رواية حورية في قلب الليل كاملة بقلم ميفو السلطان عبر مدونة دليل الروايات
رواية حورية في قلب الليل الفصل الخامس 5
كانت حوريه تنام وتتذكر ذلك الذي احتضنها لفتره لتستعجب.. هو كان عايز ايه ده وقال مش هياذيني لتتنهد وتقوم لتنظر لاختها نائمه لتبحث عن تليفونها.. لتشهق يا لهوي تليفوني ايه وقع مني نهار منيل انا عارفه اعمل ايه دلوقتي.. اروح اجيبه اه هو مش بعيد اصحي لؤلؤ.. لتتنهد لا سيبيها تنام هيا تعبت انهارده لتقوم وتلبس عباءه وتربط شعرها وتغطيه انا اخبي وشي كمان عشان كنا هنتفضح اه ونعمل لجدو مشاكل لتقوم وتذهب لنفس المكان تبحث عن تليفونها.
كان ليل يتقلي علي النار طول الليل.. لينفعل ويهب ماتتخمد انت مالك بتتلوي زي التعبان ليه اكده بتفكر في ايه انت مين دي ماخلاص. ليحس بخنقه في صدره ليخرج المنديل ويلمس الخصله ويتنهد يا تري هشوف ده تاني.
ليقوم ويلبس ملابسه ويخرج يتمشي لم يعرف كيف ينام ليجد نفسه يسير لا اراديا الي نفس المكان الذي قابل فيه تلك الجنيه.
وصلت حوريه للنهر لتظل تدور وتدور لتلمح تليفونها.. الحمد لله لقيته وهمت ان تسير وفي تلك الاثناء كان ليل يأتي من بعيد ليلمح شبح امراه ليقترب لتسمع هيا صوته لتلتفت لتجده نفس الشخص الذي قابلها لترتعب لتهرول مره واحده ليلحقها لتخفي وجهها كانت تضع وشاحا عليها يخفيها وتخفي نصف وجهها.
ليقترب ليل ويهتف.. بتعملي ايه اهنه.
لترتجف ولكنها تشجعت لتهتف.. مفيش كت كت كت ماشيه.
كانت تهمس ليرجف قلبه من ذلك الصوت ليهتف.. فيه حرمه تطلع بالليل انت بت مين.
لتهتف برعب خوفا من ان يعرف جدها انها خرجت دون اذنه لتهتف… مش من هنا واستدارت مسرعه.
ليسرع ويقف امامها ليهتف.. طب ايه جابك اهنه.
لتهمس.. همشي اهوه لتستدير.
ليقف امامها مسرعا لترتد فجاه لتنزل خصله من شعرها علي وجهها ليبهت ويرجف قلبه هو لتخفيها مسرعه.
ليهتف.. انت كتي اهنه جبل سابج.
لتهتف مسرعه.. لا لا مش انا مش انا. انا ماجيتش هنا خالص ولا قعدت ولا غنيت ولا حاجه والله.
ليبتسم مره واحده ليهتف.. كنك ماجتيش وماغنتيش.
لتهتف.. اه ماجيتش هنا من شويه وماشفتكش خالص صدقني . انا لسه جايه همشي علي طول
ليضحك هو ليقترب منها ليهتف..بس اني حاسس اني شفتك جبل سابج.
لتهتف مرتبكه.. مش انا والله.. مش انا خالص. ليضع يده علي راسه مكان خبطت لؤلؤ.
لتهتف مندفعه.. وجعتك الخبطه معلش.
ليبتسم ويهتف.. واشعرفك اني انخبطت.
لترتعب.. هاه.. لا لا ماهو ماهو.. شكلك باين بتتوجع..
ليقترب اكثر ويسهم في عيونها ليهتف.. انخبطت لما جلبي انهري.
لتهمس معلش حقك عليا والله بتوجعك كتير.هتخف بإذن الله
ليبتسم من حنانها.. ليهتف دلوك ماعايزش اخف اني.
لتهمس.. لا والله تخف حرام لتتنهد انا ماشيه.
ليندفع ويمسكها لتنتفض وتبتعد خوفا.
ليقترب.. طب مالك بتترعشي اكده.
لتنظر اليه وتهمس.. انت هتاذيني.
ليبتسم بحالميه ليهتف… ولا أجدر امسك بشئ.
لتتنهد وتهتف.. طب شكرا ليك امشي بقه ممكن طالما مش هتاذيني.
