رواية العشق الابدي كاملة بقلم لبنى دراز عبر مدونة دليل الروايات
رواية العشق الابدي الفصل الخامس 5
فـ المستشفى
أدهم بعد ما خرجت أمل من عنده اتصلت بيه سكرتيرة حلم و بلغته انها عايزاه و فعلا راح لها مكتبها
هنادى:: اتفضل يا دكتور استاذة حلم فـ انتظارك
أدهم:: خبط و دخل و انبهر بجمال مكتبها و فـ نفس الوقت انبهر بشخصيتها لدرجة انه ما شافش أمينة ولا حتى نجوى اللى موجودين معاها
حلم::بجدية .. اتفضل استريح يا د/ أدهم
أدهم::ها لأ انا مرتاح كدا..خير حضرتك عايزانى فـ ايه
نجوى::طيب مش تسلم علينا الاول يا أدهم
أدهم::أمى اسف ياحبيبتى ماشوفتكيش ومسك ايدها وباسها..و بعدها سلم ع أمينة..طنط أمينة حضرتك عاملة ايه
حلم::ده بقى اللى انا عايزة أعرفه يا دكتور
أدهم::بعدم فهم..مش فاهم
حلم::عايزة أعمل لها check up(فحص شامل) عايزة اطمن عليها من بعد اللى حصل ليها من يومين
أدهم::أكيد طبعا انا كنت هقولك كدا فعلا بس كنت مستنى لما تفوق كويس خصوصا انى متابعها يعنى وحالتها مستقرة
حلم::خلاص لو ممكن نبتدى من دلوقتي ولو تحب تحجزها يومين هنا احجزها
أمينة::انا مش بحب المستشفى يا حور..مش هقعد هنا.. ماتتعبنيش بقى وكفاية جيبتينى بالعافية
حلم::لسة هترد الباب خبط و كان د/ كمال
كمال::السلام عليكم ورحمة الله
كلهم وعليكم السلام ورحمة الله وبركاته
كمال::أول ما عرفت ان بنتى حبيبتى هنا وكمان معاها والدتها جيت ع طول أسلم قبل ما ادخل مكتبى
حلم::د/كمال..حمد الله ع السلامة رجعت امتى من السفر
كمال::رجعت امبارح ثم فين بابا كمال ولا يعنى عشان الست والدتك موجودة..عموما هعديهالك
و بعدها رحب بـ أمينة و نجوى و أدهم و سابهم و راح مكتبه وأمينة راحت مع أدهم علشان تعمل الفحوصات بعد ما قال
أدهم::خلاص ما تقلقيش يا حور انا هتابع الـ check up بنفسى بس أفضّل ان طنط تتحجز يومين بدل ما تفضل رايحة جاية
حلم::تمام اكتب لها دخول يا أدهم
أمينة::وبعدين معاكم انتوا الاتنين بقى
حلم::ماما وبعدين معاكى انتى اسمعى الكلام بقى مرة لله..و ياست الكل مش هتقعدى غير فـ اوضتى هنا مش برة خالص
نجوى::بأستفهام ..هتتحجز فـ المكتب ازاى يعنى
حلم::قامت من ورا مكتبها وبصت لهم..تعالوا معايا كدا و مشيت خطوتين جنب المكتب و فتحت باب أوضة من جمالها اقل ما يقال عنها انها جناح ملكى..وقالت دى أوضتى ملهاش علاقة بالمستشفى وماحدش يعرف بيها غير د/ كمال وبس..وبصت لـ أمينة..ماما هنقعد فيها سوا وقت الكشف والفحوصات هنطلع وتخلصى كل حاجة وهنرجع تانى وهما يومين اتنين بس مش أكتر صدقينى
وفعلا أمينة سمعت كلام حلم وقعدت فـ اوضتها الخاصة اليومين وعملت فحوصاتها وطبعا نتيجة الاشاعات والتحاليل كانت جلطة فـ المخ و اتلحقت بس الخوف انها معرضة ترجعلها تانى
______________________
فـ بيت حلم
فوق فـ السطوح جنة حلم طلعت مع أمينة و نجوى و فارس اللى أول مرة يطلع وفعلا انبهر بجماله و أدهم والبنات عاليا و ياسمين
فاتن::أحلى طقم عصير وصاية من تونة للناس العسل
حلم::تسلم ايدك يا تونة..بس ايه الحكاية مابتطلعيش الطلعة دى غير وانتى عايزة حاجة..هااا عايزة ايه بقى؟
فاتن::ييييي..بقى كدا يا ست البنات..بقى انا كدا
حلم::ده انتى كدا نفسه.. اخلصى يا فاتن و هاتى م الاخر عايزة ايه
فاتن:: ابدا والنبي يا انسة حور مش عايزة حاجة ابدااااا
حلم::ضيقت عينها اوى وبصت لها وسكتت شوية..اممممم ماشى هعمل مصدقة ام اشوف أخرتها
ياسمين::بضحك تؤ تؤ تؤ شكلك ظلماها يا حور
حلم::لأ..اصبرى بس..وبمكر.. ماشى يا تونة بما انك مش عايزة حاجة يلا انزلى بقى خليكى تحت و لو احتاجنا حاجة هنادى عليكى
فاتن::حاضر يا انسة حور و نزلت فعلا
عاليا::شوفتى بقى يا حور طلعتى ظلماها
حلم::لا صدقينى..بصى شوية كدا هتلاقيها طالعة جايبة اى حاجة فـ ايدها وتقولك جبتلكم مثلا ساندويتشات تتسلوا بيها لغاية العشى ما يجهز او لب و سودانى اى حاجة المهم تفضل رايحة جاية
