسمها بس كل البيبان والسكك المقفلة تتفتح..طبيعى يرجع لانه شايف انه ممكن يستفيد من اسمها فـ تجارته المشبوهة
فارس::بأستفسار ..هو عابد بيتاجر فـ الممنوع
حازم::بيتاجر فـ كل حاجة وأى حاجة شمال وللاسف حلم عارفة الكلام ده بس مش معاها دليل ع كل ده
فارس::طيب سؤال أخير معلش عايز أعرف حلم أغتنت وبقت كدا ازاى
حازم والاء ابتدوا يحكوا لـ فارس الحكاية و ازاى حلم بقت بالقوة والغِنى ده
______________________
فـ بيت حلم
فـ نفس الوقت وصلت حلم بيتها و كانت نجوى و أدهم و البنات ياسمين وعاليا قلقانين عليها دخلت بكل هدوء وسلمت عليهم واطمنت ع أمينة
أدهم::بقلق..ممكن افهم ايه اللى حصل وخلاكى تسيبى طنط وتجرى كدا
حلم::بأطمئنان..ابدا يا أدهم ده حسااب قديم ولازم يخلص
ياسمين::حساب ايه ده اللى يخليكى تجرى كدا
حلم::عابد الوزير زميل دراسة وللاسف كان أكتر من زميل 3 سنين وابتدت تحكى من اول ما دخلت الجامعة واتعرفت عليه….لغاية ما دخلت سيلين الجامعة
أدهم::وازاى دخلت سيلين دى وسطكم
حلم::من اول يوم فـ الدراسة و احنا فـ سنة تالتة ظهرت سيلين وابتدت تلفت الانتباه وطبعا اول واحد جرى واتعرف عليها كان عابد..وابتدت تحكى
“فلاش باك”
عابد داخل الكلية وقرب ع حازم والاء..وسيلين متعلقة فـ دراعه
عابد::هاى عليكم..ياشباب
الاء::وعليكم ورحمته وبركاته
حازم::ازيك يا بيدو..مش تعرفنا بالقمر
الاء::حااااازم وبعدين
عابد::مالك بس يا لولو ههههههههه ده مجرد سؤال..وبعدين القمر دى سيلين الدمنهورى صاروخ الكلية القادم..دى تبعى ماتقلقيش ع زوما ياختى هههههههههه
حازم::لـ عابد احترم نفسك شوية ايه لولو دى و لـ الاء..مالك بس يا وحش الكون..انت وبس مافيش غيرك ياقمر
سيلين::بدلع..اخص عليك يا بيدو..بقى انا صاروخ
عابد::ومش اى صاروخ يا سيلي ده انتى صاروخ ارض جو يجيب من الاخر يا قلبى
حازم::بهمس لـ الاء يالهوى لو حلم جات وشافتها معاه هتـ قتـ لهم
الاء::طيب ألحق خدلك ساتر بقى بسرعة
حازم::ليه
الاء::بتشاور بدماغها بص وراك كدا
حازم::استر ياللى بتستر..حلم جاية مدخنة
حلم::بغيظ..صباح الخير..عابد لو سمحت عايزاك
عابد::عايزة ايه يا حلم
حلم::هنتكلم كدا هنا
سيلين::واقفة متعلقة فـ ايد عابد..وايه المشكلة يا حلم انك تتكلمى قصادنا ولا لازم تكلمى عابد ع انفراد يعنى
حلم::بعصبية..اعتقد يا سيلين ما وجهتش ليكى كلام..ولـ عابد هتيجى ولا ايه
عابد::بص لـ سيلين سورى بيبى ثوانى اكلمها وارجعلك
ومشيوا وقفوا بعيد شوية عنها وحازم و الاء متابعين الموقف بصمت
حلم::بزعيق..ممكن أفهم ايه اللى بيحصل ده..ايه اللى انا سمعته ده يا عابد
عابد::خير يا حلم عايزة ايه
حلم::ايه حكاية البت دى رايحة جاية معاك كدا ليه
الاء::بهمس لـ حازم الله دى هتووولعععع
حازم::تعالى نجرى من هنا بسرعة قبل ما حلم تتحول
نرجع لـ حلم وعابد
عابد::عادى يا قلبى صديقة
حلم::نعععععم صديقة؟! ده اللى هو ازاى يعنى
عابد::صديقة just a friend يا حلم زيها زى الاء و رانيا وهاجر
حلم::نعم يا خويا just a friend بالمنظر ده والطريقة الاوڤر دى..يعنى انت تقبل انى اقف مع حازم كدا واحط ايدى فـ ايده واتدلع عليه كدا..ماهو just a friend برضوا ولا اييييه