ليهتف.. وانت صدقتي اني مش هاذيكي علي طول اكده.
لتخاف مره اخري.. ايه بتكدب والنبي قول
ليضحك.. لاه مابكدبش بس هتصدجيني
لتهتف.. وماصدقش ليه هتكذب عليا ليا انا ماعرفكش.
ليبتسم اكثر ويهتف.. هو فيه حد اكده.. طب جوليلي منين انت.
لتتنهد وتهتف.. مش ينفع والله هتعملي مشاكل
ليقترب لتنكمش هيا ليهتف.. لا والله ماهعمل بس جولي منين انت وفين عيلتك.
لتهمس.. ماينفعش انا همشي بقه والنبي ماشي.
ليمسك تليفونها ويرن علي نفسه منها لتبهت.. ايه ده بتعمل ايه.
ليهتف.. هطمن انك وصلتي.
لتهمس.. لا عيب انا مش اعرفك
ليبتسم ويهتف.. ايوه ماتعرفيش بس ماعرفش اسيبك تمشي اكده لازمن اطمن عليكي
لترفع نظراته اليه لتنظر اليه ببراءه .. انت طيب قوي شكرا ليك لتهمس ممكن امشي بقه
ليهتف.. ليه مضايجك في حاجه.
لتهمس.. لا لازم امشي قرايبي واقفين قريب خالص لو شافوني هيزعلو لتستدير لتسمع زمجره خلفها لترتعب فكان احد الكلاب الضاله لتصرخ وتنتفض رعبا وتندفع الي ليل لتخبط في صدره لتصرخ الحق هياكلني.
ليضحك عن اخره ليحاوطها بيديه ليقع وشاحها ليظهر شعرها ليرجف قلبه لتكلبش فيه وتخفي وجهها في صدره وتصرخ.. حوشه حوشه والنبي هتاكل مش عايزه اتاكل انا.
ليضحك.. مالك بتتنفضي اكده ماتخافيش حاضر ليشير للكلب بعصاه ليبتعد الكلب ليعاود ويحاوطها. ليهمس دا ليله من الجنه يمين بالله.
لتهمس مشيته والنبي.
ليضحك. لا لسه مش عايز يمشي لتكلبش فيه وتصرخ.. هيموتني الحقني
ليضحك…. لتهتف ساخطه انت بتضحك علي ايه.
ليهتف.. لاه بفكر بس اللي هياكلك هيبدأ بايه هتبقي ليله.
لتهتف.. حرام عليك عايزني اتاكل لترفع عيونها اليه دامعه لتنظر اليه ليسهم في جمالها…. عايزك تتاكلي.. يا مري دانت ماتنفعش غير انك تتاكلي اكل.
لترتجف.. انت وحش وبتكدب وهتاذيني وهتسيبه ياكلني.
ليهتف حالما.. اسيبه ولا اوعي اسيبه يجرب منك الاكل له ناسه تاكل وتتهني بالهنا دا كله دا جنه دي.
لتنظر اليه وترجف لتهمس… انت بتقول ايه.
ليهمس.. بجول اللي يحلم بيه اي حد يشوفك.
لتنظر اليه ببلاهه لتهمس… طب مشيه عشان خاطري انا خايفه وخليك حلو انت قلت
ليهتف حانيا.. عيوني همشيه.
لتهمس طب يلا بقه انا مرعوبه.
ليضحك هو مشي اساسا من بدري. لتقطب جبينها وتلتفت فلم تجد الكلب لتبتعد مسرعه لتهتف ساخطه.. علي فكره انت شرير. واستدارت مسرعه تنصرف من امامه ليسهم قليلا فوشاحها عالارض وشعرها يظهر اخذ عقله ليظل متسمرا يراقبها تبتعد مسرعه ليفوق ويندفع ياخذ الوشاح ويلحقها ليهتف استني راحه فين انت.
لتنظر اليه ساخطه ولم تتكلم.. ليضحك.. ايه زعلانه.. كت بضحك معاكي.
لتشيح بوجهها لتهمس… انت وحش.
ليبتسم.. طب حجك عليا خلاص..
لتتنهد هيا وتهمس فهيا مسامحه بزياده… طب بطل تبقي وحش عشان الناس تحبك وما تكرهكش
ليبتسم ويقترب ويهمس.. .. عيوني هبطل حاضر دا يوم الهنا لما انحب.