وقبل ما تخلص كلامها
فاتن::طلعت و جايبة شاى ومعاه تسالى لب و سودانى ومكسرات..اما انا بقى عملتلكم طقم شاى عجب اه والله ومعاه حبة تسالى كدا لزوم القعدة الحلوة دى
فارس::ضحك بصوته كله و ماتكلمش
حلم::انتبهت لـ ضحكته وبصت له وتاهت شوية و فاقت بسرعة ع صوت
أدهم::شكلك فاهم يا نصة ههههههههههههه
حلم::عيب عليك دى تربيتى
فاتن::واقفة ومش فاهمة ضحكوا ليه كلهم اول ما شوفها
حلم::أخلصى بقى يا تونة عايزة ايييه..ولا هتفضلى طالعة نازلة كدا كتير
فاتن::انتى ع طول كدا فقسانى يا ست حور..بصراحة بقى الواد المنيل ع عينه ابراهيم فـ الشارع وعايز يقابلك
حلم::اممممم ماشى يا فاتن اندهيله..ولو سمعت تانى ست حور دى هعلقك انتى وابراهيم بتاعك
فاتن::حاضر حاضر مش هقول تانى
ياسمين::ابراهيم ده أخوها يا حور
حلم::لأ خطيبها
أدهم::بص لـ فارس مالك يا باشا سرحان فـ ايه كدا اللى واخد عقلك
فارس::اطلع من دماغى يا أدهم انا مش ناقصك
أدهم::بهمس..بصراحة هى حلوة ما فيش كلام..بغمزة.. وتستاهل
فارس::عينه راحت بتلقائية عليها و رجع بسرعة قبل أخوه ما ياخد باله
شوية وطلعت فاتن ومعاها ابراهيم خطيبها
ابراهيم::سلامو عليكو.
كلهم وعليكم السلام ورحمة الله
حلم::تعال يا ابراهيم خير
ابراهيم::ازيك يا ابلة حورية
حلم::بأستغراب..أبلة؟! امممم ما علينا ثم انا اسمى حور مش حورية..ازيك يا ابراهيم تشرب ايه
ابراهيم::لا يا ابلة مش عايز اشرب متشكر
فاتن::بصراحة يا انسة حور..ابراهيم بيستسمحك عايز شغل فـ المزرعة اصله مش لاقى شغل له فترة
ابراهيم::اه والنبي يا ابلة وعايز اتجوز انا والبت فاتن امها كل شوية تخنقنى بالكلام
حلم::ليك قد ايه قاعد من غير شغل يا هيما
فارس::بصلها بغيظ..ايه هيما دى..صاحبك هو تكلميه كدا
حلم::بأندهاش..بصت له و انت مالك انت..هو انا وجهتلك كلام
فارس::استغرب نفسه بيقول لها كدا ليه وسكت
أدهم::بمكر..مش قولتلك تستاهل..ههههههههههههه
فارس::يا شيخ اتلهى
حلم::رجعت لـ ابراهيم ها ليك قد ايه من غير شغل يا ابراهيم
ابراهيم::شهرين يا ابلة و اتخنقت من أمى و حماتى كل شوية زن ع دماغى عشان اخلص الجهاز وانا والله مش لاقى شغل ومش عارف أعمل ايه
حلم::لـ فاتن حسابى معاكى بعدين
فاتن::صدقينى ما عرفتش انه مش شغال غير من قريب والله
حلم::ماشى يا فاتن..ولـ ابراهيم..بتعرف تقرا وتكتب
ابراهيم::اه يا ابلة انا معايا دابلون صنايع
أدهم::معاك ايه يا ابراهيم؟
ابراهيم::دابلون يا استاذ دابلووون
فارس::بتصحيح..اسمه دبلوم يا ابراهيم
حلم::خلاص يا ابراهيم بكرة ان شاء الله هتستلم شغلك فـ المصنع..بس تروح بدرى الساعة 6 تقف فـ مكان الاوتوبيس اللى بياخد العمال
ابراهيم::عدم اللامؤاخذة هقبض كام يا استاذة وفين مكان الاوتوبيس
حلم::مكان الاوتوبيس هتقولك فاتن عليه..اما المرتب بقى هبقى اقولك انا عليه لما تمضى العقد..المهم هتاخد معاك شهادات الميلاد والدبلوم والجيش وصورتين بطاقة وصور شخصية وتروح لـ استاذ قصي وتقوله انا من طرف استاذة حلم
ابراهيم::عدم اللامؤاخذة مين استاذة حلم دى يا ابلة حور
حلم::انا يا ابراهيم
ابراهيم::انتى..اومال اللى ماتتسمى البت فاتن قالتلى حور ليه
حلم::انا الاتنين يا ابراهيم حلم و حور..خلاص يبقى هتروح لـ استاذ قصي مدير المصنع ماتنساش وانا هكلمه يستناك بكرة ان شاء الله
ابراهيم::شالله يخليكى يا ست هانم حلم ولا حور..ياكش ربنا يرزقك بابن الحلال يارب
حلم::امشى يا ابراهيم قبل ما اغير رائي..فاااااتن
فاتن::حاضر والله يا ست البنات معلش هو مدهول ع عينه ما بيحسنش الكلام..ولـ أبراهيم..انا مش قايلالك يا هيما بلاش تهبّل فـ الكلام ونبهت عليك بلاش تقول يا ست هانم ولا تدعيلها خالص
ابراهيم::يوه يا تونة يعنى تساعدنى اشتغل عشان نتجوز يابت وما ادعيلهاش دعوة حلوة يابت ده اسمه كلام برضك
حلم::خلاص يا ابراهيم حصل خير بس ما تكررهاش ويلا عشان تنام بدرى وتلحق الاوتوبيس بدرى .