عابد::عادى يا بيبى لو الاء توافق انا ماعنديش مانع
حلم::بصت له بقرف وسابته ومشيت
“عودة للوقت الحالى”
حلم بتكمل و من وقتها سيلين الدمنهورى بقت امر واقع فـ حياتنا و من هنا اتوترت العلاقة بينى وبين عابد
عاليا::طيب بقيتى حلم الاسطورة ازاى يا حور ولا اقولك حلم
حلم::قولى اللى تحبيه يا لولى..بصى يا ستى فـ يوم كنت بنظم رحلة لـ الاقصر و أسوان اسبوع فـ اجازة نص السنة
“فلاش باك”
حلم::ها يا شباب مين طالع الرحلة
حازم::انا
الاء::وانا كمان
رانيا::أكييييد انا وهاجر كمان
هاجر::لأ مـ مـ مااااا ماااا
حلم::بتمأمأى ليييه يا چورى
اخلصى هتطلعى ولا لأ
هاجر::بصراحة انااا عايزة اقول يعنى
حلم::قولى واخلصى بقى فى ايه
الاء::اكيد عايزة تقول مش هتطلع وخايفة تاكليها يا حلم ههههههههههههه
هاجر::لأ ياختى عايزة اقول ما اقدرش اتأخر أكيد طالعة طبعا وقبلكم كمان..وخلصت كلامها وطلعت تجرى خافت من حلم
حلم::طلعت تجرى وراها خدى ابت تعالى هنا وحياتك لـ أعلقك يا هاجر الـ كـ لب
حازم::ههههههههههه البت هاجر دى مشكلة خليتك تجرى وراها و برضوا مامسكتيهاش
حلم::بضحك..مجنونة بس بحبها والله بهجة قلبى وحياتي ههههههههههه..كدا خلاص الرحلة اكتملت
رانيا::مامتك وباباكى اكيد معاكى يا حلم طبعا
حلم::أكييييد دول نور عيني الاتنين ما استغناش عنهم ياختى
رانيا::طيب وهتعملى ايه مع عابد؟
حلم::بابا وماما عارفينه وطبيعى هتكلم معاه قصادهم..عادى جدا..بس هو لغاية دلوقتي ما دفعش اشتراك الرحلة مع انه مأكد عليا وكتب اسمه
سيلين::هاى يا بنات..وبصت لـ حلم مش تباركولى..عابد أخيرا اعترفلى بحبه وقريب اوى هتسمعوا خبر حلو
حلم::بصت لها بأبتسامة كبرياء..مبروك عليكى عابد تتهنى بيه..يلا يابنات نشوف ورانا ايه و فعلا مشيت وهى بتضحك رغم جرحها وشافتها الدكتورة عفاف ( دكتورة ورئيس قسم الاقتصاد والمالية..وبتحب حلم جدا و بتعتبرها بنتها لانها ماعندهاش اولاد)
د/ عفاف::ندهت ع حلم..تعالى يا حلم معايا المكتب
حلم::بوجع متدارى حاضر..ومشيت مع د/ عفاف راحت مكتبها
عفاف::بتساؤل..مالك يا حبيبتى
حلم::بأبتسامة وجع..انا كويسة الحمدلله يا دكتورة
عفاف::لأ مش كويسة يا حلم
حلم::كأنها كانت مستنية الجملة دى..وعيطت كتير عيطت بأنهيار و وجع السنين اللى فاتت ع قلبها اللى انجرح من اول حد حبه و ماصانهوش
عفاف::عيطى يا حلم وطلعى اللى جواكى ولما تهدى خالص أحكيلى مالك
حلم:: بعد ما هديت حكت اللى حصل كله لـ عفاف
عفاف::بصى يا حلم ياحبيبتى انا سمعتك للأخر ومش هقولك انك غلطانة لان القلب مالناش حكم عليه بس هقولك بلاش تخلى الكره يتحكم فيكى..حبى نفسك وحبى ظروفك وأشكريها كمان..انها كانت السبب فـ كشف شخصية عابد الحقيقية..انسان وصولى و انتهازى..وصدقينى ربنا بيحبك علشان كدا كشفلك حقيقته قبل ما يحصل اى ارتباط رسمى بينكم
حلم::الحمد لله يا دكتورة..بس قلبى واجعنى اوى
عفاف::هنطلع الرحلة و هتفرفشى ومش بس كدا..دكتور كمال طالع معانا وهو عارف قد ايه حلم الرشيدي بتحب الزرع وعندها طموح انها تبقى صاحبة ارض
حلم::دكتور كمال جوز حضرتك؟
عفاف::طبعا..مش انا وعدتك انك تقابليه؟!