لتتنهد وتهمس طب امشي بقه ممكن.
ليسهم.. مش عايز.
لتهمس لا والنبي.. هتعملي مشاكل ترضالي دانا غلبانه وبخاف.
ليبتسم ويهمس.. بس عن شرط.
لتهمس اتفضل..
ليقول اكلمك في الفون اطمن عليكي.
لتتنهد وتهمس.. ليه تتعب نفسك انا مش هشوفك تاني
ليهتف.. لاه هشوفك انا متوكد.
لتبتسم بسحر وتهمس.. طب امشي بقه.
لتستدير ليقترب ويهمس.. استني.
ليقترب ويضع الوشاح علي راسها.. تاج النور ده يتغطي ماحد يوعاله.
لتبتسم له وتهمس.. طب همشي.
ليهتف.. امشي وراكي طيب
لتهتف مسرعه.. لا والنبي.. اصل اصل.. هما قريبين واقفين وهيزعقو عشان ماقلتش ليهم يلا سلام.
ليظل واقفا قلبه يرجف من بعدها ليتنهد مالك اكده ماتسيبها تروح لحالها جرالك ايه. انت بس اطمن عليها انت هتتجطرن كمان يومين ربنا ياخدها البعيده كتش تبقي الجمر ده.. لا ازاى ينحدف عليا جهر السنين اطولك بس واطلع عليكي جرفي ان ماكت افلجك نصين ليتنهد ويعاود.
*********
مرت الايام والجده تراعي البنات وقلبها يتمزق عليهم ولؤلؤ تلاحظ شيئا غريبا في البيت استعدادات وافراح ليخبرها الجد انه سيعمل يوم دبح يحتفل بعودتهم ليطمئن قلبها وتسعد بجدها وانهم اخيرا اصبحو لهم اهل لياتي اليوم الذي يسبق الفرح لتنام حوريه في احضان الجده ولؤلؤ بجوارها لتهمس حوريه عارفه يا تيته عمري ماحسيت بالامان كان بابا بيضرب ماما وكان بيضربني معاها كنت بخاف واترعش واعيط شفتها بتموت قدامي ماستحملتش هو ليه مش حنين زيكو ليه يا تيته احنا ماعملناش حاجه وحشه داحنا بناته يسيبنا كده ولا يوم انام الا اما اتفزع افكر ليه عمل فينا كده ذنبنا ايه طب هو كره ماما يسبنا ليه يا تيته عارفه انا بخاف من كل حاجه بخاف من الرجاله والناس والدنيا.. قلبي بيوجعني حتي َمانفعتش في شغل انا مش نافعه في حاجه خالص حتي المفروض انا اللي اشتغل ماحصلش ماعرفتش اختلط بالناس من ضعفي وخوفي اسيب اختي الصغيره تتمرمط في الشارع وانا قاعده كاشه ليه يعمل كده كان نفسي يبقي ليا اب يخاف عليا كان نفسي يبقي ليا حد يخاف عليا انا ماليش حد يا تيته لما جيت هنا ارتاحت انكو حضنتونا وبقيتو عزوتنا انا نايمه في حضنك َمش عايزه اخرج يا تيته انت حنينه اوي انت وجدو عارفه يا تيته حاسه اني هبقي كويسه بعد كده ما جدو موجود واللي هيقربلي هجيبله جدو ونيجي بقه كل شويه نزوركو مش كده يا تيته هتاخدونا نزوركو والله احنا طيبين ومش بنعمل حاجه وخصوصا انا دانا غلبانه اوي البت لؤلؤ جدعه هتفرحو بيها اوي شكلها خدت العرق الصعيدي كله.. بس معلش بقه استحملوني بس والله طيبه وغلبانه وماليش طلبات غير انكم تحبونا وبس احنا عمر ما حد حبنا ولا دور علينا انا واختي لوحدنا نفسي يبقي ليا عيله كبيره اه كبيره وجدو يتباهي بينا احنا حافظنا علي نفسنا يا تيته والله ولا عمرنا عملنا حاجات وحشه َمؤدبين قوي.. هيجي يوم ونكبر والبت لؤلؤ تتجوز وجدو يقابل العريس ويتشرط ما هو جدو بقه ويقعد يقول هات وودي وبناتنا ماحدش يمسهم.. هنفرح اوي ان جدو هيسلمنا لناس كويسه يسال عليهم الاول وخصوصا انا يا تيته مايجوزنيش الا اما يلاقيه راجل طيب اوي وحنين عشان انا غلبانه ومابعرفش انطق.. بس انا نايمه في حضنك ومطمنه اوي ان جدو هيبقي في ضهرنا ولا يوم يذلنا ولا يرمينا زي بابا.. انا فرحانه اوي لتنهال دموع الجده لتحتضنها لؤلؤ ايه يا تيته انا عسليه بتعيطي ليه البت دي نكد بتعشق النكد هبله اعمل ايه بس خلفتكو بقه..