وفعلا مشى ابراهيم وحلم اتصلت بـ قصي بلغته يعمل ورق تعين لـ ابراهيم بمرتب كويس يساعده في تجهيز البيت علشان يتجوز هو وفاتن
بقلمى✍️__________________لبنى دراز
فـ المنصورة
بيت سالم المنصورى جد فارس
أعمامه وعماته قاعدين بيفكروا ازاى يخلوه يرجع هو و أخواته بعد ما جده كتب ربع ثروته ليه هو و اخواته فـ وصيته قبل ما يموت تعويضا ليهم عن حرمانهم من ابوهم وهما صغيرين ده غير انهم هياخدو نسبة من باقى املاك جده كوصية واجبة
جمال::(عم فارس وشخصيته دايما مهزوزة وماشى ورا كلام خالد أخوه اللى أكبر منه)..لـ اخواته فارس مش سهل ومش هيرجع تانى هنا ده حتى أدهم قفل عيادته تفتكروا هيرجعوا تانى
خالد::(عم فارس التانى اصغر من احمد ابو فارس وأكبر من جمال وسلمى و خديجة عمات فارس شخص جاحد وطماع جدا)..جمااال انت ما تتكلمش خالص وتسكت وتتفرج ازاى عيال أحمد هيرجعوا و بـ شر من بين أسنانه وهعرف أخد من عينيهم اللى كتبه أبوك
سلمى::( عمة فارس طبعها زى طبع خالد بالظبط فـ كل حاجة)..ااااااه يا نااااارى من بنت المحمدى مش كفاية ضحكت ع أحمد واتجوزته زمان كمان ضحكت ع ابويا الراجل الكبير وخليته كتب ربع ثروته اللى بالملايين لعيالها بحجة انهم اتحرموا من أبوهم لا وكمان ياخدوا من باقى الثروة كمان ميراث
خديجة::(عمة فارس الصغيرة وطبعها زى احمد حنينة وطيبة وبتحب نجوى جدا و فارس بتعتبره ابنها اللى مخلفتوش)..انتوا ايييه مش كفاية اللى عملتوه فيهم وخليتوهم طفشوا من اكتر من شهرين وما نعرفش عنهم حاجة..ولـ خالد..ع فكرة جمال عنده حق فارس مش سهل..فارس دلوقتي ظابط كبير وأسمه له وزنه فـ شغله والبلد بحالها وانتوا عارفين ده كويس..وعارفين ان الفلوس اللى بتتكلموا فيها دى مش فارقة معاه بس بعمايلكم دى هو عاند معاكم
سلمى::لـ خديجة انتى تسكتى خالص واذا كنتى مش عايزة حاجة خليكى انتى بعيد
خديجة::بغضب منها وانتى ناقصك ايه يا سلمى ما انتى خدتى ورثك ملايين كتير ده غير الله اكبر جوزك عنده كتير ومش محتاجة..ليه بتبصى فـ مال اليتامى
خالد::بغضب..خدييييييجة مش هانسيب تعبنا وشقى السنين يروح لـ بنت المحمدى و عيالها انتى فاهمة
خديجة::بزعيق..لـ خالد وعيالها دول ميييين؟ هى كانت جيباهم من الشارع؟ مش دول عيال أخوك أحمد..أخوك الكبيير اللى علمك ازاى تشتغل وتشقى وتكبّر شغلك ولـ جمال وأخوك اللى وقف جنبك لما بابا الله يرحمه رفض انك تتجوز هالة وكان رافض تكمل تعليمك و فضل ورا ابوك لغاية ما اقنعه وعملت اللى نفسك فيه..ولـ سلمى و أخوكى يا ست سلمى اللى كان مابيدخلش اوضته قبل ما يعدى عليكى فـ أوضتك ويقعد يحكى معاكى ويطمن عليكى وقبل مايخرج من عندك يطلع من جيبه الهدايا و يديهالك او يكون جايبلك شنطة مليانة حاجات كتير وده كان كل يوم
جمال::بتوتر..انتى يا خديجة دايما بتدافعى عن نجوى و ولادها باستمرار..هى ما سمعتش كلام ماما و رفضت تتجوز خالد و صممت ع رأيها بحجة انها هتربى عيالها و فـ الاخر ضحكت ع بابا بسهو كتها دى ..وكتبلها ربع ثروته
خديجة::اتقوا الله انتوا التلاتة دى الدنيا متفاتة..أخوكم و امكم و ابوكم راحوا فيييين انطقوووااا..أخدوا اييييه معااااهم فـ قبره..ولا حاجة راحوا من الدنيا بكفـ نهم بس..اتعظوا بقى
خالد::خليكى فـ حالك وطالما مش عايزة حاجة يبقى خليكى بعيد زى ماقالتلك سلمى
خديجة::تصدق انت صح يا كبير يا عاقل..خليكوا كدا خلى الحقد والغل والطمع اللى مالى قلوبكم يأكل فيكم..واحب أطمنك مش هتقدر تاخد جنيه واحد من فارس..انا نازلة شقتى وسيباهالكم
