رواية حنين (كاملة جميع الفصول) حصريا عبر دليل الروايات بقلم هايدي احمد
رواية حنين الفصل الخامس 5
حنين)
دخلوا القاعه وقعدو على ترابيزه حنين وحماتها وريهام و فاطمه ومجموعه من الستات قرايب العيله
وبدأو يتكلموا ومن ضمن كلامهم فتحوا موضوع الحمل وان حنين اتأخرت فى الحمل وطبعا الموضوع مخلاش من مشاحنات ريهام : اه صحيح يا حنين انتم اتاخرتو كده ليه فى عيب ولا ايه ، حنين بصتلها ومردتش عليها
وهى عارفه انها بتعمل كده عشان تظهر نفسها وانها جابت توأم وتتفاخر بكده قدامهم بس افتكرت التوأم وانهم احلى حاجه فى العيله دى شافتها وبتعتبرهم ولادها الى مش خلفتهم وبتحمد ربها انهم طلعوا لابوهم ولعمهم مش لأمهم 😂
وقفت الكلام فى الموضوع ده كله حماتها وربتت على كتفها وهى بتبصلها بحنان
الام :لا مفيش عيب ولا حاجه لا ابنى ولا مرات ابنى حد فيهم معيوب انا سايباهم على راحتهم ومش مستعجله
و بصت لريهام
حنين حمدت ربها ان هى بتدعهما وواقفه جمبها وده تحت نظرات الغيظ من ريهام وفاطمه
ريهام :شايفه بتعاملها ازاى ده ولا كأنى موجوده
فاطمه:ما انتى لو تسمعى كلامى فى الى بقولك عليه
ريهام: والنبى تسكتى انتى كل ما تخططى لحاجه بتقع فوق راسي انا فى الاخر لا وكمان بتحبها اكتر شكل الموضوع مش نافع كده ومش هتكرهها و اكيد هتشك فيا لو حصل حاجه
فاطمه:خلاص انتى حره خليها تاخد مكانك مع ان انتى الكبيره وجبتيلها بدل الحفيد اتنين
ريهام :طب بس خلاص اسكتى واتلهى فى موضوعك وسيبك منى
فاطمه :لا متقلقيش انا عارفه انا بعمل ايه كويس
ريهام :اما نشوف
شردت حنين لما شافت العريس اخد عروسته وطلع على الاستيدج وابتسمت لما بدأو يرقصوا سلو على أغنية خلينى فى حضنك و دى الاغنية الى رقصت عليها فى فرحها هى وأحمد
فلاش باك
كانوا بيتمايلوا على نغمات الاغنيه وهم سرحانين فى عالمهم الخاص
حنين بخجل : هتفضل باصصلى كده كتير
احمد: مش قادر ابص فى حته تانيه او ابعد عينى عنك معقوله انتى خلاص بقيتى ملكى وبين ايديا مش مصدق حاسس انى بحلم
ميل عليها وكان على وشك انه يبو*سها
حنين بعدت وشها :ايه بتعمل ايه يا مجنون احنا وسط الناس
احمد:ايه مش مراتى و بتاكد انى مش بحلم
حنين وهى بتبصله فى عنيه :لا صدق انت مبتحلمش انا دلوقتى قدامك ومعاك
باسها من جبينها وبعدين من خدها قبله طويله
حنين :بس خلاص ده اسمه تحرش على فكره
:ههه ايه مراتى حد ليه عندى حاجه
:ايوه بس لينا بيت يلمنا يا حبيبي مش كده
:الله قوليها تانى كده
حنين بحيره وخجل :هى ايه دى
:حبيبي
:بس كده ..لا
:فصيله مش كفايه الوش الخشب بتاع الخطوبه يا مفتريه
حنين :ههه اتعود على كده بقى
احمد :ده باينه هيبقى مرار طافح بس على قلبى زى العسل
وفى آخر كلمات الاغنيه شالها ولف بيها وهى بتضحك وحضناه من سعادتها
انت هدية ربنا ليا
انت حبيبي وأغلى الناس
باك
فاقت من شرودها والعريس والعروسه بينزلوا من على الاستديج وابتسمت على ذكرياتها وقعدت تدور بعنيها عليه حواليها بس اتصدمت لما لقيته