لتهتف الجده… انتو والله حبايبي وهتخلعو جلبي يا بنات ولدي.. بس لاجل حبيبكو النبي ماتزعلو مننا.
لتهتف حوريه.. نزعل نزعل منكو ليه يا تيته دانتو الصدر الحنين االي بيضلل علينا ولا يوم هتؤذونا.
لتهتف الجده.. الله في سماه مانجصد حاجه عفشه بس اتحطينا غصب في اللي احنا فيه سامحوني يا بتي وقامت لتهرب منهم.
لتهتف حوريه انا زعلتها والا ايه.
لتحتضنها لؤلؤ وتهتف… لا يا قلبي دا تيته بس اتاثرت شويه ماتشغليش بالك. لتبهت حوريه فتليفونها يرن متواصل لتخاف وتقفل تليفونها فهيا لا تعلم من هو ليل وعلي الجانب الاخر كان ليل يشعر بالاختناق انها لا ترد عليه ليتنهد انت طور كت مشيت وراها تعرف هيا مين اهي مابتردش ترد عليك ليه اصلا.. هم يا طور شوف حالك.
********
دخلت فتحيه علي عبد الرحمن لتصرخ بنات ولدك مايستهلوش اكده يا حاج عبده.. انا جلبي انخلع فوج البنته كيف البلسم وبتخاف هندوها لعيله الرفاعيه يذلوهم.
ليهتف… اعجلي يا حاجه دا اتفاج وتار لو اتخربط هتجلب حريجه وولاد ولدي التاني هيروحو فيها احنا خلفتنا رجاله ماجبش حريم الا سالم.
لتهتف.. منه لله اللي وحلنا اكده البنته هتجطع جلبي لو هيعرفو هينجهرو مايرضيش ربنا اكده خصوصا حوريه بت كيف الملاك تموت فيها يا عبده.
ليهتف.. اطمني اني هجعد مع الحاج بدران واوصيه دا راجل حجاني يعرف ربنا. ……. بقلمي ميفو السلطان
لتصرخ… و ولده ليل مايعرفش ربنا ليل هياخد حوريه يموتها يا حاج.. ليل واعر وجوي وحوريه كيف الملاك هتنحصر وتموت في يده يا مري يا حزني الاسود البت نايمه ترط بالكلام واحنا هنخلع جلبهم.. ليل هيجهر بتي اني عارفه وهيا نسمه ما هتنطوجش
ليهتف.. ايه اللي بتجوليه ده بطلي خربطه واصلبي طولك هاه عشان مانتفضحش
لتتنهد فتحيه وتجلس مقهوره تنعي حظ بناتها..
*******
نزلت البنات لتجد اولاد عموتهم ينتظرونهم محمود وزكريا ليقترب زكريا من حوريه.. ازيك يا بت عمي اني زكريا واد عمك لتبتسم بخجل ويتعرف الشابان علي حوريه ولؤلو.
ليهتف زكريا منورين الدار والدنيا ايه رايكو ناخدكو الارض تتفسحو شويه..
لتصرخ حوريه فرحا كالطفله ليبتسم زكريا ويهمس.. واد يا محمود البت زي بتوع الروايات الكرتون ايه الجمر ده دول هياخدوهم ليل و َجاسر يا مرارنا مش احنا اولي يا زفت الطين.
ليهتف محمود… اتلم في ايامك الطين اولي ايه دا دم وتار وبطل البنته هتسمعنا..
ليهتف.. حجه لو تتفركش الجوازه واطول البت الجمر دي دا يبقي يوم الهنا ليذغده محمود لتهتف لؤلو طب يلا والنبي بس هتجبولنا قصب انا بموت فيه.