حلم::حصل
عفاف::هو كمان عايز يقابلك من كتر ما سمع عنك..و وعدته برضوا انك لما تنظمى رحلة جديدة يطلع معانا ونتقابل كلنا..ها ايه رأيك بقى
حلم::بأبتسامة..انا متشكرة جدا يا دكتورة بجد مش عارفة اشكرك ازاى
“عودة للوقت الحالى”
ياسمين::وبعدين يا حور ايه اللى حصل بعد كدا
عاليا::بتسرع..هو انتى لسة بتحبى عابد ده
فارس::دخل بالصدفة وسمع سؤال عاليا لـ حلم و نفسه يعرف الاجابة ومستنى ردها مش عارف ليه
حلم::من غير ما تنتبه لـ فارس..ردت انا نسيته وشيلته من حساباتى نهائى بمجرد ما حسيت انه ماشى ورا سيلين..و من وقتها و انا قررت أعيش لنفسى وأبنى مستقبلى و ماسمحش لأى حد مهما كان مين يدخل حياتى او حتى يقرب بس من قلبى و ده علمهولى دكتور كمال لما طلعنا الرحلة مع بعض واللى حصل بعد كدا يا ياسمين وابتدت تحكى
“فلاش باك”
يوم الرحلة الكل واقف و مستنيين حلم تنادى ع الاسامى و ابتدوا فعلا يطلعوا وهى أخر واحدة طلعت و رغم وجعها الا انها بتضحك و تهزر ومش مبينة ابدا وجعها لـ حد
عفاف::ندهت عليها..حلم تعالى
حلم::بهزار دكتورة قلبى انا هنا أؤمرينى
كمال::ع فكرة اللى بتعمليه ده غلط يا حلم
حلم::بعدم فهم..بصت له و ساكتة
كمال::بتوضيح..هفهمك..انتى بتحاولى ماتبينيش وجعك و بتداريه وتضحكى وتهزرى و ده غلط بلاش تتحملى وجعك لوحدك لانك هتتعبى
حلم::حضرتك عايزنى أبين انى ضعيفة ومكسورة هو ده الصح يعنى؟؟
كمال::ممكن سؤال بس جاوبينى بصراحة
حلم::اتفضل تحت أمر حضرتك
كمال::شايفة نفسك فين بعد 5 سنين من تخرجك؟
حلم::شردت..انا شايفة نفسى صاحبة أرض 100 فدان وتكون عبارة عن مزارع خضار و فاكهة و دواجن و مواشى و مناحل ومصنع مواد غذائية
كمال::ياااااه كل ده
حلم::فاقت من شرودها..أمنية حياتى بجد
كمال::ليه؟
حلم::ليه ايه؟
كمال::ليه اختارتى تكونى صاحبة مزارع
حلم::انا بعشق حاجة اسمها زرع وبحب جدا الزراعة و الارض و ريحة الطين و بتمنى يكون عندى ارض و مزرعة
كمال::وهتقدرى تحققى حلمك فـ أول 5 سنين من حياتك بعد التخرج
حلم::بهزار..هو حضرتك مش ملاحظ انك غيرت الموضوع الاساسى اللى كنا بنتكلم فيه
كمال::بجدية.. مين قالك انى غيرت الموضوع الاساسى..بالعكس كلامى ده فـ صميم الموضوع و هقولك ليه.. بس قوليلى انتى شايفة انك تقدرى تحققى حلمك بعد 5 سنين من تخرجك
حلم::أكيد هحاول أحققه..جايز هتعب..وجايز مش هوصل.. بس اللى متأكدة منه انى هحاول بأى طريقة
كمال::طيب واللى يساعدك تحققى حلمك ده زى ما حلمتيه بالظبط و احسن ومش بس كدا لأ..ويكون ليكى أسم يتهز له جبال وتتفتح له الابواب والكل يبقى تحت أمرك
حلم::بصت له بأستغراب..معقول ده؟
كمال::معقول جدا..والشخص ده موجود كمان
حلم::مين الشخص ده