سلمى::سيبكم منها احنا لازم نعرف طريق عيال أحمد فين وبعدها نعمل ……. وبعد كدا خديجة هتشكرنا ههههههههه
خالد::بضحك..الله عليكى يا سلومة دماغك الماظ يا أختى ههههههه
جمال::تفتكروا فارس هيصدق
سلمى::بخبث..دى بتاعتى انا هخليه يصدق و يوافق كمان..بس انتوا اعرفوا مكانه فين وسرحت فـ اللى هتعمله
_________________
بيت حلم
طلعت حلم كالعادة و دخلت أوضة الچيم بتاعتها بتجرى وتطلع التوتر اللى هى فيه
ومش واخدة.بالها من فارس اللى كان موجود و بيسقي الورد ومعجب جدا بيه ولا هو كان واخد باله من وجودها
وشوية شافها طالعة بتنشف وشها بفوطتها و بتتكلم فـ الموبايل
حلم::بجدية..حازم عايزة كل حاجة تخص الصفقة الجديدة بتاعت عابد
حازم:: بنرفزة..وبعدين معاكى يا حلم انتى مش هتجيبيها لبر و مش هترجعى غير وانتى مقـ تولة
حلم:: بضحكة..عيب عليك يا زوما..يا حبيبى حلم ما بتهزرش..و بتوعد لـ عابد..انا وراه يا حازم لغاية ما أكشف حقيقة شغله الشمال وبالدليل كمان
فارس::تاه فـ ضحكتها و جواه مش عارف ليه اتضايق لما سمعها بتكلم حازم وتقول زوما و حبيبى
حازم::خلاص يا لومى هعملك اللى انتى عايزاه و ربنا ع المفترى منه له ههههههههههههه
حلم::قلب لومى يا زوما احبك وانت مطشييع هههههههههه
فارس::بغيظ منها..وبعدييين بقى..هى واصلة الغرام دى مش هتخلص ولا ايه؟
حلم::انتبهت لـ وجود فارس وقالت لـ حازم اقفل انت سلام و بصت لـ فارس..نعم فى حاجة حضرتك؟
فارس::بغيظ أكبر..انتى مش ملاحظة انك زودتيها
حلم::الكلام ده ليا انا؟
فارس:: بيبص حواليه يمين و شمال..والله مش شايف غيرك هنا وبتتمايص بالطريقة دى
حلم::انا ما أسمحلكش..انت فاااهم؟ وإلا …
فارس::بمقاطعة..و إلا ايه؟ هتعملى ايه؟ عايز اعرف
حلم:: بترفع إيدها ..هعمل كدا ولسة هتـ ضـ ربه ع وشه بالقلم
فارس::بسرعة رفع ايده ومسك ايدها المرفوعة و اتلاقت العيون لـ أول مرة..وتاهوا الاتنين شوية معرفوش قد ايه..ثوانى ولا دقايق وفاقوا ع صوت
أدهم::اللى كان طالع و شاف الموقف..اوبس انا شكلى جيت فـ وقت غلط ولا ايه
فارس::بغيظ.. ساب أيدها..ايدك دى لو فكرتى ترفعيها مرة تانية هتوحشك للأبد
حلم::بغضب..يبقى انت ماتعرفش مين حلم الرشيدي يا سيادة المقدم
فكر انت بس وساعتها وعد مني..أخليهم يعطفوا عليك ويسيبوك تشتغل فـ فرقة الموسيقى العسكرية
أدهم::ههههههههههههههههههه شكلك هيبقى تحفـ
فارس::قاطع أدهم بغضب..بتضحك ع ايه يا متخلف انت..ولـ حلم اما انتى لسة حسابك معايا عسير ..و يا أنا يا أنتى يا بنت الرشيدي و سابهم ونازل متعصب وع أخره
حلم::بصوتها كله قاصدة تسمعه..أعلى ما فـ خيلك أركبه يا أبن المنصورى..ورجعت تانى لـ أوضة الچيم تطلع غضبها و توترها
________________________
فـ شقة فارس
نزل متعصب منها و جايب أخره و دخل أوضته و فضل رايح جاى فـ الاوضة و جواه اتنين بيتخانقوا
عقله::مالك يا ابن المنصورى اوعى تكون بتفكر فيها!؟
قلبه::وأفرض بفكر فيها
عقله::لأ ما أفرضش..انت وراك هم ما يتلم
قلبه::وهو انا مش من حقى اعيش شوية لنفسى؟
عقله::واللى وراك؟ أمك و أخواتك و شغلك والقضية اللى انت ماسكها محتاجة تركيز
قلبه::بس انا محتاج وسط كل الضغوط دى الاقى قلب ارتاح معاه
عقله::وانت هترتاح مع حلم؟ ده انتوا من اول مرة اتقابلتوا وانتوا بتتخانقوا ..والضغوط بتزيد عليك..ارجع لعقلك يا فارس و ركز فـ حياتك شغلك و عيلتك وبس..وقرر يسمع كلام عقله