ليهتف محمود.. اللي تامري بيه يا ست البنات لياخذانهم ويذهبا بهم للارض ليقضو اليوم باكمله في مرح ولعب وعيون زكريا ستنخلع علي حوريه ليزغده محمود.. لم حالك عينك هتبظ عالبت
ليهتف… مش جادر البت نار حوريه وهيا حوريه
…صلوا علي الحبيب المصطفى. ……
ليذهب اليها ويظل بالقرب منها كظلها يشاكسها ويلعب معها وظلا هكذا حتي اتي الليل ومرت الايام وزكريا لا يفارق بيت عمه هو ومحمود وتذمر اكثر من مره علي تلك الجوازه ولكن اخيه كان ينهره فزكريا طائش الي حد ما.. ليذهب الي عمه ويخبره انه يريد حوريه كزوجه له وان يتركوها له ولكن عمه نهره وانهم اتفقو مع عائله الرفاعيه لينقهر زكريا ويصرها في نفسه ان ليل الرفاعي اخذ الفتاه التي تحق له لتمر الايام والفتيات سعيدات باولاد عمتهم وجدتهم تشعر بالقهر ليمر اليوم وياتي ميعاد الفرح.
ليدخل عليهم الجد الليل يا حباببي عاملين ليله برجوعكو ودابحين الدبايح والأفراح.
لتبتهج حوريه… بجد يا جدي يعني انت فخور بينا..
ليتنهد وياتي ويحتضنها.. يمين بالله ما فخور الا بيكو يا بتي وهشيلهالكو علي راسي العمر كله انكو عليتو عيلتنا ونجدتوها 1ليكمل بس بجولكو عوايدنا بناتنا ما هتكشفش علي حد واصل وهنلفو بيكو البلد هتلبسو ملس ابيض مايبانش طرفكو.
لتضحك حوريه.. الله والنبي يا جدو هنلف البلد زي العرايس.
ليهتف بحزن.. ايوه يا بتي يا غاليه انت كيف اكده ربنا يسعدك يا بتي.
لتحتضنه وتهتف.. اني بحبك اوي يا جدي.. ليخرج والقهر في قلبه فليس امامه حل اخر لقفل سلسال الدم لتاتي الحاجه وتزين الفتيات لتلم حوريه شعرها لتهتف فتحيه لاه لاه ماتليمهوش خليه دا ياخد العجل.. لتهمس لنفسها عالله يشوفه ليل وينسحر بيه وما يأذكيش يا غاليه لتنزل دمعه منها
لتهتف لؤلؤ.. ليه يا تيته مانلم شعرنا تحت الملس الدنيا حر.
لتهتف… لاه اني عايزاكو جمرات اكده وجايبالكو هدوم كيف الملايكه كانت حوريه تقف تلبس فستانا ابيض مرصع بالالماظ وشعرها منسدل كان فستانا بلا اكمام وفتحه صدر وضهر عاليه يبرز جمالها كانت كجنيه هاربه من عالم الروايات اما لؤلؤ فكانت كاللؤلو بشعرها الاسود الطويل وعيونها الزرقاء وجسدها الرائع كانت كاميره تشع نورا فتاتان ذو طلعه تخطف العقل لتقف فتحيه تنظر اليهم بقهر وتتحسر علي جمالهم.. يا مري يا مراري بتين ذي الجمر هينجهرو وياخدوهم طورين كيف البهايم منك لله يا سالم جلبي بيتمزع..
لتضع عليهم الملس وتهتف الملس ده برَوحكو ينكشف فاهمه يا حبيبتي انت وهيا
لتهتف حوريه عيونا يا تيته..
********
ليمر الوقت وياتي الرجال ويحضر سالم ولم يصعد حتي لبناته ليقترب منه ابيه ويقف بجي بناتك رامحين يا سالم وماعدوش تحت يدك يا ولدي ليبهت سالم ليرفع يده عبد الرحمن ويصفع ولده ليبهت وتقف زوجته مني تنظر بذهول.