كمال::انا الشخص ده..بصى يا حلم..انتى زى بنتى وانا حبيتك من كتر كلام عفاف عنك واتمنيتك بنتى فعلا لانك بنت ذكية و طموحة وعشان كدا مش عايزك تتعبى وتكتمى وجعك جواكى طلعى وجعك ده وجرحك فـ تحقيق حلمك حولى كـ سرة قلبك دى لطاقة ايجابية وكل ما تفتكرى وجع قلبك كل ما تدوسى فـ طريق حلمك وقت ما توصلى هتكتشفى ان جرحك خف وبالعكس انتى هتشكرى اللى كان السبب وانا هساعدك توصلى وتحققى حلمك وكمان تبقى اسطورة يحكوا ويتحاكوا عنها
“عودة للوقت الحالى”
أدهم::معقول..هو فى كدا
حلم::فعلا مافيش كدا بس د/ كمال حالة خاصة
أدهم::ازاى يعنى حالة خاصة
حلم::هو طبيب جرّاح قلب وع فكرة هو رئيس مجلس أدارة المستشفى مش انا وشريك فيها
أدهم::هى مش بتاعتك ؟
حلم::ليا 70% و د/كمال 30%..المهم الراجل ده ربنا جعله سبب انى افوق بسرعة جدا من الوهم اللى كنت عايشاه يمكن من وقت الرحلة نفسها لدرجة انى بعد ما رجعنا من الرحلة وعرفت ان عابد وسيلين اتخطبوا مافرقش معايا نهائى و ده جننهم وسيلين بالتحديد
ياسمين::شافت فارس واقف بيسمع حلم و سرحان قربت منه وسألته..أخويا حبيبى مالك
فارس::ضمها بحب و باس راسها..مافيش يا حبيبتى ..وعينه ع حلم اللى بتتكلم مع أدهم و عاليا ..وسأل ع نجوى..هى ماما فين
ياسمين:: قاعدة مع طنط أمينة فـ اوضتها
فارس::باسها فـ خدها ..ماشى يا حبيبتى انا رايح شقتنا ..
وفعلا راح شقته و دخل اوضته بيفكر فـ حلم ازاى واحدة بكل قوتها دى اللى شافها ضعفت كدا لما مامتها تعبت شوية
نرجع عند أمينة فـ أوضتها
نجوى:: ايه اللى حصلك يا بنت عمى وقعك كدا
أمينة::بتنهيدة.. أقولك ايه بس يا نجوى .. هشام ماشى ورا كلام مراته و جاى ع أخته الصغيرة.. اللى ساعدته يتجوز و خليته مش محتاج حاجة وللاسف مراته طمعت وهو بيحبها لدرجة عمت عينيه عن الحقيقة ومشى وراها ولما حلم عرفت بحقيقتها وقفتها عند حدها ومن يومها وقلبت هشام ع حلم
نجوى:: بقلق انها تكون سمعت حاجة.. أمينة انتى سمعتيه؟
أمينة:: هو جه هنا؟
نجوى:: اه جه
أمينة::بحزن.. وليه عين يجى بعد اللى قالهولى فـ التليفون..
انا قلقانة ع حلم و خايفة عليها و نفسى تتخلى عن عنادها و تتجوز قبل ما أموت وأسيبها لوحدها
نجوى:: برفض .. بعد الشر عنك ماتقوليش كدا ربنا يخليكى ليها وتشوفيها احلى عروسة.. هى صحيح عنيدة بس ماتتجوزش اى حد وخلاص
أمينة:: يا نجوى انا ماقولتش تتجوز اى حد انا بس خايفة عليها و نفسى تدى لـ نفسها فرصة و تفتح الباب
نجوى:: سكتت شوية و قالت سيبيها ع ربنا هو عنده الخير ما تقلقيش
أمينة:: ونعم بالله ..معلش صدعتك
نجوى::أخص عليكى ده انتى اختى يا أمينة مش بنت عمى بس.. يلا بقى خفى و قومى حور محتجالك ..هسيبك ترتاحى شوية و هجيلك تانى
وفعلا سابتها ترتاح و طلعت راحت شقتها تطمن ع فارس لما عرفت انه رجع و دخل شقتهم
__________________
فـ مستشفى الحلم
بعد يومين د/ فريد مدير المستشفى سافر و بلغ أدهم انه ينوب عنه لغاية ما يرجع
قاعد فـ مكتبه و الباب خبط وكانت الممرضة بتبلغه ان الدكتورة أمل عايزة تقابله
أدهم:: خليها تتفضل ..