كان واقف بعيد وفاطمه واقفه جمبه وماسكه فى دراعه
من شكلها واضح انها بتقنعه بحاجه وهو مش راضى
مقدرتش تستحمل وقامت راحت بإتجاهم
فاطمه :والنبى يا احمد هنرقص شويه صغيرين بس مع سامى تعالى معايا
احمد :يا فاطمه انا انتى عارفه انى مبحبش الرقص فروحى انتى احسن وسيبى ايدى عشان مينفعش كده
عشان خاطرى خمس دقايق بس هنرقص معاه
قعدت تتحايل عليه وكان على وشك يوافق لولا انه لاحظ حنين جايه نحيتهم وركز فى تفاصيلها وتفاصيل جسمها مع الفستان الضيق الى هى لبساه واتضايق اكتر لما شاف نظرات الموجودين عليها ساب فاطمه ومشى بسرعه نحية حنين الى كانت جايه متعصبه شدها من ايديها واخدها بره القاعه
فاطمه اتغاظت لما سابها ومشى ومعبرهاش
فاطمه :ماشى يا ست حنين ملحوقه
_______________________
طلعت بره القاعه ووقفت فى الجنينه الى قدامها مش قادره تشوفه بتجوز قدام عنيها وهى رايحه تباركله أنبت نفسها انها معترفتلوش بحبها من الاول بس بتراجع كلام حنين وان النصيبها بيبقى مقدر ليها يمكن حتى من غير ما تتكلم وخانتها دموعها ونزلت لقت حد بيديها مناديل بصت لقيته حسن
هنا: احم فى حا..جه
حسن : لا ابدا انا كنت واقف هنا وشوفتك وانتى بتعيطى ف..
هنا : انا مكنتش بعيط ده بس فى حاجه دخلت فى عينى
حسن : اه اذا كان كده ماشى واضح ان نفس الحاجه جت فى عنيكى الاتنين.. بتحصل
هنا : لا مش ك.. الله وانا ببررلك ليه انت مالك حاشر نفسك ليه دى عينى انا
حسن اتصدم انها قلبت كده مره واحده
وجت عشان تمشى بس رجعت اخدت منه المناديل
هنا : شكرا
وسبته واقف مصدوم وايده لسه زى ما هى
مشيت وقعدت تمسح فى عنيها ووشها عشان محدش ياخد باله
حسن: هى هتيجبه من بره يعنى مش عارف الاقيها منها ولا من اخوها يارب صبرنى على العيله دى
__________
حنين :سيب ايدى يا احمد جاررنى وراك كده ليه
احمد :بس اسكتى مش عايز اسمع صوتك
حنين وشدت ايديها منه :فى ايه سيبنى الله
احمد :ايه الى انتى لبساه ده ها فهمينى
حنين ربعت ايديها ومردتش عليه
احمد:ما تردى عليا انا سمحتلك تلبسيه انتى عايزه تجننينى
حنين :والله على اساس انك واخد بالك منى ما انت مشغول بحاجات تانيه
احمد بإستغراب :حاجات تانيه ..حاجات ايه دى
حنين :تقدر تقولى حضرتك كنت واقف مع الست فاطمه بتعمل ايه وكمان ماسكين ايد بعض
احمد بتهكم :ماسكين ايد بعض انتى اتهبلتى هى كانت عايزانا نروح نرقص مع سامى مش اكتر انتى فهمتى ايه
حنين :لا والله ومن امتى وانت بتحب الرقص سيادتك
احمد :ما انا مرضتش ولو خدتى بالك ان انا معاكى دلوقتى يا هانم ثم انا كنت بكلمها بهدوء عشان محرجهاش واظن انا قولتلك ان فاطمه زى اختى وبس حصل ولا لا
حنين سمعت كلامه ومردتش
احمد بنفاذ صبر :ما تردى
حنين :ح..حصل
احمد وهو بيشاور عليها : ثم تعالى هنا ايه ايه ده بقى
كانت لسه هتتكلم بس ....يتبع
جماعه خلاص هسمى الروايه (حنين )
البارت ال 5
•تابع الفصل التالي "رواية حنين" اضغط على اسم الرواية