ليهتف سالم بتضربني يا ابوي
ليصرخ اضروبك دانت عايز الحرج بجاز وسخ.. بقي يا وسخ ترمي بناتك ومرتك مريضه تسيبها تموت ولا تعالجهاش.. بناتك ترميهم يا نجس ولا تصرفش عليهم طب كت هاتهم هكل بلجمه لحمنا اياك تسيب بتك الصغيره تنزل تشتغل في الشوارع يا جاحد ياللي ماهتورد علي جنه.. بتين كيف الجمر يتسابو اكده من غير راجل يحاميلهم وكلاب السكك تنهش فيهم انت ايه وسخ ليه اكده لا وجاي تتبلي عليهم يا ناجص وتجولي بيرمحو رمح عليك عزرائيل يا بعيد متجوز حربايه تعصيك علي مرتك وبتك وكل شهر تاجي تلهف علي جلبك اد اكده وتكبش وترمي للمره اللي رمت ولادك وولادك مالجينش ياكلو منك لله بنات كيف الجمر بلسم يتعمل فيهم اكده لا وبدل ما تاخدهم في حضنك جاي ترميهم كيف الكلاب وتكمل عليهم تخليني ارميهم بيدي للرفاعيه يذلوهم واحده غلبانه مابتنطوجش هتموت عندهم محصوره والتانيه كيف الفرس هيموتوها هما ماهيسيبوهاش اني خابر ولاد الرفاعيه شداد انت ليه وسخ وواطي اكده.
ليصرخ.. ايه موطي راسك مش لاجي حاجه تجولها منك لله بس لاه اني هحرج جلبك انت تغور من اهنه مالكش مليم بعد اكده وارضك البنته هتاخدها تعليهم عند الرفاعيه مالكش حاجه خالص.
لتصرخ مني… مالناش ازاي انت هتدي فلوسنا لولاد البنات. ليقترب منها ويصفعها علي وجهها انت مره سو محراب شيطان تخرسي وتكتمي في جاعده الرجاله اهنه صحيح ماعكيش راجل وخلتيه مره بس اني هحرج جلبكو انتو تموتو عالفلوس مفيش مليم بعد اكده ومشي حالك بالملاليم اللي معاك يا سالم واعتبرناك ميت واياك تعاود اهنه تاني عيش حياتك شحات وافرح بمرتك السو دي.
ليصرخ سالم… لاه يا ابوي هنعيش كيف الله يرضي عنك
ليصرخ عبد الرحمن… ان شالله ماعيشت نزل مرتك تشتغل زي ماسيبت بناتك يا جاحد يا عره الرجاله يا ديل الست منك لله جلبي هيتجطع عالبنته منك لله اجول ايه فوضت امري للي لا يغفل ولا ينام..
ليجلس سالم مقهورا ينتظر حياه ذل علي يد زوجته الجاحده فهيا تعشق المال وهو كان يكب عليها من والده اما زوجته فتجلس مغلوله وقلبها يتشبع بالغل.
*********
ليمر الوقت لياتي ليل وجاسر وابيهَ والحاج مهدي كبير البلد ليكتبو الكتاب لتنتهي المراسم ليقف عبد الرحمن ليقول… يا حاج انا اديتك بناتي بس عايز عهد لا ينأذو ولا ينجهرو
ليهتف ابو ليل.. احنا بيت اصول يا حاج اطمن
ليهتف ليل لاخيه ساخرا… لاه وبيتشرطو ايه الجرف ده والله بطني جلبت.
ليذغده اخيه… اتنيل اكتم بجه عدي الليله المخروبه دي مش طايج روحي.
لينظر اليه باستغراب.. لا والله امال مين يا حزين اللي كان مبسوط وهتحب وتسحسح فيها لما تلاجيها جمر مش ده كلامك..
ليتنهد جاسر ويتذكر لؤلؤ التي لا تخرج من باله ليهتف بلاش جرف ال احب واسحسح ماعادش الا بنات العتامنه كمان احب فيهم.
ليبهت ليل.. انت انجنيت صوح ربنا يشفيك
ليهتف… ايوه انجنيت ومش طايج حالي ولا طايج البت دي حاسس اني هطبج في زماره رجبتها.
ليضحك ليل… لا اللسع عالي انت اتبدلت اياك امال فين الحزين اللي هيعيش ماهي اي مره تنفع.
ليسهم في لؤلؤ…. لاه اي مره ايه مفيش زي العيون الجطط مفيش زيها واصل.
ليهتف ليل… جطط ايه يا حزين
ليبهتف جاسر… هاه لاه مفيش مفيش انجتم بقي هناخد العرستين ونغور ميته اني مخنوج.
ليهتف ليل.. ومين سمعك شالله تعدي الليله الا في سماه ارجعها علجه اطلع روحها لو نطجت.
ليضحك جاسر… وخد الحزينه بتاعتي ارجعها معاك دا مرار طافح..