أمل::داخلة بتصبح و اول ماشافته ..صبااح الـ وبهمس لنفسها سمعه أدهم يانهااااار طيييين
أدهم:: بغيظ منها..طينتى النهار ليييه يا دكتوووورة
أمل:: لنفسها هو عفريت العلبة ده سمعنى ولا ايه
أدهم:: اه سمعتك وياريت لما تكلمى نفسك تبقى توطى صوتك شوية مش ناقصة هبل الحكاية
أمل:: بغيظ منه ..الله مش انت اللى بتطلعلى كل شوية فـ كل حتة ..و بعدين انا جاية أقابل مدير المستشفى ..انت بقى بتعمل ايه هنا فـ مكتبه
أدهم::بغيظ اكبر من غبائها.. انا الفراش اللى بينضف المكتب .. وبزعيق..عايزة ايه ع الصبح
أمل:: انت مالك انت..انا عايزة ايه..اجرى شوف مدير البتاعة دى فين ..عشان يمضيلى ع ورق تعينى يلا اخلص يا بتاع انت
أدهم:: بت انتى ..انتى غبية ولا شكلك كدا ..
أمل:: بقولك ايه يا بتاع انت ..انا ما اسمحلكش تكلمنى كدا ..مش كفاية المرة اللى فاتت و سكتلك بس عشان الحاجّة ..لكن انا مش هسكتلك تانى فاهم
أدهم:: شد منها الـ CV بتاعها بغيظ و بص فيه و رجع بص ليها برفعة حاجب ..اممممم و ساكت
أمل:: أنت يا أخ ايه اللى عملته ده ..انت ازاى تشد
وقطع كلامها دخول الممرضة و معاها ملف محتاج امضاء
الممرضة:: دكتور أدهم..الحالة دى الدكتور المعالج سمحلها بالخروج و سددت خلاص حسابها
أدهم:: أخد الملف من الممرضة بيمضيه و هو بيسلمه ليها تانى عينه ع أمل ..والممرضة خرجت و رجع لـ أمل بغيظ ..ها كنتى بتقولى ايه بقى عشان ما سمعتش
أمل:: بتوتر ..أء أنااااا مااا قولتش حاجة وبتوطى صوتها خااااااالص
أدهم:: خبط ع المكتب لأ قولتى وعايز أسمع تانى اللى قولتيه و لا استنى اقولك انا ..الاول طينتى النهار و ده حرام وبعدها قولتى عليا عفريت العلبة و أجرى أشوف مدير البتاعة دى فين و ده غلط بس مش هحاسبك عليه دلوقتي وأخرها قولتيلى يا بتاع انت و انت يا أخ وصوتك عِلي عليا و بزعيق و ده بقى اللى مش هقبل بيه ابدا ان واحدة صوتها يعلى عليا انتى فاهمة ولا لأ
أمل:: بخوف ..بتهز دماغة ..بـ اه
أدهم::زعق أكتر ..ماسمعتش ..فااااهمة و لا لأ
أمل:: يادوب صوتها طالع و دموعها بتهدد بالنزول..فاهمة فاهمة
أدهم:: مضى ليها ورق تعينها و ادلها الملف بتاعها ..اتفضلى ع قسم الاطفال استلمى شغلك .. و اى شكوى هتيجى منك مش هتردد انى ارفدك يلاااااااا
أدهم:: بأبتسامة ومثل الجدية ..سمعتك .. وبعد ما خرجت ..سرح فيها و فـ عفويتها و براءتها ..وجواه يخربيتك انتى طلعتيلى منين بس
بقلمى✍️_________________لبنى دراز
حلم:: بترفع إيدها ..هعمل كدا ولسة هتـ ضـ ربه ع وشه بالقلم
فارس::بسرعة رفع ايده ومسك ايدها المرفوعة و اتلاقت العيون لـ أول مرة
- يتبع الفصل التالي اضغط على (رواية العشق الابدي) اسم الرواية