____________________
فوق فـ أوضة الچيم
حلم::بتطلع غضبها ع الاجهزة و بتكلم نفسها..بقى انا يقولى عاملة واصلة غرام اناااا.. وكمان بتمااايص انااا.. ويقولى لو رفعتى ايدك تانى هتوحشك ..ان ما وريتك يا فارس يا أبن نجوى ما بقاش حووور قال حسابى عسير قال ..مااااشى يا مستفز اخلص بس من عابد الـ…. و بعدين أفضالك
أدهم:: خبط عليها واستأذن ..ممكن أدخل
حلم::بغيظ من أخوه..اتفضل
أدهم::يا ستار ..طيب انتى و متخانقة مع فارس..مال أمى انا..مصدرة لي الوش الخشب ليه
حلم::بنفاذ صبر ..عايز ايه يا أدهم
أدهم::بأستفهام..عايز أفهم ايه اللى حصل لكل ده
حلم::روح اسأل المتخلف أخوك
أدهم::بهدوء..حور انا بسألك انتى وعايز اعرف وافهم منك
حلم::حكت لـ أدهم اللى حصل من وقت ما طلعت من اوضة الچيم لغاية ما سمع وشاف بعينه باقى اللى حصل
أدهم::امممممم قولتيلى بقى..وبهمس لنفسه..شكلك طبيت يا ابو الفوارس..طيب انتى متعصبة ليه دلوقتي
حلم::بنرفزة..أدهم انت متأكد انك دكتور
أدهم::اه..بتسألى ليه..و ده ايه علاقته بسؤالى
حلم::هو البعيد ايييييه. بعد كل اللى حكيتهولك ده وبتسأل متعصبة لييييييه..انزل يا أدهم انزل شوف انت رايح فين و سيبنى فـ حالى عفاريت الكون كله بتتنطط فـ وشى الساعة دى ورجعت تانى تطلع غضبها فـ الرياضة
بقلمى✍️__________________لبنى دراز
مكتب فارس
فـ صباح يوم جديد راح فارس مكتبه وكالعادة اجتمع بـ رجالته وبيتابع أخر التطورات في القضية
فارس::بتساؤل..هانى عرفت مين عين العيال دى هنا؟
هانى::بإيجاب..طبعا عرفت يا باشا
فارس::مين؟
هانى::الامين طه المعداوى.
فارس::تماااام اوى..وبص لـ سيف عرفت مين من العيال دى ينفع يساعدنا ويكون عين لينا جوة؟
سيف::مافيش غير واحد بس اللى ينفع
فارس::مين الواد ده؟
سيف::أسمه سمير
حسان..مهندس برمجيات ولد وحيد ع بنتين هو الكبير بتاعهم..اهله ناس فـ حالهم ابوه راجل موظف بسيط و أمه ست طيبة ومن يوم ما اتخرج وهو بيدور ع شغل ومش لاقى وكل شوية يشتغل فـ مكان .. مرة فرن..مرة سوبر ماركت او ورشة لغاية ما وقع مع ناس جرّت رجله للسكة دى
فارس::امممممم..هاتلى الواد ده بأى طريقة من غير ما حد يحس وطبعا مش هنا
سيف::اعتبره حصل
فارس::تمام دلوقتي اسمعونى كويس عايزكم عينكم ع طه المعداوى كويس..وهنشتغل ع خطتين الاولى هتبقى فِيك هنحرك من خلالها طه و نخليه يوصّل اللى احنا عايزينه للعيال دى..والتانية اللى هنتفق عليها مع المدير ومقابلتنا هتكون برة القطاع خالص
هانى::يعنى حضرتك تقصد اننا هنوصّل لهم المعلومات اللى احنا عايزينهم يعرفوها من خلال طه لغاية ما نطلعهم من المدافن
فارس::بالظبط كدا..وكل مرة هنتقابل فيها برة القطاع هعرفكم المعلومات اللى عايزينها توصلهم ولازم تكون حقيقية..لانهم اكيد هيحاولوا يتأكدوا منها حتى لو طه شخص موثوق فيه بالنسبالهم..مفهوم
كلهم::طبعا يا فندم مفهوم
فارس::تمام يا شباب اتحركوا بقى وشوفوا هتعملوا ايه
كلهم::تمام يا باشا..وخرج هانى وياسر
سيف::اشطا كدا..وبهزار انت مش ناوى تغدينى بقى ولا ايه
فارس::نده ع هانى وياسر بعد ما خرجوا..اعملوا حسابكم هنروح نتغدا مع بعض ماشى و ده أمر غير قابل للنقاش ههههههه
سيف::الله عليك يا كبير وأخيرا بقى هأكل أكل بيتى بدل الدليفرى اللي نشف معدتى
فارس::بضحك..ما تاخدش ع كدا ههههههههه
سيف::ليه بس كدا يا ابو الفوارس ده انا قولت أخيرا هلاقى حد يعطف عليا و يأكلنى كل يوم اهئ اهئ اهئ