*********
كانت فتحيه تجلس مع زوجه ابنها الاخري لتهتف جلبي هيموتني عالبنات يا فوجيه هموت
لتهتف واني والله يا مرات عم البنات كيف البلسم هيموتو فيها.
لتهتف… لو عرفو هينجهرو ويموتو اني خايفه عالبت حوريه لؤلؤ شديده حوريه غلبانه
لتهتف فوقيه.. ايوه يا مرات عم البت كيف الملاك ربنا يستر ما حدش يرضي اكده ظلم ليه مايعرفوش حد يتجوز من غير مايعرف..
لتتنهد فتحيه جيب العواجب سليمه يا رب ومانتفضحش..
لم تعي فتحيه وفوقيه لتلك الحربايه التي تتصنت عليه زوجه سالم لتهتف بقي كده مخبين عالعقربتين الصغيرين اللي عصو الحاج علي جوزي وهيلهفو الاراضي لا والله لاحرق قلوبهم وافركش الجوازه وتبقي فضيحه
لتتسحب َلتصعد لتجد الفتاتان جالستان لتدخل وتنظر اليهم بخبث.. قمرات والله مبروك يا حبايبي.
لتبتسم حوريه وتنظر اليها لؤلؤ وتهتف… مبروك علي ايه يا طنط.
لتهتف… علي جوازكو يا حبايبي انتو اتجوزتو ولاد الرفاعيه والرجاله تحت.
لترجف حوريه وتنظر الي اختها التي انتفضت لتقول… انت بتقولي ايه يا وليه انت انت اتجننتي.
لتهتف… ايه ده انتو ماتعرفوش يا حرام دانا قريبه فوقيه من بعيد قلت اطلع اشوف العرايس وابارك.
لتصرخ لؤلؤ… تباركلي لمين يا وليه يا مخبوله انت
لتهتف حوريه.. فيه ايه يا لؤلؤ هيا بتتكلم جد جواز ايه انا خايفه
لتهتف مني بحزن… اه والله انكتب كتابكو حوريه علي ليل وانت علي جاسر.
لتنحسر لؤلؤ… يا نهارهم اسود ومطين بقي جايين ياخدونا عشان كده ولا جاين يودونا.
لتهتف مني….. وابوكو تحت وكتب كتابكو خلاص ورجالتكو كلها دقيقتين ويطلعو ياخدوكو.
لتصرخ حوريه…. لا لا لا َوالنبي مين اللي هياخودنا لا والنبي.. لؤلؤ انا مش قادره اخد نفسي هموت مين اللي هياخدنا انا انجوزت راجل انا اتجوزت كانت تنتفض ولؤلؤ مشلوله لا تعرف ماذا تفعل.
لتهتف مني… اهربو يا بنات ده الحل بسرعه لازم تهربو والا هتعيشو حياتكم مذلولين حطو الملس عليكو واهربو ولما تخرجو برات البلد اكشفو وشكو واركبو وخدو فلوس اهيه خلوها معاكو تنفعكو.
لتهتف لؤلؤ…. عندك حق قومي يا حوريه كانت حوريه تنتفض لتصرخ لؤلؤ لا مش وقت ضعف قومي حياتنا هتروح قومي اصلبي طولك لتقوم حوريه وتتحامل علي ضعفها وتهتف مني القوضه دي كت بنام فيها بلكونتها بتطل عالجنينه الخلفيه انزلو من سكات لتنزل معهم مني من الخلف وتراقب المكان وتقودهم الي احد الاماكن التي تعرفها ليخرجا من سكات من مكان خلف الفرن كانت مني تعرفه مكان يطل علي الارض الزراعيه ومكان كبير للحيوانات لتهتف مني اجرو من هنا علي طول وإياك تبصو وراكو فاهمين لتنطلق الفتاتان تجريان والقهر يتلبسهما وحياتهم علي المحك واخذت لؤلؤ اختها وعدت بها كانو يصارعو الريح حتي لا تنتهي حياتهم في تلك البلده مع اولائك ناس لا يخشون الله لتعود تلك الحيه وتدخل علي جمع الرجال صارخه وتقول اتفضحناااااا يا ناااس بنات سالم فضحونا ..
ليهب ليل وجاسر لتصرخ وتقول 😳😳😳😳😳😳😳
- يتبع الفصل التالي اضغط على ( رواية حورية في قلب الليل ) اسم الرواية