فارس::قوم يا سيف غيرت رأيى مافيش غدا
سيف::خلاص اباشا انا راضى بغدوة واحدة مؤقتاً
فارس::طيب قوم شوف هتجيب لى سمير ازاى
و فعلا خرج سيف واتصل فارس بـ أمه وبلغها انها تعمل حساب رجالته فـ الغدا وقفل ورجع يكمل شغله
_____________________
بيت حلم
قاعدة حلم مع أمينة وكالعادة بيتناقروا فـ موضوع الجواز
أمينة::وبعدهالك يعنى يا حور كل ما يجى عريس تطفشيه
حلم::ببرود أه
أمينة::وأخرتها معاكى يابنت الرشيدي
حلم::قاعدة ع قلبك يا بنت المحمدى ومش هتجوز و بعلو صوتها مش هتجووووززز..ايه قولك بقى
نجوى::دخلت ع صوتهم العالى..السلام عليكم..مالكم صوتكم عالى ليه
أمينة::وعليكم السلام ورحمة الله..تعالى يا نجوى شوفى..البت دى هتفرسنى
نجوى::مالها بس يا أمينة
أمينة::جايلها عريس محترم و ابن ناس ودكتور ومافيش فيه غلطة وتقول مش عايزة و رفضته مشته قفاه يقمر عيش
حلم::بغيظ..مافيش فيه غلطة ايه بس يا ماما.. هو بلوزة هلبسها شوية و ارميها.. ده جواز جواااااز
نجوى::ممكن نتكلم بالعقل يا حور؟
حلم::أكيد طبعا يا طنط
نجوى::هو مشكلته ايه.. رفضتيه ليه
حلم::طماع..اللى جايبه عارف انى شريكة فـ مستشفى الحلم وجاى و راسم ع كدا
أمينة::بزعيق..هو كل واحد يجى تقولى عليه داخل ع طمع
حلم::انتى بتزعقيلى ليه دلوقتي يا أمينة الله.. و اه كل واحد جاى داخل ع طمع..أكمنى حلوة و صغننة وكمان عندى أسم اى حد بيتمنى بس يقرب عشان يستفيد منه.. ده غير المزارع والمصنع و المستشفى يعنى صيدة يا ماما وقبل ما تقولى بعرف ازاى عشان حفظت السؤال ده..بيبان ع الواحد وهو بيتكلم
نجوى::مش معقول يعنى كلهم طمعانين فيكى يا حور يابنتى
حلم::ياطنط نجوى الاغلبية بيكون طمعان والباقى ناس متخلفة و مُحبطين..قال ايه كفاية شغل لغاية كدا وأقعد فـ البيت أربى العيال
أمينة::بغيظ منها..وفييين المشكلة لما تقعدى فـ البيت تربى العيال وشغلك عندك ناس تقوم بيه بدالك
حلم::يا سلام ياست ماما بقى بعد ما وصلت وحققت حلمى اتخلى عنه بسهولة كدا..ليه ان شاء الله
نجوى::أدى لنفسك فرصة يا حور يا حبيبتى
أمينة::بتعب..يابنتى انا مش هعيش لك قد ما عشت وعايزة اطمن عليكى قبل ما اموووت
حلم::بقلق..بعد الشر عنك ما تقوليش كدا تانى يا أمى عشان خاطرى
نجوى::طب ريحى قلبها يا حور و فرحيها بيكى يا حبيبتى
حلم::يا جماعة انتوا ليييه بس مش قادرين تفهمونى انا والله مش معترضة ع فكرة الجواز رغم انه مشروع فاشل بس ماعلينا مافيش مشكلة انى اغامر و أجرب بس لما الاقى راااااجل يخـ طفـ نى من نفسى ولـ نفسى يشوفنى حور البنت البسيطة وينسى خالص حلم الرشيدي الاسطورة.. انتوا فاهميني ولا انا بغنى و أرد ع نفسى
نجوى::شردت..وجواها اتمنى اللى حاساه يبقى حقيقة فـ يوم من الايام بس أتأكد ازاى..وفاقت ع صوت
أمينة::بزعل..خلاص يا حور براحتك ومش هكلمك تانى وخليكى كدا لغاية ما تعنسى جنبى
نجوى::ماتقلقيش يا أمينة و سيبيها براحتها..أكيد هى عارفة مصلحتها كويس لانها مش صغيرة واللى تعمل لها اسم يحكوا ويتحاكوا عليه فـ 5 او 6 سنين أكيد هتعرف تختار شريك حياتها صح..وجواها يارب يطلع اللى فـ بالى صح
حلم::بتهليل..الله اكبر عليكى يا نوجة يا عسل انتى يا سكر يا شربتات انتى
فـ راجعة فارس من شغله و معاه سيف وهانى و ياسر وسمعوها وهى بتهلل
نجوى::طيب يا شقية هقوم و ارجع شقتنا علشان فارس ع وصول ومعاه ضيوف و ماتزعليش مامتك تانى فاهمة
حلم::طب بذمتك يا خالتو المستفز ده ابنك انتى ازاى وانتى عسل فـ نفسك كدا..ولا أخو أدهم السكر وعاليا وياسمين الحلويات دول ازااااى..ده فدان كأبة غيركم خالص
نجوى::بضحك ههههههههه اه لو سمعك..يابنتى دى طبيعة شغله غصب عنه..انما هو حنين جدا وبيحب يضحك ويهزر
حلم::ده بيضحك ده.. يا خالتو قولى كلام غير ده..انا بيتهيألى بيخاف يضحك وشه يشقق و ماحدش يعرفه
هههههههههه
فارس::بغيظ منها وان رجالته سمعوها..مااااشى يا متخلفة هوريكى فدان الكأبة ده هيعمل فيكى ايه
حلم::رفعت كتافها ومطت شفايفها..ولا بيهمنى وعشان تغيظه اكتر راحت شاورت لـ رجالته بابتسامة 🙋♀️ وسابتهم ودخلت شقتها
فارس::بغيظ..لـ مامته عاجبك يعنى يا أمى عمايلها دى.. صدقينى انا ساكت بس عشان خاطرك وخاطر طنط أمينة
نجوى::خلاص ياحبيبى..مش تعرفنى بقى ع اصحابك
فارس::بيعرفها بـ فريقه سيف وهانى و ياسر
نجوى:: اهلا بيكم يا حبايبى نورتونا
سيف::اهلا بحضرتك ياست الكل
فارس::حبيبتى جهزتى الغدا زى ما قولتلك..اصل التيران دى ممكن ياكلونا ههههههههههههه
نجوى::اطلعوا يا حبيبى فوق..حور كتر خيرها سابتلى فاتن عشان تساعدني و تجهز كل حاجة معايا
فارس::بغيظ من حلم.. لأ كتر خيرها اوى وبهمس ان ما طلعتهم ع جتتك يابنت أمينة مابقاش انا
وطلع فعلا فوق السطوح مع الشباب طبعا لانه ماينفعش يدخلوا الشقة واخواته البنات فيها ولما طلعوا فوق انبهروا جدا بالمكان وتجهيزه
سيف::الله الڤيو روعة رغم انه سطح بس جميل يا فارس
هانى::فعلا ياباشا انا ماكنتش متخيل لما كنت بتقولنا هغديكم فوق السطوح انه بالجمال ده
ياسر::ده ولا كأنه جنينة وكمية الورود والزرع فعلا تهدى الاعصاب
فارس::بنت خالتي بقى غاوية زرع وهى اللى عاملة كل ده
سيف::اومال ايه الاوضة دى اللى هناك
فارس::ده الچيم بتاعها برضوا وشوية واتفتح باب الاوضة وكانت عاليا
سيف::تنح لما شافها اوباااااا صاروخ ارض جو طالع من الچيم
فارس::انتبه..عااااليااا ايه اللى طلعك هنا ع تحت يلااااا
عاليا::بتوتر..أبيه فارس اسفة والله معرفش انك هترجع بدرى
فارس::بزعيق..انتى هتقفى ترغى تححححت و حسابى معاكى ومع المتخلفة اللى فتحتلك الاوضة دى بعدين
سيف::اتحرج لانه فهم انها اخت فارس..واعتذر منه..أسف والله يا فارس ماكنتش اقصد
فارس::بعصبية..خلاص حصل خير بس بعد كدا لم نفسك و ماتبصش لـ حاجة غيرك و كان جواه يقصد حلم لانه علق برضوا عليها لما شاورت لهم
هانى::هنتغدا امتى يا باشا عصافير بطنى بتنهق ههههههههههههه
ياسر:: انت بتقول فيها يا هنوش دى نهقت و هوهوت كمان
فارس::بضحك..خلاص صعبتوا عليا ههههههههههههه واتصل ع أمه..لوسمحتى يا أمى قولى لـ فاتن تطلع الغدا الرجالة هتاكلنى
نجوى:: ردت عليه..حاضر يا حبيبى الغدا جاهز انزل قابلها و شيل منها
و نزل فعلا ومعاه سيف أخدوا الاكل من فاتن و نجوى وسيف لمح عاليا اللى جننته من اول ما شافها بطرف عينه وطلع بسرعة
فـ نفس الوقت طالعة هاجر عاملة دوشة ع السلم من باب الشارع
هاجر::بتنده..حووووورى ..يا حوووووررررر ..حوووورررررييييي
حلم::بهزار..اللى مسيطانى و فضحانى فـ المنطقة..اطلعى يا بلوة..مافيش مرة تطلعى ساكتة ابدا يا چورى
هاجر::أعيا لو طلعت ساكتة ..يرضيكى يعنى أعيا وأموووت يا أختاه
حلم:: لا ياختى ما يرضنيش..ادخلى أدخلى
هاجر:: قبل ما تدخل شقة حلم شافت أدهم طالع فوق عند فارس..اووبااااا ايه ده يا مان كل ده جمدان
أدهم::سمعها وضحك وكمل طريقه
هاجر::يخربيت مطنك يخربيت ضحكتك ورجعت لـ حلم مين المز ده ابت احور
حلم::ده أدهم
هاجر:: بتتكلم بسرعة..يابت مابقولكيش اسمه ايه بقولك مين ظروفه ايه متربط ولا مفكوك قرى ابت اخلصى
حلم::ههههههههههههه يخر بيتك خدى نفسك
هاجر::يابت اخلصى قولى بسرعة
حلم::ادينى فرصة يخـ رب عقلك
هاجر::يابت بقولك بسرعة قبل مايطير من ايدى اخلصى
حلم::ههههههههههههه خلاص ياستى ده د/أدهم قريبى لسة جاى منقول قريب من المنصورة هو واخواته ومامته
هاجر::بهيام..انا قولت برضوا الفراولة البلدى دى اكيد مش من هنا..قوليلى يا اخرة صبرى اخواته مزز زيه كدا
حلم::ضحكت..وشردت فـ المستفز..اه زيه و أوسم كمان
هاجر:: اقفش سرحتى فـ مين كدا
حلم::يابت خضتينى اتنيلى اسكتى وبطلى صوتك العالى دى
هاجر::بصوت أعلى الله بقى هو انا اتكلمت
ياسمين::بخضة..خير يا حور فى ايه مالك ومين دى
هاجر:سلامتك يا قطة مافيش حاجة يا عسل وبترقص حواجبها لـ ياسمين
حلم::ههههههههههههه معلش يا سمسمة حقك عليا اتخضيتى..بس هاجر بقى وعوايدها البيت كله اتعود ع صداعها
أدهم::بعد ما طلع سلم ع فريق فارس و أتعرف عليهم و هو نازل
فارس::أدهم..قول للمتخلفة اللى تحت دى هى واللى معاها يوطوا صوتهم مش قاعدين فـ الشارع خليهم يتلموا شوية بدل ما أنزل اديها عيارين فـ نافوخها وأخلص منها
أدهم::حاضر يا فارس ..فرصة سعيدة يا شباب ..واستاذن ونزل لـ حور.. وبلغها. رسالة فارس
حلم::سيبك منه ده بنى أدم مستفز
أدهم::بضحك..انا ماليش دعوة اللهم بلغت ههههههههههه اخلصى انتى و هو بقى
هاجر::لـ أدهم بس بس بقولك يا عسل يا فراولة اسمعلاوى انت..هو انت مربوط ولا مفكوك؟
أدهم::بأستغراب..نعم؟ انا ايه
هاجر:: مرتبط يعنى ولا سايب ولا ظروفك ايه انت في الحياة
حلم::بعصبية..هاااجر وبعدين بطلى هزار مايصحش كدا..ولـ أدهم..اسفة يا أدهم هاجر ماتقصدش حاجة بس هى بتحب تهزر
_______________________
فوق السطوح
فارس قاعد مع رجالته بعد الغدا وبيتكلم فـ تفاصيل القضية والخطة اللى هيتفقوا عليها
فارس::دلوقتي احنا عرفنا ان طه المعداوى هو عين الجماعة عندنا تمام؟
سيف:: تمام
فارس:: لـ هانى..عايز ملف ع مكتبى الصبح فيه كل كبيرة و صغيرة عن طه كل حاجة و اى حاجة حتى لو تافهة من وجهة نظرك مفهوم
هانى::مفهوم يا باشا
فارس::لـ ياسر..وانت عايز منك ملف لـ سمير..الصبح وبرضوا نفس الكلام كل كبيرة و صغيرة من يوم ما اتولد عايز اعرف اللى هو ما يعرفهوش عن نفسه اظن كلامى واضح
ياسر::واضح يافندم
فارس::تمام..كدا بقى اللى هيتم بعد ما نجمّع كل المعلومات المطلوبة دى هنعمل …………
ياسر::طيب ازاى يا باشا
فارس:: ياااسر القضية دى خدت أكبر من حجمها ولازم تخلص نهائى الكلام اللى هنتفق عليه هنا هبلغ بيه اللوا حسين بكرة الصبح يعنى عايز منكم انتوا التلاتة بعد ما تمشوا من هنا كل واحد يعمل اللى طلبته منه عايز ادخل للوا حسين و معايا كل المعلومات اللى هشتغل عليها علشان ننفذ فـ اسرع وقت
كلهم:: خلاص تمام
وأخيرا نزلوا رجالة فارس روحوا يعملوا المطلوب منهم وهو نزل دخل اوضته و بيفكر فـ القضية وفجأة شاف صورة حلم قصاد عينيه وافتكر الكلام اللى سمعه منها وظهرت علامات الغيظ ع وشه و رجع افتكر ضحكتها ابتسم واستسلم للنوم وهو بيفكر فيها
______________________
محروس:ألحق يا كبير عبده الجن زعيم المطاريد برة
المعلم::بتقوووول ميييين؟؟
- يتبع الفصل التالي اضغط على (رواية العشق الابدي) اسم الرواية